انتهت قصة خالد وساره
بالحلو .. بالوحش اللى فيها
بال7 اجزاء .. وان كنت مش عارف هى مناسبة فى 7 اجزاء ولا كنت رغاى .. ولا كان المفروض اعمل تفاصيل اكتر من كده
بالنهاية المأسوية دى .. وان كانت مخيبة لامال بعض المتابعين .. فى حين اعتبرها البعض الاخر واقعية جدا او مناسبة جدا او عقلانية جدا
سموها زى ما تحبو تسموها
العاطفيين كانو مع ساره اكتر .. واحنا مش معاهم :D
يمكن انتهاء القصة بالشكل ده بينعكس على شخصية الكاتب
يمكن لان هى دى شخصيتي .. مش هو خالد انا لكن قصدي انى لو فى موقفه هعمل كده بالظبط
ويمكن لان انا الادمن الوحيد للبلوج .. يعنى انا بس اللى بكتب وانا اللى بحدد الاحداث من البداية للنهاية
زى ما بيقولو فى الافلام المخرج عايز كده :D
فطلعت النهاية بالشكل ده
دا معناه ان النهاية كان ممكن جدا تبقي غير كده
ترجع لشخصية كل واحد
بمعنى بردو ان اى حد غيري فى الموقف دا كان ممكن يغير مسار القصة تماما .. كلٍ حسب مزاجه بقي
انا كنت ناوى من البداية اسيب النهاية مفتوحه على فكرة واترك النهاية لخيال كل قارئ بقي يحط النهاية اللى تريحه
بس لقيت الناس هتقوم عليا تاكلنى :D
فحطيت النهاية اللى انا شايفها مناسبة من وجهة انا
يعنى لحد الجزء السادس القصة كانت ماشية طبيعية .. اخر جزء دا هو اللى فيه اللعب
حتى عنوان القصة اسمه محتاجالك يا خالد يعنى مفيش تنويه على ملامح النهاية
ناس كتير بتعتبرني قسيت اوى على ساره فى النهاية دى
بس معلش بجد دا اللى المفروض يحصل من وجهة نظرى
مبدأيا بعتزر لكل حد سببتله احباط فى مشاعره وهو بيقرا :D
ولكل حد زغزغزته فى اعصابه وكل حد عيط بسبب القصة ودا حصل فعلا
وبعتزر لكل حد كان متابع وبييجي من وقت للتانى يشوف الباقي
بس هى كده فى شكل مسلسل على حلقات .. ولازم يخش فيها عنصر التشويق
وكل يتبع وانتو طيبين :)
القصة خلت ناس كتير تيجي تعلق مجاتش من زمان
وعملت تجمعات كده مشوفتهاش من زمان فى البلوج
معدل التعليقات ارتفع :D
وناس جديدة كتير شوفتها على حس القصة
دا وان دل على شيئ يدل على ان فى حاجة كويسة بتتكتب هع هع .. سامع واحد بيقولى متاخدش فى نفسك قلم بس
حاضر يا سيدي مش هاخد
الناس كلها نورتنى ويا رب دايما اشوف الاقبال دا وزيادة
فى ظاهرة خدت بالى منها ضايقتنى حبتين
ان فى ناس بتتفنن بالرد بغير معروف او اسمه تمويه
مش عارف السبب الحقيقة
هو انا برد عادى جدا ومفيش حاجة بس مش لاقي مبرر يعنى
انك طالما رديت ووافقت تحط رايك او تقييمك يبقي الاولى انك تقول انت مين
انا ماهتمتش اوى اعرف مين اللى بيرد شخصيا
بس على الاقل لما الردود بتزيد مبتبقاش عارف دا من ده
ما علينا
من المفارقات بقي
فى الجزء الاول حد قالى اشمعنى كلية تجارة :D
مش عارف هى جت كده بس يمكن لانها كلية الشعب .. وياما هتشوف فيها من كده كتير
يمكن هى اللى مجالاتها تسمح بالشغل فى كذا حاجة والسفر والكلام ده .. يمكن لان المخرج عايز كده بردو
حد تانى سالنى اشمعنا اسم خالد .. وبعدها اشمعنى اسم ساره
مش عارف ارد اقول ايه بس هو لو كنت حطيت اى اسم كان هيتقالى اشمعنى اسم فلان ده بردو
يعنى لازم الاشمعنى دى تبان فى كل حاجة
بس يمكن لانى اخترت اسماء مليش معاها احتكاك مباشر
يعنى مليش احتكاك مباشر مع حد بالاسماء دى عشان محدش يقولى بقي ااه دا فلان ليه دخل بالقصة والحاجات الظريفة اللى بنسمعها دى
ناس اعترضت بردو على طبيعة شخصيات القصة
يعنى حد قال ان فى شخصية متناقضة
حد تانى قالى فى شخصية جريئة وشخصية منفتحه زيادة وشخصية كذا
يا جماعة الشخصيات دى موجود زيها فى حياتنا والله
زى كده بالظبط واكتر ودا واقع فعلا
يعنى انا مبعملش شخصيات متكاملة انا بجيب امثلة
ولازم يبقي شوية تناقضات فى الشخصيات وحاجات تحصل غير متوقعة
مينفعش القصة تمشي دايركت من اولها لاخرها مش هيبقي ليها طعم
الجزء الخامس كنت مندمج فيه اوى :D
ساعات لما بتحط نفسك فى الموقف نفسه بيبقي عندك التعبير الادق للموقف وهو بيتكتب
الجزء دا هو محور القصة
رغم ان احداثه مش كتير ومطولتش بس هو كان الزتونة بتاعة القصة يعنى
من هنا بقي تباينت الاراء
ما بين مؤيد ومعارض
اللى بيدي اعزار واللى بيحكم بقلبه
اللى حط كرامته ادامه رقم واحد ونسي كل حاجة
اللى محسبهاش لادام شوية واللى نظرته واسعه
اختلاف الاراء دا كان بيخليني احاول احط نقط فاصله كده فى كل موقف
عشان لما ابقي اشرح وجهة نظرى فى الاخر تبقي بمبررات
واحدة واحدة كده
لما تكون عايش حياتك عشان شخص معين
ومستعد تعمل اى حاجة عشانه .. تختار البهدلة والمرمطة .. وتسافر وتتغرب .. وتعيش لوحدك
وتستحمل حاجات انت فى غنا عنها فى سبيل انك تبقي انسان يستحق انه يرتبط بيك
وتعمل كل ده عن طيب خاطر ومن غير تردد
وفى عز مانت متبهدل وطالع عينك وكل امنيتك تليفون تتصبر بيه لحد التليفون اللى بعده
وفجأة تنقطع امنيتك الوحيدة
ولما تحاول تتصل انت وتعرف السبب تقابلك بكدب .. اصل ماما تعبانة .. اصل فرح واحدة صاحبتي
وتعرف بالصدفة انها اتخطبت .. يعنى الحاجة الوحيدة اللى هى مطالبة بيها تعملها
انها متتخطبش الا ليه .. معملتهاش
محدش يقولى غصب عنها .. مفيش حد بيتجوز غصب عنه دلوقتى
هما مهما عملو اخر حاجة ممكن تتعمل انهم يضغطو عليها بالاقناع
وهى فى اديها توافق او لا
هى لو مصممه على مبدأ عمرها ما هتتخطب لو حصل ايه
وبعدين حاجة كمان
هو بيسالها فشكلتى خطوبتك ليه بتقوله ماتفقناش
معنى كده انهم لو اتفقو كان هيقولهم مبروك
ماتفقوش يبقي هو ستبن موجود احتياطى
ومعنى كده كمان انها لو ماتفقتش معاه هتسيبه ونقول لغيره مبروك
هى نفسها مش لاقيه مبرر مقنع تقوله عشان يسامحها
وبعدين محدش يقولى اللى بيحب بيسامح
فى حاجات كده بتتحفر مينفعش تعدى
فى اخطاء مميته ملهاش علاج
جرح القلب ممكن جدا يتعالج ويتسامح فيه .. لكن جرح الكرامه مبيتعالجش
لو هو نفسه سامحها .. كرامته مش هتسمحله
لو ارتبط بيها وبعدها افتكر فى يوم من الايام ان الانسانة دى كانت مستعدة انها تتجوز حد غيره
واللى فصلها عن كده عدم اتفاق على حاجة من التفاصيل
غير انها كانت مدياله وعد قبلها انها مش هتكون غير ليه
هو مش هيبقي مستريح فى حياته وبالتالى هى مش هتكون مستريحة
طيب لو هى مش هتقدر توفي بالوعد ادتهوله ليه وخلته يتعلق بيها
اكيد رايي دا نابع من شخصيتي
انى لما احب حد احبه اوى ومستعد اضحيله باللى اقدر عليه واللى ماقدرش كمان
لكن وقت لما ملاقيش مقابل او على الاقل تقدير للى بعمله عمرى ما هبقي على الانسان ده تانى
ومهما عمل من محاولات عشان يرجعنى للى كنت عليه .. عمرى ما هبقي زى الاول
والانسان ده هيبقي سقط من حساباتى .. واقصي علاقتى به معرفة عشان خاطر العشرة
ناس قالتلى هو كده بيعاقبها ولا بيعاقب نفسه
هو ولا بيعاقبها ولا بيعاقب نفسه
هو كده بيكسب نفسه .. وجع ساعة ولا كل ساعة
لما اكسب كرامتى واحفظ كبريائي ادام نفسي النهارده ولو على حساب قلبي شوية
احسن ما ادوس على كرامتى طول عمرى فى سبيل ارضاء قلبي
وزى ما اخلص ليها وحبها ربنا هيرزقه باللى تحبه وتقدره وتستاهله
لان دا مش مجرد جرح .. انا بعتبرها خيانة
ودى اللى ملهاش حل من وجهة نظرى
انتصار القلب فى الحالة دى بعتبره هزيمة .. ولي يعتبره انتصار الا لضعاف الشخصية
بالنسبة لسؤال شيمو
//يا ترى لو كان هو اللي اهله ضغطو عليه وسابها وخطب
ورجعلها تاني بعدها, كانت هتسامحه لما يقولها "سامحيني" ؟//
لو انا مكانها مش هسامحه
واللى هيتطبق عليه يتطبق عليها بالظبط
كونها هى عايزة تسامحه فدى حاجة ترجعلها هى .. لشخصية كل واحد
لكن بالنسبالى الاتنين واحد فى الحتة دى
شكرا لكل حد حاول يقرا عندى .. شكرا لكل حد حاول يرد عندى .. شكرا لكل حد فكر يشارك .. شكرا لكل حد وصله لينك على ميله منى واتضايق :D
.. شكرا لساعى البريد .. شكرا للسيد الرئيس راعى الفنون فى مصر
:)
بالحلو .. بالوحش اللى فيها
بال7 اجزاء .. وان كنت مش عارف هى مناسبة فى 7 اجزاء ولا كنت رغاى .. ولا كان المفروض اعمل تفاصيل اكتر من كده
بالنهاية المأسوية دى .. وان كانت مخيبة لامال بعض المتابعين .. فى حين اعتبرها البعض الاخر واقعية جدا او مناسبة جدا او عقلانية جدا
سموها زى ما تحبو تسموها
العاطفيين كانو مع ساره اكتر .. واحنا مش معاهم :D
يمكن انتهاء القصة بالشكل ده بينعكس على شخصية الكاتب
يمكن لان هى دى شخصيتي .. مش هو خالد انا لكن قصدي انى لو فى موقفه هعمل كده بالظبط
ويمكن لان انا الادمن الوحيد للبلوج .. يعنى انا بس اللى بكتب وانا اللى بحدد الاحداث من البداية للنهاية
زى ما بيقولو فى الافلام المخرج عايز كده :D
فطلعت النهاية بالشكل ده
دا معناه ان النهاية كان ممكن جدا تبقي غير كده
ترجع لشخصية كل واحد
بمعنى بردو ان اى حد غيري فى الموقف دا كان ممكن يغير مسار القصة تماما .. كلٍ حسب مزاجه بقي
انا كنت ناوى من البداية اسيب النهاية مفتوحه على فكرة واترك النهاية لخيال كل قارئ بقي يحط النهاية اللى تريحه
بس لقيت الناس هتقوم عليا تاكلنى :D
فحطيت النهاية اللى انا شايفها مناسبة من وجهة انا
يعنى لحد الجزء السادس القصة كانت ماشية طبيعية .. اخر جزء دا هو اللى فيه اللعب
حتى عنوان القصة اسمه محتاجالك يا خالد يعنى مفيش تنويه على ملامح النهاية
ناس كتير بتعتبرني قسيت اوى على ساره فى النهاية دى
بس معلش بجد دا اللى المفروض يحصل من وجهة نظرى
مبدأيا بعتزر لكل حد سببتله احباط فى مشاعره وهو بيقرا :D
ولكل حد زغزغزته فى اعصابه وكل حد عيط بسبب القصة ودا حصل فعلا
وبعتزر لكل حد كان متابع وبييجي من وقت للتانى يشوف الباقي
بس هى كده فى شكل مسلسل على حلقات .. ولازم يخش فيها عنصر التشويق
وكل يتبع وانتو طيبين :)
القصة خلت ناس كتير تيجي تعلق مجاتش من زمان
وعملت تجمعات كده مشوفتهاش من زمان فى البلوج
معدل التعليقات ارتفع :D
وناس جديدة كتير شوفتها على حس القصة
دا وان دل على شيئ يدل على ان فى حاجة كويسة بتتكتب هع هع .. سامع واحد بيقولى متاخدش فى نفسك قلم بس
حاضر يا سيدي مش هاخد
الناس كلها نورتنى ويا رب دايما اشوف الاقبال دا وزيادة
فى ظاهرة خدت بالى منها ضايقتنى حبتين
ان فى ناس بتتفنن بالرد بغير معروف او اسمه تمويه
مش عارف السبب الحقيقة
هو انا برد عادى جدا ومفيش حاجة بس مش لاقي مبرر يعنى
انك طالما رديت ووافقت تحط رايك او تقييمك يبقي الاولى انك تقول انت مين
انا ماهتمتش اوى اعرف مين اللى بيرد شخصيا
بس على الاقل لما الردود بتزيد مبتبقاش عارف دا من ده
ما علينا
من المفارقات بقي
فى الجزء الاول حد قالى اشمعنى كلية تجارة :D
مش عارف هى جت كده بس يمكن لانها كلية الشعب .. وياما هتشوف فيها من كده كتير
يمكن هى اللى مجالاتها تسمح بالشغل فى كذا حاجة والسفر والكلام ده .. يمكن لان المخرج عايز كده بردو
حد تانى سالنى اشمعنا اسم خالد .. وبعدها اشمعنى اسم ساره
مش عارف ارد اقول ايه بس هو لو كنت حطيت اى اسم كان هيتقالى اشمعنى اسم فلان ده بردو
يعنى لازم الاشمعنى دى تبان فى كل حاجة
بس يمكن لانى اخترت اسماء مليش معاها احتكاك مباشر
يعنى مليش احتكاك مباشر مع حد بالاسماء دى عشان محدش يقولى بقي ااه دا فلان ليه دخل بالقصة والحاجات الظريفة اللى بنسمعها دى
ناس اعترضت بردو على طبيعة شخصيات القصة
يعنى حد قال ان فى شخصية متناقضة
حد تانى قالى فى شخصية جريئة وشخصية منفتحه زيادة وشخصية كذا
يا جماعة الشخصيات دى موجود زيها فى حياتنا والله
زى كده بالظبط واكتر ودا واقع فعلا
يعنى انا مبعملش شخصيات متكاملة انا بجيب امثلة
ولازم يبقي شوية تناقضات فى الشخصيات وحاجات تحصل غير متوقعة
مينفعش القصة تمشي دايركت من اولها لاخرها مش هيبقي ليها طعم
الجزء الخامس كنت مندمج فيه اوى :D
ساعات لما بتحط نفسك فى الموقف نفسه بيبقي عندك التعبير الادق للموقف وهو بيتكتب
الجزء دا هو محور القصة
رغم ان احداثه مش كتير ومطولتش بس هو كان الزتونة بتاعة القصة يعنى
من هنا بقي تباينت الاراء
ما بين مؤيد ومعارض
اللى بيدي اعزار واللى بيحكم بقلبه
اللى حط كرامته ادامه رقم واحد ونسي كل حاجة
اللى محسبهاش لادام شوية واللى نظرته واسعه
اختلاف الاراء دا كان بيخليني احاول احط نقط فاصله كده فى كل موقف
عشان لما ابقي اشرح وجهة نظرى فى الاخر تبقي بمبررات
واحدة واحدة كده
لما تكون عايش حياتك عشان شخص معين
ومستعد تعمل اى حاجة عشانه .. تختار البهدلة والمرمطة .. وتسافر وتتغرب .. وتعيش لوحدك
وتستحمل حاجات انت فى غنا عنها فى سبيل انك تبقي انسان يستحق انه يرتبط بيك
وتعمل كل ده عن طيب خاطر ومن غير تردد
وفى عز مانت متبهدل وطالع عينك وكل امنيتك تليفون تتصبر بيه لحد التليفون اللى بعده
وفجأة تنقطع امنيتك الوحيدة
ولما تحاول تتصل انت وتعرف السبب تقابلك بكدب .. اصل ماما تعبانة .. اصل فرح واحدة صاحبتي
وتعرف بالصدفة انها اتخطبت .. يعنى الحاجة الوحيدة اللى هى مطالبة بيها تعملها
انها متتخطبش الا ليه .. معملتهاش
محدش يقولى غصب عنها .. مفيش حد بيتجوز غصب عنه دلوقتى
هما مهما عملو اخر حاجة ممكن تتعمل انهم يضغطو عليها بالاقناع
وهى فى اديها توافق او لا
هى لو مصممه على مبدأ عمرها ما هتتخطب لو حصل ايه
وبعدين حاجة كمان
هو بيسالها فشكلتى خطوبتك ليه بتقوله ماتفقناش
معنى كده انهم لو اتفقو كان هيقولهم مبروك
ماتفقوش يبقي هو ستبن موجود احتياطى
ومعنى كده كمان انها لو ماتفقتش معاه هتسيبه ونقول لغيره مبروك
هى نفسها مش لاقيه مبرر مقنع تقوله عشان يسامحها
وبعدين محدش يقولى اللى بيحب بيسامح
فى حاجات كده بتتحفر مينفعش تعدى
فى اخطاء مميته ملهاش علاج
جرح القلب ممكن جدا يتعالج ويتسامح فيه .. لكن جرح الكرامه مبيتعالجش
لو هو نفسه سامحها .. كرامته مش هتسمحله
لو ارتبط بيها وبعدها افتكر فى يوم من الايام ان الانسانة دى كانت مستعدة انها تتجوز حد غيره
واللى فصلها عن كده عدم اتفاق على حاجة من التفاصيل
غير انها كانت مدياله وعد قبلها انها مش هتكون غير ليه
هو مش هيبقي مستريح فى حياته وبالتالى هى مش هتكون مستريحة
طيب لو هى مش هتقدر توفي بالوعد ادتهوله ليه وخلته يتعلق بيها
اكيد رايي دا نابع من شخصيتي
انى لما احب حد احبه اوى ومستعد اضحيله باللى اقدر عليه واللى ماقدرش كمان
لكن وقت لما ملاقيش مقابل او على الاقل تقدير للى بعمله عمرى ما هبقي على الانسان ده تانى
ومهما عمل من محاولات عشان يرجعنى للى كنت عليه .. عمرى ما هبقي زى الاول
والانسان ده هيبقي سقط من حساباتى .. واقصي علاقتى به معرفة عشان خاطر العشرة
ناس قالتلى هو كده بيعاقبها ولا بيعاقب نفسه
هو ولا بيعاقبها ولا بيعاقب نفسه
هو كده بيكسب نفسه .. وجع ساعة ولا كل ساعة
لما اكسب كرامتى واحفظ كبريائي ادام نفسي النهارده ولو على حساب قلبي شوية
احسن ما ادوس على كرامتى طول عمرى فى سبيل ارضاء قلبي
وزى ما اخلص ليها وحبها ربنا هيرزقه باللى تحبه وتقدره وتستاهله
لان دا مش مجرد جرح .. انا بعتبرها خيانة
ودى اللى ملهاش حل من وجهة نظرى
انتصار القلب فى الحالة دى بعتبره هزيمة .. ولي يعتبره انتصار الا لضعاف الشخصية
بالنسبة لسؤال شيمو
//يا ترى لو كان هو اللي اهله ضغطو عليه وسابها وخطب
ورجعلها تاني بعدها, كانت هتسامحه لما يقولها "سامحيني" ؟//
لو انا مكانها مش هسامحه
واللى هيتطبق عليه يتطبق عليها بالظبط
كونها هى عايزة تسامحه فدى حاجة ترجعلها هى .. لشخصية كل واحد
لكن بالنسبالى الاتنين واحد فى الحتة دى
شكرا لكل حد حاول يقرا عندى .. شكرا لكل حد حاول يرد عندى .. شكرا لكل حد فكر يشارك .. شكرا لكل حد وصله لينك على ميله منى واتضايق :D
.. شكرا لساعى البريد .. شكرا للسيد الرئيس راعى الفنون فى مصر
:)
18 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
تحياتي ليك
ثانيا بقي
القصه النهايه بتعهتا منطقيه جدا
واي نهايه غير كده
كنت هضرب المخرج
هههههههههه
هيبقي شغل سيما
وافلام عربي قديمه
ههههههه انته سامع الي بيقول ليك متاخودش في نفسك قلم
انا بقوله سيبو برحتو
ههههههه عاوز قلم ولا اتنين
ما علينا اتغر يا سيدي برحتك
عشان القصه جمد وتستاهل
تحياتي ليك
وفي انتظار يتبع جديد
اتمني التوفيق
//يا ترى لو كان هو اللي اهله ضغطو عليه وسابها وخطب
ورجعلها تاني بعدها, كانت هتسامحه لما يقولها "سامحيني" ؟//
لو انا مكانها مش هسامحه
واللى هيتطبق عليه يتطبق عليها بالظبط
كونها هى عايزة تسامحه فدى حاجة ترجعلها هى .. لشخصية كل واحد
لكن بالنسبالى الاتنين واحد فى الحتة دى
________________________________
بس انا شايفه ان رد فعلهم مش هيبقى واحد حساه بييجي عليها اوي علشان كرامته في حين انها ممكن تستحتمل ده علشانه اقصد يعني بمعنى اوضح ان الولد تحسه كرامته بتنقح عليه كده على الفاضي والمليان وكتير البنت ممكن تستحمل كده لمجرد انها بس بتحبه,,مش ببرر ده على فكره ولا بقول اني معاه لكن دي حاجه انا شيفاها قدامي أيا كانت صح ولا غلط ومنها بقول اني شايفه رد فعلهم مش هيبقى واحد ومش بقارن بين رد غعل ولد وبنت بس على فكره يعني ممكن اوي ولدين في نفس الموقف يختلفوا في رد الفعل على حسب شخصية كل واحد بقى
واخيرا انا لو اتحطيت مكانه مش هقدر اجزم ان هيبقى ليا نفس رد الفعل حتى لو كان رد الفعل اللي عمله ده هو الصح وجايز جدا اسامح وانسى واعديها D:
ههههههههههههه
الحمد لله المخرج لحق نفسه يعنى :D
وبالنسبة للقلام دى خليها ودى احسن
عشان المنظر العام بس :D
نورتى
هههههههههههه
الولد كرامته بتنأح عليه يعنى ع الفاضي والمليان
لا والله مش كله
فى ناس باااارده جدااا
وتحسي ان اعصابهم فى تلاجة
وفى ناس العكس مش بيقبلو على نفسهم الهوا
وفى بين كده وكده
يعنى هى شخصيات
لكن الولاد عامة ملهمش حالة ثابته
كون ان قصدك البنت حسها مرهف شوية
وقابليتها انها تسامح اكتر شوية
ممكن
ممكن يكون كده لكون دى طبيعة فى الانثي
لان الولد عامة بيحب يكون اول حب فى حياة اللى بيحبها
البنت عامة بتحب تكون اخر حب فى حياة اللى بتحبه
بس بردو فى بنات مبتقبلش على نفسها :D
زى ما قولت فى البوست هو اختلاف بيرجع للشخصية
وفى حاجة كمان
محدش يقدر يحكم 100% من الحكاوى
اكيد اللى بيتحط فى الموقف نفسه بيحسها اكتر
احنا هنا بنتكلم بعاطفية شوية لاننا مش حاسين نفس احساسهم
بس اعتقد ان فى الطبيعة التفكير بيبقي عقلانى اكتر
لان دى حياة كامله بينهم مش رحلة ليوم واحد وكل واحد هيروح لحاله
===================
وبعدين حاجة بيني وبينك كده
ساره حقها تموت عليه بصراحة
بيقولك فى اخر احصائية للتعداد
لقو ان فى 11 مليون بنت على وش جواز فى مصر
طب والنبي دول هيتجوزو مين ولا امتى
اللى يجيلها عريس دلوقتى تمس كفيه باديها وسنانها حد لاقي عرسان :P
وانت كتبت حاو اوووى
استمر بقى (:
ماشي يا سيدي
هستمر
رايك دا شهادة نجاح ليا طبعا
ويا رب تنوريني دايما
النهايه من وجهة نظرى واقعيه
وكمان منصفه للطرفين وده نتاج طبيعى
للبدايه الى هما ابتدوها مع بعض كانت
غلط من الاساس
بس حاجه فى القصه هى لما قالت لوالدها
وقابل خالد كان مكان المقابله دى فين بالظبط عند الوالد وهو عارف ان
بنته متعلقه بواحد
فى برضه جزئيه مش حاساهها واقعيه
لما هو رجع وهى الى اتصلت بيه
مفيش بنت بتتصل بواحد وتقول له
تعالى اتجوزنى انا سيبت خطيبى دى حاجه صعبه جداا على اى بنت
هى تفهم من البدايه انه لو كان عايزها كان على الاقل قال لصحبتها بدل ما صغرت نفسها كده اممممم مش عارفه هو ده رايي
بيتهيألى انه هو ده الى كان لازم يحصل
والصوره دي انا بكرهها من ايام الجيزه
هبقي ارجعلك بعدين لما اقرا
عشان .....
هى البداية محصلش فيها حاجة غلط
هو عبرلها عن حبه من غير اى تجاوزات
وهى خدت وقتها وفكرت وردت عليه
وفضلو طول فترة الكلية بيحبو بعض
كان مجرد حب وانا مخوضتش فى تفاصيل الحتة دى عشان متجيش الغلطات
وبمجرد انه خلص راح اتكلم مع ابوها
ولما راح قابل ابوها كان فى بيتها
هى قالتله فى واحد زميلي عايز يقابلك
واسمه كذا كذا .. ايه المشكلة فى كده؟؟
هى مقالتش متعلقة بيه او لا
اعتقد متقدرش تقول لابوها كده
وبعدين العلاقة بينهم كانت اقرب مما تتصورى
هى اتصلت تقوله حمد الله ع السلامة
وتنوهله انها سابت خطيبها
واكيد هى ماتصلتش بيه الا لما الدنيا ضاقت عليها
وحست انها محتاجاله فعلا
نورتى طول القصة وما بعد القصة
ويا رب منوره دايما :)
انت ترجع وقت ما تحب يا سيدي
يا سلام جسيت فى جمل يعنى؟؟
لا مفيش جمال فى بني عباد بيتهيألى
وعجبتني جدا
ومش طويلة
وخد في نفسك قلم بمزاجك لأن فيه اجزاء وجعت قلبي بجد كأني شايفة احداثها تماما
اي نعم القصة دي بتتكرر في مصر دلوقت ومن زمان كمان
وفهمت وجهة نظر خالد وتعاطفت معاه لأبعد حد
ليه بقى تعاطفت معاه؟
لأنه حسب القصة عمل اللي اجدع راجل يعمله
عمل اللي عليه كله
هو محبهاش في الفراغ الحلزوني وقعدوا ع الكورنيش يقول لها شايفة القمر يا ليلى
لأ ده مشي زي ما كل بنت وست تتمنى الراجل اللي بتحبه يمشي
خد بكل الأسباب
ببساطة كان جدع جدا وقد كلمته
علشان كده مكنش ينفع البنت اللي كانت زي السيف وهي عندها 17 سنة
تبقى زي ورقة شجر في مهب الريح وهي 24
كان لازم تستنى وخاصة انه بيجتهد
دايما اقول مش مهم اتجوز واحد ناجح او غني
المهم اتجوز راجل وفي نفس الوقت ذا مستقبل واعد
والحمد لله ربنا يسرها لي بكل معنى الكلمة
القصة تحفة بجد
ولم يصبني ملل في اي جزء لأنك مقسمها حلو جدااااااااااااااااا
تسلم ايدك
متتصوريش انا فرحان اد ايه برد حضرتك
وبجد كلام كتير ممكن اقوله فى سطور كتير قولتيه فى كلمات معدودة
مبسوط اوى برأيك وتقييمك
نورتيني واسعدتيني ويا رب دايما مشرفانى :)
عجبانى قوووووووووووووووووى
القصه رائعه طبعا مش عايزه كلام
و النهايه زى ماقلت قبل كده مأساوية بس هو دا الصح اللى المفروض تعمل
كانت حدوته جامده >>> Go On
كل حدوتة وانتى طيبة :)
ولا يصح الا الصحيح :D
بس لو كانت نهايه مفتوحه كانت هتبقي أشد:D
ايوه ايوه اجازه شهر بقي وامتحانات
ربنا يعينك:)
واسيب كل واحد يمخمخ براحته
ما علينا
الاجازة دى بقي مش عشان اترفه
دى اجازة شغل :D
عشان احااوى ازاكر بقي كفاية كده
ربنا يسهل :)
الامتحانات ع الابواب )): )):
ويارب تكون عندك
haPpy new year
(:
انت ترجع وقت ما تحب يا سيدي
\\
اديني رجعتلك اهو يا سيدي
\\
يا سلام جسيت فى جمل يعنى؟؟
\\
لا حسيت في عربيه لونها احمر
\\
لا مفيش جمال فى بني عباد بيتهيألى
\\
لا ياخويه فيها جمال
وبسنامين كمان
بس اكمنك جيت بالليل وهما نايمين
وخلي بالك من التوريه
نرجع لقصتك
شوف يا خي وانا اللي بحسبك مؤلف بس
اتاريك طلعت مؤلف ومخرج وناقد ومحلل سينيمائي
ربنا يزيدك يا عم
نروح بقي للقصه
عادي يا سيدي
كل حسب القسمه والنصيب
يعني لو الحاج خالد كان رجع للحاجه ساره
اكيد مكنوش هيكملوا مع بعض
لانهم مش من نصيب بعض
فبالتالي
اللي عمله ده عين العقل
بخلاف بقي كرامه ومكرماش وكبرياء وكبريائاش
واللي حصل حصل
واللي المفروض يتعمل اتعمل
يبقي خلاص
نو نصيب
يعني لو كان اتنطط علي ايديه ولا اتنططت علي ايديها ولا كانوا هيتجمعوا
نصيبهم كده
يعني مش شغل اخراج ولا حاجه
بس ليه تعقيب عليك في حتة التسامح
بجد لما قريت الموضوع ده
قلت
صلي الله علي محمد صلي الله عليه وسلم
فداك ابي وامي يا رسول الله
ضرب لنا اقوي امثله في الحب والتسامح
صلي الله علي محمد صلي الله عليه وسلم
واعتقد رغم كل مواقفه علي الصلاة والسلام
الا انه كان عنده كرامه تحاكي كرامة اهل الارض
بس الفرق بين الكرامه والعصبيه
سيادتك يا ابوصلاح كسرته
ودخلت العصبيه والرجوله في الكرامه واديتهم ضربتين في الخلاط
ولكني مازلت اري اين الكرامه واين العصبيه
صلي الله علي محمد صلي الله عليه وسلم
سلامي ليك يا حضرت المؤلف