النهارده امتحان شفوى مادة المحاسبة
خالد رايح يمتحن
لمح جروب بنات وهو طالع من الامتحان
منهم سلوى بس اللى يعرفها
خالد رايح يمتحن
لمح جروب بنات وهو طالع من الامتحان
منهم سلوى بس اللى يعرفها
خالد: يا سلوى .. يا سلوى
سلوى: ايوة يا خالد
خالد: عملتى ايه فى الامتحان
سلوى: تمام الحمد لله .. بس من امتى وانت بتسال على امتحانات
ايه اللى حصل يعنى
خالد: ازاى بقي لازم اطمن على اختى .. مش كده ولا ايه
سلوى: تطمن؟ .. ماشي يا اخويا .. وانت عملت ايه؟
خالد: مش مهم مش مهم .. بقولك
سلوى: هاا قول .. ايوة كده انت خالد اللى اعرفه
خالد: ههههههه بس بقي
بقولك صاحبتك عملت ايه
سلوى: انهى صاحبة يا خالد .. مانت شايفنى ماشي مع شلة
خالد: صاحبتك امو عين خضرا دى .. اللى ع الشمال دى
سلوى: ساره .. مممممممم .. قول كــــــــــده بقى
واشمعنى دى بالذات بتسال عنها ياخويا
خالد: الله بقي يا سلوي .. مش زميلتى بردو ;;)
سلوى: زميلتك اه
عايز ايه يا خالد؟؟
خالد: الله ينور عليكي انتى فاهمانى اهو
بصراحة انا عاوز اكلمها
سلوى: بس دى مبتكلمش ولاد يا بابا
خالد: مهى دى مهمتك بقي يا سوسو
سلوى: سوسو؟ احترم نفسك يالا
خالد: ههههههههههه بهزر الله
سلوى: طيب ياخويا متهزرش تانى
خالد: ماشي بس اخدميني بقي فى الحكاية دى
سلوى: هحاول
خالد: ماشي يا سلوى اشطه .. هو احنا هنمتحن ايه بكرة بقي
سلوى: مش عارف هنمتحن ايه بكرة .. يا خيبتي
خالد: ههههههههه .. عارف طبعا .. دى نكشة كده يااا .. يا سلوى ;))
سلوى: طيب ياخويا .. انا هروح ازاكر خليك انت فى النكشة
خالد: ماشي وانا هعدى على الجدول ابص فيه .. اشوف عندنا ايه بكرة
سلوى: ههههههههههههه مفيش فايدة فيك
خالد: ههههههههه قلبك ابيض بقي
تانى يوم فى امتحان تانى دخل خالد يمتحن وعينه هنا وهناك .. قلب المدرج بيدور على حاجة معينة
سلوى: بتدور على ايه يا كابتن
خالد: سللللللوى .. بدور على كريم مش لاقيه من الصبح .. عايزه فى حاجة مهمة
سلوى: يا راااااااجل .. كريم اه .. كريم جنبك اهو على فكرة
خالد: كريييييييم .. فينك يا راجل بدور عليك من بدرى
كريم: بتدور ايه يالا مانا مرمى معاك من الصبح
خالد: الله يكسفك يا بعيد
سلوى: قصر يا خالد بتدور على ايه ;)
خالد: مانتى عارفه بقي الله
سلوى: ههههههههه متتعبش نفسك مش هتيجي دلوقتى
خالد: لا انا شوفت سارة من شوية
سلوى: انا مبقولش على ساره على فكرة .. انا بقول ع الدكتورة
خالد: ايه ده هو انا قولت ساره
سلوى: بتهيألى كده ;;)
خالد: :D
سلوى: بتذاكر بره وهتخش ع الامتحان .. ومتتعبش نفسك ساره دى زى القطر .. لا بتبص كده ولا كده .. فبلاش تحرج نفسك احسن
الدكتورة دخلت ووراها ساره والامتحان بدا على طول
خالد معرفش يكلم ساره خالص وفضل ع الحال ده طول فترة امتحانات الشفوى
خالد معرفش يكلم ساره خالص وفضل ع الحال ده طول فترة امتحانات الشفوى
خلص الشفوى وامتحانات النظرى بدأت
خالد: سلوى .. انا لازم اكلمها .. مش هينفع كده
سلوى: شكلك وقعت يا معلم ;)
خالد: متبقيش رخمة بقي واتصرفي يالا .. عشان خاطر الاخوة حتى
سلوى: والله يابنى انا جيت المحلها لقيتها مقفلة خالص من الناحية دى
خالد: طب وبعدين؟؟
سلوى: انا عندى فكرة حلوة .. بص هى بكرة هتشرحلنا حاجة كده فى المكتبة .. هتيجي انت فى الاخر كده ع المكتبة وانا هقوم اعمل اى حاجة وانت تكلمها بقي .. هتلاقيها لوحدها
خالد: اشطه .. تمام كده
سلوى: ماشي يا سيدي اى خدمة
خالد: ربنا يخليكي يا سوسو
(خالد طلع يجرى)
سلوى: كده .. طب والله لاوريك
خالد: :))
تانى يوم حصل اللى اتفقو عليه بالظبط
سلوى: ثوانى وجاية يا ساره
سارة: طيب متتاخريش
خالد دخل المكتبة وراح على نفس ترابيزة ساره
مرتبك ومش عارف يبدا منين
خالد: كتاب الاحصا ده؟؟
ساره: بصتله ومبتردش
خالد: اه هو كتاب الاحصا .. وبيقول فى سره >>من اولها كده بتنفضلى
سارة بتبص فى الساعة
خالد: يا لهوى دى هتقوم .. ساره ممكن اسالك عن حاجة بس
ساره: اتفضل
خالد: عملتى ايه فى امتحان امبارح؟؟
ساره: هى دى فى منهج الاحصا؟؟
خالد: لا بطمن بس
ساره: الحمد لله حليت
خالد: طيب الحمد لله
ساره: عن اذنك انا مضطره اقوم دلوقتى .. لما تيجي سلوى اديها الكتب دى
خالد: كتب ايه .. لا انا مضطر اقوم انا كمان
سلوى جت من برا
سلوى: ها عملت ايهخالد: :(
سلوى: :)) انا قولت كده بردو
بعدها بكام يوم كده
خالد: سلوى .. ساره عاملة ايه
سلوى: كويسة الحمد لله
خالد: هى مجابتلكيش سيرتى خالص؟؟
سلوى: جابت
خالد: ايه ده .. بجد .. ومقولتيش ليه يا رخمة
سلوى: قالت انك سازج اوى .. رايح تسالها كتاب الاحصا ده وهو مكتوب عليه يا مغفل
خالد: اللى حصل بقي .. المهم مقالتش حاجة تانى؟
سلوى: قالت يا سيدي .. قالت ان شكلك كده طيب .. وباعتالك السلام
خالد: ايه ده .. بجد .. يا بركة دعاكى ياما
سلوى: ههههههههههههه ابسط يا عم
بعدها بفترة كده النتيجة ظهرت
خالد بيتصل بسلوى
خالد: الوسلوى: الو اهلا يا كابتن خير
خالد: ساره نجحت يا سلوى .. نجحت .. نجحت
سلوى: اهدى بس .. هى النتيجة ظهرت؟؟
خالد: ايوة .. انا ادام النتيجة اهو
سلوى: طب وانت عملت ايه
خالد: نجحت نجحت
سلوى: وانا؟
خالد: وانتى نجحتى
سلوى: طب مش المفروض تقول كده الاول وبعدين تقول على ساره ولا ايه
خالد: هههههههه الله بقي يا سلوى
عايزك فى خدمة رفيعة بقي كده
سلوى: خير
خالد: عايز رقم موبايل ساره
سلوى: نعم ياخويا انت بتستهبل .. دى تقتلنى
خالد: خليكي جدعه بقي
سلوى: جدعة مين يا عم .. مينفعش خالص
خالد: لا هينفع انا عارف .. ساعدى اخوكى بقي عشان ربنا يفتحها فى وشك
سلوى: ههههههههههه اتلم يالا
خالد: ههههههههههههه طب يالا بقي قولى
سلوى: استنى انا جايه دلوقتى خليك عندك
خالد: ماشي .. على مهلك خالص
سلوى: ههههههههههه ايوه يا عم لجل الورد
خالد: هههههههههههههههه
سلوى جت
سلوى: ها اتاخرت؟؟خالد: لالالالالا اطلاقا
سلوى: هههههههه اه يا ضلالى .. دانا لقيت مواصلات بالعافية
خالد: هههههههه ما علينا .. يالا بقي عايز اكلم ساره
سلوى: بص يابنى انت صعبت عليا .. انا عندى فكرة كده
بس اوعى توديني فى داهية
خالد: متخافيش قولى
سلوى: بص انا هتصلك بيها من رقمك واقولها انا بتكلم من سنترال .. وتعالى شوفى النتيجة
وكده الرقم معاك .. وانت حر بقي .. بس اوعى تعرفها ان انا اللى مدياك الرقم
خالد: ماشي .. انا مش عارف اقولك ايه يا سلوى بجد
سلوى: قولى مبروك ياخويا .. دانا لسه ناجحه من 10 دقايق
خالد: ههههههههههه مبروك طبعا يا سووووووو ههههههههه
سلوى: انت عايز تتضرب على فكرة
خالد: هههههههههههههه
سلوى اتصلت بساره وقالتلها تيجي تشوف النتيجة
ساره جت تشوف النتيجة بنفسها وخالد راشق فى الكلية طبعا
سارة مروحة شافت النتيجة خلاص .. وفى صوت من وراها بينادى يا ساره .. يا ساره
ساره قلبها دق .. عرفت ان ده خالد
خالد: مبروك يا ساره :)ساره جت تشوف النتيجة بنفسها وخالد راشق فى الكلية طبعا
سارة مروحة شافت النتيجة خلاص .. وفى صوت من وراها بينادى يا ساره .. يا ساره
ساره قلبها دق .. عرفت ان ده خالد
ساره: الله يبارك فيك يا خالد
خالد: خالد؟ .. انتى عارفه اسمي
ساره ارتبكت .. وشها احمر .. اه مهو سلوى قالتلى
خالد: :) ساره انا مبسوط اوى
ساره: طبعا كلنا مبسوطين عقبال بقيت السنين يا رب
خالد: بس انا مش مبسوط عشان النتيجة بس
ساره: معلش انا مضطره امشي .. لانى مقولتش لحد انى نازله
خالد: كده؟ .. طيب توصلى بالسلامة
وبيقول فى سره .. بس انا سعيد بردو :)
بعدها بيومين
خالد اتصل بساره .. خالد مش على بعضه
خالد: الوخالد اتصل بساره .. خالد مش على بعضه
ساره: ايوة مين
خالد: انا خالد .. ازيك يا ساره
ساره: اتصدمت ومش عارفه ترد
الله يسلمك .. انت جبت رقمى منين
خالد: مش مهم منين يا ساره .. انا فى موضوع مهم عايز اكلمك فيه .. ممكن؟
ساره: موضوع ايه .. احنا زمايل فى الكلية وبس .. ومفيش بينا مواضيع
خالد: اسمعيني بس يا ساره .. انا بحبك
ساره: الكلام وقف فى زورها
خالد: ساره .. روحتى فين
ساره طب ردى عليا .. قولى اى حاجة
ساره
ساره بعد حوالى 5 ثوانى كده ردت
ساره: انت بتقول ايه .. انت مجنونخالد: سميها زى ما تسميها .. متعرفيش انا اتلميت على نفسي ازاى عشان اقولك الكلمتين دول
انا من ساعة ما عيني وقعت عليكي وانا فى كل حتة عمال اتلفت حوالين نفسي
ساره انا بقالى حوالى شهرين مش عارف اتكلم معاكى كده .. ارجوكى متصدمينيش
فكرى براحتك وردى عليا .. ورقمى معاكى اهو
سلام
يتبع..
14 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
جميلة ما شاء الله
بردو w8ing
عجبت يعنى
طيب خير
جايين بالباقي ان شاء الله
وانا عايزه اغير سلوى :Dهههههه
طيب سؤال هى القصه دى تقليديه
زى القصص الحمضانه الى دايما بقرأها
ولا فيها مفاجأت ؟؟؟
اصل الحوارات دى بقت محفوظه
تقريبا كل ما اقرأواحده الاقى
نفس الحوار
والا ساره الى مش بتكلم ولاد دى
ما هى مش بتكلم ولاد تصاحب واحده
وتخليها الانتيم بتاعها بتكلم ولاد
عجايب والله
انا مش بنتقد القصه ولا الاسلوب
بالعكس الاسلوب رائع وطريقة السرد حلوه جداا. انا بعلق
بس على صفات شخصيات القصه
ان شاء الله متابعه :)
بتحسسني اني مقضيتش 3 سنين في الكليه
بالله عليك يا ابوصلاح
لو معاك رقم خالد ابعتهولي
اهو انهض اعمل اي حاجه في اخر سنه
ولا انت شايف ايه؟؟؟
الموضوع شكله مصيبه
وهيفرقعها فى الاخر
بيبو فرقع جيجىىىىىىىىىىى
D:
كنت فاهمه العنوان غلط
انا كنت فاكره حضرتك الى محتاج لخالد
طلعت الكلمه مؤنث اكيد ساره الى محتاجه خالد:D
هههههههه
وماله
نغير خالد وسلوى
ونغير الناس كلها
نعمل قصة من الاول :D
اما حكاية المفاجات دى فمش عارف والله
خليها بظروفها بقي
وبعدين سلوى مش انتيمة ساره :D
هما اتنين من الشلة وخلاص
بس هو خالد ميعرفش الا سلوى دى
فهى الوسيط بينهم بقي
وبعدين من ناحية الشخصيات
متركزوش فى صفاتهم اوى
انا بكتب باسلوب من الواقع
فى قصص بتحصل زى كده بالظبط
ناخد بقي الشخصية على صفاتها كده
وكأنكو بتتفرجو على مسلسل :d
احلى حاجة انى بكتب اول باول
عشان نحط الاراء دى فى الاعتبار
يا مسهل يا رب :)
انت يا اخ خلص بسرعه عندى 4 امتحانات و مش هعرف اذاكر غير لما اعرف اخرها و ايه تقلبها نكد عاوزه نهايه سعيده و الا لو تعبت زياده هقولهم فى البيت ان انت السبب
انا عن نفسي شايف حاجات كتير
انت صغير عليها لسه
وبعدين ماله خالد
دا راجل عملى :D
وبعدين انت مش عايز رقم خالد بس
انت عايز ارقام ولاد الدفعة كلها :D
هههههههههههههه
لا مفيش فرقعة
تابع انت بس وربنا يسهل :D
:D
لا مش انا
انا لو محتاجه هتصل بيه رقمه معايا :))
اما مين اللى محتاجله بقي
فدى هنشوفها بعدين :P
وعليكم السلام
بسرعة ايه
دا لسه باااااااااادرى
ادامك جزئين تلاتة ع الاقل لسه :D
روحى ذاكرى كده ربنا يهديكي
ومتتهميش فيا ها؟
:d
جزئين تلاته لالالالالالالالالا انا قاعده بموت قدام الجهاز من البرد و انت تقول جزئين تلاته ماليش دعوه (ايموشن بيخبط برجله فى الارض _ال يعنى موجود_)
يالا يا احمد علشان نجيبلك حاجه حلوه
ارحم واحده بتموت
و اى حد يبعتلى بطانيه مكسله اقوم اجيب
انا مش كاتبهم اصلا عندى
انا بكتبهم واحدة واحدة
صعب
الا لو هتدفعى :D
انا مستعد اكتبهم