الرجل ام المرأة



ملحوظة صغنونة:
البوست عشان وجه مقارنة الرجل والمرأة من ناحية حاجة واحدة بس
الاحاسيس
عشان منفرعش فى المواضيع ونروح لحتت بعيدة عن الموضوع

اخر بوستين تقريبا كان عندى ردين من ايمي صاحبة بلوج عالم تانى
الردين كان محورهم مقارنة بين الراجل والمرأة
ايهم اكتر فى الغيرة
وايهم عنده استعداد اسرع انه يحب مرة واتنين وتلاتة
وان كانت حكمت بالفعل ان الرجل عنده استعداد اسرع :D
بس خلينا للاخر

متفقين ان المقارنتين فى نطاق الاحاسيس

اللى جاى كله من وجهة نظرى

انا شايف ان البنات معتقدة ان الولد عنده استعداد انه يحب مية مرة
وان معندوش مشكلة فى التعدد وان ممكن يملك خمسين قلب فى وقت واحد
وان هما اقل ابقائا على العلاقات وان عندهم قلب جامد قادر على الترحال
وان دا طبع اصلا فيهم وبكده البنات هما العنصر اللى بيقولو عليه الغلبان

يا جماعة مش كده والله
وعمرها ما كانت كده
اللى بيحب واحدة مينفعش يحب معاها واحدة تانية مهما كان
ما جعل الله لرجل من قلبين في جوفه
وصاحب بالين كداب
كداااااااااااب
ومحدش يقنعنى

الانسان اللى متعلق بحب حد يستحيل يحب معاه حد تانى
سواء كان ولد او بنت

الاتنين سواء
مفيش حاجة اسمها الولاد قلبهم جامد
ومعندهمش مشاكل فى التغيير

يمكن فى صفة وحشة فى بعض الولاد انهم بيحبو التسلية
وفى صفة فى البنات انها بتصدق بسهولة وبتنساق

لكن دا مش معناه ان الولد عنده القابليه يحب بسهولة ويغير ويتفسح وكده
الولد عنده احساس زى البنت بالظبط
وجرح الولد زى جرح البنت
وغيرة الولد زى غيرة البنت

اينعم البنت ممكن يكون عندها احساس مرهف شوية وبتتأثر اكتر
وقترة المعافاة بتبقي اطول
لكن فى بداية كل علاقة الولد زى البنت تماما

ولو فى اختلاف بيبقي اختلاف فى طباع او ظروف او تربية او المجتمع اللى طلعو منه او خلافة
لكن ك صفة فى الجنسين مفيش اختلاف

البنت قادرة جدا ع الترحال وقادرة انه تحب مرة واتنين وتلاتة
طالما بتتخلص من كل علاقة خلصت وتنهيها تماما
ممكن جدا تبدا علاقة غيرها وغيرها وغيرها
وبالمثل بالظبط الولد

اما عن نسب الغيرة بقي
مين بيغير اكتر
انا اعتقد انها متساوية بردو
والاختلاف بيبقي حسب الطروف
يعنى الظروف اللى كل اتنين محطوطين فيها هى اللى ممكن تأثر على النسب

لكن اولا واخيرا دا قلب ودا قلب

حاجة صغيرة كده قبل مانسي
فى حاجة انا شايف ان ممكن يكون فيها اختلاف
الدموع

الدموع عند الست ممكن تكون مألوفة اكتر
يمكن لأن الست عندها رقة شوية او احساسها مرهف اكتر
والراجل ممكن يكون عنده قوة نفسية اكتر او اكتر صلابة يعنى
فبتبقي دموع الراجل اقل

واللى اعرفه
ان الست ممكن تبكي من قلبها فى ظروف ظروف كتير
لكن الراجل طالما بكى من قلبه يبقي اكيد الامر لا يستهان بيه

دا على ما اعتقد
يا رب تكون الاجابة وصلت للى سأل :)
واكون وضحت وجهة نظرى بالتفصيل

15 Comments:

  1. ok said...
    me 2
    think so
    Catch Me If You Can said...
    بص يا عم الحاج
    دي بتبقي درجات متفاوته بين البشر
    وكل واحد عنده ملكه استحاله تتساوي بالوحايد التانيين
    ومنهم ملكة الكلام اللي انت لسه قايل عنه من شويه
    يعني ما انت ممكن تلاقي واحد مقطف مبيغيرش وواحد نص مقطف وبيغير علي حاجات وحاجات
    وواحد النخوه والعصبيه شداه فتلاقي الغيره عنده بزياده شويه

    \\
    ان الست ممكن تبكي من قلبها فى ظروف ظروف كتير
    لكن الراجل طالما بكى من قلبه يبقي اكيد الامر لا يستهان بيه
    \\
    بص اللي اعرفه انه الراجل
    اللي هو راجل يعني
    مبيعيطش
    ومدام عيط زيهم يبقي لسه مبقاش راجل
    يكره تكبر وتصفر
    وتعرف ان الراجل مبيعيطش الا لما يحس انه مش راجل
    يا راجل يا ابو امر لا يستهان به
    دمتم بقناعاتكم الا ان تبلغوا الــ30 ونشوف الميه وتمانين بتتغير ازاي
    س ل ا م ي
    دريم كبير said...
    لا اكيد الجزاير هي اللي هتفوز بس انت ادعي معايا

    !!! :)

    ال رجل ومرأه ال
    !! a7mad sala7 !! said...
    ok

    يو تو
    ثينك سو

    ثانك يو :D
    !! a7mad sala7 !! said...
    Catch Me If You Can

    اهدى يا حبيبي
    اهدى
    ايوة ايس كريم فى رمضان
    اهدى

    انت داخل بجنبك ليه
    بص ع الكلام
    افهمه
    اعقله
    حبه
    من قلبك


    انا بقول مقارنة بين راجل وست
    عمال تقولى واحد مقطف وواحد مقطف نص نص
    وواحد جردل تلت اربع
    انا قولت بترجع لشخصية كل واحد

    وبعدين متقولش مفيش راجل بيعيط
    سيدنا محمد صلى الله عليه وسلم كان بيبكى
    الصحابي كانو بيبكو ودقنهم تتبل دموع
    على اختلاف اسباب البكاء طبعا
    بس اللى اقصده ان البكا مش عيب

    الناس كلها بتبكى
    مش فضيحة دى يعنى
    مش محتاجه واحد 30 سنة وواحد 60 سنة يحكم فيها دى

    الدنيا مش هتتهد لما تنزل دمعتين
    دى حتى بترقق القلوب وبتريح

    على راى ستك اصالة
    يجرى ايه لو دمعة نزلت من عنيك فى يوم عليا
    يجرى ايه لو طمنك خوفى عليك وخفت يا قاسي عليا

    يا قاسي يا وحش ;;)
    !! a7mad sala7 !! said...
    دريم كبير

    بس ياض
    Catch Me If You Can said...
    \\
    وبعدين متقولش مفيش راجل بيعيط
    سيدنا محمد صلى الله عليه وسلم كان بيبكى
    الصحابي كانو بيبكو ودقنهم تتبل دموع
    على اختلاف اسباب البكاء طبعا
    \\
    بما ان الاسباب كانت مختلفه
    هاتلي سببين بس من الاسماء اللي كانت بتخلي العظماء دول يبكوا
    قول قول
    انا هخليك تغلط نفسك

    \\
    بس اللى اقصده ان البكا مش عيب
    \\
    لاء ... لما تبكي عــ الحاجات اللي ميتبكيش عليها يبقي منتهي العيب
    واعتقد ان كلامك في الموضوع كله عن حاجات ميتبكيش عليها
    ولا ميتحكيش عليها وعمرو دياب وحركات

    بص يا ابني كل واحد عنده قناعات
    متندفعش وتقول كلام.......
    رب كلمة تلقى بصاحبها فى النار أبعد من سبعين خريفا
    وممكن تبقي كلمه هايفه لا تلقي لها بال
    انت فاهمني؟
    ولا طلعلك ديل مني؟
    Catch Me If You Can said...
    للاسف كل بكائنا بقي عــ الدنيا
    عيــــــــــــــــب
    يا راجل وعيب يا دنيا عــ اللي بتعمليه في الرجاله
    !! a7mad sala7 !! said...
    محمد صلاح

    يا حبيبي لاى سبب كان

    حتى لو من غير سبب

    هاتلى انت سبب مقنع لمعيوبية البكاء
    عيب ليه مش فاهم

    //واعتقد ان كلامك في الموضوع كله عن حاجات ميتبكيش عليها//

    وبعدين الجزء اللى اتكلمت فيه عن البكاء اد ايه اصلا عشان تقول دى حاجات ميتبكيش عليها
    انا مضربتش امثلة

    بس عااامة دموع الرجل مش عيب
    طالما مش هتهين نفسك ادام حد ولا هتقلل من شانك

    انا رأيي ان دموع الرجل امام نفسه بتديله قوة نفسية جامدة جدا
    غير انها بتريح وتهدى

    دا رأيي
    واعتقد ان الموضوع مش مصيري اوى كده عشان نهتم بيه كده
    e_emy said...
    البوست جميل جدااا

    ومتفقه معاك ف حاجات كتير

    الا دى
    ""البنت قادرة جدا ع الترحال وقادرة انه تحب مرة واتنين وتلاتة ""

    معتقدش خالص بس معرفش ليه D:

    بس الطبيعى انه لو حد غلط مرة وحب غلط مش هيكررها تانى بالنسبة للبنات يعنى ...... الرجل بقى بيكررها او زى ما قولت قادر ع الترحال ...
    يمكن علشان عقله بيتحكم فيه اكتر من قلبه ف قادر انه ينسى الى فات ويتفادى اخطاء الماضى لكن المرأه مبتنساش حد جرحها بس دا لو حبت فعلا

    دى وجه نظرى (:
    !! a7mad sala7 !! said...
    لا ممكن جدا على فكرة
    زى ما قولت فى البوست

    //طالما بتتخلص من كل علاقة خلصت وتنهيها تماما
    ممكن جدا تبدا علاقة غيرها وغيرها وغيرها//

    الدنيا مبتقفش على علاقة
    ومش الولد بس اللى يقدر
    البنت كمان تقدر

    بس تنسي
    ومفيش حد مبينساش
    Catch Me If You Can said...
    هع هع هع
    عارف في افلام الكارتون
    لما يكون واحد منهم محبط
    تلاقي الناس بتخلي ودانه مدلدله كده ووشه في الارض ولسانه واصل شعر صدره
    انا شايفك بالظبط كده
    عيبك انك بتحافظ علي حاجات كده قدام الناس
    وده مش صح يا حبيبي
    جادل جادل جادل
    كل واحده جادل تقابلها واحده هع
    اخدت بالك انت؟
    MOROOOO said...
    انا معاك فى كل كلمة قلتها

    البوست حلو اووووووى ^_^
    !! a7mad sala7 !! said...
    Catch Me If You Can

    هع هع وكارتون ؟؟

    مش هرد عليك على فكرة

    عشان انت خرجت برا الموضوع بس

    //عيبك انك بتحافظ علي حاجات كده قدام الناس//

    مش صح
    !! a7mad sala7 !! said...
    MOROOOO

    ميرسي
    نورتى البوست :)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds