جملة للتاريخ ليس اكثر
المهم
صليت كام ركعة من التراويح النهارده .. هيى .. بقولك انت :D
طيب صليت كام تراويح لحد النهارده
قريت كام جزء من القران لحد النهارده
تعرف ان مش دى القضية
امال ايه القضية يا عم احمد ..
القضية فى مدى صحة العمل اللى بتعمله
يعنى كام واحد بيقرا قران فى رمضان ؟؟
وفى غير رمضان ؟؟
كتييييير اوى .. ما شاء الله
مع ان نسبتهم بالنسبة للكل ضعيفة جدا
بس ما علينا
لكن كام واحد منهم بيقرا ويتدبر ويفهم
يفهم ولو شيئ من اللى بيقراه ؟؟
طب يحاول بس
طبعا اقل بكتيييير
كام واحد بيصلى التراويح
والتهجد كمان .. ويقوم الليل لوحده ويصلى الفجر
بردو كتير
لكن كام واحد بيصلى وهو فعلا بين يدي الله
بردو اقل
تعالى على مشهد كده:
واحد بيصلى فى اوضة فى بيتهم .. مثلا
ودا رايح ودا جاى
واخوه الصغير بيلعب ادامه
ومعرفش مين عمال يتكلم برا
والتليفزيون شغال وصوته عالى
و و و
واللى بيصلى ده
اللـــــــــه اكبر
عشان يوطو صوت التليفزيون
ويبص للواد الصغير جاامد
عشان ميعديش من ادامه
ويبص للى معدى كده واللى معدى كده
ورامى ودنه ومركز مع اللى بيتكلم برا
مشهد تانى واحدة واقفة تصلى:
وعمالة تفكر هطبخ ايه النهارده
والراجل جاى امتى النهارده
والغسالة مشغلاها من الساعة كام
وهروح اطلع كيس اللحمة من التلاجة يفك
ولا انزل الواد يشتري فرخة
تعالى مشهد تانى خالص:
اللى فى الجامع بيصلى التراويح
الله يباركله ويزيده
كل ركعة يبص فى الساعة
ولو الامام طول شوية يبقي عايز يحدفه بالكوباية بتاعة الميه
ويبص لعيل صغير عمال يجري فى الجامع
بين كل ركعتين يفضل قاعد ع الارض ولا فى اخر الجامع
لحد ميقرب الامام يركع الركعة اللى بعدها يقوم جارى واقف فى الصف
المشهد الاصعب بقي:
انك تبقي عند واحد تعرفه
ويبقي مواظب ع الصلا .. ما شاء الله
تساله بتصلى من امتى يقولك الحمد لله بصلى من وانا ااااااد كده
تبص تلاقيه بيسجد ويقوم فى ثانية
يركع ويقوم فى ثانية
بيعمل اكروبات فى الصلا
بجد والله بزعل اوى
لما يكون حد مواظب ع الصلا بالذات
وبيصلى بالطريقة دى
محدش يقولى يا عم احسن من اللى مبيصليش خالص
اللى مبيصليش دا ميستحقش تتكلم عنه اصلا
طالما صليت يبقي تصلى صح
طالما نويت تصلى وقومت واتوضيت
يبقي صلى صح
ناس كتير اوى بتعيش حياتها كلها تصلى كده وهما فاكرين ان كده تمام
اخطر حاجة والله
طب اللى مبيصليش عارف انه مبيصليش .. وعارف مصيره
لكن اللى عايش طول حياته موهوم انه بيعمل اللى عليه
هى العبرة فى الصلا ايه
الصلا هى الصلة بين العبد وربنا
الاساس فى الصلا هو الخشوع
تفتكر امتى اخر مرة دمعت من ايه قران سمعتها
امتى اخر مرة جسمك اقشعر من كلمة من كلما ربنا
وعلى جانب تانى
امتى اتأثرت بموقف شوفته فى فيلم ودمعت منه ..
بجد شيئ مخزى
روي عن النبي ( صلي الله عليه وآله وسلم ) مسندا :«إن العبد ليصلي الصلاة لا يكتب له سدسها ولا عشرها، وإنما يكتب للعبد من صلاته ما عقل منها»
وربنا سبحانه وتعالى بيقول {وإنها لكبيرة إلا على الخاشعين} صدق الله العظيم
الموضوع مش صعب
كل ما فى الامر انك تستعد بكل جوارحك للصلا
وتستحضر عظمة ربنا .. وتحس بكلمة الله اكبر
لو حسيت فعلا انه اكبر واهم من اى حاجة تانية
هتركز فى الصلا
لو حسيت وانت راكع ان الركوع دا محدش يستاهله منك الا ربنا
هتركز فى الركوع
لو حسيت وانت ساجد ان مفيش حد يستاهل انك تحط وشك على الارض ليه الا ربنا
هتركز فى السجود
دا حتى ربنا بيقولك اقرب ما يكون العبد من ربه وهو ساجد
يعنى فرصه
اسجد وادعى ولح على ربنا
والله لو كلنا نحس بالقيمة دى
محدش هيفقد خشوعه فى الصلا
وبالنسبة للناس اللى بتقرا قران:
تلاقي واحد طول ما هو بيقرا عمال يعد الصفحات
ويبص الجزء دا هيخلص امتى
والحزب دا لحد فين
شوية ويقيس قرا اد ايه بالنسبة للمصحف
واحد تانى قاعد يقرا فى وسط ناس
وكل ما يقولو حاجة ودنه معاهم
يقوم ناطط فى الكلام ورادد
يقرا كلمتين ويتحشر فى الكلام
محدش يقولى يا عم احسن من اللى مبيقراش
اللى مبيقراش دا حر فى نفسه
لكن طالما قريت يبقي تستفيد من اللى بتعمله
حرام لما تكون بتعمل حاجة لله
بتعملها عشان تاخد منها ثواب وتكون بتعملها غلط
حرام عليك نفسك
الحكمة من قراية القران انك تعرف انت بتقرا ايه
محدش قالك اقرا وفسر
بس على الاقل تدبر الكلام
حاول تفهم انت بتقرا ايه
دانت لو بتقرا جرنان بتبقي مركز عشان تفهم
عشان ع الاقل متبقاش بتقرا ع الفاضي
فما بالك وانت بتقرا كتاب ربنا
فى ناس بتقرا بالمرتين والتلاتة
ما شاء الله عليهم .. ربنا يزيدهم
بس هل بيستفيدو حاجة من اللى بيقروه
ولا هو العدد فى اللمون !!
بس بزعل اوى على الناس اللى بتقرا .. والاسم انهم بيقرو
ولكن زيهم زي اللى مبيقراش
طبعا مش انا اللى هحكم عليهم
الثواب فى الحاجات دى درجات
يعنى الصلا مثلا
فيها ثواب تأدية الفريضة
وفيها ثواب اكتر من كده اللى احنا المفروض نستفيد بيه
وبردو فى صلا متاخدش منها اى ثواب
الحكم فى كده لله وحده
لكن انا دايما بقول
لو بتعمل حاجة غلط
حاول على الاقل تقلل منها الاول
يعنى خلى عقابها قاصر على ارتكابك انت ليها
متشيلش ذنب ناس تانية نقلتلهم الغلط
وبردوبالمثل لما تعمل حاجة صح
يبقي اعملها صح تماما
طالما تعبت نفسك وعملتها
يبقي حاول تنال ثوابها كامل
عشان تبقي عملت حاجة مفيدة فعلا تفرح بيها يوم القيامة
ربنا يهدينا .. ويهدى بينا .. ويجعلنا سبب لمن يهتدى
كل سنة وانتو طيبين :)
28 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
جزاك الله كل خير (:
وربنا يتقبل مننا يااااااااارب ):
ربنا يرزقنا الخشوع فى الصلاه
وكل سنه وانت طيب :)
ربنا يهدينا .. ويهدى بينا .. ويجعلنا سبب لمن يهتدى
//
اللهم آمين يارب
جزاك الله خيرا
أحسنت قولا ياباشمهندس
وربنا يتقبل ان شاء الله
جزانا واياكم :)
وانت بالصحة والسلامة
ربنا يخليكى
كل سنة وانتى طيبة :)
اللهم استجب
نورتى يا باشمهندسة عمتو ;)
البوست من أجمل ما كتبته
أجدت فى عرض ما يحدث الآن و فى كل وقت
فمن منا يصلى بخشوع
حتى فى المساجد تجد هذا يلتفت حوله و هذا ينشغل بكذا و كذا حتى صارت الصلاه عاده و ليست عباده
أحياناً ألاحظ تنافس بين البعض على الكميه اللى قرؤها و ليست الكميه التى تدبروها
\\
طب اللى مبيصليش عارف انه مبيصليش .. وعارف مصيره
لكن اللى عايش طول حياته موهوم انه بيعمل اللى عليه
\\
حقيقة الجمله المفروض تزلزلنا و تفوقنا من الغفله
\\
تفتكر امتى اخر مرة دمعت من ايه قران سمعتها
امتى اخر مرة جسمك اقشعر من كلمة من كلما ربنا
\\
أنا زمان كنت سمعت د\حازم شومان بيقول فى ناس بيبكوا أول ما يقولوا دعاء استفتاح الصلاه و ناس بتبكى و هى بتقول الفاتحه
و أنا صراحة كنت بستغرب أنا ممكن أبكى من آيات العذاب بس ما بكيتش من دعاء الاستفتاح قبل كده
لما تدبرت الدعاء و خشعت فيه فهمت هو ليه قال كده
السلف كانوا لما ييخلصوا وضوء (يعنى لسه أصلا ما بدأوش صلاه) كانوا بيرتجفوا من الخشوع لربنا و يتغير شكلهم تماما و يقشعروا ... و احنا؟! رحمنا الله
طولت أنا قووووووووووى
بس أنا بحاول أكتب رد من امبارح و النت بيفصل
وعليكم السلام
تعرفى فى ناس كمان بتبكى من ايات التشريع العادية
واحد كان بيحكى
بيقول واحد كان قاعد يقرا قران وبيبكي اوى
واحد صاحبه لقاه بيقرا ايه
" للذكر مثل حظ الانثيين"
بس هو بيبقي ناس وصلت لمرحلة من التقي والقرب من ربنا
بيتأثرو باى كلمة من كلامه
بالنسبة للوضوء
كنت سمعت ان وانت بتتوضي
لو اسبغت الوضوء
مع المضمضة بتطرد الذنوب اللى اكتسبتها بلسانك
وانت بتغسل ايدك بتطرد الذنوب اللى عملتها بايدك
وهكذا..
بس عشان نوصل للمرحلة دى محتاجين اجتهاد كبير اوى
ردى براحتك يا ستي
انا سامع
نورتى :)
\\
تعرفى فى ناس كمان بتبكى من ايات التشريع العادية
\\
الواحد بيغبط الناس دول
\\
بالنسبة للوضوء
كنت سمعت ان وانت بتتوضي
لو اسبغت الوضوء
\\
اه و أنا كمان
\\
بس عشان نوصل للمرحلة دى محتاجين اجتهاد كبير اوى
\\
ان شاء الله
أعاننا الله على طاعته
دعواتك :)
الموضوع هام - ولذلك استكمال لما قلته سوف ارسل لك رساله بالصور تعليم الصلاة و الخطوات االصحيحة كما كان يصليها سيدنا محمد عليه الصلاة والسلام
ارجو نشرهااذا استطعت حتى تعم الفائدة
ان شاء الله
شكرا على الاهتمام :)
طريقة ممتازة
يا ريت نعمل بيها والله
ربنا يزيدك ويهدينا يا رب :)
اللهم اعنا على حسن الصيام والقيام وقراءة القرءان
عجبنى اوى طريقتك فى الكلام والتواصل
وربنا يتقبل ان شاء الله
جزاك الله خير
ربنا يرزقنا الخشوع فى الصلاه
حبيت إنى أشارك بحاجه
درس لد\حازم شومان بعنوان صلى بقلبك
http://www.way2allah.com/modules.php?name=Khotab&op=Detailes&khid=5431
و ده كتاب للشيخ الألبانى
http://saaid.net/book/open.php?cat=87&book=4528
سمعت قبل كده د\حازم بيقول
بقى انت بركعتين تقدر تخلى معجزات تحصل و لا تقدر تنسى الدنيا
ركعتين جريج العابد صلاهم لربنا انطق بسببهم الغلام فى المهد و قال أنا ابن راعى الغنم
عروه بن الزبير لما كانوا هيبتروا رجله قالهم إن كنتم لا بد فاعلين فافعلوا ذلك وأنا في الصلاة فإن لا أحس بذلك ولا أشعر به
احنا فييييييييين من كل دول؟؟؟
هدانا الله و إياكم
جزاانا واياكم
اللهم تقبل :)
شكرا للمداخلة اختنا الفاضلة :D
اوافقك الراى
امين يا رب
منور فى اول زيارة :)
تمام
ربنا يجازيكي خير على الاضافة
والافادة كمان
ربنا يزيدك وايانا :)
أعتذر على كثرة تدخلى و لكن أريدك أن تقرأ هذا الموضوع
http://www.forsanelhaq.com/showthread.php?t=171453
استودعكم الله
لا اتدخلى براحتك
طالما في نفع :d
هنشوفه حاضر
كل سنة وانتى طيبة :)
موضوع جميل
جزاك الله خيرا وجعلها ف ميزان حسناتك
:)