مخطوبة ايه
قصدك ساره مين؟؟؟؟؟؟
ساره ساره اللى انا بحبها
ساره يا وليد .. انت بتقول ايه
وليد: ايه يا خالد انت متعرفش ولا ايه .. ساره اتخطبت بقالها ييجي شهر .. انا بحسبك عارف
خالد: عارف ايه .. ساره مش هتتجوز حد غيري انت بتقول ايه
وليد: اهدى يا خالد بس .. ساره متستاهلكش .. ربنا يرزقك باللى تقدرك
خالد: ازاى حصل ده ومن امتى .. انا مش مصدق
طيب انا هقفل دلوقتى يا وليد معلش .. هكلمك بعدين
وليد: استنى يا خالد بس .. خالد
خالد قفل
خالد مش قادر يتمالك نفسه
مش عارف يتصرف ومش شايف ادامه
خالد اتصل بساره
مش عارف يتصرف ومش شايف ادامه
خالد اتصل بساره
خالد: الو
ساره: الو ازيك يا خالد عامل .. ايه فى الشغل والــ
خالد: ...ازيك يا ساره .. مامااا عاملة ايه دلوقتى
ساره: تعبانة شوية والله يا خالد .. بس الحمد لله يعنى بتـــ
خالد: ...تعبانة شوية لسه .. يعنى حضرت الخطوبة ولا لا
ساره: خطوبة صاحبتي لا مقدرتش تروح
خالد: طب وخطوبتك انتى
ساره: خطوبتى؟؟ .. لا .. خالد .. استنى انت فهمت غلط .. داا..
خالد: ..فهمت ايه غلط .. امال مين اللى اتخطب
ساره: دى فاتحة اتفرت يا خالد .. واحد جارنا قرا فاتحة مع بابا وانا مكنتش اعرف حاجة عن الموضوع ده
خالد: فاتحة؟؟...
ساره: صدقنى يا خالد .. الموضوع جه فجأة .. انا مش موافقة والموضوع ده مش هيكمل
خالد: فجأة؟؟...
ساره: خالد .. رد عليا
خالد: موضوع؟؟..
ساره: خالد .. خالد
خالد قفل السكة
وبيتصل بوليد
وبيتصل بوليد
خالد: الو .. وليد
وليد: ايوة يا خالد .. حصل ايه
خالد: وليد انت بتضحك عليا .. ساره ماتخطبتش
ساره مش هتتجوز حد غيري
صح؟
قول صح يا وليد
وليد انا هنا عشان ساره .. انت فاهمنى
وليد انا ساره كل حاجة فى حياتى
قول صح يا وليد ... قول
وليد: يا خالد اهدى عشان خاطرى
يا خالد انت انسان كويس اوى .. انت تستاهل احسن من كده بكتير
يا خالد بص ادامك بقي .. وكمل شغلك على خير وارجعلنا بالسلامة
خالد انت معايا؟؟
خالد: وليد انت مقولتش ليه ساره مستنياك .. هى ساره مش مستنيانى؟؟
وليد: فوق بقي يا خالد .. انا شوفت صور خطوبتهم .. ساره مخطوبة يا خالد
خالد .. يا خالد فوق بقي
خالد قفل السكة تانى
خالد تقريبا غايب عن الوعى
موبايل خالد بيرن
خالد بيبص فى الموبايل
sara is calling..
الموبايل رن حوالى 8 مرات
خالد مش قادر يمسك الموبايل
خالد تمالك قواه ورد ع الموبايل
خالد تقريبا غايب عن الوعى
موبايل خالد بيرن
خالد بيبص فى الموبايل
sara is calling..
الموبايل رن حوالى 8 مرات
خالد مش قادر يمسك الموبايل
خالد تمالك قواه ورد ع الموبايل
خالد: الو
ساره: الو .. يا خالد متعملش فى نفسك كده
يا خالد اعذرنى انا مكانش ادامى حاجة اعملها
انا اتحطيت تحت ضغط رهيب .. من ابويا ومن امى ومن قرايبي وصحابي وكل اللى حواليا
خالد انا مكانش عندى حل تانى غير انى اوافق
انا كل حججى خلصت .. كل المبررات معادش ليها اى معنى
انا بقالى 3 سنين مخلصة الكلية وبرفض عرسان من غير اى سبب مقنع
خالد انت فاهمنى؟
خالد: اعذرك؟؟
والحب .. والاحلام .. والفرح .. والبيت
والكلية والمكتبة .. وعيد ميلادى والنتيجة
.. وسلوى وكريم .. والجيش والسعودية
.. والشغل هنا وهنا .. والبهدلة والمرمطة
. مين فى دول هيعذرك؟؟
.
وخالد!!!
خالد اللى محبش حد فى الدنيا غيرك
خالد اللى عنيه من ساعة ما وقعت عليكي وهو مبيشوفش غير ساره
خالد اللى عاش طول عمره مستنى اللحظة اللى تجمعه مع ساره فى بيت واحد
خالد اللى شافك فى امتحان الشفوى وهو اللى بيكلمك فى التليفون دلوقتى .. وهو نفسه اللى مغيبتيش عن نظرة لحظة بين الوقتين دول
خالد
..
ههههههههههههههههههههه خالد؟؟
اه .. خالد
خالد اللى اتضحك عليه ..
خالد للى جه هنا دلوقتى على ملا وشه عشان يبقي حاجة تستاهل ساره
خالد اللى اتصل يتطمن على مامة ساره اللى كانت تعبانة ومنعت ساره انها تسال عنه
خالد اللى اتصل يبارك ويهنى لصاحبة ساره .. اللى كانت مشغولة فى فرحها
واتارى خالد بيتصل عشان يبارك لساره على فرحها هى
فرحها؟؟
هى ساره هتعرف تفرح عادى كده؟
وتلبس فستان ابيض وتتذوق
وتحط ايدها فى ايد حد تانى وتكمل معاه حياتها
يااااااااااه
..
خالد؟
دا خالد اللى بتتكلمى عنه؟؟
اه .. هو دا خالد
هو ..
يتبع بردو..
26 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
وجعت قلبي يا شيخ
الله يسامحك
كنت هيجرالى حاجه من كتر العايط
اكتب حاجه تفرح بقى يا عم
ده انت عارف البير و غطاه
الجزء دا
بس برافو عليك
سلمت يسارك
مستنين الباقى
قديمه
قريناها مره
شوفلك جزء جديد
بس صحيح
\\
انا كل حججى خلصت .. كل المبررات معادش ليها اى معنى
\\
منين ابوها عارف وموافق ومنين حججها خلصت
ولا هيا بتتحجج علي حد تاني
ولا الغزاله سرحت منك وانت بتكتب
Go On
ياااه موقفها حرج
\يتبع بردو\
طويب
وايتنج...
حرام عليك يا جدع!
بجد أنا نفسي أشوف أخرها
وبصراحه هو صعبان عليا جدااا
وزى ما وليد صحبه قاله انه فعلا يستاهل واحده احسن من كده
جميله اوى دا انت طلعت فنان واحنا مش عارفين :)
مستنيين الباقى
ايه ياعم الحزن دا
تولع سارة وسنين سارة
قوله ينسى يا جدع ويشوف نفسه :)
وربنا يسامحها بقى ع الى عملته فيه )):
و
بجد ماشاء الله بتكتب حلو اووى (:
بس بجد انجز واكتب الباقي انا دخلت جيبت القصه من الاول
عاوزه اعرف هيحصل ايه
بجد نزل بقي الجزاء الي بعد كده
متشواقه اني اعرف النهايه
تحياتي
واتمني التوفيق
متشيلنيش الذنب بقي
:(
طب حاجة تفرح ازاى يعنى
خلينا واقعيين كده
مينفعش حاجة تفرح فى موقف زى ده
يا حلمنا الموجوع
من المرور ممنوع
:D
بس طالما عارف انه اللى تسلم دى يسارى تبقي عارفنى كويس
عموما ع الكيبورد بكتب باديا الاتنين :P
ماشي يا سيدي
منورنا
ياخى نفسي اعرف الكلمة دى معناها ايه
جيث دى
وبعدين انا غلطان يعنى انى وريتك جزء قبل ما انزله
خليك بقي بعد كده زيك زي العامة
وهتفهم الجزء الجاى يابولماضة
ساره اللى صعبانة عليكي؟؟
حرام عليكي
امال الواد الغلبان اللى مرمى لوحده ده يعمل ايه
باشمهندسنا الكبير
عملت فيك ايه بس
هو انا لسه عملت حاجة :P
منورنى يا باشا
ايوة تمام كده
خالد اللى يصعب عليكي .. صح
ب حلو تفاوت الاراء ده
عشان نوسع دايرة الحوار
:D
ومش مؤلف ولا حاجة
دى حاجة بسيطة كده :)
ههههههههههههههههه
فكرتنى بعلاء ولى الدين
وهو بيقول تولع فوفة وسنين فوفة
قوله والنبي يا حشمت يشوف نفسه :D
خليه يشرب بقي
ولو رجعلها بعد اللي عملته يبقي ماعندوش دم
(اموشن شرير بقي) يارب حد فيهم ينتحر:D
اسباب ايه بس
انا مش شايف اى اسباب تخليها توافق ع اللى حصل ده
وربنا يخليكي
دا من ذوقك
وشوية حاجات فوق بعضها :)
منورة فى اول زيارة دى
مش تقولى طيب
كنا نستقبلك فى ظروف احسن من كده :D
ناس بتعيط وناس بتتسوح
يالا مش مشكلة
المهم انك ويلكم هير :)
ههههههههههههههه
ايوة كده سخنيه
تموتى فى الخراب انتى :D
بجد الحكاية جميلة وشدتنى وعايزة اعرف باقى الاحداث
يكفيني شرفا انك متابعة
القادم افضل ان شاء الله
منورة يا باشمهندسة :)
ووجعت قلبي
:(:(
فكرتني بايام اف سي ي
:((
بسي بجد بحييك على اسلوبك
ماله ومال القصة دى
ما علينا
معلش بقي القصة نصيبها كده
وميرسي على ذوقك :)