Mahmoud was calling in the previous part :D
وعكس ما كله كان متوقع .. علا كنسلت ومرضيتش ترد
ام علا: مين يا علا اللى كان بيتصل
علا: مفيش يا ماما دا رقم غلط
وغيرت علا رقم موبايلها
وقطعت كل وسائل الاتصال مع محمود
وقطعت كل وسائل الاتصال مع محمود
مروة بتكلم علا
مروة: ازيك يا لووولو
علا: الله يسلمك عاملة ايه يا مروة
مروة: انا تمام .. انتى ايه الاخبار ;)
علا: الحمد لله ماشي الحال
مروة: ها مقولتيليش .. حددتو معاد الفرح ولا ايه
علا: مش عارفه والله يا مروة
مروة: امال مين اللى عارف ياختى .. انا اللى هعرف
علا: لا محددناش لسه .. هشوف واقولك
مروة: مممممم
.
.
مروة: مكلمكيش من ساعتها
علا: كلمنى وكنسلت عليه
مروة: كنسلتى على مجدى :O .. يا لهوى ليه كده
علا: ايه ده مجدى ايه .. لالا .. رديت رديت
مروة: مالك يا بت تايهة ليه كده .. فى مشكلة ولا ايه
علا: لا مفيش .. مفيش حاجة
مروة: انتى غيرتى رفم موبايلك ليه
علا: مفيش زهقت منه بس
..
..
عادل: بس يا معلم .. اظن معادش فى حاجة ناقصة كده
مجدى: مش عارف يا اخى .. حاسس ان لسه حاجة بردو
بكرة هجيب علا وامها ونشوف كده يمكن عاوزين حاجة تانى
عادل: يابنى انت مش جبتهم قبل كده .. هى شغلانة
مجدى: بردو يا عم يمكن فى حاجة احنا مش شايفينها ولا حاجة
وبعدين عروسة بقي خليها تعمل اللى هى عاوزاه
عادل: مدلعها اوى انت يا ميجو ;) .. مانت طلعت حنين اهو
امال كنت عاملى فيها الراهب الاعظم ليه
مجدى: هههههه .. ولا راهب ولا حاجة يا عم .. انا اللى مكانش فى دماغى بس
وبعدين علا طيبة وبنت حلال وتستاهل احسن حاجة فى الدنيا
عادل: ااااااااه .. فينك يا ست علا تسمعى الكلام ده
متخليهاش تقعد مع مراتى كتير يا عم .. مش عايزنكو تفتحو علينا فاتوحه
الستات برغى فى كل حاجة .. والتانية تيجي تقولى اشمعنا واشمعنا
مجدى: ههههههه .. يالا يا معفن
عادل: ههههههههه .. الفرح امتى يا سيدي
مجدى: خلاص حجزت الاسبوع اللى جاى
الخميس فى نادى التعاون
عادل: التعاون كمااان .. ال ل ل ل .. دى شكلها لحست دماغك خالص يا معلم
مجدى: ههههههههههههههههه
.
ومجدى اتجوز علا
وبعد شهرين من جوازهم
.
ومجدى اتجوز علا
وبعد شهرين من جوازهم
.
علا: الو..
؟؟؟: اخيرا رديتي يا علا
علا: انت مين
؟؟؟: انا مين؟ .. مش عارفه انا مين
علا: ايوة انت جبت رقمى منين .. وبتتصل بيا ليه
؟؟؟: ليه عملتى معايا كده يا علا .. دانا بحبك
علا: بتحبني ازاى .. لو كنت بتحبني كنت اتحركت عشانى
انا ياما اتحايلت عليك عشان تاخد خطوة واحدة بس تحسسني بيها انك عاوزنى
؟؟؟: بس انتى عارفه ان انا عاوزك يا علا
علا: معادش ليه لزمة الكلام ده خلاص يا محمود
محمود: امال كان ليه لزمة امتى .. مانا حاولت اكلمك كتير وانتى مكنتيش عاوزه تردى عليا
علا: يا محمود انا حكيتلك على كل حاجة .. وعرفتك موقفي .. وانت رديت عليا بكل استهتار ولا مبالاه
محمود: انا عارف انى غلطت .. بس انا مش قادر اعيش من غيرك يا علا
حاولت كتير انساكى بس مش قادر
يا علا انا بقالى 3 شهور عايش فى نار .. مبعملش حاجة غير انى بشتغل
يا علا انا من غيرك مش عارف اعيش
علا: ياما اتحايلت عليك يا محمود .. ياما كنت هبوس رجلك عشان تتحرك
محمود انا بقيت متجوزة دلوقتى .. مينفعش نتكلم بالطريقة دى
محمود: يعنى انتى نسيتيني يا علا ؟؟
علا: يا محمود بلاش الكلام ده عشان خاطرى .. ربنا يوفقك فى حياتك وتلاقي اللى تستاهلك و..
محمود: لا
لا متكمليش .. انا مش هدور على حد .. انا مش متخيل انى ممكن اكمل حياتى من غيرك
علا: لازم تنسانى يا محمود .. وانا هختفي من حياتك خالص
محمود: وانا مش هسيبك يا علا .. انا لو فكرت انساكى يبقي بحكم على نفسي بالموت
ارجوكى حسي بيا .. انا بتقطع .. هشوفك امتى
علا: تشوفنى؟ .. لا تشوفنى امتى .. انسي الموضوع دا خالص
محمود: انا هشوفك يا علا
لازم اشوفك
علا: محمود انا متجوزه
محمود: انا هشوفك يا علا...
يتبع..
10 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
انا مش عارفه هى عملت الصح ولا اتسرعت واخدت خطوة لوحدها ...
بس خلاص الى حصل حصل ...
هو بقى المفروض ميبقاش رخم ويطلع من حياتها D:
حلوة جداااا حلقة انهرده (:
هى معندهاش عقل تفكر وتعمل الصح ولا ايه
الموضوع مخرجش من اديها بردو
هانت خلاص فاضل ع الحلو تكة :D
علا كنسلت ومرضيتش ترد
\\
ههههههههههههههه
وبعد سنتين
شوف
بعد سنين اشتري سمكه ولما جه يفتحها
ملقاش الخاتم
الله
ماهو لقي الخاتم اهون
امال انا كنت بضحك ليه
علي فكره
شكلك بتسمع عربي كتير
متأثر انت بزياده
يالا يا عم بقصصك اللي متعرفلهاش وش من قفا دي
بس ياريت يا صلاح تبقي تشغل لنا اي حاجه لطارق الشيخ واحنا بنقرا
اهي اغانيه كلها تقطع القلب
كمل كمل
بس البت علا دي شكلها اي كلام
يعني مبتحكيش لامها وقلنا مفيش مشاكل
طب صاحبتها؟؟؟
مفيش خالص
يلا اهو اللي بيشيل قربه مخرومه ...
ولا بلاش عشان مغرقش الدنيا
هو بعد كل ده تروح تتجوذ حد تاني
نو كومنت بجد
ومين مبيتفرجش على عربي
انت مبتتفرجش؟؟
وبعدين انت مالك بعلا
وهى نفسها ملهاش دعوة بنفسها
هو المخرج عايز كده
تتجوز واحد تانى
مش هى دى المشكلة
المشكلة انها تحافظ على جوزها اللى اتجوزته
مهو الاولانى دا ميستاهلش اصلا
حاجة تمام منها اوى وبيدل انها انسانه كويسه
بس اللى مش تمام انها بتخبى عن كل الناس حتى صحبتها وان كانت بتعمل كدا علشان مثلا اللى مخطوبه ليه ميعرفش عن طريق صاحبه بس دا مش فى صالحها
ماعلينا
بس حجة ناقصه انها تفكر لوحدها
وليه متتكلمش ولو لاقرب الناس ليها ولو موضوع وفشل فى الاخر هى الكسبانه فيه واهم حاجة انها تخرج من غير ضياع للكرامه وتبقى واثقه من قرارها برفضها للانسان دا بسبب استهتاره بيها ورضاها عن مجدى وان كان مش رضا اوى يعنى بس هروب من التفكير فى اللى فات
بس انا شايف انك مطلسأ عم مجدى على الاخر كدا دا منطقش كلمتين معاها على بعض ياراجل ولا حتى حوار ما بين اتنين مخطوبين ولا اى شىء تبين هو دوره ايه فى الاساس
دور المضحوك عليه بس يعنى واللى هتصدم فيما بعد ولا ايه
وحتى ولو مخبى دوره للاخر بس كان لازم تسخن دوره من دلوقتى ميصدمناش فى الاخر D:
عجبنى اوى اسلوبك فى السرد وانك غالبا ما بتوجه رساله لشباب كتير وقبلهم طبعا البنات والله اعلم دا قصدك ولا لا
فى تقدم مستمر
قسم براحتك
تغيير الخط خطوة منها ايوة
بس هى مقدرتش تصمد .. يعتبر ضعف منها
..
اينعم مجدى مش واخد حقه اوى فى القصة
يمكن هو شخصية محورية
مظهرش كتير .. بس دوره اساسي
زى فيلم بوبس كده
بوبوس دا مظهرش غير مرتين تلاتة :D
بس هو محور القصة
وبعدين المفروض من المضمون باين ان هو حبها اوى ومعزش عليها حاجة
ودا وضح من كلامه مع عادل فى الجزء ده
وبعدين كلامه معاها قليل لان هو شخصيته مش الرومانسية اوى اللى بيقعد يحب ويتغزل وكده
هو شخصية مختلفه شوية
غير انه مكانش مناصر لفكرة الجواز اصلا
وبعدين دانا كلامه كله رسايل للشباب
مش باين ولا ايه :D
منور يا سيدي
من زمان اوى مردتش هنا ;)
انت يابنى طالع م الكهف ع البلوج بتاعى ولا ايه
متابع وانت ساكت يالا