سلامو عليكو
كل صدمة وانتو طيبين
يمكن اسعد صدمة بقابلها اليومين دول هى صدمة الاهلى فى نفسه :D
بقاله 4 ماتشات مش عارف يكسب يا عيني
ونزيف النقاط مستمر
والناس مش مصدقة نفسها
يا ترى هترسي علي ايه!!
على جانب اخر بقي
مش عارف هفضل لحد امتى اسامح
واعدى واعمل نفسي مش واخد بالى
لحد امتى لازم اخبي ناحية من قلبي وابص للناحية اللى بتقولى انت محقوق
لحد امتى هتفضل الناس متقدرش بعضها
يعنى انا كنت بقول كتير ان كل واحد ليه طاقة
بس مين فينا سوبر مان
ولا مين فينا طاقته infinity
مهو لازم الانسان يتأثر
ولازم الانسان يتعب وتيجي عليه فترة ميقدرش يقاوم
لازم الانسان يحصله overflow
:D
وبجد كل يوم الواحد بياخد صدمة جديدة
والله لو بعمل البوم اجمع فيه الصدمات
كنت عملت مكتبة :D
وعلى الرغم من كده بردو بهزر وبضحك
ومبشكيش همى لحد وببان ادام الناس الايزي الفريش اللى عايش الدنيا بالطول وبالعرض
وضارب الدنيا مية شوز
مهو لو معملتش كده هطق وهموت
وارحل غير مأسوف عليا :)
بجد نفسي اعيش فترة كده من عمرى اقول دى مفهاش مشاكل
نفسي الاقى معاملة من الناس زى اللى بعاملهم بيها بس
مش عايز اكتر من كده
لكن متبقاش ملهوف ع الناس وخايف عليهم
وبتحاول تعمل اى حاجة عشان تسعدهم
واوقات كتير تدوس على نفسك عشان تبقي فى نظرهم الانسان اللى هما محتاجينه
وفى الاخر تلاقي رد فعل غير اللى انت مستنيه خالص
يمكن فى موضوع الاسئلة اللى كنت عامله ده
كنت اتسئلت ايه الحاجة اللى نفسك تتخلص منها
وانا قلت انى ماستناش حاجة من حد انا بديهاله
نفسي اعيش حياتى one way
بس بردو مين فينا نبي ولا ملاك
يفضل يدي يدي وميستناش مقابل
كلنا انسان :)
بجد محتاج اعمل لنفسي reset
ارجع نفسي لل default
اشوف ايه اللى ممكن ينفعنى وايه اللى ممكن يتعبني
واعيش حياتى من اول وجديد
واى حد محتاج يعمل كده
بس للاسف زى ما بيقولو ان العشرة متهونش الا ع التيت :)
ربنا يتولانا برحمته
كل صدمة وانتو طيبين
يمكن اسعد صدمة بقابلها اليومين دول هى صدمة الاهلى فى نفسه :D
بقاله 4 ماتشات مش عارف يكسب يا عيني
ونزيف النقاط مستمر
والناس مش مصدقة نفسها
يا ترى هترسي علي ايه!!
على جانب اخر بقي
مش عارف هفضل لحد امتى اسامح
واعدى واعمل نفسي مش واخد بالى
لحد امتى لازم اخبي ناحية من قلبي وابص للناحية اللى بتقولى انت محقوق
لحد امتى هتفضل الناس متقدرش بعضها
يعنى انا كنت بقول كتير ان كل واحد ليه طاقة
بس مين فينا سوبر مان
ولا مين فينا طاقته infinity
مهو لازم الانسان يتأثر
ولازم الانسان يتعب وتيجي عليه فترة ميقدرش يقاوم
لازم الانسان يحصله overflow
:D
وبجد كل يوم الواحد بياخد صدمة جديدة
والله لو بعمل البوم اجمع فيه الصدمات
كنت عملت مكتبة :D
وعلى الرغم من كده بردو بهزر وبضحك
ومبشكيش همى لحد وببان ادام الناس الايزي الفريش اللى عايش الدنيا بالطول وبالعرض
وضارب الدنيا مية شوز
مهو لو معملتش كده هطق وهموت
وارحل غير مأسوف عليا :)
بجد نفسي اعيش فترة كده من عمرى اقول دى مفهاش مشاكل
نفسي الاقى معاملة من الناس زى اللى بعاملهم بيها بس
مش عايز اكتر من كده
لكن متبقاش ملهوف ع الناس وخايف عليهم
وبتحاول تعمل اى حاجة عشان تسعدهم
واوقات كتير تدوس على نفسك عشان تبقي فى نظرهم الانسان اللى هما محتاجينه
وفى الاخر تلاقي رد فعل غير اللى انت مستنيه خالص
يمكن فى موضوع الاسئلة اللى كنت عامله ده
كنت اتسئلت ايه الحاجة اللى نفسك تتخلص منها
وانا قلت انى ماستناش حاجة من حد انا بديهاله
نفسي اعيش حياتى one way
بس بردو مين فينا نبي ولا ملاك
يفضل يدي يدي وميستناش مقابل
كلنا انسان :)
بجد محتاج اعمل لنفسي reset
ارجع نفسي لل default
اشوف ايه اللى ممكن ينفعنى وايه اللى ممكن يتعبني
واعيش حياتى من اول وجديد
واى حد محتاج يعمل كده
بس للاسف زى ما بيقولو ان العشرة متهونش الا ع التيت :)
ربنا يتولانا برحمته
الى ان نلتقي مع صدمة جديدة
ابقو معنا :)
ابقو معنا :)
فى احدى الليالى الهادئة
كنت مستلقيا افكر فى يومى المنقضى واحاسب نفسى حسابا يسيرا على ما جرى منها فى اليوم المنقضى كما تعودت
واذا بلحظات من السرحان تسيطر على كل تفكيرى وتاخذنى الى بعيد بعيد بعيدا عن اعين واذان الناس جميعا
حيث البيئة النقية التى لاتعرف الغش والكدب والخداع وغيرها من الصفات الادمية التى تنتشر بسرعة الصاروخ وتسيطر على عقول البشر وتصرفاتهم
واذا انا بطفل صغير يلعب مع اصدقاءه الذين وصفوا بالوسامة والبراءة المعهودة من الاطفال ذات سن الرابعة اوالخامسة تقريبا
وفى لحظات سعادة واستمتاع تهب عليهم ريح خفيفة لايعرفون مصدرها ولا يريدون ان يعرفو
واذا بالجو الجميل الذى كان يسيطر على ارجاء المكان يتحول لجو من الزعر والخوف واذا بالشمس المشرقة التى كانت تسطع فى سماء الحى الشعبى البسيط تغيب رويدا رويدا وتبدا علامات الغمام تهب على الحاضرين جميعا
واذا بفرحة الاطفال الصغار التى كانت تسيطر على روحهم الطاهرة تتحول للحظات من الرعب والقلق والتجهم
وبدلا من ملامح السعادة بدات تتحول لملامح من الاستغراب والاسى
وبدلا من التحرك فى كل مكان للعب والاستمتاع بدا كل منهم يعدو باحثا عن مكان يحتمى فيه من هذه الظواهر الغريبة التى لم يعهدوها من قبل
واذا بالمارة الذين كانو يهرولون فى الشوارع بحثا عن رزقهم واغراضهم يتجمهرون فى مكان واحد يتسائلون بعضهم البعض عن هذا المنظر العجيب الذى هم فيه
واذا باصوات من السماء تفزع كل رجل يافع وشيخ كبير وطفل صغير
واذا بالرعب يسيطر على كل شبر فى المكان
حتى الزهور المتفتحة التى كانت تزرع على احدى الجوانب تقف مستترة فى بعضها البعض
كل هذا وانا اقف فى احدى الجوانب التى كنت اعتقد انها فى مامن من هذا المنظر المرعب اتابع هذا وانظر لذاك واشاهد هؤلاء فى صمت وترقب
واذا بالوضع يزداد سوءا اذ ان الاصوات المفزعة تسكت وتبدا حالة من الصمت المريب
ويتضح ان هذا الصمت هو الهدوء الذى يسبق العاصفة
اذا بافواج من الجماهير الغفيرة تتدفق على المكان وكل سرب يقف فى تجمع منعزل عن الاخر وفيهم رجل تبدوعليه علامات التقى والصلاح وتشع من عينيه نظرات الهداية والطمانينة
وفى كل سرب رجل مثل هذا له نفس الصفات مع اختلاف الهيئة ويلتف حوله جمع من الناس ويبدو انهم يحتمون فيه او يستخلصوا منه لحظات من الطمانينه
ووسط كل هذا كل واحد منهم يقف فى حاله ولا ينظر لغيره ولايكلم احدا الاخر
وكنت اذكر ان هذه الجموع الغفيرة من الناس كل فرد منهم لا يشبه الاخر فكل ذات شكل خاص وطابع منفرد
وكنت الاحظ ان الوجوه التى تبدو عليها حالة من الطمانينه النسبية تتقدم الصفوف وتقف فى الامام
واذا بلحظة اتزكرها جيدا ولا تغيب عن بالى ابدا الا وهى نور شديد متوهج يصدر من السماء ويبدو انه متجه نحو هذا الجمع الغفير من الناس وكلما اقترب زاد التوهج وزاد الارتجاف الذى كنت اعانى منه
حتى ثبت هذا النور فوق هذا المكان الذى كنت احسبه اهدى مكان فى العالم قبل هذا الحدث
واذا بكل هذه الجموع الغفيرة تنظر للسماء وتملا قلوبها احاسيس من الخوف والترقب انتظارا للمصير المجهول
واذ برجل يتقدم من بين هؤلاء الجموع العريضة وتبدو عليه علامات التقى والصلاح
ويبدو انه قد حمل المسؤلية كثيرا عن هذه الجموع الكبيرة يتقدم الصفوف ويخترق الناس ويتجه للامام وكأنه سيكون المتحدث الرسمى لهؤلاء الناس
وكانه سيتجه لهذا النور الذى فى السماء لكى يحكى له عن حال هذا الجمهور الغفير المنتظر ماذا سوف يكون
واذ يقترب هذا الرجل كثيرا من المقدمة وتزداد اعداد المخلوقات الحائمة فى السماء والتى ترفرف باجنحتها وكانها تحمل عرش هذا النور القادم من السماء
وان جائت لحظة الحسم التى ينتظرها كل الحاضرين
فاذا انا افتح عيناى واستيقظ رويدا رويدا على احد الاصوات المحيطة التى عهدتها من قبل
اذ هو صوت امى توقظنى قائلة انه قد حان ميعاد صلاة الفجر
فانظر حولى قليلا وابدا فى الاستفاقة التدريجية حتى اتيقن انه قد كان حلما خفيفا وان لم يكن بمثابة الحلم بل كان بمثابة جرس الانذار الذى يدق فى اذنى
وليس اذنى وحدى
ولكن اذن كل مسلم ينطق لسانه بكلمة التوحيد
ويحذر
"اعمل لاخرتك قبل ان ياتى يوم لا يوقظك فيه احد الا على ساعة الحساب"
كان هذا تصور صغير او يوم مصغر مشابه ليوم القيامة كما اراه فى مفكرة طفل
وان لم يكن تصويرا دقيقا
ولكنه مشابه بعض الشيئ لمثل هذا اليوم الموعود
اليوم الذى لا ينفع فيه مال ولا سلطان
الا من جاء الله بقلب سليم
اللهم هب لنا القدرة على مواجهة هذا اليوم العظيم
ولا تجعل مصيبتنا فى ديننا
ولا تجعل الدنيا اكبر همنا
ولا مبلغ علمنا
برحمتك يا ارحم الراحمين
ولا تجعل مصيبتنا فى ديننا
ولا تجعل الدنيا اكبر همنا
ولا مبلغ علمنا
برحمتك يا ارحم الراحمين
بعيدا عن البوست اللى فات
لازم لما يحصل حدث فريد كده لازم يتسجل
النهارده الخميس
ال اي هيا اخويا وال ايه ياختى
قررت انى اروح الجامعة
طبعا هتقولى ايه الغريب فى كده
لا غريب
انا تقريبا من ساعة ما عرفت الجامعة دى مروحتش 5 او 6 خمايس على بعض
دا غير ان السبت اجازة اصلا
لا وايه رايح احضر سيكشن
يعنى انا اصحى بدرى وانزل من بيتنا عشان سيكشن
هو ايه اللى جرا فى الدنيا
الفرخة كلت بيضها :D
تقوم تشاء الاقدار ان النهارده مين عندنا فى اسماعلياااااااااا
السيد الرئيس
الزعيم والقائد والاسطورة
قالك بمناسبة عيد تحرير سينا
أو بمناسبة افتتاح وحدة سكنية جديدة فى مدينة المستقبل
فى روايتين
مش متأكد بصراحة ايهم الصح
ما علينا
ان السيد الرئيس محمد حسنى مبارك عندنا فى اسماعلية
وموجود فى استراحة الجلاء هنا
ايه بقي المشكلة فى كده
المشكلة يا سيدي ان معظم مداخل ومخارج المحافظة مقفولة
الحركة داخل البلد بحساب
الناس بقي اللى بتيجي من سفر دى كلها مش مهم مصيرها ايه
ولا الناس اللى وراها اشغالها دى تتحرك ازاى
طبعا الناس اللى جاية بالقطر نزلوهم فى السكة
ويكملو هما
ييجو ازاى بقي دى مش مشكلتهم
الناس اللى جاية مواصلات
كل 10 متر نقطة تفتيش
وبهدلة وقلة ادب
حتى جوا البلد طالعين من الجامعة مفيش تاكسي واحد موجود
واى حد يحاول يقف ادام الجامعة الامن يمشيه
ومش مهم الناس دى تروح بيوتها ازاى
صباح العطلة :L
هنا تتفرج على ايفيهات الشعب المصرى بقي
طلعت شبطت فى تاكسي بالعافية جه وقف فلتة كده
امن الجامعة شافه طبعا قاله محدش يقف هنا
الراجل قاله امال اقف فين يا عم
قاله اقف بعيد
انا رحت قايل للراجل طبعا اصل النهارده فى كذا كذا
الراجل السواق راح قايله يا عم ابعدو عننا بقي
يعنى حسنى مبارك هيأكلنى ويشربني
هههههههههههههههه
المهم ان اللى نتج عن كده
ان النهارده كل المعيدين اللى بييجو من سفر معرفوش ييجو طبعا
والسيكشن اللى كان عندى اتلغى :D
شفتو بقي
ادى لما فكرت انى اروح الجامعة عشان سيكشن
عشان لما ابقي اقولكو محدش يدي الدراسة اكتر من حقها تبقو تصدقونى :-p
نرجع لموضوعنا
يعنى عشان سيادته ييجي يحضر احتفال ولا افتتاح
يوقف المواصلات
ويعطل الدنيا
ويبهدل الناس
طب لما هو كده
ميعملوه اجازة طيب
ويبقي عيد يوم الريس
:D
لا وايه
اليفط واللافتات فى كل حتى
اهلا بالزعيم
اهلا بقائدنا ورئيسنا حبيبنا
وطبعا الامن مستتب
وكل على ما يرام
ومنضفين الشوارع الرئيسية
ومصنفرين الدنيا
فكرونى بفيلم جواز بقرار جمهورى :D
كدب فى كدب
وكله ضحك ع الدقون
وكل سنة وانتى طيبة يا سينا
مع انه مبقتش تفرق سينا من سونيا
اقعدو بالعافية
مدونيني مدوناتى
اهلا وسهلا بكم
نورتو بلوجنا المتواضع
انه فى تمام الساعة الخامسة الا الربع تقريبا
بعد الفجر كده
والجو صااافى والدنيا هدوء
حيث يصاب الجميع بالنوم :D
وانا قاعد رايق كده
بحب المود دا اوى
جاتلى فكرة كده
زى متقول ايه
كرسي الاعتراف
بس بطريقة تانية
كل حد هيخش يرد ع البوست ده
هيسيبلى اى 5 اسئلة يخطرو على باله
اى 5 اسئله نفسه يسالهملى
اللى عايز يزود يزود
واللى عايز يقلل براحته بردو
بس يعنى دا رينج كده
وانا باذن الله هرد على اى سؤال
من اى حد
ويا ريت ننقل الموضوع بعد ما يخلص عندى لحد تانى
ونخليها تلف علينا بقي
لو معندكوش مانع يعنى
يالا مستنى اسئلتكو :)
اهلا وسهلا بكم
نورتو بلوجنا المتواضع
انه فى تمام الساعة الخامسة الا الربع تقريبا
بعد الفجر كده
والجو صااافى والدنيا هدوء
حيث يصاب الجميع بالنوم :D
وانا قاعد رايق كده
بحب المود دا اوى
جاتلى فكرة كده
زى متقول ايه
كرسي الاعتراف
بس بطريقة تانية
كل حد هيخش يرد ع البوست ده
هيسيبلى اى 5 اسئلة يخطرو على باله
اى 5 اسئله نفسه يسالهملى
اللى عايز يزود يزود
واللى عايز يقلل براحته بردو
بس يعنى دا رينج كده
وانا باذن الله هرد على اى سؤال
من اى حد
ويا ريت ننقل الموضوع بعد ما يخلص عندى لحد تانى
ونخليها تلف علينا بقي
لو معندكوش مانع يعنى
حاجة صغيره كده:
يا ريت الاسئلة متبقاش بغرض الاحراج
ومتكونش لعب بالالفاظ
وبلاش تعقيد
اظن فاهمينى
ها ؟
;)
يا ريت الاسئلة متبقاش بغرض الاحراج
ومتكونش لعب بالالفاظ
وبلاش تعقيد
اظن فاهمينى
ها ؟
;)
يالا مستنى اسئلتكو :)
Iam waiting...
ههههههههههههههههههههه
بزوق الاتوبيس بأيد واحدة
مهو اتوبيس الجامعة بقي
اوديكي فين يا صحة :D
طبعا مش مقصودة كده خالص
بس اهى حاجة نطلع بيها من مود الكآبة ده
----------------
دا كان يوم مسابقة السباحة بتاعة الجامعةفى القرية الاولمبية اللى هنا
كنت رايح مع فريق الكلية
اكمن انا ضفدع بشري وكده
الواحد مبيحبش يتكلم عن نفسه خااااااااالص :D
ودا حمام السباحة بتاع القرية الاولمبية
القرية دى احسن مجمع رياضي فى مصر على فكرة
الواحد مبيحبش يتكلم عن محافظته خااالص :-p
يالا فوتكو بالعافية :)
دا بيبكى وهو مفارق
ودا فارق ومهوش فارق...
يا ترى بقي
فى الصورة دى
من فيهم وفا بوعده
ومخانش الاتفاق
واتبقي فى مطرحه!!؟؟
----------------
----------------
طريق مفتوح وباب----------------
وصوت طالع بخوف
بيعلق الاسباب
على شماعة الظروف...
//للاسف كل الناس بقت تخاف من مواجه نفسها//
فعلا
كل واحد عايز شماعة ظروف يعلق عليها مشاكله
(اقتباس من الموضوع قبل اللى فات)
(يا ابن ادم
لا تخف من ذي سلطان ما دام سلطاني موجود وسلطاني وملكي لا يزول
لا تخف من فوات الرزق ما دامت خزائني مملوءة لا تنفذ
خلقت الاشياء كلها من اجلك وخاقتك من اجلي
فسر في طاعتي يطعك كل شىء
لي عليك فريضة ولك علي رزق
فان لم تخالفني في فريضتي لم اخالفك في رزقك
وان رضيت بما قسمت لك ارحت قلبك
وان لم ترض بما قسمته لك فوعزتي وجلالي لاسلطن عليك الدنيا تركض فيها كركض الوحوش في البرية ولا ينالك منها الا ما قسمته لك وكنت عندي مذموما)
لا تخف من ذي سلطان ما دام سلطاني موجود وسلطاني وملكي لا يزول
لا تخف من فوات الرزق ما دامت خزائني مملوءة لا تنفذ
خلقت الاشياء كلها من اجلك وخاقتك من اجلي
فسر في طاعتي يطعك كل شىء
لي عليك فريضة ولك علي رزق
فان لم تخالفني في فريضتي لم اخالفك في رزقك
وان رضيت بما قسمت لك ارحت قلبك
وان لم ترض بما قسمته لك فوعزتي وجلالي لاسلطن عليك الدنيا تركض فيها كركض الوحوش في البرية ولا ينالك منها الا ما قسمته لك وكنت عندي مذموما)
خايف ليعرف قيمة اللى فى ايده لما يروح
من اولها بسانا لا حماقي ولا رامى صبري :D
انا واخد عناوين بس...ماشي؟
حاجات كتير فى حياتنا قيمتها كبيرة اوى
وبالرغم من كده مبنديهاش ادنى اهتمام
او حتى بنعملها تقدير قليل اوى
وبنعاملها على انها شيئ هامشي
بالرغم انك لا يمكن ان تتخيل ازاى تعيش من غيرها
او حتى ممكن تكون متقدرش تستغنى عنها
سواء كانت حاجات او اشخاص
بجد حاجة غريبة اوى
تعامل حاجات وناس بحرص شديد جدا
وتبقي خايف على فقدانهم او زعلهم مع انهم ممكن ميكونوش بنفس اهمية الحاجة اللى فى ايدك
ممكن لانك ممكن تكون حاطط فى مخك ان الحاجاة دى بتاعتك او ملكك ومهما حصل ممكن ترجعها وتضمها تانى لملكيتك بسهولة
او لانك عارف ومتاكد ان الشخص ده مش ممكن يزعل منك
ف انت مطمن لكده
وبكده ممكن تيجي عليه كتير ومتديلوش حقه
ونظرا ان كل انسان ليه طاقة
ممكن بعد ما يستنفذها ينفجر فى اللى حواليه
وتصدر منه تصرفات غير متوقعة بالمرة
وتتحول الجملة اللى فوق دى ل
وابتديت اعرف غلاوته لما راح...
طب ليه
مانت كان ممكن بقليل من الاهتمام تحافظ ع الحاجة اللى معاك
ومع ان الحاجة اللى فى ايدك هى اللى ابقالك
وهى اللى هتفضل معاك لانك انت فعلا محتاجها
واى حاجة تانية ممكن تكون منفعتها وقتيه
او الانسان اللى بتيجي عليه ده هو ادوملك
ليه مبنحسش بقيمة الحاجة الا لما تروح
يعنى لازم نتحرم من الحاجة عشان نعرف قيمتها
لازم يحصلك دروب معين فى حياتك عشان تفوق وتدى الحاجة قيمتها
مش عارف بصراحة
عمم بقي الفكرة على كل حاجة
نعم ربنا علينا مثلا
جرب كده او حتى تخيل
انك اتحرمت من نعمة بصرك لمدة يومين بس
او نعمة الحركة...المشي مثلا
وشوف حياتك هتبقي عاملة ازاى
وايه الاختلاف اللى هتلاقيه
شتان
مفيش وجه مقارنة طبعا
طب لما دى نعمة انت متقدرش تستغنى عنها
ليه متديش ربنا حقه وتشكره باستمرار على فضله عليك
ودا اقل واجب منك عشان ترد جزء من فضل ربنا عليك
ممكن تكون فى موقف انت ساخط عليه او مش عاجبك
فى حين انك لما تبص لغيرك ممكن يكون فى نفس موقفك
ممكن تلاقيه اقل منك بكتير وبيحمد ربنا على اللى هو فيه
مش عايز اخرج عن الموضوع
حاجات كتير اوى محتاجة تفسير
بس يظهر ان دى الطبيعة البشرية!!؟
اقعدوا بالعافية
:-*
:-*
وسترجع يوما يا ولدى
مهزوما
مكسور الوجدااان
وستعرف بعد رحيل العمر
بانك كنت تطارد خيط دخان
بداية كده
حبيت ابدا بالصورة دى
تعرفو انى بحسد الراجل ده على القعدة دى فى المكان ده
بجد يا بخته
كفاية انه قاعد مع القمر
سايب الدنيا كلها بهمومها وقاعد فى الطراوة :D
اللى عايز اقوله ان الوحدة مش دايما وحشة
احيانا الوحده بتبقي انسب حل لمواقف كتير
خصوصا لما تكون مع حاجة زى القمر مثلا
او البحر
لان هما دول اللى عمرهم ما هيزهقو منك
الحاجة اللى ممكن تمتص منك غضبك وهمك وتسمعك
من غير ما تشتكى منك او تزهق منك
زى ما بدات بيها لازم اختم بيها ;)
تعرفو انى بحسد الراجل ده على القعدة دى فى المكان ده
بجد يا بخته
كفاية انه قاعد مع القمر
سايب الدنيا كلها بهمومها وقاعد فى الطراوة :D
اللى عايز اقوله ان الوحدة مش دايما وحشة
احيانا الوحده بتبقي انسب حل لمواقف كتير
خصوصا لما تكون مع حاجة زى القمر مثلا
او البحر
لان هما دول اللى عمرهم ما هيزهقو منك
الحاجة اللى ممكن تمتص منك غضبك وهمك وتسمعك
من غير ما تشتكى منك او تزهق منك
غير انك بتحس براحة بال رهيبة من غير سبب :)
زى ما بدات بيها لازم اختم بيها ;)
رسائل أحدث رسائل أقدم الصفحة الرئيسية
الاشتراك في:
الرسائل (Atom)
المشاركات
