لا تعليق .. اول تعليق


((لا تعليق))
كلمة رخمة اوى

كويس انى بتكلم فى وقت محدش رد فيه بالكلمة دى
عشان ميتقالش انى قاصد حد بعينه

انا بتكلم كلام عام اهو

وكنت عايز اتكلم فى الموضوع ده من زمان


بيتهيألى مهما كان الموضوع مستفذ مفيش سبب انك ترد تقول لا تعليق

لو معندكش تعليق اكتفي بالقراءة

لو عجبك الموضوع رد

معجبكش الموضوع انقد نقد بناء
قول اللى فى نفسك طالما بكل احترام
لتقل خيرا او لتصمت

لكن متقوليش لا تعليق

استفدت ايه انت كده
ولا زودت ايه للموضوع بالكلمة دى
ولا حتى وصلت ايه من اللى انت عايز تقوله
!!!

ولا حاجة

غير انها بتدى شكل وحش للموضوع وفيها نوع من الاحتقار
اينعم كل واحد وقصده

بس انا بفهمها كده


بكرر مرة كمان
مجاليش تعليق فى الوقت الحالى بالكلمة دى
عشان اكتب الموضوع ده

انا نقيت وقت محايد خالص

فـ يا ريت لو تكرمتو على الاقل محدش يرد بيها عندى :D

((اول تعليق))

موضوع اول تعليق دا بقي
الاقى واحد داخل يرد ويقول اول تعليق
يقوم رادد رد كمان

نفسي اعرف دا لزمته ايه؟؟

هيفرق ايه اول تعليق من اخر تعليق
مهى كلها تعليقات

واللى داخل يدعى
يااا رب يكون اول تعليق

ايه يا عم الحاج
عشان ايه يعنى

ويزعل لو لقي حد رد قبله
انا مش لاقيلها تفسير بصراحة

انت هتقود المسيرة مثلا لما ترد الاول ولا ايه؟؟
مش عارف

عموما لو حد عنده تفسير يقولنا
افادكم الله
فوتكم بلا تعليق

26 Comments:

  1. Boba said...
    I agree with u
    بسي

    no comment
    بردك
    ههههههههههههه
    رخامة
    بولا حلمي said...
    مممم .. اسمع احمد
    هو مش قصة احتقار للموضوع .. هو القصه بتكون انو الواحد مش عارف يقول ايه بعد اللي اتقال .. او انو من هول اللي قراه مش عارف يعبر فـ اللحظه دي .
    يمكن يكون عندو كلام كتير ممكن يقولو بس مش قادر يعبر
    فـ بيكتفي بكلمة لا تعليق << بما انها فيها مضمون كبير أوووي للي هو عاوز يقولو .
    .. ولا تعليق أكثر P: << متخدش فـ بالك بهزر

    بس أنا أحيانا برد وبقول لا تعليق .. فـ مواضيع متستحملش انك تقول كلمة زياده ..
    a7mad sala7 said...
    يا ريت تدينا كومنت ع التحديث طيب


    :D
    بولا حلمي .... تااااني said...
    تاني تعليق ورابه تعليق
    yupee
    la la la la la
    و نا تاني ورابع تعليق يا سلاااام
    وهيييييه هيييييه هيييييه هيييييه
    واسمع بقى احمد
    انا هنا للصبح وبين كل تعليق و تعليق هتلاقي تعليق مني P:
    و هخليك تقول بجد بولا " لا تعليق "
    زودتيها ( وش متنرفز )

    ههههههههههههههههههههه
    وانت عامل ايه دلوقتي ؟ D:
    بولا حلمي .... تااااني said...
    فـ حاجه غريبه ف البلوج ؟؟!!
    e_emy said...

    غير انها بتدى شكل وحش للموضوع وفيها نوع من الاحتقار
    اينعم كل واحد وقصده

    تمام كده
    بتبقى حسب قصد كل واحد

    حكاية اول تعليق بيحسسك انه فرحان انه علق اول واحد D:

    اعتقد بتبقى مجاملات ليك مش اكتر
    ف مفيش مشاكل استحمل (:
    MOROOOO said...
    هو زى ما قال الشباب كده ساعات الواحد بيبقى مش عارف يقول ايه بعد الكلام اللى اتقال مش عارف يعبر عن اللى حاسس بيه فى الوقت اللى بيقرا فيه الكلام
    ما بنلاقيش غير نو كومنت
    على الاقل بنعرف صاحب الموضوع ان فى حد قراه ونشجعه :)
    a7mad sala7 said...
    هههههههههههههه

    ايه يا حاجة

    انا لما اقول لحد نو كومنت ابقي بشجعه؟


    تشجيع سبور خالص ده :D
    mo7mad sala7 3rafa said...
    اهلا وسهلا بيك
    طبعا الموضوع عليه
    بس سبق واتكلمنا في الموضوع ده
    بس واحد فينا اقنع التاني والتاني مقدرش يرد
    صح...ولا افكرك
    بس ارد انا هنا بقي
    بص يا واد عمي
    كلمة لا تعليق (معلش هضطر اتكلم عن نفسي ) مع اني مبحبش اتكلم عن نفسي خالص
    المهم كلمة لا تعليق دي بقولها لما يكون الموضوع مستكفي ومهما علقت وقلت وزيدت مش هغير في الموضوع
    عشان كده يبقي لا تعليق هقول ايه وان عارف اني مش هغير
    كان في برنامج قصير كده بيجي علي قناة النيل للاخبار اسمه
    لا تعليق
    كان حلو اوي وبحب اسمعه جدا
    بيجيبوا احداث كده ومفيش عليها تعليق
    وده لان المشاهد كفايه عليه يتفرج

    طب يا ابو صلاح
    انت ماشي في الشارع واحدي القنوات جت واخدت رايك في موضوع
    لو انت مقلتش حاجه هيقصوا الجزء اللي استضافوك فيه في المونتاج
    بينما لو انت قلت لا تعليق هيجيبوها علي الشاشه بردوا عادي

    لا تعليق دي
    معناها وانا هعملك ايه يعني؟

    فانا بجد لما اقرا موضوع زي ده
    لازم اقول لا تعليق
    الموضوع ميستاهلش او انا مش هعرف اغير وجهة نظرك للشئ ده

    اما بالنسبه لكلمة اول تعليق ده
    عادي يعني
    موضه اليومين دول انك تدخل علي الردود وتلاقي اول تعليق مكتوب فيه اول تعليق
    واللي يستفذك ان الشخص ده يرد مرة واحده بس يقول اول تعليق ويمشي وميعلقش تاني
    يالا مش مهم اهي موضه وهتاخد وقتها وهتيجي موضه تانيه الله اعلم ايه هيا

    يالا بيس يا مان
    ويا ريت تكتب مواضيع هادفه بعد كده
    سوري يعني
    لازم ارزل انت عارفني
    وازيد رزاله واقول متمسحش الرد يا حبي

    الله علي حبك انت
    morgana said...
    no comment
    no comment
    no comment
    no comment
    no comment
    :D

    بجرب أصلي ما كتبتهاش قبل كده
    :D
    غير معرف said...
    نويت انزل تعليق بين كل تعليق وتعليق
    النت فصل :|
    حظك حلو x(
    a7mad sala7 said...
    Boba


    بردك؟

    ولا بردى ؟

    :D
    a7mad sala7 said...
    بولا حلمي

    //هو القصه بتكون انو الواحد مش عارف يقول ايه بعد اللي اتقال .. او انو من هول اللي قراه مش عارف يعبر فـ اللحظه دي .//

    يبقي يعبر فى لحظة تانية
    مش لازم يرد فى التو واللحظة

    عارفه
    انا ساعات بخش اقرا موضوع عند اى حد
    بحس انى مش قادر اعبر عن اللى فى مخى
    بطلع واجى ارد وقت تانى
    ;)
    a7mad sala7 said...
    بولا حلمي .... تااااني


    ههههههههههههههههه

    احنا نقدر نقول كده بردو

    يا سيدي البلوج بلوجك

    ردى زى مانتى عاوزه
    a7mad sala7 said...
    بولا حلمي .... تااااني


    ؟؟؟

    ايه الغريب؟؟
    a7mad sala7 said...
    e_emy


    //
    حكاية اول تعليق بيحسسك انه فرحان انه علق اول واحد D:

    اعتقد بتبقى مجاملات ليك مش اكتر
    ف مفيش مشاكل استحمل (://

    هههههههههههه
    امال انا مبحسش كده يعنى

    عموما دى مش مشكلة
    نستحملها

    اول تعليق ولا عاشر تعليق نو بروبلم


    اما لا تعليق دى بقي

    :|
    a7mad sala7 said...
    mo7mad sala7 3rafa

    //بس سبق واتكلمنا في الموضوع ده
    بس واحد فينا اقنع التاني والتاني مقدرش يرد
    صح...ولا افكرك//

    لا فكرنى
    مش فاكر والله

    وانا لو اقتنعت كنت قلتلها كلامك صح

    مش انا اللى اقتنع وماردش
    a7mad sala7 said...
    mo7mad sala7 3rafa

    //كلمة لا تعليق دي بقولها لما يكون الموضوع مستكفي ومهما علقت وقلت وزيدت مش هغير في الموضوع
    عشان كده يبقي لا تعليق هقول ايه وان عارف اني مش هغير//

    يبقي متردش
    ردك مش هيقدم ولا هيأخر

    حبيت تشكر الكاتب والناس اللى ردت اهلا وسهلا

    محبتش متردش

    لتقل خير او التصمت :|
    a7mad sala7 said...
    //لا تعليق دي
    معناها وانا هعملك ايه يعني؟
    //


    دا من مفهومك انت


    مفهوم غيرك ممكن حاجة تانية

    ومفهوم غيركو
    حاجة تالتة
    a7mad sala7 said...
    //ويا ريت تكتب مواضيع هادفه بعد كده
    سوري يعني
    لازم ارزل انت عارفني
    وازيد رزاله واقول متمسحش الرد يا حبي//


    اولا: مش لازم كل موضوع اكتبه يبقي هادف

    غير ان الهادف بالنسبالى ممكن يبقي مش هادف بالنسبالك

    هادف يعنى ليه هدف معين بالنسبالى
    دى مدونتىىىىىى
    يعنى فيها احاسيسي وافكارى
    مش فاتح مدرسة عشان اعلم الناس واقدملهم كل ما هو هادف


    وسبق وقلت ان مفيش حد مرغم انه يرد
    او حتى يقرا

    ثانيا:
    وانا امسح تعليقك ليه

    انا مبمسحش تعليق الا لو كان فى لفظ خارج

    غير كده معنديش اى مشكلة
    مستعد ارد على اى حد
    a7mad sala7 said...
    morgana


    ههههههههههههههههههههههههههه

    ماشي

    :D
    روح بلا فرح (روان) said...
    انا بقى الصراحه مش عارفه ارد و اقول ايه
    تعرف احيانا لما الاقى كلمة لا تعليق بزعل شويه و احيانا بتمشى عادى
    و حكاية أول تعليق غريبه شويتين بس احيانا بيكونوا بيهزروا مثلا و كده يعنى

    حاول انت بس ما تبقاش تزعل محدش عارف ظروفه غيره
    يمكن اللى كاتب لا تعليق ده متضايق مثلا و مش هيقدر يرد بس عاوز يحسسك انه معاك فبيكتب كده
    سلام عليكم بقى
    a7mad sala7 said...
    هههههههههههههههههههه

    انا مش بزعل ولا حاجة

    بس حتى لو اللى بيرد متضايق
    مش مبرر انه يكتب لا تعليق

    عاوز يشكر يشكر

    مش عايز ميردش
    a7mad sala7 said...
    لا تعليق دى ليها معانى كتير

    ومغزاها بيختلف من شخص للتانى


    بس المتعارف عليه
    ان الموضوع مش عاجبه او شايف فيه استهبال مثلا وعايز يقلل من قيمة الموضوع
    فبيكتب لا تعليق على اساس انه ميستاهلش تعليق يعنى

    دا الاشهر من المعانى
    روح بلا فرح (روان) said...
    بيقولوا لك ايه
    لولا اختلاف التعيلقات لفقد الموضوع أهميته _ دى من تأليفى يعنى بلاش غش _
    و بعدين كلمة لا تعليق بيختلف معناها من شخص للتانى
    ممكن واحد مش عارف يعبر عن رأيه فبيكتب لا تعليق او واحد مش عاجبه او واحد عاجبه الموضوع
    يعنى محدش يقدر يحدد معناها بالنسبه للمعلقين
    و سلام بقى علشان اشيل الياهو و اسطبه من الاول
    a7mad sala7 said...
    طب الحقي بسرعة


    هههههههههههههههههههههههه

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds