الرسالة دى جاتلى من شوية
//
المرأة : لماذا تحبني ؟ وش الي خلاك تحبني بالضبط ؟
الرجل : ماقدر اقولك السبب .. بس انا فعلاً احبك
المرأة : انت حتى ماتقدر تقول لي السبب ؟ أجل اشلون تقول لي انك تحبني وأنت ماتعرف ليش ؟
الرجل : صدقيني .. ماأعرف السبب .. بس انا احبك موت
المرأة : لا مايصير .. لازم اعرف السبب ..حبيب صديقتي دايماً يقول لها ليش هو يحبها ..بس انت
ماتعرف
الرجل : اوكي اوكي .. انا احبك لانك حلوه كثير ، ولان صوتك حلو موت ، ولانك تهتمين فيني وتحبيني ، ولان روحك كلها تفاؤل .. ولان ابتسامتك ساحرة وجذابة ، واحبك لكل حركة تسوينها وكل
خطوة تمشينها
لسوء الحظ
بعد بضعة ايام حصل للمرأة حادث بليغواصيبت فيه اصابات بالغه عندما اتى الرجل لزيارتها ..
وضع بجانبها رسالة قصيره كتب فيها
عزيزتي
لجمال صوتك أحببتك .. . . ولكن الآن هل تستطيعين الكلام؟
كلا
إذن فأنا لا استطيع ان احبكِ
ولانك تهتمين فيني وتحبيني .. .أحببتكِ، ولكن الآن هل تستطيعين إظهار هذه المشاعر؟
كلا
إذن .. فأنا لا استطيع ان احبكِ
ولابتسامتك الساحرة .. .. احببتكِ .. ولكل حركة تتحركينها كنت احبكِ
ولكن .. الآن
هل تستطيعين الابتسام؟؟ هل تقدرين على الحركة؟
كلا
لهذا السبب فانا لا استطيع ان احبكِ
عزيزتي
لوكان الحب يتطلب أسباباً ..فانتي الآن لا تملكين اي سبب لكي احبك ِ من اجله
اذن ..فهل يحتاج الحب اسباباً ؟؟..ابداً
فانا لا ازال احبكِ ..وسأظل احبكِ ماحييت
خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ
احيانا نفكر انه يوجد اسباب للحب ؟؟
ولكن بعد قراءة الموضوع تأكد لي ان لا يوجد سبب للحب
الحب هو شيء بداخلنا لو لم نجده لأخترعناه
ويبقى الحب لا يعرف له أسباب ؟؟؟
//
ايه رايكو فى الكلام ده
!!!
!!!
12 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
افهم من كده انكو مؤيدين للكلام ده
طيب انا ليا رأى تانى
مفيييييش حد بيحب حد من غير سبب
لو مفيش سبب لحد انه يحب شخص معين
كان حب اى شخص تانى واداه المكانة دى
حبش للشخض دا معناه انه توافر فيه الحاجات اللى بتتمناها فى الشخص اللى انت عاوزه
او مش كده بالظبط
انت حبيت الشخص دا لانك لقيت فيه كذا وكذا وكذا
ودا اللى ميزه عن غيره
لذلك انت حبيته
ومش معنى انه وقع فى مشكله خلت الحاجات اللى حبيته عشانها مش موجودة
فدى حاجة مش بارادته
وبعدين الاسباب اللى قالها حبها عشانها دى
حاجات معظمها تافهة متأديش لحب يعنى
يمكن عشان القصة سعودى .. مفيش الحبكة الدرامية :D
بس اللى عاوز اقوله
ان كل انسان فيه ميزه بتميزه عن غيره
ولازم حبيبك دا غير كل الناس ولازم يبقي عندك اسبابك لحبك ليه
نورتو :)
انت بتحب امك رغم انها مش اجمل ست في الدنيا
بتحب ابوك رغم انه فيه حاجات بتكرهها فيه موت
بتحب اخواتك رغم انهم بيطلعوا عينيك
بتحب صحابك رغم انك عاوز تغير فيهم حاجات كتير
هيا بذره ولما تطرح يبقي عليه العوض يا ابو صلاح
مش لازم اسباب يعني
ولو دورت علي اسباب لكده مفيش عير سبب واحد
مش قايله
بس ممكن ابقي اقولهولك
بس اسمع الكابتن نزار قباني بيقولك ايه
لماذا أحبُّكِ؟
إنَّ السفينة في البحر، لا تتذكّرُ كيف أحاط بها الماء..
لا تتذكرُ كيف اعتراها الدوار..
لماذا أحبّكِ؟
إنّ الرصاصة في اللحم لا تتساءل من أين جاءتْ..
وليست تُقدِّم أيَّ اعتذار..
* * *
لماذا أحبُّكِ.. لا تسأليني..
فليسَ لديَّ الخيارُ.. وليس لديكِ الخيارْ
مش شرط طبعا
بس خد بالك
العاطفة ناحية الام والاب والاخوات
دى غير العاطفة بتاعة الحب والرومانسية والجواز
انت اتولدت لقيت دول امك وابوك واخواتك
مربيينك من قبل ما توعى ع الدنيا
دانت لو طرزان ومربياك غوريلا هتكبر وانت بتحبها
لان دى الفطرة وربنا خلقنا على كده
لكن حب الارتباط دا حاجة تانية
مينفعش تحب واحدة من غير اسباب
حتى لو الحب الخطف ده
اللى بيقولو عليه من اول نظرة
يمكن مبقتنعش بيه
بس بردو اكيد بيبقي ليه اسباب
حتى بردو الجواز التقليدي
جواز الصالونات ده
لو بالعشرة ملقاش كل طرف فى التانى حاجة مميزة عن غيره من نفس الجنس
اكيد حياتهم مع بعض هتبقي مملة وفاترة
عاوز اقولك ان الموضوع مبيجيش خيط لزق كده يعنى
اما بالنسشبة لعمك نزار ده
ف يا مزاج ابوك يعنى
بتجيب الراجل ده فى اوقات
بتنشل يعنى
بس نزار بيبالغ طبعا مفيش شك
طب وربنا ما انا رادد عليك
وتصدق كنت هرصلك العصيده كامله
بس خساره فيك
بقي انا تقولي طرزان وغورله كمان
اخص علي كده
بس هقولك
اذا عُرف السبب بطل العجب
وتصدق كمان كنت ناوي اقولك السبب
مش قايله بردو
دا انت تستحق Admin ع الجروب بتاعنا ع الفيس
طب مانت رديت اهو :P
وانا هجيب العصيدة يا عم
مش دى بتاعة الحب الحب .. الشوق الشوق
هههههههههههههههههه
كله الا الجروب بتاعكو ده
دانتو مسخرة :D
بس بردوا الميزه دى محدش هيشوفها غيرك
حتى هى متكنش مثلا شيفاها فى نفسها بس انت شيفها فيها وواخدها ميزه فيها من كل النواحى
علشان كدا لو حد سألك عن ايه اللى عجبك فيها مش هتلاقى الرد اللى يقنع لان محدش شايف بعيونك ولا حاسس بقلبك
:)
ونفس الكلام للبنات طبعا , لما حد يسألها ايه اللى عجبك فيه ممكن مش تلاقى رد ...
جميل جدا الكلام و الموقف فى الموضوع
الحب والمشاعر عمرها ما كانت بالشكل وبالمقاسات .
ثانكس فور توبيك
ياااااااه كان نفسى ارد فرانكو بس يلا مش مهم بقى D:
:)
الحمد لله انك نسيتى تردى فرانكو
ثانيا
تمام كلامك
بس ع الاقل لما يسالها حبيتيني ليه
او تساله حبيتنى ليه
يكون فى رد .. ميبقاش احمد زى الحاج احمد
ولا ايه يا ست الزتون
يكون فى رد .. ميبقاش احمد زى الحاج احمد
//
مش عارفه
بس عمره ما كان بالكلام يا احمد
الحب فعل وفى كل فعل منها او منه لازم يأكدوا لبعض انهم لسه باقيين على بعض
مش كله شويه بقى تفكره بتحبه علشان كذا وكذا
الاهم من الكلام الفعل
وكل فعل بتعمله بياكد ان كان المشاعر صادقه ولا لا
واعتقد استمرارهم مع بعض واتفقهم على حاجات كتير دا اكبر دليل على الحب ما بينهم ومدى حب الطرفين لبعض
انتو بردو مش فاهميني
انا قصدي الانطباع الاول
ايه اللى شدها فيه
ايه اللى خلاها تقول هو دا عن غيره وغيره
اكيد الحب دا مش مسألة وقتيه
دا بيستمر طول العمر
ولازم طبعا يفضلو باقيين على بعض على طول
لكن مبقولش تفكره كل شوية حبته عشان كذا وكذا
لكن ميبقاش اختيارها ليه من غير اسباب كده
والا يبقي ضل لوح من دول
ولا ضل حيطة :D
انتو بردو مش فاهميني
انا قصدي الانطباع الاول
ايه اللى شدها فيه
ايه اللى خلاها تقول هو دا عن غيره وغيره
اكيد الحب دا مش مسألة وقتيه
دا بيستمر طول العمر
ولازم طبعا يفضلو باقيين على بعض على طول
لكن مبقولش تفكره كل شوية حبته عشان كذا وكذا
لكن ميبقاش اختيارها ليه من غير اسباب كده
والا يبقي ضل لوح من دول
ولا ضل حيطة :D