ايهم تتمنى

سؤال بييجي فى بالى كتير

كل شيئ مكتوب ولكل اجل كتاب .. دى حقيقة لا نقاش فيها

لكن من باب الامانى

تتمنى تموت قبل يوم القيامة .. ولا تفضل عايش لحد ما تقوم القيامة

القبر ليه اهوال .. ويوم القيامة ليه اهوال

مقصدش يوم القيامة لما يبعث الناس
لان كله بيبعث حتى اللى فى القبور

اقصد يوم القيامة بكل حزافيره .. منذ ظهور جميع العلامات الكبري والصغري وحتى البعث لجميع الناس

القبر حياة اخرى بجميع تفاصيلها
ويوم القيامة ليه مراسم ملهاش شبيه بجميع تفاصيلها
انت تتمنى تكون فى اى موقف

اللهم احسن خواتيمنا اجمعين

16 Comments:

  1. ستيته حسب الله الحمش said...
    اللهم أحسن لنا الخواتيم
    انا عارفة انه كلما دنت الأخرة شاع الفساد وقل عدد التقاة وظن أهل الأرض انهم قادرون عليها
    علشان كده أتمنى ربنا يرحمني ويغفر لي ويتوفني غير فاتنة ولا مفتونة
    إمتى بقى؟
    سبحانه هو اللي يعرف أنا أتحمل أد إيه من الفتن
    ما يمكن أعمل فيها شجيع السيما وأقول لن أؤمن بالمسيخ الدجال وسوف أثبت ولا أكون من أهل الثبات على الحق
    ربنا يسترها معانا ويحسن لنا الخواتيم

    تحياتي
    lostlove said...
    يارب ارحمنا جميعا
    واحسن لنا الخوايتم

    انا عن نفسي اتمني اموت بس قبل اتمني كده اتمني اني اعمل للموت ده مش اقول انا ه عاوزه اموت قبل علامات الساعه وانا اصلا مش عامله حسابي
    ربنا يرحمنا يارب ويغفر لينا

    تحياتي

    اتمني التوفيق
    morgana said...
    علي رأي غريب
    ما دام انت كده ميت وكده ميت يبقي تخاف من ايييييييييييه:D

    لو هتمني في الموت يبقي اتمني اني اموت قبل ما اكبر في السن ومن غير طول فترة مرض عشان مبقاش تقيله علي حد

    وقبل يوم القيامة


    ربنا يرحمنا جميعا ويهدينا
    ShiMOo said...
    انا مع مورجن :)
    e_emy said...
    اخاف من الموت بس لانى مش راضيه عن نفسى
    ومش راضيه اقابل ربنا كده ):

    بس برضه مش اعيش كتير ..

    وربنا يرحمنا ياااااارب
    ويهدينااااااااااا
    Imagine That said...
    اتمني اني اموت في الساعه اللي مكتوبه ليه

    وما ربك بظلام للعبيد

    كما تحيا ستموت وكما ستموت ستبعث

    فاللهم ارزقنا حسن العمل وحسن الخاتمه يا ابوصلاح
    sony2000 said...
    انا اتمني اموت لما اعمل حج لبيت الله واموت هناك
    نفسي
    يكون وقتها كدا ربنا يغفرلي ذنوبي ودا قبل يوم القيامه
    اللهم امين
    تقبل مروري وتحياتي
    !! a7mad sala7 !! said...
    ستيته حسب الله الحمش

    تمام
    تفكير منطقي

    بس بردو القبر ليه اهوال
    ضمة القبر .. حساب الملكين .. السؤال
    غير عذاب القبر ان لم نكن من اهل الجنة .. اللهم احفظنا

    وبعدين انا عندى فضول غريب انى اشوف احداث النهاية :D
    !! a7mad sala7 !! said...
    lostlove

    اكيد طبعا قبل ما حد بيفكر فى الموت
    بيكون عامله حساب

    لان لو كلنا فكرنا فى الموت صح مكانش دا حال حد فينا :D
    !! a7mad sala7 !! said...
    morgana

    ههههههههههه
    لا تفرق طبعا
    وبعدين مين قالك ان اللى هيعيش ليوم القيامة هيموت

    وحلو تفكيرك فى كبر السن ده
    انا معاكى فى الحتة دى بردو
    !! a7mad sala7 !! said...
    ShiMOo

    يبقي 2 المحطة هنا
    حد جاى تانى :P
    !! a7mad sala7 !! said...
    e_emy

    ودى تبقي البطيخة :D

    اكيد فى الحالتين احنا مش راضيين على نفسنا

    كل اختيار فيهم منه مخاوف

    ربنا يرحمنا
    !! a7mad sala7 !! said...
    Imagine That

    عافرين الكلام ده كله

    دا رد دبلوماسي

    انا بقول من باب الامانى
    !! a7mad sala7 !! said...
    sony2000

    جميل
    وبكده يبقي اخترتى احسن نهاية

    بس بردو مفهاش اى حاجة من الفضول :D
    morgana said...
    /وبعدين مين قالك ان اللى هيعيش ليوم القيامة هيموت/

    قول الله تعالي:

    {وَنُفِخَ فِي الصُّورِ فَصَعِقَ مَن فِي السَّمَاوَاتِ وَمَن فِي الْأَرْضِ إِلَّا مَن شَاء اللَّهُ ثُمَّ نُفِخَ فِيهِ أُخْرَى فَإِذَا هُم قِيَامٌ يَنظُرُونَ } (68) سورة الزمر
    !! a7mad sala7 !! said...
    صدق الله العظيم

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds