:)
مش عارف أبدأ منين
عايز اتكلم فى شوية حاجات
ممكن تكون ملهاش علاقة ببعضها
أو يمكن يكون ليها...
مش عارف
أو احتمال تالت انها تكون ليها علاقة ببعضها بس من ناحية حالتى النفسية دلوقتى
ما علينا
اليومين دول وانا بلف فى البلوجات كده
معظم الناس حزينة وزعلانة ومكتئبة وكاتمة فى نفسها و و و
والمواضيع عن الصمت والفراق والبكاء والوحدة و و و
احنا جيل بيقولو انه مرفه
ومفيش جيل جه قبلنا بنفس الرفاهية دى
زى ما بنقول ان الجيل الصغير اللى جاى بعدنا هيبقي اكتر رفاهية
دلوقتى طفل صغير كده اد ركبتي تلاقيه عارف كمبيوتر
وعارف جيمز معقدة
وبيتعامل مع العاب فظيعة الجرافيكس بتاعها عالى جدا
حاجة فوق الوصف
فى حين ان انا لما كنت اده كده كان اقصى طموحى انى العب جيم ماريو بالاتارى :D
وما شاء الله الاطفال دلوقتى عليهم عقلية رهيبة ومحدش يقدر ينكر
زى بردو ما الجيل اللى هييجي بعدهم هيبقي عقلية احسن واللى بعدهم احسن وهكذا
اكيد دا نابع من التطور اللى عايشينه
الدنيا بتتقدم واحنا بنتقدم معاها
اينعم احنا ماشيين بخطى السلحفة
متشعلقين فى سبنسة القطر
بس ادينا بنواكب التطور
لو مش بالمشاركة يبقي بالفرجة
طيب خلينا فى الجيل بتاعنا
احنا بالنسبة للناس اللى اكبر مننا
اولياء امورنا مثلا
دكاترتنا فى الجامعة
مدرسينا فى المدارس .. اند سو اون
الناس الكبيرة عامة شايفين ان احنا تافهين وسطحيين وسزج
وكل تفكيرنا فى هيافات وكلام فارغ
ومفيش ورانا غير الموبايل والنت والخروج
والجامعة بالنسبالنا بقت فسحة و و
والى اخره من الاتهامات
بقالى فترة كده بفكر هل الناس دى عندها حق؟؟
بصراحة مش عارف
بس اللى اعرفه ان ربنا خلق كل انسان بقدرات
وعقليتي غير عقليتك
وعقليتي غير عقلية ابويا مثلا
وعقليتي غير عقلية المدرس بتاعى فى المدرسة
وهكذا...
>>هو مش ممكن انت تبقي قاعد فى البيت وتلاقي والدك اخد قرار معين
تقوله لا يا بابا احنا ممكن نعمل كذا هيبقي افضل
وفعلا تكون بتتكلم صح
>>تبقي قاعد فى المحاضرة مثلا وتلاقي الدكتور حل مسألة بطريقة
تقوله يا دكتور ماحنا ممكن نحلها بالطريقة الفلانية افضل
فى النتيجة او الخطوات
ممكن؟
اه وراد جدا وبتحصل
طيب ليه وصلنا للحال اللى احنا فيه ده
هل استهتار مننا؟؟
ممكن
هل لان كل واحد بقي بيكبر الجى ويروق الدى
وفكك منى بقي يا عم خليني اقعد العب شوية جيمز
ولا انزل اتمشي فى السلطان حسين؟؟
احتمال
ولا هل دا اعتماد مننا على الناس الكبيرة
بقيت قاعد فى بيتكو مستنى ابوك يجيبلك كل حاجة تطلبها
وانت بس تقول عايز وعايز
ولو مجابوش تقول مانتو اللى مجبتوليش؟؟
جايز
ولا دا ممكن يبقي تفسيره ايه بالظبط؟؟
بجد يا جماعة والله العظيم احنا جيل رائع
لـــــــــــــكن >> لو استخدمنا دماغنا صح
هما ليه بيقولو الرجالة ماتت فى الحرب
ليه سيد ابوحفيظة بقي يقول سيداتى سيداتى لان مبقاش فى رجااااالة :D
واحنا ردودنا تبقي:
ههههههههههههههههههههههه
نضحك
واحد بيهزقك وانت قاعد وانت تضحك وبؤك يجيب ودانك من هنا لهنا
مش هو دا رد الفعل؟
لو انا غلطان حد يقولى انت غلط
كل دا بيتحط تحت عنوان السلبية
بين كل جملة وجملة تسقيفة
واقطع دراعى لو كان نص اللى قاعدين فاهمين هو بيقول ايه
بس اهو هيص فى الزحمة
ونطلع فرحانين
دا راجل مثقف .. دا راجل متحضر .. دا راجل اتيكيت
الستات ماسكين فى دا هيجيبلنا حقوقنا
بيتكلم عن حقوق المرأة
الناس تقولك دا بيتكلم بالقران
دا راجل مثقف وبيتكلم فى كل المجالات
مهو لازم يا جدعان دا رئيس امريكا
عايزينه يبقي بياع فجل
لازم يبقي مثقف
وثقافته دى ليه ولبلده مش لينا
استخدامه الفاظ القران دى أداه عشان يكسب بيها تعاطف المسلمين ليس الا
كله كلام فى كلام والمحصلة صفر
كان اللى قبله عمل واللى قبله واللى قبله
الراجل اللى حاول يعمل حاجة اغتالوه
وهو نفسه باراك اوباما اتعرض لمحاولة اغتيال قبل كده قبل ما يعقل ويحط عقله فى راسه من وجهة نظرهم
ازاى احنا نستنى من واحد كافر يجيبلنا حقنا
محدش يقولى مسلم لانه مش مسلم
ولو مسلم يبقي بالكلام والورق دا لو لسه فى ورق
انا سمعت حديث للراجل ده بيتكلم فيه كلام فظيع
بوش بالنسباله رحمه
مشكلتنا ان احنا بنتخدع فى المظاهر
وبنمشي ورا اى حد يقول كلام معسول
محدش عايز يقتنع انها سياسات
يبقي ازاى نستنى من واحد كافر ييجي يعلمنا اصول التطور والنجاح واحنا فى ادينا منهج لو مشينا عليه نبقي اسياد الارض
والمثال موجود
احنا كنا بنحكم الاندلس اللى هى اسبانيا حاليا
وكنا منورين الشوارع فى حين كانت باريس عاصمة النور بلا نور
دا لما كنا بنحكمها بالمنهج الربانى مش بالديموقراطية وحقوق المرأة والكلام اللى مبيجيبش همه
تخلفنا كشعب من العالم التالت
وكجيل فى نظر اهالينا تافهين ملوش سبب غير لاننا بعدنا عن المنهج
كل منهجنا بقي صلاة وصوم وحج + ديموقراطية الفكر والتعبير عن الاراء واثبات الذات
والمحصلة ايه؟؟
صفر
لحد ما وصل بينا الحال اننا نقعد تحت رجل واحد كافر بيقول كلام معسول واحنا نسقف
ليه احنا منبدعش فى حياتنا ونبقي جيل يعرف يجيب حقه ويحقق اهدافه بنفسه
من غير ما نستنى واحد ييجي يحققهالنا دا لو حققها اصلا
ادينا شايفين اليابان وكوريا الشمالية
ظروفهم كانت زى الزفت
وقدرو فى فترة صغيرة اوى يعملو كل اللى هما عاوزينه
اليابان بقت الاولى فى العالم فى معظم المجالات
كوريا فيها نووى وامريكا متقدرش تعتب ناحيتها
عشان بقو بيعرفو يدافعو عن نفسهم ويجيبو حقوقهم باديهم
ايام السادات وبعد الناصر مكناش بنستنى نحرر ارضنا بقرار سياسي ولا بخطبه رئيس دوله عظمى
الناس اشتغلت وحاربت وعملت اللى هى عاوزاه بنفسها
وبقي الموضوع دا تراث محطوط فى مكتبة التاريخ
مبقالناش منه غير مقولة
معادش فى رجالة .. الرجالة ماتت فى الحرب
واحنا قاعدين هنا
شريط تامر نزل ولا لسه؟
شفت كليب مش عارف مين؟
مهو ليهم حق يقولو علينا كده
جيل تافه وسطحى وسازج
ويجري يعمل بوست فى البلوج بتاعه
لما تروح مستشفى كده بالصدفة وتخش قسم الطوارئ مثلا
وتشوف الحوادث اللى هناك والناس اللى متبهدلة
ولا تخش قسم الاورام او القلب اللهم احفظنا
وتتفرج على منظر الناس عامل ازاى
لو انت بتقول على نفسك تعبان هتطلع تاخدها جرى لحد بيتكو
دا لان ايه؟
قضا اخف من قضا
لما كل واحد دلوقتى تحصله مشكلة
شال مادة ولا زعل مع اللى بيحبه
ولا عمل مشكلة مع صاحبه
ييجي جرى يكتب بوست
وان هو اتعس مخلوق على وجه الارض
ويسود الدنيا فى وشه ووش اللى بيتعامل معاهم
مع انك لو شفت المشاكل بجد
ولما تحصلك كام حاجة ورا بعض كده
بدون ذكر امثلة
هتعرف الفرق بجد بقي
وتقول ان الناس دى كانت بتستهبل وانا اولهم
هما زعلانين على ايه
لان فعلا قضا اخف من قضا
ولما تشوف بلاوى الناس تهون عليك بلوتك
مش بقولك متحزنش
احزن وعيط واكتب
بس متخليش حزنك يغلبك
متخليش الحزن يمشي حياتك على مزاجه
لا مشي انت حياتك على مزاجك
اعمل لنفسك سيناريو وامشي عليه
مش لازم تنفذه 100% لا
حاول تنفذه على اد ما تقدر
انا بقول الكلام دا لنفسي قبل ما بقوله لحد
مش هقولكو بنفذه بحزافيره
بس بحاول
انا ايام الثانوى اه مكنتش بزاكر
كنت مثلا افضل الف طول النهار
العب كوره شوية
والعب بلاى ستيشن وبلياردو شوية
من الدرس ده على الدرس ده
وحياتى طول النهار برا البيت
اخش بيتنا اول حاجة افكر فيها الاكل :D
اكل واملا بطنى
ابدا افتكر بقي ان فى حاجة اسمها مزاكرة
دا لما تلاقي الساعة بقت 1 صباحا كده
طبعا امى بتبقي هتتجنن
يابنى زاكر
يا حبيبي شوف مصلحتك
ولا حيات لمن تنادى
مش هقولك دى ثقة بالنفس اكتر ما كانت استهتار
كنت اجى الساعة 1 مثلا
اقول انا الماكسيمام بتاعى النهارده لحد 3 لان عندى درس الصبح
طيب يعنى حدودى ساعتين دول اقسمهم ساعة فيزيا وساعة الا ربع رياضة و5 دقايق عربي و5 دقايق انجليزي :D
اينعم دا استهبال
بس اهو كان برنامج الواحد بيمشي عليه
وفى الاخر بيعمل حاجة من اللى هو عايزه
دلوقتى بقي استهتار مفيش بعد كده
الاستهتار عندى بقى بكميات ممكن تتصدر للخارج
يبقي عندى امتحان فاينال بكرة
والمادة لسه مفتحتهاش
وقاعد ع النت
اجى الساعة 2 بالليل الاقي نفسي تعبان
اقوم اقول ايه انام ساعتين كده لحد الفجر واقوم ازاكر
يا خبر ابيض يا جدعان
المنبه يضرب الفجر اقول كمان نص ساعة
ونص فى نص اقوم الساعة 6
على ماصلى الفجر واعمل كوباية نسكافيه
واقعد ازاكرلى ساعتين مثلا
يكون معاد الامتحان جه
والساعتين دول مش عشان انا محددهم ساعتين
لا دا عشان زنقة الامتحان بس ومفيش وقت ازاكر
دا طبعا لان مفيش برنامج محدده لنفسي امشي عليه
والنتيجة زفت
مش عارف انا كتبت البوست دا ليه
او ايه السبب منه
بس هو كان مخزون كلام عندى وعايز اطلعه
يمكن لانى مريت بفترة اتجمع فيا كذا مشكلة فى حياتى فى وقت واحد
زى مثلا لما يكون واحد قوى قابل حد عايز يتخانق معاه
هيمسكه يضربه لانه قوى
وقدر يغلب اللى جايله ده
لكن تعالى يوم تانى كده
نفس الشخص القوى ده قابل مثلا 5 من عينة اللى ضربه قبل كده
اكيد هما اللى هيضربوه
لان هما 5 ومهما كان قوى مش هيقدر يتغلب عليهم
هو دا الحال بالظبط فى المشاكل
الانسان لو قابل مشكلة واحدة ممكن بالعزيمة يقدر يتغلب عليها وبتعدى
لكن لما تقابل كذا مشكلة فى وقت واحد كل مشكلة بتضربك فى حتة
لحد ما تلاقي نفسك وقعت ومش قادر تقاوم
هنا بقي بقي لا حول لك ولا قوة
الا بالله سبحانه وتعالى
عشان كده ساعتها مش هينقذك غير قولة يا رب
اتكلمت كتير اوى اوى
وعارف ان مفيش حد ملزم انه يقرا الكلام دا كله
ولا فى حد ملزم انه يرد عليه بردو
زى مانا مش ملزم انى احدد ايه هدفى منه بردو :D
مش عارف أبدأ منين
عايز اتكلم فى شوية حاجات
ممكن تكون ملهاش علاقة ببعضها
أو يمكن يكون ليها...
مش عارف
أو احتمال تالت انها تكون ليها علاقة ببعضها بس من ناحية حالتى النفسية دلوقتى
ما علينا
اليومين دول وانا بلف فى البلوجات كده
معظم الناس حزينة وزعلانة ومكتئبة وكاتمة فى نفسها و و و
والمواضيع عن الصمت والفراق والبكاء والوحدة و و و
احنا جيل بيقولو انه مرفه
ومفيش جيل جه قبلنا بنفس الرفاهية دى
زى ما بنقول ان الجيل الصغير اللى جاى بعدنا هيبقي اكتر رفاهية
دلوقتى طفل صغير كده اد ركبتي تلاقيه عارف كمبيوتر
وعارف جيمز معقدة
وبيتعامل مع العاب فظيعة الجرافيكس بتاعها عالى جدا
حاجة فوق الوصف
فى حين ان انا لما كنت اده كده كان اقصى طموحى انى العب جيم ماريو بالاتارى :D
وما شاء الله الاطفال دلوقتى عليهم عقلية رهيبة ومحدش يقدر ينكر
زى بردو ما الجيل اللى هييجي بعدهم هيبقي عقلية احسن واللى بعدهم احسن وهكذا
اكيد دا نابع من التطور اللى عايشينه
الدنيا بتتقدم واحنا بنتقدم معاها
اينعم احنا ماشيين بخطى السلحفة
متشعلقين فى سبنسة القطر
بس ادينا بنواكب التطور
لو مش بالمشاركة يبقي بالفرجة
طيب خلينا فى الجيل بتاعنا
احنا بالنسبة للناس اللى اكبر مننا
اولياء امورنا مثلا
دكاترتنا فى الجامعة
مدرسينا فى المدارس .. اند سو اون
الناس الكبيرة عامة شايفين ان احنا تافهين وسطحيين وسزج
وكل تفكيرنا فى هيافات وكلام فارغ
ومفيش ورانا غير الموبايل والنت والخروج
والجامعة بالنسبالنا بقت فسحة و و
والى اخره من الاتهامات
بقالى فترة كده بفكر هل الناس دى عندها حق؟؟
بصراحة مش عارف
بس اللى اعرفه ان ربنا خلق كل انسان بقدرات
وعقليتي غير عقليتك
وعقليتي غير عقلية ابويا مثلا
وعقليتي غير عقلية المدرس بتاعى فى المدرسة
وهكذا...
>>هو مش ممكن انت تبقي قاعد فى البيت وتلاقي والدك اخد قرار معين
تقوله لا يا بابا احنا ممكن نعمل كذا هيبقي افضل
وفعلا تكون بتتكلم صح
>>تبقي قاعد فى المحاضرة مثلا وتلاقي الدكتور حل مسألة بطريقة
تقوله يا دكتور ماحنا ممكن نحلها بالطريقة الفلانية افضل
فى النتيجة او الخطوات
ممكن؟
اه وراد جدا وبتحصل
طيب ليه وصلنا للحال اللى احنا فيه ده
هل استهتار مننا؟؟
ممكن
هل لان كل واحد بقي بيكبر الجى ويروق الدى
وفكك منى بقي يا عم خليني اقعد العب شوية جيمز
ولا انزل اتمشي فى السلطان حسين؟؟
احتمال
ولا هل دا اعتماد مننا على الناس الكبيرة
بقيت قاعد فى بيتكو مستنى ابوك يجيبلك كل حاجة تطلبها
وانت بس تقول عايز وعايز
ولو مجابوش تقول مانتو اللى مجبتوليش؟؟
جايز
ولا دا ممكن يبقي تفسيره ايه بالظبط؟؟
بجد يا جماعة والله العظيم احنا جيل رائع
لـــــــــــــكن >> لو استخدمنا دماغنا صح
هما ليه بيقولو الرجالة ماتت فى الحرب
ليه سيد ابوحفيظة بقي يقول سيداتى سيداتى لان مبقاش فى رجااااالة :D
واحنا ردودنا تبقي:
ههههههههههههههههههههههه
نضحك
واحد بيهزقك وانت قاعد وانت تضحك وبؤك يجيب ودانك من هنا لهنا
مش هو دا رد الفعل؟
لو انا غلطان حد يقولى انت غلط
كل دا بيتحط تحت عنوان السلبية
السيد باراك اوباما
كان هنا وواقف بيخطب كل ما يبطل كلام عشان ياخد نفسه نسقفبين كل جملة وجملة تسقيفة
واقطع دراعى لو كان نص اللى قاعدين فاهمين هو بيقول ايه
بس اهو هيص فى الزحمة
ونطلع فرحانين
دا راجل مثقف .. دا راجل متحضر .. دا راجل اتيكيت
الستات ماسكين فى دا هيجيبلنا حقوقنا
بيتكلم عن حقوق المرأة
الناس تقولك دا بيتكلم بالقران
دا راجل مثقف وبيتكلم فى كل المجالات
مهو لازم يا جدعان دا رئيس امريكا
عايزينه يبقي بياع فجل
لازم يبقي مثقف
وثقافته دى ليه ولبلده مش لينا
استخدامه الفاظ القران دى أداه عشان يكسب بيها تعاطف المسلمين ليس الا
كله كلام فى كلام والمحصلة صفر
كان اللى قبله عمل واللى قبله واللى قبله
الراجل اللى حاول يعمل حاجة اغتالوه
وهو نفسه باراك اوباما اتعرض لمحاولة اغتيال قبل كده قبل ما يعقل ويحط عقله فى راسه من وجهة نظرهم
ازاى احنا نستنى من واحد كافر يجيبلنا حقنا
محدش يقولى مسلم لانه مش مسلم
ولو مسلم يبقي بالكلام والورق دا لو لسه فى ورق
المسلم من سلم المسلمون من لسانه ويده
انا سمعت حديث للراجل ده بيتكلم فيه كلام فظيع
بوش بالنسباله رحمه
مشكلتنا ان احنا بنتخدع فى المظاهر
وبنمشي ورا اى حد يقول كلام معسول
محدش عايز يقتنع انها سياسات
يبقي ازاى نستنى من واحد كافر ييجي يعلمنا اصول التطور والنجاح واحنا فى ادينا منهج لو مشينا عليه نبقي اسياد الارض
والمثال موجود
احنا كنا بنحكم الاندلس اللى هى اسبانيا حاليا
وكنا منورين الشوارع فى حين كانت باريس عاصمة النور بلا نور
دا لما كنا بنحكمها بالمنهج الربانى مش بالديموقراطية وحقوق المرأة والكلام اللى مبيجيبش همه
تخلفنا كشعب من العالم التالت
وكجيل فى نظر اهالينا تافهين ملوش سبب غير لاننا بعدنا عن المنهج
كل منهجنا بقي صلاة وصوم وحج + ديموقراطية الفكر والتعبير عن الاراء واثبات الذات
والمحصلة ايه؟؟
صفر
لحد ما وصل بينا الحال اننا نقعد تحت رجل واحد كافر بيقول كلام معسول واحنا نسقف
ليه احنا منبدعش فى حياتنا ونبقي جيل يعرف يجيب حقه ويحقق اهدافه بنفسه
من غير ما نستنى واحد ييجي يحققهالنا دا لو حققها اصلا
ادينا شايفين اليابان وكوريا الشمالية
ظروفهم كانت زى الزفت
وقدرو فى فترة صغيرة اوى يعملو كل اللى هما عاوزينه
اليابان بقت الاولى فى العالم فى معظم المجالات
كوريا فيها نووى وامريكا متقدرش تعتب ناحيتها
عشان بقو بيعرفو يدافعو عن نفسهم ويجيبو حقوقهم باديهم
ايام السادات وبعد الناصر مكناش بنستنى نحرر ارضنا بقرار سياسي ولا بخطبه رئيس دوله عظمى
الناس اشتغلت وحاربت وعملت اللى هى عاوزاه بنفسها
وبقي الموضوع دا تراث محطوط فى مكتبة التاريخ
مبقالناش منه غير مقولة
معادش فى رجالة .. الرجالة ماتت فى الحرب
واحنا قاعدين هنا
شريط تامر نزل ولا لسه؟
شفت كليب مش عارف مين؟
مهو ليهم حق يقولو علينا كده
جيل تافه وسطحى وسازج
نيجي لموضوع ان كل واحد بقي شايف نفسه حزين دلوقتى
واللى بيجيله حاجة بسيطة كده يقولك انا تعبانويجري يعمل بوست فى البلوج بتاعه
لما تروح مستشفى كده بالصدفة وتخش قسم الطوارئ مثلا
وتشوف الحوادث اللى هناك والناس اللى متبهدلة
ولا تخش قسم الاورام او القلب اللهم احفظنا
وتتفرج على منظر الناس عامل ازاى
لو انت بتقول على نفسك تعبان هتطلع تاخدها جرى لحد بيتكو
دا لان ايه؟
قضا اخف من قضا
لما كل واحد دلوقتى تحصله مشكلة
شال مادة ولا زعل مع اللى بيحبه
ولا عمل مشكلة مع صاحبه
ييجي جرى يكتب بوست
وان هو اتعس مخلوق على وجه الارض
ويسود الدنيا فى وشه ووش اللى بيتعامل معاهم
مع انك لو شفت المشاكل بجد
ولما تحصلك كام حاجة ورا بعض كده
بدون ذكر امثلة
هتعرف الفرق بجد بقي
وتقول ان الناس دى كانت بتستهبل وانا اولهم
هما زعلانين على ايه
لان فعلا قضا اخف من قضا
ولما تشوف بلاوى الناس تهون عليك بلوتك
مش بقولك متحزنش
احزن وعيط واكتب
بس متخليش حزنك يغلبك
متخليش الحزن يمشي حياتك على مزاجه
لا مشي انت حياتك على مزاجك
اعمل لنفسك سيناريو وامشي عليه
مش لازم تنفذه 100% لا
حاول تنفذه على اد ما تقدر
انا بقول الكلام دا لنفسي قبل ما بقوله لحد
مش هقولكو بنفذه بحزافيره
بس بحاول
انا ايام الثانوى اه مكنتش بزاكر
كنت مثلا افضل الف طول النهار
العب كوره شوية
والعب بلاى ستيشن وبلياردو شوية
من الدرس ده على الدرس ده
وحياتى طول النهار برا البيت
اخش بيتنا اول حاجة افكر فيها الاكل :D
اكل واملا بطنى
ابدا افتكر بقي ان فى حاجة اسمها مزاكرة
دا لما تلاقي الساعة بقت 1 صباحا كده
طبعا امى بتبقي هتتجنن
يابنى زاكر
يا حبيبي شوف مصلحتك
ولا حيات لمن تنادى
مش هقولك دى ثقة بالنفس اكتر ما كانت استهتار
كنت اجى الساعة 1 مثلا
اقول انا الماكسيمام بتاعى النهارده لحد 3 لان عندى درس الصبح
طيب يعنى حدودى ساعتين دول اقسمهم ساعة فيزيا وساعة الا ربع رياضة و5 دقايق عربي و5 دقايق انجليزي :D
اينعم دا استهبال
بس اهو كان برنامج الواحد بيمشي عليه
وفى الاخر بيعمل حاجة من اللى هو عايزه
دلوقتى بقي استهتار مفيش بعد كده
الاستهتار عندى بقى بكميات ممكن تتصدر للخارج
يبقي عندى امتحان فاينال بكرة
والمادة لسه مفتحتهاش
وقاعد ع النت
اجى الساعة 2 بالليل الاقي نفسي تعبان
اقوم اقول ايه انام ساعتين كده لحد الفجر واقوم ازاكر
يا خبر ابيض يا جدعان
المنبه يضرب الفجر اقول كمان نص ساعة
ونص فى نص اقوم الساعة 6
على ماصلى الفجر واعمل كوباية نسكافيه
واقعد ازاكرلى ساعتين مثلا
يكون معاد الامتحان جه
والساعتين دول مش عشان انا محددهم ساعتين
لا دا عشان زنقة الامتحان بس ومفيش وقت ازاكر
دا طبعا لان مفيش برنامج محدده لنفسي امشي عليه
والنتيجة زفت
مش عارف انا كتبت البوست دا ليه
او ايه السبب منه
بس هو كان مخزون كلام عندى وعايز اطلعه
يمكن لانى مريت بفترة اتجمع فيا كذا مشكلة فى حياتى فى وقت واحد
زى مثلا لما يكون واحد قوى قابل حد عايز يتخانق معاه
هيمسكه يضربه لانه قوى
وقدر يغلب اللى جايله ده
لكن تعالى يوم تانى كده
نفس الشخص القوى ده قابل مثلا 5 من عينة اللى ضربه قبل كده
اكيد هما اللى هيضربوه
لان هما 5 ومهما كان قوى مش هيقدر يتغلب عليهم
دا اللى اسمه الكترة تغلب الشجاعة
هو دا الحال بالظبط فى المشاكل
الانسان لو قابل مشكلة واحدة ممكن بالعزيمة يقدر يتغلب عليها وبتعدى
لكن لما تقابل كذا مشكلة فى وقت واحد كل مشكلة بتضربك فى حتة
لحد ما تلاقي نفسك وقعت ومش قادر تقاوم
هنا بقي بقي لا حول لك ولا قوة
الا بالله سبحانه وتعالى
عشان كده ساعتها مش هينقذك غير قولة يا رب
اتكلمت كتير اوى اوى
وعارف ان مفيش حد ملزم انه يقرا الكلام دا كله
ولا فى حد ملزم انه يرد عليه بردو
زى مانا مش ملزم انى احدد ايه هدفى منه بردو :D
بس اهو
مجرد فضفضة
مجرد فضفضة
:)
19 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
هتغدي وارد عليك
وبعدين انا خلصت وانت مجيتش
بس احسن
عارف
الجو نار
والله لو تشوفني وانا قاعد هتضحك ضحك
الواحد طفشان من هدومه
سلام مؤقت
وبعد أن قرأت فضفضتك تغيرت فيني أشياء كثير :)
بجد كلامك ياأحمد يخلي الواحد يفكر ليه هو عايش ؟؟
يخليه يكون عنده هدف في الحياه.
لأنه كله كلام منطقي ويحاكي واقعنا اللي عايشينه
وُفقت في كتابة الفضفضه
واستمعت بقرائتها :)
تقبل مروري وتعليقي
وجـــــــدان
مش هعلق اكتر من كده
انت تعتبر كده غنيت علي نفسك
لانك كتبت موضوع وكنت بترد علي نفسك بردو
فبالتالي اي رد مش هيقدم ولا هيأخر
فهكتفي بالتصقيفه
يابنى هو انا كنت قلتلك علق
مانا كاتب ان دى فضفضة
وانت مش مطالب انك ترد
ولا حتى مطالب انك تقرا
بس عموما مشكور على تعلقيك
قصدى تعليقينك :d
انا مش مطالب انى ارد زى ما بتقول
بس انا نفسى اتكلم فى نقطه
احنا ليه بنقول الرجاله ماتت فى الحرب
وليه زمان كانوا احسن مننا
دلوقتى مفيش حاجه اسمها حرب بالاسلحه والكلام ده بقى قليل جدا عن زمان
كل الحروب دلوقتى حروب نفسيه
زى ما زمان حصل معانا فى الاندلس وحاربوا المسلمين بفتنه النساء
عشان يقدروا يتغلبوا عليهم بسهوله
هو دا اللى بيحصل معانا بالظبط
وتخيلها باى حاجه فيها فساد بقى
بداية من الكذب وحتى قتل الاب لابنه او بنته
طبعا وسائل الحرب النفسيه كتير وانا مش عايز اتكلم اكتر من كده فيها
نقطه زمان كانوا احسن مننا
دى نقطة خطيره جدا
زمان كان الراجل راجل بمعنى الكلمه
لكن بص دلوقتى فعلا هتلاقى القليل من الرجال
وبعدين احنا من طفولتنا حتى التخرج بتتعلم العلوم الطبيعيه
وبعد التخرج حتى سن الاربعين او اقل قليلا بنتعلم من الحياة
وبعد الاربعين حتى الممات بنعلم الاجيال اللى بعدنا
وزى مانت قولت بنواكب العصر فا من الطبيعى ان الاجيال القادمه هتبقى اوعى مننا فى نقاط التطور قليلا ولكن مش هتعرف فى اساسيات الحياة اكتر منك
اتمنى يكون كلامى مفهوم لانى حاسس انه متلخبط
واسف على الاطالة
انا حاسة انها جت في وقتها اوووي
انا الحمدلله انهارده حاسة براحه بال وحاسة بهدوء وراحه نفسيه بجد بحمد ربنا عليها
حتي مبفكرش في اي حاجه كانت مزعلاني ولا بفكر في اي حد...انا بجد بقالي اكتر من سنه
عدت عليا ظروف صعبه اوووووووي حسيت اني انكسرت والدنيا وقفت علي كده
وعشت الفتره اللي فاتت دي في عذاب اقدر اقول كنت اسيره الاحزان واستسلمت لحاجات كتير
:
:
:
انا بقالي اسبوع بدعي ربنا اني ابقي مبسوطه ومكنتش عايزه اكتر من كده
وبجد الاسبوع اللي فات ده انا مكنتش بقول غير اللهم ارزقني القناعه والرضا..واتمنيت من ربنا اني انبسط بجد
الحمدلله انهارده صحيت للفجر حاسه نفسي بقيت واحده تانيه راضيه بكل حاجه حواليا وحاسه براحه نفسيه
ومبفكرش في اي حاجه زعلتني ولا اي حد وسايبه اليوم يعدي من غير تفكير في اي حاجه ومسلماها لربنا
وفكرت في حاجه واحده بس
الموت...فكرت في ناس كتير كانوا معانا وراحوا
وافتكرت شيماء الله يرحمها..وقولت لنفسي خدت ايه معاها ولا اي حاجه بين لحظه والتانيه سابت كل الناس اللي بتحبهم وبيحبوها وراحت..حد مات بعدها الدنيا وقفت؟؟؟
الناس اهه عايشه واحنا عايشين والناس بتضحك وتعيط و....
قلت لو انا مت هيحصل ايه يعني هتعملوا ايه؟؟؟
عارفين مدونه شاطئ الاسرار دي صحبتها ماتت!!اللي هيقول انا كنت بكلمها امبارح والي يقول دي قالت كذا وكانت بتعمل كذا وصحابي هيزعلوا كتير او شويه وف الاخر هتنسي
عشان كده مبقتش عايزه افكر في اي حاجه تزعلني ولا في اي حد
عايزه ابقي راضيه ومبسوطه وربنا راضي عني وخلاص
عشان لو مت علي الاقل الناس تفضل فكرالي حاجات حلوه
وعشان نفسي اموت مرتاحه...انا بجد بقالي فتره كان نفسي احس براحه بال ورضا
امممممممممممممممممممم
اتكلمت كتير اووووووووي..كان نفسي اقول اكتر من كده
بس كفايه اللي اتقال
ربنا يبسطنا جميعاً
**
اه صحيح انا في سؤال بقالي فتره كل شويه عايزه ادخل اسألهولك
وكل لما اجي اساله ارجع في كلامي واقول علي نفسي حشريه اوووي
بس هساله وخلاص
عملت ايه في النتيجه ؟؟؟
هرجع بالتفاصيل
بعد الفاصل :D
انا مفيش فرصه سنحت ليا انى اكلمك واعرف انت مخنوق ليه
بس كويس انك بتكتب
على الاقل
فضفضه زى ما قولت
وبما ان دى فضفضه
نفضفض معاك
وكاننا بنكتب بوست عن نفسنا
ومستنين تعليقك
اولا
اول شئ جميل جدا ومؤثر جدا
كل منهجنا بقي صلاة وصوم وحج + ديموقراطية الفكر والتعبير عن الاراء واثبات الذات
والمحصلة ايه؟؟
صفر
ده يا ابو صلاح ليه
نقول ان الناس خلاص
مبقاش فى منهج ربانى
مبقتش تفكر
هو انا لما اعصى ربنا هخش النار
مفيش ده
فيه هو انا لما اعصى ربنا
هبقى استغفر كمان ساعه كده
الناس معندهاش اى احساس بالمسئوليه
احنا جيل رائع فعلا
جيل كويس
بس عيبنا صغير
احنا هايفين قوى
جيل هايف
يعنى لما اكلم واحد
اقوله ليه بتخش شات مع ناس متعرفهومش فى موقع
وده بيضيع وقتك
يقولى اهه
بكون علاقات جديده قويه
واتعرف بناس والذى منه
مع انهم بيخشوا يشتموا ويهيصوا ودمتم
بس تضييع وقت
اللى بقى حزين
وحاسس بالاكتئاب
ده مبيبقاش بقى انه حزين فعلا
ده اسمه دلع على عدم نضوج فى الشخصيهعلى كمان كام حاجه اهمهم الشخصيه الهايفه
انا شوفت فيلم رومانسى
قلبى هفهف
وروحت كتبت عن الحزن والفراق
وانى وحيد
وحزين
وابطال الفيلم سبحان الله
بيحكوا قصتى
اصلى واد رومانسى
شوفت بقى يا عم كميه الهيافه
معظم الناس كده
لكن لما تجيب واحد منهم
وتفرجهم على الحلقه
بتاع الهالى الدويقه
فى برنامج واحد من الناس
وتوريهم ناس عايشه فى الشارع
وناس اطفالهم الفيران قرقضت اعضاءها
هيعرفوا مدى هيافتهم
وكميه الرفاهيه اللى هما عايشين فيها
رفاهيه بزياده
ادت لعدم وجود شخصيه ناضجه
تتحمل مسئوليه
تتكلم فى شئ مفيد
بالنسبه لاوباما
انا قولتها قبل كده
وهقولها لحد ما امسك انا امكريكا
مفيش رئيس امريكى هييجى مثلا يبقى احسن من اللى قبله
ولا يبقى طيب وامور وجميل
ويحب العرب
والاسلام
ويضرب اسرائيل الوحشه
ده راجل سياسى
وعارف بيعنل ايه
وعارف يضحك علينا ازاى
هو رئيس الصومال يا جدعان
المزاكره بقى يا ابو صلاح
انا دغعتك
واحب اقولك ان جدولك ده
كان تبيكال جدولى
بغض النظر عن انى
كنت بعمله مخصوص لما اجى
انام
عشان معملوش اصلا
العبره يا ابو صلاح
انك تبقى راجل
تبقى عارف انك هتلم نفسك بنفسك
انا والله فاهمك
وعارف جميع الكلام اللى بتقول عليه
انا فى اولى هندسه
والحمد لله
احتمال اشيل ماده او اتنين
وده لانى بجد سيبت كل شئ بعد الثانوى
قولت كفايه بقى مزاكره
العب
ودى النتيجه
قضى اخف من قضى يا ابو صلاح
متقريفش نفسك
انت مش ناقص بقى
انت سيادتك محبط وقرفان انت كمان شكلك
استحمل يا عم
امال رجاله ليه بقى
انت بس شوفنى بعد ما اجيب النتيجه
هولول فى البوست
الدكاتر هينتقموا من اجدادى فيا
عشان اجدادى موتوا اجداده فى حرب التتار
ههههههه
ابويا كان مع ابو صلاح الكبير بقى
متزعلش وفكها
وبقولك ايه صحيح
اوعى يكون ردك سطر على الكلام الكتير ده
انا تعبت
(( ملحوظه: دى دعابه))
المهم يا ابو صلاح
انت مفيش كلمه قولتها غلط
بس احب اضيفلك
اننا محتاجين قدوه
لان كل الحمقى لا يكفون عن الكلام
:)
اكيد طبعا
بس فى ناس بتبالغ شوية :D
بس اى حاجة فى الدنيا من حقك تعبري عنها بطريقتك الخاصة
دى مفهاش مشكلة :)
ماشي يا طفشان
انا زيك بردو
طفشان
بس مش من هدومى :D
وجدااااااان
اختنا العزيزه
يا هلا باهل الباحه كلهم
بجد مدونتنا نورت النهارده
ومرورك على راسنا من فوق :)
باشا
وصلت وجهة نظرك
زودت النور بتاع وجدان :D
كلامك حلو اوى
فعلا رضا النفس احسن حاجة
الكلام عن الموت اكيد بيرقق القلوب
زى زيارة القبور كده
بس بلاش سيرة الموت كتير خلينا فى حياتنا دلوقتى نعمل المطلوب فيها وخلى الموت ييجي لوحده
لكل اجل كتاب
ربنا يرحم كل امواتنا
ويلحقنا بيهم على خير
==============
موضوع النتيجة دا بقي
يمكن تكون غريبة شوية انى اقول انى مبزاكرش وفى نفس الوقت زعلان عشان شلت مادة
ورغم انى شلت قبل كده كمان
بس المرادى بجد فرقت معايا
لانى حاسس انها مكانتش تستاهل
وجت فى حاجة تافهة جدا
مش عايز اتكلم فى الموضوع دا كتير
كفاية اتحسبنت مرة
لانى بجد لو مش حاسس انى اتظلمت مكنتش زعلت والمقربين منى عارفين كده
يالا الحمد لله اديني بقيت فى رابعة
انت بقي مش عارف انت ليه بتكتب كلمتين فى سطر
وفى الاخر تلاقي نفسك كاتب لستة اااااد كده
وممكن تتلخص فى 4 سطور
يمكن البكرة بتاعة الماوس بتاعتك حلوة سريعة شوية فبتشغلها بقي :D
ما علينا
حاسس انك كررت الكلام بطريقة تانية
عموما زودت لمبتين فى النور
وسلامى لاهل الدويقة :D
:D
طب والله الست دى بتتكلم كلام زى الفل
هههههههههههه
:)
خلاص الكلام
كفايانا غم بقي
انا مش عارف كتبت الكلام دا كله امتى
_دانت رغاى اوى يا اخى_
:D
بجد متشكر جدا للناس اللى استحملتنى وشاركتنى فى الموضوع ده
انا كسبت حاجات كتير من البلوج ده
بغض النظر عن كمية الهيافة اللى فيه
بس انا حاسس ان فى حاجات حلوة
ربنا يخليكو لينا يا رب :)
بس لازم ارد
بصراحه انا عايزه اثقف ليك على كلامك دا بجد كلامك كان رائع واحسن شىءانك كنت صادق مع نفسك قبل ما تكون صادق فى كلامك فى الموضوع
بلاش نقارن نفسنا بزمان ولو لاسبوع واحد عدى علينا لان كل يوم بيعدى بيكون فيه جديد ودنيا تانيه ولازم نعشها بكل الجديد فيها مهما كان وحش او حلو الوحش بايدنا نبعد عن طريقنا ومنفكرش فيه والحلو ناخده فى جدولنا ونمشى حياتنا بيه
الدنيا بقت سريعه فى كل حاجة فى الفرح او حتى الحزن كل حاجة بقت غريبه وبصراحه مبقاش فى طعم لاى شىء
انا مش بقول كدا علشان اقفلها بس دا بقى واقع ولا نعيشه وخلاص
موضوع بقى ان كل واحد بيكتب اللى جواه فى البلوج ولو حتى مشكله صغيره انا مش معاك فى دى عادى لازم كل واحد يكتب ولو حتى لو كانت حاجة تافه بس هيجى يوم وتقرا الكلام دا وتقول لا انا كنت ضعيف اوى ولازم اقوى من نفسى فى الحياه دى واكون اقوى فى حل اى مشكله بعد كدا والكلام مش بيقدم ولا بياخر بس بيريح فعلا الواحد لما بيتكلم وبيكتب بيرتاح كتير اوى اه فعد كدا بيكتشف انه كان اوفر اوى فى رد فعله بس على الاقل نفسيا ارتاح والواحد لازم يتعلم من كل اللى بيعدى عليه ومش مشكله اننا نغلط او نكون فى حاجة لا مبالاه المشكله اننا نفوق منها بدرى بدرى قبل ما كل حاجة فى حياتنا تبقى ندم على اللى فات
ايه يعنى نتعب شويه مع نفسنا فى دراستنا مع صحابنا هنزعل شويتين هنضايق شويه مش مشكله المهم ان منستمرش فى دا بقيت حياتنا ونقول ياريت اللى حصل دا ما محصلش
اسفه ردى طويل يمكن متكملتش عن كل حاجة بس علشان ميحصلش زهق بقى
شكرا على الموضوع دا وعلى الافكار الجميله اللى فيه وياريت فعلا كلنا نحال نتغير للاحسن مش كلام وبس