وبقول لها .. ايوة بغير
ايوة بغير .. لا انا نقصان ولا ضعفان .. ولا مسطول ولا سكران .. ولا زايغ من عيني الضي
ولا حد احسن منى فى شي
بس بغير
واللى قالولك غيرة الراجل قلة ثقة أو قلة فهم .. خلق حمير
غيرة الراجل نار فى مراجل
نار بتموت .. مبتحرقش
واحنا صعايدة مبنستحملش
شمسنا حامية وعرقنا حامى وطبعنا حامى
واللى تخلى صعيدي يحبها .. يبقي يا غلبها
اصلنا ناس على أد الطيبة .. كلنا هيبة
والنسوان فى بلادنا جواهر
طب لو عندك حتت ماس .. هتخليها مداس للناس؟؟
ولا هتقفلى اوضة عليها بمية ترباس
يمكن حتى تأجرى ليها جوزين حراس
يبقي انا لا غافل ولا جاهل
كل الفرق اللى ما بيني وبينك انى صعيدى
لو كان بايدي كنت اعملك هندى بريك
واقلب شعرى كانيش كراويك
والبسلك سلسلة متدلدلة خرزة وقلب
بس ازاى البسلك سلسلة .. هو انا كلب؟؟
ثم العبرة مهيش باللبس
اصل المشكلة مش فى اللبس
اصل المشكلة عَندك عِندك (عنادك)
قولت هسيبها وبكرة تحس
بعده تحس
بعده تحس
دانا لو جبس .. كنت زعقت
ماشي صداقة وماشي زمالة
بس مجاتش على الرجالة
مهى نسوان الدنيا كتير
وانا مبقولش تخاصمى الناس
ولا تتحجبي عن الرجالة
ولا تعتكفي وتسكنى دير
بس يا ريت حبة تقدير
انى بحبك وانى بريدك .. وانى زرعت حياتى بايدك
وانى غزلت بنات الدنيا عقود على جيدك
وانى تعبت من التفكير
وانى بغير..
هشام الجخ
7 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
مش الصعايدة بتوع دلوقتى
الصعايدة بتوع دلوقتى بقو اسبور خالص :D
جامده جدا
بصراحه عجبانى :)
هشام الجخ
\\
بتشتغلنا
هو في حد اسمه ( الجخ )
ويسمي ابنه هشام
ناقص تقولي ان الجخ ده مراته اسمها رشا
كانت جامده جدا
ودى بردو حلوة
اه سمعتها
هى وكام واحدة كده
طبعا جميلة
وكويس انها عجبت سيادتك يعنى
وقولتيلنا الصراحة :P
هههههههههههههههههههههه
روح شوفه ع اليوتيوب يابو لماضة
مش عارف موضوع الخرفان ده :D
بس هو كاتب حاجات جميلة
عودا حميدا يا انشودة :)