عفوا .. الشعبي متبري منكو

يا سااااااااااتر
الفرح لسه خلصان .. والواحد دماغه ورمت
حتت فرح كان شغال تحت .. غتيـــــــــــت
الفرح كله على نفس الوتيرة
دى جى محطوط .. وحبلين نور .. وشوية تعابين عمالة تتلوى
لا والله دا مش رقص .. الرقص الرقص اللى نعرفه دا لا مش هو
دا حاجة كده وصفها مختلف

الدى جى بقي مشغل ايه
حبة اغانى .. حرام يتقال عليها اغانى
محدش يقولى شعبي .. الشعبي دا بالنسبالها فن

زماان
ايام عدوية .. اول ما طلع عدوية
يمكن دا اول واحد غنى شعبي صريح
قابل هجوم فظيـــــــع .. محدش سابه فى حاله
وقالو دا بيخل بالغناء العربي وقاول دا هابط وكلام كده .. ورغم كده نجح جدا ومعلم فى الناس كلها

الشعبي فضل ينحط ينحط لحد مثلا من سنتين تلاتة كده
ايام العنب :D
فى عصر العنب بردو اول ما طلعت فضلنا نقول ايه ده وعنب ايه بس والناس غضبت عليها
ورغم كده هى مقبولة .. بالنسبة للافراح مقبولة

لكن تعالى دلوقتى بقي وصلنا لمرحلة
بجد بجد حاجة تكسف
دى مش اغانى .. ودول مش مغنيين .. واللى بيسمعوها دول مش بنى ادمين
حاجة اخر قلة ادب والله
موسيقي غريبة .. وواحد او مجموعة ناس بيتفننو انهم يوحشو صوتهم .. بيتفننو للوصول لنبرة معينة تخليك تسمعها تتف عليهم
وكلام غريب مش مفهوم .. شوية مغيبين بيغنو .. وشوية مغيبين بيرقصو
واحد بيقول انا نازل يا سعاد .. خلى بالك م الولا
ناقص يقولها طب اجيب ايه وانا طالع
واحد تانى بيقول تاريخ وعمال يكرره .. 14-2 .. 14-2 .. حاجة زى كده
انت عامل اغنية للذكرى مثلا ولا ايه
وبصوت يحسسك فعلا بالاشمئزاز .. والغريب انك تبص ع الناس تحس انهم فى المود بتاعه
انا مش فاهم مين اللى فتح لدول استوديو .. ومين اللى سمحلهم يسجلو حاجة زى كده .. ومين اللى وافق على نشرها
تحس انهم قاعدين بيحششو وبيعدو المايك على بعض .. ويخش واحد ييحي وينقط
والموضه بقي العيال .. شوية عيال كده بتسجل
يعنى بجد جو كده يا سااااااااتر .. تحس انك عاوز تقطع عليهم النور

قيس بقي حبة اغانى على كده نازلين دفعة واحدة .. وسوقهم ماشي اوى
فى الافراح .. نفس الرتم .. نفس الغباء .. والناس مبتزهقش ودا اللى غايظنى
طب هنوصل لايه بعد كده .. مش عايز حد يقولى دا شعبي
دا فضيـــــحــة

انتو فضيحة .. عار على البني ادمين
ده لا يمس الشعبي بصله
حتى الشعبي برئ منكو ومن امثالكو

8 Comments:

  1. Imagine That said...
    ايه ده انتم عندكم بيطولوا في الافراح كده ليه
    احنا كان عندنا فرح
    يا دوب العشا ادنت والعريس راح صلي وكل سنه وانت طيب
    يعني كان اخرهم الساعه 8

    \\
    وقالو دا بيخل بالغناء العربي وقاول دا هابط وكلام كده
    \\
    الله يرحمك يا دبور
    يا تري لو كنت عايش كنت هترد وتقول ايه
    *
    ماهي اسألى مامتك هتقولك على اتقال فى ظهور عدوية
    قالوا ساعتها ده هابط هابط بقه ملك الغنوة الشعبية
    وانا بتكلم لغة الشارع لو الفاظى دي شورعية
    عايزك تعرفى انى براب ومليش دعوة بالاغنية
    كل زمان و لة ادان
    *
    عارف قال ايه بعد كده
    طب اضحك اضحك

    \\
    ورغم كده نجح جدا ومعلم فى الناس كلها
    \\
    ورغم كده نجح جدا ومعلم عــ الناس كلها
    صحح لغتك يا ابوصلاح

    بص
    ده مش غايظني في حاجه كل واحد يعمل اللي يريحوا
    اللي بيغيظني بجد وبيفقع مرارة اهلي
    ان الناس بتردد الاغاني دي
    الواحد ينزل الفرح من ده
    يلاقي الناس بتردد ورا الاغنيه
    الله
    سمعوها فين دي قبل كده



    م الاخر مهما هكون مش هعجب برضه شوية
    وهيطلع كام مليون يقولى عنى ده تييت مقلية
    يشهد جحا ويا حماره واللي بيحصل حاجة عادية

    خليك انت ويا دبور وكله هيبقي بيس
    OlivE said...
    والله عندك حق

    بقت حاجة تزعل

    اغانى هايفه ملهاش اى لازمه اساسا
    وكلمات تكسف انك تسمعها مش ترددها

    وتلاقيها شغاله فى كل مكان ودا اللى يزعل والله

    انا ساعات بسمع العيال الصغيره ماشيه تغنى بيها وعادى جدا ولا هو اصلا فاهم هو بيقول ايه او ايه اللى بيرددوا


    ربنا يتوب علينا يارب من الاغانى دى والناس التافه اللى بتعملها


    نيس توبيك

    سلامى
    star in the sky said...
    هيجى وقت واللى احنا قرفانين ومتضايقين منه هنعتبره فن بالنسبة للمرحلة اللى هنوصل لها
    وطالما فى ناس برده هتسمعه هيبقى فى ناس بتغنيه
    الشىء لزوم الشىء
    ولو حاجة مش عجباك متسمعهاش
    لو اختلاف الاذواق لبارت السلع اى كانت السلع دى

    متزعلش نفسك انت وكبر دماغك مش خلاص الفرح خلص
    !! a7mad sala7 !! said...
    Imagine That

    لا يا عم الفرح خلص 12 كده
    بس على ما كتبت بقي


    وبعدين 8 ايه دى
    بيبقي لسه الفرح مبدأش عندنا


    //طب اضحك اضحك//

    اللى غايظنى فعلا ان فى ناس بتردد وراهم
    وحافظين
    !! a7mad sala7 !! said...
    OlivE


    اااااااااه
    ولا العيال
    دا الجيل اللى طالع دا يخض

    دول حافظين اكتر من الكبار
    وتلاقي العيل خايب فى المدرسة
    وبيعرفش يحفظ نص

    وبيصم الهبل ده
    يا ريتها اغنية عدلة حتى
    :D
    !! a7mad sala7 !! said...
    star in the sky

    لالالالالالالالالالا
    دا عمره ما كان ولا هيكون فن
    دى زباااااالة

    وسلع ايه اللى تبور
    الاهى تولع بجاز
    دى حاجة تحرق الدم والله


    والفرح خلص اه
    بس فى غيره مليون فرح تانى
    مش نهاية المطاف يعنى
    MOROOOO said...
    هههههههههههههه
    اسلوبك فى عرض الموضوع ملهوش حل انا ضحكت ضضضضضضضضضضضحك
    وعندك حق ده مش شعبى ده فضيييييييييييييييييييحه
    تسلم :))
    !! a7mad sala7 !! said...
    :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds