سيداتى..انساتى..سادتى
اسعد الله اوقاتكم بكل خير
بعد ان تم عرض الموضوع الاخير فى البلوج على الرقابة التدوينية
وبعد عدة مشاحنات من الطرفين
وبعد مفاوضات عدة بائت جميعها بالفشل
تم الوصول لهذا الشكل
.
.
اولا:
تم تعديل عنوان الموضوع بدلا من 5 فضفضة
الى 5 تهييس لكى يناسب الاخبار
ثانيا:
تم تغير جميع الاخبار واستبدالها بما يصح ان يدون
وهو التالى
//
سلااااااام عليكو
اهلا باحلى مدونين ومدونات
شوية حاجات كده "عاجبانى اوى لانها من الايجابيات فى مجتمعنا الجميل
قلت اعرضها عليكم حتى تستفيدو منها"
النهارده بقي الثلاثاء 3 مارس
واليكم اهم الانباء:
>>هزيمة نادى القرن الافريقي..نادى الحكومة والحزب الوطنى..النادى الاهلى
من فريق مغمور يدعى الاسماعيلي بنتيجة 1-0 بس
وبالحظ والحكم كان وحش
نظرا للغيابات العديدة فى صفوف الفريق
ونظرا للارهاق اللى مبيخلصش من الاهلى
"الكلمتين اللى على لسانهم دول طول ما هما بيتغلبو"
ودى مشهد من المباراة
خير دليل على الكلام وابلغ تعبير للوصف










المدير الفنى للاهلى مانويل جوزيه"كان هيعيط"
*-*-*-*-*-*-*-*-*
>>فرحة غامرة فى شوارع الزقازيق
وسعادة بالغة من طلبة حاسبات ومعلومات
بعد ان ظهرت النتيجة اللى عكست كل التوقعات
نسبة النجاح لا تقل عن 99% من الطلبة
وال 1% اللى منجحوش صافى دول اللى مكانوش حضرو الامتحان اصلا
الطلبة كلهم بيدعو للقائمين على النتيجة
و كلهم بيغنو الناجح يرفع ايده هيييييه
والكلية حلوة للى يفهمها
-*-*-*-*-*-*-*-**
>>عودة الباشمهندس احمد صلاح "باشمهندس دى بعد ما النقابة اتعملت اصلها اتعملت اول امبارح بعد ما كتبت الموضوع الاولانى بيومين"
عاد من رحلة خفيفة استدعت 4 ايام فى الاقصر واسوان
ومش عارف اقولكو اد ايه كمية ماسيجات الترحيب من الزملا الافاضل
"يا نهار اسود ع النفااق"
-*-*-*-*-*-*-*-**
>>بقالنا اسبوعين واكتر شغالين طحن فى الكلية
ماخدناش ولا يوم اجازة
بالعكس احنا بنروح فى الاجازات عشان عندنا شغل كتير
اتنين صحابي اتصلو بيا وانا فى محاضرة ما
كنسلت عليهم وبعتلهم ماسيج بتقول
تعالو بسرعة لاحسن المحاضرة شغالة من بدرررررى
وزعقتلهم طبعا وقلتلهم يا ريت تدو الكلية حقها شوية
مينفعش كده تهرييج.
--------------------------------------
--------------------------------------
>>فى الندوة التى اقيمت فى حاسبات اسماعلية بحضور السيد نائب رئيس الجامعة
لمناقشة اهم مشاكل الكلية
اتاح السيد الدكتور نائب رئيس الجامعة المجال للدكاترة الافاضل للمناقشة
فلم يجد اى مشاكل فى الكلية
نظرا لانها تسير بخطي ثاااااابتة
وربنا ما يجيب مشاااكل بقي
>>على جانب اخر شهد جميع الحضور الصمت الرهيب
والاصغاء لحديث الدكاترة الافاضل عن مجهود الكلية البناء
ولم يقم اى طالب من الحضور بالغمز او اللمز
او اى فعل يلهى عن التركيز
*-*-*-*-*-*-*-*-*
>>اما عن نشرة الاخبار
ف دى حاجة بتاعة ربنا بقي
مليش انى اعدل فيها :D
//
طبعا محدش يصدق اى كلمة من دى
دا كله ما يستتر به اعلامنا الهادف
اللى بيجيبولنا عين الحقيقة عشان نعيش فى حياة وردية جميلة زى اللون اللى بكتب بيه ده
وبردو اقعدو بالعافية :)

13 Comments:

  1. Dreams said...
    ازيك يا بشمهندس
    بص بقى احنا شعب ما بيطمرش فيه حاجة وما بنحبش الاعلام الهادف ولا الحياة الوردية

    عشان كده بنطالب بنظام التهييس الاولانى بتاعك

    وتقعد بالعافية
    Do3a2 said...
    ايوه ايوه اقعد بقي عيد وزيد في الموضوع ده علشان الاسماعيلي غلب مره علي فكره الاهلي معديها بمزاجه اصلا :D
    ومين بقي المدعو البشمهندس احمد صلاح بشمهندس ايه بعيد الشر.
    والله يعافيك يابني
    e_emy said...
    انا قرأت 5 فضفضة و 5 تهييس

    ايه ده ..كل ده عندك وبعدين عدلت ليه

    بلد بتاعت شهادات صحيح p:


    //يابنى متديش الكلية اكتر من حجمها //

    هى حجمها كبير اوى عندنا

    حسبيا الله ونعم الوكيل )):

    البوست الى قبل ده هو الى حلو P:
    a7mad sala7 said...
    Dreams

    الله يسلمك

    حاضر من عيني
    خلينا فى التهييس :D

    اقعدى بالعافية
    a7mad sala7 said...
    Do3a2

    هع هع

    ال مزاجه ال

    المدعو ده عند ام الترتر
    :D

    وبعدين مالك انتى جاية تتخانقى ولا ايه
    اهدى كده شوية لاسلط عليكي الاسمعلاوية
    انتى فى البلوج بتاعى هنا
    انتى حره بقي :-p

    نورتى يا دوعه فى اول زيارة ليكي :)
    a7mad sala7 said...
    e_emy

    خلاص يا ستى مش هنعدل تانى

    شكلى هتسجن فى الاخر :D

    نورتى البوست ده
    واللى قلبه كمان :)
    النسر الاصلع said...
    بص يابني

    متشيل الاهلي من دماغ واجري شوف البترو جــــ ضرب الاسماعيلي ــــــــــيت فرحان بماتش ومفتكرتش الهزيمة هناك

    شعب ياكل وينكر صحيح

    ساقطعك اربا اربا

    تقبل مروري
    a7mad sala7 said...
    اربا اربا
    هههههههههههههههه

    بمزاجه على فكرة على راى دعاء
    :))

    اهلا وسهلا ياخويا ;;)
    Mizoalex said...
    اسلوبك حلو اوى فى الكتابه

    مع انى اهلاوى بس كلامك عن الماتش كان جامد

    وكل كلامك جامد والله

    بص انا من راى المتواضع انى الانسان ما يشوفش الدنيا وردى زى اعلامنا الجليل
    او يشوفها سودا خالص زى جرايد المعارضه

    خير الامور الوسط
    يعنى بص للامور بعقلانيه

    وسلام

    اقعدو بالعافيه
    Mohamed Al-Sayed ... Soul Life said...
    يخرب بيت مطنك

    زي العسل

    ربنا يوفقك
    Mohamed Al-Sayed ... Soul Life said...
    اه نسيت اقولك

    الرحلة اكيد اكيد كانت حلوة

    انا بحسدك عليها

    هع هع هع هع
    a7mad sala7 said...
    Mizoalex

    باشا
    نورت البلوج
    وانت دبلوماسي بدرجة امتياز :D

    عايزين نشوفك باستمرار يا باشا :)
    a7mad sala7 said...
    Mohamed Al-Sayed

    :D

    الرحلة كانت شديدة يا معلم
    كانت ناقصاك بس
    يالا المرة الجاية بقي ;;)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds