الفراق .. وما بعد

20 ادينا انطباعك made by !! a7mad sala7 !! الساعة 3:18 م


الفراق ...
حزن كلهيب الشمس يبخر الذكريات من القلب ليسمو بها الى عليائها فتجيبه العيون بنثر مائها .. لتطفيء لهيب الذكريات .

الفراق ...
نار ليس للهبها حدود .. لايحسه إلا من اكتوى بناره..

الفراق ...
لسانه الدموع .. وحديثه الصمت .. ونظره يجوب السماء ..

الفراق ...
هو القاتل الصامت .. والقاهر المييت .. والجرح الذي لا يبرأ .. والداء الحامل لدوائه ..

الفراق ...
كا الحب تعجز الحروف عن وصفه وإن أبينى تفرقا..

الفراق ...
كالعين الجاريه التي بعد ما أخضر محيطها نضبت ...

عند الفراق ...
إجعل لعينيك الكلام فسيقرأ من احبك سوادها .. وإجعل وداعك لوحة من المشاعر يستميت الفنانون لرسمها ولايستطيعون ... فهذا أخر ما سيسجله الزمن في رصيدكما ..

وبعد الفراق ...
.لا تنتظر بزوغ القمر لتشكوا له الم البُعاد .. لانه سيغيب ليرمي ما حمله ويعود لنا قمراً جديد ..

ولا تقف امام البحر لتهيج امواجه وتزيد على مائه من دموعك لانه سيرمي بهمك في قاع ليس له قرار ويعود لنا بحر هادئ من جديد ..

وهذه هي الدنيا ..
...... يوم تحملك ويوم تحملها .......


وانت ..
ماذا عنك انت لم تحمل الايام كلها ..

لم تقف مكانك بلا حراك تندب الاطلال و تبللك الدموع وتتقاذفك الآلآم ويأكل منك الندم وتضرب الاكف بلحن الاهات على مافات ..

فهل ستعيد ماكان

.. لا ..

إنك لن ترد النهر الى مصبه .. والشمس الى مطلعها ...

بل ستكون كمن يطحن الطحين وهو مطحون .. وينشر نشارة الخشب ...

و ستردد كان يا ما كان .. ..

لم لاترخي ستارالامل.. وتودع الماضي بلا أمل للعوده ..

لم لا تكون كالقمر او مثل البحر .. تلقي بهمك لاتلقي له بالاً ..

فتعود لترى كيف تعزف الايام لحنها على نغمات مستقبلاً واعد .... فإن كنت فارقت حبيباً لاتظن انه سيعوض ..

فالكل يرى حبيبه مثل ما أنت تراه ..

فالدنيا وإن خلت من الاحباب بعينك..

فهي بالبصيرة مليئه ..

فبحث مثل بحثك مسبقاً وستجد من يوازي حبيبك اويربوا عليه .. فلا تقف عند حداً والحياة بلا حدود ..

الكل يسعى وانت مكبلاً نفسك بالقيود ..

فتسعد غيرك وانت شاقي وتضحك من حولك وانت باكي ..

فتكون ممن قال فيهم الشاعر :
وأسعدت الكثير وانت تشقى ,, وأضحكت الانام وانت تبكي

فإذا اصبحت عش تحت شمس يومك ولا تلتفت لأمسك لأنه قد خيم عليه الظلام ..

وفكر بيومك وغدك ..

وإذا امسيت عش تحت ضوء قمر ليلتك ولا تلتفت لشمس نهارك لانها رحلت وحل محلها الظلام
.
منقول طبعا :P

 

أنا

6 ادينا انطباعك made by !! a7mad sala7 !! الساعة 6:53 م


بااااااااااااك

بقالى كام يوم كده كلوزد
بس فى الخباثة :D

مش خباثة طبعا بس مفيش فرصة يعنى
ما علينا

فى حبة مصطلحات كده بنسمعها
وبنكررها واحنا منعرفش معناها ايه
وايه الفايدة منها ولا ايه الضرر

يعنى تلاقى مثلا حد يقولك ايه "اعوذ بالله من كلمة انا"
ليه يا عم الحاج
اعوذ بالله ليه يعنى
انت شفت شيطان ولا قلت كلمة قبيحة

انا دى كلمة من اللغة العربية - ضمير متكلم - ولا عيب ولا حرام

طالما كان استعمال كلمة انا فى غير الكبر والفخر يبقي مفهاش اى مشكلة

وبدل منا نستعيذ بالله من كلمة انا
نستعيذ به من شرور انفسنا وسيئات اعمالنا

المصدر: http://www.sunna.info/Lessons/islam_772.html

=========================

حاجة كمان:
فى ناس بتقول "اللهم انى لا اسألك رد القضاء ولكنى اسألك اللطف فيه"

اولا دعاء محرم لانه لا يجوز الدعاء برد القضاء او حتى تخفيفه

ثانيا ليه اسأل اللطف طالما ممكن الصرف والعفو
ربنا كبير يا جماعة وبيستجيب للمضطر اذا دعاه

يعنى ممكن تقول "اللهم قنا واصرف عنا شر ما قضيت"

يعنى بدل ما نسأل اللطف نسأل الوقاية
الطمع فى الدين مش وحش
وليس الطمع فى الدنيا

المصدر: http://www.twbh.com/articles.php?ID=5225
دى حاجات كتير >>قل ولا تقل

===============================

 

يالا ندعى

11 ادينا انطباعك made by !! a7mad sala7 !! الساعة 2:59 م

اللهم انك انت ربى لا اله الا انت خلقتنى وانا عبدك وانا على عهدك ووعدك مااستطعت اعوذ بك من شر ما صنعت
ابوء لك بنعمتك على ابوء بذنبى فاغفرلى فانه لا يغفر الذنوب الا انت


اللهم
يمن كتابنا.يسرحسابنا.قو ايماننا.عظم اجرنا .اغفر زنوبنا.استرعيوبنا.امن روعاتنا.اشف امراضنا.ارحم امواتنا.اشدد ازرنا.شتت عدونا.فك اسرنا.فرج كربنا.ازل همنا.حببنا فى ديننا.اجعل القران شاهدا لنا.واجعله الوارث منا.شفع فينا رسولنا.ثبت على طريق الحق اقدامنا


اللهم عافنا واعف عنا
ومن اجرك لا تحرمنا
وارفع مقتك وغضبك عنا
ولا تسلط علينا بزنوبنا من لا يخافك فينا ولا يرحمنا
ولا تاخذنا بذنب السفهاء منا

اللهم هيئ لنا من امرنا رشدا
واجعلنا من عبادك السعدا
وتوفنا على كلمتى الايمان والهدى

اللهم يا سامع النداء
يا مجيب الدعاء
اشفنا من كل داء
وانصرنا على الاعداء
ولا تخيب لنا رجاء
وارفع عنا الغلاء والبلاء
ولا تجعلنا من عبادك الاشقياء

اللهم ارزقنا قبل الموت توبة
وعند الموت شهادة
وبعد الموت جنة ونعيما

ربنا اغفر لنا انك انت الغفور الكريم
وتب علينا انك انت التواب الرحيم
ونجنا من الهم والغم والكرب العظيم
ومتعنا بالنظر الى وجهك الكريم
وشفع فينا سيد المرسلين
واجعلنا ممن تجرى تحتهم الانهار فى جنات النعيم

اللهم احشرنا فى زمرة نبينا
وتحت لواء حبيبنا
اللهم لا تحرمنا اجره
ولا تفتنا بعده
واسقنا من يده الشريفة شربة هنيئة لا نظمأ بعدها ابدا

اللهم اجعل القران العظيم ربيع قلوبنا
وشفاء صدورنا
وذهاب همومنا
وجلاء احزاننا
واجعله شاهدا لنا لا علينا
واجعله الوارث منا

اللهم اغفر للمسلمين والمسلمات
المؤمنين والمؤمنات
الاحياء منهم يا ربنا وارحم الاموات

اللهم اعف عنهم
اكرم نزلهم ووسع مدخلهم
اغسلهم من خطاياهم بالماء والثلج والبرج
ونقهم من الذنوب كما ينقى الثوب الابيض من الدنس

اللهم ارحمنا اذا صرنا الى ما صارو اليه
اللهم ارحمنا اذا صرنا الى ما صارو اليه
اللهم ارحمنا اذا صرنا الى ما صارو اليه

واختم لنا بخاتمة السعادة اجمعين

 

شكرا يا ماما

23 ادينا انطباعك made by !! a7mad sala7 !! الساعة 4:56 ص


حنان ملوش حدود .. اعظم انسانة في الوجود .. ماما

مهما هحكى اللى في قلبي واللى نفسي اقوله ليكي

مش هيطلع حتى نقطة في بحر احساسي بيكى

كان حلمك تبقى سعيدة مع زوج حنون عليكي

تبنوا حياة جديدة وولادك حواليكي

ويادوب حققتى حلمك جه وهد البيت عليكي

فجاة راح سابك وحيدة ساب ولادك حتى ليكي

سابك محتارة وحزينة والولاد ماسكين ايديكي

وبقى عندك الاختيار بيت جديد وفرصة تانيه

او تعيشي عمرك وحيدة مع ولادك الصغار

مسئولية صعبة جدا كنتى قد الاختبار

قلتى هختار ولادى ولو هربيهم في نار

من النهاردة دول حياتى مش هسيبهم مهما صار

اللى قالك ليه تضحى واللى قالك ده انتحار

واللى قالت بكرة تيجي تندبي سوء الاختيار

الولاد دول كانوا احنا انا واخواتى الكبار

قدرتى تعدى بينا وتربينا وده انتصار

وجاى اقولك بابتسامة من قلبي شكرا يا ماما

دعوة حلوة منك وايديكي في السما

يسمع ربي منك وينورني انا

اوقات كتير الظروف كانت واقفة ضدك

كنتى بتخبي علينا وتدخلى تبكي لوحدك

واما يدخل حد فينا بتضحكى وتدارى دمعك

بس كنت ببقى عارف مرة بالصدفه سمعتك

وقتها انا روحت حالف باللى خلقك وبغلاوتك

ان ما هتغفل عيوني الا لو فرحت قلبك

وييجي اليوم اللى تكون فيه فخورة انى انا ابنك

لما بشوفك وانتى قاعدة بفضل اراقبك من سكات

وألقى نفسي بقول لنفسي بحب فيكي كتير حاجات

لما بتحكى يوم ولادتى يوم ما خدتيني في ايديكي

روحتى حضنانى بمحبة كل تعبك راح عليكي

قمتى بصالى في عينيا قمتى يومها سألتى نفسك

انت ايه وهتبقى مين يا رب يطهرلى قلبك

كنت بهرب من ايديكي وياما بتدلع عليكي

ولما احس بخوف وغربة بجري واستخبى فيكي

ولو في يوم حسيت تعب جوه حضنك تحتويني

وبصوت حنون ودافى تدعى الرحمن يشفيني

ولما بنكسر او افشل والامل بيبقى فانى

بتقوليلي قوم وكمل قوم وحاول مرة تانى

طول ما فيك الروح يا ابنى قوم وحقق الامانى

ثق في ربك ثق في نفسك قوم عشانك قوم عشانى

بسببك انتى بقيت بقدر طبعا ده انتى ست قيمه

انى طول منا كنت بكبر شايفك انتى ازاى عظيمه

دنا مهما كبرت هاجى هوطى على رجلك وابوسها

دنتى امى وانتى عمري وكل حاجة حلوة حاسسها

من كل قلبي .. شكرا يا ماما

==========================

مين يصدق ان دى كلمات اغنية لاحمد مكى :D
http://www.youtube.com/watch?v=ZDVOffCcC50&feature=related

:)

 

اصفر x ازرق

10 ادينا انطباعك made by !! a7mad sala7 !! الساعة 10:40 ص

من زمااان ناوى اكتب الموضوع ده
وكنت مأجله لبعد الدورى
أيا كان مين كسب
دا موضوع ملوش وقت

مش هعلق على الماتش رغم ان فيه كلام كتير
بس عايز اقولكو الاصفر والازرق دول مش لونين فريق بس
بجد دول لونين بلد كامله

اللى جه اسماعلية قبل كده يعرف ان هنا
الرصيف اصفر فى ازرق
الكراسي العامة دى اصفر فى ازرق
الاكشاك فى الشوارع اصفر فى ازرق
التكاسيات لونها اصفر
وبردو معلقين اعلام اصفر وازرق

يعنى بجد هنا الدنيا لونها اصفر

الناس هنا بتتنفس كورة
ناس عارفه يعنى ايه كورة بجد
ناس ذواقه

كون ان فى ناس متعصبين ف دى اقلية وانا قلت الكلام ده قبل كده
الناس اللى بتقول احنا بنكره مش عارف مين
وان احنا بنحقد وبنعمل
يا جماعة والله دا كله كلام فارغ
مش المفروض ان حد يكره حد مهما كان وايا كان السبب
الكلمة دى صعبة اوى

كون ان فى عداوة بين ناس معينين وبعضها
دى كلها فى حدود كورة
متوصلش لعلاقات شخصية
وان الناس تحارب بعضها ويتحولو اعداء
وناس تزعل من ناس وناس تكره ناس
ليه وعشان ايه
الكورة دى لعب
لعععععععععععععععععب
يعنى تسلية وترفيه
مش حرب وحرقة دم ومشاكل

الاعلام بيهول كتير اوى من الاحداث
والناس بتصدق وتمشي ورا الكلام زى قطيع الخرفان
اسف فى اللفظ
بس بجد فى ناس مخها تعبان
ويعييو ويكرهو بعض وياخدو من بعض مواقف

وناس خدت منى انا شخصيا موقف من الموضوع اللى فات
وناس وجهتلى كلام مش كويس
و ان انا عصبي وكلام كتير اوى

وقسمتو الدنيا احزاب
وعملنا حرب قبلية زى اللى بتحصل فى بلاد المتخلفين

مع ان احنا مش كده
احنا ساعة المنتخب بنبقي كلنا كتلة واحدة
ومحدش بيشاور يقول دا اهلاوى ولا اسماعلاوى

دلوقتى جماهير الاهلى بتقول دا اغلى دورى عشان اخدناه من الاسماعيلي
ليه يعنى
انت لو كنت خدته من فرقة تانية مكانش هيبقي غالى
ولا هو عند وخلاص يعنى

ماتش يتلعب فى اسكندرية
يعنى اخر الدنيا بالنسبة لاسماعلية
لو كان اتلعب فى السعودية كان احسن

ذنبها ايه الناس تقعد 7 ساعات سفر عشان يروحو يتفرجو على ماتش
ليه هو ذنب
زى ميكون مصر مفهاش ملاعب الا اللى فى اسكندرية

وتفتيش ذاتى فظيع ولا كأنهم فى مخيم اسرائيلي
وضرب وبهدلة والناس تمشى على رجلها 2 كيلو
وتقتيش مخزى للستات والاطفال
عيييييييييب
بجد عيب
عشان ايه دا كله

يعنى حكام مش على مستوى
حتى رئيس لجنة الحكام يقولك ماحنا جايبين حكام اجانب اهو
عايزين ايه تانى نجيبلهم حكام من المريخ
ليه اللهجة دى يعنى
مهو لو زمالك واهلى بتجيب احسن حكام وانت قافل بؤك
ولو عملت غير كده تانى يوم تبقي فى بيتكو من غير شغل
يبقي لزمته ايه الكلام ده

اللى بيتكلمو بلسان الاهلى يقولك حرام نضيع مجهود سنة كاملة ومناخدش الدورى
وهى دى عدالة السماء اللى هبطت على ملعب اسكندرية
يعنى احنا وصلنا لنفس الوضع ده فى يوم وليلة مثلا
ولا هو الاهلى بس اللى بقاله سنة بيتعب

الكابتن شادى محمد لاعب دولى يقولك الاعلام بيقولو علينا عواجيز
ادينا خدنا الدورى
وكسبنا العيال
عيال ازاى يعنى
مانت كنت فى يوم من الايام ادهم كده ومستنى حد يشجعك ويساندك عشان تبقي فى وضعك دلوقتى
ولا انت اتولدت لاعب دولى

حتى حكم ماتش الجيش
بعد م الناس كلها اجمعت ان جون ابوتريكة فاول وهو صفر انها فاول
هو بنفسه اعترف قال مستحيل كنت ماحسبهاش والاهلى مغلوب
الملعب كله كان اهلاوية !!
مفيش تعليق

مش عارف
يعنى بجد حاجة تكسف
يعنى احنا المفروض نجيب حكام اجانب لماتشتنا وماتشات اللى بينافسونا كمان ؟؟

اتحاد كورة ولجنة حكام بيعملو كل اللى يقدرو عليه عشان ينفذو حاجة فى دماغهم
وعملوها
مش عارف هتفضل لحد امتى الكورة فى مصر فريق واحد
هما مستريحين لكده يعنى
حلو ان الدورى يخلص قبل الموسم ما يخلص ب 10 ولا 15 اسبوع
ونقول الدورى المصرى ترتيبه متأخر ليه
الدورى التونسي سابقنا بمراحل عشان بتتفرج على كوره نزيهة
سايبين الناس كلها تدى اللى عندها رغم ان منتخبهم مش فى حجم منتخبنا
ورغم ان منتخبنا اعظم منتخب افريقي
دا عشان ساعة ما بنقول يا منتخب بنبقي كلنا صوت واحد وايد واحدة

عموما هنيئا للنادى الاهلى
وهنيئا لجماهيره

زى ما قلت قبل كده
الاسماعيلي مش محتاج حد يتكلم عنه
دى مملكة جوا اسماعلية اسمها الاسماعيلي
احسن فريق فى مصر على الاقل السنادى بشهادة الناس اللى بتفهم كوره
واحنا على قناعة تامة بكده مهما كانت النتايج

الاهلى ادار الماتش بطريقة ممتازة
لعب ب8 مدافعين .. خطف جون فى اول 5 دقايق ..واتعامل مع بقيت الماتش بخبرة المحترفين بلاش العواجيز
مع العلم ان فى جون صحيح 100% ماتحسبش كان اكيد هيغير مسار الماتش واللى شاف الماتش يعرف
ولا تعليق على اداء الحكام

اخيرا مفيش حاجة تتقال
غير مبروك للنادى الاهلى
كل دورى وانتو طيبين :)

معلش مش هرد على لتعليقات حد على الموضوع ده
منعا للمشاكل
دى كانت وجهة نظرى ونقلتها بكلمات

Ism3lawy 4 Ever ;)

 

ايوا تااااج ... واللى ما يشترى يتفرج :)

17 ادينا انطباعك made by !! a7mad sala7 !! الساعة 8:27 م



معايا التاج ... معايا التاج
معمول م العاج ... ومش م الصاج
:))

التاج مهدى من بولا
صاحبة بلوج ♪°|أنشـودة المكـــان|°♫

ربنا يخليكي بولا ... اول مرة البس تاج
نعم :| ؟؟ >> الاسبوع ده
اول مرة البس تاج الاسبوع ده :))

مع ان الواحد مبيحبش يتكلم عن نفسه خااالص
بس يالا
.
.
.


من أنت؟
انا البحر فى احشاءه الدر .. كامن :D

انا احمد صلاح عبد السلام احمد
اى حاجة تتقالى بحبها
ماعدا باشمهندس
لسه بدرى شوية عليها

وما الذى تفعله هنا؟
قاعد بمرج الكرسي
وبكح كح كح
وبسمع زى الهوا

إسرائيل تقصف كل جنوب ممكن بحثا عنك ، أى شمال تقصد؟
مكانى ده بردو
انا لا اجيد اساليب الكر والفر
وبحب المواجهة المباشرة
واللى مكتوبلى هشوفه

أنت مكلف بحذف حرف من حروف اللغة العربية .. أيها ستختار ولماذا ؟
هو عامة اللعة العربية كاملة متكاملة
لانها لغة القران
والقران مش محتاج اى كلام

اما بالنسبالى ولو اتكلمنا عامة
انا مبحبش حرف الـ
ذ
حرف تقيل كده
والواحد بيطلع لسانه :D
غير انه محدوف فى اقصى شمال غرب الكيبورد

لو قدر لك أن تدخل السجن فما هي القضية التي تتمنى ان تدخل بها إليه؟
مخالفة القوانين
دفاعا عن فكرة اؤمن بها

-نحن لا نعيش حياتنا بل نتعلم فيها كيف نعيش ما تعليقك؟
احنا عايشين عشان نتعلم
واكيد هنعيش سواء اتعلمنا او لاء
هو اه محدش بيتعلم ببلاش :D
بس اديينا عايشين

على مفترق طريق لافتتان ، اليمنى تقول ( إلى حلمك ) واليسرى تقول : (إلى مالم يحلم به البشر ) ، أي الطرق ستسلك؟
مش فاهم
ايه يعنى ما لم يحلم به البشر
وانا هعرفه منين ده

بس عامة
انا طبيعتي مبحبش الحاجة اللى الناس كلها بتجرى عليها
ايا كانت
زى الاهلى مثلا :D
بحب اعمل الحاجة اللى تظهرنى ادام الناس بميزه
مش طمع او غرور
ومش حلم بردو
بس تقدر تقول طموح

وسبق وقلت انى مليش فى موضوع الاحلام ده

-بجملة واحدة فقط أكتب تعريفاً لكل كلمة من الكلمات التاليه
-الوطن
البيت الاكبر
ومحدش مبيحبش بيته

-الأم.
احلى حاجة فى الدنيا

-الليل
مزااااااااجى بردو
زى ما قالت بولا
بلاقي نفسي اوى فى الهدوء والناس كلها نايمة :D

الحب
!!!!!!!!!!!!!!
حاجة محيرانى اوى

أمريكا
عارف اللى عامل عبيط
تحس انه ماشي فى الدنيا كده بدراعه
ويبينلك انه القلب الكبير
اللى عايز يساعد الناس كلها

المرأة
بيقولك متآمنش ل 3 حاجات
المرأة والحظ وحاجة كمان كده مش فاكرها :D
يعنى بجد المرأة دى احدى كوارث الحياة
تصدقو بالله
فى رسالة جاتلى دلوقتى حالا ع الموبايل بتقول ايه
تخيلو الدنيا بدون النساء:
1-الاسواق هادئة
2-المحاكم قافلة
3-الفلوس زايدة
4-الشوارع فاضية
5-افلاس شركات الاتصال
6-الشيطان معندوش شغل
7-دواء الضغط ملوش لزمة
:D

رغم كل ده
المرأة نص الحياة بردو :)

-الرجل
رجل يعنى النص التانى من الحياة :P
بس بجد مفيش رجل من غير مرأة
ولا فى مرأة من غير رجل

-الصمت
حبيبي
الصمت ابلغ لغات الكلام

-أخترمنصباً واتخذ قرارا؟
رئيسه جمهورية نفسي

وقررت انا المذكور اعلاه
ابطل البقسماط اللى باكله ده
عشان زهقت وباكله عشان اخنق على نفسي

قيس، عنترة، جميل.... الذين يقولون شعرا..... وليلى وعبلة وعزة""لماذا هذا التغييب للمرأه

مهو دا دليل على ان الرجالة دايما تعبانين من الستات :P
مهو الانسان يقول شعر ليه
الا اذا كان تعبان من حاجة معينة
او بداخله احساس دفين
ههههههههههههه حلوة دفين دى :D

-األى أين تمضي كلمات الحب .. بعد أن نقولها?
لو كلمات م القلب .. هتروح جري للقلب

غير كده هتتبخر
وتطلع تتكوم جنب السحاب
عشان تمطر على حد تانى بيشربها

- هل تجد علاقة بشكل أو بآخر بين المرأة وقطاع الطرق ؟
المرأه بتسرق القلوب
وقطاع الطرق يسرقون المارة

-هذا فراق بيني وبينك .. متى ولمن تقولها ؟
لحد احسن منى فى حاجة
اعترفله بان فى فرق بيني وبينه
حد زيي او انا احسن منه فى شيئ معين
عمرى مانطق الكلمة دى

كيف هو غداً ؟
قدم المشيئة
وغدا بأذن الله وحده

تمرر التاج لمين

مممممممممممممممممممممممممممممم

نقوووووووووول

نفس الترتيب بتاع بولا
منكسرش كلام كبيرنا :D

مرة كمان ميرسي خالص لـ بولا
نردهالك فى التاجات :)

العواف ;;)

 

دعاء الحاجة

8 ادينا انطباعك made by !! a7mad sala7 !! الساعة 6:44 م

أستغفر الله العظيم
الذي لاله الاهو الحي القيوم وأتوب اليه
اللهم ياجامع الشتات ويامخرج النبات ويامحيي العضام الرفات
ويامجيب الدعوات وياقاضي الحاجات ويامفرج الكربات
وياسامع الاصوات من فوق سبع سموات ويافاتح خزائن الكرامات
ويامالك حوائج جميع المخلوقات ويامن ملأنوره السموات
ويامن أحاط بكل شي علما واحصى كل شي عدداً
وياعالماً بما مضى وماهو آت
اسألك اللهم بقدرتك على كل شي وباستغنائك عن جميع خلقك
وبحمدك ومجدك يآ الاه كل شي
واسألك اللهم ان تجود علينا بقضاء حاجتتنا
انك قادر على كل شي يارب العالمين
ياعظيم يرجى لكل عظيم
ياعليما انتا بحالنا عليم
اللهم اصلح لنا شأننا بما اصلحت به شأن عبادك الصالحين
ولا تكلنا لأنفسنا طرفة عين ولا اقل من ذلك
اللهم اقضي حاجتنا ونفس كربتنا ومانزل بنا من حيرتنا
انك انت ارحم الراحمين

 

made by !! a7mad sala7 !! الساعة 9:17 م

In Two Words

Congratulations Ahly :)

 

المقامة الدراسية

13 ادينا انطباعك made by !! a7mad sala7 !! الساعة 7:21 م


حدثنا طالب بن دارس, بن واقف بن جالس, فقال
لاحظ بعض العلماء, من كبار الأسماء, أن هناك مرضٌ عضال, يصيب بعض الرجال, إن كانوا بسن الدراسة والتعليم, في ظل هذا الحر المقيم
وقالوا بأنه مرضٌ ذهوليٌّ انفعاليٌ, نفسيٌّ عقليٌّ.. عصبيٌّ عضليّ, يصيب طلاب الكليات, بمختلف الجامعات, في شهر ٍ من شهور العام, هو شهر مايو الهمام, عندما يعرفون يوم الامتحان, يوم لا يـُكرم المرء بل يُهان, حتى إذا كان عبقرياً نابغاً, أو كان متوسطاً أو فارغاً
فتظهر أعراض المرض الوبيل, في آخر أسابيع شهر إبريل, ووصف بعض أطباء العصر والزمان, هذه الأعراض.. فحدثنا حكيم بن عيـَّـان, فقال
*******
أول أعراض المرض هو الذهول, ليس كذلك الناتج عن أكل الفول, بل هو ذهول شموليٌّ عنيف, يُكسب المرء شحوباً فيصبح كالرغيف
وفسره بعض المعاصرين, بأنه نتيجة اندماج الدارسين, حيث تتجمع المعلومات في أقفيتهم, وتتسرب من أربطة أحذيتهم, فيجيء الطالب آخر العام فيفاجأ كليةً بهذا الزحام, ويصيح في ظلمة الليل البهيم: كيف يا إلهي الرحمن الرحيم, متى أخذنا كل تلك الدروس, وكيف يا عالم أسرار النفوس, وكيف يكون الامتحان في شهر خمسة, ولم لا يكون عام مليون وخمسة, مع الاحتفاظ بحق الدور الأول, دونما تأجيل ٍأو إعادة من الأول!!!", ثم يستسلم لمصيره وأقداره ِ, ويدفن نفسه بين أوراق دفاتره ِ, ثم يبدأ الاكتئاب الدفين, الذي تفشل معه الـ
Venlafaxine والـ Tricyclic
حتى يمر شهر خمسة بالطول أو بالعرض, وتكاد رأسه تلامس الأرض, ويأتي شهر ستة بأيامه المخيفة, حيث امتحانات الشفوي والصدمة العنيفة, حتى ليجد الأستاذ نفسه مندهشاً متعجباً, من ذلك الطالب الذي صار مملاً متعباً
يجاهد الأستاذ لينزع منه المعلومات, بينما شفتاه لا تفترقان لبضعة سنتيمترات, فيضطر لإعطائه درجة ما, ويقول له أحسنت إنما..., ولا يضيف كلاماً, ولا يعطيه سلاماً, بل يقول: من بعده؟ فيخرج الطالب من عنده, والنيل يخايل ناظريه, ويدعوه أن يهرع إليه
*******
ما وجدنا لهذا الداء, من ترياق ٍ أو دواء, حتى يومنا هذا ولحظتنا تلك, إلا رحمة مالك الملك, وقد اقترح بعض علمائنا الأفذاذ الأفاضل, تسمية هذا المرض باسمٍ جديد ليس له مقابل, واقترح بعض هواة المصطلحات, تسميته بـ: متلازمة ما قبل الامتحانات, أما هواة الرطانة في العلوم, فقد اقترحوا تسميته بـ
Pre-examinations Syndrome
فانظر أيهما تختار, في قراءة الأخبار
*******
وبهذا علمنا ما كان, وما جرى لطلبة الزمان, ولا نملك إلا دعوة الرحمن, أن يرحم بني الإنسان, حتى لا تكون دنياهم خاسرةً ضائعة, وأخراهم نيراناً جائعة, وليرحم الله طلاب الجامعات والمدارس, ويغفر لحماقات طالب بن دارس
وبهذا نختتم الكلام
ولكم منا السلام
:-*

 

الثقافة هههههههه الكروية

21 ادينا انطباعك made by !! a7mad sala7 !! الساعة 5:59 م

هههههههههههههههههههههههههههههههه

بجد حاجة تضحك
مكنتش عايز اتكلم فى الموضوع ده
تعبان كمان ومش فايق
بس يالا ردا على الجموع الغفيرة اللى بتحب تهلل

بس استحملونى بقي
طالما اتكلمت هتكلم كتير
طالما فتحت يبقي اقول كل اللى انا عايزه

مش عارف والله
انا مش شايف ان فى حاجة غريبة بتحصل يعنى

الاهلى متعادل ويكسب فى الدقيقة 93 عااااااااااااادى

الجون الاول فاول والحكم صفر ان هى فاااول
ولما دخلت جون راح مصفر انها جون
حتى اللاعب اللى جاب الجون مفرحش
عشان سمع الصفارة قبل ما يلعبها
بس جون هى كده جون عااااااادى

هتقولى عادى ازاى
ايوة عاادى يابنى
دا الاهلى
انت عايز الاهلى يخسر الدورى فى اخر ماتش ولا ايه
انت مجنون بقي
خسر الدورى بالطريقة دى مرة ساعة ماتش انبي
مررررة ومش هتتكرر تانى

ساعة ما الاهلى جاب الجون التانى انا ماستغربتش
عشان عارف ان مينفعش الماتش يخلص من غير ما الاهلى ما يكسب

لما يتحسب 5 دقايق وقت ضايع
والماتش على ارض الاهلى
قبل ما الكورة تطلع برا كان بيخش مكانها كورتين
ضاعو امتى 5 دقايق بس عاااااااادى

مدرب الجيش بيتشتم طول الماتش
عشان بس عنده طموح وعايز يثبت ذاته ادام الاهلى
ازاى يتجرأ ويعمل كده
عايز يقف ادام الاهلى مجنون دا ولا ايه
يتشتم طبعا ويضرب بالشوز كمان لو ينفع
ودا جمهور الاهلى احسن جمهور فى مصر عاااااااااادى

يعنى هل ذنبه انه عنده طموح؟؟

المفروض قبل ما يبدأ كل دورى
يوزعو ارشادات على كل الفرق والمدربين
ان الدورى للاهلى
بالذوق بالعافية للاهلى
ف كل الناس تعمل حسابها على كده

يا راجل دا قبل الدورى ما يخلص ب 3 اسابيع
الاعلام كله بيتكلم على ان فى ماتش فاصل
بين الاسماعيلي والاهلى على تحديد بطل الدورى

طب وانت ضامن يعنى ان الاهلى هيكسب ال3 ماتشات
انت خلاص حسبت الحسبة ورستقتها على مزاجك

يعنى الاهلى هينزل يكسب ال3 ماتشات دول بالاجبار
وفعلا
كسب الترسانة اللى اتبهدل من طوب الارض بالعاافية
كسب الحرس بجوان واحد بالعاافية
وكسب الجيش فى الوقت الضايع بردو بالعاافية
عاااااااادى

المهم ان جماهير الاهلى
اللى هما المفروض جماهير الاهلى
تلاقي واحد من طنطا يقولك انا اهلاوى
واحد من المنصورة يقولك انا اهلاوى
واحد من اسكندرية يقولك انا اهلاوى
هو الاهلى فاتح فروع فى كل المحافظات ولا ايه

كل واحد مش لاقي فريق يشجعه يروح يلزق فى الاهلى
اه الفريق دا حلو وبيكسب نشجعه بقي وهيييييييييه
سقف سقف مهو عيد ميلاد

مفيش حاجة اسمها انتماء
ولما يطلع فريق بيجتهد وبيعافر وبيقف ادام الاهلى يبقي مضطهد
وفريق وحش ويتقال عليهم الكلاب تعوى والقافلة تسير
طب لما هى بتسير وانت تبصلهم ليه وهما بيعوو يا عم
متخليك فى حالك

الزمالك ظبط الاهلى وخسرو نقطتين رغم انه المفروض كان كسب
وتانى ماتش كسبنا الزمالك بسهولة
سابو الدنيا كلها وقالك الماتش متساب

طب متبص لنفسك
وانت بتكسب ازاى اصلا ماتشات كتير بيبقي فيها مهازل
ومحدش بيقدر يتكلم
ليه لانه الاهلى عاااااااادى

وبعدين انت مش فريق بطل؟
والقافلة تسير؟
متكسب ماتشاتك وتعمل اللى عليك
وملكش دعوة بقي مين بيكسب ومين بيخسر
متديش فرصة لحد انه يحطك فى الموقف ده

لكن لا
هما اتعودو ان الاهلى يكسب
سواء كان بيلعب او لا

نرجع لموضوعنا
جماهير الاهلى امبارح لقيت عندهم حالة نشوه كده
وفرحة كبييرة اوى زى ميكون خدو الدورى
تشوف حالة الاهلاوية امبارح اثناء الماتش
الناس قلبها هيقف
وبعد ما الماتش خلص زى ميكون خدو بطولة
كل دا ليه يعنى
عشان وصلت لماتش فاصل
مع ان دا قبلها بساعتين كان الديفولت يعنى
ان فى ماتش فاصل هيتلعب

وتظهر التشجيعات بقي بعد الماتش
و اووووووو اهلاوى
وانت يا عم مكنتش اهلاوى والاهلى مغلوب ليه
كنت ساكت يعنى
وكل واحد مستخبي فى هدومه
ولو الاهلى اتغلب يقولك مليش فى الكورة
واللى يقولك دورى مصرى ايه دا اللى اتفرج عليه
حتى البناااااااات
بقو كلهم مشجعين دلوقتى

يعنى تحس بحالة من الغل اسف فى اللفظ
زى ميكون احنا اعداء بالنسبالهم

كل دا ليه
عشان فى فريق عنده طموح وقف ادام الاهلى
عشان فى مدرب قال تصريح عنده طموح وقف ادام الاهلى

بجد ونعم الثقافة الكروية :D

الناس كلها معتقدة ان الاسمعلاوية بيكرهو الاهلى
وعايزينه يتغلب اى ماتش بيلعبه
وان احنا ناس بتاعة مشاكل
و و و و

سمعة وطلعت علينا

هقولكو حاجة
من الطبيعي لما تكون انت فريق منافس تبقي عايز فريقك يكسب وفى نفس الوقت الفريق المنافس ليك يعطل
اظن دا حق مشروع
عشان تبقي انت فى المقدمة لازم اللى بينافسك يتكعبل شوية عشان انت تسبقه
الكلام دا لو بطولة فيها الاسماعيلي والاهلى مع بعض
لكن لما يكون الاهلى بيلعب فى بطولة برا مصر
انا ليه اتمنى انه يخسر يعنى
مانا مش هستفيد حاجة
بالعكس لما الاهلى يكسب مدى سمعة كويسة لمصر
اللى فيها الاهلى والاسماعيلي وغيرهم

كون ان فى اقلية متخلفين عملو تصرف غبي
ف ده مش مقياس ان اهل البلد دى كلها كده
م كل حتة فيها الكويسين وفيها الوحشين
وزى م فى اسمعلاوية كده
فى ناس اهلاوية اكتر من كده

يعنى ساعة ما كان فى رابطة مشجعى باتشوكا فى اسماعلية
لما الاهلى خسر من باتشوكا

كان فى رابطة مشجعى الترجى اهلاوية
لما الاسماعيلي خسر من الترجى
وعاااااادى
محدش اتكلم
لان معروف ان دى اقلية

يعنى انت عايز تقنعنى ان كل الاهلاوية بيحبو الترجى عشان كسب الاسماعيلي
وان كل الاسمعلاوية بيحبو باتشوكا عشان غلب الاهلى
اظن صاحب العقل يفهم !!

//افتكرت موقف زى ده بالظبط
فى فيلم الرهينة::
لما صلاح عبد الله(كان دكتور مسيحي) بيقول لنور مين اللى عايزك تقتليني
قالتله المسلمين
قالها المسلمين كلهم وكلوكى انتى عشان تقتليني !! //

بجد مش محتاجة شرح

نرجع لموضوعنا:
عارفين انا مش هستغرب ان الاهلى هياخد الدورى>>لو اخده يعنى
ولا استغربت ان الاهلى كسب الماتش اللى فات
واى حاجة بخصوص الاهلى مش المفروض ان الواحد يستغربلها

لما تكون عايش فى بلد كلها فساد
هتستنى العدالة فى الكورة ازاى
هى جت عليها يعنى
عااااااااادى

عادى عادى عادى
حاجات كتير اوى عادى
ولو ماخدتهاش على محمل عااااادى
هتتعب
ف عادى بقي :D

خلاصة الموضوع
ان فى ماتش فاصل يوم الحد

كون ان الاسماعيلي كسب او الاهلى كسب

انا من النهارده بعتبر الاسماعيلي بطل مصر السنادى
بغض النظر عن نتيجة المباراه

ودا مش رأيي انا بس
دا رأى اى حد بيفهم كورة
وكل واحد حر فى رأيه

طبعا انا مش هقلب البلوج استوديو تحليلي
وعارف ان نتيجة البوست دا ان كل واحد هيخش يناكف
بس عاااادى
كلمتين كانو محشورين فى زورى وقلتهم
انا مش عامل الموضوع عشان اغيظ حد يعنى
ولا عشان حد يغيظنى
لذلك انا مش هدى فرصة لحد انه يغيظنى :P
اللى هيرد بموضوعيه اهلا وسهلا وهرد عليه

اللى هيرد عشان يناكف فيا اهلا وسهلا بردو ........

اتكلمت كتير اووووووى
واكيد مخلصتش اللى عندى
بس قلت حاجة من اللى كنت عايز اقولها
اللى عايز يقتنع هو حر حاجة ترجعله
واللى مش عايز هو حر وحاجة ترجعله بردو

اهم حاجة انكو منورين :)

 

رسائل أحدث رسائل أقدم الصفحة الرئيسية

الاشتراك في: الرسائل (Atom)

Blogger Template by Blogcrowds