زمان لما كنا بنتكلم عن الديموقراطية وعن حرية الرأى والتعبير
والاختلاف فى الرأى لا يفسد اللى مش عارف ايه
وياما اتناقشنا وجادلنا .. واحيانا اتخانقنا :D

والادهى والامر لما وصلت لامور الدين
وبقت الناس تدخل الدين فى المجادلة تحت مسمى حرية التفكير والتعبير والذى منه
طبعا احنا موصلناش للى احنا فيه ده الا من بعد ما عرفنا مصطلح الديموقراطية

تعرفو
كلمة ديموقراطية دى بتستفذنى جدا :D
مش عشان مبدأ الديموقراطية نفسه
ولا عشان انا ديكتاتور مثلا
لا خالص

بس عشان احنا شعب .. لا يصلح معه الديموقراطية
طبعا اللى بيقرا دلوقتى هيقولك ايه المتخلف ده !!
هعمل نفسي مش واخد بالى دلوقتى وهكمل

هههههههههههههههههه
افتكرت صديقي الصدوق محمد صلاح لما كان يقولك انا ديكتاتور .. ودا شعب مينفعش معاه الا الديكتاتورية
وكنت بضحك واقوله ايوة صح
وكنت بقولها عن اقتناع
بس كنت تلاقي الناس مش بالعاها من محمد صلاح
المهم

لو خدنا الموضوع بتأنى شوية وهقنعك
مهو يا تقنعنى يا اقنعك
انا ماعرفش حاجة اسمها الاختلاف فى الرأى لا يفسد للود قضية
دى مش فى قاموسي

الاختلاف دا ممكن ينفع فى حاجات محدودة جدا
وانت قاعد تحلل ماتش كورة مثلا
وانت بتتخانق مع مراتك فى البيت
ولو ان دى كمان ماعتقدش بردو :D

دايما اقول لـ مى ايه
انا ديكتاتور ديموقراطى
تقولى ازاى

اقولها يعنى هنختلف هنتخانق هتشرحيلي وجهة نظرك
هسمعها للاخر وهفهمها
اقتنعت هقولك حاضر وهو كذلك
ماقتنعتش هقولك لا انا هعمل كذا لان دا هو الصح
ومش هعمل غيره .. انا معنديش معارضة
ههههههههههه

يعنى بردو مفهاش لا يفسد للود قضية

نرجع لموضوعنا
هى فعلا لا تفسد للود قضية ؟
لا بتفسد والله
دى بتودينا فى داهية كمان
ازاى ؟

تعرف ان الديموقراطية دى بتقوم على الكفر !!
كفر ؟
اه بتقوم على الكفر
ليه ؟

لما يطلع واحد يقولك مثلا احنا هنجوز راجل لراجل
الموافق يرفع ايده
ده ود وده موافقون
اغلبية

وايه هى الديموقراطية ؟
هى رأى الاغلبية من الشعب
الاغلبية عايزة كده ؟ .. اه .. يبقي يمشي

طب هل دا يعقل ؟؟

مثال تانى

جه واحد قالك احنا هنعمل الصلوات 3 بس مش 5
الموافق على هذا القرار يتفضل برفع ايده
ده وده وده
اغلبية .. موافقة
هل دا يعقل ؟؟

اكيد لا طبعا
يبقي مفيش حاجة اسمها ديموقراطية
امال فى حاجة اسمها ايه يا عم انت

اقولك فى حاجة اسمها شورى
الشورى

وكان امرهم شورى بينهم
واحد يقولك طب متقول ديموقراطية
طب واقول ديمواقراطية ليه هى اسمها شوري
يقولك ايوة يعنى ديموقراطية
اقوله لا مش ديموقراطية

فى فرق واضح بين الشورى والديموقراطية

الديموقراطية زى ما قولنا هى رأى الاغلبية
واللى مش موافقين دول اسمهم معارضة

الشوري مفهاش معارضة .. احنا معندناش معارضة فى الاسلام
حتى كمان الحاجة اللى ورد فيها نص او موجوده فى المنهج مفهاش شوري

يعنى لما كان يبقي فى حرب او غزوة مثلا
كان الامر شوري
مين موافق يطلع
انا وانا وانا
والباقي لا
الباقي دا يقعد واللى موافق بس هو اللى يروح ؟؟
لا طبعا
هيطلعو بردو
كله بيطلع
هنا اصبح مفيش معارضة
وهو دا كان سر قوة الاسلام

ان كلهم بيجتمعو على قلب رجل واحد
كان لما يتفقو على حاجة كلهم بيوصلو لحل واحد
وبكده مش هتحصل مشاكل ومش هتظهر احزاب

واول ما فكرو يختلفو
ايام خلافة سيدنا على ظهرت السنة والشيعة
ولسه فى المشكلة دى لحد النهارده

يبقي خدنا ايه من الديموقراطية!!

زى واحد بيقول للتانى يا حمار
قاله انا مش حمار ومتشتمنيش
قاله لا حمار
قاله خلاص ناخد راى الناس وديموقراطية بقي
ويروح يجيب اغلبية الناس تشهد
يقومو معلقينله ديل ويبقي حمار
طب هل يعقل ؟؟

نرجع لفوق خالص
يبقي ليه بقي كنت بقول احنا شعب لا يصلح معه الديموقراطية
لان احنا بالذات احسن شعب يفتى فى العالم
لو بطلنا نفتى نموت
وكل واحد عايز يبقي مختلف وكل واحد عايز يبقي ليه رأى لوحده
وكل واحد عايز يبين للى حواليه ان هو حاجة تانية غير كل الناس
ولو سمعنا لكل واحد لوحده وهو دا اللى بيحصل دلوقتى
تلاقي كل واحد ماشي فى سكة
وكله بيشتم فى كله وكله بيغلط كله
والنتيجة اننا وصلنا للحال اللى احنا وصلناله ده !!

عارفين
مش هى دى بس المصيبة
المصيبة لما توصل للدين
لما تلاقي واحد عنده مدونة زى كده مثلا وقام جايب موضوع فى الدين
وراح عامل افتكاسه
وقالك دا رأيي :|
ربنا خلقلى عقل عشان افكر بيه
ويبدا بقي يخش فى مناطق محظورة
ويدخل نفسه فى جدل هو مش اده
والمصيبة الاكبر لما يدخل اللى بيقروله معاه فى الجدل ده
والدايرة توسع !!

كل دا عشان ايه
عشان كلمة ليه
ليه دى متتقالش لربنا
احنا المفروض متأدبين مع الله
ربنا سبحانه وتعالى لما يأمر نقول سمعنا واطعنا

لما ربنا يبيح ويحل
يبقي سمعنا واطعنا
هتجادل انت وتقول بعقلى ؟؟

طب مهو دا الدين
هو الدين ايه غير تشريعات .. تحليل وتحريم
مش عاوز تسلم بالاوامر يبقي انت مش عاوز دين
المسلم المؤمن بيقول سمعنا واطعنا
ربنا قال منتدخلش فى الجزء ده يبقي سمعنا واطعنا
لكن لما تحط مناخيرك فى كل حاجة
وتقول ليه واشمعنى يبقي انت دخلت فى دايرة المحظور

ابسط مثال
انت بتتوضا ليه
اوعى تقولى نضافة
بدليل انك ممكن تكون مستحمى ومتطهر ومتعطر
وبتطلع بردو تتوضي
ليه ؟
ربنا امر بكده يبقي سمعنا واطعنا

حاجة تانية اوضح
ربنا حرم الاصنام وعبادة الحجارة
وفى نفس الوقت احنا بنطوف حول الكعبة
وبنقبل الحجر الاسود
بتطوف حوالين حجر وبتقبل حجر
بتمسك حجر وترجم حجر

نقول ليه ؟؟
مفيش ليه
لان دا منهج
هكذا امرنا الله وهكذا نفعل
سيدنا عمر ابن الخطاب بيقبل الحجر الاسود وبيقول "اعلم انك حجر واعلم انك لا تضر ولا تنفع
ولولا انى رأيت رسول الله يقبلك ما قبلتك"
ايمان كامل ويقين تام

يبقي دى مفهاش بالعقل
هتقولى ربنا قال نحن قوم يعقلون
اقولك ماشي
قوم يعقلون فى علم الشهادة
"الحواس الخمسة"
اى حاجة من الخمسة دول فكر فيها بعقلك زى مانت عايز
انما اوامر ربنا نقول سمعنا واطعنا

امور كتير هتفكر فيها مش هتوصل لحل
بالعكس تفكيرك هيوصلك لاصل الكينونة والربوبية
والنتيجة انك هتلحد !!
ليه
لان انت مش اله
احنا بشر ووظيفتنا العبادة
"وما خلقت الانس والجن الا ليعبدون"
فى اطار طبيعتك كانسان اتكلم
اذا كان انت مش عارف تبص للشمس ولو بصتلها تتعمى
يبقي تبص لربنا وتقوله ليه ؟
اعرف حجمك .. قيم قدراتك

ليه دى تفوق قدرة العقل البشري
حاجة انت عقلك كأنسان يعجز عن فهمها
يبقي هكذا امرنا وهكذا نفعل
سمعنا واطعنا

نرجع بسرعة لحتة الديموقراطية
ومثلا موضوع شغل الستات

ربنا خلق المرأة ل4 وظائف
ارجل راجل فى الدنيا ميقدرش يشارك المرأة فيهم

الانجاب - تربية الاطفال - حضانة الزوج - البيت

فيهم الشغل ؟
لا

يعنى الستات متشتغلش خالص ؟؟
لا مش كده بردو

فى حاجة اسمها ضرورة
والضرورات تبيح المحظورات

لو تخصصها دا نادر والناس فى حاجة ماسه ليه
او لو واحدة مثلا ارملة .. واحدة مطلقة .. ولا تجد من يعولها .. واحدة جوزها مستواه المادى ضعيف
ومحتاجين انها تشتغل عشان تساعده على مصاريف المعيشة
وركز معايا على مصاريف المعيشة دى

يعنى متجيش واحدة تقولك انا بشتغل عشان اشترى مايكرو ويف
اصل احنا عندنا عربية 128 وعايزين نجيب واحدة احسن
حاجات زى كده

لا طبعا احنا بنقول الامور الصعبة اوى اللى هى مصاريف المعيشة
الاكل والشرب والمسكن
غير كده شغلها غلط

دلوقتى تيجي تكلم واحدة تقولها الشغل لا
تقولك دا كيانى .. دى شخصيتي
وتلاقيها اصلا قاعدة على مكتب بتأور بتنجان
يا ريتها حتى بتعمل عمل جليل يعنى هيفيد البلد

زمان لما كانت الستات بتطلع الغزوات
عشان عارف ان فى ناس هترد تقولى كده

الستات كانت بتطلع الغزوات عشان يعالجو الجرحى
كانت ستات طبيبات
وكان اول حاجة بيأمنوها فى الحرب هى الستات
واول حاجة بيفكرو فيها ساعة الهزيمة هى الستات

ودى طبعا حجة فاشلة مدخلينها فى دماغ الستات عشان يخلوهم متمسكين بالشغل
لان زى ما قولنا عملها دا لازم يبقي حاجة للناس مينفعش يعملها غيرها

لكن يقولو للستات ايه
هتقعدى تخدميه فى البيت ؟؟ .. هتخدمى سي السيد ؟؟
لا اطلعى برا اخدمى ناس تانية
تحت مسمي الشخصية والكيان

يقولك مطلوب انسه للعمل
ليه انسه يا عم
عشان تجيب زباين
عشان هى وجه حسن
لا حول ولا قوة الا بالله .. هو دا الكيان ؟؟

ودخلنا نفسنا فى متاهة الاختلاط
وظهر التحرش والزفت وبقينا فى مصايب
ويرجعو يقولولك ظاهرة التحرش ايه اسبابها
مهو انتو اسبابها من البداية !!

تحت مسمي حرية المرأة بقت المرأة دى سلعة

طب والراجل
الرجال قوامون على النساء
مش بالفردة ولا بالعافية
امال بايه
بما فضل الله بعضهم على بعض وبما انفقو من اموالهم
يعنى قوامة تكليف .. مش قوامة تشريف

يعنى جوزك دا هو اللى بيخدمك قبل مانتى تخدميه
وانتى معززة مكرمة مصونة

لو بصيتي لدينك
الاسلام هو اللى بيديكي كيانك وهى اللى بيديكي قيمتك

خلاصة الكلام

نحن قوم اعزنا الله بالاسلام فأنا اردنا العزة بغيره اذلنا الله


يا رب يكون كلامى خفيف ع الناس
انا بقالى كتير مبكتبش لان مكانش فى دماغى موضوع حاسس انه يتقرى
المرادى جاى بموضوع طويل اهو
اقرو بقي لو عاوزين :D

اللهم


اللهم يا من جعلت عيسى بلا أب
و جعلت سليمان يكلم من يأكل الحَب
و نصرت موسى على من قال أنه الرب
و أحببت محمد حب ليس بعده حب
و حميت مريم من القذف و السب
و أخرجت يونس من الظلمات و يوسف من الجُب
و جعلت الشجر و الحجر يسبحونك بلا روح و لا قلب
ربي أنت القريب و الصاحب
أنت المجيب و السامع
فارحم ضعفنا و يسر أمرنا
و حقق لنا نجاحا فإننا بحاجة إليك ..

i'm here

منسيتش البلوج .. ومش هنساه

ببساطة لانه افضل بيئة لقيتها على النت من يوم ما عرفته

عرفت منه حاجات كتير ولسه بعرف
ومش هبطل اعرف .. وبردو مش هبطل اكتب

بس هو كل فترة وليها ظروفها...

.
كفاية دلوقتى
.

تحياتى لكل اللى بيقرا
اللى بيقرا بس .. هه يالا بقي :P


المكان: المدينة الجامعية للبنات


سلمى: شوفى يا امل
امل: اللــــــــــه .. تحفة يا سلمى .. وريني كده
سيبيه بقي هلعب بيه شوية
مين جابهولك ده ؟؟
سلمى: دا وليد جابهولى فى عيد ميلادى
امل: اه .. ربنا يوفقكو
.
.
بعدها بيومين

سلمى: ايه يا امل بتعيطي ليه
امل: حسام مبيردش عليا
بتصل بيه بقالى يومين .. مفيش مرة رد ولا حتى اتصل بيا
سلمى: ليه هو حصل ايه اخر مرة
امل: مفيش .. مشكلة عادية .. خلاف بسيط زى كل مرة
لقيته بيتعصب عليا وبيقولى متتكلميش معايا تانى
سلمى: طب وانتى عملتى ايه
امل: عادى .. انا بحسب زى كل مرة .. هيتصل بعدها بشوية يصالحنى
حسام مبقاش بيحبنى يا سلمى
سلمى: لا متقوليش كده .. حسام بيحبك .. بس تلاقيه مشغول شوية اليومين دول
امل: بصي انا زهقت بقي .. انا مش عايزة منه حاجة تانى
اصلا مفيش ولد كويس .. كلهم بيمثلو .. وكلهم ميستاهلوش
سلمى: ليه بس بتقولى كده .. خير ان شاء الله
امل: يا بختك انتى مبسوطه مع وليد .. مش بيعاملك وحش زى مانا متهببة كده
سلمى: ههههههههههه .. والله كلهم متعبين يا امل
.
.

المكان: صالة بلياردو

هانى: مترد يابنى على التليفون دا ولا اقفله خالص .. دماغنا وجعتنا
مين يا عم امل دى اللى عمالة تتصل مبتسكتش
حسام: يا عم سيبك منها .. دى بت خنيقة
لفيت معاها شوية وخلاص .. خدت وقتها وكفاية عليها كده
.
.

فى المدينة

امل: انتى رايحه الجامعة النهارده
سلمى: اه .. ووليد هيعدى ياخدنى بعد ماخلص
امل: ممممم .. حصره عليا .. بتنفخ فى المواصلات وانا مروحه
سلمى: ليه يا بنتى هتروحى معانا مفيش حاجة
.
.

فى الجامعة

سلمى: وليد دى امل صاحبتى
امل دا وليد بقي :D
وليد: اهلا وسهلا
امل: ايوة يا استاذ انت بقي وليد .. الاخت دى قلبتلنا دماغنا بحكياتكو
وليد: هههههههههه .. مفيش فايدة فى البنات
.
.

فى مكالمة تليفونية بالليل

سلمى: ايوة يا استاذ
ايه خدتو واديتو مع بعض
كنت عاوزه اجيبلكو 2 لمون
وليد: ومجبتيش ليه
سلمى: اه مانت مبسوط .. وشغال دودودو .. فرحان انها بترغى معاك
هتفضل طول عمرك رمرام
وليد: انا رمرام ؟؟
سلمى: اه بقي
وليد: ليه يعنى .. انا اللى جريت وراها .. ولا انا اللى قولتلك عرفيني عليها
وبعدين احنا اتكلمنا فى ايه يعنى .. مهو كله كلام عادى .. هى اللى رغاية اصلا
سلمى: اه وانت مبتصدق..
وليد: بقولك ايه .. اعقلي بقي .. ولا انتى طالبه معاكى خناقه
سلمى: ايوة كل ما اجى اكلمك تقولى انتى نكديه .. وانتى اللى بتحبي المشاكل وانتى وانتى
وليد: لا انا اللى وحش يا ستي .. انا هروح انام
.
.

تانى يوم

سلمى: وليد .. اوعى تكون زعلت منى .. انت عارف انى بغير عليك
وبتضايق لما اشوفك بتكلم اى حد
وليد: بس دى مش اى حد .. دى صاحبتك
سلمى: ايوة .. خلاص انا غلطانة متزعلش منى
وليد: طيب خلاص
سلمى: طيب مش زعلان منى ؟
وليد: لا مش زعلان
سلمى: بجد
وليد: خلاص يا بت .. الله
.
.

الاسبوع اللى بعده

...: الو
وليد: الو .. ايوة مين
...: ايوة يا وليد انا امل
وليد: امل !! .. ايوة يا امل ازيك
امل: انا تمام .. انت كويس ؟؟
وليد: انا ؟
امل: انا كنت بتصل عشان سلمى
انااا كنت خدت رقمك من عندها .. يعنى عشان ابقي اتطمن بس لو فى حاجة
اصلها مجاتش الاسبوع ده وموبايلها مقفول
وليد: مش عارف .. هى كانت قايلالى انها هتيجي .. طيب انا هتصل بيها وهخليها تكلمك
.
.

وليد بيتصل بسلمى
وليد: مهو بيرن اهو .. مقفول ايه بقي
سلمى: الو
وليد: ايوة يا بنتى انتى فين
سلمى: انا هنا فى البيت .. صحيت متاخر النهارده معرفتش اجى
احتمال اجى بكره .. ياما هاجى الاسبوع الجاى بقي
وليد: انتى كويسة يعنى
سلمى: اه الحمد لله مفيش حاجة
وليد: طيب مع السلامة
.
.

وليد: ييييييييييه .. نسيت اقولها على صاحبتها

.
.

بعدها بيومين

وليد: الو
امل: ايوة ازيك يا وليد .. انا امل
وليد: ايوة ازيك يا امل .. على فكرة انا كلمت سلمى .. مش هتيجي الاسبوع ده .. بس هى كويسة يعنى
امل: اه .. وانت معندكش جامعة ولا ايه
وليد: لا عندى بكره
امل: طيب ممكن اشوفك بس عاوزه اخد رايك فى حاجة
وليد: طيب انا هخلص بكره الساعة 12 هشوفك فى الجامعة

.
.

تانى يوم

امل: ايه يا عم الشياكة دى
وليد: هههههههههه .. يا سلام
امل: اه مظبط نفسك انت اليومين دول
وليد: لا عادى والله مفيش حاجة .. دا حتى سلمى مش عاجبها التي شيرت ده
امل: سلمى دى نكد .. على طول كده تحب المشاكل .. ولازم تطلع القطط الفاطسه فى الحاجة
وليد: بس غلبانة والله وعلى نياتها خالص
امل: اه
وليد: ايه الموضوع اللى قولتيلي عليه امبارح
امل: مفيش كنت مخنوقة شوية .. وقولت طالما انت جاى وانا جايه
نتكلم مع بعض شوية .. ولا احنا مش صحاب
وليد: لا صحاب طبعا
امل: مش دايما تحس ان الناس بتتركب على بعضها بالمشقلب
وليد: ازاى يعنى
امل: يعنى .. تلاقي واحدة بتموووت فى النكد .. واقعة مع واحد دماغه عاليه زيك كده
وتلاقي واحده زى حالاتى واقعه مع واحد ميستاهلش يتقال عليه بنى ادم
وليد: مممممم .. والله مش عارف .. بس كل واحد بياخد نصيبه
امل: مالك يا عم متنشن ليه كده .. احنا بنفضفض يعنى عادى
وليد: مش متنشن ولا حاجة
.
.

الاسبوع اللى بعده

سلمى: تعالى بقي يا استاذ .. ليلتك سودا
كنت بتعمل ايه مع صاحبتي الاسبوع اللى فات
وليد: بعمل ايه يعنى ايه
سلمى: مش كنتو قاعدين لوحدكو
وليد: قاعدين فين يعنى ع البلاج ؟ .. كنا فى الكافتريا
سلمى: مهى بتبدا بالكافتريا
وليد: يوووووووووه .. بدأنا بقي
سلمى: ايه يا وليد انت مش طايقلى كلمة كده ليه
وليد: اصلك بقيتي اوفر اوى .. يا بنتى خلى عندك ثقة فى نفسك شوية
سلمى: ماشي يا وليد براحتك
.
.

فى المدينة

امل: مالك يا بنتى بتعيطي ليه
سلمى: وليد متغيريا امل .. مبقاش زى الاول
بقي على طول يزعقلى .. وبقي بيزهق من كلامى على طول
مش عارفه ايه اللى مغيره كده
امل: مانا قولتلك يا بنتى الولاد كلهم كده .. عايزين الحرق
سلمى: بس وليد مكانش بيعمل معايا كده
امل: كنتو لسه فى الاول يا ماما
سلمى: يعنى ايه .. انا كنت مخدوعة فيه !!
امل: معرفش بقي .. اللى اعرفه ان مفيش حد يستاهل انك تعيطي عليه
خديها نصيحه من واحدة مجربه .. جمدى قلبك كده وميهمكيش حد
.
.
فى نفس اليوم بالليل

امل: الو
وليد: ازيك يا امل
امل: عرفتنى على طول يعنى
وليد: خلاص بقي سجلت رقمك .. احنا مش صحاب ولا ايه :D
امل: ماشي يا سيدي .. انت عامل ايه .. والست سلمى
وليد : انا كويس .. لسه مخلص موشح غم من شوية مع الهانم
امل: هههههههههه .. تانى
وليد: وتالت ورابع .. مبتزهقش
امل: هى سلمى كده من يوم ما عرفتها
وليد: المهم انتى اخبارك ايه
امل: انا تمام .. رايح امتى بكره
وليد: وانتى عرفتى منين انى رايح
امل: شوفت جدولك فى الكلية .. ايه يعنى صعبة دى
وليد: ممممممم .. رايح 9 بكره
امل: لازم تروح 9 يعنى
وليد: امال اروح امتى
امل: يا عم فكك من شغل الملزمين ده .. يعنى اللى بيحضرو اخدو ايه
وليد: على رايك
امل: ايه رايك نتمشي شوية بكره
وليد: ممممممم .. امتى
امل: 9
وليد: وااااااو .. 9 ؟
امل: اه .. اهو تكون الهانم فى المحاضرة وتترحم من موشح كل يوم
وليد: ههههههههههههه
امل: ها قولت ايه
وليد: ماشي
.
.
نفس اليوم بالليل

سلمى: ايه يا وليد انت محضرتش ليه النهارده
وليد: كنت تعبان شوية ومجيتش
سلمى: امل بردو كانت تعبانة
وليد: ايه بقلدها انا يعنى
سلمى: يا وليد براحة انت بقيت خلقك ضيق ليه كده
وليد: انتى مش شايفه انتى بتتكلمى ازاى
سلمى: وفيها ايه يا وليد .. دا جزائى عشان خايفه عليك
وليد: خايفه ايه هو انا بعدى الطريق .. اعقلي يا ماما شوية
سلمى: ماشي يا وليد .. براحتك
.
.

امل: الو
وليد: ايوة
امل: ايه يابنى هنخرج امتى بكره
وليد: بكره مفيش جامعة اى وقت انا فاضي
امل: طيب اشطه الساعة 10 كده هنتقابل عند الكلية وننطلق
وليد: ماشي
.
.
الساعة 10

سلمى هتموت من الحيرة .. قررت تنزل الكلية
سلمى راحت الكلية

وليد وامل ماشيين اديهم فى ادين بعض

سلمى اتفاجئت بالموقف
انفجرت فى العياط .. بتجري مش عارفه هتروح فين

وليد فك ايده .. وشه قلب الوان

امل بتبصله
امل: ايه فى ايه .. مالك
وليد: ها .. سلمى دى اللى شافتنا .. صح ؟
امل: اه هى .. عادى .. هتعيط شوية زى كل مرة وهتسكت .. مالك بقي
وليد: تعيط شوية ايه بس .. انتى شايفه شكلها عامل ازاى
امل: ايه ده .. يا حنين .. انت خايف عليها
وليد: يعنى ..
امل: اخص .. كنت بحسب عندك شخصيه .. اوعى كده ومتكلمنيش تانى

امل حست ان اللى حصل دا كله ماستفادتش منه بحاجة

جريت على حسام تترمى فى حضنه
حسام زقها ولطشها قلمين
طبعا المعلم دا عارف كل حاجة .. بيتفرج من بعيد وساكت

امل: يا حسام انا بحبك
حسام: لا يا شيخة .. امال كنتى ماسكاه ليه ده .. بتعديه الطريق ولا ايه
انتى عارفه من الاول انى مش بتاع حب وكلام من ده
وانا عارف كويس انك مقضياها
امل: يا حسام..

حسام: بلا حسام بلا بتنجان
.. متتكلميش معايا تانى ..


.
.

وليد راح لسلمى
وليد: سلمى..
سلمى: خلى عندك ثقة فى نفسك .. صح؟
بطلى نكد .. صح؟؟
اعقلي يا ماما .. صح؟؟
هى دى النتيجة .. يا خسارة يا وليد
وليد: يا سلمى انا بحبك
سلمى: انت مبتحبش الا نفسك .. عايز تعمل اللى على مزاجك وبس

.. متتكلمش معايا تانى ..


اولا كده
اخوانا الصعايده ياخدو الكلام بصدر رحب :D
انا مش عامل الموضوع ده عشان اجر شكل حد ولا اى حاجة من هذا القبيل
ولكن احساس حسيته بمجرد ما انتهت الحلقة الاخيرة

انا مش من هواة التليفزيون
بس دايما فى رمضان البيت كله بيبقي متابع المسلسل اللى بيبقي شغال ع الفطار
واللى هو كان شيخ العرب ده السنادى على الحياة

اينعم يحيي الفخرانى راجل ملوش حل
ومعظم مسلسللاته بتعجبني .. العيب مش عيبه يعنى
العيب عيب السيناريست او المؤلف بتاع المسلسل
ايا كان بقي المسلسل قصة حقيقية او مش حقيقية

طبعا واضح ان المسلسل بيتكلم عن فترة من الزمن
بتظهر فيها بطولة الصعايدة وحنكتهم .. وشوية صفات حلوة كده للصعايدة
هى كانت فترة فيها الحكم العثمانى .. وكان المماليك ماسكين مصر

المسلسل باختصار ماشي من الاول كويس اوى
وبيوريك عادات الصعايدة اللى احنا عارفينها
الكرم والشهامة والطيبة والشجاعة و و ...

الراجل اتجوز اتنين عشان بس يخلف وقولنا ماشي
وواحد تانى سايب بنته تتضرب من جوزها وقولنا ماشي

لكن لما تفضل 30 حلقة بتقنعنا ان دى فترة هيمنه من الصعايدة على ارضهم
وفى الاخر يرويلك تفاصيل الخطة اللى عملها شيخ العرب
وانه جمع جميع فرسان الصعيد ورجالتها عشان يصدو خطر المماليك
اللى كانو عايزين ياخدو ارضهم ويشردوهم ويهينو كرامتهم وكرامة ستاتهم

ويبينلك هيبة شيخ العرب واد ايه كل الدنيا عاملاله حساب
حتى العثمانيين وشيخ الازهر وغيرهم

ويطلع الراجل من اقصي الصعيد يلم فى الجيوش
وماشي فى رحلته للقاهرة عشان يطرد المماليك .. او يصد خطرهم
وفجأة يتعب وهو فى السكة
فى النص الاخير من الحلقة الاخيرة من المسلسل
ويقرر يرجع بلده ويسيب الليلة فى ايد ابن عمه يكمل مكانه

وفجاة يبعت قائد من المماليك رسالة لابن عمه ده
يقوله شيخ العرب مبيحبكش واحنا شايفينك انت شيخ العرب
بيعهم وانسحب بالجيش بتاعك واحنا هنخليك شيخ العرب بفرمان من الحاكم

ويقومو يعملو خدعه هبلة
ياخدو كام واحد صعيدي ويقتلوهم
ويولعو فى جثثهم ويبعتوها محروقة للصعايدة
على اساس ان معاهم سلاح بيقتل بالكبشة
يقتل كام واحد كده ويولع فيهم كمان
وان بقي خطره كبير وهيعمل الفرق فى الحرب

يقوم اخوانا الصعايدة يصدقو ويتهزو
ويوقفو الزحف ناحية القاهرة
رغم ان موقفهم كان اقوى بكتير

يقوم ابن عم شيخ العرب الشيطان يضحك عليه
ينسحب بجيشه كله لورا فى لحظه
وفى خلال دقيقتين من المسلسل تتغير واجهة كل حاجة
تبقي السيطرة فى ايد المماليك على كل زمام الامور
ويخشو بلد شيخ العرب
يخربوها ويقلبو عاليها واطيها ويشردو الناس ويقتلوهم
وياخدو الستات بتاعتهم ويمرمرطو اهل بيت شيخ العرب
وتتهان كرامة الاشراف المصونة وتقع الصورة اللى محطوطة فى ازهان المشاهدين عن الصعايدة
يستخبي شيخ العرب فى مخبئ تحت الارض .. رغم انه هو المفروض بطل الابطال

كل دا عشان ايه
ابن عم شيخ العرب اتضحك عليه بكلمتين من واحد مملوك
وبناءا عليه ..
يخونوه طبعا ويقتلوه .. بعد ما مراته وعياله واخواته اتبرو منه

حتى بنته اللى كان رافض جوازها عشان منشف دماغه ع الفاضي
وامها كانت موافقة وكل حاجة
بعد ما مات الراجل .. هى كمان مبقتش موافقة .. ليه بقي
لان هما الصعايدة كده .. لازم تنشف دماغها زى ما بيعملو _كما وجدنا ابائنا وهكذا نحن فاعلون_

وبناءا عليه البت تتعقد وتتخرس
واللى كان عايز يتجوزها يقعد يندب حظه لحد ما يموت

وشيخ العرب يتصدم ويبقي مش عارف يعمل ايه
يقوم يقرر يروح ياخد جيش من النوبه .. من الجنوب تحت
اللى كانت ايامها من اسوان وانت نازل ع السودان
رايح يحارب بالسودانيين .. واحنا محرمناش ورايحين نلاعب الجزائر هناك :D

طبعا دا بعد ما البلد خربت
وموتو الناس وهانو كرامة الشرفاء .. يعنى بعد ما خربت مالطة

لا دا مش بس كده
وهو واخد المركب ورايح النوبة
مات فى المركب

يقوم يحصل ايه تانى ؟؟
ولا حاجة .. خلص المسلسل على كده
والمماليك اللى ملهمش اصل ضحكو علينا واخدو البلد بخدعه هبلة
عشان واحد صعيدي اتضحك عليه

ومكسبناش احنا الا الصلا ع النبي !!

ايا كانت القصة بقي حقيقية ولا متألفه
بس مجرد ان الفكرة تلاقي استحسان ويختارها يحيي الفخرانى
وتتعمل وتتزاع فى رمضان .. يبقي اكيد قصة ليها قيمتها

وادى اخرة اللى يرمى ودنه لمسلسل صعايدة 30 يوم متصلين :D

كل سنة وانتو طيبين :)

اتنين متفقين ع الجواز
اتنين زى اى اتنين
والدنيا مستقره وكله تمام
اتفقو على كل تفاصيل الجواز

العروسه راحت اختارت النادى
واختارت الدى جى
وقالتله كمان ع الاغانى اللى هيشغلها

تانى يوم احنا فى الفرح دلوقتى
الدى جى شغل بحبك يا حمار
الناس كانت متأزيه
والعريس نفسه متأزي
العريس راح همس فى ودن بتاع الدى جى
" بلاش الاغنية دى يا عم .. شغل غيرها "
الراجل رد عليه وقاله لا الا دى
دى العروسة اللى مختاراها واكدت عليا
العريس راح همس العروسة فى ودنها قالها بلاش الاغنية دى مش كويسة
قالتله لا لازم دى
ويالا تعالى معايا نرقص
قالها لا مش هنرقص دلوقتى
قالتله لا دلوقتى ياااااالا
هو كان بيقاوم شوية
راحت شدته من الكرافته وبتبصله وهى بتغنى
" بحبك يا حمار "
العريس الدم غلى فى عروقه
راح جارى ماسك الميكرفون
وقالها ادام الناس كلها
" انتى طالق !!! "

الناس اتصدمت
صوت الاغنيه سكت
العروسة تنحت
وسالته انت بتطلقنى وانا لسه عروسه

قالها مستنيه ايه من واحد حمار ؟؟!!

شيئ من الخشـوع




النهارده كان 22 رمضان
جملة للتاريخ ليس اكثر

المهم
صليت كام ركعة من التراويح النهارده .. هيى .. بقولك انت :D

طيب صليت كام تراويح لحد النهارده
قريت كام جزء من القران لحد النهارده

تعرف ان مش دى القضية
امال ايه القضية يا عم احمد ..

القضية فى مدى صحة العمل اللى بتعمله

يعنى كام واحد بيقرا قران فى رمضان ؟؟
وفى غير رمضان ؟؟
كتييييير اوى .. ما شاء الله
مع ان نسبتهم بالنسبة للكل ضعيفة جدا
بس ما علينا

لكن كام واحد منهم بيقرا ويتدبر ويفهم
يفهم ولو شيئ من اللى بيقراه ؟؟
طب يحاول بس
طبعا اقل بكتيييير

كام واحد بيصلى التراويح
والتهجد كمان .. ويقوم الليل لوحده ويصلى الفجر
بردو كتير

لكن كام واحد بيصلى وهو فعلا بين يدي الله
بردو اقل

تعالى على مشهد كده:

واحد بيصلى فى اوضة فى بيتهم .. مثلا
ودا رايح ودا جاى
واخوه الصغير بيلعب ادامه
ومعرفش مين عمال يتكلم برا
والتليفزيون شغال وصوته عالى
و و و

واللى بيصلى ده

اللـــــــــه اكبر
عشان يوطو صوت التليفزيون

ويبص للواد الصغير جاامد
عشان ميعديش من ادامه

ويبص للى معدى كده واللى معدى كده
ورامى ودنه ومركز مع اللى بيتكلم برا

مشهد تانى واحدة واقفة تصلى:

وعمالة تفكر هطبخ ايه النهارده
والراجل جاى امتى النهارده
والغسالة مشغلاها من الساعة كام
وهروح اطلع كيس اللحمة من التلاجة يفك
ولا انزل الواد يشتري فرخة

تعالى مشهد تانى خالص:

اللى فى الجامع بيصلى التراويح
الله يباركله ويزيده

كل ركعة يبص فى الساعة
ولو الامام طول شوية يبقي عايز يحدفه بالكوباية بتاعة الميه

ويبص لعيل صغير عمال يجري فى الجامع

بين كل ركعتين يفضل قاعد ع الارض ولا فى اخر الجامع
لحد ميقرب الامام يركع الركعة اللى بعدها يقوم جارى واقف فى الصف


المشهد الاصعب بقي:

انك تبقي عند واحد تعرفه
ويبقي مواظب ع الصلا .. ما شاء الله
تساله بتصلى من امتى يقولك الحمد لله بصلى من وانا ااااااد كده
تبص تلاقيه بيسجد ويقوم فى ثانية
يركع ويقوم فى ثانية
بيعمل اكروبات فى الصلا

بجد والله بزعل اوى
لما يكون حد مواظب ع الصلا بالذات
وبيصلى بالطريقة دى

محدش يقولى يا عم احسن من اللى مبيصليش خالص
اللى مبيصليش دا ميستحقش تتكلم عنه اصلا

طالما صليت يبقي تصلى صح
طالما نويت تصلى وقومت واتوضيت
يبقي صلى صح
ناس كتير اوى بتعيش حياتها كلها تصلى كده وهما فاكرين ان كده تمام

اخطر حاجة والله
طب اللى مبيصليش عارف انه مبيصليش .. وعارف مصيره
لكن اللى عايش طول حياته موهوم انه بيعمل اللى عليه

هى العبرة فى الصلا ايه
الصلا هى الصلة بين العبد وربنا
الاساس فى الصلا هو الخشوع

تفتكر امتى اخر مرة دمعت من ايه قران سمعتها
امتى اخر مرة جسمك اقشعر من كلمة من كلما ربنا

وعلى جانب تانى
امتى اتأثرت بموقف شوفته فى فيلم ودمعت منه ..

بجد شيئ مخزى

روي عن النبي ( صلي الله عليه وآله وسلم ) مسندا :«إن العبد ليصلي الصلاة لا يكتب له سدسها ولا عشرها، وإنما يكتب للعبد من صلاته ما عقل منها»

وربنا سبحانه وتعالى بيقول {وإنها لكبيرة إلا على الخاشعين} صدق الله العظيم

الموضوع مش صعب
كل ما فى الامر انك تستعد بكل جوارحك للصلا
وتستحضر عظمة ربنا .. وتحس بكلمة الله اكبر
لو حسيت فعلا انه اكبر واهم من اى حاجة تانية
هتركز فى الصلا

لو حسيت وانت راكع ان الركوع دا محدش يستاهله منك الا ربنا
هتركز فى الركوع

لو حسيت وانت ساجد ان مفيش حد يستاهل انك تحط وشك على الارض ليه الا ربنا
هتركز فى السجود
دا حتى ربنا بيقولك اقرب ما يكون العبد من ربه وهو ساجد
يعنى فرصه
اسجد وادعى ولح على ربنا

والله لو كلنا نحس بالقيمة دى
محدش هيفقد خشوعه فى الصلا

وبالنسبة للناس اللى بتقرا قران:

تلاقي واحد طول ما هو بيقرا عمال يعد الصفحات
ويبص الجزء دا هيخلص امتى
والحزب دا لحد فين

شوية ويقيس قرا اد ايه بالنسبة للمصحف

واحد تانى قاعد يقرا فى وسط ناس

وكل ما يقولو حاجة ودنه معاهم
يقوم ناطط فى الكلام ورادد
يقرا كلمتين ويتحشر فى الكلام

محدش يقولى يا عم احسن من اللى مبيقراش
اللى مبيقراش دا حر فى نفسه
لكن طالما قريت يبقي تستفيد من اللى بتعمله
حرام لما تكون بتعمل حاجة لله
بتعملها عشان تاخد منها ثواب وتكون بتعملها غلط
حرام عليك نفسك

الحكمة من قراية القران انك تعرف انت بتقرا ايه
محدش قالك اقرا وفسر
بس على الاقل تدبر الكلام
حاول تفهم انت بتقرا ايه
دانت لو بتقرا جرنان بتبقي مركز عشان تفهم
عشان ع الاقل متبقاش بتقرا ع الفاضي
فما بالك وانت بتقرا كتاب ربنا

فى ناس بتقرا بالمرتين والتلاتة
ما شاء الله عليهم .. ربنا يزيدهم
بس هل بيستفيدو حاجة من اللى بيقروه
ولا هو العدد فى اللمون !!

بس بزعل اوى على الناس اللى بتقرا .. والاسم انهم بيقرو
ولكن زيهم زي اللى مبيقراش

طبعا مش انا اللى هحكم عليهم
الثواب فى الحاجات دى درجات

يعنى الصلا مثلا
فيها ثواب تأدية الفريضة
وفيها ثواب اكتر من كده اللى احنا المفروض نستفيد بيه
وبردو فى صلا متاخدش منها اى ثواب
الحكم فى كده لله وحده

لكن انا دايما بقول
لو بتعمل حاجة غلط
حاول على الاقل تقلل منها الاول
يعنى خلى عقابها قاصر على ارتكابك انت ليها
متشيلش ذنب ناس تانية نقلتلهم الغلط

وبردوبالمثل لما تعمل حاجة صح
يبقي اعملها صح تماما
طالما تعبت نفسك وعملتها
يبقي حاول تنال ثوابها كامل
عشان تبقي عملت حاجة مفيدة فعلا تفرح بيها يوم القيامة

ربنا يهدينا .. ويهدى بينا .. ويجعلنا سبب لمن يهتدى

كل سنة وانتو طيبين :)

رجــال


{ مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً }

الأحزاب23

شكل للبيع

زمان لما كنا فى ثانوى
كنا خدنا حاجة فى الاقتصاد اسمها المنفعة الحدية
وكنا عرفنا ان المنفعة الحدية بتقل بزيادة الوحدات
يعنى مثلا
لما تكون عطشان
اول كوباية بتشربها بتبقي دى اهم كوباية بالنسبالك
وبتشربها بلهفة كده وبتحس ان هى اللى بتحققلك اكبر اشباع
ممكن بعدها تبقي لسه عطشان بس لما تيجي تشرب كوباية تانية مش هتحققلك نفس الاشباع .. هيبقي اقل شوية
ممكن بعدها تخش فى كوباية تالتة .. على اساس ان بطنك بلاعة يعنى .. بس هتلاقي نفسك خدت منها بؤ ورميت بقية الكوباية
مع ان سبحان الله هى فيها نفس محتوى الكوباية الاولانية
والاولانية دى كنت هتموت عليها .. لدرجة انك كنت ممكن تقرقش الكوباية وانت بتشرب
بس مع نفس المحتوى فى المرة التالتة رميت بقيتها .. دا لو شربت منها اصلا

طيب دا بالنسبة للاشياء .. فما بالك لو بقت بالنسبة للبني ادمين
يعنى اللى هتعمله فى كوباية الميا ده تعمله فى حد
اظن الوضع هيبقي صعب اوى
وقاسي على اللى بيحصل فيه كده

طيب نخش على جزئية تانية
معظم الناس .. يمكن تكون طبيعة بشرية .. مش عارف
تلاقي وهو عطشان اوى .. كل همه انه يشرب وبس
يعنى لو رميته على بير ميا هينزل يشرب
او بمعنى قريب لينا .. تلاقيه وقف عند اى كولدير كده وملقاش كوبايه .. يعمل ايده كده على هيئة مغرفة
ويشرب منها
تلاقي واحد تانى يقولك لا انا عاوز ميا كوباية .. لا عاوز ميا ساقعة
لو مش سقعة مش هشرب
واحد غيره يقولك لا انا ماشربش ميا من دى اصلا
انا عايز ميا معدنية .. حياة من اللى بيعلن عنها عمرو دياب :D

باختصار بتتعدد الحاجات فى الجزئية دى
وكل واحد عاوز الحاجة بتاعته فى صورة معينة
وكل واحد عارف ايه البدائل اللى ممكن يستخدمها والحاجة دى مش موجودة
وكل واحد عارف ايه اقصي طموحه فى الحاجة دى

لما يخش فيها عنصر الطمع بقي .. بتبقي حاجة صعبة اوى
يمكن الطمع مش مرفوض فى حاجات معينة

زى الراجل اللى هيتحاسب مثلا
وعرف انه هيروح النار
يقول يا رب بس لو انجو من النار .. ومش عاوز حاجة تانى
ربنا ينجيه من النار .. يبص بعيد كده يلاقي شجرة ليها ضل .. يقول يا رب بس لو اقعد تحت الشجرة دى .. استظل بيها
ربنا يسمحله بكده .. يبص كده يلاقي مكان فى الجنة .. يقول يا رب بس لو اجرب اقعد فى الجنة دى شوية
ربنا يسمحله بكده .. يبص يلاقي مكان اعلى من الجنة .. يقول يا رب ..... وهكذا

تعالى بقي فى العلاقات والمعاملات الانسانية
تلاقي حد معجب بحد اوى
ونفسه بس يبقي قريب منه .. باى صورة
ويفضل يتمنى كده ويسعى عشان يوصل لكده
ولما تتحققله الامنية دى .. تلاقي طموحه زاد وبقي نفسه يقرب شوية كمان من الشخص ده
ولما تتحقله الامنية يبقي نفسه يرتبط بيه .. مع انه ممكن يبقي عارف ومتاكد انه عمر الارتباط ده ما هيستمر .. وعارف ان العلاقة محكوم عليها بالفشل .. وبردو واهم نفسه بس بالارتباط
وحتى لو اتحققت امنيته .. وارتبطو .. تلاقيه بقي عاوز مطالب تانيه .. وهكذا

الغريب فى الموضوع بقي
ان الانسان ده بعد ما كان مجرد نفسه بس انه يبقي قريب من الشخص التانى
دلوقتى بعد ما ارتبط بيه واتمكن منه بقي يحط شروط للعلاقة .. وبقي بيتفنن فى خلق مشاكل .. وبعد كده يدورلها على علاج

يعنى بعد ما كانت كل مشكلته انه بس يبقي قريب من الشخص التانى
ولما اتطورت شوية بقي كل مشكلته ان الشخص التانى دا مجرد يحس بيه
وصلت لانها بعد ما الوضع استقر بقي يدور على مشكلة من العدم ويعيش نفسه فى جو نكد .. وبعد كده يدور على حلول
فى حين ان فى نفس الوقت ده لما بتحصل مشكلة كبيرة ممكن تؤدى لانفصال .. بينسي كل التفاهات دى وبيرجع تانى يدور على ازاى يحافظ على بقاء العلاقة

يعنى من الاخر .. شكل للبيع

فى ناس كده .. هوايتها انها تخلق مشكلة
صفو العلاقة دا زى ما يكون مش متعودين عليه

عايز بس يتخانق مع صاحبة على طول
عايز يبقي فى شد كده وفى تاتش بينهم

واحدة مخطوبة عايزة على طول تبقي على خلاف مع خطيبها .. وتخليه يتصل بيها ويتحايل عليها ويراضيها

واحد مرتبط بواحدة بقي عاوز على طول يحس بالشك .. على طول يحط فى دماغه انها بتعمل حاجات مش كويسة .. فى حين انه كان هيموت عليها فى الاول .. وكان كل همه انها تعبره بس

واحدة مرتبطة بواحد وبقي عندها على طول احساس ان هو متغير من ناحيتها .. وبقي ميحسش بيها زى الاول .. وبقي بيبص لكل البنات .. فى حين كان الاول كل همها انه يحس بيها بس

كل واحد عايز يمشي حياته بالاحساس
شغالين فى مباحث الاحاسيس

فهو سبحان الله .. محدش عاجبه حاله ابدا .. ومحدش عاوز يرضي بوضعه .. دايما باصص على اللى مش متوفر

حتى فى المشاكل .. الناس بقت تعشق المشاكل
لو حياتك عدت من غير مشكلة متستريحش

يمكن دا نوع من الفراغ .. كان زمان الستات الكبيرة تقول ايه .. الحياة من غير مشاكل متبقالهاش طعم
المشاكل هى البهارات اللى بتدى للحياة طعم
بس انا مش مؤيد للموضوع دا بصراحة :D

حتت ان الوضع يبقي مستتب دى تشكلى ازمة وتعملى ملل .. انا مبحبهاش
بس للاسف فى ناس بتحبها..

سؤال

راضي عن نفسك بنسبة كام فى المية
!!!

بيتهيألى كل واحد ممكن يقيم نفسه كويس اوى
قسمها على 3 كده
يعنى انت عارف انت مقصر فى حق نفسك اد ايه.. وفى حق اللى حواليك اد ايه
وفى حق ربنا اول حاجة طبعا

لو اديت كل حاجة من دول نسبة كده
اظن هتعرف تقيم نفسك كويس اوى

وبيتهيألى من خلال كده بردوتقدر تشوف انت مقصر فى ايه بالظبط
تحط ايدك على المشكلة بالظبط
تدور على حلولها وتصلح من نفسك
تعلى نسبة الرضا عن نفسك
تجيب تقدير كويس
:)

حكاوى اون لاين

http://7kawy-online.blogspot.com/

مدونة الحكاوى المعاصرة

مدونتى .. بالاشتراك مع محمد صلاح عبد الرحمن

تنطلق قريبا...


موتى فـ الكل هنا ماتو وانا اعتدت حياتى .. ارمل
واعتدت الهجر بلا سبب .. وبرغم الحيرة لم اسال
وظللت اسجل اسماءا .. واسطر خانات الجدول
ضمى احساسك ما شئتى .. فانا ملك لا اتوسل

لا ابكى لفراق حبيب .. او اترجى او اتذلل
رقة شعرى قول افك .. فـ فؤادى من صخر جندل
علقت نساءا فى سقفى .. وجلست فخورا اتأمل
وغزوت عيونا لا تغزى .. غافلت رموشا لا تغفل
وزرعت النسوة فى ارض .. لا اخر فيها او اول
دكتاتوريا ان اعطى .. دكتاتوريا ان ابخل
وقعت انا صك الهجر .. ف الحاكم يعزِل لا يعزَل
فانطردى الان من الجدول

غيبي فلكم قبلك غابو .. لا شيئ يجيئ ولا يرحل
ما الورد اذا لم يذبل
ما الشمس اذا لو لم تقفل
لا تنتظريني نسناسا اقبل ان يتسلسل
ويجيئ الناس الى قفصي ليرو عشاقا تتحول
تتقافذ قـ القردة عشقا .. وتموت هياما وتولول
لمى اشيائك وارتحلى بحثا ان اخر قد يقبل
امايا فلا ثمن عندك تقبله يداى لتتكبل
ان كان غرامك لي نبعا .. فنساء الدنيا لى منهل
والجدول مقتظ جدا بكثير منك .. بل اجمل
فانطردى الان من الجدول

غيبي وتمادى فى جهل .. فانا لا اعشق من يجهل
انى بحار ترفضنى كل الشطئان فاتنقل
اعتدت السفر على مضد .. وقضيت حياتى اتجول
ارتشف بلادا ونساءا .. فهنا عسل وهنا حنظل
وهنا عشق كلص نذل .. وهنا كنت نبيا يرسل
وهنا ذبحو شعرى عمدا .. وهنا شعرى صار يرتل

وانا والغربة ما زلنا نبحث عن وطن لنظلل
صادقت الغربة فى الغربة .. وقضيت سنينا اتعلل
بررت جميع حماقاتى وظننت بانى اتجمل
اليوم ازيل عبائاتى .. واكشف عن وجهى الاوحل
ملى عينيكي بلا خجل .. فانا الموحول .. ولا اخجل

اغرتنى احلام الصبية .. فعدوت الى حلمى الامثل
وبدات السفر بلا زاد .. وظننت بانى اتعجل
ونسيت الله فاهملنى .. من ينسي الله ولا يهمل
حملت باثقال الدنيا .. اهرب من ثقل للاثقل
والتفت طرق من حولى .. واختلط الاقصر بالاطول
واختلطت احرف لافتتى .. فوقفت مكانى كـ الاخطل
لم اسطع ان اكمل سيري .. فجلست وحيدا اتسول
وبنيت مزارا ومبيتا لا يصلح الا للثمل
وقضيت حياة واهنة .. لم تسوى فى نظرى خردل
فـ علاما تريدين بكائى .. وانا ذو قلب مستعمل
ابلاه الماضى .. لم يترك شيئا لبلاء المستقبل
لا تتهميني فى عشقي .. فانا اعشق حتى انحل

والجمل وان يعطش يصبر .. وكفعل الجمل انا افعل
اهلكت شبابي وسنيني .. فرمت بي فى صف الكهل
ووقفت بعيدا لاشاهد قصة عمرى وهى تمثل
رفعو خنجرهم ودموعى لم تجعل احدا يتمهل
والتهب المسرح تسفيقا .. وانا اطعن وانا اقتل
فـ علاما تظنين بانى ات محرابك اتبتل

دورك فى المشهد فرعي .. بوجودك او دونك يكمل
وكلانا مكتوف الايدي .. وستار المسرح لا يسدل
والحكم الصادر فى امرى حكم فصل لا يتأجل
فدعيني فى موتى وحدى .. فأنا والغربة لا نفصل
ما دام الوطن بلا شيء .. فالموت على شيء أفضل

هشام الجخ

ايوة بغير



وبقول لها .. ايوة بغير
ايوة بغير .. لا انا نقصان ولا ضعفان .. ولا مسطول ولا سكران .. ولا زايغ من عيني الضي
ولا حد احسن منى فى شي
بس بغير

واللى قالولك غيرة الراجل قلة ثقة أو قلة فهم .. خلق حمير
غيرة الراجل نار فى مراجل
نار بتموت .. مبتحرقش
واحنا صعايدة مبنستحملش
شمسنا حامية وعرقنا حامى وطبعنا حامى
واللى تخلى صعيدي يحبها .. يبقي يا غلبها

اصلنا ناس على أد الطيبة .. كلنا هيبة
والنسوان فى بلادنا جواهر
طب لو عندك حتت ماس .. هتخليها مداس للناس؟؟
ولا هتقفلى اوضة عليها بمية ترباس
يمكن حتى تأجرى ليها جوزين حراس
يبقي انا لا غافل ولا جاهل
كل الفرق اللى ما بيني وبينك انى صعيدى

لو كان بايدي كنت اعملك هندى بريك
واقلب شعرى كانيش كراويك
والبسلك سلسلة متدلدلة خرزة وقلب
بس ازاى البسلك سلسلة .. هو انا كلب؟؟

ثم العبرة مهيش باللبس
اصل المشكلة مش فى اللبس
اصل المشكلة عَندك عِندك (عنادك)
قولت هسيبها وبكرة تحس
بعده تحس
بعده تحس
دانا لو جبس .. كنت زعقت

ماشي صداقة وماشي زمالة
بس مجاتش على الرجالة
مهى نسوان الدنيا كتير
وانا مبقولش تخاصمى الناس
ولا تتحجبي عن الرجالة
ولا تعتكفي وتسكنى دير
بس يا ريت حبة تقدير
انى بحبك وانى بريدك .. وانى زرعت حياتى بايدك
وانى غزلت بنات الدنيا عقود على جيدك
وانى تعبت من التفكير
وانى بغير..
هشام الجخ

لولا المحبـة


زمن مضى وبقيتى غالية .. لا هنتى انتى ولا الهوى هانا
لولا المحبــة يا مدللتى .. ما اصبح الانســان انسـانــا
طفلين كنــا في تصرفنــا .. وغرورنـا وضلال دعوانــا
كلماتنــا الرعناء مضحكة .. ما كان اغبــاها واغبــانـا
فلكم ذهبتى وانتى غاضبة .. ولكم قسوت عليكى احيانـا
ولربما انقطعت رسائلنــا .. ولربما انقطعت هدايانــا
مهما غلونا في عداوتنا .. فالحب اكبر من خطايانــــا

لماذا تحبني ؟؟

الرسالة دى جاتلى من شوية

//

المرأة : لماذا تحبني ؟ وش الي خلاك تحبني بالضبط ؟
الرجل : ماقدر اقولك السبب .. بس انا فعلاً احبك
المرأة : انت حتى ماتقدر تقول لي السبب ؟ أجل اشلون تقول لي انك تحبني وأنت ماتعرف ليش ؟
الرجل : صدقيني .. ماأعرف السبب .. بس انا احبك موت
المرأة : لا مايصير .. لازم اعرف السبب ..حبيب صديقتي دايماً يقول لها ليش هو يحبها ..بس انت
ماتعرف
الرجل : اوكي اوكي .. انا احبك لانك حلوه كثير ، ولان صوتك حلو موت ، ولانك تهتمين فيني وتحبيني ، ولان روحك كلها تفاؤل .. ولان ابتسامتك ساحرة وجذابة ، واحبك لكل حركة تسوينها وكل
خطوة تمشينها
لسوء الحظ
بعد بضعة ايام حصل للمرأة حادث بليغواصيبت فيه اصابات بالغه عندما اتى الرجل لزيارتها ..
وضع بجانبها رسالة قصيره كتب فيها
عزيزتي
لجمال صوتك أحببتك .. . . ولكن الآن هل تستطيعين الكلام؟
كلا
إذن فأنا لا استطيع ان احبكِ
ولانك تهتمين فيني وتحبيني .. .أحببتكِ، ولكن الآن هل تستطيعين إظهار هذه المشاعر؟
كلا
إذن .. فأنا لا استطيع ان احبكِ
ولابتسامتك الساحرة .. .. احببتكِ .. ولكل حركة تتحركينها كنت احبكِ
ولكن .. الآن
هل تستطيعين الابتسام؟؟ هل تقدرين على الحركة؟
كلا
لهذا السبب فانا لا استطيع ان احبكِ
عزيزتي
لوكان الحب يتطلب أسباباً ..فانتي الآن لا تملكين اي سبب لكي احبك ِ من اجله
اذن ..فهل يحتاج الحب اسباباً ؟؟..ابداً
فانا لا ازال احبكِ ..وسأظل احبكِ ماحييت
خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ
احيانا نفكر انه يوجد اسباب للحب ؟؟
ولكن بعد قراءة الموضوع تأكد لي ان لا يوجد سبب للحب
الحب هو شيء بداخلنا لو لم نجده لأخترعناه
ويبقى الحب لا يعرف له أسباب ؟؟؟

//


ايه رايكو فى الكلام ده
!!!



من المتعارف عليه ان انا مبحبش لحمة الخرفان ولا بحب ريحتها .. نفس حال كل اللى عندنا فى البيت
كل سنة حتى ع العيد الكبير مبنجيبش خرفان ولا اى حاجة على شاكلتها
وبنبقي طالعين نازلين متأزيين من ريحة الخرفان اللى طالعه من عند جيراننا
لحاااد بعد العيد بكام يوم .. لما تبدأ الريحة تخف شوية

السنة اللى فاتت قبل العيد بيومين كده .. كان معانا قرشين كويسين
وقررنا اننا نجيب خروف نضحى بيه .. ان ان ااااااااااان
وبالفعل .. كلمنا عم سيد جارنا وذلك لان خبرتنا محدودة فى الموضوع ده
واتفقنا على معاد نروح نجيب فيه خروف .. والمعاد ده كان فى نفس اليوم بالليل نظرا لضيق الوقت
المهم ..

نزلنا روحنا جيبنا خروف حلو كده يسر عينيك .. مش شبه اللى انا حاطه ده
لان اللى جبناه كان ليه قرون .. دقيق انا شوية فى حتت الوصف دى :D
المهم روحنا جيبنا الخروف وجينا .. وطلعنا بيتنا واذ بالمشكلة الكبري
نحط الحروف فيييييييييين !!
فين فين يا ربي .. المهم الحاج الوالد قال نخبيه فى الحمام لحد بكرة ونبقي نشوفله صرفة لحد ما يتدبح
وفعلا حطينا الخروف فى الحمام وقفلنا الباب عليه ودخلنا نمنا

تانى يوم الصبح مرات عمى وبنتها جم عندنا .. اخدت امى ونزلو يشترو حاجات
وكنت انا واخويا مش موجودين ك العادة فى المعاد ده .. مش هقول كنا فين :P
وكذلك الحاج الوالد ..
المهم يا سيدي بنت عمى بتلعب فى البيت .. فتحت باب الحمام وداخله
لقت الخروف فى وشها .. صوتت وطلعت تجرى على باب الشقة
رزعت الباب ونزلت جرى

الاخ خروف طلع من الحمام وقعد يلف فى الشقة
دخل اوضة النوم وقف ادام مراية الدولاب بتاع الهدوم
شاف صورته فى المرايا فكرها خروف تانى
وهوووووب راح ناطح المرايا .. دشدشها
طلع برا لقي علبة كده فيها جاز قعد يشرب يشرب يشرب لحد ما قال يا كفي

على ما خد جولته فى الشقة كنا احنا جينا
طلعنا لقينا الازاز متدشدش .. والجاز اوشك على النفاذ
والاخ خروف قاعد متسلطن
بنشمه كده لقينا ريحته جاز .. عرفنا انه شرب الجاز
طب والعمل .. العيد بكره .. وكده مش هنضحى
نعمل ايه نعمل ايه .. لم نجد حلا الا اننا نقضيها لحمة من الجزار زى كل سنة
ونأجل موضوع الدبح ده اسبوع ولا اتنين .. لحد ما الجاز يروح من معدة الاخ خروف

وبالفعل .. بعتونى للجزار اوصى على لحمة وحاجات من دى
وانا رايح قابلنى علاء صاحبي
نادانى .. رايح فين يابو صلاح .. قولتله رايح احجز لحمة عند الجزار
قالى يابنى انتو مش جايبين خروف
قولتله مهو اصل حصل كذا كذا واحنا هنعمل كذا
قالى لا يا عم .. بيسيطة
قولتله ازاى .. قالى انت تتصل بالاسعاف وتقوله حصل كذا كذا
وهما هييجو يتصرفو .. لاحسن كده ممكن يموت كمان
قولتله اه صحيح .. تصدق
ولقلة خبرتى فى الخرفان .. اتصلت بالاسعاف
قولتلهم يا جماعة الموضوع كذا كذا .. اغيثونا
وكان الرد ان دا مش اختصاصهم .. وقام الراجل قافل السكة فى وشي
انا اتغظت من هذه الفعلة الشنعاء .. وقولت مش هسكتلكو يا ولاد اللذينه
انا قولت هما مكسلين بقي .. ولا مفكرينى بستهبل عليهم
وعلى ذلك .. روحت واخد الخروف فى عربية .. وطلعت بيه على اقرب اسعاف

قابلنى دكتور ابن حلال كده هناك
قالى خير .. قولتله الخروف دا حصل فيه كذا كذا وعايزين نشوفله حل
هو شرب جاز .. يمكن تعملوله غسيل معدة او كده

قالى شرب جاز مممممممممم .. وعايز تعمله غسيل معدة
قولتله يا ريت .. قالى ممممممممممم
قالى تحب نديله بنج قبل غسيل المعدة .. ولا نغسلهاله وهو صاحي
قولتلها اغسلهاله باى طريقة .. المهم نشوف حل للموضوع ده
العيد بكره وكده احنا هتضيع علينا الاضحية
قالى لا متقلقش خالص .. انا هعمله غسيل معدة .. وهجيبله شيكولاته وهيبقي زى الفل

طبعا الراجل فكرنى عبيط .. جايب خروف ورايح اقوله اعمله غسيل معدة
وخدنى على اد عقلي بقي .. وراح قايلي ايه

بص اركب العربية دى انت والخروف .. هنروح المستشفى نعمله هناك غسيل معدة
قمت راكب انا والاخ خروف فى العربية بتاعة الاسعاف من ورا
وقام واخدنا على مستشفى كده ماعرفهاش
نزلنا هناك .. قابلت دكتور كده اعرفه
قالى ايه خير .. ايه اللى جايبك هنا .. وجايب الخروف دا معاك ليه
قولتله والله حصل كذا كذا .. وانا جاى اعمله غسيل معدة
قالى غسيل معدة ايه يا عم حرام عليك .. انت عارف انت فين دلوقتى
قولتله فين .. قالى دى مستشفى امراض عقلية :O
انا اتفزعت لما سمعت الكلمة دى
قالى اهرب انت والخروف بتاعك ده .. لاحسن هيحبسوك هنا ومش هيبانلك صحاب

انا سمعت الكلمتين دول وخدت ديلي فى سنانى وجريت .. وجارر الخروف ورايا
قولت يا لهوى .. مستشفى المجانين .. هى وصلت لكده

وصلت البيت وانا فى قمة النرفزة .. وبصيت للخروف كده وقولتله والله لاطلعه عليك
قمت لابس فى دماغى حلة صغيرة كده .. وقعدت انطح فى الخروف
وهو ينطح فيا ..

وانطح فى الخروف ..

وهو ينطح فيا ..

.
لحاااااااااااد ما دماغى وجعتنى
.
.
.


صحيت م النوم من الوجع .. لقيت نفسي عمال انطح فى السرير
والمخدات متنطورة فى كل حتة
..

=))
=))
=))


هى حبته واخلصتله وعلقت امالها عليه
رسمت الحياة الوردية اللى بتتمناها اى بنت
وبنت احلامها الجميلة اللى هتبدا من البيت اللى هيجمعهم ايا كان شكله زى بنات كتير
وخلاص بقي هو دا الانسان اللى شكلت مخيلتها عليه

هو حب بردو .. حب احساس الحب .. محبهاش هى
حب جو الارتباط والتحكم والسيطرة
حب نظرة الناس ليهم وكل واحد يكلمه فى الموضوع ده يعمله كده:
;) .. ايواا يا عاااام .. ;) .. الله يسهلك .. ;) لا عرفت تنقي .. ;) لا ذوقك طلع حلو اهو
حب منظر شعلقة البنت فى ايده .. حب تعلق البنت بيه .. حب صوت عياطها .. شكل دموعها وهى بتتحايل عليه
حب منظر كتر الرسايل .. وكتر الميسدات اللى بتملا موبايله مع كل مشكلة بتحصل بينهم

بدت علاقتهم فى الاول ناجحه .. لايقين على بعض .. مرتاحين نفسيا
معناوياتهم بترتفع .. كل ما هو صحابه يغمزوله بنظرات الغبطة (التمنى بالحصول على نفس الشيئ او شبيهه .. مع عدم تمنى زواله من صاحبه)
وكل ما صحباتها تفكرها بيه وبمواقف الجنتله بتاعته .. وبالفرق بينها وبين اللى مش مرتبطة زيها

وفى عز الانسجام .. راح الانسجام .. واتاريني !!

هو بدأ يحس ان العلاقة مش متكافئة
كان متسرع شوية فى اختياره
فى صعوبات فى اتمام ارتباطهم الرسمي
احساسه بالفشل وقلة الحيلة واستحاله الوصول للغرض المطلوب
.
أو
.
اكتشافه ان الظروف اقوى منه ومنها وان مفيش حاجة بارادته ممكن يعملها .. أو
ظهور فى حياته البنت اللى شايفها اكفأ من اللى معاه .. أو
ظهور فى حياته البنت اللى بتشاغله باستمرار .. أو
احساس بالفتور والملل فى العلاقة .. أو
احتياجه للتغير من باب التغيير .. أو
ظهور بعض المشاكل التى تحول دون استمرارهم نظير تقديمه لشوية تنازلات عشان الكفة تمشي .. أو .. أو ...
(( سواء كان السبب بأيده .. او حاجة خارجه عن ارادته ))

قرر انه يواجهها بالقرار اللى خده .. بداعى خوفه عليها .. وانه عايز مصلحتها
ويقولها:
احنا مننفعش لبعض .. احنا ملناش نصيب فى بعض .. الظروف اقوى مننا .. احنا معرفناش نقدر علاقتنا صح من الاول
(( او اى جملة من الجمل اللى بتوازى دى فى المغزى ))
ويقوم يقولها:

>> خلينا اخوات احسن <<

متتصوروش اد ايه الجملة دى بتنرفزنى
والانيل لما يقولها خلينا صحاب .. دى قمة العصبية بالنسبالى
مش عصبيه عشان اللى فى الموقف مثلا .. لا لمدى انحطاط الاحساس فى الجملة دى

هو مثلا متصور انه ممكن يشكل العلاقة فى وسطها كده على مزاجه
ولو هو قدر فدا اكيد لانه محبهاش .. لا هو حب الوضع اللى كانو فيه ده .. جربه شوية .. واكتفي بكده
وعايز يحط صورة للشكل الجديد لعلاقتهم .. اللى من خلالها متظهرلوش شوية عقبات كده تمنعه فى خوض علاقة تانية زيها

مستحيل حد يقدر يكون اخ لبنت بعد ما حبها والعكس صحيح .. مستحيل بنت تقدر تكون اخت لولد بعد ما حبته
ومحدش يقولى طب صحاب ؟؟ .. لان الكلمة دى ملهاش وجود فى قاموس العلاقات بين ولد وبنت
طيب لو افترضنا ان هو قدر يبقي كده .. لان هو محبهاش .. او حتى مقدرش بس قدر يوهم نفسه بكده
ودا لانه محتاجها كـ ودن عشان تسمع لفضفضته .. كـ وسيلة مساعدة عشان هى اللى كانت فاهماه وبتعرف تريحه
او حتى محتاجها بأى صفة عشان بس صعبان عليه العشرة اللى كانت بينهم

هل هى هتقدر تتأقلم على الوضع الجديد ده
وحتى لو كانت بسبب ظروف خارجه عن ارادتهم ؟؟
طبعا لا الانسان اللى يحب حد لا يمكن فى اى وقت تانى يعتبره اخوه .. ولو اعتبره كده فدا وهم بيعيش نفسه فيه
والاحساس الاقسي بقي وقت ارتباط الانسان ده بواحدة تانية
دى قمة الاحساس بالجرح لما تشوف انسانة تانية فى نفس مكانها .. وتتكرر ادامها نفس التفاصيل اللى كانت بتحصل معاها
طول مهو فى حياتها هتتجرح مية جرح وجرح كل ما تشوفه او تشوف متعلقاته
لا ومش بس كده .. حبها ليه هيقلب بكره

هو اللى بيحب ممكن يكره ؟؟
اه ممكن يكره .. دا اكتر واحد ممكن يكره
لانه جرب احساس الحب وعرف شكله .. عكس اللى مجربوش ومعرفش يعنى ايه حب
بالتالى ميعرفش يعنى ايه كره

زى ما هو قرر يصارحها .. هى كمان قررت ترد عليه
قالتله لو كنت فعلا بتقدرنى .. ويهمك مصلحتى وخايف عليا
يبقي احسن حاجة لينا اننا نبعد عن بعض تماما
انا هتجرح شوية فى الاول .. بس بعد كده لو افتكرتك اقل حاجة هحترمك
اقل حاجة هفتكرلك ذكرى حلوة كانت بينا .. احسن ما حياتنا تطول مع بعض وتتملى بالذكريات الوحشة
واتعذب فى وجودك بعد ما كنت مصدر راحتى وامانى
الوحش هيغطى ع الحلو .. وهنكره بعض .. وكمان انا هتعب وهعيش فى هم

انت هتقدر تكمل حياتك على كده لانك مش معنى فى الموضوع
لانك مش حاسس باللى انا فيه .. ولا عمرك هتحس بيه .. لانك ما حسيتش من الاول
لو حسيته مكنتش قدرت تقولى خلينا اخوات

قالها هيهون عليكي تبعدى عنى ؟؟
قالتله هيهون عليا بعادك احسن ما تهون عليا نفسي
هحترمك فى بعدك احسن ماكرهك فى وجودك
هنساك وانت صفحة كويسة فى حياتى .. احسن مانساك وانا بحرق صفحتك واكره اليوم اللى عرفتك فيه
...



فى جو يغلب عليه الهدوء
وفترة من العقم التدويني ..
ببص فى الارشيف بتاعى كده لقيت مكتوب 199 بوست :O
يا نهار ابيض .. دانا عجزت يا جدعان :D
يعنى دا البوست ال200؟ .. اه فعلا

رغم انى مليش نفس للتدوين خالص اليومين دول ولا حتى متابع المدونات التانية اوى
بس اكتشفت انى لازم احتفل بالمناسبة الخارقة دى بردو :D
مهو دا ابني اللى خلفته من غير ماتجوز .. يبقي واجب بردو انى احتفل
ولا ايه يا جماعة؟؟ .. ايوة انا سامعكو بتقولو واجب

طيب يبقي كل مية وانت زى المية اللى قبلهم
كل مية وانت زى مانت يا ماى بلوج
:)

;;)



يالا عقبال الشهادة الكبيرة كداهوان

حب .. رومانسية


عندما تهديها ورده .. .. فهذه رومانسية
عندما تكون انت الورده.. .. هذا حــــب

عندما تدمع عيناك لدمعها .. ..فهذه رومانسية
عندما تمسح دمعها .. ..هذا حــــب

عندما تفعل كل شىء تحبه هي .. .. فهذه رومانسية
عندما تحب كل شىء تفعله لها .. .. هذا حــــب

عندما ترويها اذا ظمأت.. .. فهذه رومانسي
عندما تظمأ لترويها.. .. هذا حــــب

عندما تترك كل شىء تحبه لها .. .. فهذه رومانسية
عندما تترك كل شىء تحبه من اجلها.. .. هذا حــــب

عندما تفكر بأنه ليس لديك سواها .. .. فهذه رومانسية
عندما تفكر بأنه ليس لسواك ما لديك .. .. هذا حــــب

عندما تفعل المستحيل من اجل سعادتها .. .. فهذه رومانسية
عندما تسعد بالمستحيل من اجلها .. ..هذا حــــب

عندما تنظر لعينيها .. .. فهذه رومانسية
عندما تنظر بعينيها .. .. هذا حــــب

كلنا حاسبات


http://computers-informatics.blogspot.com/

فكرة جميلة اوى
كنا اتكلمنا فيها قبل كده
وكانت صاحبتها olive tree من البداية

اننا نعمل مدونة تضم اكبر عدد من المدونين الحاسوباتيين
يعنى طلبة حاسبات المدونين
وكنا اتفقنا اننا ننفذها من فترة
وتفضل الاخ محمد صلاح cave man بتنفيذها مشكورا
وبدأنا فعلا التدوين فيها بكام موضوع كده كبداية

البداية مبشرة جدا وتدى امل ان المدونة هتعمل حاجة مفيدة
يا رب نفضل على المنوال ده وللاحسن ان شاء الله

اى مدون من حاسبات يحب يشارك
يسيب الايميل اللى عامل بيه الاكونت بتاعه فى رد هنا

او يتوجه رأسا لمدونة
cave man
http://quicksofting.blogspot.com/

او لمدونةmorgana
http://morgana-sea.blogspot.com/

ويسيبه هناك
وهما هيضيفوه ويشارك معانا

بس خلاص
اى استفسارات نحن فى الخدمة

المكان:
سوبر ماركت

التوقيت:
الساعة 3 الضهر

وفى احد الممرات الضيقة فى السوبر ماركت
واحد ماشي بعربية من بتوع السوبر ماركت
وفى الاتجاه المقابل واحدة جاية بعربية طفل صغير

هى: لو سمحت هعدى ازاى انا كده
هو: على فكرة حضرتك اللى داخله غلط .. سلمى!!
هى: أأ !! (بتبص فى الارض)
هو: ازيك
هى: الحمد لله ..انت عامل ايه
هو: الحمد لله ماشي الحال .. انتى كويسة؟
هى: انااا..
هو: انتى كويسة؟
هى: ايوة
هو: الحمد لله .. قولى الحمد لله
هى: الحمد لله .. هو انت بتعمل ايه هنا
هو: بدهن الرصيف :D
هى: هههههههههه انت لسه دمك خفيف
هو: هههههههه يعنى كانو بيقولو
هى: مين دا اللى كان بيقول ..
هو: ..ابنك دا؟
هى: اه .. ابنى .. انت السبب ياحمد انت اللى كنت دايما تـ...
هو: ..اسمه ايه
هى: احمد :(
هو: (بايتسامة خفيفة) احمد؟ .. زى القمر ربنا يخليهولك
هى: يا رب .. انت متجوز؟
هو: ايوة .. هو لو مش متجوز كنت مشيت بالشيلة دى :)
هى: مش لازم يعنى .. فى ستات كتير مش بتطلب كتير .. ولا انت مش فاكر
هو: ملوش لزمة بقي الكلام ده .. خلاص
كنا عاوزين وكنت وكنتى .. محصلش نصيب بقي
هى: :(
هو: بلاش التكشيرة دى :)
هى: حاضر
هو: كنتى جاية تشوفى ايه فى الشارع ده :)
هى: مش فاكرة بقي خلاص
هو: خدى يمين فى شمال هتلاقيه هناك
هى: هههههههههههههه لا لسه جاية من هناك مفيش
هو: ههههههههههههه طيب هروح انا احاسب بقي .. لاحسن هيقفلو علينا السوبر ماركت كده
هى: طيب
هو: سلمى..
هى: ايوة
هو: خدى بالك من نفسك
هى: حاضر :)
هو: ومن احمد .. ومن ابو احمد
هى: حاضر

هو: سلمى..
بلاش الدموع دى

ولف عربيته الناحية التانية ومشي .. وهو الدموع ماليه عنيه
..

من الجزء اللى فات:
*/محمود: انتى عارفه قصدى كويس يا علا .. انا احق بيكي .. احنا بنحب بعض من زمان
هو ميعرفش عنك حاجة .. وانتى محدش يعرفك ادى .. ازاى منكونش لبعض
علا: ايه اللى انت بتقوله ده/*

علا: انت تنسي الموضوع دا خالص
ولو سمحت كفاية كلام فى الموضوع ده .. كده كتير اوى انا مش قادرة استحمل
ارجوك متتصلش بيا تانى .. وسيبنى فى حالى بقي
محمود: ماشي يا علا .. انا مش هضغط عليكي اكتر من كده
انا هسيبك لقلبك ولاحساسك .. وانا متاكد ان انتى مش هيهون عليكي كل اللى كان بينا بالسهولة دى
صح يا علا؟
؟
علا..
علا انتى بتعيطي؟؟ .. عشان خاطرى بلاش انا مبستحملش اشوف دموعك
يا علا..
غلا: حرام عليك يا محمود .. ليه وصلتنا للموقف ده .. انا عمرى عايرتك باى حاجة يا محمود
انا مش كنت دايما التمسلك العذر وكنت دايما واقفة وراك .. انا عمرى اتخليت عنك؟
حرام عليك نفسك وحرام عليك انا .. انا عذاب ضميري هيقتلنى
انت متخيل الوضع اللى انا فيه .. عمرك حطيت نفسك مكانى وعرفت انا عايشة ازاى
لو انت مبتنامش انا مبقدرش اغمض عيني
انا مبقيتش عارفه اعيش حياتى زى بقية الناس .. بفكر كل دقيقة وكل ثانية .. نفسي ارتاح زى بقيت البني ادمين
انا فكرت اموت نفسي عشان استريح من الدنيا باللى فيها..
محمود: لا
لا يا علا ابوس ايدك .. انا عايش بصوتك يا علا
مفيش حاجة مصبرانى ع الدنيا غير المكالمة بتاعتك دى
انا عارف انى بقيت انسان وحش وانا كاره تصرفاتى وفعلا مش طايق نفسي
بس مش قادر..
مش قادر يا علا اتخيل حياتى من غيرك
انا بعدك بقيت اضعف من اضعف بني ادم فى الدنيا .. انا مبقيتش محمود اللى تعرفيه ولا اللى اى حد يعرفه
بس لو شايفه ان انا مشكلة حياتك الوحيدة اعتبريني مش موجود
انا هختفي من حياتك يا علا
بس عشان انا بحبك .. مش عشان اى حاجة تانية
ربنا يوفقك يا علا..

علا عايشة اصعب ايام حياتها .. عياط ليل ونهار .. تعب وارهاق ومفيش نوم

علا: الو .. مروة معايا
مروة: ايوة يا علا مالك .. صوتك عامل كده ليه
علا: عاوزه اتكلم معاكى شوية .. ينفع؟
مروة: ايه ينفع دى يا علا .. احنا فى بينا الكلام ده .. ساعة وهكون عندك .. مع السلامة

مروة راحت لعلا

مروة: سلام عليكم .. ازيك يا مجدى
مجدى: اهلا ازيك يا مروة .. اخبارك ايه
واخبار الواد اللمض اللى فى بطنك هو وابوه
مروة: تاعبيني والله هما الاتنين :D
مجدى: هههههههه .. الله يكون فى عونك
مروة: علا جوا؟؟
مجدى: اه جوا اهى .. مش عارف مالها اليومين دول متغيرة خالص
مبتبطلش عياط ومش عاوزه تقولى فى ايه .. شوفيها كده يا مروة مالها
انا هنزل مشوار وجاى..

.
.
بعد ساعة كلام بينهم

مروة: انا مش قادرة اصدق اللى بسمعه
معقول؟؟
علا: انا خلاص مبقيتش قادرة استحمل
مروة: وليه يا علا وصلتى نفسك للموقف ده .. وانا كنت فين من دا كله
ليه مش بتحكيلي او تحكى لمامتك
علا: ماما لو عرفت حاجة عن الموضوع ده ممكن تروح فيها .. ارجوكى يا مروة انا كلمتك عشان نشوف حل
مروة: حل لايه يا علا .. الموضوع مفهوش تفكير
انتى متجوزه .. وجوزك ليه عليكي حق .. واظن انتى مشوفتيش منه حاجة وحشة لكل ده
علا: ربنا يعلم مجدى دا انسان طيب اد ايه .. وعمره ما زعلنى فى حاجة ولا خلانى محتاجه اى حاجة
مروة: مجدى بيحبك اكتر من اى حاجة فى الدنيا دلوقتى .. واظن مش من حقك انك تحطيه فى اى مقارنة مع اى حد فى الدنيا
موضوع محمود دا تنسيه خالص .. وتقطعى علاقتك بيه نهائيا
ربنا يعدى الموضوع دا على خير..

..
بعد يومين

مجدى: متعرفيش مروة هتجيب ولد ولا بنت
علا: لسه شوية مش هيبان دلوقتى
نفسك فى طفل يا مجدى
مجدى: طبعا .. هو فى اب فى الدنيا منفسوش يبقي ليه طفل .. مش محتاجه سؤال
.
.
مجدى بيتفرج ع التليفزيون

علا: مجدى..
مجدى: ايوة يا لولو
علا: انا بحبك اوى يا مجدى..
مجدى: :)
غريبة
علا: ليه غريبة؟؟
مجدى: اول مرة تقوليهالى صريحة كده :)
علا: هو انا محتاجة اقولك بحبك عشان تعرف انى بحبك يا مجدى؟
مجدى: لا طبعا مش محتاجة .. انتى كمان اغلى حاجة عندى فى الدنيا
علا: بجد يا مجدى؟
مجدى: ايه يا علا فى ايه .. ايه الكلام الغريب ده
علا: معلش محتاجة اطمن بس...

تانى يوم مجدى رجع من شغله ومستنى الغدا
علا فى المطبخ بتحضر الاكل

مجدى: يا علا..
يا علا موبايلك بيرن
راحت فين دى .. نامت جوا ولا ايه
يا علا..

مجدى طلع يشوف الموبايل
you have received 2 messages..
.
.
مجدى بيشوف الرسايل

MM:
علا انا مش قادر اعيش من غيرك
حاولت كتير والله بس مفيش فايدة

MM:
يا علا انا محمود .. معقول نسيتي اللى كان بينا بالسهولة دى

.
.
مجدى فى حالة زهول تام
مش قادر يتحرك .. ومش قادر يفكر .. حالة شلل فى النطق مفاجأة !!
.
.
علا طالعة من المطبخ بتبص على مجدى
علا حست ان فى حاجة .. علامات الصدمة بدأت تظهر على وشها

جريت على مجدى تشوف فى ايه
ماسك الموبايل فى ايده ومبيتحركش
عرفت ان فى حاجة جت من طرف محمود

..
علا انهارت من غير اى مقدمات .. ولا صوت يعلو صوت البكاء فى الشقة

.
.
مجدى قعد على كنبة الانتريه .. فاقد النطق .. فاقد الوعى تقريبا
باصص لعلا .. وعلا باصه فى الارض وبتعيط

مجدى: ليه؟؟
.
.

علا نزلت ع الارض تحت رجل مجدى
ومش عارفه تتكلم من العياط

مجدى: ليه كده؟؟
انا قصرت معاكى فى ايه؟؟
كان فى حاجة ناقصاكى؟؟

.
.
علا بصوت مختلط بالبكاء حكتله على كل حاجة

.
.
مجدى: طب وليه وافقتى عليا
بتردى اعتبارك لنفسك؟؟ .. طب وانا؟
مفكرتيش فيا
مفكرتيش فى اليوم ده
مفكرتيش فى حياتك اللى هتتقلب جحيم فى يوم من الايام

علا: يا مجدى انا والله حبيتكـ..
مجدى: .. بس .. متكمليش .. متجيبيش اسمي على لسانك
علا: لا .. يا مجدى والله ..

الكلام تاه من على لسانها
مجدى لسه على موقفه من الصدمة .. مش قادر يفكر .. مش قادر يتكلم .. والموبايل لسه فى ايده

علا: يا مجدى انا مستعدة اعيش تحت رجليك طول عمرى
انا غلطت غلطة كبيرة وانا عارفه كده .. بس انا كنت ضعيفة وكنت وحيدة ومفيش حد قالى اعملى ده ومتعمليش ده
انا عارفه ان ده مش مبرر .. وان انا ماتصرفتش صح .. بس انا ندمانة وعارفه غلطتى
والانسان ده بيطاردنى من زمان وانا مكنتش عارفه اتصرف ازاى
.
.
يا مجدى انا اخترتك انت
اه وربنا .. انا مش عاوزه غيرك
مجدى انت بتحبني .. صح؟
قول صح يا مجدى انا متأكده من كده
هنكمل حياتنا وهنجيب طفل صغير تفرح بيه زى مانت عاوز
وهتبقي اب .. صح يا مجدى؟
.
.
مجدى رد عليا ابوس رجلك .. انا بتقطع من جوايا
مكنتش اتخيل ابدا اننا نوصل لكده
يا مجدى طب قول اى حاجة
انت كرهتنى؟؟
طب انت مش عاوزنى تانى؟؟
اعمل ايه بس يا ربي..

.
.
عادل راح لمجدى بالليل

عادل: طبعا انا مقدرش اقولك كمل معاها او لا
بس كل اللى اقدر اقولهولك ان دى دلوقتى مراتك .. وانت بتحبها
واحنا بنى ادمين يا مجدى .. مين فينا مبيغلطش؟؟
وهى عرفت غلطتها وواضح انها ندمانة ..
القرار بايدك .. بس حاول تفكر فى بكرة شوية
انتو داخلين على سنة جواز .. وانتو اتعلقتو ببعض جدا
فكر يا مجدى .. بس فكر فيك وفيها .. فكر فى حياتك .. فكر فى بيتك .. فكر فى سمعتك
فكر فى حبك ليها .. فى تمسكها بيك .. زى ما هتفكر فى كرامتك وكبريائك
بس يا ريت تاخد قرارك بسرعة .. عشان تعرف هتكمل حياتك
مجدى
مجدى..

مجدى: ايوة سامعك .. سامعك يا عادل .. سامعك

.
.
مجدى عايش اصعب ايام حياته .. مبيبصش فى وش مراته
مجدى راجل شرقي وكلنا عارفين تقاليد الشرقيين وحكم دينهم
مجدى بيحب علا لحد النهارده .. وفى نفس الوقت مش قادر يرضي كرامته ويرد لنفسه كبريائه

.
.

مجدى محير بين امرين
يطلقها ... ولا يسامحها
ولا فى حل تالت ؟؟؟

لك ان تضع النهاية المناسبة :)

..انتهت..

مجـدى_7


//من الجزء اللى فات// محمود: انا هشوفك يا علا...

وقام محمود قافل السكه
علا التفكير هيقتلها ولانها مش متعوده تحكي لحد اي حاجه من مشاكلها
المشكله دي تعتبر كبيره جدا عليها وفوق طاقتها
.
.
وبردو قررت متقولش لحد كالعاده
مجدي روح البيت ودخل ورمي المفاتيح بتاعته

مجدي:علا...اما انا عندي ليكي حتة مفاجأه
لازم تعرفيها قبل ما تقومي تحضري الغدا
مجدي:يا ناس .. ايييييييييييه .. احنا سرحانين في ايه ... يا بختي يا بختي
علا:مجدي حبيبي انت جيت
مجدي:لسه انا بتصل اهو اشوفك فاضيه ولا لاء
علا:لا بجد انت هنا من زمان
مجدي:لا ابدا...انا لسه واصل من مفيش .. سرحانة للدرجادى
علا:لا ابدا .. كنت بتقول ايه
مجدي:مبقولش .. بس انا كنت شايفك الفتره اللي فاتت شكلك تعبانه وسرحانه دايما فقلت نغير جو يعني .. ولا انتى رايك ايه

علا مازالت سرحانه ودماغها مش معاه خالص

علا:ها .. طب اقوم احضرلك الغدا
مجدي:لا دانتى مش معايا خالص ..عشان انا تعبان اوي
علا:خير يا حبيبي في حاجه في الشغل
مجدي:يا ريت .. قصدي ايوه عادل مطلع عيني في الشغل وكان بيقول مراته تعبانه شويه
علا:لا الف سلامه ...هبقي اتصل اطمن عليها ... اقوم احضرلك انا الغدا
مجدي:يبقي احسن بردوا

ومجدي بيسأل نفسه هيا بتسرح في ايه الست دي ... يا رب خير
وابتدأ الشكوك تطارده ... خصوصا في الفتره الاخيره
.
.
ورن موبايل علا مره تانيه بس رقم غريب .. ردت وهيا عارفه انه هو

محمود:في ايه ده كله عشان تردي عليا
علا:تانى يا محمود
محمود:انا رسايلي مقطعه موبايلك .. مش بتقريها ولا ايه
علا:يا محمود افهم انا دلوقت ست متجوزه...يعني انا لو مراتك ترضي حد يعمل معايا كده
محمود: اقفل يعني؟؟؟
علا:ياريت بعد اذنك ...لان كده عيب في حقي ... لو بتحبني صحيح مش هتعمل كده
محمود:لو بحبك ...يااااااه ... بعد كل ده ...يعني عشان انا مكنتش بقولك حاجه يبقي خلاص
هي بتخليه يتكلم وبتوقعه في الكلام .. عايزة تسمع منه بس نفسها مش مطاوعاها
محمود:انا لما كنت بظهر اللامبالاه اللي انتي كنتي بترميني بيها بالزور وانتي متعرفيش حاجه عنى .. كل اللى كان هامك امتى هنتجوز
كنتى تعرفي ان انا اتبهدلت اخر بهدله عشان خاطرك واتهانت من اللي يسوي واللي ميسواش؟؟
كنتى تعرفي كمان اني ياما دورت علي شغل وكل الابواب كانت مقفوله وانتي الحاجه الوحيده اللي كانت بتصبرني علي عيشتي؟؟
كنتى تعرفى انى على مشاكل دايما مع ابويا اللى كنتى فاكره انى مسنود عليه
وكان مفيش بيني وبينه اى تفاهم؟؟
كنتى تعرفي كمان ان انا اتحملت اللي محدش اتحمله عشان خاطرك؟؟
بس مكنتش برضي اقولك وكنت مستني الفرج وكل مره كنت بكلمك فيها زمان كنت باخد امل للحياه وبرجع الف في نفس دايره الشغل اللي ملوش وجود اساسا

علا مش لاقيه الكلام ومش عارفه ترد ... وانت مكنتش بتقول ليه

محمود:اقول ايه
اقول انى فاشل مش عارف اشتغل .. ولا اقول انى مليش اب اتفاهم معاه زى بقيت البني ادمين .. ولا اقولك كلمتين من بتوع الافلام اننا نصبر ونعيش فى اى اوضه وناكل عيش ودقة

تعرفي كمان ان كان فيه فرصة سفر وانا مرضيتش اسافر غير لما اعمل قرشين واتقدم بيهم وبعد كده اشوف موضوع السفر ده ... رغم اني كنت عارف انه ده هيضيع مني السفريه .. بس كنت بحاول اعمل اى حاجة

علا اول مره تسمع الكلام ده ومش مصدقه خالص وشكلها كده...

علا:طب انا اعمل ايه دلوقت؟؟؟
محمود:انا عاوز اقابلك
علا:مينفعش خالص ومينفعش كمان الرسايل اللي عمال تبعتها دي
محمود:اقابلك ونتفاهم
علا:طب سلام دلوقتى
...
علا رجعت طبيعيه بعد المكالمه وارتاحت من التفكير في الحوار ده
شكلها كده قررت علي حاجه
مجدي روح البيت وداخل وبيغني يا ناسيني وانت علي بالي وخيالك ميفارق عيني
واول ما شاف علا قام معلي صوته

مجدي:ريحني واعطف علي حالي وارحمني من كتر ظنوني

علا عملت حاجه في الموبايل ورمته بسرعه

علا: دي مين دي ان شاء الله
مجدي:متاخديش في بالك ... صحيح مروه هتروح للدكتور بكره ياريت تبقي تروحي معاها دي موصيه عادل وعادل مأكد عليه
علا:ماشي هكلمها وهعرف التفاصيل ... اقوم احضر الغدا

وانتهي اليوم ومجدي راح علي شغله بعد ما اتفق مع علا انها تروح مع مروه للدكتور
علا اتصلت بمروه تشوف هيروحوا امتي

علا:ازيك يا ميرو
مروه:الحمد لله كله تمام
علا:ايه يا بنتي انتي شكلك تعبانه بجد في ايه خير
مروه:لا ابدا حاسه بدوخه كده ونفسي مسدوده عن الاكل
علا: يعني ايه؟
مروه:مش عارفه بقي ...هنروح للدكتور ونعرف
علا:طب انا جيالك حالا
مروه:خلاص هستناكي ...سلام
.
.
علا بتفكر تحكي لمروه ع المشكله اللي هيا فيها ومن كتر ماهيا بتفكر غيرت هدومها ونزلت بسرعه
وجرس بيت عادل بيرن

علا:جيتلك بسرعه اهو...عشان عاوزه اتكلم معاكي شوية
مروه:ماشي يا جميل...بس نروح مشوار الدكتور ونرجع نتغدي سوا ونحكي زي ما احنا عاوزين ... صحيح انتي مردتيش ليه لما كنت بتصل بيكي وانتي في السكه
علا:انتي اتصلتي امتي...مسمعتش حاجه يعني
مروه:لا اتصلت .. تلاقيكي عاملاه سايلنت
علا:اوبااااا...شكلي نسيت الموبايل في البيت ... لازم اروح اجيبه
مروه:يا ستي مش مهم انا معايا تليفوني لو حصل حاجة ادينا معانا تليفون واحنا راجعين نبقي نعدي نجيبه لو مقدرتيش تستغني عنه كده
علا:مقدرش فعلا
مروه:بركاتك يا عم مجدي ;)
علا:هههههههههه...ما احنا هنتكلم بعد الغدا وهحكيلك
مروه:طب يلا بينا

وخرجوا راحوا للدكتور ... وبعد ما كشفت مروه

الدكتور: مبروك يا مدام ... حامل
علا: الف مبروك يا مروة
الدكتور: لازم ترتاحى خالص اليومين دول
علا روحت مروة وخدت موبايلها ومشيت

محمود بيتصل بالليل

علا: ايوة
محمود: قولتى ايه يا علا
علا: لا يا محمود .. مش هينفع
محمود: لا هينفع يا علا .. انتى لسه بتحبيني وانا متاكد من كده
بكرة هستناكى فى نادى الاسرة الساعة 12 الضهر
اظن دا وقت مناسب جدا
سلام
..
تانى يوم علا راحت فى المعاد

محمود: كنت متاكد انك هتيجي
علا: دا ايه الثقة دى .. ولا دا غرور
محمود: انا مغرور بيكي مش عليكي
علا: ايه المطلوب دلوقتى يا محمود
محمود: انا هقولك على طول واجيب م الاخر

انا بحبك ومش قادر استغنى عنك .. وانتى بتحبيني .. انا دلوقتى جاهز وعلى استعداد اتجوزك من بكرة

علا: بس انا قولتلك متجوزة .. تتجوزنى ازاى يعنى
محمود: بعد ما تكونى مش متجوزه
علا: قصدك ايه يعنى
محمود: انتى عارفه قصدى كويس يا علا .. انا احق بيكي .. احنا بنحب بعض من زمان
هو ميعرفش عنك حاجة .. وانتى محدش يعرفك ادى .. ازاى منكونش لبعض
علا: ايه اللى انت بتقوله ده !!!

معظم الجزء دا سيناريو وحوار محمد صلاح cave man
انا اديته الفكرة بس وكملت على اللى كتبه
بشكره على المساهمة الفعالة
ونشكركم لحسن استماعكم .. قصدى متابعتكم :D
يتبع..

رأيك فيا..


رأيك فيا لا يدل عليا .. ولن يدل عليا

الى اى مدى مستفزة الجملة دى؟؟

مجـدى_6

Mahmoud was calling in the previous part :D

وعكس ما كله كان متوقع .. علا كنسلت ومرضيتش ترد

ام علا: مين يا علا اللى كان بيتصل
علا: مفيش يا ماما دا رقم غلط

وغيرت علا رقم موبايلها
وقطعت كل وسائل الاتصال مع محمود

مروة بتكلم علا

مروة: ازيك يا لووولو
علا: الله يسلمك عاملة ايه يا مروة
مروة: انا تمام .. انتى ايه الاخبار ;)
علا: الحمد لله ماشي الحال
مروة: ها مقولتيليش .. حددتو معاد الفرح ولا ايه
علا: مش عارفه والله يا مروة
مروة: امال مين اللى عارف ياختى .. انا اللى هعرف
علا: لا محددناش لسه .. هشوف واقولك
مروة: مممممم
.
.
مروة: مكلمكيش من ساعتها
علا: كلمنى وكنسلت عليه
مروة: كنسلتى على مجدى :O .. يا لهوى ليه كده
علا: ايه ده مجدى ايه .. لالا .. رديت رديت
مروة: مالك يا بت تايهة ليه كده .. فى مشكلة ولا ايه
علا: لا مفيش .. مفيش حاجة
مروة: انتى غيرتى رفم موبايلك ليه
علا: مفيش زهقت منه بس

..
..

عادل: بس يا معلم .. اظن معادش فى حاجة ناقصة كده
مجدى: مش عارف يا اخى .. حاسس ان لسه حاجة بردو
بكرة هجيب علا وامها ونشوف كده يمكن عاوزين حاجة تانى
عادل: يابنى انت مش جبتهم قبل كده .. هى شغلانة
مجدى: بردو يا عم يمكن فى حاجة احنا مش شايفينها ولا حاجة
وبعدين عروسة بقي خليها تعمل اللى هى عاوزاه
عادل: مدلعها اوى انت يا ميجو ;) .. مانت طلعت حنين اهو
امال كنت عاملى فيها الراهب الاعظم ليه
مجدى: هههههه .. ولا راهب ولا حاجة يا عم .. انا اللى مكانش فى دماغى بس
وبعدين علا طيبة وبنت حلال وتستاهل احسن حاجة فى الدنيا
عادل: ااااااااه .. فينك يا ست علا تسمعى الكلام ده
متخليهاش تقعد مع مراتى كتير يا عم .. مش عايزنكو تفتحو علينا فاتوحه
الستات برغى فى كل حاجة .. والتانية تيجي تقولى اشمعنا واشمعنا
مجدى: ههههههه .. يالا يا معفن
عادل: ههههههههه .. الفرح امتى يا سيدي
مجدى: خلاص حجزت الاسبوع اللى جاى
الخميس فى نادى التعاون
عادل: التعاون كمااان .. ال ل ل ل .. دى شكلها لحست دماغك خالص يا معلم
مجدى: ههههههههههههههههه

.
ومجدى اتجوز علا
وبعد شهرين من جوازهم
.

علا: الو..
؟؟؟: اخيرا رديتي يا علا
علا: انت مين
؟؟؟: انا مين؟ .. مش عارفه انا مين
علا: ايوة انت جبت رقمى منين .. وبتتصل بيا ليه
؟؟؟: ليه عملتى معايا كده يا علا .. دانا بحبك
علا: بتحبني ازاى .. لو كنت بتحبني كنت اتحركت عشانى
انا ياما اتحايلت عليك عشان تاخد خطوة واحدة بس تحسسني بيها انك عاوزنى
؟؟؟: بس انتى عارفه ان انا عاوزك يا علا
علا: معادش ليه لزمة الكلام ده خلاص يا محمود
محمود: امال كان ليه لزمة امتى .. مانا حاولت اكلمك كتير وانتى مكنتيش عاوزه تردى عليا
علا: يا محمود انا حكيتلك على كل حاجة .. وعرفتك موقفي .. وانت رديت عليا بكل استهتار ولا مبالاه
محمود: انا عارف انى غلطت .. بس انا مش قادر اعيش من غيرك يا علا
حاولت كتير انساكى بس مش قادر
يا علا انا بقالى 3 شهور عايش فى نار .. مبعملش حاجة غير انى بشتغل
يا علا انا من غيرك مش عارف اعيش
علا: ياما اتحايلت عليك يا محمود .. ياما كنت هبوس رجلك عشان تتحرك
محمود انا بقيت متجوزة دلوقتى .. مينفعش نتكلم بالطريقة دى
محمود: يعنى انتى نسيتيني يا علا ؟؟
علا: يا محمود بلاش الكلام ده عشان خاطرى .. ربنا يوفقك فى حياتك وتلاقي اللى تستاهلك و..
محمود: لا
لا متكمليش .. انا مش هدور على حد .. انا مش متخيل انى ممكن اكمل حياتى من غيرك
علا: لازم تنسانى يا محمود .. وانا هختفي من حياتك خالص
محمود: وانا مش هسيبك يا علا .. انا لو فكرت انساكى يبقي بحكم على نفسي بالموت
ارجوكى حسي بيا .. انا بتقطع .. هشوفك امتى
علا: تشوفنى؟ .. لا تشوفنى امتى .. انسي الموضوع دا خالص
محمود: انا هشوفك يا علا
لازم اشوفك
علا: محمود انا متجوزه
محمود: انا هشوفك يا علا...

يتبع..

رسائل أحدث رسائل أقدم الصفحة الرئيسية

Blogger Template by Blogcrowds