مجـدى_7


//من الجزء اللى فات// محمود: انا هشوفك يا علا...

وقام محمود قافل السكه
علا التفكير هيقتلها ولانها مش متعوده تحكي لحد اي حاجه من مشاكلها
المشكله دي تعتبر كبيره جدا عليها وفوق طاقتها
.
.
وبردو قررت متقولش لحد كالعاده
مجدي روح البيت ودخل ورمي المفاتيح بتاعته

مجدي:علا...اما انا عندي ليكي حتة مفاجأه
لازم تعرفيها قبل ما تقومي تحضري الغدا
مجدي:يا ناس .. ايييييييييييه .. احنا سرحانين في ايه ... يا بختي يا بختي
علا:مجدي حبيبي انت جيت
مجدي:لسه انا بتصل اهو اشوفك فاضيه ولا لاء
علا:لا بجد انت هنا من زمان
مجدي:لا ابدا...انا لسه واصل من مفيش .. سرحانة للدرجادى
علا:لا ابدا .. كنت بتقول ايه
مجدي:مبقولش .. بس انا كنت شايفك الفتره اللي فاتت شكلك تعبانه وسرحانه دايما فقلت نغير جو يعني .. ولا انتى رايك ايه

علا مازالت سرحانه ودماغها مش معاه خالص

علا:ها .. طب اقوم احضرلك الغدا
مجدي:لا دانتى مش معايا خالص ..عشان انا تعبان اوي
علا:خير يا حبيبي في حاجه في الشغل
مجدي:يا ريت .. قصدي ايوه عادل مطلع عيني في الشغل وكان بيقول مراته تعبانه شويه
علا:لا الف سلامه ...هبقي اتصل اطمن عليها ... اقوم احضرلك انا الغدا
مجدي:يبقي احسن بردوا

ومجدي بيسأل نفسه هيا بتسرح في ايه الست دي ... يا رب خير
وابتدأ الشكوك تطارده ... خصوصا في الفتره الاخيره
.
.
ورن موبايل علا مره تانيه بس رقم غريب .. ردت وهيا عارفه انه هو

محمود:في ايه ده كله عشان تردي عليا
علا:تانى يا محمود
محمود:انا رسايلي مقطعه موبايلك .. مش بتقريها ولا ايه
علا:يا محمود افهم انا دلوقت ست متجوزه...يعني انا لو مراتك ترضي حد يعمل معايا كده
محمود: اقفل يعني؟؟؟
علا:ياريت بعد اذنك ...لان كده عيب في حقي ... لو بتحبني صحيح مش هتعمل كده
محمود:لو بحبك ...يااااااه ... بعد كل ده ...يعني عشان انا مكنتش بقولك حاجه يبقي خلاص
هي بتخليه يتكلم وبتوقعه في الكلام .. عايزة تسمع منه بس نفسها مش مطاوعاها
محمود:انا لما كنت بظهر اللامبالاه اللي انتي كنتي بترميني بيها بالزور وانتي متعرفيش حاجه عنى .. كل اللى كان هامك امتى هنتجوز
كنتى تعرفي ان انا اتبهدلت اخر بهدله عشان خاطرك واتهانت من اللي يسوي واللي ميسواش؟؟
كنتى تعرفي كمان اني ياما دورت علي شغل وكل الابواب كانت مقفوله وانتي الحاجه الوحيده اللي كانت بتصبرني علي عيشتي؟؟
كنتى تعرفى انى على مشاكل دايما مع ابويا اللى كنتى فاكره انى مسنود عليه
وكان مفيش بيني وبينه اى تفاهم؟؟
كنتى تعرفي كمان ان انا اتحملت اللي محدش اتحمله عشان خاطرك؟؟
بس مكنتش برضي اقولك وكنت مستني الفرج وكل مره كنت بكلمك فيها زمان كنت باخد امل للحياه وبرجع الف في نفس دايره الشغل اللي ملوش وجود اساسا

علا مش لاقيه الكلام ومش عارفه ترد ... وانت مكنتش بتقول ليه

محمود:اقول ايه
اقول انى فاشل مش عارف اشتغل .. ولا اقول انى مليش اب اتفاهم معاه زى بقيت البني ادمين .. ولا اقولك كلمتين من بتوع الافلام اننا نصبر ونعيش فى اى اوضه وناكل عيش ودقة

تعرفي كمان ان كان فيه فرصة سفر وانا مرضيتش اسافر غير لما اعمل قرشين واتقدم بيهم وبعد كده اشوف موضوع السفر ده ... رغم اني كنت عارف انه ده هيضيع مني السفريه .. بس كنت بحاول اعمل اى حاجة

علا اول مره تسمع الكلام ده ومش مصدقه خالص وشكلها كده...

علا:طب انا اعمل ايه دلوقت؟؟؟
محمود:انا عاوز اقابلك
علا:مينفعش خالص ومينفعش كمان الرسايل اللي عمال تبعتها دي
محمود:اقابلك ونتفاهم
علا:طب سلام دلوقتى
...
علا رجعت طبيعيه بعد المكالمه وارتاحت من التفكير في الحوار ده
شكلها كده قررت علي حاجه
مجدي روح البيت وداخل وبيغني يا ناسيني وانت علي بالي وخيالك ميفارق عيني
واول ما شاف علا قام معلي صوته

مجدي:ريحني واعطف علي حالي وارحمني من كتر ظنوني

علا عملت حاجه في الموبايل ورمته بسرعه

علا: دي مين دي ان شاء الله
مجدي:متاخديش في بالك ... صحيح مروه هتروح للدكتور بكره ياريت تبقي تروحي معاها دي موصيه عادل وعادل مأكد عليه
علا:ماشي هكلمها وهعرف التفاصيل ... اقوم احضر الغدا

وانتهي اليوم ومجدي راح علي شغله بعد ما اتفق مع علا انها تروح مع مروه للدكتور
علا اتصلت بمروه تشوف هيروحوا امتي

علا:ازيك يا ميرو
مروه:الحمد لله كله تمام
علا:ايه يا بنتي انتي شكلك تعبانه بجد في ايه خير
مروه:لا ابدا حاسه بدوخه كده ونفسي مسدوده عن الاكل
علا: يعني ايه؟
مروه:مش عارفه بقي ...هنروح للدكتور ونعرف
علا:طب انا جيالك حالا
مروه:خلاص هستناكي ...سلام
.
.
علا بتفكر تحكي لمروه ع المشكله اللي هيا فيها ومن كتر ماهيا بتفكر غيرت هدومها ونزلت بسرعه
وجرس بيت عادل بيرن

علا:جيتلك بسرعه اهو...عشان عاوزه اتكلم معاكي شوية
مروه:ماشي يا جميل...بس نروح مشوار الدكتور ونرجع نتغدي سوا ونحكي زي ما احنا عاوزين ... صحيح انتي مردتيش ليه لما كنت بتصل بيكي وانتي في السكه
علا:انتي اتصلتي امتي...مسمعتش حاجه يعني
مروه:لا اتصلت .. تلاقيكي عاملاه سايلنت
علا:اوبااااا...شكلي نسيت الموبايل في البيت ... لازم اروح اجيبه
مروه:يا ستي مش مهم انا معايا تليفوني لو حصل حاجة ادينا معانا تليفون واحنا راجعين نبقي نعدي نجيبه لو مقدرتيش تستغني عنه كده
علا:مقدرش فعلا
مروه:بركاتك يا عم مجدي ;)
علا:هههههههههه...ما احنا هنتكلم بعد الغدا وهحكيلك
مروه:طب يلا بينا

وخرجوا راحوا للدكتور ... وبعد ما كشفت مروه

الدكتور: مبروك يا مدام ... حامل
علا: الف مبروك يا مروة
الدكتور: لازم ترتاحى خالص اليومين دول
علا روحت مروة وخدت موبايلها ومشيت

محمود بيتصل بالليل

علا: ايوة
محمود: قولتى ايه يا علا
علا: لا يا محمود .. مش هينفع
محمود: لا هينفع يا علا .. انتى لسه بتحبيني وانا متاكد من كده
بكرة هستناكى فى نادى الاسرة الساعة 12 الضهر
اظن دا وقت مناسب جدا
سلام
..
تانى يوم علا راحت فى المعاد

محمود: كنت متاكد انك هتيجي
علا: دا ايه الثقة دى .. ولا دا غرور
محمود: انا مغرور بيكي مش عليكي
علا: ايه المطلوب دلوقتى يا محمود
محمود: انا هقولك على طول واجيب م الاخر

انا بحبك ومش قادر استغنى عنك .. وانتى بتحبيني .. انا دلوقتى جاهز وعلى استعداد اتجوزك من بكرة

علا: بس انا قولتلك متجوزة .. تتجوزنى ازاى يعنى
محمود: بعد ما تكونى مش متجوزه
علا: قصدك ايه يعنى
محمود: انتى عارفه قصدى كويس يا علا .. انا احق بيكي .. احنا بنحب بعض من زمان
هو ميعرفش عنك حاجة .. وانتى محدش يعرفك ادى .. ازاى منكونش لبعض
علا: ايه اللى انت بتقوله ده !!!

معظم الجزء دا سيناريو وحوار محمد صلاح cave man
انا اديته الفكرة بس وكملت على اللى كتبه
بشكره على المساهمة الفعالة
ونشكركم لحسن استماعكم .. قصدى متابعتكم :D
يتبع..

15 Comments:

  1. Cave Man said...
    هههههههههه
    دا انت كده بوظتها خالص
    وضيعت كل اللي بنعمله
    وشكلك هتقلبها فيلم اللي الظالم بيموت في الاخر
    شكل الصين مش هتعرف تسد الفتحه اللي انت هتفتحها

    بص يا ابني هقولك علي حاجه
    كل واحد دلوقت بقي بيعمل اي حاجه مختلفه لغيت ما بقي كله مختلف
    والطبيعي هو اللي بقي مختلف
    يعني كله بيدور علي نهايه غريبه لدرجه ان الناس نسيت النهايات الطبيعيه
    فاللي ينهيها نهايه طبيعيه
    يبقي مختلف

    خليك انت كدهون
    كان زمانها دلوقت اتعكت خاااالص وكنت ظبطتها في النهايه

    يلا انجز
    وهات الجزء الاخير
    mayosh said...
    من الاخر علا دى متستاهلش مجدى ولا تستاهل اى خير لانها بجد شخصيه مبتفكرش غير فى نفسها وخلاص ومش مراعيه انها متجوزه وازاى تسمح لنفسها تقابله فى نادى الاسره لو كان نادى الشجره ماشي مفيش مشكله ههههههههههه:D
    e_emy said...
    مش عارفه ليه مش مصدقاه :-??

    وبعدين مكنش بيقولها ليه
    لو خايف يزعلها او يقلقها مثلا علشان بيحبها ف لنفس السبب لازم يخبى عليها ويسيبها ف حياتها الجديدة

    وهى كمان غلطانه لشان اتجوزت لازم تحترم زوجها ..

    استمررررررر (:
    صباح الخير said...
    بعد السلام عليكم

    أسلوبك القصصى جميل وشيق

    تقبل مرورى ودعائى لك بدوام الابداع
    !! a7mad sala7 !! said...
    راجل الكهف

    بوظت ايه يابنى
    انا بس ظبطت السيناريو
    متستعجلش لسه شوية :D
    !! a7mad sala7 !! said...
    ميوش


    ههههههههههههههههههههههههههههههههه
    ههههههههههههههههههههههههههه
    ههههههههههههههههههههههههههههههه

    نادى الشجرة ماشي؟؟

    طب افرضي بيقصو الشجرة يبقي موقفهم ايه دلوقتى :D
    !! a7mad sala7 !! said...
    ايمي

    صح
    انتى كده صح .. ودا رأيي

    بس اما نشوف اخرتها معاهم
    !! a7mad sala7 !! said...
    صباح النور


    عليكم السلام

    شكراا جدا لذوقك
    ونورتنا يا فندن فى اول زيارة :)
    انشودة said...
    السلام عليكم
    بجد علا دى..
    امممم هى بتعمل كده ليه ما تعيش نفسها طبيعى
    بس مش عارفه مش حاسه حتة مقابلاتها ليه دى مش واقعيه شويه اى واحده على الاقل ادنى حد من التفكير يمنعها من انها تكلمه فى الموبيل تقوم تقابله !
    الحلقات قصيره اوى
    واتينج الحلقه الجايه وبعدين نبقى نتناقش فى اخرها ان شاء الله
    سلام عليكم
    !! a7mad sala7 !! said...
    وعليكم السلام

    هى طبعا بتستهبل
    وبعدين قابلته مرة
    بتحبه بقي وضغط عليها كمان
    بتحصل يعنى مش غريبة للدرجة


    وكده طولت الحلقة اظن :D
    هى بس تحسي انها قصيرة
    لان الاحداث مش كتير
    بس هى المسلسلات كده :D
    Cave Man said...
    \\
    بوظت ايه يابنى
    \\
    هههههه
    ياد افهم ... هبسطهالك
    انا كنت موقفهالك علي حته بيس
    دي وقعت وده مسك الموبايل
    والاحداث مكنش حد هيقدر يخمن اي اي حاجه

    تقوم انت المفروض بعدها تنزل الستار
    يا سلاااام
    الناس هتسب لك التيـــت علي طول
    بس كنت هتبقي الذ رخم قابلته ساعتها
    والنبي فكره

    بس انت كاره كل الشخصيات اللي معاك
    وبتسخر منهم كلهم
    واضح جدا عليك
    وعلي رايك
    بقي حد يكون فاتحلك حصاله وانت متحطش فيها اللي فيه النصيب واهو كله بثوابه
    ولا انت كنت بتقولها ازاي؟؟؟
    !! a7mad sala7 !! said...
    ههههههههههههههههههههههههههههههههههههههههههههههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههههههههههههههههههههههههههههههههههه
    !! a7mad sala7 !! said...
    بردو كل اللى انت بتقوله ده
    مجاش وقته لسه

    اصبر بس
    morgana said...
    والنبي مجدي شكله طيب وميستاهلش كل ده
    !! a7mad sala7 !! said...
    :(

    للاسف

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds