مش عارف
حاسس انه وباء وانتشر
او احساس وداير ع البلوجات كلها
موضوع الصمت ده
وكأنه الهدوء الذى يسبق العاصفة
شوية وهنلاقي الناس كلها انفجرت :D
احنا قلنا ان الصمت ابلغ لغات الكلام
بس فى وقته
احيانا كتير بيبقي تأثيره سلبي على البني ادم
الصمت ليه درجة ممكن الانسان ميستحملهاش
لان الصمت فى نفس الوقت كبت
احيانا بيبقي ليك حاجة للكلام
وبتخبيها فى الصمت
ودى سلبية
والطاقة دى ممكن بدل ما تطلعها فى الكلام
تطلعها فى كبت وتعب بدل ما يبقي راحة ليك
الصمت ليه اوقات
الخلاصة
الصمت ابلغ لغات الكلام
>> لمن يجيده
:-$
23 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
الصمت ابغ لغات الكلام >> لمن يجيده
//
رووووووووووووعة
انا مش عشاق الصمت يمكن مش بجيده 100% بس معرفش استغنى عنه
لأنه فى احيان كتير مفيـــــــــــــد
عارف عامل زى الجاسوس النائم عارفه و لا مش بتقرا روايات؟
بص يا بنى احنا هنفضل ساكتين و مره واحده هتلاقينا انفجرنا
يعنى انا كنت ساكته كتيره
النهارده بقى مسكت البلوج حطيت فيه كام صوره معبره عن اللى جوايا بس بصمت برده علشان لو اتكلمت يمكن الناس تنتحر من كلامى
سلاموز بالموز يا عم احمد
و كما قال حبيبى فاروق جويده
اغضب و لا تسمع احد
البوست كان علي طرف لساني والله
كنت لسه بقول لتوتا امبارح ع البوست ده
وهيا كانت بتقولي علي بوست ــــــــ
مش هاحرقهولها بقي
يلا ما رحش بعيد في البلوج اللي جنبنا علي طول:D
بس البوست حلو قلت الكلمتين اللي كنت عاوزه اقولهم
تحياتي ليك
:)
\\
سبحان الله
البوست كان علي طرف لساني والله
كنت لسه بقول لتوتا امبارح ع البوست ده
\\
اه فعلا...شكلنا متراقبين :D
خلاص يامورجانه اللي سبق اكل __
***
بجد البوست حلو اووووووي
وانا من عشاق الصمت..اهو بمعني اصح بقي طبع..وياريت اقدر اغيره لانه بجد حاجه وحشه اوووي خصوصا لو زاد عن حده
الصمت المحتااااااار
تحياتي ابو صلاح
واضح انى معرفتش اوصل فكرتى :D
يالا مش مشكلة بقي
المهم انكو منورين :)
وبتخبيها فى الصمت
ودى سلبية //
لا مش سلبية ...
يمكن الكلام مش هيفيد ...
ويمكن الكلام هيوجع اكتر من انه يريح ..
//والطاقة دى ممكن بدل ما تطلعها فى الكلام
تطلعها فى كبت وتعب بدل ما يبقي راحة ليك//
احسن حاجه تطلع بيها صمتك
انك تشتغل وتشغل نفسك
او الكلام الى هيفيد ف انك ترتاح وتبطل صمت
سؤال بقى ليك
-------------
الصمت هروب ؟؟؟
ممكن الصمت ينسى الانسان سبب صمته ؟؟
موضوع رااائع كالعادة (:
طبعا هتكلم واخد راحتى ومش هصمت :(
اولا الصمت انواع ممكن يكون قهر من اللى حواليك واجبارك على الصمت
وممكن يكون دافع من جواك يعنى بتشترى دماغك من الاخر
وممكن تكون مش قادر تعبر عن اللى جواك وتتكلم بيه مع حد يفهمك
وممكن يكون الكلام مش هيعبر عن اللى جواك خالص فالصمت ممكن يكون احسن
وممكن وممكن وممكن ...
حاجات كتير اوى ممكن نقولها
بس بصراحه الصمت للاسف على قد ما هو بيبن مدى صبرك وتحملك بس احنا فى الاخر بشر وهيجى يوم وتنفجر بجد والانفجار دا ممكن يكون فى موت ليك ولكل اللى يعرفك (موت لعلاقتك بيهم اقصد).
مافيش احسن من الوسطيه فعلا فى كل حاجة اه مش تتكلم كتير ومش مع اى حد والثقه لازم تكون مطلوبه بس المفروض لما تكون بتثق فى حد تحسسه بالثقه دى انها منك ليه لابعد الحدود مش انك تحكى ليه تفاصيل حياتك بس بكلامك واسلوبك معاه ودا مش ليه هو وبس لا دا ليك انت كمان لان يوم ماهتحس انك مضايق مش هتلاقى غير الصاحب دا يكون جنبك وساعتها الصمت دا مش هيكون ليه مكان فى حياتك...
الصمت ممكن ينفع فى حاله واحده بس لو كنت بكدا مثلا بتساعد حد تانى بيه لمصلحته هو .
دا رأيى
شكرا على الموضوع
معاكي في كل كلمة قلتيها
//
مافيش احسن من الوسطيه فعلا فى كل حاجة اه مش تتكلم كتير ومش مع اى حد والثقه لازم تكون مطلوبه بس المفروض لما تكون بتثق فى حد تحسسه بالثقه دى انها منك ليه لابعد الحدود مش انك تحكى ليه تفاصيل حياتك بس بكلامك واسلوبك معاه
//
الصمت ممكن ينفع فى حاله واحده بس لو كنت بكدا مثلا بتساعد حد تانى بيه لمصلحته هو
//
الصمت ابلغ من البيان وان بلغ البيانا
ده الي مقتنعة بيه
وااضح فعلا انه وباء انتشر في عالم التدوينات والله المستعان,,,
بس زي ما قولته ليه اوقاته ولمن يجيده
وليه درجاااته لانه في موضع الحق او التغير هيبقى سلبية
تحياتي,,,
تطلعها فى كبت وتعب بدل ما يبقي راحة ليك
ونا اقول جالي هسهس من ايه
مهو م الصمت والخرسه اللي انا فيها
ههههههههههههههههههههههههه
خخخخخخ نياهاهاهاهاهاها
سلامي ليك :)
اولها اننا خلاص مش فاضيين نتكلم فى حاجه من كتر ما الدنيا بتشيل وتحط فينا
ثانيها الامتحانات ومشاريع التخرج ياابو صلاح ولا انت نسيت .
تحديد موقفك من صمت او كلام
بييجي حسب الموقف
وايه اللى ممكن يكون افيد ساعتها
وكون انك تطلع صمتك فى الشغل
ليه نعامل الصمت على انه عقاب؟؟
كونك تحتاج للصمت دى حاجة عشان تريحك
مش عشان تتعب نفسيا وبعد كده تدور على علاج بالشغل او غيره
//الصمت هروب ؟؟؟//
احيانا
لما بيكون الانسان شخصية ضعيفة مش قادر يحل مشكلته بالكلام
اما لو اللى ادامك الكلام مبيجيبش معاه فايدة دى حاجة تانية
//ممكن الصمت ينسى الانسان سبب صمته ؟؟//
لا طبعا
ولو قال انه نسي يبقي بيضحك على نفسه
الصمت مبينسيش
الزمن هو اللى ممكن ينسي
ايمي منورانا :)
الدبلوماسية الشدييدة
مفيش تعليق على كلامك
غير ان مفيش اعتراض
ودا الغالب فى معظم ارائك
منور استاذى :)
وانا كمان معاكو :D
ردك جميل جدا
وقمة الاقناع
منورانى فى اوزل زيارة
يو ار ويلكمد :)
ههههههههههههههههههههه
هسهس؟؟
وعلى ايه الخرسة
صحتك بالدنيا
وسلامتك من الهوس-هوس :)
محمود باشا
دايما ردودك بتيجي مناسبة للحاضر :D
بتعمل ربط بين المواضيع والحياة العملية
ربنا معاك يا باشا
وايانا
>> لمن يجيده
.
.
.
:)
تفتكر امتى اقدر اقول اني ايجده او لا
؟؟؟
بسي جامدة على فكرة
//تفتكر امتى اقدر اقول اني ايجده او لا
؟؟؟//
لما يكون الصمت بيجيب نتيجة احسن من الكلام
يبقي بتجيديه
يعنى لما يكون صمتك بيغنى عن الكلام
هنهزر احنا بقي اول مره اجيلوا ونهزر مع بعضينا(لاولايهمك دا كنت بكلم نفسي)
عموما انا من الناس اللي بتتوجع اوي من الصمت من الاخر يعني
بيجيلي حاله من الاكتئاب الشديد لما بيكون نفسي اتكلم او ااقول حاجه
مشكلتي هي دماغي
ودماغي بيرفض ان يسكت ودي الحاجه اللي مش قادره اتعامل معاها
ايه ده انا وجعت دماغك
عموما اوقات بيبقي الصمت راحه للبال
زي مابيكون برضه اوقات لغه البيان
ونشكر سيادتكم علي حسن استماعكم (قرايتكم)لصداع حضرتنا
سلاموز