تعرفو انى كرهت التدوين!!
ايوة
بجد حالة كده من عدم الرضا
سامع واحد بيقول يا عم قول سلامو عليكو الاول
معلش اعزرونى
بس بقالى كام يوم كده
بقلب فى مواضيع قديمة
ومواضيع ناس جديدة
فى اللى فكرنى بحاجات
وفى اللى ضحكنى
وفى اللى تعبني
وفى اللى قولت عليه ايه الهبل ده
وفى حاجات مرضتش اكمل قرايتها
فى مواضيع كده تحس انها شريط وبيعدى ادامك من احداث قديمة
يمكن البلوج مش قديم ولا حاجة
بس حصل فى وجوده كمية احداث مش قليلة
ليه بقي حالة من عدم الرضا
حاسس ان كل واحد اتحط فى موقف بيفسر الدنيا على مزاجه هو
كل واحد حصلتله مشكلة ييجي يعملها محاكاه من طرف واحد
واكيد مبيطلعش نفسه غلطان
لانه لو طلع نفسه غلطان مكانش عمل البوست من الاساس
ومش بس كده
مش المشكلة انه بيحكى من وجهة نظرة وممكن ميقولش الحقيقة او ميوصفش الموقف زى ما حصل
لان لو على اد كده هتبقي مشكلته لوحده
لا دا كمان بيسوق اللى بيردو على البوست لانهم يردو بالطريقة اللى تناسبه هو وتديله الاحقية
ممكن واحد يبقي اصلا غلطان
ومن اسلوب الحكى يطلع نفسه ليه الحق
وطبعا اللى بيتحكيله هيصدقه ويمشي وراه
طيب فين المصداقية هنا؟؟
انا وصلت لمرحلة انى لما بخش بلوج واقرا بوست احس انه شخصي
مبرداش اعلق خالص ولا حتى احاول اشغل بالى بالفكرة
لانه اول حاجة بقت تيجي فى بالى مين اللى قالك ان هو صادق
او بمعنى تانى مين اللى قالك انه بيحكى الموقف بالظبط
ليه ميكونش بوسته دا رد فعل لمصيبة هو عاملها اصلا خلت اللى بيحكى عنه دا يبقي مظلوم اصلا ورد فعله منطقي
ليه ميكونش هو مفصل الدنيا على مزاجه ومحتاج بس اللى يطبطب عليه ويقويه بس
ليه ميكونش اصلا الشخصية اللى بتدون دى تفكيرها غريب وهو اللى موديها للى وصلتله من حالة المسكنة دى
بجد كمية اسئلة بتخطر فى بالى
واعتقد انها منطقية انها تتسال قبل ما ترد على اى حاجة
ابسطهاااااااالكو
برنامج اسامة منير ده مثلا
ليه ميكونش اللى متصل دا هو اللى غلطان وبيحكى الحكاية على مزاجه
عشان بس يلاقي الرد اللى بردو على مزاجه
مش المفروض ان اى موضوع شخصي عشان يتحكم عليه يتسمع من الطرفين؟؟
دا اكيد
طب ازاى انا احكم من السمع من ناحية واحدة
واللى يثبتلك صحة الكلام ده
ان ممكن بعدها بكام حلقة حد تانى يتصل
يحكى نفس الموقف بس من وجهة نظر تانية
ويطلع هو اللى عنده الحق
واللى كان معاه الحق من شوية بقي هو اللى غلطان
دا لان كل واحد بيحكى على مزاجه
مفيش مواجهة تعرفك مين الصح ومين الغلط
طبق بالظبط على البلوجات
ازاى ترد على حد كاتب عن مشكلة واجهها مع حد معين مين غير ما يذكره حتى
من غير ماسمع كلام الطرف التانى؟؟
من هنا جت حتة عدم المصداقية
تفتكرو الموضوع ده حله ايه؟؟
بلاش حله
ايه وجهة نظركو فى الحكاية دى؟؟
ايوة
بجد حالة كده من عدم الرضا
سامع واحد بيقول يا عم قول سلامو عليكو الاول
معلش اعزرونى
بس بقالى كام يوم كده
بقلب فى مواضيع قديمة
ومواضيع ناس جديدة
فى اللى فكرنى بحاجات
وفى اللى ضحكنى
وفى اللى تعبني
وفى اللى قولت عليه ايه الهبل ده
وفى حاجات مرضتش اكمل قرايتها
فى مواضيع كده تحس انها شريط وبيعدى ادامك من احداث قديمة
يمكن البلوج مش قديم ولا حاجة
بس حصل فى وجوده كمية احداث مش قليلة
ليه بقي حالة من عدم الرضا
حاسس ان كل واحد اتحط فى موقف بيفسر الدنيا على مزاجه هو
كل واحد حصلتله مشكلة ييجي يعملها محاكاه من طرف واحد
واكيد مبيطلعش نفسه غلطان
لانه لو طلع نفسه غلطان مكانش عمل البوست من الاساس
ومش بس كده
مش المشكلة انه بيحكى من وجهة نظرة وممكن ميقولش الحقيقة او ميوصفش الموقف زى ما حصل
لان لو على اد كده هتبقي مشكلته لوحده
لا دا كمان بيسوق اللى بيردو على البوست لانهم يردو بالطريقة اللى تناسبه هو وتديله الاحقية
ممكن واحد يبقي اصلا غلطان
ومن اسلوب الحكى يطلع نفسه ليه الحق
وطبعا اللى بيتحكيله هيصدقه ويمشي وراه
طيب فين المصداقية هنا؟؟
انا وصلت لمرحلة انى لما بخش بلوج واقرا بوست احس انه شخصي
مبرداش اعلق خالص ولا حتى احاول اشغل بالى بالفكرة
لانه اول حاجة بقت تيجي فى بالى مين اللى قالك ان هو صادق
او بمعنى تانى مين اللى قالك انه بيحكى الموقف بالظبط
ليه ميكونش بوسته دا رد فعل لمصيبة هو عاملها اصلا خلت اللى بيحكى عنه دا يبقي مظلوم اصلا ورد فعله منطقي
ليه ميكونش هو مفصل الدنيا على مزاجه ومحتاج بس اللى يطبطب عليه ويقويه بس
ليه ميكونش اصلا الشخصية اللى بتدون دى تفكيرها غريب وهو اللى موديها للى وصلتله من حالة المسكنة دى
بجد كمية اسئلة بتخطر فى بالى
واعتقد انها منطقية انها تتسال قبل ما ترد على اى حاجة
التدوين بقي وسيلة للطبطبة
ابسطهاااااااالكو
برنامج اسامة منير ده مثلا
ليه ميكونش اللى متصل دا هو اللى غلطان وبيحكى الحكاية على مزاجه
عشان بس يلاقي الرد اللى بردو على مزاجه
مش المفروض ان اى موضوع شخصي عشان يتحكم عليه يتسمع من الطرفين؟؟
دا اكيد
طب ازاى انا احكم من السمع من ناحية واحدة
واللى يثبتلك صحة الكلام ده
ان ممكن بعدها بكام حلقة حد تانى يتصل
يحكى نفس الموقف بس من وجهة نظر تانية
ويطلع هو اللى عنده الحق
واللى كان معاه الحق من شوية بقي هو اللى غلطان
دا لان كل واحد بيحكى على مزاجه
مفيش مواجهة تعرفك مين الصح ومين الغلط
طبق بالظبط على البلوجات
ازاى ترد على حد كاتب عن مشكلة واجهها مع حد معين مين غير ما يذكره حتى
من غير ماسمع كلام الطرف التانى؟؟
من هنا جت حتة عدم المصداقية
تفتكرو الموضوع ده حله ايه؟؟
بلاش حله
ايه وجهة نظركو فى الحكاية دى؟؟
اللهم انى اسالك الهدى والتقي .. والعفاف والغنى
واعوذ بك من العجز والكسل .. واعوذ بك من الجبن والبخل .. واعوذ بك من غلبة الدين وقهر الرجال
واعوذ بك من العجز والكسل .. واعوذ بك من الجبن والبخل .. واعوذ بك من غلبة الدين وقهر الرجال
اعزائى المدونين
كل سنة وانتو طيبين
ورمضان كريم علينا اجمعين
سلسة اعلانات جديدة لشركة موبينيل
الشبكة الاولى فى مصر
بما انى موبينيلى فيمكن متابع اعلانات موبينيل بس
ما علينا
العرض بيقولك ايه
دقيقة المحمول ب 5 قروش طول النهار _فى رمضان_ يا حلاوة
جايبين واحد رايح ينام
وبيقول للناس صحونى ع المدفع
راحو طبعا مصحيينه وقالوله لا
دا شهر كريم
قوم متنامش
بس قوم ارغى فى الموبايل
دا الدقيقة بقت بشلن
يا صلاة النبي
انا فكرت هيقولوله قوم امسك مصحف ولا صليلك ركعتين
لا دول بيقولوله املا حياتك طول النهار برغى وكلام م القلب
اتكلم
ولا اعلان تانى
واحد بيقول للناس سيبونى فى حالى الدنيا صيام
اعمل ايه اصل انا خرمان
يقوم ييجي المصلحين بقي
يقولولو انسي القهوة والنيكوتين
دول وهم كبير خلينا ساكتين
طب جزاكم الله خيرا والله
يعنى خايفين على مصلحة الراجل
يعمل ايه بقي بدل ما يشرب سجاير وقهوة
يقرا قران ؟
لا
يصلى ركعتين؟
لا
يقوم يرغى فى الموبايل :D
يا سيدي ع الاعلام الهادف
دا ايه الحلاوة دى
يعنى يخلو الدقيقة بشلن فى نهار رمضان بالذااااات
عشان الناس بدل ما تتعبد وتعمل حاجة مفيدة فى الشهر اللى بييجي مرة فى السنة
تقعد ترغى فى الموبايل
والنهارده الدقيقة بقت بشلن
بكرة هتبقي ببلاش
بس المهم متمسكش مصحف ومتصليش
واغتنم الفرصة واتكلم على اد ما تقدر
واوعى تنام ولا تفطر
داحنا خايفين على مصلحتك ;;)
كمية استفذاذ رهيبة
كفاية كده لاحسن البخ
اللهم انى صاااااااائم
الى هنا يا حضرات المدونين
اللى صايمين منكم والمفطرين
ينتهى هذا البوست اللعين
اقعدو بالصيام
فى حد ممكن يبقى مش قادر يعيش من غير الم؟؟
فى حد لو ساب اللى ظلمه يبقى هيموت من الندم؟؟
وكأنى بفرح لو لقيت قلبي اتظلم !!
سيداتى سادتى
بغض النظر عن سياسة الفرح
دى هنبقي نتكلم فيها بعدين
ناخد منها فكرة صغيرة
معروف ان الناس فى الفرح بتقعد تزغرط تزغرط حتى لو متعرفش دا فرح مين
بس اهو فرح وكله لولولولولولى وخلاص
دا النظام السائر فى مصر
الناس لما تلاقي حاجة طالعة كده
كله يندرج وراها من غير ما يسالو نفسهم ليه او ازاى
عايزين جنازة ويشبعو فيها لطم
نرجع لموضوعنا ونربط
بجانب سياسة الفرح او اللطم بصيغة اخرى
بقينا محترفين اوى فى سياسة خدنى على اد عقلى
بقي كل واحد بيتبارى على انه ياخد التانى على اد عقله
وانا اكتر حاجة تجننى اللى ياخدنى على اد عقلي
يبقي واحد عامل مصيبة ويقنعك ان الدنيا وردية
يبقي واحد مخبي حاجة وواخدك على اد عقلك بداعى انه ميكبرش المشكلة
مع انه لو خبي والحكاية اتعرفت بالصدفة المشكلة هتبقي اكبر
ومش بعيد تكون الدنيا خربت
بس اهو بقي استسهال انك يسكتك وخلاص
يقوم ياخدك على اد عقلك
تعالى بقي لموضوع الانترنت المحدود ده
تقليعة زى باقي التقليعات
واعتصام وشغلانة
واهو الفيس بوك بياكل عيش
مواضيع وانتقادات وشتايم فى الحكومة
والرسايل رايحة جاية ع الميل والمنتديات
وتتفرج على مدى الاستهبال اللى فى الناس
الاول الحكومة (وزارة الاتصالات يعنى) تضاعف السرعة لمشتركى الدى اس ال
دا ليه؟
عشان تسكت الناس وتكتم افواههم
وتبين ان قلبها عليهم
ودا ليه
عشان تاخدهم على اد عقلهم
انا اول ما الحكاية دى اتطبقت ماقتنعتش
قلت اكيد الحكاية دى وراها مصيبة
وقلت لناس كتير كده مصدقونيش
طبعا الناس فرحت وفكروا الدنيا جميلة
بعدها بكام يوم لقينا حكاية الانترنت المحدود دى
طلع ليه هما زودو السرعة فى الاول
عشان يقولك دى ادام دى
زودنا السرعة وبقى محدود
يعنى خلصانين
تعالى اتفرج على ردود الافعال بقي
اعتصامات ومنشورات بتتوزع
والفيس بوك بقي مركز قيادة الثورة
استوقفنى منشور بقي
حتة منه كده هوريهالكو
بيقولو ان تحديد النت دى هتأدى لاثار سلبية على مصر وتنميتها
وان احنا عايزينه يرجع زى ما كان
يا سلام ع البؤين دول
اد ايه حسيت بالوطنية
عايزين حد يقوم يرفع العلم بقي
ونأدى السلام الجمهورى
انا سامعه بيسقف فى ودنى اهو وانا قاعد
ايه يا جدعان
احنا كمان بناخد الحكومة على اد عقلها
نعود بالخير على مصرنا الغالية ايه بس
بلاش بقي نضحك على بعض اكتر من كده
شكلنا بقي وحش
دا عملو احصائية على اكتر المواقع شغل فى مصر لقوهم ايه
دول ال5 اللى فاكرهم دلوقتى
تعالى بص كده هتلاقي ولا واحد فيهم مهم
ولو حاجة فيهم ليها اهمية حقيقية مش هتتعدى ال5% من استخدامها فى مصر
فوقوا بقي
طب والله ليهم حق على اللى بيعملوه فينا
لما تبقي شبكة معمولة فيها 8 اشخاص مثلا _لاحظو انها مش شرعية اساسا_ تمام؟
وناس قاعدة موراهاش غير الداون لود
الواحد فيهم كل يوم ينزله فيلمين ع السريع
يا جدعان دا معدل شرا الفلاشات قل :D
كل واحد دلوقتى يقولك وانا انزل اجيب حاجة على فلاشة من واحد ليه
مانا انزلها من ع النت وانا قاعد
طب احسب معدل الاستهلاك كده
تلاقي الشبكة بتستخدم ييجي 500 جيجا شهريا وبيدفعو 95 جنيه
طب ما ليهم حق يعملو فينا كده
مهو لو كل واحد قاعد بيداون لود ملف بي دى اف مثلا
بينزل حاجة مفيدة عمرك ما هتتعدى 200 ميجا كل يوم
لكن اللى ينزل فيلم واللى ينزل لعبة واللى ينزل البوم اغانى
وابو بلاش كتر منه
استخدام النت فى مصر للترفيه من المقام الاول
الا من رحم ربي
اللى اعرفه ان الغاوى ينقط بطاقيته
انت واحد بتحب تداون لود عمال على بطال يبقي من جيبك بقي
انا معاكو ان ده اسلوب لوى دراع والمفروض مكانتش تيجي كده
بس شعبنا ده مبيجيش الا كده
الديموقراطية مبتنفعش معانا
لو بصيتو على عهد محمد على
كان ممشيها ضرايب وظلم ونظام الكرباج
كنا احسن بلد فى العالم
لكن هتمشيها ديموقراطية مش هننفع
احنا اتفقنا على الا نتفق
لو كانو عملوها بالديموقراطية مكناش هنوصل لحل
وبعدين احنا كشعب مبنعرفش نعتصم
دا منظر واحد رايح اعتصام والنبي
دا واقف ع البلاج
رايح يقضى وقت ظريف
هما دول الشباب السيس اللى بيقول عليهم احمد حلمى :D
وانا من هذا المزنق
احبك اقولكو انى موافق على نظام تحديد النت فى مصر
بؤين الوطنية اللى بنقراهم دول ضحك ع الدقون
مفيش حد هيحتاج نت فى حاجة مفيدة اكتر من المحدود ده
الانترنت المفتوح دا عايز واحد قاعد يحمل ليل ونهار
وبعدين والله عملو فينا خير
خلى الشباب تقوم تدور على شغل
بدل ما هما مرميين كده ليل ونهار
على راى مكى
يجطع النت ع اللى بينتتوه :D
خلص الكلام
صحيح كنت هنسي
احب اشكر الاستاذ البني ادم اللى عملى التصميم ده
هو مش حابب يتقال اسمه نظرا لانه عمل تطوعى :D
بغض النظر عن سياسة الفرح
دى هنبقي نتكلم فيها بعدين
ناخد منها فكرة صغيرة
معروف ان الناس فى الفرح بتقعد تزغرط تزغرط حتى لو متعرفش دا فرح مين
بس اهو فرح وكله لولولولولولى وخلاص
دا النظام السائر فى مصر
الناس لما تلاقي حاجة طالعة كده
كله يندرج وراها من غير ما يسالو نفسهم ليه او ازاى
عايزين جنازة ويشبعو فيها لطم
نرجع لموضوعنا ونربط
بجانب سياسة الفرح او اللطم بصيغة اخرى
بقينا محترفين اوى فى سياسة خدنى على اد عقلى
بقي كل واحد بيتبارى على انه ياخد التانى على اد عقله
وانا اكتر حاجة تجننى اللى ياخدنى على اد عقلي
يبقي واحد عامل مصيبة ويقنعك ان الدنيا وردية
يبقي واحد مخبي حاجة وواخدك على اد عقلك بداعى انه ميكبرش المشكلة
مع انه لو خبي والحكاية اتعرفت بالصدفة المشكلة هتبقي اكبر
ومش بعيد تكون الدنيا خربت
بس اهو بقي استسهال انك يسكتك وخلاص
يقوم ياخدك على اد عقلك
تعالى بقي لموضوع الانترنت المحدود ده
تقليعة زى باقي التقليعات
واعتصام وشغلانة
واهو الفيس بوك بياكل عيش
مواضيع وانتقادات وشتايم فى الحكومة
والرسايل رايحة جاية ع الميل والمنتديات
وتتفرج على مدى الاستهبال اللى فى الناس
الاول الحكومة (وزارة الاتصالات يعنى) تضاعف السرعة لمشتركى الدى اس ال
دا ليه؟
عشان تسكت الناس وتكتم افواههم
وتبين ان قلبها عليهم
ودا ليه
عشان تاخدهم على اد عقلهم
انا اول ما الحكاية دى اتطبقت ماقتنعتش
قلت اكيد الحكاية دى وراها مصيبة
وقلت لناس كتير كده مصدقونيش
طبعا الناس فرحت وفكروا الدنيا جميلة
بعدها بكام يوم لقينا حكاية الانترنت المحدود دى
طلع ليه هما زودو السرعة فى الاول
عشان يقولك دى ادام دى
زودنا السرعة وبقى محدود
يعنى خلصانين
تعالى اتفرج على ردود الافعال بقي
اعتصامات ومنشورات بتتوزع
والفيس بوك بقي مركز قيادة الثورة
استوقفنى منشور بقي
حتة منه كده هوريهالكو
بيقولو ان تحديد النت دى هتأدى لاثار سلبية على مصر وتنميتها
وان احنا عايزينه يرجع زى ما كان
//
حتى يستطيع الشاب المصرى استخدام هذه التكنولوجيا الهامة له ولمستقبله بطريقة
شرعية مما يعود بالخير على
مصرنا الغالية..
//
حتى يستطيع الشاب المصرى استخدام هذه التكنولوجيا الهامة له ولمستقبله بطريقة
شرعية مما يعود بالخير على
مصرنا الغالية..
//
يا سلام ع البؤين دول
اد ايه حسيت بالوطنية
عايزين حد يقوم يرفع العلم بقي
ونأدى السلام الجمهورى
انا سامعه بيسقف فى ودنى اهو وانا قاعد
ايه يا جدعان
احنا كمان بناخد الحكومة على اد عقلها
نعود بالخير على مصرنا الغالية ايه بس
بلاش بقي نضحك على بعض اكتر من كده
شكلنا بقي وحش
دا عملو احصائية على اكتر المواقع شغل فى مصر لقوهم ايه
جوجل والياهو والفيس بوك واليو تيوب وماى ايجي
دول ال5 اللى فاكرهم دلوقتى
تعالى بص كده هتلاقي ولا واحد فيهم مهم
ولو حاجة فيهم ليها اهمية حقيقية مش هتتعدى ال5% من استخدامها فى مصر
فوقوا بقي
طب والله ليهم حق على اللى بيعملوه فينا
لما تبقي شبكة معمولة فيها 8 اشخاص مثلا _لاحظو انها مش شرعية اساسا_ تمام؟
وناس قاعدة موراهاش غير الداون لود
الواحد فيهم كل يوم ينزله فيلمين ع السريع
يا جدعان دا معدل شرا الفلاشات قل :D
كل واحد دلوقتى يقولك وانا انزل اجيب حاجة على فلاشة من واحد ليه
مانا انزلها من ع النت وانا قاعد
طب احسب معدل الاستهلاك كده
تلاقي الشبكة بتستخدم ييجي 500 جيجا شهريا وبيدفعو 95 جنيه
طب ما ليهم حق يعملو فينا كده
مهو لو كل واحد قاعد بيداون لود ملف بي دى اف مثلا
بينزل حاجة مفيدة عمرك ما هتتعدى 200 ميجا كل يوم
لكن اللى ينزل فيلم واللى ينزل لعبة واللى ينزل البوم اغانى
وابو بلاش كتر منه
استخدام النت فى مصر للترفيه من المقام الاول
الا من رحم ربي
اللى اعرفه ان الغاوى ينقط بطاقيته
انت واحد بتحب تداون لود عمال على بطال يبقي من جيبك بقي
انا معاكو ان ده اسلوب لوى دراع والمفروض مكانتش تيجي كده
بس شعبنا ده مبيجيش الا كده
الديموقراطية مبتنفعش معانا
لو بصيتو على عهد محمد على
كان ممشيها ضرايب وظلم ونظام الكرباج
كنا احسن بلد فى العالم
لكن هتمشيها ديموقراطية مش هننفع
احنا اتفقنا على الا نتفق
لو كانو عملوها بالديموقراطية مكناش هنوصل لحل
وبعدين احنا كشعب مبنعرفش نعتصم
دا منظر واحد رايح اعتصام والنبي
دا واقف ع البلاج
رايح يقضى وقت ظريف
هما دول الشباب السيس اللى بيقول عليهم احمد حلمى :D
وانا من هذا المزنق
احبك اقولكو انى موافق على نظام تحديد النت فى مصر
بؤين الوطنية اللى بنقراهم دول ضحك ع الدقون
مفيش حد هيحتاج نت فى حاجة مفيدة اكتر من المحدود ده
الانترنت المفتوح دا عايز واحد قاعد يحمل ليل ونهار
وبعدين والله عملو فينا خير
خلى الشباب تقوم تدور على شغل
بدل ما هما مرميين كده ليل ونهار
على راى مكى
يجطع النت ع اللى بينتتوه :D
خلص الكلام
صحيح كنت هنسي
احب اشكر الاستاذ البني ادم اللى عملى التصميم ده
هو مش حابب يتقال اسمه نظرا لانه عمل تطوعى :D
فوتكم بالمحدود
;)
أى دمعة حزن لا .. أى جرح فى قلب لاأى لحظة حيرة لا .. حتى نار الغيرة لا
عايشين سنين أحلام .. دايبين فى أحلى كلام
لا عرفنا لحظة ندم .. و لا خوف من الأيام
قلبى دق دق دق .. قلت مين على البيبان دق
قاللى افتح ده الزمان .. قلت له يا قلبى لا
جى ليه يا زمان .. بعد ايه يا زمان
من كام سنة قلبى و أنا .. عايشين هنا من كام سنة
من كام سنة دنيا الهنا .. بتضمنا من كام سنة
و قال ايه جى الزمان يداوينا .. من ايه جى يا زمان تداوينا
دا الأمل فى عينينا .. و الفرح حوالينا
سأل الزمان و قال .. ايه غير الأحوال
قلنا له حبينا حبينا .. و ارتحنا و نسينا الجرح بتاع زمان
***************
احنا احنا احنا اللى امنا للزمان احنا
احنا احنا اللى وخد منا الأمان و جرحنا
و احنا اللى طاوعنا احنا و عمره فى يوم ما ريحنا
ولا ملامة علينا لا ملامة دا احنا تعبنا و دوبنا ياما
و أما نادينا عليه يداوينا عمره ما فكر فى يوم يجينا
و أدينا عايشين و بقينا عاشقين .. لا جراح فى قلوب و لادمع حزين
و لما دق الحب بابنا .. الربيع نور شبابنا
وقال ايه جى الزمان الزمان يداوينا .. من ايه جى يا زمان تداوينا
دا الأمل فى عينينا و الفرح حوالينا
سأل الزمان و قال ايه غير الأحوال
قلنا له حبينا حبينا حبينا .. و ارتحنا و نسينا ارتحنا و نسينا
الجرح بتاع زمان
***************
وفى ليلة مش ناسيها .. سهران الفرح فيها
جانى الزمان و معاه هدية فرحت بيها .. حبيبي الأولانى
سافرت كتير معاه .. بأحلامى فى هواه
سقيته من حنانى .. و بنيت معاه أمانى
و قلت يا ريت يا دنيا .. تدينى عمر تانى
و صحيت على العذاب .. لقيت الفرح غاب
و الحب يا عينى داب .. أتارى الزمان كداب
وقدرت يا زمان .. فى رحلة النسيان
أنسى اللى كان و أرتاح .. و أبعد عن الأحزان
***************
شوف يا قلبى .. شوف يا قلبى .. شوف يا قلبى
شوف الدنيا يا قلبى حلوة ازاى بالحب بالحب يا قلبى
عمرك شفت قمر سهران .. غير للعشاق
و لا نجمة جايبة كلام .. غير للمشتاق
كل العاشقين زينا عايشين .. لا جراح فى قلوب و لادمع حزين
وقال ايه جى الزمان يداوينا .. من ايه جى يا زمان تداوينا
دا الأمل فى عينينا و الفرح حوالينا .. سأل الزمان و قال ايه غير الأحوال
قلنا له حبينا حبينا حبينا .. و ارتحنا و نسينا ارتحنا و نسينا
الجرح بتاع زمان
قال ايه جى الزمان يداوينا .. من ايه جى يا زمان تداوينا
دا احنا حبينا حبينا و ارتحنا و نسينا و نسينا الجرح بتاع زمان
****************
كلمات محمد حمزة
مساء لذيذ
مع ان الرطوبة عالية والجو لا يطاق
بس يالا مش مهم لذيذ بردو
الفيس بوك بقي
بجد الكلمة دى بتستفزنى جدااااااا
وكلمة شباب الفيس بوك
وجيل الفيس بوك
اللى بيقول كده ادامى ببقي عايز اطبق فى زمارة رقبته
اخدها ازمر بيها واركبهاله تانى
محدش قال ان الفيس بوك وحش
استخداماته كتيرواكيد فى حاجات مفيدة
بس للاسف استخدام معظم الناس ليه خاطئ
بقي كل من هب ودب يعمل جروب
وحاجات عجيبة بقي وتهلك من الضحك
لو وصلنا لمليون عضو مش عارف هتعمل ايه
وجروب محبي عمرو دياب
وكارهى تامر حسنى
وحاجات تانية هبلة اوى
والكويزات بقي
بقو كلهم دكاترة نفسيين
وكلهم بقو منجمين
يقولك اعرف شكلك بعد 20 سنة
اعرف اسمك حبيبك
اعرف مش عارف ايه
والافتكاسات بقي
المصيبة ان السبيلنج بتاع الكلام غلط اصلا :D
تلاقي عيل عنده 12 سنة عامل كويز
واحد اهطل عامل جروب ملوش لزمة
انا لما بعوز اضحك شوية
بخش اتمشي فى الفيس بوك ده
وكومنتات رهيبة
وايه بقي
تلاقي واحد قاعد ال 24 ساعة ع الفيس بوك
مبيزهقش ومبيعملش حاجة تانية
والفيس بوك ما شاء الله موفر الشات كمان
يعنى الفيس بوك مش هتقدر تغمض عنيك
والموضة بقي
لما حد يسال حد جبت ايميلى منين
من الفيس بوك
وممكن تبقي ملكش اكونت فى الفيس بوك اصلا
فعلا بقي هوس
مع ان الرطوبة عالية والجو لا يطاق
بس يالا مش مهم لذيذ بردو
الفيس بوك بقي
بجد الكلمة دى بتستفزنى جدااااااا
وكلمة شباب الفيس بوك
وجيل الفيس بوك
اللى بيقول كده ادامى ببقي عايز اطبق فى زمارة رقبته
اخدها ازمر بيها واركبهاله تانى
محدش قال ان الفيس بوك وحش
استخداماته كتيرواكيد فى حاجات مفيدة
بس للاسف استخدام معظم الناس ليه خاطئ
بقي كل من هب ودب يعمل جروب
وحاجات عجيبة بقي وتهلك من الضحك
لو وصلنا لمليون عضو مش عارف هتعمل ايه
وجروب محبي عمرو دياب
وكارهى تامر حسنى
وحاجات تانية هبلة اوى
والكويزات بقي
بقو كلهم دكاترة نفسيين
وكلهم بقو منجمين
يقولك اعرف شكلك بعد 20 سنة
اعرف اسمك حبيبك
اعرف مش عارف ايه
والافتكاسات بقي
المصيبة ان السبيلنج بتاع الكلام غلط اصلا :D
تلاقي عيل عنده 12 سنة عامل كويز
واحد اهطل عامل جروب ملوش لزمة
انا لما بعوز اضحك شوية
بخش اتمشي فى الفيس بوك ده
وكومنتات رهيبة
وايه بقي
تلاقي واحد قاعد ال 24 ساعة ع الفيس بوك
مبيزهقش ومبيعملش حاجة تانية
والفيس بوك ما شاء الله موفر الشات كمان
