:(











دا بيبكى وهو مفارق
ودا فارق ومهوش فارق...

يا ترى بقي
فى الصورة دى
من فيهم وفا بوعده
ومخانش الاتفاق
واتبقي فى مطرحه!!؟؟
----------------
----------------
طريق مفتوح وباب
وصوت طالع بخوف
بيعلق الاسباب
على شماعة الظروف...

//للاسف كل الناس بقت تخاف من مواجه نفسها//

فعلا
كل واحد عايز شماعة ظروف يعلق عليها مشاكله
(اقتباس من الموضوع قبل اللى فات)

17 Comments:

  1. Boba said...
    يااااااااااااااااااه
    اد ايه انا بحب الاغنية دي
    والى لو كلتها لحد حتة
    "معقولة في حد مات تقدر تجرحه"

    سلمت يداك يا فتى

    بسي لو ع الفراق فهو امر بيتم بين شخصين فيما فوق

    والمجموعة دي عشان نقول حصل بينها فراق

    يبقى اكيد كانت بتجمعهم حاجات

    وبالفراق الحاجات دي ما باقتش موجودة

    و صدقني محش بينقص من حياته حاجة وبتبقى مش فارقة معاه

    بسي احيانا المواقف بترفض عليك حاجات و الظروف والحياة

    بتفرض عليك حاجات

    فـ ساعتها سيان فارق معاك او لا لازم تفارق

    تحياتي ليك يا جميل
    :)
    ShiMOo said...
    اممممم تقريبا كده والله اعلم
    هو اللي باقي عليها وهي اللي مش فارق معاها
    حتى شكلها بتسحب ايدها وهو مش عايز يسبها

    والله اعلم يعني
    اممممممم اصل النور مطفي وانا مش شايفه كويس D:


    المهم سيبنا من الصورة
    انا مع هبه في حتة انهم كان بينهم حاجات
    ومبقتش موجوده
    بس ساعات الحاجات دي بتبقى لسه جواهم
    وبرده بيتفارقوا ... ليه بقى ؟؟
    وجع قلب ,, عناد ,, ظروف ,, ملل ,, الخ يعني


    بس الاهم ان الفراق يبقى قرار مشترك بينهم هما الاتنين
    يعني محدش فيهم ليه الحق
    انه ياخد القرار ده لوحده من غير التاني


    //للاسف كل الناس بقت تخاف من مواجه نفسها//

    ده صحيح
    مع ان المشكله جواه ممكن تكون بسيطه
    لكن متفهمش ليه بيخافوا بقى !!
    عارف ليه ؟
    لان عيون الناس اتعودت انها تشوف عيوب اللي حواليها
    قبل ما تشوف عيوبها
    فتلاقي الناس كلها فاكره ان هي بس اللي صح
    والباقي مبيفهمش D:
    او حتى لو كانت شايفه ان في ناس غيرها صح
    تلاقيها متأكده ان هي برده الاصح


    NiCe PoSt :)
    eslam saad said...
    انا متهيالى فعلا هو اللى وافى بوعده وهى اللى خانت الاتفاق
    بس الحالة دى غالبا هى الاقل يعنى العكس هو اللى دايما بيحصل
    بس للاسف طبعا النتيجة واحدة فى الاخر
    فراق ... بعد .... واحيانا كمان شوق ;) ;)
    بالنسبة لموضوع ان الناس بقت تخاف من مواجهة نفسها ده بقى كتير جدا يمكن عشان بقى كلنا جوانا عيوب وفى حاجات كتير مش قادرين نصلحها !!
    يمكن برده من كتر الضغوط والمشاكل اللى بيمر بيها الواحد بيبقى مش عايز حتى يفكر فى اخطائه ... يعنى اسباب الموضوع ده كتــــــــــيرة جدا

    //لان عيون الناس اتعودت انها تشوف عيوب اللي حواليها
    قبل ما تشوف عيوبها
    فتلاقي الناس كلها فاكره ان هي بس اللي صح
    والباقي مبيفهمش D:
    //
    دى مشكلة لكن الاكبر بقى ان فى ناس بتعرفعيوبها كويس اوى وعارفة ايه الصح اللى المفروض يتعمل لكن للأسف بتخاف تعمل كده بحجج فى اعتقداى انا تافهة يعنى مثلا واحدة تقولك ايه اصل انا خوفت اقوله على كذا يبعد عنى .. ياااااااااااااه طيب ما هو لو عرف كذا ده لوحده هيرميكى مش هيبعد عنك بس

    يعنى الافضل انك تعترف باخطائك وتواجه بها نفسك وكل اللى حواليك

    ربنا يوفق ;) :)
    Boba said...
    تاني عايزة اقولك الاغنية جمييييييييييلة

    يخرم بيت زوقك :)

    اسلام عارف انت بالحتة الاخيرة دي
    مش عارفة ليه حسيت ان الليلة اتقلبت
    بسي في قلبي كلمتين لازم يتقالوا

    قبل ما تعتب عليها انها مش قالتلوا وخافت على زعله
    (خد بالك بقول على زعله مش منه لانه في النهاية مش باديه يعملها حاجة)

    اعتب عليه انه معرفش يحتويها

    كان لازم يعرف ازاي يخليها تجري عشانت تحكي له
    مش تخاف تقوله
    عشان عارفة انه مش هيفهمها
    :(
    a7mad sala7 said...
    ShiMOo

    //هو اللي باقي عليها وهي اللي مش فارق معاها
    حتى شكلها بتسحب ايدها وهو مش عايز يسبها//

    بالظبط كده
    بس بردو الشيئ ان زاد عن حده
    اتقلب ضده
    مش معقول حد يفضل متمسك بحد بالطريقة دى
    والتانى عايز يبعده لمجرد شماعة ظروف
    واكيد مهما هو اتمسك لازم مسيرهم هيتفكو
    ايد واحدة متسقفش

    //فتلاقي الناس كلها فاكره ان هي بس اللي صح
    والباقي مبيفهمش D:
    او حتى لو كانت شايفه ان في ناس غيرها صح
    تلاقيها متأكده ان هي برده الاصح//

    او فى حاجة كمان
    يكون هو صح وغيره صح
    بس غيره دا تفكيرة متخلف ورجعى
    وبنقبله لمجرد الاختلاف فى الرأى هأ لا يفسد للوز قضية
    a7mad sala7 said...
    eslam saad

    //فراق ... بعد .... واحيانا كمان شوق ;) ;)//

    هههههههههههههه
    :))

    فراق..بعد..>>واحشنى والله
    وكل سنة وانت طيب

    //ربنا يوفق ;) :)//

    واياكم يا باشا ;)
    eslam saad said...
    بصى يا بوبا
    ساعات كتير للأسف مبيكونش يعرف مثلا ان فى حاجة مستخبية عليه .. هيعملها ايه يعنى
    برده ساعات بيعرف بس مش بيخطر فى باله ان الحاجة دى تكون كبيرة كده يمكن عشان كده مش بيهتم
    التالتة بقى وانا شايف انها اخطرهم
    ممكن يخليها تجرى عليه وتقوله على كل حاجة بس لما يعرف حتى منها ايه اللى ممكن يحصل ؟؟؟

    طيب ما هو ممكن برده يكون الموضوع كبـــــــــــير ومينفعش يتنسى او يتسامح فيه
    ولا انتى شايفة ايه ؟؟
    وبعدين متقوليليش هيسامحها او هتسامحه عشان بيحبها ... ياريت بينفع فى كل مرة

    عارفة بقى حل الليلة اللى بنحكى فيها من الصبح دى ايه ؟؟

    "الصدق" لأن كل المشاكل دى اصلا ناتجة عن كذب سواء بقصد ... من غير قصد ... او حتى بخوف انه يضيع منها او تضيع منه

    وبرده ربنا يوفق :):)
    Boba said...
    اسللام يا جميل
    سامحني مش هعرف ارد عليك
    عشان بجد مش عارفة اتكلم:(

    سي اقولك حاجة صدقني اعتقد انه مهما حصل يكفيك انك تسمع منها مش من حد تاني
    ده يخليك تغرف اي حاجة
    لان ده في حد ذاته اعتراف منها بغلطها

    المهم انك تعرف تحتويها
    وفي الاخر احنا بنفكر مع بعض مش بنربي بعض

    سامحني مش هعرف ارد تاني دوقتي


    ونأسف يا ابو احميد ع الازعاج

    بسي البوج بلوجنا بردك
    من غير ما تقول
    :)
    a7mad sala7 said...
    eslam saad

    عارف يا اسلام
    المشكلة مش فى ان مين اللى يعترف لمين بغلطه
    او حتى توقيت الاعتراف

    المشكلة ان لما حد فيهم ينصح التانى
    وهو قلبه عليه وعايز مصلحته
    والتانى يعتقد ان هو عايز يفرض رايه عليه ويمشيه على مزاجه

    مش عيب ان حد يغلط
    بس العيب انه يصر ع الغلط

    واجب انك تحتوى اللى بتحبه
    وتحاول تسمعله وتشوف هو ناقصه ايه
    وتحاول تحل معاه
    بس مش معنى انك تحتويه
    انك توافق على تفكيره وتسايره
    وتبقى مجرد واحد بيطبطب عشان يبقي كويس

    ومش معقول تفضل فارض نفسك على حد
    هو مش عايزك معاه
    حتى لو خايف عليك
    بداعى انك عايز تحتويه

    الحياه هات وخد
    ShiMOo said...
    \\وبعدين متقوليليش هيسامحها او هتسامحه عشان بيحبها ... ياريت بينفع فى كل مرة\\


    بوبا مقالتهاش
    بس انا بقولها اهه D:

    الحاجه الوحيده من وجة نظري
    اللي صعب اوووووي تسامح فيها
    هي جرح كرامتك او خيانتك
    مع ان في ناس هبله بتسامح فيها برده
    بس انا مقصدش الهبل اللي هو السذاجة
    امممممممم ممكن يكون طيبة زياده
    او حب زياده او خوف من البعد
    خد بالك كمان اني قلت "صعب تسامح"
    بس شور مش مستحيل
    اصل في ناس من حبها ممكن تدي تدي ومتاخدش
    وتفضل مستحمله برده
    وتسامح على اي غلطة أيا كانت
    بس السؤال بقى الناس دي صح فعلا ولا لأ ؟؟
    وانا معاك برده ان ساعات بييجي الوقت
    اللي مبقاش ينفع تسامح فيه
    بس ياترى مبقاش ينفع تسامح فيه ليه ؟؟
    امممممممممممممم انا قلتها قبل كده
    الحب زي الكباية D:
    مع كل غلطة او مشكلة بتقع وتتشرخ
    لحد ما بييجي الوقت
    اللي حتى لو انت باقي عليها فيه
    غصب عنك مبقاش ينفع تستخدمها


    ملخص الكلام الكتير اللي انا قولته ده بقى ايه ؟؟

    ان الناس انواع

    في اللي بيسامح وبيدي ومش بياخد وبيستحمل
    وفي اللي من اول مشكله تلاقيه بينسحب
    وفي اللي بيسامح في حاجات وحاجات لأ
    وفي اللي معندوش استعداد يسامح اصلا
    وفي اللي عايز يسامح ومش قادر
    وفي وفي وفي وفي ...............
    ShiMOo said...
    \\ومش معقول تفضل فارض نفسك على حد
    هو مش عايزك معاه
    حتى لو خايف عليك
    بداعى انك عايز تحتويه

    الحياه هات وخد\\


    عجبوني اووووووووي الكلمتين دول بجد

    ساعات حبنا بيخلينا نفرض وصايتنا ع اللي بنحبه
    أيا كانت مشاعره من ناحيتنا ايه
    ودي قمة الانانية طبعااااااااا
    الحب هو انك تحب حد تاخد منه ويديلك
    تخاف عليه ويخاف عليك
    يحتويك وتحتويه
    يسامحك وتسامحه
    يفهمك وتفهمه
    يحسك وتحسه
    ...................
    امممممممممممم ده انا كده هطول
    كفاية كده بقى D:
    a7mad sala7 said...
    ShiMOo

    //الحب زي الكباية D:
    مع كل غلطة او مشكلة بتقع وتتشرخ
    لحد ما بييجي الوقت
    اللي حتى لو انت باقي عليها فيه
    غصب عنك مبقاش ينفع تستخدمها//

    ههههههههههه
    حلو التشبيه ده

    //امممممممممممم ده انا كده هطول
    كفاية كده بقى D://

    يا سلام يا دكتور قول كمان
    بلوجى بقي انا والنجوم وهواك :D

    لا بجد بلوجى مفهوش كفاية
    الرد هنا ببلاش
    مش زى ناس ;)

    نورتى يا دكتور
    ShiMOo said...
    انا فعلا بعد ما دخلت حاسبات
    ندمت جداااااا اني مدخلتش طب D:
    هههههههههههههه


    كويس انك فكرتي بأسامة
    بقالي كتيــــــــــر اوي مسمعتوش :(
    a7mad sala7 said...
    ShiMOo

    الطب فكرة كويسة بردو :D


    بس اسامة مبقاش بيقول جديد
    حاسس ان الكلام بقي بيكرر نفسه

    ناس كتير بقت اسامة منير دلوقتى :)
    ShiMOo said...
    //بس اسامة مبقاش بيقول جديد
    حاسس ان الكلام بقي بيكرر نفسه

    ناس كتير بقت اسامة منير دلوقتى :)//


    الكلام بيكرر نفسه لان مشاكل الحب هي هي
    بيحب واحدة ومش عارف يقولها ازاي
    بتحب واحد ومش حاسس بيها
    خطيبها بيغير عليها بغباء
    بيشك فيها زيادة عن اللزوم
    و عد بقى عليهم بقى
    مش فاهمني
    مش حاسس بيا
    مش لقياه جنبي
    و و و و و و و ........


    يقطع نفسه يعني !!! )-X
    ShiMOo said...
    معلش غلست عليك انهارده كتير :(

    الاغنية تحفـــــــــــــــــــــــة
    a7mad sala7 said...
    ShiMOo

    //و و و و و و و ........//

    دانتى متابع جيد بقي :D


    //الاغنية تحفـــــــــــــــــــــــة//

    يااااه
    اخيرا حد خد باله :D

    ومفيش غلاسة ولا حاجة
    زى ما قلت
    كل ردين هنا عليهم رد هدية كمان :D
    كفاية نورك يعنى :)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds