خالد: ساره !!
ساره: ايوة ساره .. انت لسه فاكر صوتى :)
خالد: ازيك
ساره: انت ازيك .. حمد الله ع السلامة يا خالد
خالد: الله يسلمك
ساره: وماما عاملة ايه واخوك
خالد: كويسين الحمد لله
ساره: وحشتنى يا خالد
خالد: اكتفي بضحكة باهته
ساره: خالد انا ...
خالد: انتى عامله ايه فى دنيتك
ساره: تعبانة يا خالد
خالد: ليه بس .. خطيبك عامل ايه
ساره: سيبته
خالد: ليه كده
ساره: ماتفقناش
خالد: يا خسارة .. دا كان جاهز وجاركو كمان .. معلش تتعوض ان شاء الله
ساره: خالد .. انا
خالد: ايوة
ساره: انا بحبك يا خالد
خالد: ههههههههه .. بحبك يا خالد؟؟
من امتى لامتى
اديني المواعيد
ساره: يا خالد ارجوك انا مش جاية اقولك اعذار .. انا عارفه ان مفيش اعذار مقبولة بالنسبالى
انا بحبك يا خالد .. بحبك فى كل وقت .. وعمر حبي ليك ما قل يوم واحد
انا عارفه انى غلطت .. وعارفه انها غلطة فظيعة
خالد: دى مش غلطة .. دى ماسمهاش غلطة .. دى اسمها .. اسمها .. اسمها ايه بس
مش عارف
مش لاقيلها اسم
ساره: يا خالد سيبك من الاسماء .. خلينا نبدأ صفحة جديدة
خالد: لااااء .. ابوس ايدك .. كفاية صفحات بقي
انا تعبت
دا مش جرح وهيلم .. دى علامة ومبتروحش
فى حاجات بتتحفر يا ساره .. مش موقف ويتنسي
ساره انا سافرت عشانك
مش عشان اى حاجة تانية
اخترت اكون بعيد عن اهلى وبلدى .. اخترت ازل نفسي واستحمل البهدلة
اخترت اضيع سنتين من عمرى فى مرمطة ووحده .. اخترت الحاجة اللى تقربنى منك فى اسرع وقت
واخترت كل حاجة بارادتى مش بضغط من حد .. كان كل ما اتمنى انى اكون حد يستاهلك بس
ساره انا كنت ماشي بخطاكى .. كنت بستمد منك ثقتى
ساره انتى كنت كل حاجة فى حياتى
ساره: وليه كنت يا خالد .. ماحنا فيها
خالد: فيها؟؟ .. فيها ازاى بس
احنا كل واحد فى طريق من يوم ما فكرتى ترتبطى بحد غيري
ساره انا مش ستبن .. الفردة الاصلية تنام تحطيني مكانها
انا بني ادم وليا كرامه .. انا مش هكون واحد فى طابور مستنى دوره .. دا لو جه دوره
ساره: يا خالد انت ..
خالد: .. انا ايه
انا ايه بس .. مفيش حاجة هتخليني ابقي خالد بتاع زمان
ساره انتى بتقولى سبته عشان ماتفقناش .. يعنى لو اتفقتو كنا هنقولكو مبروك
ومعنى كده انك لو ماتفقتيش معايا هنقول لغيري مبروك
ساره: انا راضيه بكل اللى تحكم بيه
خالد: معادش ينفع .. خلاص مبقاش وقته الكلام ده
انا كنت راضي بكل اللى انتى تقولى عليه .. عملت حاجات من غير مافكر
عشان بس اثبتلك ان انا اد كلمتى مع باباكى
ازاى هاجى تانى واحط ايدي فى ايده وهو بس عاوز واحد مجرد لائق ماديا
وازاى هكمل معاكى حياتى مع حد كان فى يوم من الايام ايده فى ايد غيري
لو قلبي قدر كرامتى مش هتقدر
ساره: هو احنا في بينا كرامتى وكرامتك يا خالد
خالد: اه بقي فى .. دلوقتى فى .. لازم يبقي فى
ساره: يا خالد انا مش طالبه منك اكتر من انك تبقي رحيم بيا .. وتقدر ان انا محبتش ولا هحب فى حياتى غيرك
خالد: وانتى مكنتيش رحيمة بيا ليه لما اترميت فى بلد تانية ومعزول عن العالم عشان بس اعجب وارضي واتقبل
ساره: يعنى مش هتسامحنى يا خالد
خالد: ممكن اسامح فى اي حاجة غير ان حد يمس كرامتى
ساره: خالد احنا كرامتنا واحدة
خالد: كانت .. او كانت هتكون واحدة
سارة انتى بعتى .. وبعتى برخيص اوى .. عينك اتعمت عن حاجات كتير اوى
انا لو رجعتلك عمرى ما هسامح نفسي على غلطة غلطها فى حق نفسي
ساره: انا غلطة يا خالد؟
خالد: اسف
ساره: متتاسفش .. انا عارفه ان من حقك تقول اى حقك .. ومش هعاتبك ولا هلومك .. ومش طالبه منك اكتر من انك تفتح قلبك وتسيب نفسك للى هيوديك ليه قلبك
خالد: معادش فى قلب خلاص .. جزء فى جسمي وفقد فاعليته .. والبركة فيكي
ساره: خالد انا بتعذب .. ارجوكــ..
خالد: ارجوكى انتى كفاية بقي .. كفاية لحد كده .. ولا تتعبي نفسك ولا تتعبيني .. ربنا يكرمك وتلاقي حد كويس وبردو يرضي طموحك وطموح بابا
معادش ليكي فى قلبي غير دعوة .. معنديش اللى اديهولك غير كده
ساره: خالد .. انا محتاجالك يا خالد
((محتاجالك يا خالد))
............
خالد: بصوت مختلط بالبكاء .. يا خساره
يا خساره يا ساره .. ضيعتى كل اللى بنيناه .. خسرتيني وخسرتى نفسك
وخسرتى حياة كاملة كانت هتتغير مسارها بالنسبة لشخصين
محتاجالى؟؟ .. مانا ياما احتجتلك
دانا كمان عمرى ما احتاجت من الدنيا غيرك .. وادى الدنيا ادتنى كل حاجة غيرك
كل حاجة موجودة الا ساره
ساره: بصوت منفطر من العياط .. انا معاك اهو يا خالد .. انا ملك اديك
خالد: لا .. مش دى ساره
مش دى ساره اللى عرفتها ولا حبيتها ولا بنيت احلامى عليها
ساره اللى اعرفها ماتت من حياتى
خلاص مفيش ساره
.........

:(

خالد انعزل عن العالم
خالد فقد كل معانى الحب .. الاخلاص .. الوفاء .. التضحية .. الارتباط
خالد اتحول من قلب نابض بالحنين والاشتياق للرجوع لمصر
لأله شغل لا ينقطع عملها
شغل ليل مع نهار
بيحاول يحط كل همه فى الشغل

خالد كان المفروض معاد رجوعه مصر اخر الشهر ده

علاء اخو خالد بيتصل بيه

خالد: الو
علاء: ايوة يا خالد ازيك
خالد: الحمد لله .. ازيكو انتو عاملين ايه .. امى كويسة؟؟
علاء: كويسين الحمد لله .. هنستناك امتى يا خالد .. النهارده 25 فى الشهر
خالد: تستنونى فين
علاء: نتستناك هنا.. مش انت راجع اخر الشهر ده؟؟
خالد: لا لسه شوية .. انا مديت مدة اقامتى 6 شهور كمان
علاء: ليه كده يا خالد .. انت بقال كتير اوى عندك .. ومنزلتش ولا اجازة حتى
خالد: معلش يا علاء الشغل عايز كده .. ربنا يقدم اللى فيه الخير

عدا 3 شهور كمان والحال كما هو عليه
خالد مبيعملش حاجة غير انه يشتغل

علاء بيتصل بخالد
خالد: سلام عليكم .. ازيك يا علاء
علاء: خالد يابنى ازيك عامل ايه .. كده متسالش عن امك خالص يا خالص
خالد: امى؟ ازيك يا حبيبتي .. مشاغل يا امى والله
ام خالد: امك موحشتكش يا خالد .. بقي هنت عليك تسيبنا كده كل الفترة دى
خالد: اعمل ايه بس يا امى .. مش احسن من القعدة فى مصر
ام خالد: لا يا خالد مش احسن .. رب هنا هو رب هناك
ووقت ما ربنا هيفرجها عليك .. هيفرجها فى اى حته
ارجع بقي يا خالد .. عايزة افرح بيك قبل ماموت يابنى
ولا انت مش عايز تفرحنى؟؟
خالد: بعد الشر يا امى .. ربنا يديكي الصحة وطولة العمر
ام خالد: يا خالد انا مستنياك .. ومش هرتاح ولا يهدالى بال الا لما اشوفك ادامى وافرح بعيالك كمان
خالد: ان شاء الله يا امى .. ان شاء الله

هما يا دوبك اسبوعين
وبعد الحاح من اهل خالد انه يرجع
قرر انه يحزم الامتعه ويرجع بلده
خالد صفي كل شغله فى السعودية وقرر انه ينزل مصر
واكتفي بسنتين من الانقطاع الكامل عن كل وسائل الحياه
سنتين عدو مشافش فيهم غير المر والتعب

رجع خالد مصر
استقبله اهله بعد طول غياب

ام خالد: ازيك يا خالد يابنى .. كنت عامل ايه هناك
خالد: والله يا امى حالتى كانت زفت .. زى الطور اللى مربوط فى ساقية
ولا اعرف حاجة عن حد ولا حد يعرف عنى حاجة
ام خالد: وايه يابنى اللى غاصبك على كده
متقعد فى بلدك بكرامتك .. ورزقك هيجيلك بردو
انساها بقي يا خالد .. ربنا هيرزقك بست ستها
خالد: :) حاضر يا امى .. حاضر

خالد رجع كبير اوى
قضي سنتين من الشغل المتواصل وصل بيهم لحاله مادية كويسة اوى

خالد اللى راح السعودية عكس اللى رجع منها تماما
كان رايح بقلب مليان وجيب فاضي
رجع بقلب فاضى وجيب مليان
وبكده بقي خالد اللى يستاهل اى بنت يشاور عليها
بس مش دا خالد اللى بيعتبر الجواز سفقة من ضمن صفقات الشغل

خالد فتح شركة محاسبة كبيرة وربنا كرمه من وسع
خالد بيفتكر ايامه قبل ما يسافر .. وايامه بعد ما جه
سبحان مغير الاحوال

سلوى بتتصل بخالد
خالد: الو
سلوى: ازيك يا خاااااااالد .. عامل ايه يا واد .. ولا خلاص انت كبرت على واد دى
خالد: هههههه ازيك يا سلوى .. لا طبعا منكبرش عليكى سوسو
سلوى: يا لهوى انت لسه زى مانت يابنى .. مش هتبطل بقي
خالد: ههههههه لازم انكشك كده يا سووو
سلوى: ههههههه عامل ايه يا خالد .. حمد الله ع السلامة يابنى
خالد: الله يسلمك .. انا تمام الحمد لله
سلوى: تمام؟ عليا بردو
خالد: قصدك ايه يعنى
سلوى: انت عارف قصدى كويس
خالد: طيب اعمل ايه يعنى .. نصيب بقي
سلوى: ايوة نصيب ونعم بالله .. كل واحد بياخد نصيبه طبعا
خالد: الحمد لله
سلوى: ساره مش بتكلمك خالص؟
خالد: ساره؟
سلوى: ايوة .. ساره
خالد: لا مكلمتنيش .. وتكلمنى ليه بقي
سلوى: الله .. تقولك حمد الله ع السلامة يا اخى .. احنا مش زمايل بردو ع الاقل
خالد: ايوة .. زمايل
سلوى: اخص .. بت ندلة .. انا هشدهالك لما اشوفها
خالد: لالالالالالالا .. لا تشدى ولا بتاع .. ربنا يسهلها
سلوى: لا تشدى ولا بتاع؟ .. من قلبك الكلام ده؟
خالد: ايوة من قلبي
سلوى: لا يا خالد مش من قلبك
خالد .. روحت فين
خالد: ايوة معاكى
سلوى: معايا فين بس .. مش هتتصل بساره؟
خالد: لاء
سلوى : براحة بس .. لا ليه
خالد: بتتكلمى ازاى يا سلوى .. انا اللىاتصل بيها بردو .. مــ
سلوى: خالد .. ساره فشكلت خطوبتها
خالد: أأ .. ايه
سلوى: زى مانت سمعت
خالد: وانا اعمل ايه يعنى
سلوى: لا تعمل كتير .. يالا اتصل بيها
خالد: لا بردو يا سلوي
سلوى: متبقاش عندى بقي .. بالزمة مش واحشاك؟
خالد: مش هتصل
سلوى: واحشاك ولا لا .. رد
خالد: خلاص يا سلوى الموضوع ده انتهى
سلوى: لا مانتهاش يا خالد .. انت بتحب ساره وهى بتموت فيك
خالد: زمان .. كان زمان
سلوى: زمان وكل زمان .. متركبش دماغك وخليك كويس
خالد: اخليني كويس؟ .. وانا كده وحش ولا ايه
سلوى: لا خالد مش وحش .. خالد قلبه طيب وكمان خالد عاقل
خالد: طيب ايه يا سلوى .. انتى ترضيهالى؟
سلوى: بص اصل ..
خالد: ترضيهالى؟
سلوى: يا خالد متبصلهاش كده .. وسيب قلبك يدلك
خالد: لا مش هسيب قلبي يا ساره .. قلبي دا اللى مشانى وراكو اول يوم شوفتها فيه
وقلبي دا اللى ودانى وراها المكتبة
وقلبي دا اللى خلانى اشوف نتيجتها قبل نتيجتي
وقلبي دا اللى خلانى استنى بالساعات فى الجامعة بعد ما الناس مشيت عشان افرحها بنفسي .. عشان بس مجرد اشوف نظره فرح فى عنيها وابقي انا اللى بشرتها
قلبي دا اللى خلانى احبها 6 سنين ورا بعض من غير مابص لغيرها ولا افكر فى حد تانى
قلبي دا اللى خلانى اشتغلت حاجات مش بتاعتى عشان اعمل اى حاجة توصلنى ليها
قلبي دا اللى خلانى اروح اكلم باباها وانا عارف انه هيرفض لمجرد انى ارضيها
وقلبي اللى خلانى اسافر سنتين اتعذب فيهم عشان ابقي حاجة تستاهلها
قلبي؟
قلبي ايه بقي
قلبي ايه بس
سلوى: يا خالد حرام عليك نفسك .. متعملش فى نفسك كده .. متشيلش نفسك اكتر من طاقتها
خالد: يا سلوى ساره دى اللى حببتني فى الدنيا .. وهى بردو اللى كرهتنى فى الدنيا
هى اللى خلتنى اسافر وانا نفسي ارجع تانى يوم عشان الحقها
وهى اللى خلتنى مش عاوز ارجع من هناك خالص بعد ما الحياة مبقالهاش طعم
سلوى: لا ليها يا خالد .. سامح انت بس .. وسيبك م اللى فات
خالد: اسيبنى؟ .. انتى بتتكلمى ازاى
اسيبنى من البهدلة والمرمطة اللى شوفتهم فى مصر
ولا اسيبنى من الذل والغربة اللى شوفتهم برا مصر
ولا اسيبنى من سنتين ضيعتهم من عمرى بعيد عن اهلى وبعيد عن الدنيا كلها كل همى انى اعمل اللى يخليني اعجب فى عين ابوها
اسيبنى من ايه ولا ايه
لا يا سلوى .. لا
سلوى: راجع نفسك يا خالد .. ومتخليش الحماس ياخدك
انت بتحب ساره .. ومش هقولك اكتر من كده
ومتكلمش ساره يا خالد .. اعمل اللى يريحك
سلام

خالد مقضي وقته كله فى الشغل
نجاحاته متتالية .. لكن حالته النفسيه مش مظبوطه

ام خالد: مالك يا خالد
خالد: مليش يا امى .. انا كويس الحمد لله
ام خالد: كويس ايه يابنى هو انا مش عارفاك
خالد: مفيش حاجة يا امى .. شوية ارهاق من الشغل بس
ام خالد: ريح نفسك شوية يا خالد .. الشغل مش هيطير
خالد: حاضر يا امى
ام خالد: وشد حيلك بقي يا خالد .. عايز افرح بيك قبل ماموت
خالد: بعد الشر عنك .. ربنا يديكي الصحة وطولة العمر
ام خالد:يا خالد انت بقيت شاب ميتعيبش .. شاور على اى بنت .. عايزة اشوف عيالك بقي
خالد: ربنا يسهل .. ربنا يسهل يا امى
ام خالد: ربنا يوقعك فى بنت الحلال يا رب
خالد: يا رب

خالد دخل ينام
موبايله بيرن .. رقم غريب

خالد: الو
ساره: خالد..
خالد: ساره؟؟!!!

يتبع .. ولا بلاش؟ :D

هههههههههههه

السوق باظ ياد يا حدوته
:D
احنا بايننا وقعنا مع هواه ولا ايه


مخطوبة ايه
قصدك ساره مين؟؟؟؟؟؟
ساره ساره اللى انا بحبها
ساره يا وليد .. انت بتقول ايه
وليد: ايه يا خالد انت متعرفش ولا ايه .. ساره اتخطبت بقالها ييجي شهر .. انا بحسبك عارف
خالد: عارف ايه .. ساره مش هتتجوز حد غيري انت بتقول ايه
وليد: اهدى يا خالد بس .. ساره متستاهلكش .. ربنا يرزقك باللى تقدرك
خالد: ازاى حصل ده ومن امتى .. انا مش مصدق
طيب انا هقفل دلوقتى يا وليد معلش .. هكلمك بعدين
وليد: استنى يا خالد بس .. خالد
خالد قفل

خالد مش قادر يتمالك نفسه
مش عارف يتصرف ومش شايف ادامه

خالد اتصل بساره

خالد: الو
ساره: الو ازيك يا خالد عامل .. ايه فى الشغل والــ
خالد: ...ازيك يا ساره .. مامااا عاملة ايه دلوقتى
ساره: تعبانة شوية والله يا خالد .. بس الحمد لله يعنى بتـــ
خالد: ...تعبانة شوية لسه .. يعنى حضرت الخطوبة ولا لا
ساره: خطوبة صاحبتي لا مقدرتش تروح
خالد: طب وخطوبتك انتى
ساره: خطوبتى؟؟ .. لا .. خالد .. استنى انت فهمت غلط .. داا..
خالد: ..فهمت ايه غلط .. امال مين اللى اتخطب
ساره: دى فاتحة اتفرت يا خالد .. واحد جارنا قرا فاتحة مع بابا وانا مكنتش اعرف حاجة عن الموضوع ده
خالد: فاتحة؟؟...
ساره: صدقنى يا خالد .. الموضوع جه فجأة .. انا مش موافقة والموضوع ده مش هيكمل
خالد: فجأة؟؟...
ساره: خالد .. رد عليا
خالد: موضوع؟؟..
ساره: خالد .. خالد

خالد قفل السكة
وبيتصل بوليد

خالد: الو .. وليد
وليد: ايوة يا خالد .. حصل ايه
خالد: وليد انت بتضحك عليا .. ساره ماتخطبتش
ساره مش هتتجوز حد غيري
صح؟
قول صح يا وليد
وليد انا هنا عشان ساره .. انت فاهمنى
وليد انا ساره كل حاجة فى حياتى
قول صح يا وليد ... قول
وليد: يا خالد اهدى عشان خاطرى
يا خالد انت انسان كويس اوى .. انت تستاهل احسن من كده بكتير
يا خالد بص ادامك بقي .. وكمل شغلك على خير وارجعلنا بالسلامة
خالد انت معايا؟؟
خالد: وليد انت مقولتش ليه ساره مستنياك .. هى ساره مش مستنيانى؟؟
وليد: فوق بقي يا خالد .. انا شوفت صور خطوبتهم .. ساره مخطوبة يا خالد
خالد .. يا خالد فوق بقي

خالد قفل السكة تانى
خالد تقريبا غايب عن الوعى

موبايل خالد بيرن
خالد بيبص فى الموبايل
sara is calling..

الموبايل رن حوالى 8 مرات
خالد مش قادر يمسك الموبايل
خالد تمالك قواه ورد ع الموبايل

خالد: الو
ساره: الو .. يا خالد متعملش فى نفسك كده
يا خالد اعذرنى انا مكانش ادامى حاجة اعملها
انا اتحطيت تحت ضغط رهيب .. من ابويا ومن امى ومن قرايبي وصحابي وكل اللى حواليا
خالد انا مكانش عندى حل تانى غير انى اوافق
انا كل حججى خلصت .. كل المبررات معادش ليها اى معنى
انا بقالى 3 سنين مخلصة الكلية وبرفض عرسان من غير اى سبب مقنع
خالد انت فاهمنى؟
خالد: اعذرك؟؟
والحب .. والاحلام .. والفرح .. والبيت
والكلية والمكتبة .. وعيد ميلادى والنتيجة
.. وسلوى وكريم .. والجيش والسعودية
.. والشغل هنا وهنا .. والبهدلة والمرمطة
. مين فى دول هيعذرك؟؟
.
وخالد!!!
خالد اللى محبش حد فى الدنيا غيرك
خالد اللى عنيه من ساعة ما وقعت عليكي وهو مبيشوفش غير ساره
خالد اللى عاش طول عمره مستنى اللحظة اللى تجمعه مع ساره فى بيت واحد
خالد اللى شافك فى امتحان الشفوى وهو اللى بيكلمك فى التليفون دلوقتى .. وهو نفسه اللى مغيبتيش عن نظرة لحظة بين الوقتين دول

خالد
..
ههههههههههههههههههههه خالد؟؟

اه .. خالد

خالد اللى اتضحك عليه ..
خالد للى جه هنا دلوقتى على ملا وشه عشان يبقي حاجة تستاهل ساره
خالد اللى اتصل يتطمن على مامة ساره اللى كانت تعبانة ومنعت ساره انها تسال عنه
خالد اللى اتصل يبارك ويهنى لصاحبة ساره .. اللى كانت مشغولة فى فرحها

واتارى خالد بيتصل عشان يبارك لساره على فرحها هى
فرحها؟؟
هى ساره هتعرف تفرح عادى كده؟
وتلبس فستان ابيض وتتذوق
وتحط ايدها فى ايد حد تانى وتكمل معاه حياتها
يااااااااااه
..
خالد؟
دا خالد اللى بتتكلمى عنه؟؟
اه .. هو دا خالد
هو ..
يتبع بردو..


يا جماعة الاحداث فى دماغى بس مش كاتبها
مش بمزاجى انى بنقطكو كده .. كل يوم بكتب جزء
لو مكتوبين عندى جاهزين .. مكنتش هنزلهم مرة واحدة بردو :P


.
.
الضيوف جم ومشيو
بالليل ابو ساره بينادى


ابو ساره: ساره عاوزك فى موضوع
ساره: خير يا بابا
ابوساره: كنتى زى القمر النهارده .. ام محمود كانت عنيها هتطلع عليكي
ساره: محمود مين
ابوساره: ابن عمك ابراهيم اللى كانو عندنا النهارده
ساره: ااااه
ابوساره: ايه رايك فى محمود يا ساره
ساره: رايي ازاى يا بابا .. انا مالى بيه
ابوساره: اصل محمود طالبك للجواز .. ايه رايك
ساره: جواز ايه .. لا يا بابا انا مش بفكر فى الموضوع ده خالص دلوقتى
ابوساره: ازاى يا بنتى .. انتى كبرتى اهو ما شاء الله .. ويا دوب كده فكرى فى اللى جاى بقي
ساره: معلش يا بابا انا مش مهيئة للجواز لسه
ابوساره: طيب يا بنتى اللى تشوفيه

ساره بيجيلها عريس والتانى
ساره بترفض كل اللى ييجي حفاظا على الوعد اللى خدته مع خالد

خالد نازل اجازة من الجيش النهارده

ساره:حمدالله ع السلامة يا حبيبي
خالد: الله يسلمك يا ساره وحشتيني اوى
ساره: وانت كمان والله .. متعرفش حصل ايه فى الفترة اللى فاتت دى
خالد: حصل ايه
ساره: تصور جالى 4 عرسان يا خالد
زى ميكون مستنيني لما اخلص
خالد: مممممممم .. 4 عرساان
ساره: بتفكر فى ايه .. مرفوضين طبعا من غير كلام .. قولتلك ساره راجل
خالد: :) .. متقوليش راجل دى بس
ساره: ليه بقي .. تحب اوريك
خالد: توريني ايه بس .. كفاية اللى انا شايفه فى الجيش
ساره: ههههههههههه .. ربنا معاك يا حبيبي وتخلص على خير
خالد: يا رب

خالد رجع جيشه
وعرسان ساره بيزيدو
ساره بترفض كل محاولات المتقدمين باسـتماته

خالد نزل اجازة بعدها بفترة

ساره: خالد انت لازم تاخد خطوة .. بجد انا مش عارف اعمل ايه تانى
خالد: حصل ايه بس
ساره: بيجيلى عرسان وانا حججى خلصت ومبقيتش عارفه اتصرف ازاى
خالد: :(
ساره: لازم تعمل حاجة يا خالد انا مبقيتش عارفه اتصرف
خالد: ساره انا مش هسيبك مهما كان .. هعمل كل اللى اقدر عليه واللى ماقدرش
جيشي فاضلة شهر ونص وهيخلص ان شاء الله
وربنا يقدم اللى فيه الخير
ساره: يا رب

خالد خلص جيشه

ساره: حمد الله ع السلامة يا حبيبي
خالد: الله يسلمك يا ساره .. يااااه السنة دى عدت عليا كأنها سنة وشهرين :P
ساره: هى هى هى .. بتهزر حضرتك
خالد: هههههههه اعمل ايه بس يا ساره .. دانا شفت الويل والله
ساره: يالا الحمد لله .. ايام وراحت لحالها
خالد: ساره خديلي معاد من بابا بقي
ساره: :) على طول كده؟
خالد: لازم اخد اى خطوة يا ساره .. مش هسيبك تضيعي منى
ساره: طيب يا حبيبي .. ربنا يجمعنا على خير
خالد: يا رب

خالد رايح النهارده بالليل يقابل ابوساره

خالد: سلام عليكم
ابوساره: وعليكم السلام .. تعالى يا خالد اتفضل
خالد: ازي حضرتك
ابوساره: الله يسلمك يا بطل .. كفاره
خالد: ههههههههه الله يسلمك .. والله شوفنا الويل
ابوساره: معلش يا خالد مهى دى ضريبة حب مصر .. ولا انت مبتحبهاش
خالد: ههههههههههههه لا بحبها طبعا .. وادينا دفعنا الضريبة
ابوساره: طيب الحمد لله عدت على خير من غير اى اصابات
خالد: الحمد لله
اعرفك بنفسي انا خالد محمد ..سـ
ابوساره: خالد محمد سالم .. بكالريوس تجارة .. ساره قالتلى دى
انت تعرف ساره من زمان؟
خالد: من حوالى 4 سنين كده
ابوساره: ياااااه
خالد: من تانى سنة فى الكلية تقريبا .. وانا بتمنى ييجي الوقت دا بقي
ابوساره: طيب يابنى انت امكانياتك ايه حاليا
خالد: والله انا لسه مخلص جيش من يومين وكنت شغال شغلانة مؤقتة كده قبل ماخش الجيش .. وبدور اهو على حاجة كويسة حاليا
ابوساره: طيب يا خالد انت عارف ان الوضع دا مينفعش
لازم تحسن وضعك شوية ووقت ما تبقي جاهز نبقي نتكلم
خالد: افهم من كده ان حضرتك معندكش اعتراض؟
ابوساره: شد حيلك وربنا يسهل .. لسه شوية ع الكلام ده

خالد بيدور على شغل بقاله فترة مش قليلة .. مستنية فرصة كويسة تحسن مركزة
وتخليه يروح بقلب جامد يطلب ايد ساره

ساره: ايه يا خالد الاخبار؟
خالد: انا تعبت والله يا ساره .. خلاص قربت اقطع نفسي .. الوظايف كلها متملاش العين .. ومش هتحقق المطلوب
ساره: :(
خالد: ادعيلي يا ساره .. ادعيلي كتير
ساره: يااااارب
خالد: يا رب انت عالم بحالنا .. خد بايدي يا رب

بعد شهرين تقريبا من اللف والدوران
خالد بيشتغل هنا شوية .. وهنا شوية
بيعافر فى كل حتة باديه وسنانه .. والحال مش متظبط

خالد: يظهر ان الدنيا معاندانى يا ساره
انا خلاص قربت اتجنن .. مكنتش اعرف ان الدنيا هتديني ضهرها كده
انا مليش شغل فى البلد دى
ساره: هتعمل ايه يا خالد
خالد: انا عشانك ممكن اعمل اى حاجة يا ساره .. انا هسافر
سمعت ان فى فرص كويسة جدا فى السعودية
هسافر اشتغل سنة ولا حاجة وارجع على باباكى على طوول
ساره: طيب يا خالد .. اللى تشوفه صح اعمله
خالد: ساره انتى عارفه ان اللى بعمله ده كله عشانك .. انا لولاكى مكنتش هسافر ابدا ولا هعمل اللى بعمله ده
ساره: عارفه يا حبيبي .. ربنا يرجعك ليا بالسلامة
خالد: :)

خالد جهز شنطته ومسافر على السعودية يشتغل
خالد وصل السعودية واستلم الشغل
خالد تعبان شوية بس المقابل مش بطال
ساره بتتصل بيه من فترة للتانية تطمن
وبعد حوالى 6 شهور .. تليفونات ساره اتقطعت

خالد اتصل بساره

خالد: الو
ساره: الو ازيك يا خالد
خالد: الحمد لله عايش .. بستحمل اى حاجة عشان اوصل للى عاوزه
انتى مبسمعش صوتك ليه .. انتى تعبانة يا ساره؟
ساره: لا انا كويسة الحمد لله .. بس ماما كانت تعبانة الفترة اللى فاتت فانشغلت شوية
خالد: الف سلامة لماما .. ابقي طمنيني عليكي وعليها
ساره: حاضر .. ان شاء الله

الوضع زى ما هو ساره مبتتصلش
خالد بدأ يقلق

خالداتصل

خالد: الو
ساره: الو
خالد: ايوة يا سارة ازيك
ساره: الحمد لله
خالد: ايه يا ساره بردو مبتتصليش .. ماما لسه تعبانة ولا ايه .. اديهانى اكلمها
ساره: لا ماما بقت كويسة الحمد لله .. بس كنت مشغولة فى فرح صاحبتي معلش
خالد: طيب يا ساره متغيبيش كده انا بقلق .. خليكي معايا انا لوحدى
ساره: حاضر

خالد شغال طحن .. ميعرفش نهار وليل
.. عايز يختصر اكبر وقت ممكن
.. عشان يخلص اللى جاى عشانه فى اسرع وقت


تليفون خالد بيرن
وليد صاحب خالد من ايام الكلية بيتصل

خالد: الو
وليد: الو ازيك يا خلود .. واحشنى والله .. عامل ايه
خالد: الحمد لله ازيك يا وليد وانت كمان واحشنى .. انت عامل ايه انت والشلة
وليد: كلنا كويسين الحمد لله .. انت عامل ايه فى حياتك يابنى .. واخبار الشغل عندك
خالد: الحمد لله ماشي الحال .. مقضيها هنا بالطول والعرض والله يا وليد
وليد: الله يكون فى عونك يا صاحبي .. ترجعلنا بالسلامة
خالد: الله يسلمك يا حبيبي .. وانت وصلت لفين يا واد .. مش هنفرح بيك قريب
وليد: ان شاء الله فى شهر 6 الجاى الفرح .. يا رب تكون لحقت تنزل مصر
خالد: والله .. ربنا يتمم بخير يا رب .. ان شاء الله الحق الفرح .. الف مبروك يا صاحبي
وليد: الله يبارك فيك يا خلود .. وعقبالك كده لما تلاقي بنت الحلال اللى تقدرك
خالد: الاقي ايه يا عم وليد .. ربنا يخليكي ساره تفضل ماليه عليا دنيتى يا رب
وليد: ساره؟
خالد: جرا ايه يا واد مانتو كلكو عارفين الحكاية دى من ايام الكلية
وليد: حكاية ايه يا خالد مخلاص بقي انسى الموضوع ده .. وبص لمستقبلك
خالد: انسي ايه؟ .. كلها شهرين وهرجع اتجوز ساره
وليد: تتجوز ساره؟ .. ازاى يا خالد وهى مخطوبة!!!

خالد: ايييييييييييييييييه .. مخطوبة؟؟؟
يتبع..


من الجزء التانى:
\\
انا من ساعة ما عيني وقعت عليكي وانا فى كل حتة عمال اتلفت حوالين نفسي

ساره انا بقالى حوالى شهرين مش عارف اتكلم معاكى كده .. ارجوكى متصدمينيش
فكرى براحتك وردى عليا .. ورقمى معاكى اهو
سلام
//


بعد كام يوم كده
موبايل خالد بيرن
ساره بتتصل
خالد اتهز وقلبه دق جامد

خالد: الو
ساره: الو سلام عليكم
خالد: وعليكم السلام
ساره: ازيك يا خالد
خالد: الحمد لله .. وانتى عاملة ايه
ساره: الحمد لله كويسة
خالد: يا رب دايما
ساره: بص يا خالد انا فكرت فى الموضوع ده وقررت انى ماتكلمش فى الموضوع ده خالص
ويا ريت انت كمان تشيله من دماغك
انا رايحة الكلية دى عشان اتعلم وبس
مش عشان احب واضيع وقت
ويا ريت تمسح رقمى من عندك ومتحاولش تكلمنى تانى

خالد استقبل الكلمتين دول زى السهم فى القلب
واتصدم للحظات كده

وقالها: يعنى افهم من كده انك رافضانى ولا رافضة الفكرة من الاصل
ساره: انا رافضه الفكرة وبناءا عليه رافضه اى حد يخشلى من الحتة دى
خالد: وصلت الرسالة .. وانا اسف انى كنت هبوظلك حساباتك
ربنا يوفقك فى كليتنك وفى حياتك
ساره: متزعلش منى يا خالد .. بس انا مش عايزة اشغل نفسي باى حاجة بعيد عن الدراسة
خالد: لا مفيش حاجة .. مع السلامة
خالد قفل السكة
سارة: خالد .. خالد .. :(

خالد فى حاله اكتئاب جديدة عليه
خالد مبيبانش خالص لفترة كده لحد ما بدات الدراسه
خالد رايح الكلية بيفتكر اول يوم فى سنة اولى وازاى كان رايح خالى البال والقلب وبقي ازاى دلوقتى وايه اللى اتغير فى سنة كاملة عدت من عمره

بعد كام يوم من الدراسة
النهارده عيد ميلاد خالد
خالد رايح الكلية يوم عادى زى اى يوم
خلص محاضراته ومروح
وصوت من را بينادى

يا خالد .. يا خالد
ساره: كل سنة وانت طيب :)

خالد بيبص وراه لقي اللى مكانش يتوقعه

خالد: سااااره .. وانتى طيبة
خالد فى حالة زهول مش مصدق نفسه
معقول اللى بتكلمه دى ساره
خالد: ساره انتى .... كـ
ساره: هوسسسسسسس متقولش حاجة
ايه مش عايزنى اقولك كل سنة وانت طيب .. احنا مش حبايب ولا ايه
خالد: حبايب؟
ساره: ايه وحشة .. طب نمشيها زماايل
خالد: لااااااء لالالالا
زمايل ايه بس
خالد قلبه هينط منه حاسس انه هيطير من الفرح
خالد: سارة اناااا..اا
ساره: بس متقولش حاجة .. مش عايزة اسمع حاجة
ويالا انا همشي بقي .. يرضيك وقفتى دى كده فى وسط الكلية
خالد: لا انا مكونتش احلم باكتر من كده .. روحى توصلى بالف سلامة يا رب :)
ساره: الله يسلمك .. معلش ملحقتش اجيبلك هدية .. انا لسه عارفه من سلوى من شوية
خالد: هدية كمان .. ايه اللى بيحصل ده
ساره: معلش بقي
خالد: معلش ايه .. حبك دا اجمل هدية فى حياتى يا ساره
ساره: :) سلام بقي انت رغاى كده ليه
خالد: ههههههه سلام

خالد نفسه اتفتحت ع الحياة .. نظرته اتغيرت 180 درجة
بدا يشوف الدنيا بشكل تانى .. بدأ يحس ان روحة اتقسمت نصين
نص معاه ونص تانى مع ساره
علاقة خالد وساره بتطور يوم بعد يوم
عرفو عن بعض كل حاجة وفعلا بقو انسان واحد مقسوم على اتنين

.. عدت سنة تانية وعدت سنة تالتة
واحنا دلوقتى فى رابعة بكالريوس تجارة

خالد: كلها سنة يا ساره ونبقي خريجين
ساره: ساره وتبقي محاسب اد الدنيا يا خالد
خالد: ادعيلي يا ساره .. نفسي اغمض عيني وافتحها الاقيني انا وانتى فى بيت واحد
سارة: :)

.. وعدت سنة رابعة كمان
دفعة خالد وساره وسلوى وكريم وهبه و و اتخرجت

خالد: الو
ساره:الو .. صباح الخير يا خالد
خالد: صباح النور يا نور عنيا
ساه: انت فين كده
خالد: انا فى الكلية بخلص ورقي .. وعشان رايح بكرة الفرز بتاع الجيش .. ادعيلي ربنا يقدم اللى فيه الخير
ساره: ربنا معاك يا خالد يا رب

...خالد جاله جيش

ساره: ايه يا خالد عملت ايه
خالد: جالى سنة جيش يا ساره
ساره: يالا قدر الله وما شاء فعل
على خير ان شاء الله يا خالد
خالد: ربنا يستر .. انا قلقان اوى
ساره: قلقان من ايه .. الجيش للرجالة
خالد: هههههههه رجالة ايه بس يا ساره .. انا مش قلقان من الجيش نفسه
ساره: امال قلقان من ايه
خالد: قلقان من الايام يا ساره .. مش عارف مخبيالنا ايه
ساره: يا حبيبي سيبها على الله .. متحملش هم انت اعمل اللى عليك بس وسيبها على ربنا
خالد: يعنى اطمن يا ساره؟
ساره: متقلقش يا خالد .. مستنياك .. ساره راجل :)
خالد: :) .. ربنا يطمن قلبك يا رب


خالد راح الجيش وساره فى البيت مقيمة

ام ساره: ساره يا حبيبتي
ساره: ايوة يا ماما
ام ساره: جايلنا النهارده ضيوف عايزاكى تتشيكي كده
ساره: ضيوف مين يا ماما
ام ساره: عمك ابراهيم صاحب ابوكى ومراته وابنه
عايزة اشوف قمر النهارده بالليل
ساره: اشمعنى النهارده يعنى يا ماما
ام ساره: مفيش بس دول اول مرة يجولنا .. وعايزين نعرفهم ان احنا عندنا قمر كده
ساره: مش مطمنااالك يا ماما
ام ساره: بطلى غلبة يا بت .. هروح اشوف الاكل ع النار

يتبع..

وحفظت عنيك


طب اقولك ايه بتفكر فيه ..يا حبيبي.. وايه شاغل بالك؟
.. من نظرة انا ممكن اقولهالك
.. مانا بعرف مالك
.. مهمااا تدارى
:)

النهارده امتحان شفوى مادة المحاسبة
خالد رايح يمتحن
لمح جروب بنات وهو طالع من الامتحان
منهم سلوى بس اللى يعرفها

خالد: يا سلوى .. يا سلوى
سلوى: ايوة يا خالد
خالد: عملتى ايه فى الامتحان
سلوى: تمام الحمد لله .. بس من امتى وانت بتسال على امتحانات
ايه اللى حصل يعنى
خالد: ازاى بقي لازم اطمن على اختى .. مش كده ولا ايه
سلوى: تطمن؟ .. ماشي يا اخويا .. وانت عملت ايه؟
خالد: مش مهم مش مهم .. بقولك
سلوى: هاا قول .. ايوة كده انت خالد اللى اعرفه
خالد: ههههههه بس بقي
بقولك صاحبتك عملت ايه
سلوى: انهى صاحبة يا خالد .. مانت شايفنى ماشي مع شلة
خالد: صاحبتك امو عين خضرا دى .. اللى ع الشمال دى
سلوى: ساره .. مممممممم .. قول كــــــــــده بقى
واشمعنى دى بالذات بتسال عنها ياخويا
خالد: الله بقي يا سلوي .. مش زميلتى بردو ;;)
سلوى: زميلتك اه
عايز ايه يا خالد؟؟
خالد: الله ينور عليكي انتى فاهمانى اهو
بصراحة انا عاوز اكلمها
سلوى: بس دى مبتكلمش ولاد يا بابا
خالد: مهى دى مهمتك بقي يا سوسو
سلوى: سوسو؟ احترم نفسك يالا
خالد: ههههههههههه بهزر الله
سلوى: طيب ياخويا متهزرش تانى
خالد: ماشي بس اخدميني بقي فى الحكاية دى
سلوى: هحاول
خالد: ماشي يا سلوى اشطه .. هو احنا هنمتحن ايه بكرة بقي
سلوى: مش عارف هنمتحن ايه بكرة .. يا خيبتي
خالد: ههههههههه .. عارف طبعا .. دى نكشة كده يااا .. يا سلوى ;))
سلوى: طيب ياخويا .. انا هروح ازاكر خليك انت فى النكشة
خالد: ماشي وانا هعدى على الجدول ابص فيه .. اشوف عندنا ايه بكرة
سلوى: ههههههههههههه مفيش فايدة فيك
خالد: ههههههههه قلبك ابيض بقي

تانى يوم فى امتحان تانى دخل خالد يمتحن وعينه هنا وهناك .. قلب المدرج بيدور على حاجة معينة

سلوى: بتدور على ايه يا كابتن
خالد: سللللللوى .. بدور على كريم مش لاقيه من الصبح .. عايزه فى حاجة مهمة
سلوى: يا راااااااجل .. كريم اه .. كريم جنبك اهو على فكرة
خالد: كريييييييم .. فينك يا راجل بدور عليك من بدرى
كريم: بتدور ايه يالا مانا مرمى معاك من الصبح
خالد: الله يكسفك يا بعيد
سلوى: قصر يا خالد بتدور على ايه ;)
خالد: مانتى عارفه بقي الله
سلوى: ههههههههه متتعبش نفسك مش هتيجي دلوقتى
خالد: لا انا شوفت سارة من شوية
سلوى: انا مبقولش على ساره على فكرة .. انا بقول ع الدكتورة
خالد: ايه ده هو انا قولت ساره
سلوى: بتهيألى كده ;;)
خالد: :D
سلوى: بتذاكر بره وهتخش ع الامتحان .. ومتتعبش نفسك ساره دى زى القطر .. لا بتبص كده ولا كده .. فبلاش تحرج نفسك احسن

الدكتورة دخلت ووراها ساره والامتحان بدا على طول
خالد معرفش يكلم ساره خالص وفضل ع الحال ده طول فترة امتحانات الشفوى

خلص الشفوى وامتحانات النظرى بدأت

خالد: سلوى .. انا لازم اكلمها .. مش هينفع كده
سلوى: شكلك وقعت يا معلم ;)
خالد: متبقيش رخمة بقي واتصرفي يالا .. عشان خاطر الاخوة حتى
سلوى: والله يابنى انا جيت المحلها لقيتها مقفلة خالص من الناحية دى
خالد: طب وبعدين؟؟
سلوى: انا عندى فكرة حلوة .. بص هى بكرة هتشرحلنا حاجة كده فى المكتبة .. هتيجي انت فى الاخر كده ع المكتبة وانا هقوم اعمل اى حاجة وانت تكلمها بقي .. هتلاقيها لوحدها
خالد: اشطه .. تمام كده
سلوى: ماشي يا سيدي اى خدمة
خالد: ربنا يخليكي يا سوسو
(خالد طلع يجرى)
سلوى: كده .. طب والله لاوريك
خالد: :))

تانى يوم حصل اللى اتفقو عليه بالظبط

سلوى: ثوانى وجاية يا ساره
سارة: طيب متتاخريش

خالد دخل المكتبة وراح على نفس ترابيزة ساره
مرتبك ومش عارف يبدا منين

خالد: كتاب الاحصا ده؟؟
ساره: بصتله ومبتردش
خالد: اه هو كتاب الاحصا .. وبيقول فى سره >>من اولها كده بتنفضلى
سارة بتبص فى الساعة
خالد: يا لهوى دى هتقوم .. ساره ممكن اسالك عن حاجة بس
ساره: اتفضل
خالد: عملتى ايه فى امتحان امبارح؟؟
ساره: هى دى فى منهج الاحصا؟؟
خالد: لا بطمن بس
ساره: الحمد لله حليت
خالد: طيب الحمد لله
ساره: عن اذنك انا مضطره اقوم دلوقتى .. لما تيجي سلوى اديها الكتب دى
خالد: كتب ايه .. لا انا مضطر اقوم انا كمان

سلوى جت من برا
سلوى: ها عملت ايه
خالد: :(
سلوى: :)) انا قولت كده بردو

بعدها بكام يوم كده

خالد: سلوى .. ساره عاملة ايه
سلوى: كويسة الحمد لله
خالد: هى مجابتلكيش سيرتى خالص؟؟
سلوى: جابت
خالد: ايه ده .. بجد .. ومقولتيش ليه يا رخمة
سلوى: قالت انك سازج اوى .. رايح تسالها كتاب الاحصا ده وهو مكتوب عليه يا مغفل
خالد: اللى حصل بقي .. المهم مقالتش حاجة تانى؟
سلوى: قالت يا سيدي .. قالت ان شكلك كده طيب .. وباعتالك السلام
خالد: ايه ده .. بجد .. يا بركة دعاكى ياما
سلوى: ههههههههههههه ابسط يا عم

بعدها بفترة كده النتيجة ظهرت

خالد بيتصل بسلوى
خالد: الو
سلوى: الو اهلا يا كابتن خير
خالد: ساره نجحت يا سلوى .. نجحت .. نجحت
سلوى: اهدى بس .. هى النتيجة ظهرت؟؟
خالد: ايوة .. انا ادام النتيجة اهو
سلوى: طب وانت عملت ايه
خالد: نجحت نجحت
سلوى: وانا؟
خالد: وانتى نجحتى
سلوى: طب مش المفروض تقول كده الاول وبعدين تقول على ساره ولا ايه
خالد: هههههههه الله بقي يا سلوى
عايزك فى خدمة رفيعة بقي كده
سلوى: خير
خالد: عايز رقم موبايل ساره
سلوى: نعم ياخويا انت بتستهبل .. دى تقتلنى
خالد: خليكي جدعه بقي
سلوى: جدعة مين يا عم .. مينفعش خالص
خالد: لا هينفع انا عارف .. ساعدى اخوكى بقي عشان ربنا يفتحها فى وشك
سلوى: ههههههههههه اتلم يالا
خالد: ههههههههههههه طب يالا بقي قولى
سلوى: استنى انا جايه دلوقتى خليك عندك
خالد: ماشي .. على مهلك خالص
سلوى: ههههههههههه ايوه يا عم لجل الورد
خالد: هههههههههههههههه

سلوى جت
سلوى: ها اتاخرت؟؟
خالد: لالالالالا اطلاقا
سلوى: هههههههه اه يا ضلالى .. دانا لقيت مواصلات بالعافية
خالد: هههههههه ما علينا .. يالا بقي عايز اكلم ساره
سلوى: بص يابنى انت صعبت عليا .. انا عندى فكرة كده
بس اوعى توديني فى داهية
خالد: متخافيش قولى
سلوى: بص انا هتصلك بيها من رقمك واقولها انا بتكلم من سنترال .. وتعالى شوفى النتيجة
وكده الرقم معاك .. وانت حر بقي .. بس اوعى تعرفها ان انا اللى مدياك الرقم
خالد: ماشي .. انا مش عارف اقولك ايه يا سلوى بجد
سلوى: قولى مبروك ياخويا .. دانا لسه ناجحه من 10 دقايق
خالد: ههههههههههه مبروك طبعا يا سووووووو ههههههههه
سلوى: انت عايز تتضرب على فكرة
خالد: هههههههههههههه

سلوى اتصلت بساره وقالتلها تيجي تشوف النتيجة
ساره جت تشوف النتيجة بنفسها وخالد راشق فى الكلية طبعا

سارة مروحة شافت النتيجة خلاص .. وفى صوت من وراها بينادى يا ساره .. يا ساره
ساره قلبها دق .. عرفت ان ده خالد
خالد: مبروك يا ساره :)
ساره: الله يبارك فيك يا خالد
خالد: خالد؟ .. انتى عارفه اسمي
ساره ارتبكت .. وشها احمر .. اه مهو سلوى قالتلى
خالد: :) ساره انا مبسوط اوى
ساره: طبعا كلنا مبسوطين عقبال بقيت السنين يا رب
خالد: بس انا مش مبسوط عشان النتيجة بس
ساره: معلش انا مضطره امشي .. لانى مقولتش لحد انى نازله
خالد: كده؟ .. طيب توصلى بالسلامة
وبيقول فى سره .. بس انا سعيد بردو :)

بعدها بيومين
خالد اتصل بساره .. خالد مش على بعضه
خالد: الو
ساره: ايوة مين
خالد: انا خالد .. ازيك يا ساره
ساره: اتصدمت ومش عارفه ترد
الله يسلمك .. انت جبت رقمى منين
خالد: مش مهم منين يا ساره .. انا فى موضوع مهم عايز اكلمك فيه .. ممكن؟
ساره: موضوع ايه .. احنا زمايل فى الكلية وبس .. ومفيش بينا مواضيع
خالد: اسمعيني بس يا ساره .. انا بحبك
ساره: الكلام وقف فى زورها
خالد: ساره .. روحتى فين
ساره طب ردى عليا .. قولى اى حاجة
ساره

ساره بعد حوالى 5 ثوانى كده ردت
ساره: انت بتقول ايه .. انت مجنون
خالد: سميها زى ما تسميها .. متعرفيش انا اتلميت على نفسي ازاى عشان اقولك الكلمتين دول
انا من ساعة ما عيني وقعت عليكي وانا فى كل حتة عمال اتلفت حوالين نفسي
ساره انا بقالى حوالى شهرين مش عارف اتكلم معاكى كده .. ارجوكى متصدمينيش
فكرى براحتك وردى عليا .. ورقمى معاكى اهو
سلام

يتبع..

اولا محدش يسالنى يعنى ايه العنوان ده
اللى هيقرا هيعرف فى الاخر

*********************

الساعة 3 العصر
خالد رايح يجيب نتيجة الثانوية العامة

المكرفون بينادى فى المدرسة:
خالد محمد سالم .. 87%
خالد استقبل الخبر ببرود غريب ..
ثم بابتسامة جافة قائلا الحمد لله

.. خلصت اجازة الصيف وخالد رايح يقدم فى كلية التجارة

.. النهارده اول يوم دراسة
.. خالد رايح الكلية بايد ورا وايد ادام
بعقل خالى وكمان قلب خالى
.. بردو بجيب يكاد يكون خالى :D

خالد لقي نفسه فى مجتمع مفتوح
.. ناس جديدة ..
زحمة مش متعود عليها

يوم والتانى .. شهر والتانى
.. بقينا فى الترم التانى

خالد بدأ يكون علاقات مع اللى حواليه
بدأ يكون علاقاته مع الشعب .. باعتبار انه فى كلية الشعب :D
خالد مكانش بطبعه اجتماعى
لكن المجتمع اللى حواليه اجبره على انه يبقي اجتماعى
ايوة .. مهو البيئة ساعات بتفرض علينا حاجات احنا مش عاوزينها
ومع البيئة بنتأقلم عليها

خالد بدأ يخش فى المود
سلامو عليكو .. صباح الخير
ازيك يا زيزو .. عاملة ايه يا هبه
ثوانى وجايلك يا عادل
يا عم محمود .. اعملى نسكافية والنبي .. اه دقيقتين وجايلك
بطلى دح يا اسماااء .. كله بيتلخص فى الاخر
يا كريم .. فى لعب كورة النهارده .. طيب رن عليا وانتو رايحين

وادى حياة خالد لحد يوم امتحان الشفوى مادة المحاسبة
.....

يتبع..

دعوة للتفاؤل


حلى مرار الايام
لسه الحياة ادام .. قوم لون الاحلام
واوعى متضحكشي
:)

متدينة

واحد يقولك ايه
"انا بنتى متدينة جدا
اينعم هى بشعرها بس قمة فى الاحترام
وعارفه ربنا كويس اوى وبتصلى وتصوم وبتذكى وبتطلع لله وطلعت تحج مش عارف كام مرة"

انا لما بسمع الكلمتين دول نفسي بتلعب عليا
بيبقي نفسي اقوله يا عم احترم نفسك بقي
دانت راجل مقطف صحيح
لما تبقي راجل مسلم وبنتك او اختك ماشية بشعرها تبقي راجل هفأ
ويتقال فيك اكتر من كده كمان

واسمع ناس بردو تقولك البنت سواء بشعرها او محجبة او منتقبة
اهم حاجة اخلاقها ومبادئها
اتقو الله ازاى يتساوى الناس دى مع بعضها
مينفعش يتقارنو ببعض خالص

محدش يقولى بنت مسلمة متدينة وهى مش محجبة
الحجاب ده يعتبر الف به تدين اصلا
ازاى تبقي واحدة ماشية جزء من عورتها باين وتقولى معلش مهى محترمة
انا شايف ان الحجاب جزء من الاحترام

ازاى تبقي بتصلى وساعة ما تيجي تصلى تحط حاجة على شعرها
تخلص صلا ترميها تانى
يعنى بتضحك على مين بالظبط
'يخادعون الله والذين امنوا وما يخدعون الا انفسهم'
سورة البقرة

حاجة كمان
زمان كنت تلاقي البنات كلهم ماشيين بشعرهم
معظمهم يعنى
ونادرا لما تلاقي بنت حاطه اشرب على دماغها كده
واللى يلاقوها كده يقولك دى فلاحة
مش عايز حد خفيف يخش يعلق على فلاحة دى
انا سمعتها زى ما هى كده
طيب افهم بقي يعنى دول مكانوش مسلمين مثلا واحنا مسلمين ولا ايه
ولا هما منزلهمش منهج واحنا نزلنا
يقولك زمان مكانش فى وعى زى دلوقتى
مش عارف انهى وعى اللى محتاجينه عشان يخلو بناتهم تتحجب
عجيبة..


خلص 1-1
يعنى كنت متوقع الاهلى يكسب 1-0
لان الاسماعيلي مش فى حالته وناقصه حبة لعيبة وحبة استقرار كمان
بس الماتش جه على عكس ما توقعت تماما
كنت حاسس انه هيبقي ماتش وحش (تأدية واجب يعنى عشان حضور ابن السيد الرئيس) بس طلع مش بطال
مع انى سمعت ان التعادل ده جه بقرار سياسي :D
عارفين طبعا ان السيد علاء مبارك بيشجع الاسماعيلي وميصحش يتغلب وهو حاضر
دا بيقال يعنى..
وبعدين مش كل ما يروح يشجع فريق يتغلب بقي
كفاية المنتخب :D
وكان فى عدد من القادة وكبار الزوار
غير ان المباراة فى حب مصر فمينفعش نزعل مصر مننا ;))

عن الاجواء:
بما انى من اسماعلية فهقولكو الاجواء الحقيقية قبل الماتش وبعده
قبل الماتش
كان فى نشوة الاستقبال اللى بتبقي موجودة قبل كل ماتش اسماعيلي واهلى

واكيد يوم ماتش الاهلى دا بيبقي عيد قومى هنا
ويا سيدي بقي لما بنكسب بيبقي احتفال جامد زى زفة العرسان كده :D
لان مش اى حد بيغلب الاهلى فى مصر طبعا
او بمعنى اصح مش اى حد بيعرف يلعب ادام الاهلى
ما علينا من دى

زود بقي مراسم الاستقبال
معلقين لافتات فى البلد كلها
كل ما تمشي فى حتة تلاقي يفط
>>جماهير الاسماعيلية ترحب بالاهلى
>>>جماهير الاسماعيلية ترحب بالسيد علاء مبارك
وعلى هذه الشاكلة..

وعند الاستاد بقي
قافلين كل الطرق اللى حوالين الاستاد وموقفين امن مركزى
وحالة تأهب زى ميكون فى حرب
والدنيا متعطلة طبعا والسواقين عمالين يشتمو ويدعو ع الكورة واللى بيلعبوها

تعالى بقي جوا الاستاد
كان تحفة بصراحة والناس شافت فى التليفزيون زى مانا شوفت
وكان جو مشجع للكورة يعنى
عمر جمال كان بيسخن فى الملعب قبل الماتش مش عارف دى حركة تمويه ولا بيحفزو الجماهير ولا ايه
بس ملعبش يعنى وتقريبا مش هيلعب الايام دى خالص

الماتش بدا
الاسماعيلي كان احسن فى الشوط الاول
وكان ممكن يطلع كسبان كتير لولا تساهيل ربنا بقي

الشوط التانى الاهلى كان احسن بعد الطرد
الطرد بتاع الاسماعيلي أثر كتير وكان ممكن جدا الاهلى يكسب
انا شايف ان النتيجة عادلة يعنى
غير انها على رأى مدحت شلبي مرضية لجماهير المقصورة :D
اكيد يعنى مباراة فى حب مصر هتخلص بالتعادل عشان يبقو حبايب ;;)

اجواء ما بعد المباراة:
هدوء نسبي فى شوارع الاسماعلية وكأن شيئا لم يكن
وهوا دا اللى كانو عايزينه
لما بيكسبو بيعملو زفة ولما بيتغلبو الدنيا بتتقلب

نروح بقي على حتة تانية
ناس كتير متعرفش سر العداوة بين جماهير الاسماعيلي والاهلى
على فكرة بين جماهير وبعضها
الناديين مفيش بينهم اى عداوة

يقاااااااااال ان سبب العداوة
موضوع قديم
ايام الحرب والهجرة والكلام ده
اهل القناة كلهم كانو مهاجرين
الاسماعيلي راح للاهلى عشان يستضيفه ايام قبل الحرب بس
الاهلى مرضيش
المفروض البلد فى حالة حرب والناس كلها بتشيل بعضها
بس محصلش يعنى
الزمالك استضاف الاسماعيلي
ومن ساعتها يقال ان الفريقين فى بينهم لينك كده
دا سبب

اما الاسباب الحالية دى بقي اسباب تانية من ناحية تانية خالص
تتعلق بالاعلام واتحاد الكورة ولجنة الحكام اللى معظمهم اهلاوية (وهى دى الزتونة)
سؤال يطرح نفسه
هل هذه الجهات تكيل بمكيالين فى التعامل مع الفرق المصرية؟؟
الاجابة نعم قطعا
ودا ببان مع الفرق اللى الى حد ما قوية وبتعمل ازعاج للاهلى والزمالك

نروح لحتة تالتة
هو موضوع مباراة فى حب مصر ده ليه لزمة
انا شايف ان ملوش اااااااااااى لزمة
مباراة فى حب مصر متكونش مباراة محلية
مش فاهم ايه علاقة حب مصر فى ماتش زى ده
وايه علاقة رد اعتبار المنتخب بماتش محلى
وايه اللى يخلى جماهير فرقتين رايحين ماتش يشجعو فرقهم انهم يشيلو علم منتخبهم

فكرونى بالشيخ خالد الجندى
بيقول مش عارف ايه حكاية الجوائز السنيمائية اللى فرحان بيها الممثلين المصريين دى
جايزة الطاووس الفحلقي
جايزة السنبلة الذهبية
جايزة المش عارف مين

مصريين بيوزعو جوايز على مصريين
زى اللى بيروح يشترى شهادة تقدير ويكتب عليها اسمه
ويقول انا معايا شهادة تقدير

حاجة اخر خيبة بصراحة
فكرونى بحاجة كمان
اه مانا بفتكر حاجات غريبة :D
مش انتو فاضيين ؟؟ فاضيين .. طيب ادينا بندردش
انا عن نفسي فاضي .. عندى ميد تيرمين بس ;))

فكرونى بعادل امام وهو بيقول فى مسرحية الواد سيد الشغال >>انا خالى اللى بيأكلهم
وهو خاله طباخ عندهم اصلا
lol...

ولقتنى

...ولقيتنى غصب عنى بضحك عشان مابكيش...

عجبا لحواء


ناهد: راامى .. عاوزه اسالك سؤال
رامى: اسألى يا حبيبتي :)
ناهد: بس اوعدنى تجاوبني بصراحة
رامى: بصراحة طبعا .. انا عمرى كدبت عليكي؟
ناهد: لا مبتكدبش

انت حبيت حد قبل كده؟
رامى: ههههههههههههههه :)
ناهد: بتضحك ليه .. هو انا مجنونة؟
رامى: لا يا حبيبتي انتى مش مجنونة
ناهد: امال بتضحك ليه .. كلامى مش عاجبك؟
رامى: هههههههه الله .. انا قولت كده؟
ناهد: امال ضحكتك دى معناها ايه بقي؟
رامى: يعنى بلاش اضحك .. اعيط يعنى .. وبعدين انتى عاوزانى اشوف القمر دا وماضحكش ;;)
ناهد: ايوة البكش هيشتغل اهو .. يالا جاوب بقي ومتهربش من السؤال
رامى: بكش بردو .. اخص عليكي دايما ظالمانى كده :(
ناهد: بردو بتتوه .. شفت بقي انت مش عايز تقولى ازاى .. ماشي ماشي
رامى: اتوه ايه بس يا حبيبتي .. هو انا عامل عملة .. وبعدين انتى الموضوع دا يهمك فى ايه .. مانا معاكى اهو ومش شايف حد غيرك
حتى دورى جوا كده (بيشاور على قلبه) مش هتلاقي غير ناهد وبس .. هتلاقيه بيتكلم بصوت واطى كمان
ناهد: هو ايه اللى بيتكلم؟؟
رامى: قلبي عمال يقول ناهد ناهد ناهد
ناهد: :"> بطل بقي .. يا لهوى عليك .. دانت فظيع .. ورد ع السؤال يالا

حبيت قبلي ولا لا؟
رامى: بيفكر فى سره شوية ..( اقولها ولا ماقولهاش)..
ناهد: سرحت فى ايه .. شكلك مش عاوز تقول
رامى: والله عادى .. بس دى حكاية قديمة ملوش لزمة نقول ونعيد يعنى
ناهد: لا والله لتقول .. مش هزعل
رامى: امممممم :-? .. طيب يا ستي كنت بحب واحدة زمان .. بس محصلش نصيب يعنى .. وكل واحد راح لحاله
ناهد: (وشها بدأ يقلب) ممممممم محصلش نصيب .. ليه خير انشالله؟؟
رامى: اهو محصلش نصيب وخلاص .. اختلفنا على شوية تفاصيل .. وسبنا بعض بهدوء .. حتى هى اتخطبت دلوقتى
ناهد: ربنا يوفقها يا سيدي .. وانت زعلان طبعا
رامى: زعلان ليه يعنى؟؟
ناهد: عشان محصلش نصيب وكده
رامى: دا ايه الكلام دا بقي .. ازعل ليه يعنى .. مانا ربنا عوضنى باحسن بنت فى الدنيا اهو
ناهد: (باستهبال كده) فين دى؟؟
رامى: (باستهبال اكتر) وسعى شوية كده .. شايفة العربية اللى هناك دى .. جنبها كده
ناهد: واللــــــــه
رامى: والله يسخطك يا شيخة .. ال فين ال :-<
ناهد: خلاص متزوقش .. :(
رامى: مااااااااااالك .. كشرتى ليه
ناهد: مفيش :(
رامى: لا اله الا الله .. مالك يا بنتى بس
ناهد: مفيش .. كمل الحكاية .. اختلفتو على ايه بقي؟؟
رامى: اكمل ايه بس .. مفيش حكايات
ناهد: ازااااى .. كمل حكاية اللى اتخطبت
رامى: ايه يا ناهد الاسلوب ده .. ماحنا قولنا كل واحد راح لحاله .. وانا مش فاكرها خلاص ولا عاوز منها حاجة
انا غلطان انى قولتلك اصلا
ناهد: والله .. يعنى كنت عايز تكدب عليا كمان
رامى: لا مش كدب .. بس دى حاجة عدت ونستها .. ومفيش داعى نفتكرها تانى
ناهد: خلاص مفيش حاجة :( (وضاربه بوز زى الفل)
رامى: مفيش ايه بس .. انتى مش شايفه نفسك .. والله دى حكاية من زمان بقالها ييجي 3 سنين .. من ايام ما كنا فى الجامعة
ناهد: عارفه .. قولتلى انه من كام سنة .. وعارفه انك بتحبني ..
رامى: طيب زعلانة ليه بقي؟؟
ناهد: بس اصل انا كنت فاكره ان انا اول حب فى حياتك :(
رامى: :) .. طب وهتفرق فى ايه يا ناهد .. المهم انك اخر حب فى حياتى ومفيش حد فى حياتى غيرك
ناهد: :(
رامى: والله يا ناهد ما فى حد فى حياتنى غيرك .. اثبتلك ازاى طيب
رامى: (فى سره) .. حلفت لاقول .. يا رتنى قولتلها محبتش قبل كده ....

****************************

فعلا .. عجبا لحواء

عجبا لحواء


2010


معركة مفيهاش ولا طيارات ولا جيش
استر يا رب

.......


...........

انا ان كان الاخير زمانه .. لات بما لم يأتى الاوائل

وهيحددوه ...

ابشرو يا شباب
نظام الانتر نت المحدود راجعلنا تانى
بشكل او باخر


ولمزيد من التفاصيل
طبق مقولة: يا خبر بفلوس .. بكرة نحط ودننا ع الحيطة ونسمع الظيطة

:D

فى حب مصر


استجابة لطلبات معارفى من الشعب المصرى
قررنا نحن ان نلبي الرغبة بالالتحاق لنظام كل المصريين
هذا ما اعتبره الكثيرون عمل وطنى
ويتطلب ذلك الالتحاق بشبكة ال20 مليون مشترك .. فودافون
ليصبحو 20 مليون وواحد تقريبا :D
وعلى غرار هذا القرار قد قرر المسئولون فى شركة فودافون القيام باحتفال صغير للترحيب بالمشترك الجديد
الا وهو عرض ال500 رسالة .. لمزيد من التفاصيل تابع بلوج اف ام

خط كل المصريين احد خطوات المصريين فى طريق رد الاعتبار .. هاءاااو
وعلى غرار مباراة الاسماعيلي والاهلى القادمة والتى ستقام يوم السبت بعد القادم
والتى اسماها الطرفين مباراه فى حب مصر !!
والتى سيحضر مراسمها السيد جمال مبارك .. احم احم .. مع تحيات الحزب الوطنى
والتى ستشهد روحا رياضية من الطرفين كما ستشهد ايضا مزيدا من اعلام المنتخب الوطنى
فى مسيرة تعبير عن حب مصر فى قلوب فريقين من اعرق فرق الكرة المصرية
وهنا السؤال يطرح نفسه
لماذا لم تقام هذه المراسم فى مباراه القمة التى ستجمع الاهلى والزمالك القادمة 8 / 12
والتى تعد اولى بذلك لانها قبل مباراة الاسماعيلي
هل السبب هو ان حسام حسن يريد مزيدا من التركيز للمباراة
ام ان وجود الحكم الاجنبي فى هذه المباراة هو الحائل دون اقائمة المراسم
حيث انه يعد غريب فى بيتي ;))
ام كان للحكومة المصرية .. دور فى هذااا !!

وانا من هذا المزنق اقدم كل الاسف والاعتذار لموبينيل
الشركة البرتقالية .. الشركة الاولى فى مصر
نظرا لانضمامى لاحمر شركة فى مصر .. اقوى تغطية _كما يزعمون_
واصرح بأن الاسباب خارجة عن ارادتى

انا اه بحب موبينيل
ولكن حب مصر فوق كل اعتبار يا سويرس

وكلمة اخيرة لهذا الجمع الغفير من المدونين






















































انا فودافونى :D

الشر

احد المفكرين العقلانيين فى اوروبا
كان فى جمع من الطلاب
يلقي عليهم بعض من خبراته فى الحياة
وبعض معتقداته الدينيه
فقال لطلابه:-

"ثاثبت لكم انه ان كان الله موجود اذا فهو شرير
فسالهم: هل خلق الله كل شيئ موجود؟؟
فاجاب نعم .. ولو كان الله خلق كل شيئ اذا فهو خلق الشر
مما يعنى ان الله شرير ..
فقاطعه احد التلاميذ قائلا .. معذرة سيدي
فساله هل البرد موجود؟؟
فأجابه المفكر .. نعم
بالطبع هو موجود
فقاطعه التلميذ قائلا
فى الحقيقة لا يوجد ما يسمى بالبرد (وهذه حقيقة علمية)
فاكمل بانه طبقا لقوانين الفيزياء
ان ما نعتبره برد هو فى الحقيقة غياب للحرارة
فساله سؤال اخر
هل الظلام موجود؟؟
فاجابه نعم
فقاطعه .. انت مخطئ لا وجود للظلام ايضا
الظلام فى الحقيقة هو غياب للنور
النور هو الذى نستطيع دراسته وليس الظلام

الشر ايضا غير مخلوق ك البرد والظلام
لم يخلق الله الشر .. الشر هو نتيجة لما يحدث من افعالنا
عندما لا يملك الانسان الحب لله فى قلبه"

هذه ما يجنيه المفكرون العقلانيون للدين
وصل احدهم لان الله شرير _حاش لله_
ويؤدى التفكير ايضا للاستفسار حول كينونة الله وما كا نقبل بدأ الخلق
وغير ذلك الكثير من الامثلة التى تؤدى للضلال نتيجة التفكير العقلانى لامور الدين
دعونا نأخذ منهجنا من القران والسنة
ولا ندع الاهواء والانحرافات الفكرية تقودنا للضلال
فتعالى الله الملك الحق




التاج مهدى من مشرفي مدونة احنا شباب النهارده
ودى مشاركنة مننا فى افتتاحهم
يا رب تكون فاتحة خير عليهم وعلينا


السؤال الأول: ما هى مشاكل الشباب فى مجتمعنا العربى ؟ وما هى أهم مشكلة فى نظرك ؟
مشاكل الشباب تكمن فى:
البعد عن العقيدة
والتشتت بين فتاوى البعض وانحراف التفكير لدى البعض الاخر
ضعف العزيمة وغياب الاصرار
والاندراج خلف اهواء لا تسمن ولا تغنى من جوع

اهم مشكلة قلة المعرفة بالدين وهى المشكلة الام

السؤال الثانى: أى هذه المشاكل تعايشها أنت ؟
والله خليط من كل ما سبق ذكره :D

السؤال الثالث: أيهما أكثر فى نظرك المشاكل التى تواجه الشباب" الفتيان " أم المشاكل التى تواجه البنات ؟
لا مفيش مقياس
مشاكل هنا وهنا
لان فى منها مشترك وفى منها غير مشترك

السؤال الرابع:هل يجد الشباب فى مجتمعنا من يستمع لهم ولمشاكلهم ؟
ماعتقدش
ولو فى مفيش اللى ينصحهم
ولو فى مفيش اللى ياخد بايدهم بخطوات فعلية

السؤال الخامس: هل هذه المشاكل التى نعايشها فى مجتمعاتنا العربية تختلف عن المشاكل التى يعايشها الشباب فى المجتمعات الغربية ؟
اكيد

السؤال السادس: من هو المتسبب الأكبر فى أغلبية تلك المشاكل هل هو المجتمع أم الشباب أنفسهم ..... ؟
الشباب انفسهم طبعا
كل جيل كان عنده مجتمع بعيبوبه ومزاياه
بتفرق فى اصرار كل واحد على تلافي العيوب
الجيل نفسه هو اقدر على الارتقاء بنفسه
لاننا معانا امكانيات احسن من اى جيل سبقنا
بشوية احتهاد بس ممكن نحل مشاكلنا

السؤال السابع: هل تساعد وسائل الإعلام فى حل تلك المشاكل ؟
من وجهة نظرى .. اطلاقا
دى بتزود المشاكل
بعض رجال الدين والحكمة بس ممكن يكون ليهم دور ايجابي
ودول قليلين
ومبيوصلوش لكل فئات الشباب

السؤال الثامن:
على من تقع مسئولية حل تلك المشاكل فى نظرك ؟
مسئولية مشتركة
ما بين الشباب نفسهم واهاليهم واولياء امورهم ورجال الدين والاعلام

السؤال التاسع :
هل هناك أمل أن يجد الشباب حل شامل لجميع مشاكلهم أم أن هذا مجرد حلم ؟
لجميع مشاكلهم صعب اوى
لان الانسان خلق فى كبد
لو كل مشاكله اتحلت الحياة مش هيبقي ليها معنى
ودا مش ع الشباب بس
على الناس كلها
الانسان اللى بيحل كل مشاكلة مبيبقاش عاوز من الحياة حاجة بالتالى هيفكر فى الموت

السؤال العاشر : ما هو رأيك فى فكرة مدونة " إحنا شباب النهارده " ؟ وهل تعتقد أن يكون لها دور فى حل بعض هذه المشكلات ؟
الفكرة جميلة اوى
وممكن جدا يكون ليها دور
لو القائمين عليها اهتمو بيها
والشباب نفسهم اهتمو انهم يستفيدو
باذن الله يكون ليها دور :)

بالتوفيق للجميع

one more time :|

.. :) ..


.. :) ..


يدهشنى رجلا يقول:
"مراتى متتكشفش على رجالة ابدا
.
.
الا الدكتور"

يا عم هو الدكتور دا مش راجل ولا ايه
وبعدين هو مش فى دكاترة ستات ولا ايه
ليه متروحش لدكتورة

يقولك لا متروحش لدكتورة مفيش دكاترة ستات عدلين
نادر اوى

يا سبحان الله
امال ماليين كليات الطب بيعملو ايه يا سيدي
وبقو اكتر من الرجالة
وزاحمين السكاشن وبيطلعو اوائل الدفعات
وما شاء الله حاجة اخر حلاوة
امال ايه بقي
طيب مبيبقوش دكاترة محترفين بيخشو طب لييييه

تعالى على الهندسة بردو
تلاقي البنت مموتة نفسها فى الثانوى وعمالة تدش
وتنسي كل حاجة فى حياتها الا المذاكرة
وتلاقيها بقت كبيرة على وش جواز ومبتعرفش تعمل اى حاجة فى البيت
تيجي تسال ليه
يقولك كانت بتذاكر مكانتش فاضية
وكأن المزاكرة دى هى الاولوية
وكل واحدة عندها لسان ما شاء الله اطول منها
وتقولك مزاكرتى هى اللى هتنفعنى
انا لما ابقي حاجة كويسة هفيد نفسي واعرف اصرف على نفسي
وماحتاجش لاى كلب
ضل الحيطة كويس اوى
وبمجرد ما تخلص تلاقيها قاعدة فى البيت حاطه ايدها على خدها مستنية العدل
وتبقي مهندسة اد الدنيا وبتقدير جيد جدا
وامتيااز كمان
ما شاء الله ربنا يزيدهم انا مقولتش حاجة
بس فين بقيت جوانب حياتك بقي ؟
مفيش
تقولك شغلى اهم
تروح تتقدم لوظيفة يقولولها احنا عايزين رجالة
الوظيفة محتاجة رجالة عشان تقف فى مواقع البناء ويستحملو البهدلة >>دا فى المهندسين
الوظيفة محتاجة رجالة عشان بنستدعيهم بالليل للطوارئ واحيانا بيباتو فى المستشفيات>>دا للدكاترة
...والامثلة كتير
بس انا جايب مثلين من كليات القمة اهو
اللى الناس كلها بتسعي ليها
والغريب بردو انها مبتبقاش رغباتهم
بينقو الحاجة اللى بتاخد مجموع كبير وخلاص
انا مش فاهم دا غل
ولا دا اسمه ايه بالظبط؟

يدهشنى حاجة كمان
انك تبقي سايق عربيتك وماشي فى امان الله
فجاة تلاقي ادامك عربية ماشية تتمرجح
او عربية تبقي ماشي وتبطل فجاة
تبص تلاقي واحدة ست سايقة
لا حول ولا قوة الا بالله
تيجي تتكلم يقولك معلش اعزرهم دول ستات
وقلوبهم ضعيفة
طب يا ستي قلبك ضعيف بتسوقى عربية ليه
يعنى كان حد غصبك

وتتفرج على مناظر تضحك بقي
لو لقت عيل فى الشارع من على بعض نص كيلو
تستنى لما يعدى عشان تمشي
وتعطل الناس وراها وتخليهم يخبطو فى بعض
وتلاقي ستات قافشة فى الدريكسيون زى ميكون هيهرب
طب عليكو بايه مش فاهم

يا رب ارحمنا

تحديث صغنون
========
>>فين المشكلة؟؟
************
المشكلة لما تلاقي جيل دكاترة نصه على الاقل بنات
كل ما تخش مشرحة يغم عليها
ومبتبقاش عندها اى ثقة فى نفسها
وبكده خسرنا نص دكاترة البلد على الاقل

المشكلة ان هتلاقي جيل مهندسين نصه على الاقل بنات
مينفعش تنزل تقف فى موقع بنا وتلبس خوزه وتتبهدل وسط الرجالة
وبكده خسرنا نص مهندسين البلد على الاقل

المشكلة انك كل يوم والتانى تلاقي حادثة فى شارع بسبب واحدة ست مش عارفه تسوق

المشكلة اننا بقينا نخلق اعزار تافهة لناس
فى حين ان فى ناس تانية احق باماكنهم
ممكن يبقو اقل منهم فى الحفظ بس احسن منهم فى الحياة العملية
وعشان واحدة قاعدة تصم خلته تخش كلية مش عاوزها
وهى مهما عليت فى مكانها ده
هتبقي معيدة مثلا وبردو هتبقي مش فاهمة حاجة داخله تتكعبل فى نفسها
وما اكثرهم عندنا
تيجي تسالها سؤال تفضل تتهته ومتفيدكش بحاجة
وبكده خسرنا نص معيدين الكليات على الاقل
اللى المفروض هيعلمو الناس بعد كده

وما اكثر الامثلة

----------------------------------

>>وايه الحل؟؟
**********
الحل ان كل واحد يفكر هو هيبقي كويس فى ايه
هو هينفع الناس فى ايه
هو هيفلح فى الحاجة اللى هيدرسها دى ولا لا

مش بس كل همه ان مجموعى كبير اخش احسن كلية
وهمه ازاااى فلان يخش كلية كذا وانا لا
هو احسن منى

الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط
----------------------------

كل سنة وانتو طيبين

ياا رب

هل عندك شك


ياقمراً يطلع كل مساءٍ من نافذةِ الكلماتِ ..
يا أعظمَ فتحٍ بينَ جميعِ فتوحاتي ..
يا آخرَ وطنٍ أُولدُ فيهِ .. وأدفنُ فيهِ .. وأنشرُ فيهِ كتاباتي ..
لا أدري كيفَ رماني الموجُ على قدميكِ ..
لا أدري كيفَ مشيتِ إليَّ .. وكيفَ مشيتُ إليكِ ..

!!!!
:)

مبسوطين يا عرب


http://www.alarabiya.net/articles/2009/11/16/91475.html

http://www.almesryoon.com/news.aspx?id=20965

مبسوطين يا اصحاب الالسنة الطويلة
مبسوطين يا اصحاب الهتافات المعادية
مبسوطين يا اعلاميين يا مسخناتية

مش بيقولك القانون لا يحمى المغفلين
واحنا كده ضيعنا حقنا
وبقينا فى نظر العالم زينا زيهم
والخطأ مقسوم على اتنين

وانتظر عقوبة جايالنا من الفيفا يا سيدي
على اساس ان احنا الجناة
اتوبيسهم اتكسر هنا من جوا راحو عملو اثبات حالة
وجابو خبير من الفيفا من ايده كده
ولبسوه العمة
لكن احنا اتوبيسنا يتحول طفطف واحنا شعب مسامح
من غير ما نبلغ ولا ناخد خطوة
نستخبي فى بيوت السودانيين
ونتصل بالتليفونات نشتم ونسب ونزعق
وبقالنا 3 ايام بنطبطب على بعض
وعملنا ايه كخطوة ناخد بيها حقنا؟؟؟
0
بقينا فى نظر الفيفا احنا الجناة
ومنتظرين العقوبة
والخطوة اللى خدها رئيس اتحاد الكورة
بنهدد بتجميد نشاطنا مع الفيفا سنتين
يا فرحتى
يعنى نتضرب ونتشتم ونتهان وكمان نقفل على نفسنا سنتين
ومنلعبش اى ماتشات دولية
نقضيها دورات رمضانية بقي

رسائل أحدث رسائل أقدم الصفحة الرئيسية

Blogger Template by Blogcrowds