معلش بقي
لازم اتكلم

كنت عايز اعدى الحكاية دى على طول
بس واقفة فى زورى

اى نعم انا مبحبش انشر الغسيل الوسخ
ودايما بنتقد اللى يعمل كده
مع انى بعرف اعمل كده كويس اوى

بس هتكلم بقي
لان اللى حصل حصل
وكسبنا الصلا ع النبي

النهارده طبعا 6 / 10 / 2009
ذكرى حرب اكتوبر

وكانت احلى هدية نقدمها لشهدائنا وابطالنا وقوادنا اللى اعادو لنا العزة المفقودة
وحطونا على خريطة الاحرار
ورجعولنا السيادة على المنطقة
وعملولنا كلمة فى الشرق الاوسط

اننا نهديهم الهزيمة الجميلة دى
حتى لو على مستوى الرياضة
اظن مفيش احسن من كده مناسبة نهديها ليهم
كفاية منظر الاستاد النهارده وهو مليان على عينه كده
والناس جاية جرى من كل مكان
وكله متنح ادام الشاشات فى كل مكان
مصر كلها بتتفرج
على شوية عيال

وتيت تيت تيت مصر

مش دا كاس العالم اللى مجهزينله من سنين
وموقفين المواصلات على بعد كيلو من كل استاد
ومعطلين الحركة فى البلد كلها

عندنا فى اسماعلية واخدين المربع اللى حوالين الاستاد كله لحسابهم
فاااضي
كله عساكر وقوات امن
زى ميكون فى حرب جوا
ودا ليه
عشان يبان منظرنا كويس ادام العاالم

وعملنا ميزانية اد كده عشان كاس العالم
ويفط واعلانات

والله الصفر بتاع المونديال ده مجاش من فراغ

لما نشجع حبة عيال زى دول

لما راجل يلبس توكة
وعامل ضفيرة وكل شوية يعدل الاوصة
ناقص ينزل الملعب بجيبة

وبنقول عليهم رجالة مصر

ظلمناك يا سادات وخيبنا املك
لما قولت فى يوم ان هذا الوطن اصبح له درع وسيف

ولا هو كان قصده بيهم موبايل وعلبة سجاير ؟؟

ولما الاغنية قالت سلاحى فى اديا نهار وليل صاحى
كانت استعارة مكنية عن موبايلي فى اديا نهار وليل برغى

والنهارده اقتنعت ان منتخبات مصر دى ماشية بالدعا
اصل الدعا النهارده كان قليل

الامهات كانت مشغولة النهارده بتتفرج على الطريق الى الات
ملحقتش تدعى بضمير


يا حبيبتي يا مصر يا مصر .. منتخب العيال احسن هدية لذكرى الحرب .. واللى يمشي ورا العيال ... نقط

11 Comments:

  1. قسورة الزواوي said...
    سلام عليكم ورحمة الله وبركاته

    بصراحة كلنا خذلنا الامة مش مصر بس

    وحكاية ماتش كورة نهديه للشهداء دي حكاية لا اصل لها

    المقولة الاصح دم الشهيد نور ونار . نوراً لمن بعده ونارا على الاعداء فاللهم ارزقنا الشهادة والحقنا بالشهداء

    لك تحياتي
    وتقبل المرور
    ЯậŇ MỗŘỹ said...
    السلام عليكم و رحمة الله و بركاته
    على رأى اللى قالوا مصر مش أمى دى مراة ابويا
    لما تلاقى الناس بتقول كده عن مصر
    و اللى يقولك مصر دى أمى تسأل التانى عن مصر يقول مبحبش اتكلم عن أم واحد صاحبى
    لما تسمع المهازل دى بتتقال
    يبقى توقع أى حاجه بعد كده
    شعب مش همه غير الكوره و يا ريته حتى طلع فالح فيها
    عاوز ايه اللى ينتج من شعب وقته كله فى الأغانى و الكمبيوتر و النت و الشات و يكلم دى و دى تكلم ده
    عاوزه ايه من شعب بقى حافظ أغانى و تيجى تسأله عن اية قران ميعرفش
    و تسأله عن ممثل أو مغنى يحكيلك سيرة حياته و لوسألته عن الرسول (صلى الله عليه و سلم) أو أحد الصحابه يقولك ياه انت فى العصر الحجرى
    عاوز ايه من شعب لو قلنا عليه شعب يبقى ظلمناه
    الله يرحمك يا مصر يا اللى استشدتِ بايدين ولادك
    !! a7mad sala7 !! said...
    $$$

    هه

    جايبينلى مزيع م النايل تى في

    هو تقريبا كده

    // Great Blog! Great Post!!! !!!//


    thanx alot :)
    !! a7mad sala7 !! said...
    سيـــف الاسـلامـ


    وعليكم السلام


    صح يا سيدي

    وتحية للشهداء


    مرورك مقبول
    !! a7mad sala7 !! said...
    روح بلا فرح


    وعليكم السلام



    يا ساتر يا رب


    مالك داخله جامد ليه كده

    وحد الله يابو دومه :D

    بس عندك حق طبعا فى كل كلمة
    ЯậŇ MỗŘỹ said...
    سلام عليكم
    هع هع هع هع هع هع هع هع هع
    علشان تعرفوا انا مش عيله صغيره و مجنونه انا برده اعرف وقت الجد اتتكلم بس بحب اهزر بدل ما يجيلى انهيار عصبى
    سلام يا مصر يا بلدى
    ادعوالها بالرحمه و اقروا لها الفاتحه
    !! a7mad sala7 !! said...
    وعليكم السلام


    نياهاهاهاهااع


    ماشي يا مش صغيرة


    ربنا يرحم مصر
    الفاتحة
    واحد شبه حباظة said...
    ههههههههههههههههههههه ميسلمش م الكراريس
    !! a7mad sala7 !! said...
    :">



    اه
    ღ tota ღ said...
    منتخبات مصر
    >>>>>>>>

    خلاص عرفتوهم..حاولوا تنسوهم

    :D:D:D:D
    !! a7mad sala7 !! said...
    ههههههههههههههههههههه

    دانا لو شوفت اى لعيب من دول
    هوقفه فى اخر الطابور
    ومش هخليه يركن فى الشارع
    وميطلعش نفس فى السينما
    ويشوفى عشرة جديدة لانج

    وهتشوفو بقي

    :))

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds