من المتعارف عليه ان انا مبحبش لحمة الخرفان ولا بحب ريحتها .. نفس حال كل اللى عندنا فى البيت
كل سنة حتى ع العيد الكبير مبنجيبش خرفان ولا اى حاجة على شاكلتها
وبنبقي طالعين نازلين متأزيين من ريحة الخرفان اللى طالعه من عند جيراننا
لحاااد بعد العيد بكام يوم .. لما تبدأ الريحة تخف شوية
السنة اللى فاتت قبل العيد بيومين كده .. كان معانا قرشين كويسين
وقررنا اننا نجيب خروف نضحى بيه .. ان ان ااااااااااان
وبالفعل .. كلمنا عم سيد جارنا وذلك لان خبرتنا محدودة فى الموضوع ده
واتفقنا على معاد نروح نجيب فيه خروف .. والمعاد ده كان فى نفس اليوم بالليل نظرا لضيق الوقت
المهم ..
نزلنا روحنا جيبنا خروف حلو كده يسر عينيك .. مش شبه اللى انا حاطه ده
لان اللى جبناه كان ليه قرون .. دقيق انا شوية فى حتت الوصف دى :D
المهم روحنا جيبنا الخروف وجينا .. وطلعنا بيتنا واذ بالمشكلة الكبري
نحط الحروف فيييييييييين !!
فين فين يا ربي .. المهم الحاج الوالد قال نخبيه فى الحمام لحد بكرة ونبقي نشوفله صرفة لحد ما يتدبح
وفعلا حطينا الخروف فى الحمام وقفلنا الباب عليه ودخلنا نمنا
تانى يوم الصبح مرات عمى وبنتها جم عندنا .. اخدت امى ونزلو يشترو حاجات
وكنت انا واخويا مش موجودين ك العادة فى المعاد ده .. مش هقول كنا فين :P
وكذلك الحاج الوالد ..
المهم يا سيدي بنت عمى بتلعب فى البيت .. فتحت باب الحمام وداخله
لقت الخروف فى وشها .. صوتت وطلعت تجرى على باب الشقة
رزعت الباب ونزلت جرى
الاخ خروف طلع من الحمام وقعد يلف فى الشقة
دخل اوضة النوم وقف ادام مراية الدولاب بتاع الهدوم
شاف صورته فى المرايا فكرها خروف تانى
وهوووووب راح ناطح المرايا .. دشدشها
طلع برا لقي علبة كده فيها جاز قعد يشرب يشرب يشرب لحد ما قال يا كفي
على ما خد جولته فى الشقة كنا احنا جينا
طلعنا لقينا الازاز متدشدش .. والجاز اوشك على النفاذ
والاخ خروف قاعد متسلطن
بنشمه كده لقينا ريحته جاز .. عرفنا انه شرب الجاز
طب والعمل .. العيد بكره .. وكده مش هنضحى
نعمل ايه نعمل ايه .. لم نجد حلا الا اننا نقضيها لحمة من الجزار زى كل سنة
ونأجل موضوع الدبح ده اسبوع ولا اتنين .. لحد ما الجاز يروح من معدة الاخ خروف
وبالفعل .. بعتونى للجزار اوصى على لحمة وحاجات من دى
وانا رايح قابلنى علاء صاحبي
نادانى .. رايح فين يابو صلاح .. قولتله رايح احجز لحمة عند الجزار
قالى يابنى انتو مش جايبين خروف
قولتله مهو اصل حصل كذا كذا واحنا هنعمل كذا
قالى لا يا عم .. بيسيطة
قولتله ازاى .. قالى انت تتصل بالاسعاف وتقوله حصل كذا كذا
وهما هييجو يتصرفو .. لاحسن كده ممكن يموت كمان
قولتله اه صحيح .. تصدق
ولقلة خبرتى فى الخرفان .. اتصلت بالاسعاف
قولتلهم يا جماعة الموضوع كذا كذا .. اغيثونا
وكان الرد ان دا مش اختصاصهم .. وقام الراجل قافل السكة فى وشي
انا اتغظت من هذه الفعلة الشنعاء .. وقولت مش هسكتلكو يا ولاد اللذينه
انا قولت هما مكسلين بقي .. ولا مفكرينى بستهبل عليهم
وعلى ذلك .. روحت واخد الخروف فى عربية .. وطلعت بيه على اقرب اسعاف
قابلنى دكتور ابن حلال كده هناك
قالى خير .. قولتله الخروف دا حصل فيه كذا كذا وعايزين نشوفله حل
هو شرب جاز .. يمكن تعملوله غسيل معدة او كده
قالى شرب جاز مممممممممم .. وعايز تعمله غسيل معدة
قولتله يا ريت .. قالى ممممممممممم
قالى تحب نديله بنج قبل غسيل المعدة .. ولا نغسلهاله وهو صاحي
قولتلها اغسلهاله باى طريقة .. المهم نشوف حل للموضوع ده
العيد بكره وكده احنا هتضيع علينا الاضحية
قالى لا متقلقش خالص .. انا هعمله غسيل معدة .. وهجيبله شيكولاته وهيبقي زى الفل
طبعا الراجل فكرنى عبيط .. جايب خروف ورايح اقوله اعمله غسيل معدة
وخدنى على اد عقلي بقي .. وراح قايلي ايه
بص اركب العربية دى انت والخروف .. هنروح المستشفى نعمله هناك غسيل معدة
قمت راكب انا والاخ خروف فى العربية بتاعة الاسعاف من ورا
وقام واخدنا على مستشفى كده ماعرفهاش
نزلنا هناك .. قابلت دكتور كده اعرفه
قالى ايه خير .. ايه اللى جايبك هنا .. وجايب الخروف دا معاك ليه
قولتله والله حصل كذا كذا .. وانا جاى اعمله غسيل معدة
قالى غسيل معدة ايه يا عم حرام عليك .. انت عارف انت فين دلوقتى
قولتله فين .. قالى دى مستشفى امراض عقلية :O
انا اتفزعت لما سمعت الكلمة دى
قالى اهرب انت والخروف بتاعك ده .. لاحسن هيحبسوك هنا ومش هيبانلك صحاب
انا سمعت الكلمتين دول وخدت ديلي فى سنانى وجريت .. وجارر الخروف ورايا
قولت يا لهوى .. مستشفى المجانين .. هى وصلت لكده
وصلت البيت وانا فى قمة النرفزة .. وبصيت للخروف كده وقولتله والله لاطلعه عليك
قمت لابس فى دماغى حلة صغيرة كده .. وقعدت انطح فى الخروف
وهو ينطح فيا ..
وانطح فى الخروف ..
وهو ينطح فيا ..
.
لحاااااااااااد ما دماغى وجعتنى
.
.
.
صحيت م النوم من الوجع .. لقيت نفسي عمال انطح فى السرير
والمخدات متنطورة فى كل حتة
..
=))
=))
=))
كل سنة حتى ع العيد الكبير مبنجيبش خرفان ولا اى حاجة على شاكلتها
وبنبقي طالعين نازلين متأزيين من ريحة الخرفان اللى طالعه من عند جيراننا
لحاااد بعد العيد بكام يوم .. لما تبدأ الريحة تخف شوية
السنة اللى فاتت قبل العيد بيومين كده .. كان معانا قرشين كويسين
وقررنا اننا نجيب خروف نضحى بيه .. ان ان ااااااااااان
وبالفعل .. كلمنا عم سيد جارنا وذلك لان خبرتنا محدودة فى الموضوع ده
واتفقنا على معاد نروح نجيب فيه خروف .. والمعاد ده كان فى نفس اليوم بالليل نظرا لضيق الوقت
المهم ..
نزلنا روحنا جيبنا خروف حلو كده يسر عينيك .. مش شبه اللى انا حاطه ده
لان اللى جبناه كان ليه قرون .. دقيق انا شوية فى حتت الوصف دى :D
المهم روحنا جيبنا الخروف وجينا .. وطلعنا بيتنا واذ بالمشكلة الكبري
نحط الحروف فيييييييييين !!
فين فين يا ربي .. المهم الحاج الوالد قال نخبيه فى الحمام لحد بكرة ونبقي نشوفله صرفة لحد ما يتدبح
وفعلا حطينا الخروف فى الحمام وقفلنا الباب عليه ودخلنا نمنا
تانى يوم الصبح مرات عمى وبنتها جم عندنا .. اخدت امى ونزلو يشترو حاجات
وكنت انا واخويا مش موجودين ك العادة فى المعاد ده .. مش هقول كنا فين :P
وكذلك الحاج الوالد ..
المهم يا سيدي بنت عمى بتلعب فى البيت .. فتحت باب الحمام وداخله
لقت الخروف فى وشها .. صوتت وطلعت تجرى على باب الشقة
رزعت الباب ونزلت جرى
الاخ خروف طلع من الحمام وقعد يلف فى الشقة
دخل اوضة النوم وقف ادام مراية الدولاب بتاع الهدوم
شاف صورته فى المرايا فكرها خروف تانى
وهوووووب راح ناطح المرايا .. دشدشها
طلع برا لقي علبة كده فيها جاز قعد يشرب يشرب يشرب لحد ما قال يا كفي
على ما خد جولته فى الشقة كنا احنا جينا
طلعنا لقينا الازاز متدشدش .. والجاز اوشك على النفاذ
والاخ خروف قاعد متسلطن
بنشمه كده لقينا ريحته جاز .. عرفنا انه شرب الجاز
طب والعمل .. العيد بكره .. وكده مش هنضحى
نعمل ايه نعمل ايه .. لم نجد حلا الا اننا نقضيها لحمة من الجزار زى كل سنة
ونأجل موضوع الدبح ده اسبوع ولا اتنين .. لحد ما الجاز يروح من معدة الاخ خروف
وبالفعل .. بعتونى للجزار اوصى على لحمة وحاجات من دى
وانا رايح قابلنى علاء صاحبي
نادانى .. رايح فين يابو صلاح .. قولتله رايح احجز لحمة عند الجزار
قالى يابنى انتو مش جايبين خروف
قولتله مهو اصل حصل كذا كذا واحنا هنعمل كذا
قالى لا يا عم .. بيسيطة
قولتله ازاى .. قالى انت تتصل بالاسعاف وتقوله حصل كذا كذا
وهما هييجو يتصرفو .. لاحسن كده ممكن يموت كمان
قولتله اه صحيح .. تصدق
ولقلة خبرتى فى الخرفان .. اتصلت بالاسعاف
قولتلهم يا جماعة الموضوع كذا كذا .. اغيثونا
وكان الرد ان دا مش اختصاصهم .. وقام الراجل قافل السكة فى وشي
انا اتغظت من هذه الفعلة الشنعاء .. وقولت مش هسكتلكو يا ولاد اللذينه
انا قولت هما مكسلين بقي .. ولا مفكرينى بستهبل عليهم
وعلى ذلك .. روحت واخد الخروف فى عربية .. وطلعت بيه على اقرب اسعاف
قابلنى دكتور ابن حلال كده هناك
قالى خير .. قولتله الخروف دا حصل فيه كذا كذا وعايزين نشوفله حل
هو شرب جاز .. يمكن تعملوله غسيل معدة او كده
قالى شرب جاز مممممممممم .. وعايز تعمله غسيل معدة
قولتله يا ريت .. قالى ممممممممممم
قالى تحب نديله بنج قبل غسيل المعدة .. ولا نغسلهاله وهو صاحي
قولتلها اغسلهاله باى طريقة .. المهم نشوف حل للموضوع ده
العيد بكره وكده احنا هتضيع علينا الاضحية
قالى لا متقلقش خالص .. انا هعمله غسيل معدة .. وهجيبله شيكولاته وهيبقي زى الفل
طبعا الراجل فكرنى عبيط .. جايب خروف ورايح اقوله اعمله غسيل معدة
وخدنى على اد عقلي بقي .. وراح قايلي ايه
بص اركب العربية دى انت والخروف .. هنروح المستشفى نعمله هناك غسيل معدة
قمت راكب انا والاخ خروف فى العربية بتاعة الاسعاف من ورا
وقام واخدنا على مستشفى كده ماعرفهاش
نزلنا هناك .. قابلت دكتور كده اعرفه
قالى ايه خير .. ايه اللى جايبك هنا .. وجايب الخروف دا معاك ليه
قولتله والله حصل كذا كذا .. وانا جاى اعمله غسيل معدة
قالى غسيل معدة ايه يا عم حرام عليك .. انت عارف انت فين دلوقتى
قولتله فين .. قالى دى مستشفى امراض عقلية :O
انا اتفزعت لما سمعت الكلمة دى
قالى اهرب انت والخروف بتاعك ده .. لاحسن هيحبسوك هنا ومش هيبانلك صحاب
انا سمعت الكلمتين دول وخدت ديلي فى سنانى وجريت .. وجارر الخروف ورايا
قولت يا لهوى .. مستشفى المجانين .. هى وصلت لكده
وصلت البيت وانا فى قمة النرفزة .. وبصيت للخروف كده وقولتله والله لاطلعه عليك
قمت لابس فى دماغى حلة صغيرة كده .. وقعدت انطح فى الخروف
وهو ينطح فيا ..
وانطح فى الخروف ..
وهو ينطح فيا ..
.
لحاااااااااااد ما دماغى وجعتنى
.
.
.
صحيت م النوم من الوجع .. لقيت نفسي عمال انطح فى السرير
والمخدات متنطورة فى كل حتة
..
=))
=))
=))
18 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
اممممم بقالى كتير ما علقتش بس بصراحه مقدرتش اسكت عن التعليق هنا
ههههههههههه
موضوع تحفه الواحد يقراه كده قبل الامتحان علشان و هو واقف قدام الدكتور يفضل يضحك و اهو دكتور من دكتور مش هتفرق
جزاك الله خيراً
بجد ضحكتنى
مقبوله منك يا عم
نزلنا هناك .. قابلت دكتور كده اعرفه
//
ممممممممممممممم
دكتور وتعرفه
دا انت خبره بقى =))
=))
طيب انا ذنبى ايه اسمع قصه زى دى قبل ماادخل الامتحان بنص ساعه وكنت هموت من الضحك مع اللى بتحكيلى ...
يلا اهو الواحد ضحك شويه قبل ما يدخل يتصدم بالامتحان :))
لا بس قصه جامده يا احمد
سلمت يسارك :)
حلوه ولا ملتوته؟
هههههههههههههههههههههه
طيب كويس اننا ضحكناكى يا ستي
وعلى فكرة دا مش حلمى انا يعنى
دى مجرد قصة كده
او تقدرى تقولى اشتغالة :D
=))
يالا تعيشي وتاخدى غيرها
=))
ههههههههههههههههههههههه
مااشي :D
يا حاجة دكتور ايه اللى اعرفه
انا مبطيقش الخرفان دى اساسا ولا بحب اجى جنبها
هاخد خروف الف بيه ع الدكاترة
=))
وبعدين انتى تصدقي انى البس حلة فى دماغى والكلام ده
حتى لو فى الفيلم
انا عقلي الباطن غير كده خااااالص
لو حكيتلكو حلم حقيقي بقي من بتوعى
هتشوفو الخيال العلمى على حق :D
ومين بقي اللى بتحكييييييييلك
انا عايز اعرف :-?
شوفى انتى بقي حلوة ولا لا يا ميووش ;;)
عندي تفسير للحام ده علي فكره
.
.
.
بس كعادة رخامتي اني مش هقوله
وهبقي افكرك لما حاجه معينه تحصل
هبقي اقولك فاكر الخروف
بس سيبك انت
اهم حاجه
السرير حصله ايه من نطحك فيه
اوعي يكون دخل جون
حاكم الحضري مفوت اليومين دول واي هيد ممكن يدخل فيه
يا حاجة دكتور ايه اللى اعرفه
انا مبطيقش الخرفان دى اساسا ولا بحب اجى جنبها
هاخد خروف الف بيه ع الدكاترة
=))
//
يا حاج احمد
الجمله دى انت قولتها فى مستشفى اللهم اشفينا وميجعلناش منهم (المجانين)
وقولت دكتور اعرفه كدا
استنتج انا اييييييييه بقىىىىىىىىى
؟؟؟؟؟؟؟؟؟؟؟
انك خبره فى المنطقه دى
//
وبعدين انتى تصدقي انى البس حلة فى دماغى والكلام ده
//
هههههههههههههههههههههههههههههههههههههههههههههههههههههههههههههههههه
هتخيلها واشوف كدا
//
لو حكيتلكو حلم حقيقي بقي من بتوعى
هتشوفو الخيال العلمى على حق :D
//
ماااااااااشى
مستنيين احنا حلم فانتازيا
//
ومين بقي اللى بتحكييييييييلك
انا عايز اعرف :-?
//
دا سيكرت كبيييييييييييير
الخروف دا كان ليه 7 رجالة :P
شوف هيقولى حلم بردو
يا عم مش حلم
مش حلم
مش حلم
اغنيهالك
طيب هبقي اقولكو حلم كده بسيط من بتوعى
ومن ناحية مين قالك فانا هعرف بطريقتى :D
ده مش حلم
ده مش حلم
امال ده ايه؟؟؟
اشتغالة يا غالى