يعنى الفيس بوك مش هتقدر تغمض عنيك
والموضة بقي
لما حد يسال حد جبت ايميلى منين
من الفيس بوك
وممكن تبقي ملكش اكونت فى الفيس بوك اصلا
فعلا بقي هوس
ربنا يهدى
مسلسل باااايخ
البطل بتاعه شريف عبد الفضيل
لاعب نادى الاسماعيلي _حتى الان_
الموضوع طول اوى
ورخم اوى
وبقي شكله وحش
لما ناديين كبار فى مصر يتخانقو على لاعب بالطريقة دى
ويوصل سعرة 7.5 مليون جنية ويمكن اكتر
وهيموتو بعض عليه
ونشوف طرق العصابات دى
رايح يمضي فى نادى ياخدوه فى عربية متفيمة من ع الباب
ويمضوه فى السر
ويخبوه
وشوية يقولو اتخطف
وكل واحد يطلع بتصريح
ويعلنو الحرب على بعض
بجد بينتلى مدى تفاهة ناديين القمة
هما قمة بس فى التفاهة
ناس معاها فلوس مش عارفه تعمل بيها ايه
بيجرو ورا لعيب ووصلو تمنه ل 7.5 مليون جنيه
مش فاهم هو اللى خلقه مخلقش غيره ولا ايه
مع انه من الفريق اللى بنتمى ليه
بس مش كده
بجد شكلنا بقي وحش
تعرفو انا فرحان فيهم والله
خليهم يعضو فى بعض كده
ويا رب يتوقف فى الاخر ولا يلعب هنا ولا هنا
بدل ما يدورو على حد زيه عندهم
ويشوفو قطاع الناشئين بتاعهم ويعملو زيه واحسن منه
لا
الخطف اسهل
طالما فى المغفلين اللى بتدفع
والغلابا اللى بيفرحو بالفلوس
يعنى بنجيب لعيبة ديليفرى
داحنا ولا كأننا فى شيكاغو
خطف وهروبو قافل موبايله ومش عارف ايه
دا لو هيلعب لوحده فى الفريق مش هيعملو كده
بس هى طالما وصلت للعند
ممكن يحصل اكتر من كده
وصدقونى المستفيد الوحيد من الهبل ده هو الاسماعيلي
خليهم يعلو سعره ويتخانقو مع بعض وادينا بنتفرج :D
برافو يا اندية القمة
ضحكو الناس علينا اكتر
البطل بتاعه شريف عبد الفضيل
لاعب نادى الاسماعيلي _حتى الان_
الموضوع طول اوى
ورخم اوى
وبقي شكله وحش
لما ناديين كبار فى مصر يتخانقو على لاعب بالطريقة دى
ويوصل سعرة 7.5 مليون جنية ويمكن اكتر
وهيموتو بعض عليه
ونشوف طرق العصابات دى
رايح يمضي فى نادى ياخدوه فى عربية متفيمة من ع الباب
ويمضوه فى السر
ويخبوه
وشوية يقولو اتخطف
وكل واحد يطلع بتصريح
ويعلنو الحرب على بعض
بجد بينتلى مدى تفاهة ناديين القمة
هما قمة بس فى التفاهة
ناس معاها فلوس مش عارفه تعمل بيها ايه
بيجرو ورا لعيب ووصلو تمنه ل 7.5 مليون جنيه
مش فاهم هو اللى خلقه مخلقش غيره ولا ايه
مع انه من الفريق اللى بنتمى ليه
بس مش كده
بجد شكلنا بقي وحش
تعرفو انا فرحان فيهم والله
خليهم يعضو فى بعض كده
ويا رب يتوقف فى الاخر ولا يلعب هنا ولا هنا
بدل ما يدورو على حد زيه عندهم
ويشوفو قطاع الناشئين بتاعهم ويعملو زيه واحسن منه
لا
الخطف اسهل
طالما فى المغفلين اللى بتدفع
والغلابا اللى بيفرحو بالفلوس
يعنى بنجيب لعيبة ديليفرى
داحنا ولا كأننا فى شيكاغو
خطف وهروبو قافل موبايله ومش عارف ايه
دا لو هيلعب لوحده فى الفريق مش هيعملو كده
بس هى طالما وصلت للعند
ممكن يحصل اكتر من كده
وصدقونى المستفيد الوحيد من الهبل ده هو الاسماعيلي
خليهم يعلو سعره ويتخانقو مع بعض وادينا بنتفرج :D
برافو يا اندية القمة
ضحكو الناس علينا اكتر
رسائل أحدث رسائل أقدم الصفحة الرئيسية
الاشتراك في:
الرسائل (Atom)
المشاركات
