سـلام مـؤقـت
قبل 5 أيام
حلم الصعود للمونديال
منذ شهر فبراير عام 2008
وتحديدا يوم 10 ان -لم تخنى الذاكرة-
يوم نهائى بطولة افريقيا فى غانا
مصر بطلة افريقيا للمرة التانية ع التوالى
مصر اصبحت الاولى افريقيا لمدة 4 سنوات متتالية
200/9/8/7/6
شيئ بطبيعي ان يبدا حلم الصعود للمونديال
نظرا للحالة الفنية اللى وصلها المنتخب
نظرا للمكانة اللى وصلنالها على مستوى القارة
نظرا للانجاز اللى تحقق على المستوى الافريقي
ولكن اتضح ان ماكسيمام انجازاتنا هى على المستوى الافريقي -فقط-
محدش يقولى كان حقنا نصعد للمونديال
لو عايز تعرف ليه بص على مشوار التصفيات بتاعنا
من بداية التصفيات واحنا ماشيين فى ديل الجزاير
بداية بالتعادل على ارضنا
للهزيمة منهم على ارضهم
مع الاخذ فى الاعتبار انهم كانو ماشيين كويس اوى
من اول التصفيات لاخر لحظة فيها
بص بقي على النتايج بتاعتنا كده
كسبت ماتش زامبيا وروندا هناك بالعافية
اتعادلت ماتش على ارضك وخسرت من الجزاير 3 هناك
حتى الماتش الاخير اللى كسبناه هنا وعادلنا بيه الكفة مع الجزاير كسبناه فى الدقيقة 96
اللى هى فى عرف كرة القدم فى ديل الماتش
احنا كسبنا .. اه كسبنا
بس كسبنا ببركة الدعا وبتوفيق ربنا
وبعدين عدلنا مرة فى الوقت الضايع .. مش كل مرة بقي هنلحق نفسنا فى الوقت الضايع
التشكيل كان غلط .. اه كان غلط .. ومش هقول ايه الغلط لانى مش محلل رياضي _واللى عايز يعرف يقولى_
هما لعبو احسن .. اه لعبو احسن .. سيبك من حبة الاستحواذ بتوعنا دول
كانو دون جدوى .. والكورة مش بالاستحواذ _واسألو الاهلى_
احنا مضيعناش كتير .. وزى ماحنا ضيعنا هما ضيعو
الحضرى شال كتير .. ومش اخر ماتش بس الحضرى كل ماتش بيشيل جونين تلاتة على الاقل
يعنى كان ممكن جدا الحلم ينتهى من بدرى فى اى ماتش من اللى فاتو
محدش يقولى الجماهير بتاعتهم وطريقة لعبهم و و و ...
كل الظروف دى بيتعرضلها اى فريق بيلاعبهم
وفرق كتير لاعبتهم وصعدت على حسابهم قبل كده
احنا مش اول فريق ينافس الجزائر
بالعكس فرق كتير غلبتهم قبل كده وصعدت على حسابهم
غير اننا الفريق المصنف الاول على القارة
يعنى المفروض احنا نكسب اى حد
محدش يتهم فى السودان
لان احنا اللى مختارينها .. واحنا عارفين ان معندهمش امن كفاية
دول مش عارفين يأمنو نفسهم اصلا
وبعدين الاحداث اللى حصلت بعد الماتش ملهاش دعوة بالماتش اللى كان فى الملعب
غير ان منظر الملعب كان يوحى ان مشجعين الجزائر اكتر
محدش يسانى ازاى .. بس كان واضح من الصفافير فى كل هجمة لمصر
اجواء الماتش المفروض اننا متعودين على اى اجواء
لاننا معرضين نلعب فى اى ظروف دا لو احنا فريق عالمى يعنى
ما علينا من دا كله
انا مش زعلان على المنتخب ولا على اللعيبة ولا على احلامهم
لان الحاجات دى كانت باديهم هما
وربنا وفقهم وكرمهم فى حاجات كتير اوى اكتر ما كانو يتوقعو
الزعل كله ع الناس اللى اتصدمت دى
الناس اللى مفيش حاجة بتفرحها الا الكورة
الناس اللى وقفت حياتها يوم كامل
الناس اللى استعدت وجابت الاعلام ودهنت عربياتها واستعدت للفرحة
البلد كلها كانت متلونة باللونين الاحمر والاسود
اللبس فى البتارين بقي موضة الاحمر والاسود
الصبغة اتباعت بكميات رهيبة واقمشة الاعلمة
وكل واحدة نزلت اشترتلها طقم بقي .. والترح وما شابه .. كنت حاسس انه يونيفورم :D
بس واضح ان الشعب ده اخره يفرح 4 ايام بس
حالة من الاحساس بالانكسار والمهانة .. واد ايه حجم البهدلة اللى شافها مصريين كتير ومن غير تمن
حالة من الاحساس بالاكتئاب وقلة الحيلة .. وهما فى الاخر راجعين بخفي حنين
حالة من الاحساس بخيبة الامل .. ومش هحكى بقي ردود افعال اسرائيل فى الموضوع ده .. بس عرفو يمسكونا منين
حالة من الاحساس بالاستغراااااااااب
الشوارع ساكته زى ميكون حد ميت او فى نكبة فى البلد .. حد يصدق اننا نكسب هنا 2 وبعدها بومين نروح نتغلب من نفس الفريق وبالطريقة دى
والمفروض ان احنا معنوياتنا فى السما بعد الماتش الاولانى
بجد الشعب دا مسكين جداا
محدش يقول كان حقنا نكسب
المستوى كان نازل والحالة البدنية كانت زفت والافتكاسات بتاعة حسن شحاته بانت نتايجها
الانتشار فى الملعب كان واضح ان فى تفوق للجزائريين
عرفو يمشو الماتش على مزاجهم
وضيعو اكتر من جون شالهم الحضرى زى ماحنا ضيعنا
بس هى دى العادة المصرية
لما ياخدو ثقة زيادة بتتقلب بالضد
واحنا رجال الاوقات الضائعة
لازم نبقي فى سعى دائم ورا جون التعادل
مينفعش نبقي احنا كسبانين ابدا
مبنكرش ان احنا عملنا انجاز
بس بنسبة كبيرة من التوفيق والدعا
ومش كل مرة بقي هنستنى جون الوقت الضايع
مش كل مرة هنستنا فرحة الدقيقة 96
الناس كلها دلوقتى ماسكة فى حكاية الاعتدائات اللى بعد الماتش
مساكين مش عارفين يتلهو فى حاجة تنسيهم مرارة خيبة الامل
شغالين انتقاد وشتيمة ولعن فى الجزائريين
والمشكلة انها دون جدوى
واللى عمال يدور على ثغرة عشان الماتش يتعاد
واللى قلبها سياسة وعايز يسحب سفير مصر ويمشي سفير الجزائر
والفضائيات بقي شغالة ع الحاجات دى
مهو مش لاقيين مادة اعلامية يشتغلو عليها
زى كده ما كانو قالبين الدنيا فى الفضائيات اليومين اللى فاتو دول
والفرحة العارمة اللى كنا شايفينها دى
مع انى مش عارف كان ايه سببها يعنى
كل دى موجة غضب وهتروح
ومش هيتبقالنا غير ذكرى الفرصة السهلة اللى ضيعناها للتأهل كاس العالم
خلونا بقي نعيش حياتنا
وفكرو فى العيد اللى جاى الاسبوع الجاى ده
والايام المفترجة اللى عايشينها
وفى اسعار اللحمة وكده :D
ربنا يباركلنا فى شوية الدعا اللى باقيين لنا...
منذ شهر فبراير عام 2008
وتحديدا يوم 10 ان -لم تخنى الذاكرة-
يوم نهائى بطولة افريقيا فى غانا
مصر بطلة افريقيا للمرة التانية ع التوالى
مصر اصبحت الاولى افريقيا لمدة 4 سنوات متتالية
200/9/8/7/6
شيئ بطبيعي ان يبدا حلم الصعود للمونديال
نظرا للحالة الفنية اللى وصلها المنتخب
نظرا للمكانة اللى وصلنالها على مستوى القارة
نظرا للانجاز اللى تحقق على المستوى الافريقي
ولكن اتضح ان ماكسيمام انجازاتنا هى على المستوى الافريقي -فقط-
محدش يقولى كان حقنا نصعد للمونديال
لو عايز تعرف ليه بص على مشوار التصفيات بتاعنا
من بداية التصفيات واحنا ماشيين فى ديل الجزاير
بداية بالتعادل على ارضنا
للهزيمة منهم على ارضهم
مع الاخذ فى الاعتبار انهم كانو ماشيين كويس اوى
من اول التصفيات لاخر لحظة فيها
بص بقي على النتايج بتاعتنا كده
كسبت ماتش زامبيا وروندا هناك بالعافية
اتعادلت ماتش على ارضك وخسرت من الجزاير 3 هناك
حتى الماتش الاخير اللى كسبناه هنا وعادلنا بيه الكفة مع الجزاير كسبناه فى الدقيقة 96
اللى هى فى عرف كرة القدم فى ديل الماتش
احنا كسبنا .. اه كسبنا
بس كسبنا ببركة الدعا وبتوفيق ربنا
وبعدين عدلنا مرة فى الوقت الضايع .. مش كل مرة بقي هنلحق نفسنا فى الوقت الضايع
التشكيل كان غلط .. اه كان غلط .. ومش هقول ايه الغلط لانى مش محلل رياضي _واللى عايز يعرف يقولى_
هما لعبو احسن .. اه لعبو احسن .. سيبك من حبة الاستحواذ بتوعنا دول
كانو دون جدوى .. والكورة مش بالاستحواذ _واسألو الاهلى_
احنا مضيعناش كتير .. وزى ماحنا ضيعنا هما ضيعو
الحضرى شال كتير .. ومش اخر ماتش بس الحضرى كل ماتش بيشيل جونين تلاتة على الاقل
يعنى كان ممكن جدا الحلم ينتهى من بدرى فى اى ماتش من اللى فاتو
محدش يقولى الجماهير بتاعتهم وطريقة لعبهم و و و ...
كل الظروف دى بيتعرضلها اى فريق بيلاعبهم
وفرق كتير لاعبتهم وصعدت على حسابهم قبل كده
احنا مش اول فريق ينافس الجزائر
بالعكس فرق كتير غلبتهم قبل كده وصعدت على حسابهم
غير اننا الفريق المصنف الاول على القارة
يعنى المفروض احنا نكسب اى حد
محدش يتهم فى السودان
لان احنا اللى مختارينها .. واحنا عارفين ان معندهمش امن كفاية
دول مش عارفين يأمنو نفسهم اصلا
وبعدين الاحداث اللى حصلت بعد الماتش ملهاش دعوة بالماتش اللى كان فى الملعب
غير ان منظر الملعب كان يوحى ان مشجعين الجزائر اكتر
محدش يسانى ازاى .. بس كان واضح من الصفافير فى كل هجمة لمصر
اجواء الماتش المفروض اننا متعودين على اى اجواء
لاننا معرضين نلعب فى اى ظروف دا لو احنا فريق عالمى يعنى
ما علينا من دا كله
انا مش زعلان على المنتخب ولا على اللعيبة ولا على احلامهم
لان الحاجات دى كانت باديهم هما
وربنا وفقهم وكرمهم فى حاجات كتير اوى اكتر ما كانو يتوقعو
الزعل كله ع الناس اللى اتصدمت دى
الناس اللى مفيش حاجة بتفرحها الا الكورة
الناس اللى وقفت حياتها يوم كامل
الناس اللى استعدت وجابت الاعلام ودهنت عربياتها واستعدت للفرحة
البلد كلها كانت متلونة باللونين الاحمر والاسود
اللبس فى البتارين بقي موضة الاحمر والاسود
الصبغة اتباعت بكميات رهيبة واقمشة الاعلمة
وكل واحدة نزلت اشترتلها طقم بقي .. والترح وما شابه .. كنت حاسس انه يونيفورم :D
بس واضح ان الشعب ده اخره يفرح 4 ايام بس
حالة من الاحساس بالانكسار والمهانة .. واد ايه حجم البهدلة اللى شافها مصريين كتير ومن غير تمن
حالة من الاحساس بالاكتئاب وقلة الحيلة .. وهما فى الاخر راجعين بخفي حنين
حالة من الاحساس بخيبة الامل .. ومش هحكى بقي ردود افعال اسرائيل فى الموضوع ده .. بس عرفو يمسكونا منين
حالة من الاحساس بالاستغراااااااااب
الشوارع ساكته زى ميكون حد ميت او فى نكبة فى البلد .. حد يصدق اننا نكسب هنا 2 وبعدها بومين نروح نتغلب من نفس الفريق وبالطريقة دى
والمفروض ان احنا معنوياتنا فى السما بعد الماتش الاولانى
بجد الشعب دا مسكين جداا
محدش يقول كان حقنا نكسب
المستوى كان نازل والحالة البدنية كانت زفت والافتكاسات بتاعة حسن شحاته بانت نتايجها
الانتشار فى الملعب كان واضح ان فى تفوق للجزائريين
عرفو يمشو الماتش على مزاجهم
وضيعو اكتر من جون شالهم الحضرى زى ماحنا ضيعنا
بس هى دى العادة المصرية
لما ياخدو ثقة زيادة بتتقلب بالضد
واحنا رجال الاوقات الضائعة
لازم نبقي فى سعى دائم ورا جون التعادل
مينفعش نبقي احنا كسبانين ابدا
مبنكرش ان احنا عملنا انجاز
بس بنسبة كبيرة من التوفيق والدعا
ومش كل مرة بقي هنستنى جون الوقت الضايع
مش كل مرة هنستنا فرحة الدقيقة 96
الناس كلها دلوقتى ماسكة فى حكاية الاعتدائات اللى بعد الماتش
مساكين مش عارفين يتلهو فى حاجة تنسيهم مرارة خيبة الامل
شغالين انتقاد وشتيمة ولعن فى الجزائريين
والمشكلة انها دون جدوى
واللى عمال يدور على ثغرة عشان الماتش يتعاد
واللى قلبها سياسة وعايز يسحب سفير مصر ويمشي سفير الجزائر
والفضائيات بقي شغالة ع الحاجات دى
مهو مش لاقيين مادة اعلامية يشتغلو عليها
زى كده ما كانو قالبين الدنيا فى الفضائيات اليومين اللى فاتو دول
والفرحة العارمة اللى كنا شايفينها دى
مع انى مش عارف كان ايه سببها يعنى
كل دى موجة غضب وهتروح
ومش هيتبقالنا غير ذكرى الفرصة السهلة اللى ضيعناها للتأهل كاس العالم
خلونا بقي نعيش حياتنا
وفكرو فى العيد اللى جاى الاسبوع الجاى ده
والايام المفترجة اللى عايشينها
وفى اسعار اللحمة وكده :D
ربنا يباركلنا فى شوية الدعا اللى باقيين لنا...
15 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
المشاركات
من قلب أنا
بقولها
بحبك يا بلدي
والحمد لله حمدا يليق بجلاله وعظيم سلطانه
sorry ffor disturbance
هى خيبة الامل فى ضياع كرامتنا ولا فى ضياع الكاس مننا؟
عجبى!
/شغالين انتقاد وشتيمة ولعن فى الجزائريين/
نضرب ونتهان والنتيجة طلعنا مش مؤدبين
بنشتم
oh my Gad
لما ناس تحضر ماتش عشان تشجع
تطلع بتجرى وتستخبى وتتضرب
وترد بالشتيمة
لا بجد مش لاقيين حاجة يعلقوا عليها!!
بس كنت متوقعه ان مصر مش هتكسب
وكنت بقول لصحابي كده الصبح
وكلموني بعد الماتش قالولي من قري:D
بس مش معني اننا نكسب او مانكسبش أو طريقة اللعب كانت ازاي للفريقين
انهم باي حال من الاحوال يبقي ليهم الحق يعملو اللي عملوه ده بعد الماتش
/الناس كلها دلوقتى ماسكة فى حكاية الاعتدائات اللى بعد الماتش/
يعني اكيد اللي حصل مش شوية يعني عشان يسيبوه
الحمد لله على كل حال
//هى خيبة الامل فى ضياع كرامتنا ولا فى ضياع الكاس مننا؟//
كرامتنا حاجة
والكاس على حد وصفك حاجة تانية
اللى حصل بعد الماتش لا يمس كرة القدم بشيئ
دى سياسة بايتة من زمان
وهما لو كانو خسروا او كسبوا
فهو دا اللى محضرين ليه من زمان
هما جايين من بلادهم بالسكاكين والشوم
يعنى مبيتينلها
انا مبتكلمش عن احداث ما بعد المباراه
انا بتكلم عن الجو العام فى نطاق الكورة
لو عايزين موضوع لوحده عن اللى حصل بعد الماتش انا ممكن اعمل موضوع اد كده
والمادة الاعلامية كبيرة اوى
لكن منخلطش الامور ببعضها
بتوع الكورة بقي كل كلامهم دلوقتى عن اللى حصل بعد الماتش
زى ما يكون اللى حصل بعد الماتش هو اللى خسرنا
حتت الامن دى ملهاش دعوة خالص بالكاس
كاس التفوق
//لما ناس تحضر ماتش عشان تشجع
تطلع بتجرى وتستخبى وتتضرب
وترد بالشتيمة
لا بجد مش لاقيين حاجة يعلقوا عليها!!//
الضرب والاهانة دول كنت عايز اشوف التغطية بتاعتهم لو كنا كسبنا
مكنتيش هتلاقي ربع التغطية الاعلامية دى
كان كله هيتلهى فى المكسب واغانى الانتصار
وهينسو الناس اللى راحت تشجع دى
سياسة البلد دى
نفسي اعرف امتى هنفهمها ونتكلم من غير اندفاع كده
على فكرة انا كنت حاسس اننا مش هنكسب بردو
كان فى حتة جوايا بتقول الحلو ما يكملش
وخصوصا ان المصريين لما بياخدو الثقة زيادة
بتتقلب على دماغهم
لازم نتحط فى ازمة عشان نحاول نحل
الماتش اللى فات انا كنت متفائل جدا
ومشدود لحد اخر دقيقة
الماتش ده اخر ربع ساعة كنت بتفرج وانا فى حالة من الهبوط النفسي
اولا قدر الله وما شاء فعل
فى حاجات كتير لو حطناها بالنا
هنرتاح للنتيجه ومش هنزعل زى مثلا الى حصل بعد الماتش من الجزائرين فى حالة الهزيمه فما بال النصر
وعلشان الشعب يفوق بقى من الغيبوبه الى كان فيها
تانى حاجه استغربى ان كره تتحكم فى علاقه بين شعبين اشقاء لدرجة انها توصل لاقتصادنا وتعاملاتنا معاهم
بقى هم كل الناس الكوره بقت كل اولاويتهم ومش بقى عندهم اولاويات تانيه انا مش معترضه على التشجيع
بس فى حدود
الاهم بقى مصر مش مباراة كرة قدم
ومرهون عليها كرامتنا لا
الى شال العلم وراماه بعد المباره
والى والى.....
بس كنت فرحانه لتجمع 80 مليون مصرى على حاجه واحدة دا احنا لو اتجمعنا على فكره كويسه البلد هتتغير
ولو ربع الادعيه الى ادعت للمنتخب فى وقت واحد كنا دعينا زيها للاقصى الى بيحصل تحته حفر دلوقتى....
احم حاسه انى خرجت على الموضوع:D
\\الفضائيات بقي شغالة ع الحاجات دى
مهو مش لاقيين مادة اعلامية يشتغلو عليها\\
للاسف
اسفه على الاطاله
ورايا امتحان يوم الاحد
دعوه واحده مش كفايه
كل الى يدخل هنا يدعيلى :D
على فكرة
اللى حصل بعد الماتش فى الجماهير ملوش علاقة بأن احنا كسبنا ولا لا
الناس دى جاية من بلادهم وعارفين هيعملو ايه
سواء كسبو او خسرو
دول كانو ماسكين سكاكين فى المدرجات قبل ما الماتش يبدا
حتت الماتش دى جت كأداة بس
النية متبيتة من زمان
والحكاية كانت واقفة على شعره
من زمان اوى وفى عداوة بين المصريين والجزائريين بشكل او باخر
وكان منتظر جدا يحصل ده
يعنى الحكاية حكاية سياسة مش ماتش كورة
ربنا يوفقك فى امتحانك
:)
لاننا معرضين نلعب فى اى ظروف دا لو احنا فريق عالمى يعنى\\
انا مش معاك في اللي بتقوله بصراحه
انهي اجواء دي اللي متعودين عليها !!!
وانهي فريق عالمي اللي بيلعب في ظروف بالشكل ده !!!
وبيلعب كوره بقى ولا حاجه تانيه !!!
\\الناس كلها دلوقتى ماسكة فى حكاية الاعتدائات اللى بعد الماتش
مساكين مش عارفين يتلهو فى حاجة تنسيهم مرارة خيبة الامل\\
لالالالا عايز تفهمني اننا لو كنا كسبنا وحصلنا برده اللي حصل بعد الماتش كنا هنسكت !!!
علشان ملههيين بفرحة كاس العالم !!!!
مستحيل طبعا
احنا مش بنتكلم في ماتش كوره ولا حتى كاس عالم
احنا بتكلم في كرامة بني ادم اتبعترت
ومش بني ادم لوحده للاسف
ده حكومة وشعب و و و و
\\حالة من الاحساس بالانكسار والمهانة .. واد ايه حجم البهدلة اللى شافها مصريين كتير ومن غير تمن
حالة من الاحساس بالاكتئاب وقلة الحيلة .. وهما فى الاخر راجعين بخفي حنين\\
انكسار ومهانة واكتئاب وقلة حيلة مش علشان مصدعناش
عارف يعني ايه بني ادميين يتهانوا ويتضربوا علشان ماتش كوره !!! لا ومن عرب كمان !!!
هو ايه اللي حصل يعني !!!
حد ممكن يصدق ان اللي حصل ده بسبب ماتش كوره حتى لو كان على الصعود لكاس عالم !!!
مستحيـــــــــــــل
ده احنا نبقى هبل D:
//انهي اجواء دي اللي متعودين عليها !!!
وانهي فريق عالمي اللي بيلعب في ظروف بالشكل ده !!!
وبيلعب كوره بقى ولا حاجه تانيه !!!//
اه
اجواء الماتش
يعنى اللعيبة اللى كانت فى الملعب كانت عارفه هيحصل ايه بعد الماتش؟؟
الامن كان مستتب جداا فى الملعب
والامور مشيت على ما يرام
كل اللى حصل ده بعد الماتش
ناس كتير جدا بتلاعبهم وتكسبهم
دى بس شماعات بنعلق عليها الخيبة
//لالالالا عايز تفهمني اننا لو كنا كسبنا وحصلنا برده اللي حصل بعد الماتش كنا هنسكت !!!
علشان ملههيين بفرحة كاس العالم !!!!//
والله ما كان هيبقي فى اهتمام بالشكل ده
كنا هنقول مبروك وهارد لاك للفريق الخسران
وهنعتبر اللى حصل منهم دا تجاوزات من اقلية جزائرية
وكنا هنطمن على الكام مغنى والكام ممثل اللى رايحين
وشكرا على كده
المصرى فى الحاجات دى ملوش تمن
احنا لو سفاراتنا ووزارتنا دابحين القطة
مكانش دا حصل
اى سايح فى مصر لو اتلمست منه شعرة كده الدنيا بتقوم ومتقعدش
واتصالات وحالات تأهب على اعلى مستوى
لكن لما تكون الجزائر باعته جماهير بطاياارت حربية وببلاش واحنا عارفين
ولما تكون الجماهير جاية بمواصفات ان سنهم يبقي تحت ال20 وكلهم ذوات بنية جسمانية قوية واحنا عارفين
ولما يكونو من قبل الماتش وهما عمالين يشترو فى اسلحة من السودان واحنا عارفين
ولما نروح نلعب فى السودان وامنها ضعيف وعندهم مشاكل الدنيا وحروب بينهم وبين بعض اصلا واحنا عارفين
ولما الناس تسافر تشجع ومفيش عليهم اى تأمين ومعرضين انهم يروحو فى داهية واحنا عارفين
يبقي احنا كده لا نلومن الا نفسنا
احنا اللى خيخة ومش خايفين على بعض
لكن محدش يقنعنى ان اللى بيحصل فى الاعلام دا دلوقتى بداعى اننا خايفين على ارواح مشجعينا
وحفاظا على كرامة الشعب المصرى
وكلام مواضيع التعابير ده
احنا لو كده فعلا كنا عملنا استعداداتنا من الاول
اننا رايحين حرب
مش رايحين فسحة فى شم النسيم
//ده احنا نبقى هبل D://
هو كده بالظبط
وسزج كمان
بص يا كبير كلامك كلو غلط من اولو لاخرو
ومعلش علي الدخله الغريبه دي بس هيه دي الحقيقه وعايز اقلك حاجه نفس الفريق دا هو الي فرح التمنين مليون مصري الي انتا بتتكلم عنهم وخلوهم يرقصو كتير جدا
ومش عشان مصعدناش كاس عالم ننسي كل الي عملو دا والي يعمل كدا يبقي ناكر الجميل
يعني انا عمري ما هنسي ابدا احمد حسن ولا تريكه ولا الحضري وهيفضيلو في نظري افضل لاعيبه انا شفتها في حياتي وان الناس دي فعلا بتحب مصر وبعدين الكوره ملهاش كبير يعني مفيش حاجه اسمو احنا مصنفين قبل الجزائر يبقي احنا الي هنكسب علطول والا كانت ايطاليا كسبتنا خمستاشر صفر في بطوله القارات انما الكوره تسعين دقيقه
ومين قالك ان مفيش في الكوره توفيق وحظ
الكوره فيها نسبه كبيره جدا من التوفيق والحظ الي لو معاك هتكسب يعني احنا الماتش الي فاتت لو معانا شويه حظ بس مكناش اتعادلنا وبس لا كنا كمان كسبنا ومين قالك بقا ان الجزائر كانت احسن مننا فين دا الشوط الاول كانف ي حزر من الفريقين وهما عملو هجمتين واحنا عملنا تلاته هجمات بس هما كان معاهم شويه توفيق ومعاهم جماهير در سجون ومعاهم حكم منحاز جدا لصفهم
ولعيبه معندهمش اي حاجه اسمها اخلاق رياضيه خالص ومش بيلعبو كوره اصلا
انا معاك ان التشكيله الي ابتدينا بيها فيها اخطاء بس دي اخطاء وراده جدا وانا مش شايف غير حاجه واحده بس غلط ف التشكيه انو المفروض فتحي مكان المحمدي ويبداء بحسني بس كدا
اما النتايج الي بتتكلم عليها فمعلش بقا مصر عملت انجاز في اخر اربع مباريات عشان لما نبقي متاخرين بخمس نقاط وكل فرق الاهداف دا وكل مبارياتك الباقيه خارج ارضك وتقدر تعوض دا انتا تبقي فريق بجد محترم جدا
وانا مش شايف عيب يعني ان الحضري يشيل اجوان امال هو لزمته ايه ما دا حارس مرمي :D
اما من جهه ظروف الماتش ف مين قالك انها طبيعيه دي مش ظروف ماتش كوره خالص لما الجماهير قبل ما الماتش يبداء يبقي واقفين في المدرجات بسكاكين دا عادي ظروف ماتش لما يبعتو تهديد لمحمد زيدان بانهم يقتلو امه وابوتريكه دا عادي
وانا في الاخر عايز اقول حاجه بس والله انا لا في دماغي كاس عالم ولا اي حاجه ما احنا بقلنا عشرين سنه مش بنروح كاس عالم ايه الي خسرناه يعني ولما رحنا كاس العالم سنه تسعين ايه الي كسبناه ولا حاجه دي كوره
لكن الي حارق دمي هيه كرمه المصرين الي اتهانت قدام العالم كلو ومن شويه عالم زباله زي دول ويضربو المصريين ويخلوهم يجرو قدمهم وانهم كل يوم في الصحف القوميه عندهم يشتمو في مصر وفي رمزها والحكومه بتاعتهم ساكته علي كدا دا الي في حاجه مش طبيعيه دا الي يعرفك ان فعلا اد ايه الناس دي بتكرهنا جدا وانا بجد من الي حصل دا خرجت بحاجه واحده بس ان فعلا بقيت اكره الجزائر اد بالظبط ما بكره اسرائيل عشان لا دي بلد عربي ولا دا شعب مسلم
وملعش طولت عليك بس انتا بصراحه حرقت دمي اخر حاجه بكلامك
وان شاء الله تونس والجزائر معانا في امم افريقا عشان نوريهم يعني ايه كوره عشان العالم دي بدات تعيش اوي
سلااااام
اننا رايحين حرب
مش رايحين فسحة فى شم النسيم\\
قولي انت كنت عارفه ان في اكتر من 10000 مشجع معظمهم رد سجون وبلطجية رايحين السودان وبيلموا في سنج ومطاوي وسيوف ؟؟؟؟
\\والله ما كان هيبقي فى اهتمام بالشكل ده
كنا هنقول مبروك وهارد لاك للفريق الخسران
وهنعتبر اللى حصل منهم دا تجاوزات من اقلية جزائرية
وكنا هنطمن على الكام مغنى والكام ممثل اللى رايحين
وشكرا على كده\\
اممممممممم لا معتقدش
علشان اللي حصل مش بس اهانة وضرب المشجعين في السودان بعد الماتش !!!!
//قولي انت كنت عارفه ان في اكتر من 10000 مشجع معظمهم رد سجون وبلطجية رايحين السودان وبيلموا في سنج ومطاوي وسيوف ؟؟؟؟//
اه طبعا
لو متابعة جرايد هتعرفى ان بأمر من الرئيس بوتفريقة خرج طيارت عسكرية
توصل الجماهير
وبدون مقابل
وكانو بيختارو اللى بنيتهم قوية
البلطجية يعنى
لكن احنا باعتين ممثلين وقادة
والناس المرفهة
عشان التذكرة ب3 و 4 الاف جنية
مين من الغلابا هيدفعها
والاسلحة دى كان الخبر منشور
ان الجماهير الجزائرية بيشترو اسلحة من السودان من قبل الماتش بيومين
//اممممممممم لا معتقدش
علشان اللي حصل مش بس اهانة وضرب المشجعين في السودان بعد الماتش !!!!//
لا اعتقدى
عشان هى دى سياستنا
مكانوش عانو المصل الموجود لانفلونزا الخنازير لمسؤلين وقرايبهم
كانو وزعوه على عامة الشعب
نفس الكلام هنا
كانو هيأمنو كبار الزوار
ويرجعوهم بالسلامة
وطظ فى عامة الشعب
الاقلية اللى رايحة من العامة
هى دى سياسة مصر
وعليكم السلام
//بص يا كبير كلامك كلو غلط من اولو لاخرو //
اولا:
لا مرحبا بك فى مدونتى
ولو كل ردودك كده انا مش ناوى ارحب بيك خالص
اللى اعرفه انك لما ترد على موضوع ممكن تقول انا مش متفق معاك
او كلامك مش مقنع بالنسبالى
لكن مفيش حاجة اسمها كلامك كله غلط
مين قالك ان كلامك انت صح
مهو فى نظرى انا غلط بردو
بس فى حاجة اسمها اداب الحوار
وحتى لو كلامى مش عاجبك
ممكن قبل ما تقرا اى بوست تقرا الحتة اللى تحت عنوان البلوج
//ليست مشكلتي إن لم يفهم البعض ما اعنيه وليست مشكلتي إن لم تصل الفكرة لأصحابها فهذه قناعاتي وهذه افكاري وهذه كتاباتي بين يديكم ........ كتاباتى هي في النهاية مجرد رؤيه لأفكاري مع كامل ووافر الحب والتقدير لمن يمتلك وعياً كافياً هذا الذى يجبر قلمي على أن يحترمه//
هذا
الذى
يجبر
قلمى
ان يحترمه ........
بص يا صغير
انا منستش اللى عمله الفريق ده
وانا اول واحد بقول ان دا احسن منتخب جه فى مصر على مر التاريخ
وقولت فوق ان المنتخب دا عمل انجاز
وان المنتخب دا الاول افريقيا لمدة 4 سنين متتالية
يعنى انا مانكرتش الجميل
انا بتكلم عن نقط معينة
واللى بيفهم كورة كويس هيعرف ان ربنا بيسهلهالنا كتير
وزيادة عن اللزوم كمان
ودا لو كان يبقي توفيق وكرم من ربنا
قبل ما يكون مجهود من اللعيبة دى
واه الجزائر كانت احسن
احللك بقي
اسحواذك كله كان ملوش لزمة
ماسكين كورة فى وسط الملعب
يعنى بيقولولك خد الكورة اعمل بيها اللى انت عاوزه
بس اول ما توصل هنا انسي
واستحواذ من غير خطورة = 0
وبعدين انا مقولتش للحضرى يصد
الحضرى على عيني وراسي
وهو احسن لاعبي المنتخب على فكرة
واحبهم ليا
الحضرى ليه 50% من الفضل بعد ربنا طبعاعشان نكون بنكمل فى التصفيات بس
اللى بقوله ان لولا هو مكناش كملنا كده
ولو اى حارس غيره مكانش هيصد دا كله
ومكانش حد هيلومه
لانه كان بيصد كور متتصدش
فمتقوليش عادى يعنى مهو حارس
عشان هو مش اى حارس
وبعدين لما يبقي لعيب كان مصاب
وكنا هنعيط عليه
وجهزوه بالعافية عشان يلحق اماتش
وفى الاخر متلاعبوش
وتلاعب خط الوسط كله مدافعين
وتطلع اخطر لاعب فى المنتخب تركنه للشوط التانى
دا وقع نص الملعب اللى هو اهم خط فى الملعب
ودا اللى عمل الدروب فى الماتش
مش عارفين نربط بين الهجوم والدفاع زى ما حصل بعض الشيئ فى الماتش اللى قبله
وموضوع التهديدات ده مش جديد يعنى
على طول بتحصل الحركة دى
وكلها تهديدات ع الفاضي
عشان يوقعو اعصاب اللعيبة
واظن لو محترفين هيعرفو كده كويس
وظروف الملعب مكانش فيها اى عيب
وفرق كتير كسبتهم فى الظروف دى
اظن اللعيبة مكانتش شايفه السكاكين اللى ماسكاها الجماهير يعنى
ردك مزودش اى جديد على فكرة
معلش بقي انى حرقت دمك اخر حاجة
بس انت بردو حرقتهولى الحاجة القبل الاخيرة
سلام كبير اخر حاجة