صدق او لا تصدق

made by !! a7mad sala7 !! الساعة 10:06 م


 

المئوية

26 ادينا انطباعك made by !! a7mad sala7 !! الساعة 7:48 م


>> ودخلنا نادى المئة <<

النهارده البلوج كمل 100 بوست
بحلوهم بالوحشهم بتاعهم
بسلطاتهم ببابا غنوجهم

بكل ذكرياتهم .. بكل احداثهم

بالشخصيات اللى عرفتها من خلالهم
بالحاجات اللى كسبتها منهم

وانا من هذا المزنق لا يسعنى الا ان اقول
كل 100 وانت زى مانت يا ماى بلوج

 

M

made by !! a7mad sala7 !! الساعة 3:13 ص



 

طب نركب ماتور؟

10 ادينا انطباعك made by !! a7mad sala7 !! الساعة 2:57 ص

 

انفلونـــزا الفرافــــير

9 ادينا انطباعك made by !! a7mad sala7 !! الساعة 3:06 م



المدارس 3-10
لا 10-10
لالا دا مفيش مدارس
لا دا هيبقي 3 ايام فى الاسبوع
يا عم دانا سمعت انه هيبقي فترتين
واللى سمع انها اتلغت السنادى خالص
واللى يقولك هتبقي منازل وهنذاكر من الدش والنت
وكل يغنى على ليلاه
واحنا ما شاء الله احسن شعب يحب يفتى

المعروف ان السبب طبعا هو انفلونزا الخنازير
والمعروف ان وباء انفلونزا الخنازير فى العالم كله
مش فى مصر بس

الا ما سمعنا عن بلد عملت الهليلة دى كلها

ومن ابرز استعدادات المصريين لوباء انفلونزا الخنازير ما يلى

اولا جهزوا اكياس ومقابر جماعية لدفن ضحايا الوباء اللعين
اللهم صلى ع النبي

اول حاجة فكروا فيها يتاووا الجثث وكأن دول مش بنى ادمين دول حيوانات

الاستعداد التانى جهزو 13 مليون كمامة
ماركة الملثمون
عبارة عن حتت قماشة بفته مكونة من طبقتين مزودة باستكين
واحد من فوق وواحد من تحت
تلبسها تخنقك ومتحميش من اى حاجة
وتخليك شبه العيال الصغيرة فى العيد
اللى لابسين الوشوش البلاستك دى

احسب بقي 13 مليون كمامة هتكلف الدولة اد ايه
واضرب فى 2 عشان النهب والسرقة اللى هيحصلو على ما يوصلوها للطلبة
عشان يبقي لكل طالب كمامة

مشروع كمامة لكل طالب
فى المدارس والجامعات

قالك ان الوباء ملوش عقار محدد لحد دلوقتى
يعنى مفيش مصل
الموجود هو عقار التيمفلو على ما اظن
ودا للعلاج ليس للوقاية
يعنى تتعالج بيه بعد ما تصاب مش عشان تحمى نفسك من المرض

والادهى والامر ان مفيش غير عقار يكفى ل 5 مليون شخص فقط
واحنا 85 مليون

الاول قالو عايزين نوفر للاطفال والعواجيز على الاقل
عشان دول بتبقي مناعتهم ضعيفة
وبعدين قالو نوفر للطلبة الاول عشان دول معرضين للزحام والاختلاط
والحقيقة المرة ان الموجود 5 مليون ومتشالين لعلية القوم اللى منتظر يعيو
يعنى مش لعامة الشعب

وفى تصريح كوميدي لاحد المسئولين فى وزارة الصحة
بيقول ايه

الوباء قادم قادم لا محاله
واحنا عملنا احتياطاتنا
عملنا ارشادات وتوعيه
عشان بدل ما الوباء يقضى على 10 مليون مثلا
مثلا يعنى
يقضي على مليون بس
:D
تقوم انت اول ما تسمع البؤ ده تبتسم ابتسامة عريضة
وتبين سنانك كده وفتحة بؤك توصل بين الودنين

يموت مليون مثلا؟
بيقولك مثلا
على اساس ان مليون دول يتعدو ع الصوابع

قالك ايه كمان
وباء انفلونزا الطيور استوطن فى مصر خلاص
احنا داخلين على خنازير دلوقتى
ولو اتحد الفيرسين مع بعض فيها موت على طول
فيها موت من قبل ما تظهر الاعراض حتى

مش هنرمى شماعتنا ع الحكومة طبعا
الموضوع فى الاول وفى الاخر واقف على الوعى
وعى الشعب وخوفه على نفسه

الناس فى الصين كان عندهم سارس وحياتهم كانت ماشية طبيعي
مأجلوش المدارس ولا عطلو الدنيا
لأن كان عندهم وعى

فيرس انفلونزا الخنازير نفسه ضعيف جدا
اضعف من فيرس البرد العادى اللى بيجيلنا
وبيموت من مجرد نزول الشمس عليه
لكن خطورته فى انه بينتشر بسهولة وبسرعة ملفتة
ولما بيخش فى ادواره الاخيرة مبيتعالجش
يعنى لازم يتلحق فى بداياته
والامر سهل جدا

يعنى لما كل واحد يحس باعراض يتصرف على طول
لكن احنا لا طبعا

اللى بيحس باعراض بيفضل ساكت
لحد ما يبقي بيموت خالص يفكر يكشف بقي
ولما يفكر يكشف يروح يكشف عند سباك
وكل اللى نقابلهم بالاحضان والبوس
والعيان يروح شغله عادى ويعدى الناس اللى معاه
وكل اللى تقابله برشامه ياخدها
طب مهو الوباء ليه حق يستوطن عندنا

اذ كان الناس بتيجي من برا بيوزعو عليهم ورقة كده
زى استبيان

بتحس بدوخه ولا لا
فى حاجة بتزغزغك ولا لا
بطنك بتوجعك ولا لا

وعلى اللى معاه الورقة دى انه يحط صح ولا غلط
يا صلاة النبي

يعنى لا كشف ولا غيره
ممشينها بالنوايا
ويقولك كل واحد يخاف على نفسه بقي
محدش هيعرف مصلحتك اكتر منك

طب ميمكن هو مهمل فى نفسه يا عم
هو مش مهم بس المهم الناس اللى هيروح يعديهم دول وينشر الوباء عليهم

كمية من اللا مبالاه من الطرفين شعب وحكومة

النهارده انفلونزا الخنازير
بكرة انفلونزا الصراصير
ولسه

وانا حاططهم كلهم تحت بند انفلونزا الفرافير
لان لو كل وباء هيقابلنا نعمل فى نفسنا كده عشانه
يبقي احنا فعلا فرافير
ربنا يستر علينا

 

محمد

made by !! a7mad sala7 !! الساعة 2:59 م

{مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِّنَ اللَّهِ وَرِضْوَاناً سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الْإِنجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَغْفِرَةً وَأَجْرًا عَظِيمًا }

الاية 29
سورة الفتح

 

ومن الذكريات ما قتل

11 ادينا انطباعك made by !! a7mad sala7 !! الساعة 1:47 ص

الذكريات
فيضان من الاحداث المتتابعة المتصلة المتعلقة ببعضها سواء من قريب او بعيد
شريط من المشاهد المتلاحقة متخزن فى العقل والقلب احيانا

الذكريات
شريك حياتك الازلى اللى بيلازمك لحد ما تنتهى حياتك
لذلك ليس منا من هو وحيد
الواحد هو الله سبحان والله

كل انسان ليه ذكرياته سواء سعيدة او حزينة
مفرحة او مؤلمة
منها ما يحيي ويعطى الدفعة والامل
ومنها ما قتل

كده وصلنا للزتونة
نقطة ومن اول السطر
بعد التحية والسلام والترحيب والمباركة والتعييد
دى كانت تعريفات للذكريات من وجهة نظرى
تشمل نبذة عن انواع الذكريات
واليكم التفاصيل

صحيح كانت الناس مستنية انفلونزرا الفرافير :D
معلش بقي هى بتبقي مجموعة افكار فى دماغى
واللى بيتجمع منهم الاول بدلقه فى بوست
والترتيب حسب المود يعنى
بوست الانفلونزا جاى قريب بعد الشر عن السامعين

نرجع للذكريات
وهو الانسان ايه غير ذكريات وشوية حاجات فوق بعضها :D

ونبدا من حيث انتهينا
الزتونة
من الذكريات ما يعطى الدفعة والامل
ومنها ما قتل

مش المفروض ان الانسان مخير ؟؟
ايوة مخير
يعنى هو فى حد بيضربك على ايدك عشان تعمل حاجة معينة؟؟
لا مفيش

تفكيرك اللى جوا راسك واحساسك اللى جوا قلبك حد بيتحكم فيهم ؟؟
لا بردو مفيش

طب متيجوا نتفق اننا نفكر فى اللى يريحنا ونحس باللى يطمننا
الله .. داحنا متفقين اصلا .. تصدق
اه طبعا متفقين كل واحد بيعمل اللى تريحه على رأى عمو عمرو
امال يا عم احمد فين الذكريات اللى بتقتل دى؟؟
اه فى ذكريات بتقتل
بتعيشك ميت على قيد الحياة
رهين ليها
تتحكم فيك وتسيطر على تفكيرك كله

تسمعو عن لعنة الفراعنة؟؟
واحد بيقولى يوووه دانت رغاى اوى فراعنة ايه يا عم دلوقتى
اقوله يا عم اهدى شوية لما تخش تقرا عندى فضي نفسك 10 دقايق بس
ادينا بندردش
ولو مش مستعد تقرا متقراش عشان متكرهش البلوج وتكرهنى شخصيا
وخلى بالك انت اللى بتعطلنى اهو :P
رغاى رغاى يعنى :D

نرجع خطوتين ورا
كنا بنقول اللعنة
فى بقي لعنة الحب ولعنة الذكريات كمان

لما تلاقي حاجة ماسكاك من رقبتك كده ومتبتة فيك وبتقولك انا مستريحة كده
زى بقع الغسيل فى غياب تايد اتوماتيك
طب ليه هى مستريحة؟؟
عشان انت موفرلها مقومات الحياة على رقبتك
واحد فارد رقبته كده لكل اللى يكلبش فيها ومسلملها خالص
ليه هى متكونش مستريحة
طب مهو انت لو مسلمتلهاش مش هتستريح
ولو ماستريحتش هتسيبك وتشوف غيرك تستريح عنده
الكلام ده منطقي ولا لا؟؟
(واحد متنح)

ابسطهااااااااااالك
بالمثال الحى
انت لما تكون عايز تعمل اى حاجة فى الدنيا
اللى بيخليك عاوز تعملها ان فى دافع
دافع من جواك او رغبة عندك تعمل الحاجة دى
واداة بتستخدمها عشان تعمل الحاجة دى

لما تكون عايز توصل لحاجة ابسط وسيلة للتنفيذ
طلع ايدك من جيبك وسيب التانية من ع الماوس
واعمل قرنين كده بايدك
وقول دافع واداة

طيب انت جواك ذكريات مضايقاك ومش قادر تتخلص منها
حاول تخلى عندك دافع واداه انك تتخلص منها

الدافع: انك تحط فى دماغك ان الطرف المشترك معاك فى نفس الذكرى مش فى دماغه الذكرى دى ابدا
لان الذكرى دى بتؤلمك انت مش بتؤلمه هو
لو بتؤلمه هو انت هتنساها ومش هتحط فى دماغك وهو اللى هيفضل فاكرها
والعكس صحيح بتؤلمك انت يبقي هو مش هيحط فى دماغه
مع ان هو الجانى وهو صاحب الذنب
بس انت اللى بتدفع التمن
طيب انت هترضى على نفسك كده؟؟
مفيش حد فى الدنيا هيرضي
طيب متخلى نفسك تعز عليك وتبقي هى الدافع
وتقول هو مش احسن منى عشان اعيش انا فى حزن بسبب الم هو سببهولى وهو مش فى دماغه

الاداة:حاول تقطع كل خيط بيربطك بالذكرى دى
سواء كان خيط معنوى او مادى
اشغل تفكيرك واملا حياتك بتصرفات تسعدك انت
وتريحك انت
وتعيشك انت
لا انت غالى على نفسك
ونفسك مش هتغلى عند حد ادك بعد ربك سبحانه وتعالى
وربنا مبيظلمش حد
الانسان هو اللى بيظلم نفسه

لان الانسان اللى سببلك ذكرى مؤلمة لو فعلا تهمه مكانش خلاها ذكرى بالنسبالك
كان اقل ما فيها خلاها غلطة وتداركها

ومحدش يعيب فى الزمن ويعيب فى الظروف
العوامل دى بتواجه كل واحد يعنى دى باك جراوند لكل واحد متتاخدش فى الحسبان
والشماعات اللى بتتعلق عليها دى شماعات خايبه مصدرها ضعف


يبقي مما سبق:
اظن فى وجود الدافع اللى هو عزة النفس وفى وجود الاداة اللى هى قطع خيوط الذكرى
مبقاش فى مشكلة فى قضيتك مع لعنة الذكريات
ويبقي عنوان حياتك (ومن الذكريات ما يسعد والباقي يهمش) مش هتبقي احسن؟؟
والله احسن ودا حق نفسك عليك
وابسط الحقوق كمان

مش هقولك انسى
لان فى حاجات فعلا مبتتنسيش
ولكن خليها محطة عديت عليها ومش هترجعلها تانى ان شاء الله

اخيرا
لا تحزن على ذكرى عشتها
فان لم تستفيد منها بفرح
فاقل الاستفادة انك اخدت منها درس

ومفيش حد بيتعلم ببلاش
وزى ما بيقولو الضربة اللى مبتموتش بتقوى
مش بتضعف

بس خلاص

 

دعاء ختم القران

9 ادينا انطباعك made by !! a7mad sala7 !! الساعة 10:10 م

اللهم ارحمنى بالقرآن واجعله لى إماما ونورا وهدى ورحمة
اللهم ذكرنى منه ما أنسيت وعلمنى منه ما جهلت وارزقنى تلاوته آناء الليل وأطراف النهار واجعله لى حجة يا رب العالمين
اللهم اصلح لى دينى الذى هو عصمة امرى واصلح لى دنياى التى فيها معاشى واصلح لى آخرتى التى فيها معادى
واجعل الحياة زيادة لى فى كل خير واجعل الموت راحة لى من كل شر
اللهم إنى اسألك عيشة هنية وميتة سوية ومرادا غير مخز ولا فاضح
اللهم غنى اسالك خير المسالة وخير الدعاء وخير النجاح وخير العلم وخير العمل وخير الثواب وخير الحياة وخير الممات
وثبتنى وثقل موازينى وحقق ايمانى وارفع درجتى وتقبل صلاتى واغفر خطيئاتى واسالك العلا من الجنة
اللهم انى اسالك موجبات رحمتك وعزائم مغفرتك والسلامة من كل اثم والغنيمة من كل بر والفوز بالجنة والنجاة من النار
اللهم احسن عاقبتنا فى الأمور كلها واجرنا من خزى الدنيا وعذاب الآخرة
اللهم اقسم لنا من خشيتك ما تحول به بيننا وبين معصيتك ومن طاعتك ما تبلغنا بها جنتك ومن اليقين ما تهون به علينا مصائب الدنيا ومتعنا باسماعنا وابصارنا وقوتنا ما احييتنا واجعله الوارث منا واجعل ثأرنا على من ظلمنا وانصرنا على من عادانا ولا تجعل مصيبتنا فى ديننا ولا تجعل الدنيا اكبر همنا ولا مبلغ علمنا ولا تسلط علينا من لا يرحمنا
اللهم لا تتدع لنا ذنبا الا غفرته ولا هما الا فرجته ولا دينا الا قضيته ولا حاجة من حوائج الدنيا والآخرة الا قضيتها يا ارحم الراحمين
ربنا اتنا فى الدنيا حسنة وفى الآخرة حسنة وقنا عذاب النار
وصلى الله على نبينا محمد وعلى آله واصحابه الأخيار وسلم تسليما كثيرا

كل سنة وانتو طيبين :)

 

what does it mean

9 ادينا انطباعك made by !! a7mad sala7 !! الساعة 2:30 ص

a7maaaaaaaaaaad


؟؟؟؟؟؟

 

انفلونزا الفرافير

made by !! a7mad sala7 !! الساعة 3:12 ص



soon..

 

:D

17 ادينا انطباعك made by !! a7mad sala7 !! الساعة 2:45 ص



 

العيد اتسرق!!

made by !! a7mad sala7 !! الساعة 2:38 ص

حملة عجبتنى جدا قريتها فى منتدى كليتنا

للمشاركة افعص هنا

http://fci-scu.com/showthread.php?t=2475

 

مشاكل .. مشاكل .. مشاكل

28 ادينا انطباعك made by !! a7mad sala7 !! الساعة 12:52 ص


ربنا ما يجيب مشاكل يا رب

تعالو نتكلم براحة شوية

اى مشكلة بتحصل فى الدنيا بين شخصين
بيبقي سببها ايه
اختلاف فى وجهات نظر؟؟

على فكرة عمر الاختلاف فى وجهات النظر ما كان سبب فى مشكلة
الا فى امور الدين
لان الدين مفهوش وجهات نظر
ودى اتكلمنا عنها قبل كده

فيما عدا ذلك وجهات النظر عمرها ما كانت القضية

طيب ايه السبب؟؟

نجيبها من ورا لادام

مش بيقولو كل مشكلة وليها حل
وكل عقدة وليها حلال

طيب ليه فى مشاكل مبنلاقيلهاش حل
او مش باللفظ ده بالظبط
تقدر تقول مبنوصلهاش لحل

اولا تدخل الشيطان
دا المتغير الازلى اللى مش هيفارقنا لحد ما نقابل ربنا يوم القيامة ان شاء الله
ودا علاجه ذكر الله والتقرب من ربنا
اذا ذكر اسم الله هربت الشياطبن
واحد هييجي يقولى ماحنا بنذكر ربنا 100 مرة والمشكلة مبتتحلش
اقولك السبب هو ان القلوب مش صافية لربنا
ودرجة ايمان الناس ضعيفة جدا
مما لا يسمح بان ربنا يذهب الشيطان من بين الطرفين
وتأكدو ان محدش بيقول يا رب بنية صافية وبقلب نضيف وربنا بيخيب ظنه ابدا

الشيئ بالشيئ يذكر
زى ايات الشفاء يالظبط
فى 7 ايات فى القران
لو حد قراهم على مريض يخف فورا
واحد هيقولى قرينهم 100 مرة ومفيش فايدة
اقولك لان درجة ايمانك بربنا موصلتش للحد المطلوب ان ربنا يشفيلك مريضك

يبقي الحل البسيط والسهل الممتنع هو صفاء القلوب لله سبحانه وتعالى

نيجي لسبب تانى من المشاكل
وهو الشيطان بردو
بس المرادى شيطان النفس
وشيطان النفس اخطر 100000 مرة من الشياطين اتباع ابليس
لسبب بسيط
شياطين ابليس لا تتعرض لمؤمن ابدا

لكن شيطان النفس بيتعرض ليه كل شخص فى الدنيا
سواء مؤمن او غير مؤمن

ناخد نوع واحد من شياطين النفس ونتكلم عنه بالتفصيل
وهو العند
العند مرض نفسي خطير جداا
عند الانسان ده هو عدوه

العند وحش اوى يا جماعة
ويقال ان العند يورث الكفر

لما بتكون فى مشكلة بين طرفين وكل واحد يسوق فى عنده
عمر المشكلة ما هتوصل لحل
لازم يبقي فى شوية تنازلات عشان الدنيا تمشي
التنازلا دى هتيجي من اى طرف ولا هتيجي من الطرفين مع بعض
مش دى المشكلة
المشكلة ان الاتنين يبقو مستعدين يضحو
عشان يوصلو لاتفاق ينهى مشكلتهم
مشكلتنا احنا ك عرب اننا مبنعرفش نتفق
احنا اتفقنا على حاجة واحدة
اتفقنا على الا نتفق
ولذلك فى مشاكل دايما

طل تعالو نجيبها للافراد
مشكلة بين اتنين
مش هقول بقي كلام المتخلفين اللى بيقول ان اى مشكلة لازم تكون سببها ست :D
ما علينا من الحتة دى

اى اتنين مرتبطين ببعض
ايا كان نوع الارتباط
بترلط بيهم علاقة صداقة
جيرة
اخوه
او ارتباط زواج
اى علاقة

معرضين للوقوع فى مشكلة فى اى وقت
ولما يكون اتنين مرتبطين يبقي لازم يبقي فى حل للمشكلة
دا عشان الحياة تكمل ما بينهم

طيب لو مش مرتبطين؟؟
خلاص

يبقى وقفنا عند حتة ان الاختلاف فى الرأى لا يفسد للود قضية
اى نعم انا مش موافق ع المقولة دى
بس فى حالة ان اتنين ملهمش علاقة ببعض
اظن ودا الراجح ان حد فيهم او هما الاتنين هيقولك يا عم هو حر
يولع بجاز
خليني انا مقتنع بدماغى وهو مقتنع بدماغه
واهو كل واحد ماشي فى طريق
هنا مفيش مشكلة وفعلا لا يفسد للود قضية
وكل واحد مجبر انه يحترم رأى التانى ويقدر تفكيره
ما لم يتعرضو لامور الدين والامور المسلم بيها
ومش هنخوض فى الحتة دى كتير
اذا انت حر ما لم تضر

طيب نتكلم فى حتة اجتماعية شوية بقي
ويا ريت البنات يفتحولنا صدورهن للمناقشة شوية
وبلاش العصبية الله يكرمكن

حتت التنازل او التضحية عشان الدنيا تمشي
دى لو بين ولد وولد
او بنت ببنت
اكبد مفيش اولوية
الاولوية الطبيعية للعقل
الحكمة بتحل اى مشكلة والعقل دايما بيكسب فى اى مواجهة مع القوة
لان ربنا خلقنا وميزنا بالعقل
اتصرفت بعقلك يبقي انت بتحقق نظرية تكريم ربنا ليك على بقية مخلوقاته
اتصرفت باى حاجة تانية يبقي انت اللى بيتقال فيهم بل هم ك الانعام او اضل سبيلا
يبقي انت وبعد الشر عنك حيوان :D
واسف فى اللفظ
واديني كل مرة بارفق جملة ما لم تتعرض لامور الدين او الامور المسلم بيها
فيما عدا ذلك البديهي انك تتصرف بعقلك

وصدقونى اللى عايز يحل بيحل
واللى عايز ينهى مشكلة بينهيها
والمثل بيقولك كل شيئ بالخناق الا المش عارف ايه ..الخ
لا طبعا كل شيئ فى الدنيا بالاتفاق

نيجي بقي للجدال
والكلام اللى مش هيعجب ناس كتير

لو المشكلة بين ذكر وانثي بوجه عام

اظن لما المشكلة لما تتعلق بجنسين مختلفين الوضع بيختلف
وبتبقي المشكلة اصعب
ودا مش بمزاجنا دا من الفطرة
كل جنس بيحاول يثبت للتانى انه الاحق والاجدر
وفى بعض مشاكل مهما حاولت توصل لحل فيها مش هتعرف
شيطان النفس بيبقي ليه الغلبة فيها
والمسألة لما لتوصل لعند يالا السلام
طيب فين الاولوية هنا؟؟
ربنا علمنا فى دينا ان الرجال قوامون على النساء
ومش قوامون بالعافية ولا بالدراع
ولا بفرد الصدر زى ما بيعتقدها البعض
تلاقي واحد متخلف ونازل عليه غضب ربنا ويقولك انا راااجل
انا ربنا خلانى قواام عليكي
طبعا مبتجيش كده
الرجال قوامون على النساء لما فضل الله بعضهم على بعض
طيب وربنا فضل الرجاله بايه
بالانفاق والتوجيه
لان البديهي ان الراجل هو اللى بيشتغل وهو اللى بيواجه الحياة الخارجية
وهو اللى متولى شئون بينه وهو اللى بيحمل المسؤلية
ودا حق الزوجة عليه طبعا
وزى ما ده حق الزوجة على الزوج
يبقي حقه عليها انها تطيعه وتديله الاولوية فى الامور كلها

الراجل معروف بكمال العقل وحسن التدبير
ودى صفة ربنا خلقها فى الرجل
والنساء ناقصات عقل ودين ودى متفقين عليها ومفهاش جدال

يبقي براحة كده با اختى الراجل قوام عليكي
وليه الاولوية فى جميع التصرفات
وانتى حقه عليكي الطاعة الكاملة والامتثال لاومره بعد اوامر ربنا سلحانه وتعالى
يبقي ما لم يأمرك بمعصية يبقي امر الراجل هو النافذ
ودا شيئ طبيعي

يبقي العند عمره ما هيوصل لنتيجة
وعندك خيط ضعيف انتى مستخبيه وراه
كلامى مش بيقوى موقف الراجل ولا بيقوله استمر انت فى عندك
لكن لما نتكلم عن التنازلات
يبقي الست اولى بالتنازل
الست هى اللى ترخى لما الراجل يشد
الست هى اللى تلين لما الراجل يقوى
ومش بذل ولا بانكسار
بنفس راضية ومقتنعة
لان ده الصح
الست مخلوقة من ضلع راجل

وكلامى مش للمتزوجين فقط
حوا لما اتخلقت من ضبع ادم مكانش السبب انهم يبقو ازواج
ولكن السبب انهم يكونو حياة

ولذلك ادم ماتخلقش من ضلع حوا
ولكن العكس هو الصحيح

يبقي الامر لا يتعلق بالمتزوجين فقط

الامر يتعلق باى خلاف بين رجل وامراة

يبقي مينفعش تحطى نفسك راس براس ادام راجل
ومينفعش تقولى يا كذا يا اما بلاش
ومينفعش تقولى اشمعنى هو
مينفعش حاجات كتير اوى الستات بتكابر وتعاند فيها
لازم تبدأى بالتنازل
ولازم كفتك تخف شوية
خف تعوم :D
وصدقونى دا مش ضعف ابدا والله
دا بيكبر الست جدا فى عين الراجل وبيزودها احترام فى نظره
لكن نظام العين بالعين ده عمره ما كان حل و لا هيكون

الست ضعيفة بطبعها
مش ضعيفة القوة ولا الحيلة
ولكن ضعيفة التكوين وضعيفة التحمل
الدموع اساسها ست والاستكانة اساسها ست
وادام ده فى راجل بيقوى وبيساند
وراجل لوحده غير راجل + ست
وست لوحدها غير ست + راجل
اكيد الخليط بيبقي اقوى من ان طرف يكون لوحده

كفاية كده لاحسن طولت اوى
والناس فيصت منى :D

كل سنة وانتو مفيصين
قصدى طيبين
ومن كتاباتى مش محرومين :P

اقعدو بالصيام
:)

 

ليلة القدر

made by !! a7mad sala7 !! الساعة 12:25 ص



عَنْ عَائِشَةَ رَضِيَ الله عَنْهَا قَالَتْ:

قُلْتُ: "يَا رَسُولَ اللَّهِ، أَرَأَيْتَ إِنْ عَلِمْتُ أَيُّ لَيْلَةٍ لَيْلَةُ الْقَدْرِ مَا أَقُولُ فِيهَا؟"، قَالَ: "قُولِي: اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي".
أخرجه الترمذي

 

افطاركو عندى بكرة

26 ادينا انطباعك made by !! a7mad sala7 !! الساعة 1:40 ص



رمضان كريييم ايفرى باادى

دعوة عامة لكل المدونين
افطار جماعى معنوى عندى بكرة :D
وادى الاكل اهو
ومش حارمكو من حاجة :P
ومش هقبل اى اعذار
وعامل حساب كل الاذواق
اللى عنده اعتراض على الاكل يقول
السفرة دى تحت التعديل
يعنى ممكن نعمل ايديت :))

كل سنة وانتو طيبين :)

 

نور على نور

made by !! a7mad sala7 !! الساعة 11:43 م



{اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاءُ وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ }
النور35

 

وَإِذَا خَاطَبَهُمُ الْجَاهِلُونَ قَالُوا سَلَاماً

made by !! a7mad sala7 !! الساعة 3:47 ص

"خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ"
(199) الأعراف

 

على اشكالها تقع

14 ادينا انطباعك made by !! a7mad sala7 !! الساعة 11:05 م


فعلا الطيور على اشكالها تقع

 

يا رب

made by !! a7mad sala7 !! الساعة 10:37 م

يارب
..
لقد ضعفت ولا غيرڪ يقويني
لقد يئست ولم أفقد فيڪ يقيني
لقد ضللت ولا سواڪ هاديني
لقد غرقت وأنت فقط منجيني

يارب
..
ارحمني في لحظة ضعفي
وابعد عني شياطيني ونفسي
واهدِ لي قلبي وعقلي
واغفر لي خطيئتي ويأسي

يارب
..
إلى من أشڪو وأنت موجود
ولمن أبڪي وبابڪ غير مردود
ومن أدعو وأنت فقط المعبود
ومن أرجو ورجائي فيڪ غير محدود

يارب
..
اجعل عفوڪ عني دائم
ورضاڪ علي قائم
واجعلني عن الذنوب نادم
ولباب توبتڪ قادم

اللهم امين

 

ثم قست قلوبكم

made by !! a7mad sala7 !! الساعة 5:23 م

بسم الله الرحمن الرحيم
{ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء وَإِنَّ مِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُونَ }البقرة74
صدق عز من قال

 

كيس قلبظ ب10 جنية

26 ادينا انطباعك made by !! a7mad sala7 !! الساعة 5:07 م



 

اووو اسماهلاوى

made by !! a7mad sala7 !! الساعة 4:50 م


وهيروح

 

ريليشنز

12 ادينا انطباعك made by !! a7mad sala7 !! الساعة 1:04 ص


ايه رأيكو فى الكلام اللى فى الصورة ده ؟؟
انا متفق معاه الى حد كبير

ليا فلسفة بتقول ايه _ من واقع خبرتى الكبيرة وكده انتو عارفين بقي مش بحب اتكلم عن نفسي :P _
عامل الناس كالمبانى
كل مبنى ليه ارتفاع معين
متحاولش تطلعه للاخر

لانك لما تطلع اى مبنى انت معرض للسقوط فى اى وقت
ودا مش تشاؤم > انت فى زمنك ده لازم تبقي متوقع كل حاجة تحصل

لما تطلع مبنى على نص ارتفاعه مثلا
او على ارتفاع صغير منه
وقعته مش هتبقي مؤثرة اوى

لكن لما تطلع مبنى للاخر
وقعته بجون :D
يعنى الوقعة بموته على طول
ولو مكانتش موته هتبقي اصابة بالغة الخطورة

دا غير الاثار الجانبية بقي

-فزورة عيال صغيرة كده كنت بسمعها كتير زمان

(معلش استحملونى شوية النهارده)
بستخدم تشبيهات غريبة

كان يقولك ايه
ايه الفرق بين اللى بيقع من الدور التانى واللى بيقع من الدور العاشر
مثلا

اللى بيقع من الدور التانى بيعمل كده >> بوم ااااااه
لكن اللى بيقع من العاشر بيعمل كده >> اااااااااااااه بوم اااااااااه

البوم دى صوت الخبطة فى الارض

يعنى بيتألم مرتين
مرة قبل الوقعة ومرة بعد ما يقع
غير الاولانى
بيتألم مرة بعد ما وقع ومبتكونش تأثيرها جامد كمان

اقصد من دا كله ان الجرح من العزيز بيبقي اقوى
وعلاجه اصعب

يبقي شوية الرمل اللى فى ايدي لو سبتهم ياخدو حجمهم الطبيعي هيستمرو معايا اطول وقت ممكن
لكن لو شكلتهم على مزاجى مش هياخدو راحتهم وهيقعو منى
الماسافات البينية مطلوبة بين جزيئات المادة

طبق على العلاقات

لما اسيب كل واحد ياخد حجمه الطبيعي فى حياتى مش هتحصل المشاكل اللى تأزى حد فينا فى يوم من الايام
او على الاقل لو لقيت منه حركة نقص مش هتفرق معايا كتير
لكن لما ادى لانسان حجم فى حياتى اكتر من حجمه المفروض واجى اتصدم فيه بعد كده تبقي هى دى المشلكة
المسافات البينية فى العلاقات هى الحدود اللى المفروض كل واحد يحطها بينه وبين اللى بيعامله
مينفعش ابقي بعامل الناس سبهللة كده

وبيتهيألى صديقين تلاتة اعرف عنهم كل حاجة واحبهم بجد ويحبونى
احسن ماصاحب كتير وابقي ماعرفش عنهم حاجة وكل واحد ليه حق عليا وليا حق عليه
وتيجي المشاكل بقي
دى وجهة نظرى

خلاصة الكلام:-
========

كلٍ عند حده
اظن دى حاجة متزعلش
وحاجة مش عيب
وحاجة مش حرام

خلص الكلام
سلام ..

 

1 ادينا انطباعك made by !! a7mad sala7 !! الساعة 12:47 ص


(ايموشن بيخبط كف على كف)

 

رسائل أحدث رسائل أقدم الصفحة الرئيسية

الاشتراك في: الرسائل (Atom)

Blogger Template by Blogcrowds