الفيس بوك



مساء لذيذ

مع ان الرطوبة عالية والجو لا يطاق
بس يالا مش مهم لذيذ بردو

الفيس بوك بقي
بجد الكلمة دى بتستفزنى جدااااااا

وكلمة شباب الفيس بوك
وجيل الفيس بوك

اللى بيقول كده ادامى ببقي عايز اطبق فى زمارة رقبته
اخدها ازمر بيها واركبهاله تانى

محدش قال ان الفيس بوك وحش
استخداماته كتيرواكيد فى حاجات مفيدة
بس للاسف استخدام معظم الناس ليه خاطئ

بقي كل من هب ودب يعمل جروب
وحاجات عجيبة بقي وتهلك من الضحك
لو وصلنا لمليون عضو مش عارف هتعمل ايه
وجروب محبي عمرو دياب
وكارهى تامر حسنى
وحاجات تانية هبلة اوى

والكويزات بقي
بقو كلهم دكاترة نفسيين
وكلهم بقو منجمين

يقولك اعرف شكلك بعد 20 سنة
اعرف اسمك حبيبك
اعرف مش عارف ايه

والافتكاسات بقي
المصيبة ان السبيلنج بتاع الكلام غلط اصلا :D

تلاقي عيل عنده 12 سنة عامل كويز
واحد اهطل عامل جروب ملوش لزمة

انا لما بعوز اضحك شوية
بخش اتمشي فى الفيس بوك ده
وكومنتات رهيبة

وايه بقي
تلاقي واحد قاعد ال 24 ساعة ع الفيس بوك
مبيزهقش ومبيعملش حاجة تانية

والفيس بوك ما شاء الله موفر الشات كمان
يعنى الفيس بوك مش هتقدر تغمض عنيك

والموضة بقي
لما حد يسال حد جبت ايميلى منين
من الفيس بوك
وممكن تبقي ملكش اكونت فى الفيس بوك اصلا


فعلا بقي هوس
ربنا يهدى

6 Comments:

  1. Catch Me If You Can said...
    انا بقي اموت واعرف ايه هيا استخدامات الفيس بوك
    انا لما بدخل بس عشان العب البراين ستريم
    والحمد لله التالت علي العالم فيها
    مبحبش اتكلم عن نفسي
    والله عاوز اللعبه
    يبقي يقولي ابعتهاله
    بس لعبه جامده
    وعاوزه سرعة بديهه عاليه جدا جدا
    وقوة ملاحظه وزاكره قويه
    بيس يا ابو فيس توك
    ღ tota ღ said...
    بما اننا جيل الفيس بووك:P:P:P:P

    انا بالنسبالي الفيس بوووك جميل ولذيذ واستفدت منه حاجات كتييييييييير جداااااا ومازالت بستفاد

    اما الجروبات والكويزات هيا فعلا حاجه تشل وانا عن نفسي بريح دماغي ومبشتركش في جروبات جديده كفايه اوي اللي عندي الا لو جروب حساه مختلف
    وفي الاخر كلهم بيكرروا الرسايل

    والكويزات بقي
    الحمدلله مبعملش غير نادرا لما الاقي كويز يستفزني بعمله :D

    انا كده في السليم الحمدلله :D

    وفي الاخر اقول

    انا شابه من شباب الفيس بوك وافتخر :P:P


    والله الفيس بوك لذيذ وابن حلال وفي حاجات مفيده جدااااااااااااااا














    \\
    الفيس بوك بقي
    بجد الكلمة دى بتستفزنى جدااااااا
    \\

    الفيس بووووك
    الفيس بووك
    الفيس بوك
    الفيس بوك
    الفيس بوك
    الفيس بوك .........الي مالا نهايه
    morgana said...
    ماعنديش اكونت ع الفيس توك:D
    بس بادخل باكونت اخويا:D

    بادخل الف شوية برضه اتفرج ع الجروبات
    ومنتجع الفلاحين
    وشوية حاجات غريبه كده
    بس اهو الواحد بيتسلي
    Olivetree said...
    على راى المثل
    كنت قاعده على الفيس بوك بدور على عغيش يا كغومبو معندكش عريس يا كغمبوووووووووووووو


    لمجرد التصفح فقط وتشوف الناس عايشه ازاى والناس بتعمل ايه وبس ...

    من الاخر تسالى
    a7mad sala7 said...
    //الفيس بووووك
    الفيس بووك
    الفيس بوك
    الفيس بوك
    الفيس بوك
    الفيس بوك .........الي مالا نهايه//

    /:)/:)

    ماشي ماشي
    روح بلا فرح (روان) said...
    ياااااااااااه و الله لسه مشتركه امبارح علشان جروب الحمله بتاعة يا حاسبات مصر اتحدى
    و كلام فى سرك مش عارفه اعمل حاجات كتير
    سلاموز بالموز بقى

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds