انك تبقي رايح تنتخب فى انتخابات اتحاد الطلبة وكل ما عليك انك تسقف بس
وكل شيئ مدروس ومتخطط

انك تبقي امين اتحاد الطلبة ومبتجيش الكلية اصلا

انك تروح قبل الانتخابات تنقيلك لجنة تمسكها
خد الرياضية دى حلوة
ولا اقولك خد الفنية دى فاضية
لالا خد دى شكلها حلو

انك تبقي امين لجنة الجوالة مثلا وانت متعرفش حاجة عن الكشافة
ولا حتى عمرك طلعت معسكر

انك تروح حفلة التنصيب وتعرض برنامجك الانتخابي
وتوعد بتحقيق الانجازات
وشوية وهتحلف القسم وتنادى بنشيد بلادى
والناس تبقي قاعدة خلاص سامعه السلام الوطنى بيسقف فى ودنها
ومحدش يشوفك بعد كده

انك تقعد 4 سنين فى الكلية
وتخرج منها وانت زى مانت
والاسم انك خريج حاسبات ومعلومات

وهى دى العيشة مع حاسبات اسماعلية
:D

صحيح كنت هنسي
وانا من مكانى هذا
احب ابشر كل طالب حاسوباتى
انى هوزع عليهم مناديل الكشافة دى
وكرافته مرسوم عليها هيلب
وكل واحد يروح المخزن ياخد طقم
قميص لبنى وبنطلون ازرق
والبنات ليها معانا نشاط
هيبقي يصوتولنا لما نتوه

وهاخدكم ونطلع الصحرا نحط خيم
ونعمل معسكرات

وحفلات سمر
الناس اللى عندها هواية ترقص شعبي
جايبين دى جى وهيعيشو

ال اتحاد ال

حاجات كتير لازم تموت

وعشان حاجات تعيش .. حاجات كتير لازم تموت

ظاهرة سيئة جدا
معرفتهاش الا لما تعمقت فى المدونات شوية

كنت زمان لما الاقي بنت تكتب شتيمة فى مدونة
او تتلفظ بلفظ مش محترم
او على اقل تقدير لا يصح التلفظ به على الاقل من بنت
كنت بقول عادى دى حالة شاذة
شاذة بمعنى غبر مألوفة يعنى حالة خاصة لا تستحق التعميم يعنى متستحقش لقب ظاهرة

لكن لما دوست شوية فى المدونات
وشوفت حالات كتير زى كده

لما الاقي بنت شغالة ناقد سياسي ومحلل رياضي ومصلح اجتماعى ومدير فنى و و و ... بس بطريقة مش معقولة
بجاحة وسفالة وقلة ادب بكل ما تحمله الكلمة من معنى
وايه بقي
ما شاء الله على اللباقة
بيتفننو فى اظهار الالفاظ اللى مش كويسة
بجد بشوف الفاظ انا ولد اتكسف اكتبها

ممكن جدا يكونو بنات محترمات
ومحترمات جدا كمان (ادام الناس)
بس فى عالم النت والتدوين حاجة تانية خالص
الخجل والحياء بيختفو
كل شخص قاعد ادام شاشة بيتحول لشخص تانى خالص
زى ميكون متقيدين باساور وبمجرد قعادهم ادام شاشة وفى اديهم كيبورد بتظهر المواهب

ولما تيجي تنتقد يتهموك بالسلبية وانك صاحب العقل الحجرى قديم الازل

هى الاخلاق ليها زمن يا ناس؟؟
هو الحياء ليه اوقات؟؟

زمان كنت اسمع ان فى بنات بتتكسف تخش منتديات
وبتتكسف من المواجهة والمشاركة
وكان فى اللى بتخاف تقعد ع النت كمان
كنت بقول دا مش صح طبعا
دى حاجة عادية جدا ان البنت تكتب وتعبر وتشارك
بس ......... فى حدود

زمان كانو بيقولو ان الولاد وشهم مكشوف وعندهم جرأة زيادة
لكن اقسم بربي ان فى بنات عندها جرأة اكتر بمراحل من الولاد
وبيقولو ويكتبو اللى الولاد مبتقولهوش
وكمان عينهم اد كده
ترد وتدافع عن موقفها وتكابر وتعاند

واحدة هتيجي تقولى مفيش حاجة اسمها ولد وبنت
كلنا زى بعض
والحقوق والواجبات
وتفتحلى موشح

طب هو ليه لما نيجي نطلب منكو عمل معين فى الكلية تقولو لا مينفعش
انتو الرجالة
انتو اللى المفروض تعملوها
احنا بنات مينفعش نروح ونعمل ونسوي
انتو القوامون ولا هو قوامون بالكلام
واللماضة تشتغل بقي

اللى اعرفه واللى الناس كلها تعرفه
ان الرجل غير الذكر
الرجل دا مش جنس
لكن الذكر هو اللى جنس

ربنا بيقول يهب لمن يشاء اناثا ويهب لمن يشاء الذكور
مش الرجال


يعنى حضرتك ممكن جدا تبقي راجل
وممكن تبقي قوامة على ذكر
بس طالما حطيتي نفسك فى موقع الرجل يبقي تتحمليها بكل معنى الكلمة
اعتقد ان مستحيل باى شكل من الاشكال ان بنت تقوم بدور رجل
مهما عظمت قوتها وقدرتها

يبقي المقصود بيها ان كل رجل ذكر
لكن مش كل ذكر رجل
للاسف فى ذكور مش رجالة
بيحملو لقب ذكر طبيا فقط ;))
مش موضوعنا دلوقتى

نرجع لموضوعنا
انا بسال بقي ايه اللى جرا
البنات جرالها ايه
الانثوات جرالهن ايه :D

الفاظ ومصطلحات وطريقة تعبير ومواضيع حساسة جدا
وبكل بجاحة وبرود ومن غير اى خجل ولا حياء
حتى ردود الافعال طبيعية جدا
الناس بترد وتناقش وتأيد وكأنه عادى

ولا صحيح
مهو بقي عادى

عادى عادى ......


مولد ألفرد برنارد نوبل

21/10/1933

===================

وفاة الفقيه التونسي محمد بن يوسف

21/10/1960

===================

عيد الثورة في الصومال

21/10/1964

===================

إغراق المدمرة الإسرائيلية إيلات

21/10/1967

===================

الكويت وقطر والبحرين ودبي توقف تصدير بترولهم الى امريكا

21/10/1973

===================

مولد احمد صلاح عبد السلام :D

21/10/1989

===================

مؤتمر القاهرة الدولى

21/10/2000

===================

مش هتكلم بقي عن شهر العظماء
ومواليد شهر العظماء
العظمة لله وحده طبعا
بس دول عظماء البنى ادمين يعنى


لكن يكفيني شرفا انى ابقي احد مواليد هذا الشهر
ربنا يجعلنا نصيب من العظمة :d

وانا من هنا
الاسماعيلية
وفى تمام ال20 عام
بقول لعمو نوبل كل سنة وانت طيب
وشوفت جايزتك بقت عند مين :D



video


******************

طفل:عمو عمو
رجل:نعم يا حبيبي
الطفل:ممكن ترنلى الجرس ده
الرجل:ماشي يا حبيبي
(ترررن تررررن)
الرجل:عاوز حاجة تانى يا حبيبي
الطفل:اه .. يالا نجرى



ملحوظة صغنونة:
البوست عشان وجه مقارنة الرجل والمرأة من ناحية حاجة واحدة بس
الاحاسيس
عشان منفرعش فى المواضيع ونروح لحتت بعيدة عن الموضوع

اخر بوستين تقريبا كان عندى ردين من ايمي صاحبة بلوج عالم تانى
الردين كان محورهم مقارنة بين الراجل والمرأة
ايهم اكتر فى الغيرة
وايهم عنده استعداد اسرع انه يحب مرة واتنين وتلاتة
وان كانت حكمت بالفعل ان الرجل عنده استعداد اسرع :D
بس خلينا للاخر

متفقين ان المقارنتين فى نطاق الاحاسيس

اللى جاى كله من وجهة نظرى

انا شايف ان البنات معتقدة ان الولد عنده استعداد انه يحب مية مرة
وان معندوش مشكلة فى التعدد وان ممكن يملك خمسين قلب فى وقت واحد
وان هما اقل ابقائا على العلاقات وان عندهم قلب جامد قادر على الترحال
وان دا طبع اصلا فيهم وبكده البنات هما العنصر اللى بيقولو عليه الغلبان

يا جماعة مش كده والله
وعمرها ما كانت كده
اللى بيحب واحدة مينفعش يحب معاها واحدة تانية مهما كان
ما جعل الله لرجل من قلبين في جوفه
وصاحب بالين كداب
كداااااااااااب
ومحدش يقنعنى

الانسان اللى متعلق بحب حد يستحيل يحب معاه حد تانى
سواء كان ولد او بنت

الاتنين سواء
مفيش حاجة اسمها الولاد قلبهم جامد
ومعندهمش مشاكل فى التغيير

يمكن فى صفة وحشة فى بعض الولاد انهم بيحبو التسلية
وفى صفة فى البنات انها بتصدق بسهولة وبتنساق

لكن دا مش معناه ان الولد عنده القابليه يحب بسهولة ويغير ويتفسح وكده
الولد عنده احساس زى البنت بالظبط
وجرح الولد زى جرح البنت
وغيرة الولد زى غيرة البنت

اينعم البنت ممكن يكون عندها احساس مرهف شوية وبتتأثر اكتر
وقترة المعافاة بتبقي اطول
لكن فى بداية كل علاقة الولد زى البنت تماما

ولو فى اختلاف بيبقي اختلاف فى طباع او ظروف او تربية او المجتمع اللى طلعو منه او خلافة
لكن ك صفة فى الجنسين مفيش اختلاف

البنت قادرة جدا ع الترحال وقادرة انه تحب مرة واتنين وتلاتة
طالما بتتخلص من كل علاقة خلصت وتنهيها تماما
ممكن جدا تبدا علاقة غيرها وغيرها وغيرها
وبالمثل بالظبط الولد

اما عن نسب الغيرة بقي
مين بيغير اكتر
انا اعتقد انها متساوية بردو
والاختلاف بيبقي حسب الطروف
يعنى الظروف اللى كل اتنين محطوطين فيها هى اللى ممكن تأثر على النسب

لكن اولا واخيرا دا قلب ودا قلب

حاجة صغيرة كده قبل مانسي
فى حاجة انا شايف ان ممكن يكون فيها اختلاف
الدموع

الدموع عند الست ممكن تكون مألوفة اكتر
يمكن لأن الست عندها رقة شوية او احساسها مرهف اكتر
والراجل ممكن يكون عنده قوة نفسية اكتر او اكتر صلابة يعنى
فبتبقي دموع الراجل اقل

واللى اعرفه
ان الست ممكن تبكي من قلبها فى ظروف ظروف كتير
لكن الراجل طالما بكى من قلبه يبقي اكيد الامر لا يستهان بيه

دا على ما اعتقد
يا رب تكون الاجابة وصلت للى سأل :)
واكون وضحت وجهة نظرى بالتفصيل

الغيــرة


الغيرة
غريزة فطريه خلقها الله داخل كل شخص

الغيرة
غيرة على ارض .. غيرة على عرض .. غيرة شخص على شخص
وان تبدلت الادوار

الغيرة
حتى وان تحولت الى مرض فهى مرض لذيذ جدا

بعد المقدمة وخلافه
.
.

مفيش شك ان نسب الغيرة بتتفاوت من شخص لشخص
بس اللى اعرفه ان الانسان اللى ميغيرش دا يبقي انسان بارد أو مريض

والانسان اللى ميقدرش غيرة انسان تانى دا لا يستحق الاحترام
وان مقدرش غيرة انسان عليه يبقي لا يستحقه ولا يستحق اهتمامه

اينعم الغيرة لا تعنى حب
بس الحب من غير غيره يبقي حب ناقص
أو لا يعتبر حب

فى فرق كبير جدا بين الغيرة والشك
الغيرة عمرها ما كانت شك والشك لا يمس الغيرة من قريب او بعيد

حق مشروع جدا للانسان اللى بيحب انه يغير
وحتى لو كان مزودها شوية فبردو يستحق التقدير

والموضوع ده عمره ما كان مشكلة عويصة لانه بيتحل بقليل من التفاهم
لكن فى ناس بتزعل وتقفل من الغيرة وتعتبرها تضييق فى الحرية وحب امتلاك
مع ان انا شايفها اقصي درجات الحب

اينعم فى ناس بتغير بغباء وبتبقي بطريقة مدمرة للعلاقة بس دا مش مقياس
المفهوم الحقيقة للغيرة مش كده خالص

يمكن زى ما قال كاظم لغيرة النسوان فعل الخنجر :D
بس انا شايفه خنجر لذيذ جدا :)

اخيرا هختم بجملة:

لا تعبر عن حبك لهم بالغيرة
فأذا كنت غير متاكد من احساسهم تجاهك
فأنك قد تكشف لحظات ضعفك لمن لا يستحق ...
دمتم بود

=))



اهو دا بقي اللى مش عارف راسه من رجليه

الورقة الثالثة:
=======

تلك الفتاة التى اعجبت بشخصيته الناضجة وقلبه الحنون
الذى بات مصدرا للحماية والطمأنينة

لم يكن بخاطره ان يحوز على اعجاب تلك الفتاة الجديدة على عالم الحب الواسع
فقد وجدت نفسها بين احضان كاملة الاركان من صدق وتفاهم وحنان

وقعت تلك الفتاة فى حبه فى حين اعجب هو بتلك الشخصية التى تأكد من سلامة افكارها اولا
ثم طيبة قلبها وخوفها عليه وتمسكها به ثانيا

لتصبح تلك البنت المثالية التى يتمناها كل شاب فى وضعه
فلم يكن راغبا فى اضاعة تلك الجوهرة الثمينة من بين يديه لانه حتما سوف يندم عليها فيما بعد ان لم يحسن استقبالها

فى ذلك الوقت بدأت الفتاة فىا النضوج الفكرى
بجانب رغبته فى ابراز كل ما تحتويه جعبته من امكانيات وظروف

فقد كان شابا مثل جميع امثال عصره لا يملك من امره شيئا سوى قلب خصب صالح لزراعة المشاعر الطيبة
والتى لا تسمن ولا تغنى من جوع

ونظرا لنضجها الفكرى فقد قررت الابتعاد عنه فى وقت يعد هو الانسب فى اوقات الرحيل
تاركتة فى طياته احترام شديد لتلك الشخصية المتكاملة من وجهة نظره..

-----------------------------

الورقة الرابعة:
=======

تلك الصغيرة على الحب التى تربت على يديه بصنعة الاتقانوالتى غلبتها احاسيسها فى مصارحته بحبها له
والذى يعد هو اول تجارب حياتها على الاطلاق

ولانه كان واثقا من ذلك القلب الصغير
ولما وجده فيها من الطاعة العمياء من التلميذ النجيب وامتثال لجميع قراراته
حتى وان بدى بعضها غير صحيح

فكانت تسير بخطى ثابتة نحو التكوين المطلوب من وجهة نظره

فلم يجد مفرا من ان يكمل مسيرته معها متجها لطريق المجهول

فلم يكن يعرف الا انه اصبح مالكا لقلب متهتك يحتاج لتاء مربوطة تجمع اشلاءه لتعيده للحياة من جديد

فقد كان قراره تلك المرة عقلى بحت
ومنطقي من الدرجة الاولى

حيث انه لم يجد انسب من ذلك القلب الاخضر الذي حفظ مشاعره فى بوتقة الاستقرار

لتصبح رابع اوراق حياته والتى ظن ان تكون الاخيرة لما وضعه فيها من اساسات متينة فى تلك الفتاة مما يعطيه الامان فى ترك نفسه بين احضانها التى كانت تتسع يوم بعد يوم

الى ان جائت النهاية الغير متوقعة
والتى لم يكن ابرز المتشائمين يتوقعها

فقد استفاقت تلك الفتاة الصغيرة من حلمها الوردى
وادركت انه ما كان سوى معلما نجيبا تربت على يديه
وانها بحاجة الى ان تتنقل وسط الازهار
لتمتص من كل رحيق جزء

بعد ان حصلت على خبرات عميقة من ذلك المعلم المحنك
ولم يبقي له منها سوى كلمات شكر وتقدير لما قدمه لها من خدمات
ولما وفره لها من استضافة مريحة جدا

ليعود بقلبا خاليا كما كان
ولكن تلك المرة بذكريات ممتزجة بين الفرح والسرور والالم والحنين واشياء اخرى..

-----------------------------

الورقة الخامسة:
=======

فقد امسك بها ولم يجد شيئا ليكتبه
سوى ذكريات متفرقة جمعها من قلب مشتت بين اربع ورقات اخرى
كل منها بلون وطعم محتلف تماما عن الاخرى

وبدت عليه ابتسامات خفيفة نابعة من احاسيس قلب ارهفه الترحال باحثا عن مأوى امن لمشاعره

ومنتظرا للورقة المناسبة التى تكمل معه باقي حياته

الى هنا وقد عجز قلمه عن الاستئناف
ورد عليه بصوت يغلب عليه البكاء
"مهلا .. فأنا لا احتمل اكثر من ذلك
لان ما احتملته حقا لا يحتمله بشر"

فسكت الكلام .. ثم سكن القلم ..



معلش بقي
لازم اتكلم

كنت عايز اعدى الحكاية دى على طول
بس واقفة فى زورى

اى نعم انا مبحبش انشر الغسيل الوسخ
ودايما بنتقد اللى يعمل كده
مع انى بعرف اعمل كده كويس اوى

بس هتكلم بقي
لان اللى حصل حصل
وكسبنا الصلا ع النبي

النهارده طبعا 6 / 10 / 2009
ذكرى حرب اكتوبر

وكانت احلى هدية نقدمها لشهدائنا وابطالنا وقوادنا اللى اعادو لنا العزة المفقودة
وحطونا على خريطة الاحرار
ورجعولنا السيادة على المنطقة
وعملولنا كلمة فى الشرق الاوسط

اننا نهديهم الهزيمة الجميلة دى
حتى لو على مستوى الرياضة
اظن مفيش احسن من كده مناسبة نهديها ليهم
كفاية منظر الاستاد النهارده وهو مليان على عينه كده
والناس جاية جرى من كل مكان
وكله متنح ادام الشاشات فى كل مكان
مصر كلها بتتفرج
على شوية عيال

وتيت تيت تيت مصر

مش دا كاس العالم اللى مجهزينله من سنين
وموقفين المواصلات على بعد كيلو من كل استاد
ومعطلين الحركة فى البلد كلها

عندنا فى اسماعلية واخدين المربع اللى حوالين الاستاد كله لحسابهم
فاااضي
كله عساكر وقوات امن
زى ميكون فى حرب جوا
ودا ليه
عشان يبان منظرنا كويس ادام العاالم

وعملنا ميزانية اد كده عشان كاس العالم
ويفط واعلانات

والله الصفر بتاع المونديال ده مجاش من فراغ

لما نشجع حبة عيال زى دول

لما راجل يلبس توكة
وعامل ضفيرة وكل شوية يعدل الاوصة
ناقص ينزل الملعب بجيبة

وبنقول عليهم رجالة مصر

ظلمناك يا سادات وخيبنا املك
لما قولت فى يوم ان هذا الوطن اصبح له درع وسيف

ولا هو كان قصده بيهم موبايل وعلبة سجاير ؟؟

ولما الاغنية قالت سلاحى فى اديا نهار وليل صاحى
كانت استعارة مكنية عن موبايلي فى اديا نهار وليل برغى

والنهارده اقتنعت ان منتخبات مصر دى ماشية بالدعا
اصل الدعا النهارده كان قليل

الامهات كانت مشغولة النهارده بتتفرج على الطريق الى الات
ملحقتش تدعى بضمير


يا حبيبتي يا مصر يا مصر .. منتخب العيال احسن هدية لذكرى الحرب .. واللى يمشي ورا العيال ... نقط

بداية..
القصة لا تتعلق بالواقع من قريب او بعيد
دى خاطرة كتبتها من فترة كده

جلس فى ساعة صفاء .. حيث غلب عليه الاسترخاء
وبدت عليه علامات التوهان

فلم يجد سوى قلمه المفضل واوراقه المتناثرة على سطح مكتبه

ولانه لم يعتاد على التنظيم فقد كان كل شيئ فى اتجاه
ولان صفة عدم التنظيم ملازمة له فى حياته فقد كانت مشاعره ايضا تتسم بعدم التنظيم

كان بحاجة لتفريغ طاقته التى تتمثل فى خمس جبال من الذكريات

فما له الا ان يروى لقلمه ما تيسر من الذكريات
ليصبح قلمه هو اداة الربط بينه وبين اوراقه الخمس

الورقة الاولى:
=======

روى بها ما بدأ به حياته العاطفية
حيث كان بسن مبكرة وبدأت مشاعره تتحرك وقلبه ينبض بالحنين لأول تاء مربوطة تدق اجراس قلبه

كان احساسه يمتزج بين الفرح والدهشة والخوف

فلم يكن يشعر بحب تلك الفتاة ولكن
كان انجذاب لمجرد احساس الحب نفسه الذى كان جديدا على مثل هذا القلب الاخضر النصف متفتح

ولانه شخصية لا تقبل الظلم فلم يكن قد صدر منه اى وعد لتلك الفتاة
ولم تصدر منه اى كلمة حب واحدة بل كان كل ما يصدر منه نبضات حنين وارتياح

والتى سرعان ما زالت نظرا لملل تلك الفتاة من هذا الحياة الراكدة
فقد ضعف احساسها تجاهه
حتى اختفي .. ليختفي معه وجودها فى حياته..

الورقة الثانية:
======

كانت تلك الفراشة اليافعة الاحساس التى هبطت على مطار قلبه
دون اى سابق انذار او مجرد ميعاد

تكرر تواجدها فى مهبط قلبه ليجدها شبيهة له فى معظم افعاله
قريبة منه فى معظم احاسيسة

فكانت خير الحضن الدافئالذى انتشله من برد الفراغ العاطفى الذى طالما تعرض له منذ خروج قلبه لهذه الدنيا

حتى اصبحت ابرز اوراق حياته واهمها على الاطلاق

لم يتردد بمصارحتها على ما يدور فى قلبه
فلم يخفي عليها شيئا

استقبلت تلك الدقات المنبعثة من قلبه بشئ من الهدوء
ان لم يكن برود نسبي غريب

ولكنها لم تتأخر فى طمئنته بأن قلبها هو الاخر يتحرك تجاهه
وبأن اختياره لها لم يختلف كثيرا عن اختياره له

فهو ايضا ذلك الانسان الذى وجدت فيه القلب المناسب لتفريغ احاسيسها وتوحيد اقطاره مع مملكتها الخاصة وهو قلبها

وسرعان ما اصبح الشخصين قلبا واحدا ينبض فى جسدين
وروحا واحدة تسري فى شخصين باحساس صادق

لما يستمر ذلك كثيرا
فجائت الرياح بما لا تشتهى السفن
فقد كان ذلك العقل اللعين الذى يبث الافكار فى كل شخص هو الحائل بينهم

فقد اختلفت الاراء ان لم تكن الضد

ولقوة شخصيتها فقد سيطرت افكار عقلها على احاسيس قلبها
وظهرت شخصية اخرى غير التى عرفها من قبل
ان لم تكن شخصية جديدة تماما

بدا ذلك مزعجا له فى بداية الامر
مما ادى لظهور بعض المشاكل الغير معهودة
من حيث المضمون وفترة الخلاف
حيث كانت الفترة مسبقا لا تزيد عن بضعة دقائق
اما الان فقد وصلت لايام وقد تزيد

تفاقمت الخلافات وذادت الجروح التى يمكن ان يحتملها بشر والتى لا يمكن

بدت علامات اللا مبالاه على شخصية الفراشة النشيطة مسبقا
ولم تشفع له حرارة حبه لها ولا لهيب الشوق والحنين التى كانت تظهر عليه بعد كل خلاف بأن ترقق قلبها وتلين باحساسها لتحتوى ذلك القلب الضعيف امام كبرياء قوة شخصيتها

فقد تحولت حرارة الحنين الى بردو فى الاحاسيس
يتبعه صلابة فى القرارات

فقد كانت قناعاتها كفيلة بهد كل ما بناه القلبين من قصور الحب والسعادة

فلم تكترث لهذا القلب الذى اصبح اسيرا لحبها
وباتت تتمادى فى عندها الذى سيطر على كل مجريات امورها

ولأنها شخصية تعشق التغيير
وترفض كل ما قد يؤثر على اهتزاز شخصيتها الغريبة

فقد رجحت كفة التغيير وبات الجرح اسهل الطرقالتى بدت غير مقصودة
ولكن هى اولا واخيرا جروح .. وجروح عميقة التأثير

ونظرا لما ترسخ فى عقيدتها بأن هذا القلب الضعيف التحكم رد فعله ما هو الا فراق وقتى يزول بزيادة الحنين الذى يغلبه فى كل مرة يقرر فيها التخلص من حبها

فقد اصبح الطريق اليها مذدوج ذو اتجاهين
وهو حائر بينهم
بين نيران الحنين وجروح البقاء

الى ان انتهى الصراع بالفوز الحتمى للفراق
ليصبح حب عمره الوحيد شهيدا للجراح..

يتبع..

بيحسدونى عليك




بجد محدش بيسيب حد فى حاله

ومحدش عاجبه حاله

يعنى لما الناس تلاقي حد وسط ناس كتير
يقولو يا بختك

ولما يلاقو واحد لوحده
قاعد فوق شجرة
ههههههه

بردو يقولوله يا بختك


صاحب الغنى محسود على غناه
وصاحب الصيت محسود على شهرته

حتى الفقير اللى لا حيلته دا ولا ده محسود على راحة باله

عجبي ..



بعض مميزات الرجل الميزان


جاى تقرأ ايه
خد الحكم على مجرد قرايتك ليها بس


هل تؤمن بالابراج؟

"حكم قراءة الابراج والتصديق بما فيها من صفات الشخصية والاحداث التي تحصل في المستقبل فهو............... شرك
اكـــــــــبر"
و"حكم قراءة الابراج فقط لمعرفة الشخصية فهو.................... شرك اصـــــــــــــــغر"ا
و"حكم قراءة الابراج فقط من باب الفضول..........لا تقبل لك صلاة اربعين يوم يعني 200 صلاة لا تقبل لك

بفتوى الشيخ عبد العزيز بن باز
ودلوقتي الى الادله من القرآن والسنه
فتوى الشيخ عبدالعزيز ابن باز(( رحمه الله )) عن حكم الابراج
الحمد لله، والصلاة والسلام على أشرف الأنبياء والمرسلين نبينا محمد وعلى آله وصحبه أجمعين.
أما بعد :

إن ما يسمى بعلم الابراج وعلم النجوم والحظ والطالع من أعمال الجاهلية

التي جاء الإسلام بإبطالها وبيان أنها من الشرك لما فيها من التعلق بغير الله تعالى واعتقاد الضر
والنفع في غيره، وتصديق العرافين والكهنة الذين يدعون علم الغيب زورا وبهتانا، ويعبثون
بعقول السذج والأغرار من الناس ليبتزوا أموالهم ويغيروا عقائدهم، قال صلى الله عليه وسلم
فيما رواه عنه عبد الله بن عباس رضي الله عنهما ((من اقتبس شعبة من النجوم فقد اقتبس شعبة
من السحر زاد ما زاد)) رواه أبو داود وإسناده صحيح، وللنسائي عن أبي هريرة رضي الله عنه
((من عقد عقدة ثم نفث فيها فقد سحر ومن سحر فقد أشرك ومن تعلق شيئا وكل إليه)) وهذا يدل
على أن السحر شرك بالله تعالى وأن من تعلق بشيء من أقوال الكهان أو العرافين وكل إليهم
وحرم من عون الله ومدده.


وقد ذكر مسلم في صحيحه عن بعض أزواج النبي صلى الله عليه

وسلم عن النبي صلى الله عليه وسلم أنه قال: ((من أتى عرافا فسأله عن شيء لم تقبل له صلاة
أربعين يوما)) وعن أبي هريرة رضي الله عنه عن النبي صلى الله عليه وسلم قال: (( من أتى كاهنا
فصدقه بما يقول فقد كفر بما أنزل على محمد صلى الله عليه وسلم)) أخرجه أهل السنن الأربع،
وعن عمران بن حصين مرفوعا: (( ليس منا من تطير أو تطير له أو تكهن أو تكهن له أو سحر أو
سحر له ومن أتى كاهنا فصدقه بما يقول فقد كفر بما أنزل على محمد صلى الله عليه وسلم))رواه
البزار بإسناد جيد، قال ابن القيم رحمه الله: (من اشتهر بإحسان الزجر عندهم سموه عائفا
وعرافا، والمقصود من هذا: معرفة أن من يدعي معرفة علم شيء من المغيبات فهو إما داخل في
اسم الكاهن وإما مشارك له في المعنى فيلحق به، وذلك أن إصابة المخبر ببعض الأمور الغائبة في
بعض الأحيان يكون بالكشف ومنه ما هو من الشياطين. ويكون بالفال والزجر والطيرة والضرب
بالحصى والخط في الأرض والتنجيم والكهانة والسحر ونحو هذا من علوم الجاهلية، ونعني
بالجاهلية كل ما ليس من أتباع الرسل عليهم السلام كالفلاسفة والكهان والمنجمين ودهرية العرب
الذين كانوا قبل مبعث النبي صلى الله عليه وسلم، فإن هذه علوم لقوم ليس لهم علم بما جاءت به
الرسل صلى الله عليهم وسلم، وكل هذه الأمور يسمى صاحبها كاهنا وعرافا وما في معناهما فمن
أتاهم أو صدقهم بما يقولون لحقه الوعيد.


وقد ورث هذه العلوم عنهم أقوام، فادعوا بها علم الغيب الذي استأثر الله بعلمه، وادعوا أنهم
أولياء لله وأن ذلك كرامة) انتهى المقصود نقله من كلام ابن القيم رحمه الله.
وقد ظهر من أقواله صلى الله عليه وسلم ومن تقريرات الأئمة من العلماء وفقهاء هذه الأمة، أن
علم النجوم وما يسمى بالطالع وقراءة الكف وقراءة الفنجان ومعرفة الحظ كلها من علوم
الجاهلية، ومن المنكرات التي حرمها الله ورسوله، وأنها من أعمال الجاهلية وعلومهم الباطلة
التي جاء الإسلام بإبطالها والتحذير من فعلها، أو إتيان من يتعاطاها وسؤاله عن شيء منها، أو
تصديقه فيما يخبر به من ذلك لأنه من علم الغيب الذي استأثر الله به، قال تعالى: {قُلْ لا يَعْلَمُ مَنْ
فِي السَّمَاوَاتِ وَالْأَرْضِ الْغَيْبَ إِلا اللَّهُ}[1] ونصيحتي لكل من يتعلق بهذه الأمور أن يتوب إلى الله
ويستغفره، وأن يعتمد على الله وحده ويتوكل عليه في كل الأمور، مع أخذه بالأسباب الشرعية
والحسية المباحة وأن يدع هذه الأمور الجاهلية ويبتعد عنها، ويحذر سؤال أهلها أو تصديقهم


طاعة لله ولرسوله صلى الله عليه وسلم وحفاظا على دينه وعقيدته، والله المسئول أن يرزقنا
والمسلمين الفقه في دينه والعمل بشريعته، وأن لا يزيغ قلوبنا بعد إذ هدانا، وصلى الله وسلم
وبارك على نبيه وخاتم رسله محمد وعلى آله وصحبه وأتباعه إلى يوم الدين


انا سوق السلاح كله يترفع عليا !!

بعت للناس جملة
بكل براءة وحسن نية
:D

^
^
^
شركة ياهو ترحب بكم وتتمنى لكم عام دراسي سعيد
:P

و اذ برد الفعل


وانا من هذا المزنق
احب اقول لكل المدونين

شركة جوجل ترحب بكم وتتمنى لكم عام دراسي سعيد
:P

رسائل أحدث رسائل أقدم الصفحة الرئيسية

Blogger Template by Blogcrowds