لاء .. دى ظاهرة بقي

ظاهرة سيئة جدا
معرفتهاش الا لما تعمقت فى المدونات شوية

كنت زمان لما الاقي بنت تكتب شتيمة فى مدونة
او تتلفظ بلفظ مش محترم
او على اقل تقدير لا يصح التلفظ به على الاقل من بنت
كنت بقول عادى دى حالة شاذة
شاذة بمعنى غبر مألوفة يعنى حالة خاصة لا تستحق التعميم يعنى متستحقش لقب ظاهرة

لكن لما دوست شوية فى المدونات
وشوفت حالات كتير زى كده

لما الاقي بنت شغالة ناقد سياسي ومحلل رياضي ومصلح اجتماعى ومدير فنى و و و ... بس بطريقة مش معقولة
بجاحة وسفالة وقلة ادب بكل ما تحمله الكلمة من معنى
وايه بقي
ما شاء الله على اللباقة
بيتفننو فى اظهار الالفاظ اللى مش كويسة
بجد بشوف الفاظ انا ولد اتكسف اكتبها

ممكن جدا يكونو بنات محترمات
ومحترمات جدا كمان (ادام الناس)
بس فى عالم النت والتدوين حاجة تانية خالص
الخجل والحياء بيختفو
كل شخص قاعد ادام شاشة بيتحول لشخص تانى خالص
زى ميكون متقيدين باساور وبمجرد قعادهم ادام شاشة وفى اديهم كيبورد بتظهر المواهب

ولما تيجي تنتقد يتهموك بالسلبية وانك صاحب العقل الحجرى قديم الازل

هى الاخلاق ليها زمن يا ناس؟؟
هو الحياء ليه اوقات؟؟

زمان كنت اسمع ان فى بنات بتتكسف تخش منتديات
وبتتكسف من المواجهة والمشاركة
وكان فى اللى بتخاف تقعد ع النت كمان
كنت بقول دا مش صح طبعا
دى حاجة عادية جدا ان البنت تكتب وتعبر وتشارك
بس ......... فى حدود

زمان كانو بيقولو ان الولاد وشهم مكشوف وعندهم جرأة زيادة
لكن اقسم بربي ان فى بنات عندها جرأة اكتر بمراحل من الولاد
وبيقولو ويكتبو اللى الولاد مبتقولهوش
وكمان عينهم اد كده
ترد وتدافع عن موقفها وتكابر وتعاند

واحدة هتيجي تقولى مفيش حاجة اسمها ولد وبنت
كلنا زى بعض
والحقوق والواجبات
وتفتحلى موشح

طب هو ليه لما نيجي نطلب منكو عمل معين فى الكلية تقولو لا مينفعش
انتو الرجالة
انتو اللى المفروض تعملوها
احنا بنات مينفعش نروح ونعمل ونسوي
انتو القوامون ولا هو قوامون بالكلام
واللماضة تشتغل بقي

اللى اعرفه واللى الناس كلها تعرفه
ان الرجل غير الذكر
الرجل دا مش جنس
لكن الذكر هو اللى جنس

ربنا بيقول يهب لمن يشاء اناثا ويهب لمن يشاء الذكور
مش الرجال


يعنى حضرتك ممكن جدا تبقي راجل
وممكن تبقي قوامة على ذكر
بس طالما حطيتي نفسك فى موقع الرجل يبقي تتحمليها بكل معنى الكلمة
اعتقد ان مستحيل باى شكل من الاشكال ان بنت تقوم بدور رجل
مهما عظمت قوتها وقدرتها

يبقي المقصود بيها ان كل رجل ذكر
لكن مش كل ذكر رجل
للاسف فى ذكور مش رجالة
بيحملو لقب ذكر طبيا فقط ;))
مش موضوعنا دلوقتى

نرجع لموضوعنا
انا بسال بقي ايه اللى جرا
البنات جرالها ايه
الانثوات جرالهن ايه :D

الفاظ ومصطلحات وطريقة تعبير ومواضيع حساسة جدا
وبكل بجاحة وبرود ومن غير اى خجل ولا حياء
حتى ردود الافعال طبيعية جدا
الناس بترد وتناقش وتأيد وكأنه عادى

ولا صحيح
مهو بقي عادى

عادى عادى ......

23 Comments:

  1. halaS demahoM said...
    \\
    هى الاخلاق ليها زمن يا ناس؟؟
    هو الحياء ليه اوقات؟؟
    \\
    هو في فرق بين الادب والحياء؟؟


    \\
    البنات جرالها ايه؟؟
    \\
    سقطوا بعيد عنك
    وأصبحن .....
    !! a7mad sala7 !! said...
    //هو في فرق بين الادب والحياء؟؟//

    اكيد فى فرق
    والا مكانوش بقو مصطلحين غير بعض

    //
    \\
    البنات جرالها ايه؟؟
    \\
    سقطوا بعيد عنك
    وأصبحن .....
    //

    على فكرة انا مبعممش
    بتكلم عن نسبة معينة يعنى
    The illusionist said...
    ازيك يا ابو صلاح
    ليك وحشه يا ريس
    والله كلامك فعلا انا لاحظته وفى كذا مدونه
    وكلام فعلا ميصحش انو يتقال
    ويطلعوا يقولولك
    دى مدونتنا
    وكل واحد حر
    متعلقش عندى
    ياخى بناقص المدونه دى
    دى عالم فعلا حذفت الادب من عندها والحياء
    فقط عشان مش وجها لوجه
    دى نقطه عجبتنى فعلا اول مره حد يتكلم عنها
    morgana said...
    /ومحترمات جدا كمان (ادام الناس)
    /
    طب ماهو موضوع ادام الناس ده ما بردو اللي علي النت دول ناس
    وممكن جدا يبقي اكترهم من اللي يعرفوها في الحقيقة
    وبعيدا عن الناس المحترم محترم لنفسه قبل ما يكون للناس

    وأي لفظ بيتقال لو هي خايفه علي ابنها او اخوها انه يسمعه
    دلوقتي من اكبر واحد لاصغر واحد بيدخل ع النت وبيشوف وبيقرا وبيتعلم

    والناس اللي بيتكلمو علي ان دي مدونتهم وهما حرين يكتبو اللي هما عاوزينه سواء بنت او ولد اللي بيتكلمو
    طب ماهو حريتهم بتقف عند حرية الاخرين

    تحياتي ع البوست:)
    !! a7mad sala7 !! said...
    THE illusionist

    ازيك يا زناتو
    انا تمام الحمد لله

    وخلى اللى حر حر يا عم

    المهم الناس اللى بتشجعهم وتأيدهم
    هما اللى مديينهم سعر

    نورت يا باشا
    !! a7mad sala7 !! said...
    morgana

    ايوة
    دول ناس ودول ناس

    بس النت مفهوش مواجهة
    نسبة الاحراج بتبقي قليلة

    غير ان معظم الناس مبتعرفش بعضها فيس تو فيس

    وهى فى الاول وفى الاخر سلوكياات
    بعد التربية بتاعة الاهل طبعا

    نورتى البوست :)
    انت تسال والكمبيوتر يجيب said...
    يهمنا رايك ومشاركتك ولذك نوجه لك هذه الدعوهوفد سررنا بالمرور هنا
    نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
    نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
    ونذيع هذه الموضوعات مع التعليقات ومقتطفات من مدونات اصحابها اذا رغبوا
    وبذلك نجمع لأول مره بين الأعلام التقليدى والنت
    مدونتنا
    http://netonradio.blogspot.com
    Cute Kitty **sookra said...
    بص ياابو صلاح
    احيانا بيكون الكلام القبيح دا مجرد شعور وقتى انها تقوله وبعدين ترجع تقول ياريتنى ماقولت كدا
    انا عن نفسى لما ببقى واصله للاخر بقول كلام قبيح لكن موش صريح بيبقى مجرد تلميحات على الكلام دا
    عموما طرح رائع للموضوع تحياتى
    ShiMOo said...
    تصدق بالله انا لسه كنت بقرا بوست من شويه
    ومقدرتش اكمله من كمية الالفاظ القذره اللي فيه
    وفي نفس الوقت لقيت بوست تاني في مدونه تانيه
    وهو نفس المعنى بس اكثر احتراما
    وطبعا فرق شاسع بين اسلوب الاتنين


    بجد بقت حاجه تقرف
    دي المفروض تتكسف تكتبه حتى لو محدش هيقراه !!!!
    حرااااااام والله
    !! a7mad sala7 !! said...
    Saso

    الشعور الوقتى ميوصلش لكده
    النرفزة بتحصل للناس كلها
    لكن مش كل اللى بيتنرفز بيقول الفاظ بزيئة

    غير ان ليس القوي بالصرعة
    القوى اللى بيمتلك نفسه عند الغضب
    وميخليش مساوئ شخصيته تظهر فى ساعة نرفزة


    منى كل التحية
    !! a7mad sala7 !! said...
    ShiMOo

    بالظبط دا مربط الفرس

    ممكن جدا اتنين يكتبو بوست واحد
    والاتنين يوصلو المعنى ولكن باسلوبين مختلفين
    واحد بكل احترام ويشدك انك تقراه للاخر
    وواحد باسلوب وحش والفاظ مش كويسة
    يخليك متقدرش تكمل البوست

    واللى هيكمل يبقي هو بيحب كده بقي
    والطيور على اشكالها تقع

    نايس كومنت :)
    wegdan said...
    بصراحه انا اشوف ان الحياءهو زينة الفتاه التي يجب أن تتزين به ؛
    فمن فقدت حياءها فقدت كل شيء

    والشئ الذي نراه اليوم من سوء أدب وقلة حياء ينم عن ضعف في الإيمان

    وقديما قال الشاعر :
    إذا لم تخشى عاقبة الليـالي ***
    ولم تستحي فاصنع ما تشـاء
    فلا والله مافي العيش خـير ***
    ولا الدنيا إذا ذهب الحيــاء
    يعيش المرء ما استحيا بخير ***
    ويبقى العود ما بقي اللحــاء
    !! a7mad sala7 !! said...
    الله ينور عليكي

    كلمتين فى الجون والله

    تحياتى ليكي وللشاعر :D

    نورتى يا جوجو :)
    سارة درويش said...
    والله اتكلمت عن موضوع فاقع مرارتي يا احمد
    الغريبة بقى انهم معتبرين ان اي بنت ما بتعملش كده يبقى يا اما بتمثل الرقة والأدب يا اما عايشة في العصر الحجري
    ربنا يهديهم بجد
    !! a7mad sala7 !! said...
    سارة عندى فى البلوج
    اشرقت الانوار والله


    بجد لازم اقول انى بتعجبني طريقتك جداااااا
    اسلوبك فى الكتابة بيشدنى اوى


    وبالنسبة للموضوع

    اعتقد ان لو كانو لقو الرقابة الصح
    او اللى يقولهم كده غلط
    مكانش دا بقي رأيهم

    هى بترجع للتربية بشكل كبير
    غير معرف said...
    والله عندك حق انا شفت بلاوي واستغربت ان ممكن البنت تعمل كده بس انا متاكده انها اقليه ومين عارف مش يمكن في اخر يطلع ولد اصلا مش جايز برضه عامه الاحترام والادب والاخلاق الكويسه لازم تكون موجوده سواء ولد او بنت مش فارقه دا انا طولت اوي
    عموما عجبني اوي
    !! a7mad sala7 !! said...
    لا بيبقو بنات فعلا
    وشخصيتهم حقيقة وناس كتير عارفينهم
    والادهى ان ليهم شعبية جامدة جدا بين المدونين

    نورتى يا هيومة

    وليه غير معرف؟؟
    Bola 7elmi said...
    :|
    Hya fen , hya fen?
    Hya fen el postat eli feha klam bze2 di, :s mshoft.hash ana :|
    El 3tb 3l nzr ybni, wla ymkn ana eli msh dwesa gmda zyk w dysa f kter mdwnat :D 3shan kda mshoftsh.!!

    3ommn y bo sla7 e7na f zmn el 3ady y3ni lw shoft 7aga aw 2ret 7aga blash tzbhl. W 5lek 3la kna3tak eno 3eb.., 3eb f kamosk ah,,, bs d cool w nice f kamos 8erk,, w 2ol 3aty :D

    Fl nehaya eli by7trm, by7trm nfso 2bl m y7trm ay 7d tani, eli 8er kda yb2a teeet .............. .
    Bola 7elmi said...
    21 Oct.
    Kol sna wnta tyb :) gt mt25ara shahr b7alo, bs 3adi brdo, y3ni mfehash 7aga :p
    3o2bal m tetm el 92 sna, w tkon el donya lsa b5er :D
    !! a7mad sala7 !! said...
    bola 7elmy

    يادى النور يادى النور

    لو انتى مشوفتيش
    يبقي يمكن لان عينك مش بتحب تشوف الوحش
    او يمكن لانك ملفيتيش كتير الله اعلم
    بس بجد فى وممكن اجيبلك امثلة
    بلاش

    هو فعلا اللى بيحترم بيحترم نفسه
    وكل واحد حر فى نفسه
    بس مش حر فى الناس اللى بيخليها توحشة زيه
    بطريقة او باخرى

    عموما عااااااتى :D
    زى مانتى بتقولى اهو

    وقاموس ابوصلاح لا يتغير
    ومبادئه لا تتجزأ
    :D
    حلو البؤ ده....
    !! a7mad sala7 !! said...
    بولا تانى


    وانتى طيبة

    مش متاخرة شهر ولا حاجة
    اقل شوية

    يالا مش مشكلة المهم انك اهتميتي وجت منك

    كل سنة وانتى بخير يا رب
    وعلى معرفة طيبة باللى حواليكي
    :)
    أنشودة said...
    مع اول تعليق ليا هنا
    اولا يا فندم مش لازم نعمم زى ما فى ده فيه ده
    انا متفقه مع حضرتك جداا فى ان مبقاش حياء عند كتير من البنات وده راجع للتربيه الغلط من الاساس ومبقاش التربيه مبنيه على غرس لقيم ومبادىء مينفعش تتغير مع الزمن الحياء اصلا فطره المفروض انها تكون موجوده فى البنت والولد والبنت الى بتتخلى عن حياءها بتتخلى عن جزء من فطرتها
    قال الرسول صلى الله عليه وسلم
    لكل دين خلق وخلق الاسلام الحياء".
    لما الاهالى تغرس فى ولادها تعاليم الدين الصحيحه مكنتش هتشوف كده
    حضرتك قولت هما حاجه كويسه
    \\دى حاجة عادية جدا ان البنت تكتب وتعبر وتشارك
    بس ......... فى حدود\\

    اسفه على الاطاله
    !! a7mad sala7 !! said...
    اولا منورانى فى اول تعليق ومنورة البلوج
    ويا رب ميكونش الاخير


    بالظبط كده
    زى ما قوتى الحياء من الفترة
    والحياء تاج الانثي
    والحياء شعبة من شعب الايمان

    متفق معاكى قلبا وقالبا :)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds