ارجوك متفتيش


النهارده 15 فبراير 2011
يعنى بعد ثورة 11 فبراير بكام يوم كده
خلصت الثورة .. والناس رجعت بيوتها وفى اللى مرجعش

طبعا انا مكتبتش كلمة واحدة هنا من يوم 25 لحد النهارده
دا مش معناه انى مكنتش فاضي مثلا اكتب او انا مطنش
لا خالص
بس بجد انا لما لقيت الناس كلها بتتكلم
من الطفل اللى عنده 10 سنين لحد الراجل المسن
مرورا باللى مش عايش فى البلد اصلا
باللى فاهم واللى مش فاهم
باللى متابع واللى مش متابع

فانا قررت انى ماكتبش ولا كلمة واتفرغ للقراءة :D

سبق وقولت ان اللى مودينا فى داهية هى الفتاوى
وناس تضلل ناس .. وناس اساتذه فى اثارة الاشاعات والفتن
يمكن يكونو مش قاصدين يعملو مشكلة .. بس كانت بتحصل
ومشكلتنا اننا بنصدق وننساق ورا اى كلام يتقال .. الا من رحم ربي

شعار الانسان المصري " انا افتى اذا انا موجود "
بجد حرام .. الفيس بوك اشتكى .. الايميل دا مكانش بيبطل رسايل .. وما زال
مش ممكن .. كل واحد لازم يقول حاجة .. كل واحد لازم يبقاله رأى ولازم يبقي مختلف
لدرجة ان الاحزاب المعارضة مكانلهاش صوت
احنا كنا 80 مليون حزب :D

فمكانش هيحصل حاجة لما يبقو 80 مليون الا 1
واهو نوع من الاختلاف بردو :D

ارجوكم متفتوش
سيبو اللى فاهم يتكلم .. وادو الناس فرصة تشتغل وتورينا اللى عندها
ومعلش تعالى على نفسك وخلى الكلمتين اللى عندك ليك :D

يالا مبروك على الشعب المصري كله ويا رب الجاى يبقي احسن

وكل سنة وانتو طيبين جميعا
عشان المولد النبوي ها .. مش حاجة تانية
الفلانتاين والكلام الفارغ ده :D

5 Comments:

  1. MOROOOO said...
    Like :)
    !! a7mad sala7 !! said...
    thanx :) ..
    واحد من الناس said...
    انا افتي اذا انا موجود
    حلوة
    بس علشان انا مش عايش في مصر يبقى مليش دعوة باللي بيحصل فيها متهيألي مش منطقي , لانها بلدي في النهاية وانا عايزها احسن بلد في الدنيا
    !! a7mad sala7 !! said...
    مش فاهم الحقيقة !!

    فين من اللى قولته اللى بيتعلق بجملة مش عايش فى مصر مليش دعوة باللى بيحصل فيها ؟؟
    !! a7mad sala7 !! said...
    عموما شرفتنا بزيارتك :)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds