سلااااااام عليكو
اهلا باحلى مدونين ومدونات
شوية حاجة كده مكركبة دماغى
قلت افضيها هنا قبل مانام
النهارده الجمعة 27-2

واليكم اهم الانباء:
>>فوز الاسماعيلي على الاهلى(نادى الأرن الافريقي >:) ) فى عقر داره 1-0 مع الرأفة.
>>لا يزال الاستياء الشديد يجتاح حاسبات الزقازيق وبالاخص الفرقة التانية واخبار عن تنظيم للقيام بانقلاب مفاجئ على الكلية.
>>عودة البني ادم اللى اسمه احمد صلاح (حد يعرفه؟؟/:) ) بعد غياب دام لاكثر من 4 ايام.
>>بنحضر لبداية الدراسة الجدية عندنا فى الكلية كلام فى سركو (لم نفعل شيئا حتى الان) هششششششش انا مقولتش حاجة.
- بعد المقتطفات من الندوة اللى كانت عندنا فى حاسبات بحضور السيد نائب رئيس جامعة قناة السويس الدكتور/ ابراهيم عاشور.
>>ونشرة جوية سريعة يقرأها علينا احمد صلاح بردو (لان محدش بيكتب فى البلوج ده غيري اصلا :-p )

كانت هذه هى العناوين فاصل ونعود بالتفاصيل:
.
.
.

عدنـــــــا
فى امسية كروية ممتعة
فى اطار احدى مباريات الدورى العام المصرى لكرة القدم
قام فريق الكرة بالنادى الاسماعيلي بتلقين درسا شديد اللهجة لابناء القلعة الحمراء
وهزموهم شر هزيمة بهدف واحد للا شيئ >> مع الرأفة
بعد ان افلت ابناء مانويل جوزيه من هزيمة ثقيلة
شهدت المباراة تألقا ملحوظا لابناء الدراويش
وحبس انفاس جميع جماهير الاهلى
مما اثمر عن اختفاء اكثر من 20 اهلاوى من على بريدي الالكترونى الخاص
يختبؤن تحت البطاطين من برد الشتاء القارس والهزيمة المخيبة للامال :-p
---------------------------

على صعيد اخر
فى محافظة مجاورة تدعى الشرقية
وبالاخص من حاسبات الزقازيق
لا يزال الغضب يعم على ابناء الكلية بعد ظهور نتيجة الترم الاول
والتى جائت عكس كل الامال على الرغم من انها كانت متوقعة
ولا تزال الكومنتات الرهيبة تتوالى على ماسينجرات الزملاء
كلها مضمونها >>حسبي الله ونعم الوكيل فيك يا ... تييييييت حزفت للرقابة :-$
بجد ربنا معاكو يا جماعة
وربنا يصبركو على ما بلاكو
ويا رب تعدو منها على خير
--------------------------

على جانب اخر
تم العثور على شخص يدعى احمد صلاح
الكائن بمحافظة الاسماعيلية
بعد موجة برد خفيفة يتبعها ما يشبه اكتئاب عابر يظهر فى مثل هذا الوقت من العام دامت اكثر من 4 ايام

المضمون من الخبر ده:
مقولكوش بقي على الترحيب اللى لقيته
ولا الناس اللى سالت عليا وانا غايب
ولا ايه ولا ايه
هاءاااااو
دول طلعو بيحبونى كره العما
ولا كمية المعزة اللى فى قلوب الناس
يااااااااا خبــــــر
بجد الدنيا بخيــــــــــــر
والناس بتسال على بعضهاااااا
وكله واحد خايف ع التااااااااانى
وكله بيغنى >>الحياة حلوة للى ينفضلهاا
ال وانا اللى ........ يا لهوى عليا

سيبوكو من الحتة دى يمكن دى خترفة من توابع البرد
-----------------------------


اما عن اخبار الكلية تبعنا
امبارح الصبح لقيت واحد صاحبي بيتصل بيا
يدعى أ.م
بيقولى اخدتو ايه الفترة اللى فاتت
على اساس انى دحيح بقي وراشق فى الجامعة كل يوم
وانا طبعا مرحتش الكلية لسه مرتين على بعض
وبالطبع قالى جبتك يابوصلاح تعيني لقيتك يابوصلاح اخر روقاااان :D

بعدها بربع ساعة تقريبا جالى اتصال اخر _مش هنعرف ننام بقي _ من صديق اخر
يدعى أ.س
بيقولى انتو فين انا هنا فى الكلية مفيش ولا حد من الرجالة
فى نفس تلك اللحظة ايقنت تماما ان انا ماشي صح :))
ويكأنى كنت حاسس انهم مبياخدوش حاجة والله هههههههههه
قالى هو محدش بييجي الا انا ولا ايه
طبعا رحت انا مديله النصيحة اياها بتاعتى
>>يابنى متديش الكلية اكتر من حجمها ;))
احمد غانم بيتجنن من الجملة دى
بس هو دا الواقع يا ناااس صدقونى ولو مرة
قالى طبعا يا ريتنى ما جيت
ويا ريت عمرها ما تعمر بيت
خلاصة الكلام احنا لسه بنقول يا هادى على الرغم من ان زمايلنا فى محافظات كتير شغالين من نار دلوقتى
محدش يحسد هااا @-)
ال يحسد ال
---------------------------

من حوالى اسبوعين تقريبا كان فى ندوة عندنا فى الكلية
بحضور نائب رئيس الجامعة
لمناقشة اهم المشاكل التى تواجه الكلية فى الفترة الحالية
وكيفية وضع حلول للنهوض بالكلية
حلوين البؤين اللى بالفصحى دول ههههههههه

مقتطفات من الندوة:
قام الدكتور ابراهيم عاشور باتاحة المجال للدكاترة الافاضل الحاضرين فى الندوة
واذا بالدكتور م.ع
حبيبي والله الراجل ده ;)
بيعرض احد المشاكل اللى هى ايه
بيقوله يا دكتور فى سبورة متجرحة فى مدرج 14
ههههههههههههههههههههههههههههههههههههههههههههههههههههههههههههههههههههه
دا كان شعورى اول ما سمعت الكلمتين دول
بقي هى دى المشاكل اللى بتواجهنا
واللى بحلها ان شاء الله هننهض بالكلية
وعلى الفور رد الدكتور ا.ع
قاله يا دكتور عايزين مشاكل مهمة سبورة ايه اللى هنتكلم فيها ;))

جانب اخر من الندوة
كان فى بعض طلبة من الفرقتين الاولى والتانية حاضرين الندوة
طبعا الكلام مش عاجب
احنا عايزين كلمتين حلوين وكل واحد يروح لحاله
والناس دى بتتكلم فى مشاكل احنا مالنا احنا
عايزين نروح يا عم احنا ايه اللى هبلنا وخلانا نخش الندوة دى
يظهر قالولهم انهم بيوزعو حاجة ساقعة جوا =))
المهم 2 طلبة قاعدين بيهزرو مع بعض واحد منهم راح ضاحك بصوت عالى
لسوء حظه الشديد مين شافه؟؟؟
نائب رئيس الجامعة ههههههههههههههههههه
قاله الطالب اللى بيضحك ورا ده تعالى
راح طالعله طبعا
قاله كارنيهك ويتعمله مجلس تأديب
اوباااااااا
طبعا صلحبنا قلبه وقع فى رجليه
المهم واقف ادام الدكاترة الافاضل وبيدور على الكارنيه مش لاقيه
>>نسيته يا دكتور
طب هات بطاقتك
بيدور على البطاقة مش لاقيها
>>نسيتها يا دكتور
طب يابنى اى حاجة اثبات شخصية
صاحبنا بيدور على حاجة مش لاقى
المهم انه بيسافر اصلا وازاى ماشي من غير بطاقة
وازاى دخلوه من على باب الجامعة من غير كارنيه
المهم الاخ طلع للدكتور ايه اثباتا لشخصيته
بيطلعله اشتراك القطر
ههههههههههههههههههههههههههههههههههههههههههههههههههههههههههههههههههه
مستحيل اوصفلكو المنظر ساعتها كان عامل ازاى
لما تطلع لنائب رئيس الجامعة اشتراك قطر عشان يعملك بيه مجلس تأديب
يبقى انت اكيد اكيد فى حاسبات

بلاش اكمل فى الموضوع ده
عشان انا خلاااااااص.....
بجد شر البرية ما يضحك
--------------------------------

اخيرا وعن النشرة الجوية
شهدت مدينة الاسماعلية اليوم
مدينة السحر والجمال
عروس القنال
رغم انف الحاقدين :-p
جوا معتدلا كالعااااااااادة B-)
على الرغم من انباء حول سقوط امطار غزيرة فى كل من المنصورة والزقازيق والمنوفية
مع وجود الرعد والبرق و و و
وافلام الرعب اللى بنسمع عنها دى
ونصيحة لكل قارئ للنشرة دى
اقعد فى بيتكو اليومين دول
ببساطة لان:
صحتك بالدنيا :D
----------------------------------------

كان معكو واحد مطرقع فى نشرة اخبار (5 فضفضة)
من استوديوهاتنا فى اسماعلية
هنا فى البيت بتاعنا :-p
اقعدو بالعافية :D

دومتم فى حفظ الله :)

بيييييييييييييييييب بيييييييييييييييب :D
<:-P<:-P<:-P<:-P
هههههههههههه
اخيرا وبعد طول انتظار
وبعد تعب اعصاب وحرقة دم
مش اوى يعنى /:)

وبعد اجتهاد فى دعوات
وفى مزاكرة (مش اوى بردو :-P)

ظهرت النتيجة واتعلقت فى الكلية
مش على 0900 زى ما قالو

المهم نحجت الحمد لله
بتقدير جيد
وشميت نفسي بقي انا والشلة ;;)

عقبال الترم التانى يا رب
وعقبال التخرج بالمرة :D
وعقبال كل الناس فى كل حتة :)

ويا رب اشوف كل واحد فرحان بنجاحه كده
وسمعنى الناجح يرفع ايده L-)
هههههههههههه

ويلكم ايفري بادى
وحشتوونى خوولص :-P

خلص الترم الاول
واستريحنا نسبيا
>>لحين ظهور النتيجة بس
بس عموما بعيد عن النتيجة
يا رب تكونو مستمتعين بالاجازة
او مقضينها بالطول والعرض يعنى مش هتفرق :-P

المهم انا راجعلكو النهارده بخاطرة جمييييلة اوى وقعــــــت تحت ايدي
مش مألفها دى يا جماعة
متلبسونيش تهمة :D
بس عجبتنى اوى
قلت نشوفها مع بعض
ويا ريت اعرف ارائكو
----------------------------
تيجى نرسم الحب ؟؟, هات ورقه وقلم وتعالى...

عندما تريد ان تحب

نحي مشاعرك جانبا

وأكتب أحاسيسك

أوقف نبض قلبك قليلا

أحضر الاوراق والافلام

وارسم وجها جميلا

حدد ملامحه كما تريد

دعه لا يشبه مخلوقا فى الدنيا

وفى الورقه التالية ارسم له الورود التى تحب

أن تهديه اياها

وفى الورقة الاخير ارسم له القصر الذى

ستسكنه فيه

وتابع الرسم

تــــــــــــــابع الرســــــــــــــم



ولكن

توقف فى الوقت المناسب

دع الورقة الاخيرة

فسامسك بالقلم الان

لقد حان دورى



سارسم قلـــــــــبا كبيــــــــــــــرا

يخترقه سهم

يتساقط منه قطرات دم

كل قطرة تسقط بمكان معين لها

لتكتب تحت القلب

أكبـــر قصة حـــــــب كاذبــــه

سيدى ألم يخطر ببالك ولو لحظة

أن الحب ياتى دون تخطيط

أن الاحساس بالحب هو أسمى الاحاسيس

وليس لشخص أن يتحكم بدخوله للقلب وخروجه منه


تصور



لا نستطيع أن نتحكم بدخول الحب لقلوبنا

ولا نستطيع حتى أن نخرجه منها منى نشاء

لذلك لا تطلب منى أن أحبك

الحب ليس صفه متكسبة

الحب أحاسيس صادقة

مشاعر سامية

طهر ..يباض..وصفاء

لا يستوعبه الا قلب مثله

الحب هو أن يسكن قلبه قلبك

ويسكن قلبك قلبه

هو أن تصبحان روحا واحده

ولكى تصبحان روحا واحده


فضع نصب عينيك

الطهر والقبح لا يجتمعان

اليباض والسواد لا يجتمعان

الصفاء والكدره لا يجتمعان

قلبــــى وقلبك لا يجتمعان

عندما ياتى الحب فلن يطرق الباب

سيدخل فورا وتربع على عرش القلب

دون استئذان


لن أحبك
لن أحبك


حتى مع الايام

فقرار الحب ليس بيدى وعذرا

احضر ورقة وقلم وتعلم رسم الحب

صفحة بيضاء

بها قلب ينبض احساسا طهرا وصدق وفى الجانب الاخر

ارسم أخر ينبض احساسا طهرا وصدق

وباعلى الورقة

دون الى أن يشاء الله


همســــــــــــة

فى الحب لاتكذب مرة فتكذب كل مرة

لا تستسهل الاخطاء مهما كانت صغيرة

لا تستسهل الجروح مهما كانت صغيرة

لا تستسهل بالمشاعر مهما كانت صغيرة


لا تستسهل

فكل شئ يبدأ صغيرا يكبر

الخطأ يبدأ صغيرا ويكبر

وكذلك الجرح

وكذلك المشاعر

تحياتى للجميع

رسائل أحدث رسائل أقدم الصفحة الرئيسية

Blogger Template by Blogcrowds