سلااااااام عليكو
اهلا باحلى مدونين ومدونات
شوية حاجة كده مكركبة دماغى
قلت افضيها هنا قبل مانام
النهارده الجمعة 27-2

واليكم اهم الانباء:
>>فوز الاسماعيلي على الاهلى(نادى الأرن الافريقي >:) ) فى عقر داره 1-0 مع الرأفة.
>>لا يزال الاستياء الشديد يجتاح حاسبات الزقازيق وبالاخص الفرقة التانية واخبار عن تنظيم للقيام بانقلاب مفاجئ على الكلية.
>>عودة البني ادم اللى اسمه احمد صلاح (حد يعرفه؟؟/:) ) بعد غياب دام لاكثر من 4 ايام.
>>بنحضر لبداية الدراسة الجدية عندنا فى الكلية كلام فى سركو (لم نفعل شيئا حتى الان) هششششششش انا مقولتش حاجة.
- بعد المقتطفات من الندوة اللى كانت عندنا فى حاسبات بحضور السيد نائب رئيس جامعة قناة السويس الدكتور/ ابراهيم عاشور.
>>ونشرة جوية سريعة يقرأها علينا احمد صلاح بردو (لان محدش بيكتب فى البلوج ده غيري اصلا :-p )

كانت هذه هى العناوين فاصل ونعود بالتفاصيل:
.
.
.

عدنـــــــا
فى امسية كروية ممتعة
فى اطار احدى مباريات الدورى العام المصرى لكرة القدم
قام فريق الكرة بالنادى الاسماعيلي بتلقين درسا شديد اللهجة لابناء القلعة الحمراء
وهزموهم شر هزيمة بهدف واحد للا شيئ >> مع الرأفة
بعد ان افلت ابناء مانويل جوزيه من هزيمة ثقيلة
شهدت المباراة تألقا ملحوظا لابناء الدراويش
وحبس انفاس جميع جماهير الاهلى
مما اثمر عن اختفاء اكثر من 20 اهلاوى من على بريدي الالكترونى الخاص
يختبؤن تحت البطاطين من برد الشتاء القارس والهزيمة المخيبة للامال :-p
---------------------------

على صعيد اخر
فى محافظة مجاورة تدعى الشرقية
وبالاخص من حاسبات الزقازيق
لا يزال الغضب يعم على ابناء الكلية بعد ظهور نتيجة الترم الاول
والتى جائت عكس كل الامال على الرغم من انها كانت متوقعة
ولا تزال الكومنتات الرهيبة تتوالى على ماسينجرات الزملاء
كلها مضمونها >>حسبي الله ونعم الوكيل فيك يا ... تييييييت حزفت للرقابة :-$
بجد ربنا معاكو يا جماعة
وربنا يصبركو على ما بلاكو
ويا رب تعدو منها على خير
--------------------------

على جانب اخر
تم العثور على شخص يدعى احمد صلاح
الكائن بمحافظة الاسماعيلية
بعد موجة برد خفيفة يتبعها ما يشبه اكتئاب عابر يظهر فى مثل هذا الوقت من العام دامت اكثر من 4 ايام

المضمون من الخبر ده:
مقولكوش بقي على الترحيب اللى لقيته
ولا الناس اللى سالت عليا وانا غايب
ولا ايه ولا ايه
هاءاااااو
دول طلعو بيحبونى كره العما
ولا كمية المعزة اللى فى قلوب الناس
يااااااااا خبــــــر
بجد الدنيا بخيــــــــــــر
والناس بتسال على بعضهاااااا
وكله واحد خايف ع التااااااااانى
وكله بيغنى >>الحياة حلوة للى ينفضلهاا
ال وانا اللى ........ يا لهوى عليا

سيبوكو من الحتة دى يمكن دى خترفة من توابع البرد
-----------------------------


اما عن اخبار الكلية تبعنا
امبارح الصبح لقيت واحد صاحبي بيتصل بيا
يدعى أ.م
بيقولى اخدتو ايه الفترة اللى فاتت
على اساس انى دحيح بقي وراشق فى الجامعة كل يوم
وانا طبعا مرحتش الكلية لسه مرتين على بعض
وبالطبع قالى جبتك يابوصلاح تعيني لقيتك يابوصلاح اخر روقاااان :D

بعدها بربع ساعة تقريبا جالى اتصال اخر _مش هنعرف ننام بقي _ من صديق اخر
يدعى أ.س
بيقولى انتو فين انا هنا فى الكلية مفيش ولا حد من الرجالة
فى نفس تلك اللحظة ايقنت تماما ان انا ماشي صح :))
ويكأنى كنت حاسس انهم مبياخدوش حاجة والله هههههههههه
قالى هو محدش بييجي الا انا ولا ايه
طبعا رحت انا مديله النصيحة اياها بتاعتى
>>يابنى متديش الكلية اكتر من حجمها ;))
احمد غانم بيتجنن من الجملة دى
بس هو دا الواقع يا ناااس صدقونى ولو مرة
قالى طبعا يا ريتنى ما جيت
ويا ريت عمرها ما تعمر بيت
خلاصة الكلام احنا لسه بنقول يا هادى على الرغم من ان زمايلنا فى محافظات كتير شغالين من نار دلوقتى
محدش يحسد هااا @-)
ال يحسد ال
---------------------------

من حوالى اسبوعين تقريبا كان فى ندوة عندنا فى الكلية
بحضور نائب رئيس الجامعة
لمناقشة اهم المشاكل التى تواجه الكلية فى الفترة الحالية
وكيفية وضع حلول للنهوض بالكلية
حلوين البؤين اللى بالفصحى دول ههههههههه

مقتطفات من الندوة:
قام الدكتور ابراهيم عاشور باتاحة المجال للدكاترة الافاضل الحاضرين فى الندوة
واذا بالدكتور م.ع
حبيبي والله الراجل ده ;)
بيعرض احد المشاكل اللى هى ايه
بيقوله يا دكتور فى سبورة متجرحة فى مدرج 14
ههههههههههههههههههههههههههههههههههههههههههههههههههههههههههههههههههههه
دا كان شعورى اول ما سمعت الكلمتين دول
بقي هى دى المشاكل اللى بتواجهنا
واللى بحلها ان شاء الله هننهض بالكلية
وعلى الفور رد الدكتور ا.ع
قاله يا دكتور عايزين مشاكل مهمة سبورة ايه اللى هنتكلم فيها ;))

جانب اخر من الندوة
كان فى بعض طلبة من الفرقتين الاولى والتانية حاضرين الندوة
طبعا الكلام مش عاجب
احنا عايزين كلمتين حلوين وكل واحد يروح لحاله
والناس دى بتتكلم فى مشاكل احنا مالنا احنا
عايزين نروح يا عم احنا ايه اللى هبلنا وخلانا نخش الندوة دى
يظهر قالولهم انهم بيوزعو حاجة ساقعة جوا =))
المهم 2 طلبة قاعدين بيهزرو مع بعض واحد منهم راح ضاحك بصوت عالى
لسوء حظه الشديد مين شافه؟؟؟
نائب رئيس الجامعة ههههههههههههههههههه
قاله الطالب اللى بيضحك ورا ده تعالى
راح طالعله طبعا
قاله كارنيهك ويتعمله مجلس تأديب
اوباااااااا
طبعا صلحبنا قلبه وقع فى رجليه
المهم واقف ادام الدكاترة الافاضل وبيدور على الكارنيه مش لاقيه
>>نسيته يا دكتور
طب هات بطاقتك
بيدور على البطاقة مش لاقيها
>>نسيتها يا دكتور
طب يابنى اى حاجة اثبات شخصية
صاحبنا بيدور على حاجة مش لاقى
المهم انه بيسافر اصلا وازاى ماشي من غير بطاقة
وازاى دخلوه من على باب الجامعة من غير كارنيه
المهم الاخ طلع للدكتور ايه اثباتا لشخصيته
بيطلعله اشتراك القطر
ههههههههههههههههههههههههههههههههههههههههههههههههههههههههههههههههههه
مستحيل اوصفلكو المنظر ساعتها كان عامل ازاى
لما تطلع لنائب رئيس الجامعة اشتراك قطر عشان يعملك بيه مجلس تأديب
يبقى انت اكيد اكيد فى حاسبات

بلاش اكمل فى الموضوع ده
عشان انا خلاااااااص.....
بجد شر البرية ما يضحك
--------------------------------

اخيرا وعن النشرة الجوية
شهدت مدينة الاسماعلية اليوم
مدينة السحر والجمال
عروس القنال
رغم انف الحاقدين :-p
جوا معتدلا كالعااااااااادة B-)
على الرغم من انباء حول سقوط امطار غزيرة فى كل من المنصورة والزقازيق والمنوفية
مع وجود الرعد والبرق و و و
وافلام الرعب اللى بنسمع عنها دى
ونصيحة لكل قارئ للنشرة دى
اقعد فى بيتكو اليومين دول
ببساطة لان:
صحتك بالدنيا :D
----------------------------------------

كان معكو واحد مطرقع فى نشرة اخبار (5 فضفضة)
من استوديوهاتنا فى اسماعلية
هنا فى البيت بتاعنا :-p
اقعدو بالعافية :D

دومتم فى حفظ الله :)

12 Comments:

  1. POP said...
    ههههههههههههه
    بغض النظر عن الاهلى والاسماعيلى بص هى كده الدنيا يا ابو حميد 50 يوم ليك ويوم عليك عادى بقى

    وبالنسبة بقى لحاسبات الزقازيق فعلا الطلبة لو انفجرت هاتعمل كتير اوى
    وناس كتير اوى متربصة
    وانتو فى حاسبات اسماعيلية
    ولا فى دماغكوا اى حاجه والداكترة زى الفل
    ااااااااااااااااااااااه
    انا مابحسدش يا مان
    ههههههههههههههه


    صاحبك بقى بتاع اشتراك القطر ده اللى بجد دماغه فى السحاب
    وكويس انه ماطلعش كارت شحن بدل اشتراك القطر

    ومشكلة السبورة دى يا مان مشكلة عوييييييييييصة اوى ياريت تعملوا مظاهرة عشان السبورة تتصلح وياريت توافينا باخر الاخبار

    بس بجد جامد يا مان
    ويا عم ابقى فضفض كل يوم بقى

    سلاااااااااااام
    ShiMOo said...
    فعلا شر البرية ما يضحك..
    سبورة ايه اللي بيتكلم فيها ده كمان
    فعلا احنا في وادي وهما في وادي تاااااني..
    والله بجد بتوع اسماعيليه دول مفيش زيهم
    بجد دماغ عاااااااااااااااليه
    "انا بحسد بقى" وعموما لا في انقلاب ولا حاجه من دي خااااااالص هنعمل انقلاب على مين يا حسرة !!! احنا وبلا فخر كلام ع الفاضي اخرنا "حسبي الله هو نعم الوكيل" وعلى فكره انا روحت الكليه بالظبط 3 ايام لحد دلوقتي علشان صحتي بالدنيا طبعا :D
    Boba said...
    انا مبسوطة انك عرفت تفضفض
    بس برده زعلانة ان ده اللي جواك
    عادي بقى
    المهم انك تعرف تغير اللي جواك
    :(:)
    Dreams said...
    لو كل نشرات الاخبار بالمنظر ده يبقى انا لازقه فى التليفزيون 24 ساعه

    مش كنت تقولى يابشمهندس انك عندك الامكانيات الفظيعة دى كنت شوفتلك وسطه

    بجد بجد نشرة زى العسل وبالذات الاخ بتاع اشتراك القطر

    طول ما فيه الطلبة دى ....يبقى انت اكيد اكيد ...اكيد فى جامعات مصر

    وصحتك بالدنيا
    دريم كبير said...
    احمد صلاح مسائكم مجددا ونشرة اخبار بلوج ابو صلاح يقدمها لكم من 3 حوده على ايدك الشمال فوق السرير اللي عليه البطانيه ده نحن نرى الاخبار من وجهة نظر احمد صلاح ونزحلقها اليكم
    واليكم عناوين الاخبار

    لاول مره على التوازي ولو مش عاجبك توازي ممكن تاخدهم توالي وتقسمهم على 4 وتصربهم في جذر 34 اشمعنى الرقم ده مش عارف بس هو كده لاول مره على التوالي قصدي توازي مع الحسبه اللي فوق دي اشوف موضوع جامد على مستوى بلوج احمد صلاح بالشكل ده :P كل ده علشان اقول الكلمتين دول

    كان معكم من بيته الواقع امام بيت اللي قصاده فوتكوا بعافيه ....
    النسر الاصلع said...
    اول كومنت عندك يا ابو حميد
    الحمد لله شوفت اخرة دعايا عليك , اسماعيلي مين والناس نايمين
    يابني دنتا عييت من الفرحة , جاية على شوقة كده , عندكم ببطولة الدوري
    يلا ادعي للاهلي الي مفرحكم

    بالنسبة لنقطة انه محدش سألأ عليك , يا حج انا الي دعيت عليك هسأل ازاي ها ؟؟

    سيبك من حاسبات القزاقيز لاني خلصت كل الكلام باختصار تيييييييييييييت

    الداكترة عندك جماجمهم متكلفة وفي العلالي
    بس عادي يعني اشتراك القطر اهو كله حكومة في حكومة دنا اشتراكي اخزق بيه عين اي كومسري بس من غير ما يزعقلي

    تقبل مروري يالغالي
    تحياتي
    a7mad sala7 said...
    POP

    انت ما بتحسدش
    انت بتقر بس :d

    وحلوة دماغه فوق السحاب دى

    منور يا كبير ;;)
    a7mad sala7 said...
    ShiMOo

    يضحك بس

    دا يكسف

    هههههههههههههههه

    اما بالنسبة للحسد
    ف احنا اتعودنا خلاص
    وبقى عندنا مناعة ضد الحسد
    :-P

    منورة يا شيمو
    a7mad sala7 said...
    Boba

    كله على الله

    شكرا يا هبه على شعورك النبيل ;;)
    يو ار ويلكمد
    a7mad sala7 said...
    Dreams

    :D

    بجد
    يعنى هتشغليني مزيع
    هيييييييه

    بس اوعو تشغلونى محقق
    واروح اتبهدل فى كل حتة بقي
    :D

    نورتى البلوج يا دريمز :)
    a7mad sala7 said...
    دريم كبير

    هههههههههههههههههههههههههههههههههههه

    يخرب بيت فقرك يا شيخ
    لا انا هخليك تعد معايا النشرات
    دانت فله خالص :D

    أشطة يا صاحبي
    a7mad sala7 said...
    النسر الاصلع

    مان ان بلاك
    محمد عزت
    هع هع


    انت لسه بتتكلم عن الاهلى يابنى
    استخبالك يومين بقي
    على ما الاهلى يفوق :-p

    وملكش دعوة بالدكاترة بتاعتنا :-p

    منور يا باشا

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds