عقم تدويني


ناس بتعمل بالبلوجين والتلاتة وشغالين زى السكينة فـ الحلاوة
وناس عندها بلوج واحد ومش قادرين عليه

دا اللى عنده حمارين تعبان فى تربيتهم على راى هانى رمزى
فما بالك باللى عنده 3 بلوجات
انا مش عارف الناس دى هتحدد النسل امتى .. قصدي المدونات :D

اللى عاوز اقوله انى بمر بفترة عقم تدويني اليومين دول
مش عارف ليه مفيش موضوع كامل بيتكون فى دماغى
حتى اخر بوستين بيتكلمو فى اللاشيئ تقريبا

حاسس ان مش انا بس
انا شايف ان معظم البلوجات مبتتكلمش فى حاجة واضحة حاليا
يمكن دى غيامة ومعدية ع الناس كلها
ولا يمكن دى ظروف عند كل الناس بردو
ولا هل كانت تقلبات الجو ليها دور فى هذا
مش عارف

ساعات بلاقي فترة نشاط تدويني كده
اقفل الجهاز وافتح الاقي مواضيع كتير مفتوحة
وكلها مواضيع محتاجة نقاش يعنى
او مواضيع تشد انك تقراها

كنت احيانا بيبقي فى دماغى بوستين تلاتة فى اليوم
واحيانا كنت بكتب بوستين وتلاتة فعلا فى نفس اليوم
حاليا بفتح البلوج كل يوم وتحس ان زراير كيبوردى اتمسمرت

حتى مبقيتش ليا نفس ازور اى مدونات
ولو زورت غالبا مبردش
لكن عاوز اقولكو انى متابعكو كلكو
بس من حين لاخر يعنى

سلامى لكل المدونين
اللى نسيونى واللى لسه
ودعواتكم ان ربنا يرزقنا بالذرية الصالحة
قصدي يفك العقم التدويني ده :D

14 Comments:

  1. غير معرف said...
    ياعينى يابنى :( معلش
    ان شاء الله تلاقى موضوع تكتبه
    احنا ممكن نقترحلك ولا لا ؟
    :d
    ЯậŇ MỗŘỹ said...
    سلام الله عليكم و رحمته و بركاته
    \\
    انا شايف ان معظم البلوجات مبتتكلمش فى حاجة واضحة حاليا
    يمكن دى غيامة ومعدية ع الناس كلها
    ولا يمكن دى ظروف عند كل الناس بردو
    ولا هل كانت تقلبات الجو ليها دور فى هذا
    \\
    ده تقريباً فيروس فى الجو ما هى كل حاجه بقت فيروسات الأيام دى
    فمش بعيد يكون فى فيروس اسمه فيروس البلوجات
    تصدق بالله كتبت اللى كان نفسى أقوله
    ♥نبع الغرام♥♪≈ said...
    ازيك يا احمد

    مالك بس سيبها على الله
    ربنا يويقك يارب ويوفقك
    انا ساعات بيجينى حالة من الملل ومش بعرف برده يعنى مش انت لوحد
    وكمان ياعم مش نقدر ننساك
    كل سنه ومامتك بألف خير ربنا يحفظها يارب

    وتعالى بقا احتفل معايا منتظراك
    e_emy said...
    ساعات الواحد مبيكتبش علشان ميفكرش ف الى بيكتبه ..
    او ملل ..

    ربنا يعينك ونشوف موضوع حلو قريب
    او قصة كده ولا حاجه (:
    غير معرف said...
    احب اطمنك انك بخير ومفيش اى حاجة وهتبقى كويس

    فين بقى تمن الكشف هههههههههههه

    ده طبيعى اووى جدااااا ده انا اخدت يجى اكتر من نص سنة شغال صاروخ وبكتب كتييييييييييييير اووووووووى وقلت لا خلاص هى الكتابة هكمل فيها مفيش شكل بكتب حلو واهه شغالة ولما جيت وقفت فترة من الكتابة تعبت اوووووووووووى نفسيا حسيت ان حلم الكتابة خلاص راح بس تقريبا هو كده الواحد بيحباج فترة يريح فيها ويرجع تانى
    عادى الكتابة زيها زى اى حاجة
    !! a7mad sala7 !! said...
    مشمش

    ههههههههههههههههه
    طب متشحتى عليا احسن

    يا ريت والله تقترحيلي موضوع
    انتى بس اقترحى كده
    واديني نص ساعة
    هكتبلك الموضوع من وجهة نظرى على طول

    يالا انا مستنى اهو
    !! a7mad sala7 !! said...
    روح

    طب البسو الكمامات بقي

    وانا وفرت عليكي الكلام اهو
    خليكي فى الضفيرة والمصاصة
    واتفرجى على كونان للاخر ;)
    ЯậŇ MỗŘỹ said...
    \\
    خليكي فى الضفيرة والمصاصة
    واتفرجى على كونان للاخر ;)
    \\
    وا فضيحتاه
    غلطه شنيعه مش ضفيره واحده لا اتنين
    !! a7mad sala7 !! said...
    هههههههههههههههههههه

    اتنييييييييين
    !! a7mad sala7 !! said...
    إبتسامة ملاك

    انا تمام الحمد لله
    ومش مضايق ولا حاجة

    انا بعبر بس :D

    كل سنة وانتى طيبة وكل ام بخير

    وانا جاى فى السكة اهو :D
    !! a7mad sala7 !! said...
    ايمي


    قصة


    فكرة حلوة والله


    هشوف كده ربنا يسهل :)
    !! a7mad sala7 !! said...
    سكاى


    طاااااايب
    طمنتيني كده
    وخصوصا لما تيجي من اهل الدار :D
    رأى اعلامى ده يعنى موثوق فيه


    تمن الكشف عندى
    شوفي عاوزاه ازاى وانا سداااااد :D
    كيكى عوووووو said...
    كلوا هيمشى زى السكينة فى الحلاوة
    خير خير ان شاء الله
    ادع انت بس فى ساعه فجرية
    عوووووووووو
    !! a7mad sala7 !! said...
    ههههههههههههههههه

    يامى يامى


    ادعى ساعة فجرية عشان اكتب فى البلوج

    طب ادعى ربنا يهديني مثلا

    ازااكر مثلا


    عموما هدعى مش مشكلة


    نورتينا فى اول زيارة
    حصلنا الشرف


    قصدي الرعب بعد العووو دى :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds