ريليشنز


ايه رأيكو فى الكلام اللى فى الصورة ده ؟؟
انا متفق معاه الى حد كبير

ليا فلسفة بتقول ايه _ من واقع خبرتى الكبيرة وكده انتو عارفين بقي مش بحب اتكلم عن نفسي :P _
عامل الناس كالمبانى
كل مبنى ليه ارتفاع معين
متحاولش تطلعه للاخر

لانك لما تطلع اى مبنى انت معرض للسقوط فى اى وقت
ودا مش تشاؤم > انت فى زمنك ده لازم تبقي متوقع كل حاجة تحصل

لما تطلع مبنى على نص ارتفاعه مثلا
او على ارتفاع صغير منه
وقعته مش هتبقي مؤثرة اوى

لكن لما تطلع مبنى للاخر
وقعته بجون :D
يعنى الوقعة بموته على طول
ولو مكانتش موته هتبقي اصابة بالغة الخطورة

دا غير الاثار الجانبية بقي

-فزورة عيال صغيرة كده كنت بسمعها كتير زمان

(معلش استحملونى شوية النهارده)
بستخدم تشبيهات غريبة

كان يقولك ايه
ايه الفرق بين اللى بيقع من الدور التانى واللى بيقع من الدور العاشر
مثلا

اللى بيقع من الدور التانى بيعمل كده >> بوم ااااااه
لكن اللى بيقع من العاشر بيعمل كده >> اااااااااااااه بوم اااااااااه

البوم دى صوت الخبطة فى الارض

يعنى بيتألم مرتين
مرة قبل الوقعة ومرة بعد ما يقع
غير الاولانى
بيتألم مرة بعد ما وقع ومبتكونش تأثيرها جامد كمان

اقصد من دا كله ان الجرح من العزيز بيبقي اقوى
وعلاجه اصعب

يبقي شوية الرمل اللى فى ايدي لو سبتهم ياخدو حجمهم الطبيعي هيستمرو معايا اطول وقت ممكن
لكن لو شكلتهم على مزاجى مش هياخدو راحتهم وهيقعو منى
الماسافات البينية مطلوبة بين جزيئات المادة

طبق على العلاقات

لما اسيب كل واحد ياخد حجمه الطبيعي فى حياتى مش هتحصل المشاكل اللى تأزى حد فينا فى يوم من الايام
او على الاقل لو لقيت منه حركة نقص مش هتفرق معايا كتير
لكن لما ادى لانسان حجم فى حياتى اكتر من حجمه المفروض واجى اتصدم فيه بعد كده تبقي هى دى المشلكة
المسافات البينية فى العلاقات هى الحدود اللى المفروض كل واحد يحطها بينه وبين اللى بيعامله
مينفعش ابقي بعامل الناس سبهللة كده

وبيتهيألى صديقين تلاتة اعرف عنهم كل حاجة واحبهم بجد ويحبونى
احسن ماصاحب كتير وابقي ماعرفش عنهم حاجة وكل واحد ليه حق عليا وليا حق عليه
وتيجي المشاكل بقي
دى وجهة نظرى

خلاصة الكلام:-
========

كلٍ عند حده
اظن دى حاجة متزعلش
وحاجة مش عيب
وحاجة مش حرام

خلص الكلام
سلام ..

12 Comments:

  1. eslam saad said...
    ماشى

    كويس
    MOROOOO said...
    الكلام بتاعك ده بالنسبالى جاى فى وقته بالظبط :D

    المفروض ماديش لاى حد ماهما كان حجم اكبر من حجمه عشان على الاقل ما يعيش الدور عليا

    برافو يا هندسه ^_^
    ShiMOo said...
    بصراحه عانيت على ما فهمت الكلام
    مش عارفه ليه يعني !!!
    يمكن علشان لسه صاحيه من النوم D:
    وتوصلت بعد المعاناه دي انك عايز تقول
    متديش حد اكبر من حجمه في حياتك
    عموما يعني كلامك مظبوط
    واعتقد ان معظم الناس متفقه معاك فيه
    بس للاسف مش كل الناس بتعمل بيه D:
    a7mad sala7 said...
    eslam saad

    بجد مش عارف اقولك ايه يا اسلام

    كنت محتاج حد يقولى ماشي كويس
    ويديني الاضافة الخطيرة دى ;))
    a7mad sala7 said...
    MOROOOO

    اى خدمة يا حاسبات :d
    a7mad sala7 said...
    ShiMOo

    //بصراحه عانيت على ما فهمت الكلام//

    عااانيت عااانيت
    لا حزنى ابوح به .. ولستى تدرين .. شيئا عن معاناتى :D

    عانيتي ليه
    تلاقيكي متقلة فى الفطار بس
    دى مش مسألة نوم


    //وتوصلت بعد المعاناه دي انك عايز تقول
    متديش حد اكبر من حجمه في حياتك//

    يعنى
    حاجة من ضمن الحاجات اللى كنت عايز اقولها


    حصلتلنا البركة :)
    ShiMOo said...
    a7mad sala7

    \\
    عانيتي ليه
    تلاقيكي متقلة فى الفطار بس
    دى مش مسألة نوم
    \\

    هههههههههههههه
    بصراحه اه كنت متقله اوي يعني :))
    Catch Me If You Can said...
    المبني اللي يجيلك منه الريح متطلعهوش واستريح

    انا بقي مش متفق معاك
    اصله في مباني لما بتقف في نصها بتكون مساوي لقمم مباني تانيه
    وفي مباني لما توصل اخرها هتحس انك لسه ع الارض
    فكرتني بنكته
    بيقولك مره واحد وقع من الدور العاشر مماتش ولما وقع من ع الشريط ... مااات
    رغم ان المبني عالي والشريط لازق في الارض
    بس الاعمار بيد الله يا ابوالصلح

    كمان
    حبيت اضيف
    كل واحد مهما كان المبني اللي قدامه عالي ... لازم يطلعه للاخر
    عارف ليه؟؟؟

    لو عارف قول
    اصل انا مش عارف
    بس بحب اطلع
    ومش عاوز اصدق نفسي هنا
    ال بصدق نفسي ال
    امشي امشي
    وانت شبهم كده
    Catch Me If You Can said...
    نسيت اضيف ده
    كنوع من الدعايه
    البلوج الجديد بتاعي
    زوره 3 مرات والمره الرابعه هديه
    http://abosalah-cs.blogspot.com/
    a7mad sala7 said...
    Catch Me If You Can

    :D

    بقالك فترة مردتش رد عدل
    احب اقولك ويلكم باك الاول على الرد ده

    ثانيا:

    //المبني اللي يجيلك منه الريح متطلعهوش واستريح//

    مهو فى مبنى بيبقي متقفل كويس
    مبيجيش منه اى ريح
    بالعكس
    دا بيبقي متشطب كويس من برا ومنظره جذاب جدا
    يوهمك انه قصر من جوا
    ف مبيبانش من برا

    //انا بقي مش متفق معاك//

    دا العادى

    //اصله في مباني لما بتقف في نصها بتكون مساوي لقمم مباني تانيه
    وفي مباني لما توصل اخرها هتحس انك لسه ع الارض//

    تماام
    بس ملوش علاقة بالموضوع
    انا مقارنتش مبنى بمبنى
    بمعنى انى مقارنتش حد بحد

    //بيقولك مره واحد وقع من الدور العاشر مماتش ولما وقع من ع الشريط ... مااات
    رغم ان المبني عالي والشريط لازق في الارض
    بس الاعمار بيد الله يا ابوالصلح
    //

    ؟؟؟
    ايه علاقته بالموضوع بردو


    //كل واحد مهما كان المبني اللي قدامه عالي ... لازم يطلعه للاخر
    عارف ليه؟؟؟//

    لا زيك بالظبط (مش عارف)

    //امشي امشي
    وانت شبهم كده//

    لا ابدا
    فيا ملامح منهم بس
    لكن مش شبههم اوى يعنى
    a7mad sala7 said...
    //كنوع من الدعايه
    البلوج الجديد بتاعي//

    انت اخدت اذن قبل الاعلان ده يابنى؟؟
    دفعت الرسوم؟؟

    يالا مش مشكلة
    عشان انت حبيبي بس
    !! a7mad sala7 !! said...
    صحيح كنت هنسي


    روحى للبوليس وقوليله
    سلطاان اتعلم ازاى يمسك المسدس
    ويدوس ع الازااز

    :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds