اعزائى المدونين
كل سنة وانتو طيبين
ورمضان كريم علينا اجمعين
سلسة اعلانات جديدة لشركة موبينيل
الشبكة الاولى فى مصر
بما انى موبينيلى فيمكن متابع اعلانات موبينيل بس
ما علينا
العرض بيقولك ايه
دقيقة المحمول ب 5 قروش طول النهار _فى رمضان_ يا حلاوة
جايبين واحد رايح ينام
وبيقول للناس صحونى ع المدفع
راحو طبعا مصحيينه وقالوله لا
دا شهر كريم
قوم متنامش
بس قوم ارغى فى الموبايل
دا الدقيقة بقت بشلن
يا صلاة النبي
انا فكرت هيقولوله قوم امسك مصحف ولا صليلك ركعتين
لا دول بيقولوله املا حياتك طول النهار برغى وكلام م القلب
اتكلم
ولا اعلان تانى
واحد بيقول للناس سيبونى فى حالى الدنيا صيام
اعمل ايه اصل انا خرمان
يقوم ييجي المصلحين بقي
يقولولو انسي القهوة والنيكوتين
دول وهم كبير خلينا ساكتين
طب جزاكم الله خيرا والله
يعنى خايفين على مصلحة الراجل
يعمل ايه بقي بدل ما يشرب سجاير وقهوة
يقرا قران ؟
لا
يصلى ركعتين؟
لا
يقوم يرغى فى الموبايل :D
يا سيدي ع الاعلام الهادف
دا ايه الحلاوة دى
يعنى يخلو الدقيقة بشلن فى نهار رمضان بالذااااات
عشان الناس بدل ما تتعبد وتعمل حاجة مفيدة فى الشهر اللى بييجي مرة فى السنة
تقعد ترغى فى الموبايل
والنهارده الدقيقة بقت بشلن
بكرة هتبقي ببلاش
بس المهم متمسكش مصحف ومتصليش
واغتنم الفرصة واتكلم على اد ما تقدر
واوعى تنام ولا تفطر
داحنا خايفين على مصلحتك ;;)
كمية استفذاذ رهيبة
كفاية كده لاحسن البخ
اللهم انى صاااااااائم
الى هنا يا حضرات المدونين
اللى صايمين منكم والمفطرين
ينتهى هذا البوست اللعين
اقعدو بالصيام
19 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
مش كانوا يطولوا العرض شويه :((
يا ريت تفكر تعمل حاجة تفيد الناس احسن
// يا سيدى على الاعلام الهادف //
اللهم اننا صايمين D:
ربنا يهدينا يارب
وكل سنة وانت طيب (:
//مستني ايه من سويرس//
:D
على رأيك
والغريب والمتناقض بقي
انه بيقولك مخصص جزء من الارباح فى رمضان
لمحدودى الدخل
الله اعلم !!
//لا وكمان النهار بتاعهم بيخلص الساعه 4 :(
مش كانوا يطولوا العرض شويه :(( //
وليه يعملوه فى الوقت دا بالذات
المفروض يتعمل فى اى وقت الا ده
هى حبكت تبقي فى الصيام يعنى
عايزين يلهو الناس وخلاص
//ربنا يابنى يهديك ويشفيك
يا ريت تفكر تعمل حاجة تفيد الناس احسن//
ملكش دعوة
لما تبقي راجل وتقول انت مين هبقي ارد عليك
:D
اللهم اننا صائميييييين
مهو طول ما فى المغفلين اللى ماشيين وراهم وفرحانين بكده
يبقي حقهم يعملو اكتر من كده
كل سنة وانتى طيبة
والله اكرم :)
حبيب قلبي وحبيب ايامي علي رأي شاديه
انا كنت معدي كده
لاقيتك علقت ع الردود علي غير عادتك يعني ... وده بس عشان تعلق علي غير معروف اللي قال كلمتين كده ومشي
ومتأكده انك بتشك فيه
هو اسلوبي فعلا
بس مش أنا والله
والله ما أنا ... وهو مش راجل علي فكره عشان كده هي مش هترد تاني
عشان لو ردت هيتقال عليها راجل
ههههههههههههههههههههه
بس والله ما انا
س ل ا م ي ليك
وكل سنه وانت طيب
وفكك من الاعلانات اللي تجيب شلل للواحد دي
بس انت اتصلات بردوا واعلانات اتصالات ماليه الدنيا بردوا
ههههههههههه
س ل ا م ي
ههههههههههههههههههههههههههه
يابنى حد جه جنبك
وبعدين انت بترد عشان تقول الكلمتين دول
دانت بتجيب التهمة على نفسك
وبعدين مين قال انى مبعلقش ع الردود
هاتلى موضوع كده معلقتش على ردود الناس فيه
وبعدين انا مش برد عشانه يعنى
هو مش فى اعتبارى اصلا
انا كنت همسح تعليقه
بس قلت احرق دمه شوية
اصله مش راجل :D
وبعدين لو قال هو مين هرد عليه بردو
اتصالات دى الشريحة التانية
بس اساسي موبينيل يعنى
المهم اننا بعيد عن الشبكة الحمرا
احمر شبكة فى مصر :))
اينعم ليها هفواتها وفيها قصور بس برده جااامدة,,,
محاولتش تشغل النااس في رمضاان
يعني راعت اننا على كوكب الارض مش بالمريييخ,,,:d
بجد احييك على تحليلك للاعلانات بتاعت موبينيل
مش تحيز ولا حاجة للشبكات بس تناول الموضوع نفسه
عشان يوصلوا لاقل خسائر ومحاولة ارضاء العملاء بينتهزوا فرص ,,, الناس تعبانة ومش قادرة تتكلم,,, ناس عايزة تتعبد
وقلما لما حد يتكلم في الوقت ده
فيكسبوا نقط لا اكثر
بس اسلوب الاعلان حديث ومبتكر,,,حاساه زي بوليوود او ايام زماان بس بالالوان
:D
كل سنة وحضرتك طيب
//مالهااا فودا,,,
اينعم ليها هفواتها وفيها قصور بس برده جااامدة,,,//
لا مبحبهاش
وبعدين موبينيل فى اسماعلية هنا 10/10
واتصالات بردو
فودافون مغطية اماكن كتير
بس دى حاجة مفادتنيش شخصيا
لكن كخدمات وعروض موبينيل واتصالات احسن
ما علينا من دا كله
مش موضوعنا
//عشان يوصلوا لاقل خسائر ومحاولة ارضاء العملاء بينتهزوا فرص ,,, الناس تعبانة ومش قادرة تتكلم,,, ناس عايزة تتعبد//
مهو دا الاستفذاذ اللى بتكلم عنه
..
وانتى طيبة
طب خلاص احنا عرفنا مين اللي قال
بلاش نسيح له
هع هع هع
هو حس بغلطته
ولا محسش لسه
ال عرفت ال
طب خليك عارف يا سيدي
انا مش عايز اعرف
المشكلة بقي
المشكلة يعنى :D
انى فاهمك
فعلا الاعلان مستفذ جدا بس الناس مش بتشوفه كدا الناس بتشوف انه توفير مش بيبصوا بقى رمضان ولا لا للاسف طبعا دا اللى بيحصل من ناس كتير
اى شركه بتعمل اى شىء لجذب انتباه الناس ليها مهما كان اللى بتعمله دا صح ولا غلط وكمان يعنى ما احنا عارفين مين صاحب موبينل ومش محتاجين نتعرف عليه اكتر من كدا يعنى
:)
:)
:)
:)
:)