شكرا يا ماما


حنان ملوش حدود .. اعظم انسانة في الوجود .. ماما

مهما هحكى اللى في قلبي واللى نفسي اقوله ليكي

مش هيطلع حتى نقطة في بحر احساسي بيكى

كان حلمك تبقى سعيدة مع زوج حنون عليكي

تبنوا حياة جديدة وولادك حواليكي

ويادوب حققتى حلمك جه وهد البيت عليكي

فجاة راح سابك وحيدة ساب ولادك حتى ليكي

سابك محتارة وحزينة والولاد ماسكين ايديكي

وبقى عندك الاختيار بيت جديد وفرصة تانيه

او تعيشي عمرك وحيدة مع ولادك الصغار

مسئولية صعبة جدا كنتى قد الاختبار

قلتى هختار ولادى ولو هربيهم في نار

من النهاردة دول حياتى مش هسيبهم مهما صار

اللى قالك ليه تضحى واللى قالك ده انتحار

واللى قالت بكرة تيجي تندبي سوء الاختيار

الولاد دول كانوا احنا انا واخواتى الكبار

قدرتى تعدى بينا وتربينا وده انتصار

وجاى اقولك بابتسامة من قلبي شكرا يا ماما

دعوة حلوة منك وايديكي في السما

يسمع ربي منك وينورني انا

اوقات كتير الظروف كانت واقفة ضدك

كنتى بتخبي علينا وتدخلى تبكي لوحدك

واما يدخل حد فينا بتضحكى وتدارى دمعك

بس كنت ببقى عارف مرة بالصدفه سمعتك

وقتها انا روحت حالف باللى خلقك وبغلاوتك

ان ما هتغفل عيوني الا لو فرحت قلبك

وييجي اليوم اللى تكون فيه فخورة انى انا ابنك

لما بشوفك وانتى قاعدة بفضل اراقبك من سكات

وألقى نفسي بقول لنفسي بحب فيكي كتير حاجات

لما بتحكى يوم ولادتى يوم ما خدتيني في ايديكي

روحتى حضنانى بمحبة كل تعبك راح عليكي

قمتى بصالى في عينيا قمتى يومها سألتى نفسك

انت ايه وهتبقى مين يا رب يطهرلى قلبك

كنت بهرب من ايديكي وياما بتدلع عليكي

ولما احس بخوف وغربة بجري واستخبى فيكي

ولو في يوم حسيت تعب جوه حضنك تحتويني

وبصوت حنون ودافى تدعى الرحمن يشفيني

ولما بنكسر او افشل والامل بيبقى فانى

بتقوليلي قوم وكمل قوم وحاول مرة تانى

طول ما فيك الروح يا ابنى قوم وحقق الامانى

ثق في ربك ثق في نفسك قوم عشانك قوم عشانى

بسببك انتى بقيت بقدر طبعا ده انتى ست قيمه

انى طول منا كنت بكبر شايفك انتى ازاى عظيمه

دنا مهما كبرت هاجى هوطى على رجلك وابوسها

دنتى امى وانتى عمري وكل حاجة حلوة حاسسها

من كل قلبي .. شكرا يا ماما

==========================

مين يصدق ان دى كلمات اغنية لاحمد مكى :D
http://www.youtube.com/watch?v=ZDVOffCcC50&feature=related


:)

23 Comments:

  1. Bola 7elmi said...
    وااااااااااااااااااااااااو

    بجد حلوه اووووي
    دبور ؟
    اتش دبور بتاع خد فطيرك بيغنيها ..!!

    بس بجد انا بحب دبور عسل P:

    وصباح الخير :)

    نورتي يا بولا :|
    a7mad sala7 said...
    اااااااه
    شفتى بقي

    دى كان عاملها فى عيد الام

    وسمعت انها قصته حقيقية

    الله اعلم

    بس الاكيد انها حلوة اوى

    بحاول احط الفيديو مش راضي

    بس انا حاطط اللينك اهو
    morgana said...
    مادام دبور يبقي نورت البوست ياعم الحاج
    :D

    حلوة اوي الاغنية
    بجد تحفه
    :)

    صباح الخير
    a7mad sala7 said...
    :D

    صباح النور ع البنور
    :)
    ShiMOo said...
    //مين يصدق ان دى كلمات اغنية لاحمد مكى//

    مش انا طبعاااااااااا
    لاني مش بحبه خاااااااااااااااااالص -X(
    a7mad sala7 said...
    هههههههههههههههههه

    لا صدقى بقي
    الاغنية بصوته اهى :D


    بس بصراااااااااحة هو لذيذ :P
    Romancia said...
    كلماات رااااااااائعه خاصه انى امى وحشتنى اوى وحلمت بيها النهاردة ربنا يرجعهالى بالسلامه
    تسلم ايدك على الكلمات الرائعه
    Mohamed Al-Sayed ... Soul Life said...
    بجد انا بحب الاغنية دي جدا جدا

    لاني مشابه ليها كمان

    وبجد عاملها جامدة جدا

    وكلامه بيحكي واقع أمهات كتييير

    رربنا يجعلنا تحت اقدامهن في الجنة

    موضوع جااااااااااااااااااااااامد
    Mohamed Al-Sayed ... Soul Life said...
    وعلى فكرة برده انا والدتي مسافرة

    ربنا يرجعها بالسلامة ويرجع كل الاهل بالسلامة لكل الناس المتغربة
    ღღtotaღღ said...
    الاغنيه جامده جدااااااااااا

    واحمد مكي زي العثل :D
    a7mad sala7 said...
    Romancia

    :)

    ربنا يرجعهالك بالسلامة يا رب

    نورتيني فى البلوج لاول مرة
    a7mad sala7 said...
    Mohamed Al-SayeD

    امين يا رب

    نورت يا محمد باشا
    a7mad sala7 said...
    ღღtotaღღ

    اه طبعا

    وقوليلها بقي :P
    Bola 7elmi said...
    طب ازاى فى حاجات بتموت .. وتيجي الصدفة تحييها !!



    >> يا عمي متدقش .... عادي بتحصل <<
    Boba said...
    انا سمعتها قبل كده وكانت عجباني
    بسي دمعت وانا بقراها
    ربنا يحمي لك ماماتك
    و ويخليك ليها

    بسي ايه ده
    حرام عليك
    كل ما اقول شوية وهدخل اكومنت
    الاقي بوست جديد

    انت مش واخد بالك انت بتمتحن
    ربنا يعديها على خير
    a7mad sala7 said...
    Bola 7elmi


    ههههههههههههههههههههههههههههه

    ماشي ماشي
    a7mad sala7 said...
    Boba


    لالالالالالالا اطلاقا

    دانا معدل الكتابة بتاعى قل جداااا

    حتى تلاحظى كده من الردود
    الناس مش لاقي هحاجة ترد عليها

    وبعدين الامتحانات ملهاش علاقة بكتابة البوستات

    البوست هيتكتب فى اد ايه يعنى

    ال يعنى بنزاكر



    وربنا يخليلك مامتك يا سيدي
    واحساسك كمان ;;)
    Bola 7elmi said...
    P:
    دنتا أسئلتك غريبه جدا
    P:
    olivetree said...
    la 7elwa alklmat 5fefa w e7sasha 7lw
    w kman sm3t al23'nya 7elwa

    bs l7d dlw2t msh msd2a en da a7md mky y3ne ely 3mlha

    shokrn ya a7mad

    thanxxxxxxxxx
    a7mad sala7 said...
    Bola 7elmi

    لا بقي

    لا بقىىىىىىىىىىىىىى

    دا مش غريب

    حد ميعرفش زرومبو
    :P
    a7mad sala7 said...
    olivetree

    العفو يا استاذى

    يو ار ويلكمد
    روح بلا فرح (روان) said...
    يااااااااااااااااااااه
    اقول ايه يا بنى
    روعه و ربنا الكلمات
    سلام بقى اصل ماما زمانها جايه "مش الاغنيه"
    و هتكسر الكمبيوتر لو لقيتنى لسه قاعده مع انى يا دوب بقالى 12 ساعه بس و عندى امتحان بكره

    سلام
    a7mad sala7 said...
    ههههههههههههههههههههههههههههه

    ماما زمانها جاية
    جاية بعد شوية

    جايبة مقشات وحاجات
    عشان تكسر بيها الكمبيوتر
    :D

    ربنا يوفقك ويكرمك

    ويكرمنا جميعا يا رب

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds