الثقافة هههههههه الكروية

هههههههههههههههههههههههههههههههه

بجد حاجة تضحك
مكنتش عايز اتكلم فى الموضوع ده
تعبان كمان ومش فايق
بس يالا ردا على الجموع الغفيرة اللى بتحب تهلل

بس استحملونى بقي
طالما اتكلمت هتكلم كتير
طالما فتحت يبقي اقول كل اللى انا عايزه

مش عارف والله
انا مش شايف ان فى حاجة غريبة بتحصل يعنى

الاهلى متعادل ويكسب فى الدقيقة 93
عااااااااااااادى

الجون الاول فاول والحكم صفر ان هى فاااول
ولما دخلت جون راح مصفر انها جون
حتى اللاعب اللى جاب الجون مفرحش
عشان سمع الصفارة قبل ما يلعبها
بس جون هى كده جون
عااااااادى

هتقولى عادى ازاى
ايوة عاادى يابنى
دا الاهلى
انت عايز الاهلى يخسر الدورى فى اخر ماتش ولا ايه
انت مجنون بقي
خسر الدورى بالطريقة دى مرة ساعة ماتش انبي
مررررة ومش هتتكرر تانى

ساعة ما الاهلى جاب الجون التانى انا ماستغربتش
عشان عارف ان مينفعش الماتش يخلص من غير ما الاهلى ما يكسب

لما يتحسب 5 دقايق وقت ضايع
والماتش على ارض الاهلى
قبل ما الكورة تطلع برا كان بيخش مكانها كورتين
ضاعو امتى 5 دقايق بس عاااااااادى

مدرب الجيش بيتشتم طول الماتش
عشان بس عنده طموح وعايز يثبت ذاته ادام الاهلى
ازاى يتجرأ ويعمل كده
عايز يقف ادام الاهلى مجنون دا ولا ايه
يتشتم طبعا ويضرب بالشوز كمان لو ينفع
ودا جمهور الاهلى احسن جمهور فى مصر
عاااااااااادى

يعنى هل ذنبه انه عنده طموح؟؟

المفروض قبل ما يبدأ كل دورى
يوزعو ارشادات على كل الفرق والمدربين
ان الدورى للاهلى
بالذوق بالعافية للاهلى
ف كل الناس تعمل حسابها على كده

يا راجل دا قبل الدورى ما يخلص ب 3 اسابيع
الاعلام كله بيتكلم على ان فى ماتش فاصل
بين الاسماعيلي والاهلى على تحديد بطل الدورى

طب وانت ضامن يعنى ان الاهلى هيكسب ال3 ماتشات
انت خلاص حسبت الحسبة ورستقتها على مزاجك

يعنى الاهلى هينزل يكسب ال3 ماتشات دول بالاجبار
وفعلا
كسب الترسانة اللى اتبهدل من طوب الارض بالعاافية
كسب الحرس بجوان واحد بالعاافية
وكسب الجيش فى الوقت الضايع بردو بالعاافية
عاااااااادى

المهم ان جماهير الاهلى
اللى هما المفروض جماهير الاهلى
تلاقي واحد من طنطا يقولك انا اهلاوى
واحد من المنصورة يقولك انا اهلاوى
واحد من اسكندرية يقولك انا اهلاوى
هو الاهلى فاتح فروع فى كل المحافظات ولا ايه

كل واحد مش لاقي فريق يشجعه يروح يلزق فى الاهلى
اه الفريق دا حلو وبيكسب نشجعه بقي وهيييييييييه
سقف سقف مهو عيد ميلاد

مفيش حاجة اسمها انتماء
ولما يطلع فريق بيجتهد وبيعافر وبيقف ادام الاهلى يبقي مضطهد
وفريق وحش ويتقال عليهم الكلاب تعوى والقافلة تسير
طب لما هى بتسير وانت تبصلهم ليه وهما بيعوو يا عم
متخليك فى حالك

الزمالك ظبط الاهلى وخسرو نقطتين رغم انه المفروض كان كسب
وتانى ماتش كسبنا الزمالك بسهولة
سابو الدنيا كلها وقالك الماتش متساب

طب متبص لنفسك
وانت بتكسب ازاى اصلا ماتشات كتير بيبقي فيها مهازل
ومحدش بيقدر يتكلم
ليه لانه الاهلى
عاااااااادى

وبعدين انت مش فريق بطل؟
والقافلة تسير؟
متكسب ماتشاتك وتعمل اللى عليك
وملكش دعوة بقي مين بيكسب ومين بيخسر
متديش فرصة لحد انه يحطك فى الموقف ده

لكن لا
هما اتعودو ان الاهلى يكسب
سواء كان بيلعب او لا

نرجع لموضوعنا
جماهير الاهلى امبارح لقيت عندهم حالة نشوه كده
وفرحة كبييرة اوى زى ميكون خدو الدورى
تشوف حالة الاهلاوية امبارح اثناء الماتش
الناس قلبها هيقف
وبعد ما الماتش خلص زى ميكون خدو بطولة
كل دا ليه يعنى
عشان وصلت لماتش فاصل
مع ان دا قبلها بساعتين كان الديفولت يعنى
ان فى ماتش فاصل هيتلعب

وتظهر التشجيعات بقي بعد الماتش
و اووووووو اهلاوى
وانت يا عم مكنتش اهلاوى والاهلى مغلوب ليه
كنت ساكت يعنى
وكل واحد مستخبي فى هدومه
ولو الاهلى اتغلب يقولك مليش فى الكورة
واللى يقولك دورى مصرى ايه دا اللى اتفرج عليه
حتى البناااااااات
بقو كلهم مشجعين دلوقتى

يعنى تحس بحالة من الغل اسف فى اللفظ
زى ميكون احنا اعداء بالنسبالهم

كل دا ليه
عشان فى فريق عنده طموح وقف ادام الاهلى
عشان فى مدرب قال تصريح عنده طموح وقف ادام الاهلى

بجد ونعم الثقافة الكروية :D

الناس كلها معتقدة ان الاسمعلاوية بيكرهو الاهلى
وعايزينه يتغلب اى ماتش بيلعبه
وان احنا ناس بتاعة مشاكل
و و و و

سمعة وطلعت علينا

هقولكو حاجة
من الطبيعي لما تكون انت فريق منافس تبقي عايز فريقك يكسب وفى نفس الوقت الفريق المنافس ليك يعطل
اظن دا حق مشروع
عشان تبقي انت فى المقدمة لازم اللى بينافسك يتكعبل شوية عشان انت تسبقه
الكلام دا لو بطولة فيها الاسماعيلي والاهلى مع بعض
لكن لما يكون الاهلى بيلعب فى بطولة برا مصر
انا ليه اتمنى انه يخسر يعنى
مانا مش هستفيد حاجة
بالعكس لما الاهلى يكسب مدى سمعة كويسة لمصر
اللى فيها الاهلى والاسماعيلي وغيرهم

كون ان فى اقلية متخلفين عملو تصرف غبي
ف ده مش مقياس ان اهل البلد دى كلها كده
م كل حتة فيها الكويسين وفيها الوحشين
وزى م فى اسمعلاوية كده
فى ناس اهلاوية اكتر من كده

يعنى ساعة ما كان فى رابطة مشجعى باتشوكا فى اسماعلية
لما الاهلى خسر من باتشوكا

كان فى رابطة مشجعى الترجى اهلاوية
لما الاسماعيلي خسر من الترجى
وعاااااادى
محدش اتكلم
لان معروف ان دى اقلية

يعنى انت عايز تقنعنى ان كل الاهلاوية بيحبو الترجى عشان كسب الاسماعيلي
وان كل الاسمعلاوية بيحبو باتشوكا عشان غلب الاهلى
اظن صاحب العقل يفهم !!

//افتكرت موقف زى ده بالظبط
فى فيلم الرهينة::
لما صلاح عبد الله(كان دكتور مسيحي) بيقول لنور مين اللى عايزك تقتليني
قالتله المسلمين
قالها المسلمين كلهم وكلوكى انتى عشان تقتليني !! //

بجد مش محتاجة شرح

نرجع لموضوعنا:
عارفين انا مش هستغرب ان الاهلى هياخد الدورى>>لو اخده يعنى
ولا استغربت ان الاهلى كسب الماتش اللى فات
واى حاجة بخصوص الاهلى مش المفروض ان الواحد يستغربلها

لما تكون عايش فى بلد كلها فساد
هتستنى العدالة فى الكورة ازاى
هى جت عليها يعنى
عااااااااادى

عادى عادى عادى
حاجات كتير اوى عادى
ولو ماخدتهاش على محمل عااااادى
هتتعب
ف عادى بقي :D

خلاصة الموضوع
ان فى ماتش فاصل يوم الحد

كون ان الاسماعيلي كسب او الاهلى كسب

انا من النهارده بعتبر الاسماعيلي بطل مصر السنادى
بغض النظر عن نتيجة المباراه

ودا مش رأيي انا بس
دا رأى اى حد بيفهم كورة
وكل واحد حر فى رأيه

طبعا انا مش هقلب البلوج استوديو تحليلي
وعارف ان نتيجة البوست دا ان كل واحد هيخش يناكف
بس
عاااادى
كلمتين كانو محشورين فى زورى وقلتهم
انا مش عامل الموضوع عشان اغيظ حد يعنى
ولا عشان حد يغيظنى
لذلك انا مش هدى فرصة لحد انه يغيظنى :P
اللى هيرد بموضوعيه اهلا وسهلا وهرد عليه

اللى هيرد عشان يناكف فيا اهلا وسهلا بردو ........

اتكلمت كتير اووووووى
واكيد مخلصتش اللى عندى
بس قلت حاجة من اللى كنت عايز اقولها
اللى عايز يقتنع هو حر حاجة ترجعله
واللى مش عايز هو حر وحاجة ترجعله بردو

اهم حاجة انكو منورين :)

21 Comments:

  1. mo7mad sala7 3rafa said...
    اووووووووووو اهلاوي
    اووووووووووو اهلاوي

    معلش بشجع فريقي
    انتماء مين ياد انت هتعيط عشان تقلب اهلاوي و نفسك مش راضيه ولا ايه؟

    يا ابني والله عارف ان الاهلي هيكسب
    يعني لغيت الدقيقه 90 وانا عارف انه هيكسب
    مش محتاجه كلام ده الاهلي ياد
    بطل القرن

    يا ابو قرن
    هع هع

    كلام كتير كدهون وملوش لازمه

    ثم انه لو الاهلي خسر الدوري فده عادي يعني
    احنا بقالنا خمس او ست سنين مكوشين ع البطولات كلها
    رايح جاي
    زهقنا منها
    قلنا نريح شويه
    نلاقي الاسمعلاويه بيتنططوا علينا
    طب خد ف عينك
    وابقي قابلني

    نيهاهاهاهاهاهاهاها

    ممكن اكلم جوزيه يسيب لكم الماتش
    يلا
    والله زهقنا بطولات
    بس نعمل ايه
    مفيش منافش


    ههههههههههههههههه
    وبعد الكلام الفارغ ده كله
    انا مبتفرجش ع الدوري المصري اساسا
    ولا بشجع اي فريق فيه
    هي دي كوره يا ابني
    هتضيع ساعه ونص من عمرك عشان حته ماتش اللعيبه اللي فيه مبتعرفش تباصي صح

    هههههههه
    ليه يعني؟

    انا كنت بغيظك بس
    اوووووووووو اهلاوي
    إسـلام مـحـمـود said...
    بمناسبة باتشوكا افتكرت إفيه جامد اوي لما باتشوكا كسب الأهلي الناس عندنا قعدت تقول الاهلي أكل 4 شكشوكة
    هههههههههههههههههههههههههههه

    ان شاء الله الاهلي هايخسر الدوري السنة دي
    a7mad sala7 said...
    إسـلام مـحـمـود

    //بمناسبة باتشوكا افتكرت إفيه جامد اوي لما باتشوكا كسب الأهلي الناس عندنا قعدت تقول الاهلي أكل 4 شكشوكة
    هههههههههههههههههههههههههههه

    ان شاء الله الاهلي هايخسر الدوري السنة دي//


    طبعا دى محاوله سازجه
    من واحد اهلاوى
    عشان يثبت ان انا بقول كلام وبعمل كلام

    والمفروض انى اضحك دلوقتى واتريق بقي
    وشكشوكة ههههههههههههه
    والكلام ده




    >>عشان الناس تبقي عارفه بس
    a7mad sala7 said...
    واحد تانى فوق اهو
    بيقولك عايز اقلب اهلاوى

    هو خط موبايل هغيره يابنى


    ولما انت كنت متاكد ان الاهلى هيكسب
    وعادى ان الاهلى يخسر الدورى
    ومش فارقة معاكو والكلام ده
    امال مالكو هتتجننو ليه كده
    والناس كانت هتموت امبارح
    ولا كانها حرب

    وبعدين لما انت كمان مش بتشوف الدورى المصرى
    امال رديت هنا ليه
    واخر بوست عندك دا معمول ليه
    وكاتب عندك مستنى رد احمد صلاح ليه


    ادى مثال لواحد اهلاوى

    هههههههههههههههههه
    منور يابوالكراتين :D
    واحد said...
    عااااااااااادى
    a7mad sala7 said...
    واحد

    //عااااااادى//

    اهو دا ابلغ رد والله :D

    ودا اكبر دليل على ان كلامى صح :D
    Bola 7elmi said...
    :S

    هو فيه ايه ؟..!!
    الكورا دي أخرتها وحشه على فكرا ..
    أنا مش متفائله :S
    Boba said...
    تيت تيييييييييييييت
    مش انا قولتلك اني ما بحبش الكورة
    وما عرفش اصلا هم بيجروا ورا ها ليه

    بسي يا بني ده انت بتتخاقن مع نفسك
    ايه كمية العصبية دي

    ما فيش حاجة في الدنيا تخليك تتعصب كده
    ولا تتكلم بكمية التهجم دي
    ده ولا اللي قتلو لك قتيك

    واسمع بقى اهداء من نادي الاهلي
    اغنية انا لو اذيته
    :D

    اتفضل ضحك زي ما انت عايز يا ابو احميد
    :)
    ღღtotaღღ said...
    امممممممممممممممممممممممم
    انا كان عندي كومنت كبييييير اوووووي بس مش عارفه راح فييييين..!!

    بس ماعلينا..عندك حق ان في ناس بتشجع وخلاص وهي مش فاهمه في اي حاجه

    انا بردو مش بفهم حاجه في الكوره خااااالص,,بس اهلاويه وبشجع الاهلي :D
    وعادي يعني...لا الاهلي ولا الزمالك ولا الاسماعيلي هيأكلني ولا يشربني..

    هقول سر ,,بس اوعي حد يقول لحد
    انا بردو حاسه ان الاهلي مش هياخد الدوري>>لانهم فرحوا قبل الهنا بسنه

    انا اصلا لما شوفت البوست بتاع محمد صلاح افتكرت الاهلي خد الدوري..لاني مبتفرجش علي ماتشات..وفي الاخر اكتشفت ان الفرحه اللي الناس كلها عملاها عشان الماتش الاخير اللي كسبوه..

    ماعلينا ,,, يارب المصري هو اللي ياخد الدوري :P
    "اصلي بشجع البورسعيديه :D"
    تيجي ازاي دي معرفش,,
    يلا محدش يزعل نفسه...
    ياريت مكونش عكيت في الكلام..ومحدش يزعل
    نورتي البوست ياتوتا:D
    النسر الاصلع said...
    عارف التوبيك ده عجبني بجد تصدق

    يا راجل .. دنا لما اشوف كده احمد ربنا اني اهلاوي

    شايف دي بقى اسمها عقدة الاضطهاد , ملهاش علاج الصراحة يعني .

    يا عم والله اعتقد ان الاهلي انظف مؤسسة كروية في مصر , سواء ادارة او تعامل

    على الاقل مدرب انبي انور سلامة , اهلاوي

    وشوفت انبي لعب ازاي قدام الاهلي
    وشوفت النتيجة

    ناس عندها ضمير , وانا عند كلمتي
    هناخد الدوري ان شاء الله

    لانه كما قال تعالى ( إن الله لا يصلح عمل المفسدين )

    أي عيل عارف ان الماتش بتاعكم انتم والزمالك تقسيمة

    مفيش فريق بيلعب ونفسه يأدي الا قدام الاهلي

    مبتحصلش قدام فريق تاني

    فعلا زي ما قرأت لو كل الفرق بتلعب زي ما بتلعب قدام الاهلي كنا شوفنا دوري اوروبي

    اخيرا انسوا عقدة الاضطهاد دي وبطلوا رغي كتير

    واشتغلوا عشان تفوزوا بالبطولات
    معتقدش ان كل بطولات الاهلي حظ, ها
    a7mad sala7 said...
    Bola 7elmi

    خير ان شاء الله
    احنا مش بنحارب يعنى
    دى مناقشة بسيطة :)
    a7mad sala7 said...
    Boba

    //بسي يا بني ده انت بتتخاقن مع نفسك
    ايه كمية العصبية دي//

    على فكرة انا مش عصبي خاااالص
    واهدى مما يمكن
    واللى يعرفنى من قريب يقولك كده

    وبعدين مش دا الموضوع اللى اعصب نفسي
    او احرق دمى عشانه

    الكورة دى اوبشن فى حياتى يعنى

    للعلم فقط

    يامو اهداء انتى
    a7mad sala7 said...
    ღღtotaღღ

    :D

    عجبني ردك جدا

    وبالنسبة للمصرى ده

    فـ ربنا يتولاه برحمته بقي :D

    ونووورتى البوست يا توتا طبعا :)
    a7mad sala7 said...
    النسر الاصلع

    الاهلاوى الاصلع نسراااا
    حلو العنوان ده
    مانشيت شديد اهو :D

    بص يا حبيبي
    احمد ربنا الاول انك اهلاوى
    عشان تلبي رغبتك

    بعد الحمد والشكر
    شكلك موصلكش حتت ان الحقد والاضطهاد مش تبعى

    انا زى ما قلت من شوية الكورة دى اوبشن والله
    وانا اصلا مكنتش هتكلم فى الموضوع ده

    بس عشان انا اسمعلاوى
    وناس كتير كلمتنى فى الموضوع ده
    فكنت لازم ارد ببوست
    واوضح للناس وجهة نظرى

    ما علينا

    الاهلى ك مؤسسة
    من انجح ما يمكن
    ومحدش يقدر ينكر كده
    ولو مش ناجحة مش هتفضل على القمة الفترة دى كلها
    بالمقارنة مع الزمالك فقططططططط

    الزمالك هو الوحيد اللى ممكن نقول عليه بنفس امكانيات الاهلى او اقل شوية
    مش مؤثرة يعنى
    بس بالامكانيات اللى تخليه بطل زى الاهلى بالظبط

    فمن الطبيعي ان فريق زى الاهلى
    نادى الحكومة
    نادى الشعب الاول
    نادى رجال الاعمال
    نادى اجتماعى كبير جدا
    غير انه نادى العاصمة

    مش معقول هيبقي فى الدعم دا كله
    وميبقاش مؤسسة ناجحة
    دا يبقي استهبال

    ف متقارنش بطولات
    او نجاحات الاهلى عملها ما بقيت فرق مصر الا الزمالك

    بقيت فرق مصر بما فيهم الاسماعيلي مش لاقيين مرتبات اللعيبة
    اللعيبة فى الفرق تعتبر بتلعب بلؤمتها :D
    عشان كده اى لاعب فى مصر يتمنى يلعب فى الاهلى
    وعشان كده بتلاقى الاهلى بيلم لعيبة مصر كلها >>اللى فيهم الرمق

    مفيش غير اندية البترول والجيش اللى مبتفرطش فى لاعبيتها بالساهل
    عشان مش محتاجين فلوس

    لذلك بتلاقي مراكزهم متقدمة فى الدورى
    وممكن جدا ياخدو بطولات

    تعالى بص لاول 5 مراكز فى الدورى
    هتلاقي اسماعيلي واهلى والباقي بترول وجيش

    الملاحظة هنا ان مفيش فريق شعبي مش اهلى ومش بترول وجيش
    غير الاسماعيلي

    دى فى حد ذاتها انجاز
    ومحدش يقدر ينكر كده

    كون بقي ان الاسماعيلي بينافس الاهلى بالامكانيات دى
    فدى بقي اللى تذكر بجد للاسماعيلي

    لما يكون الاهلى مبيعملش حساب للزمالك حتى اد ما بيعمل للاسماعيلي

    ويوم ماتش الاسماعيلي مع الاهلى بتبقي حالة رعب فى القاهرة

    دى فى حد ذاتها انجاز والله

    شوف بقي لما الاهلى يكون بياكل النجيلة عشااان يجيب جون عشاااااان يوصل لماتش فاصل مع الاسماعيلي عشااااان ياخد بطوله كان المفترض انه بياخدها من نص الدورى كل سنة

    دى فى حد ذاتها ايه .......؟

    شااااطر
    انا سامعك من هنا اهو وانت بتقول انجااز ;;)

    اذا
    اعترف ان الاسماعيلي احسن فريق فى مصر بيلعب كورة
    بالنسبة للامكانيات المتاحة

    وانه لو فى ربع امكانيات الاهلى
    كان بقي فوق الاهلى ب5 او 6 مرات

    ما علينا
    مش هنتكلم فى افتراض مش هيحصل

    بس خلينا فى الواقع


    صحيح بالنسبة لماتش الاسماعيلي والزمالك ده
    يا ريت منخوضش فيه

    عشان لو فتحنا الملف ده
    هجيبلك ادامه 63 لالا87 حالة مشابهة للاهلى
    وبنفس الطريقة

    ف خلينا ساكتين


    حتت ان الفرق كلها مبتلعبش الا ادام الاهلى ف دى حاجة اسمها طموووح
    وان الفرق دى بتبقي عايزة تثبت ذاتها

    ولا انت عايز تقتل طموح الناس كلها
    عشان الاهلى يكسب وبس والقافلة هههههه تسير

    وبعدين سبق وقلت
    انت فريق بطل >> يبقي تكسب ماتشاتك
    ومتديش فرصة لحد تتحوجله فى نقطه

    شكرا لنصيحتك
    وجه وقتى انا فى النصيحة بقي

    يا ريت تبطلو غرور شوية
    وتبطلو مفخة كدابة

    انتو بتقولو دى بطولة
    والاهلى شبعان بطولات
    ومش عايزينها والكلام ده

    ليه بقي شايف الناس كلها هتموت عشان الاهلى ياخدها

    ولا هى عشان بقت فى ايد الاسماعيلي بقت عجبة

    عجبي!!


    اخيرا نورت يابو عزت :)
    abohmeed said...
    بهدوء وتأنى ****** ابوصلاح يغنى


    بجد يابوصلاح اسلوبك مقنع جدا
    ببقي داخل مش موافقك ساعات
    بس بخرج مغير رأيي هههههههههه

    على فكرة انا مش اسمعلاوى
    ومش اهلاوى بردو

    مش مهم بشجع ايه دلوقتى

    بس انا جاى اقول ان كلامك مقنع جدا
    زمحدش يقدر يغلطك فى كلمة يا باشا
    a7mad sala7 said...
    ههههههههههههههههههههههه

    ايه يا عم اللى بتقوله ده

    على فكرة انا كنت فاكر نفسي عارفك
    بس انت كده شككتنى

    مش اهلاوى؟؟
    ومش اسماعلاوى؟؟

    ومتقولش زملكاوى

    امال تبقي ايه

    ما علينا

    بهدوء وتأنى .... بجد انتى منورنى

    :D
    mo7mad sala7 3rafa said...
    واحد

    //
    ودا اكبر دليل على ان كلامى صح
    //

    مش انا ده علي فكره
    بس انا عرفت مين اللي قال كده

    علي فكره يا واد انت مكبر الموضوع اوي
    وانا مبحبش الدوري المصري خالص
    ولا بحب من فرقه غير الاهلي طبعا

    وانا عامل الليله دي كلها عشان اغيظك بس والله

    اووووووووووو اهلاوي
    a7mad sala7 said...
    ماشي يابوهم
    النسر الاصلع said...
    ازيك يا حج
    انا برد تاني عشان افكرك بكلامي فوق

    والحمد لله ولله الفضل والمنة والدرع رجع للجزيرة

    يلا تعيشوا وتاخدوا درع الدورة الرمضانية

    سلام يا درويش
    روح بلا فرح (روان) said...
    كفااااااااااااااايه
    كوووووووووووووووووره
    جننتونى
    و انا اصلا مجنونه من غير حاجه
    ان شاء الله الدورى الجاى انا و فرقة المجانين بتوعى اللى هنكسبه
    معلش مقدرناش ندخل الماتش ده علشان كان الفريق مش كامل و فى اصابات
    استنونى الماتش الجاى
    هنسف كل الفرق
    على فكره
    تقريبا بابا اهلاوى
    و اللى يزعل بابا او يقول كلمه عن فريقه انسفه
    (انا ماقلتش حاجه حد غيرى اكيد اللى كتب)
    a7mad sala7 said...
    ههههههههههههههههههههههههههههههههههه

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds