ليست مشكلتي إن لم يفهم البعض ما اعنيه
وليست مشكلتي إن لم تصل الفكرة لأصحابها
فهذه قناعاتي وهذه افكاري وهذه كتاباتي بين يديكم
أكتب ما اشعر به وأقول ما أنا مؤمن به وانقل هموم غيري بطرق مختلفه
وليس بالضرورة ماأكتبه يعكس حياتي الشخصية
كتاباتى هي في النهاية مجرد رؤيه لأفكاري
مع كامل ووافر الحب والتقدير لمن يمتلك وعياً كافياً هذا الذى يجبر قلمي على أن يحترمه
يدهشنى رجلا يقول:
"مراتى متتكشفش على رجالة ابدا
.
.
الا الدكتور"
يا عم هو الدكتور دا مش راجل ولا ايه
وبعدين هو مش فى دكاترة ستات ولا ايه
ليه متروحش لدكتورة
يقولك لا متروحش لدكتورة مفيش دكاترة ستات عدلين
نادر اوى
يا سبحان الله
امال ماليين كليات الطب بيعملو ايه يا سيدي
وبقو اكتر من الرجالة
وزاحمين السكاشن وبيطلعو اوائل الدفعات
وما شاء الله حاجة اخر حلاوة
امال ايه بقي
طيب مبيبقوش دكاترة محترفين بيخشو طب لييييه
تعالى على الهندسة بردو
تلاقي البنت مموتة نفسها فى الثانوى وعمالة تدش
وتنسي كل حاجة فى حياتها الا المذاكرة
وتلاقيها بقت كبيرة على وش جواز ومبتعرفش تعمل اى حاجة فى البيت
تيجي تسال ليه
يقولك كانت بتذاكر مكانتش فاضية
وكأن المزاكرة دى هى الاولوية
وكل واحدة عندها لسان ما شاء الله اطول منها
وتقولك مزاكرتى هى اللى هتنفعنى
انا لما ابقي حاجة كويسة هفيد نفسي واعرف اصرف على نفسي
وماحتاجش لاى كلب
ضل الحيطة كويس اوى
وبمجرد ما تخلص تلاقيها قاعدة فى البيت حاطه ايدها على خدها مستنية العدل
وتبقي مهندسة اد الدنيا وبتقدير جيد جدا
وامتيااز كمان
ما شاء الله ربنا يزيدهم انا مقولتش حاجة
بس فين بقيت جوانب حياتك بقي ؟
مفيش
تقولك شغلى اهم
تروح تتقدم لوظيفة يقولولها احنا عايزين رجالة
الوظيفة محتاجة رجالة عشان تقف فى مواقع البناء ويستحملو البهدلة >>دا فى المهندسين
الوظيفة محتاجة رجالة عشان بنستدعيهم بالليل للطوارئ واحيانا بيباتو فى المستشفيات>>دا للدكاترة
...والامثلة كتير
بس انا جايب مثلين من كليات القمة اهو
اللى الناس كلها بتسعي ليها
والغريب بردو انها مبتبقاش رغباتهم
بينقو الحاجة اللى بتاخد مجموع كبير وخلاص
انا مش فاهم دا غل
ولا دا اسمه ايه بالظبط؟
يدهشنى حاجة كمان
انك تبقي سايق عربيتك وماشي فى امان الله
فجاة تلاقي ادامك عربية ماشية تتمرجح
او عربية تبقي ماشي وتبطل فجاة
تبص تلاقي واحدة ست سايقة
لا حول ولا قوة الا بالله
تيجي تتكلم يقولك معلش اعزرهم دول ستات
وقلوبهم ضعيفة
طب يا ستي قلبك ضعيف بتسوقى عربية ليه
يعنى كان حد غصبك
وتتفرج على مناظر تضحك بقي
لو لقت عيل فى الشارع من على بعض نص كيلو
تستنى لما يعدى عشان تمشي
وتعطل الناس وراها وتخليهم يخبطو فى بعض
وتلاقي ستات قافشة فى الدريكسيون زى ميكون هيهرب
طب عليكو بايه مش فاهم
"مراتى متتكشفش على رجالة ابدا
.
.
الا الدكتور"
يا عم هو الدكتور دا مش راجل ولا ايه
وبعدين هو مش فى دكاترة ستات ولا ايه
ليه متروحش لدكتورة
يقولك لا متروحش لدكتورة مفيش دكاترة ستات عدلين
نادر اوى
يا سبحان الله
امال ماليين كليات الطب بيعملو ايه يا سيدي
وبقو اكتر من الرجالة
وزاحمين السكاشن وبيطلعو اوائل الدفعات
وما شاء الله حاجة اخر حلاوة
امال ايه بقي
طيب مبيبقوش دكاترة محترفين بيخشو طب لييييه
تعالى على الهندسة بردو
تلاقي البنت مموتة نفسها فى الثانوى وعمالة تدش
وتنسي كل حاجة فى حياتها الا المذاكرة
وتلاقيها بقت كبيرة على وش جواز ومبتعرفش تعمل اى حاجة فى البيت
تيجي تسال ليه
يقولك كانت بتذاكر مكانتش فاضية
وكأن المزاكرة دى هى الاولوية
وكل واحدة عندها لسان ما شاء الله اطول منها
وتقولك مزاكرتى هى اللى هتنفعنى
انا لما ابقي حاجة كويسة هفيد نفسي واعرف اصرف على نفسي
وماحتاجش لاى كلب
ضل الحيطة كويس اوى
وبمجرد ما تخلص تلاقيها قاعدة فى البيت حاطه ايدها على خدها مستنية العدل
وتبقي مهندسة اد الدنيا وبتقدير جيد جدا
وامتيااز كمان
ما شاء الله ربنا يزيدهم انا مقولتش حاجة
بس فين بقيت جوانب حياتك بقي ؟
مفيش
تقولك شغلى اهم
تروح تتقدم لوظيفة يقولولها احنا عايزين رجالة
الوظيفة محتاجة رجالة عشان تقف فى مواقع البناء ويستحملو البهدلة >>دا فى المهندسين
الوظيفة محتاجة رجالة عشان بنستدعيهم بالليل للطوارئ واحيانا بيباتو فى المستشفيات>>دا للدكاترة
...والامثلة كتير
بس انا جايب مثلين من كليات القمة اهو
اللى الناس كلها بتسعي ليها
والغريب بردو انها مبتبقاش رغباتهم
بينقو الحاجة اللى بتاخد مجموع كبير وخلاص
انا مش فاهم دا غل
ولا دا اسمه ايه بالظبط؟
يدهشنى حاجة كمان
انك تبقي سايق عربيتك وماشي فى امان الله
فجاة تلاقي ادامك عربية ماشية تتمرجح
او عربية تبقي ماشي وتبطل فجاة
تبص تلاقي واحدة ست سايقة
لا حول ولا قوة الا بالله
تيجي تتكلم يقولك معلش اعزرهم دول ستات
وقلوبهم ضعيفة
طب يا ستي قلبك ضعيف بتسوقى عربية ليه
يعنى كان حد غصبك
وتتفرج على مناظر تضحك بقي
لو لقت عيل فى الشارع من على بعض نص كيلو
تستنى لما يعدى عشان تمشي
وتعطل الناس وراها وتخليهم يخبطو فى بعض
وتلاقي ستات قافشة فى الدريكسيون زى ميكون هيهرب
طب عليكو بايه مش فاهم
يا رب ارحمنا
تحديث صغنون
========
========
>>فين المشكلة؟؟
************
المشكلة لما تلاقي جيل دكاترة نصه على الاقل بنات
كل ما تخش مشرحة يغم عليها
ومبتبقاش عندها اى ثقة فى نفسها
وبكده خسرنا نص دكاترة البلد على الاقل
المشكلة ان هتلاقي جيل مهندسين نصه على الاقل بنات
مينفعش تنزل تقف فى موقع بنا وتلبس خوزه وتتبهدل وسط الرجالة
وبكده خسرنا نص مهندسين البلد على الاقل
المشكلة انك كل يوم والتانى تلاقي حادثة فى شارع بسبب واحدة ست مش عارفه تسوق
المشكلة اننا بقينا نخلق اعزار تافهة لناس
فى حين ان فى ناس تانية احق باماكنهم
ممكن يبقو اقل منهم فى الحفظ بس احسن منهم فى الحياة العملية
وعشان واحدة قاعدة تصم خلته تخش كلية مش عاوزها
وهى مهما عليت فى مكانها ده
هتبقي معيدة مثلا وبردو هتبقي مش فاهمة حاجة داخله تتكعبل فى نفسها
وما اكثرهم عندنا
تيجي تسالها سؤال تفضل تتهته ومتفيدكش بحاجة
وبكده خسرنا نص معيدين الكليات على الاقل
اللى المفروض هيعلمو الناس بعد كده
وما اكثر الامثلة
************
المشكلة لما تلاقي جيل دكاترة نصه على الاقل بنات
كل ما تخش مشرحة يغم عليها
ومبتبقاش عندها اى ثقة فى نفسها
وبكده خسرنا نص دكاترة البلد على الاقل
المشكلة ان هتلاقي جيل مهندسين نصه على الاقل بنات
مينفعش تنزل تقف فى موقع بنا وتلبس خوزه وتتبهدل وسط الرجالة
وبكده خسرنا نص مهندسين البلد على الاقل
المشكلة انك كل يوم والتانى تلاقي حادثة فى شارع بسبب واحدة ست مش عارفه تسوق
المشكلة اننا بقينا نخلق اعزار تافهة لناس
فى حين ان فى ناس تانية احق باماكنهم
ممكن يبقو اقل منهم فى الحفظ بس احسن منهم فى الحياة العملية
وعشان واحدة قاعدة تصم خلته تخش كلية مش عاوزها
وهى مهما عليت فى مكانها ده
هتبقي معيدة مثلا وبردو هتبقي مش فاهمة حاجة داخله تتكعبل فى نفسها
وما اكثرهم عندنا
تيجي تسالها سؤال تفضل تتهته ومتفيدكش بحاجة
وبكده خسرنا نص معيدين الكليات على الاقل
اللى المفروض هيعلمو الناس بعد كده
وما اكثر الامثلة
----------------------------------
>>وايه الحل؟؟
**********
الحل ان كل واحد يفكر هو هيبقي كويس فى ايه
هو هينفع الناس فى ايه
هو هيفلح فى الحاجة اللى هيدرسها دى ولا لا
مش بس كل همه ان مجموعى كبير اخش احسن كلية
وهمه ازاااى فلان يخش كلية كذا وانا لا
هو احسن منى
الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط
**********
الحل ان كل واحد يفكر هو هيبقي كويس فى ايه
هو هينفع الناس فى ايه
هو هيفلح فى الحاجة اللى هيدرسها دى ولا لا
مش بس كل همه ان مجموعى كبير اخش احسن كلية
وهمه ازاااى فلان يخش كلية كذا وانا لا
هو احسن منى
الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط
----------------------------
كل سنة وانتو طيبين
كل سنة وانتو طيبين
ياقمراً يطلع كل مساءٍ من نافذةِ الكلماتِ ..
يا أعظمَ فتحٍ بينَ جميعِ فتوحاتي ..
يا آخرَ وطنٍ أُولدُ فيهِ .. وأدفنُ فيهِ .. وأنشرُ فيهِ كتاباتي ..لا أدري كيفَ رماني الموجُ على قدميكِ ..
لا أدري كيفَ مشيتِ إليَّ .. وكيفَ مشيتُ إليكِ ..!!!!
:)
:)
http://www.alarabiya.net/articles/2009/11/16/91475.html
http://www.almesryoon.com/news.aspx?id=20965
مبسوطين يا اصحاب الالسنة الطويلة
مبسوطين يا اصحاب الهتافات المعادية
مبسوطين يا اعلاميين يا مسخناتية
مش بيقولك القانون لا يحمى المغفلين
واحنا كده ضيعنا حقنا
وبقينا فى نظر العالم زينا زيهم
والخطأ مقسوم على اتنين
وانتظر عقوبة جايالنا من الفيفا يا سيدي
على اساس ان احنا الجناة
اتوبيسهم اتكسر هنا من جوا راحو عملو اثبات حالة
وجابو خبير من الفيفا من ايده كده
ولبسوه العمة
لكن احنا اتوبيسنا يتحول طفطف واحنا شعب مسامح
من غير ما نبلغ ولا ناخد خطوة
نستخبي فى بيوت السودانيين
ونتصل بالتليفونات نشتم ونسب ونزعق
وبقالنا 3 ايام بنطبطب على بعض
وعملنا ايه كخطوة ناخد بيها حقنا؟؟؟
0
بقينا فى نظر الفيفا احنا الجناة
ومنتظرين العقوبة
والخطوة اللى خدها رئيس اتحاد الكورة
بنهدد بتجميد نشاطنا مع الفيفا سنتين
يا فرحتى
يعنى نتضرب ونتشتم ونتهان وكمان نقفل على نفسنا سنتين
ومنلعبش اى ماتشات دولية
نقضيها دورات رمضانية بقي
http://www.almesryoon.com/news.aspx?id=20965
مبسوطين يا اصحاب الالسنة الطويلة
مبسوطين يا اصحاب الهتافات المعادية
مبسوطين يا اعلاميين يا مسخناتية
مش بيقولك القانون لا يحمى المغفلين
واحنا كده ضيعنا حقنا
وبقينا فى نظر العالم زينا زيهم
والخطأ مقسوم على اتنين
وانتظر عقوبة جايالنا من الفيفا يا سيدي
على اساس ان احنا الجناة
اتوبيسهم اتكسر هنا من جوا راحو عملو اثبات حالة
وجابو خبير من الفيفا من ايده كده
ولبسوه العمة
لكن احنا اتوبيسنا يتحول طفطف واحنا شعب مسامح
من غير ما نبلغ ولا ناخد خطوة
نستخبي فى بيوت السودانيين
ونتصل بالتليفونات نشتم ونسب ونزعق
وبقالنا 3 ايام بنطبطب على بعض
وعملنا ايه كخطوة ناخد بيها حقنا؟؟؟
0
بقينا فى نظر الفيفا احنا الجناة
ومنتظرين العقوبة
والخطوة اللى خدها رئيس اتحاد الكورة
بنهدد بتجميد نشاطنا مع الفيفا سنتين
يا فرحتى
يعنى نتضرب ونتشتم ونتهان وكمان نقفل على نفسنا سنتين
ومنلعبش اى ماتشات دولية
نقضيها دورات رمضانية بقي
البوست اللى فات اتكلمت ع الموضوع من ناحية الكورة
والناس محبتش الموضوع والردود كلها جت على الناحية السياسية
والناس محبتش الموضوع والردود كلها جت على الناحية السياسية
نديها سياسة .. وماله
عشان تقيس مدى تقدم الشعوب وتحضرها
قيس مدى انجازاتها على المستوى العالمى
ومدى ابداعاتها على مستويات العلمية والادبية والثقافية والرياضية و و ..
ودى احدى ابداااعات المصريين فى مجال التصميم والجرافيكس
ايه الحلاوة دى يا ولاد
دا العلم المشترك بين الجزائر واسرائيل
دا اللى بيقولك لم الشامى ع المغربي
انا نفسي بنى ادم واحد بس يخش يقولى بعد الصور دى والشتايم وقلة الادب
عملنا ايه للمنتخب
بلاش المنتخب
عملنا ايه لكرامة الشعب اللى اتبعترت
زودنا ايه للحل فى الازمة
استفدنا ايه غير اننا بقينا جهله زيهم
قيس مدى انجازاتها على المستوى العالمى
ومدى ابداعاتها على مستويات العلمية والادبية والثقافية والرياضية و و ..
ودى احدى ابداااعات المصريين فى مجال التصميم والجرافيكس
ايه الحلاوة دى يا ولاد
دا العلم المشترك بين الجزائر واسرائيل
دا اللى بيقولك لم الشامى ع المغربي
انا نفسي بنى ادم واحد بس يخش يقولى بعد الصور دى والشتايم وقلة الادب
عملنا ايه للمنتخب
بلاش المنتخب
عملنا ايه لكرامة الشعب اللى اتبعترت
زودنا ايه للحل فى الازمة
استفدنا ايه غير اننا بقينا جهله زيهم
لاتدع سفالة الاخرين تكشف عن سفالتك
الناس كلها بتفش غلها فى الشتيمة وقلة الادب
ودنسنا علم بلد مسلمة عشان شوية رعاع منهم سوئو سمعتهم
بلاش شوية منهم
عشان جيييل باكمله منهم غبي الطباع
واحنا ما شاء الله محترفيييييين فى نشر الغسيل الوسخ
نفسي اعرف فى صوت الحكمة اللى فى مصر
لما ابن رئيس الجمهورية نفسه طالع يهرتل ع الفضائيات ويقول كلام ملوش معنى
ودا المفروض ادام العالم هيبقي رئيسنا الجاى :D
المشكلة ان الهبهبة دى مش هتقدم ولا هتأخر
ولا هترجع حق ولا هترد كرامة
ولا هتجبر اى شعب فى العالم على انه يحترمنا
بل بالعكس دول بيشاورو علينا ويقولو العبط اهم
وبقينا اساتذة فى السب والقذف وكأن دا انتصار لكرامتنا
مع ان اللى بيحصل ده تقليل من شأننا اكتر ما هو قل
مشوفتش خوة ايجابية بعد الماتش تدل على اننا شعب واعى شعب متحضر بيقول للعالم احنا اهو
يا جماعة دا ليس القوى منكم بالصرعة
والله ما بالشتيمة والقذف ونشر الغسيل الوسخ
القوى من يمتلك نفسه عند الغضب
والله لو اللى بنعمله دا هييجي بفايدة لكنت ابقي اول واحد فيكو بيهرتل
الاعلام بيسوق الناس زى المعيز وهما هررررر وراهم
قبل الماتش نفخو المنتخب نفخة طلعوه السحاب
وبرامج واغانى وطنية على كل القنوات
ونسيو كل حاجة الا الكورة
لو كان تركيزنا دا فى حاجة تانية غير الكورة مكانش ده بقي حالنا
بقي التليفزيون المصرى كله كورة
والهيافة ما شاء الله كنز لا يفنى
وخلينا لعيبة المنتخب دول كتيبة المقاتلين
والناس يا عيني غلابا مفيش حاجة تفرحهم الا الكورة
بينساقو ورا الفرح والزمر والهيصة حتى لو على حاجة هايفة
هو عشان نروح نلعب 3 ماتشات فى كاس العالم نخسر سمعتنا ادام العالم
روح اتفرج على الصحف الاوربية والاسرائيلية وشوف الكاريكاتيرات والتعليقات
والضحك من القلب
وصفونا باننا فتح وحماس على مستوى اعلى
وورونا بقي سفاهة العرب وضيق مخهم و و و
وهما بيقطعو فى بعض زى البهايم
وهما المستفيدين
ليه مننتقدش بطريقة كويسة وبكبرياء وكرامة بردو
من غير ما نشتم من غير ما نسب ونلعن
وبردو نبقي احسن منهم ونبقي بنحب بلدنا
ولا هو لازم الشتيمة وقلة الادب عشان نبقي حلوين
لازم نفهم ان كرامتنا وعزة نفسنا حاجة
وماتش الكورة دا حاجة تانية
اللى حصل بعد الماتش لا يمس كرة القدم بشيئ
دى سياسة بايتة من زمان
وهما لو كانو خسروا او كسبوا
فهو دا اللى محضرين ليه من زمان
هما جايين من بلادهم بالسكاكين والشوم
يعنى مبيتينلها
انا ماتكلمتش عن احداث ما بعد المباراه
انا اتكلمت عن الجو العام فى نطاق الكورة
لكن منخلطش الامور ببعضها
بتوع الكورة بقي كل كلامهم دلوقتى عن اللى حصل بعد الماتش
زى ما يكون اللى حصل بعد الماتش هو اللى خسرنا
الضرب والاهانة دول كنت عايز اشوف التغطية بتاعتهم لو كنا كسبنا
مكنتيش هتلاقي ربع التغطية الاعلامية دى
كان كله هيتلهى فى المكسب واغانى الانتصار
وهينسو الناس اللى راحت تشجع دى
سياسة البلد دى
نفسي اعرف امتى هنفهمها ونتكلم من غير اندفاع كده
اللى حصل بعد الماتش فى الجماهير يا سادة ملوش علاقة بأن احنا كسبنا ولا لا
الناس دى جاية من بلادهم وعارفين هيعملو ايه
سواء كسبو او خسرو
دول كانو ماسكين سكاكين فى المدرجات قبل ما الماتش يبدا
حتت الماتش دى جت كأداة بس
النية متبيتة من زمان
والحكاية كانت واقفة على شعره
من زمان اوى وفى عداوة بين المصريين والجزائريين بشكل او باخر
وكان منتظر جدا يحصل ده
يعنى الحكاية حكاية سياسة مش ماتش كورة
اجواء الماتش ملهاش دعوة باللى حصل
يعنى اللعيبة اللى كانت فى الملعب كانت عارفه هيحصل ايه بعد الماتش؟؟
الامن كان مستتب جداا فى الملعب
والامور مشيت على ما يرام
وكل حاجة كانت متاحة لمصر انها تكسب
كل اللى حصل ده بعد الماتش
ناس كتير جدا بتلاعبهم وتكسبهم
دى بس شماعات بنعلق عليها الخيبة
عايزين تقنعونى ان الاهتمام بارواح الناس ده كان هيبقي زى ما هو كده لو كنا كسبنا
والله ما كان هيبقي فى اهتمام بالشكل ده
كنا هنقول مبروك وهارد لاك للفريق الخسران
وهنعتبر اللى حصل منهم دا تجاوزات من اقلية جزائرية
وكنا هنطمن على الكام مغنى والكام ممثل اللى رايحين
وشكرا على كده
المصرى فى الحاجات دى ملوش تمن
احنا لو سفاراتنا ووزارتنا دابحين القطة
مكانش دا حصل
اى سايح فى مصر لو اتلمست منه شعرة كده الدنيا بتقوم ومتقعدش
واتصالات وحالات تأهب على اعلى مستوى
لكن لما تكون الجزائر باعته جماهير بطاياارت حربية وببلاش واحنا عارفين
ولما تكون الجماهير جاية بمواصفات ان سنهم يبقي تحت ال20 وكلهم ذوات بنية جسمانية قوية واحنا عارفين
ولما يكونو من قبل الماتش وهما عمالين يشترو فى اسلحة من السودان واحنا عارفين
ولما نروح نلعب فى السودان وامنها ضعيف وعندهم مشاكل الدنيا وحروب بينهم وبين بعض اصلا واحنا عارفين
ولما الناس تسافر تشجع ومفيش عليهم اى تأمين ومعرضين انهم يروحو فى داهية واحنا عارفين
يبقي احنا كده لا نلومن الا نفسنا
احنا اللى خيخة ومش خايفين على بعض
لكن محدش يقنعنى ان اللى بيحصل فى الاعلام دا دلوقتى بداعى اننا خايفين على ارواح مشجعينا
وحفاظا على كرامة الشعب المصرى
وكلام مواضيع التعابير ده
احنا لو كده فعلا كنا عملنا استعداداتنا من الاول
اننا رايحين حرب
مش رايحين فسحة فى شم النسيم
سيبو بقي الموضوع ياخد حجمه كده مع نفسه
وارجعو بعد كده للدورى المصرى والاهلى بطل مجرة درب التبانة
والحرب الاهلية اللى بتحصل هنا دى
عشان نكمل نشر الغسيل الوسخ بس على ضيق شوية
ودنسنا علم بلد مسلمة عشان شوية رعاع منهم سوئو سمعتهم
بلاش شوية منهم
عشان جيييل باكمله منهم غبي الطباع
واحنا ما شاء الله محترفيييييين فى نشر الغسيل الوسخ
نفسي اعرف فى صوت الحكمة اللى فى مصر
لما ابن رئيس الجمهورية نفسه طالع يهرتل ع الفضائيات ويقول كلام ملوش معنى
ودا المفروض ادام العالم هيبقي رئيسنا الجاى :D
المشكلة ان الهبهبة دى مش هتقدم ولا هتأخر
ولا هترجع حق ولا هترد كرامة
ولا هتجبر اى شعب فى العالم على انه يحترمنا
بل بالعكس دول بيشاورو علينا ويقولو العبط اهم
وبقينا اساتذة فى السب والقذف وكأن دا انتصار لكرامتنا
مع ان اللى بيحصل ده تقليل من شأننا اكتر ما هو قل
مشوفتش خوة ايجابية بعد الماتش تدل على اننا شعب واعى شعب متحضر بيقول للعالم احنا اهو
يا جماعة دا ليس القوى منكم بالصرعة
والله ما بالشتيمة والقذف ونشر الغسيل الوسخ
القوى من يمتلك نفسه عند الغضب
والله لو اللى بنعمله دا هييجي بفايدة لكنت ابقي اول واحد فيكو بيهرتل
الاعلام بيسوق الناس زى المعيز وهما هررررر وراهم
قبل الماتش نفخو المنتخب نفخة طلعوه السحاب
وبرامج واغانى وطنية على كل القنوات
ونسيو كل حاجة الا الكورة
لو كان تركيزنا دا فى حاجة تانية غير الكورة مكانش ده بقي حالنا
بقي التليفزيون المصرى كله كورة
والهيافة ما شاء الله كنز لا يفنى
وخلينا لعيبة المنتخب دول كتيبة المقاتلين
والناس يا عيني غلابا مفيش حاجة تفرحهم الا الكورة
بينساقو ورا الفرح والزمر والهيصة حتى لو على حاجة هايفة
هو عشان نروح نلعب 3 ماتشات فى كاس العالم نخسر سمعتنا ادام العالم
روح اتفرج على الصحف الاوربية والاسرائيلية وشوف الكاريكاتيرات والتعليقات
والضحك من القلب
وصفونا باننا فتح وحماس على مستوى اعلى
وورونا بقي سفاهة العرب وضيق مخهم و و و
وهما بيقطعو فى بعض زى البهايم
وهما المستفيدين
ليه مننتقدش بطريقة كويسة وبكبرياء وكرامة بردو
من غير ما نشتم من غير ما نسب ونلعن
وبردو نبقي احسن منهم ونبقي بنحب بلدنا
ولا هو لازم الشتيمة وقلة الادب عشان نبقي حلوين
لازم نفهم ان كرامتنا وعزة نفسنا حاجة
وماتش الكورة دا حاجة تانية
اللى حصل بعد الماتش لا يمس كرة القدم بشيئ
دى سياسة بايتة من زمان
وهما لو كانو خسروا او كسبوا
فهو دا اللى محضرين ليه من زمان
هما جايين من بلادهم بالسكاكين والشوم
يعنى مبيتينلها
انا ماتكلمتش عن احداث ما بعد المباراه
انا اتكلمت عن الجو العام فى نطاق الكورة
لكن منخلطش الامور ببعضها
بتوع الكورة بقي كل كلامهم دلوقتى عن اللى حصل بعد الماتش
زى ما يكون اللى حصل بعد الماتش هو اللى خسرنا
الضرب والاهانة دول كنت عايز اشوف التغطية بتاعتهم لو كنا كسبنا
مكنتيش هتلاقي ربع التغطية الاعلامية دى
كان كله هيتلهى فى المكسب واغانى الانتصار
وهينسو الناس اللى راحت تشجع دى
سياسة البلد دى
نفسي اعرف امتى هنفهمها ونتكلم من غير اندفاع كده
اللى حصل بعد الماتش فى الجماهير يا سادة ملوش علاقة بأن احنا كسبنا ولا لا
الناس دى جاية من بلادهم وعارفين هيعملو ايه
سواء كسبو او خسرو
دول كانو ماسكين سكاكين فى المدرجات قبل ما الماتش يبدا
حتت الماتش دى جت كأداة بس
النية متبيتة من زمان
والحكاية كانت واقفة على شعره
من زمان اوى وفى عداوة بين المصريين والجزائريين بشكل او باخر
وكان منتظر جدا يحصل ده
يعنى الحكاية حكاية سياسة مش ماتش كورة
اجواء الماتش ملهاش دعوة باللى حصل
يعنى اللعيبة اللى كانت فى الملعب كانت عارفه هيحصل ايه بعد الماتش؟؟
الامن كان مستتب جداا فى الملعب
والامور مشيت على ما يرام
وكل حاجة كانت متاحة لمصر انها تكسب
كل اللى حصل ده بعد الماتش
ناس كتير جدا بتلاعبهم وتكسبهم
دى بس شماعات بنعلق عليها الخيبة
عايزين تقنعونى ان الاهتمام بارواح الناس ده كان هيبقي زى ما هو كده لو كنا كسبنا
والله ما كان هيبقي فى اهتمام بالشكل ده
كنا هنقول مبروك وهارد لاك للفريق الخسران
وهنعتبر اللى حصل منهم دا تجاوزات من اقلية جزائرية
وكنا هنطمن على الكام مغنى والكام ممثل اللى رايحين
وشكرا على كده
المصرى فى الحاجات دى ملوش تمن
احنا لو سفاراتنا ووزارتنا دابحين القطة
مكانش دا حصل
اى سايح فى مصر لو اتلمست منه شعرة كده الدنيا بتقوم ومتقعدش
واتصالات وحالات تأهب على اعلى مستوى
لكن لما تكون الجزائر باعته جماهير بطاياارت حربية وببلاش واحنا عارفين
ولما تكون الجماهير جاية بمواصفات ان سنهم يبقي تحت ال20 وكلهم ذوات بنية جسمانية قوية واحنا عارفين
ولما يكونو من قبل الماتش وهما عمالين يشترو فى اسلحة من السودان واحنا عارفين
ولما نروح نلعب فى السودان وامنها ضعيف وعندهم مشاكل الدنيا وحروب بينهم وبين بعض اصلا واحنا عارفين
ولما الناس تسافر تشجع ومفيش عليهم اى تأمين ومعرضين انهم يروحو فى داهية واحنا عارفين
يبقي احنا كده لا نلومن الا نفسنا
احنا اللى خيخة ومش خايفين على بعض
لكن محدش يقنعنى ان اللى بيحصل فى الاعلام دا دلوقتى بداعى اننا خايفين على ارواح مشجعينا
وحفاظا على كرامة الشعب المصرى
وكلام مواضيع التعابير ده
احنا لو كده فعلا كنا عملنا استعداداتنا من الاول
اننا رايحين حرب
مش رايحين فسحة فى شم النسيم
سيبو بقي الموضوع ياخد حجمه كده مع نفسه
وارجعو بعد كده للدورى المصرى والاهلى بطل مجرة درب التبانة
والحرب الاهلية اللى بتحصل هنا دى
عشان نكمل نشر الغسيل الوسخ بس على ضيق شوية
فعلا امة ضحكت من جهلها الامم
حلم الصعود للمونديال
منذ شهر فبراير عام 2008
وتحديدا يوم 10 ان -لم تخنى الذاكرة-
يوم نهائى بطولة افريقيا فى غانا
مصر بطلة افريقيا للمرة التانية ع التوالى
مصر اصبحت الاولى افريقيا لمدة 4 سنوات متتالية
200/9/8/7/6
شيئ بطبيعي ان يبدا حلم الصعود للمونديال
نظرا للحالة الفنية اللى وصلها المنتخب
نظرا للمكانة اللى وصلنالها على مستوى القارة
نظرا للانجاز اللى تحقق على المستوى الافريقي
ولكن اتضح ان ماكسيمام انجازاتنا هى على المستوى الافريقي -فقط-
محدش يقولى كان حقنا نصعد للمونديال
لو عايز تعرف ليه بص على مشوار التصفيات بتاعنا
من بداية التصفيات واحنا ماشيين فى ديل الجزاير
بداية بالتعادل على ارضنا
للهزيمة منهم على ارضهم
مع الاخذ فى الاعتبار انهم كانو ماشيين كويس اوى
من اول التصفيات لاخر لحظة فيها
بص بقي على النتايج بتاعتنا كده
كسبت ماتش زامبيا وروندا هناك بالعافية
اتعادلت ماتش على ارضك وخسرت من الجزاير 3 هناك
حتى الماتش الاخير اللى كسبناه هنا وعادلنا بيه الكفة مع الجزاير كسبناه فى الدقيقة 96
اللى هى فى عرف كرة القدم فى ديل الماتش
احنا كسبنا .. اه كسبنا
بس كسبنا ببركة الدعا وبتوفيق ربنا
وبعدين عدلنا مرة فى الوقت الضايع .. مش كل مرة بقي هنلحق نفسنا فى الوقت الضايع
التشكيل كان غلط .. اه كان غلط .. ومش هقول ايه الغلط لانى مش محلل رياضي _واللى عايز يعرف يقولى_
هما لعبو احسن .. اه لعبو احسن .. سيبك من حبة الاستحواذ بتوعنا دول
كانو دون جدوى .. والكورة مش بالاستحواذ _واسألو الاهلى_
احنا مضيعناش كتير .. وزى ماحنا ضيعنا هما ضيعو
الحضرى شال كتير .. ومش اخر ماتش بس الحضرى كل ماتش بيشيل جونين تلاتة على الاقل
يعنى كان ممكن جدا الحلم ينتهى من بدرى فى اى ماتش من اللى فاتو
محدش يقولى الجماهير بتاعتهم وطريقة لعبهم و و و ...
كل الظروف دى بيتعرضلها اى فريق بيلاعبهم
وفرق كتير لاعبتهم وصعدت على حسابهم قبل كده
احنا مش اول فريق ينافس الجزائر
بالعكس فرق كتير غلبتهم قبل كده وصعدت على حسابهم
غير اننا الفريق المصنف الاول على القارة
يعنى المفروض احنا نكسب اى حد
محدش يتهم فى السودان
لان احنا اللى مختارينها .. واحنا عارفين ان معندهمش امن كفاية
دول مش عارفين يأمنو نفسهم اصلا
وبعدين الاحداث اللى حصلت بعد الماتش ملهاش دعوة بالماتش اللى كان فى الملعب
غير ان منظر الملعب كان يوحى ان مشجعين الجزائر اكتر
محدش يسانى ازاى .. بس كان واضح من الصفافير فى كل هجمة لمصر
اجواء الماتش المفروض اننا متعودين على اى اجواء
لاننا معرضين نلعب فى اى ظروف دا لو احنا فريق عالمى يعنى
ما علينا من دا كله
انا مش زعلان على المنتخب ولا على اللعيبة ولا على احلامهم
لان الحاجات دى كانت باديهم هما
وربنا وفقهم وكرمهم فى حاجات كتير اوى اكتر ما كانو يتوقعو
الزعل كله ع الناس اللى اتصدمت دى
الناس اللى مفيش حاجة بتفرحها الا الكورة
الناس اللى وقفت حياتها يوم كامل
الناس اللى استعدت وجابت الاعلام ودهنت عربياتها واستعدت للفرحة
البلد كلها كانت متلونة باللونين الاحمر والاسود
اللبس فى البتارين بقي موضة الاحمر والاسود
الصبغة اتباعت بكميات رهيبة واقمشة الاعلمة
وكل واحدة نزلت اشترتلها طقم بقي .. والترح وما شابه .. كنت حاسس انه يونيفورم :D
بس واضح ان الشعب ده اخره يفرح 4 ايام بس
حالة من الاحساس بالانكسار والمهانة .. واد ايه حجم البهدلة اللى شافها مصريين كتير ومن غير تمن
حالة من الاحساس بالاكتئاب وقلة الحيلة .. وهما فى الاخر راجعين بخفي حنين
حالة من الاحساس بخيبة الامل .. ومش هحكى بقي ردود افعال اسرائيل فى الموضوع ده .. بس عرفو يمسكونا منين
حالة من الاحساس بالاستغراااااااااب
الشوارع ساكته زى ميكون حد ميت او فى نكبة فى البلد .. حد يصدق اننا نكسب هنا 2 وبعدها بومين نروح نتغلب من نفس الفريق وبالطريقة دى
والمفروض ان احنا معنوياتنا فى السما بعد الماتش الاولانى
بجد الشعب دا مسكين جداا
محدش يقول كان حقنا نكسب
المستوى كان نازل والحالة البدنية كانت زفت والافتكاسات بتاعة حسن شحاته بانت نتايجها
الانتشار فى الملعب كان واضح ان فى تفوق للجزائريين
عرفو يمشو الماتش على مزاجهم
وضيعو اكتر من جون شالهم الحضرى زى ماحنا ضيعنا
بس هى دى العادة المصرية
لما ياخدو ثقة زيادة بتتقلب بالضد
واحنا رجال الاوقات الضائعة
لازم نبقي فى سعى دائم ورا جون التعادل
مينفعش نبقي احنا كسبانين ابدا
مبنكرش ان احنا عملنا انجاز
بس بنسبة كبيرة من التوفيق والدعا
ومش كل مرة بقي هنستنى جون الوقت الضايع
مش كل مرة هنستنا فرحة الدقيقة 96
الناس كلها دلوقتى ماسكة فى حكاية الاعتدائات اللى بعد الماتش
مساكين مش عارفين يتلهو فى حاجة تنسيهم مرارة خيبة الامل
شغالين انتقاد وشتيمة ولعن فى الجزائريين
والمشكلة انها دون جدوى
واللى عمال يدور على ثغرة عشان الماتش يتعاد
واللى قلبها سياسة وعايز يسحب سفير مصر ويمشي سفير الجزائر
والفضائيات بقي شغالة ع الحاجات دى
مهو مش لاقيين مادة اعلامية يشتغلو عليها
زى كده ما كانو قالبين الدنيا فى الفضائيات اليومين اللى فاتو دول
والفرحة العارمة اللى كنا شايفينها دى
مع انى مش عارف كان ايه سببها يعنى
كل دى موجة غضب وهتروح
ومش هيتبقالنا غير ذكرى الفرصة السهلة اللى ضيعناها للتأهل كاس العالم
خلونا بقي نعيش حياتنا
وفكرو فى العيد اللى جاى الاسبوع الجاى ده
والايام المفترجة اللى عايشينها
وفى اسعار اللحمة وكده :D
ربنا يباركلنا فى شوية الدعا اللى باقيين لنا...
منذ شهر فبراير عام 2008
وتحديدا يوم 10 ان -لم تخنى الذاكرة-
يوم نهائى بطولة افريقيا فى غانا
مصر بطلة افريقيا للمرة التانية ع التوالى
مصر اصبحت الاولى افريقيا لمدة 4 سنوات متتالية
200/9/8/7/6
شيئ بطبيعي ان يبدا حلم الصعود للمونديال
نظرا للحالة الفنية اللى وصلها المنتخب
نظرا للمكانة اللى وصلنالها على مستوى القارة
نظرا للانجاز اللى تحقق على المستوى الافريقي
ولكن اتضح ان ماكسيمام انجازاتنا هى على المستوى الافريقي -فقط-
محدش يقولى كان حقنا نصعد للمونديال
لو عايز تعرف ليه بص على مشوار التصفيات بتاعنا
من بداية التصفيات واحنا ماشيين فى ديل الجزاير
بداية بالتعادل على ارضنا
للهزيمة منهم على ارضهم
مع الاخذ فى الاعتبار انهم كانو ماشيين كويس اوى
من اول التصفيات لاخر لحظة فيها
بص بقي على النتايج بتاعتنا كده
كسبت ماتش زامبيا وروندا هناك بالعافية
اتعادلت ماتش على ارضك وخسرت من الجزاير 3 هناك
حتى الماتش الاخير اللى كسبناه هنا وعادلنا بيه الكفة مع الجزاير كسبناه فى الدقيقة 96
اللى هى فى عرف كرة القدم فى ديل الماتش
احنا كسبنا .. اه كسبنا
بس كسبنا ببركة الدعا وبتوفيق ربنا
وبعدين عدلنا مرة فى الوقت الضايع .. مش كل مرة بقي هنلحق نفسنا فى الوقت الضايع
التشكيل كان غلط .. اه كان غلط .. ومش هقول ايه الغلط لانى مش محلل رياضي _واللى عايز يعرف يقولى_
هما لعبو احسن .. اه لعبو احسن .. سيبك من حبة الاستحواذ بتوعنا دول
كانو دون جدوى .. والكورة مش بالاستحواذ _واسألو الاهلى_
احنا مضيعناش كتير .. وزى ماحنا ضيعنا هما ضيعو
الحضرى شال كتير .. ومش اخر ماتش بس الحضرى كل ماتش بيشيل جونين تلاتة على الاقل
يعنى كان ممكن جدا الحلم ينتهى من بدرى فى اى ماتش من اللى فاتو
محدش يقولى الجماهير بتاعتهم وطريقة لعبهم و و و ...
كل الظروف دى بيتعرضلها اى فريق بيلاعبهم
وفرق كتير لاعبتهم وصعدت على حسابهم قبل كده
احنا مش اول فريق ينافس الجزائر
بالعكس فرق كتير غلبتهم قبل كده وصعدت على حسابهم
غير اننا الفريق المصنف الاول على القارة
يعنى المفروض احنا نكسب اى حد
محدش يتهم فى السودان
لان احنا اللى مختارينها .. واحنا عارفين ان معندهمش امن كفاية
دول مش عارفين يأمنو نفسهم اصلا
وبعدين الاحداث اللى حصلت بعد الماتش ملهاش دعوة بالماتش اللى كان فى الملعب
غير ان منظر الملعب كان يوحى ان مشجعين الجزائر اكتر
محدش يسانى ازاى .. بس كان واضح من الصفافير فى كل هجمة لمصر
اجواء الماتش المفروض اننا متعودين على اى اجواء
لاننا معرضين نلعب فى اى ظروف دا لو احنا فريق عالمى يعنى
ما علينا من دا كله
انا مش زعلان على المنتخب ولا على اللعيبة ولا على احلامهم
لان الحاجات دى كانت باديهم هما
وربنا وفقهم وكرمهم فى حاجات كتير اوى اكتر ما كانو يتوقعو
الزعل كله ع الناس اللى اتصدمت دى
الناس اللى مفيش حاجة بتفرحها الا الكورة
الناس اللى وقفت حياتها يوم كامل
الناس اللى استعدت وجابت الاعلام ودهنت عربياتها واستعدت للفرحة
البلد كلها كانت متلونة باللونين الاحمر والاسود
اللبس فى البتارين بقي موضة الاحمر والاسود
الصبغة اتباعت بكميات رهيبة واقمشة الاعلمة
وكل واحدة نزلت اشترتلها طقم بقي .. والترح وما شابه .. كنت حاسس انه يونيفورم :D
بس واضح ان الشعب ده اخره يفرح 4 ايام بس
حالة من الاحساس بالانكسار والمهانة .. واد ايه حجم البهدلة اللى شافها مصريين كتير ومن غير تمن
حالة من الاحساس بالاكتئاب وقلة الحيلة .. وهما فى الاخر راجعين بخفي حنين
حالة من الاحساس بخيبة الامل .. ومش هحكى بقي ردود افعال اسرائيل فى الموضوع ده .. بس عرفو يمسكونا منين
حالة من الاحساس بالاستغراااااااااب
الشوارع ساكته زى ميكون حد ميت او فى نكبة فى البلد .. حد يصدق اننا نكسب هنا 2 وبعدها بومين نروح نتغلب من نفس الفريق وبالطريقة دى
والمفروض ان احنا معنوياتنا فى السما بعد الماتش الاولانى
بجد الشعب دا مسكين جداا
محدش يقول كان حقنا نكسب
المستوى كان نازل والحالة البدنية كانت زفت والافتكاسات بتاعة حسن شحاته بانت نتايجها
الانتشار فى الملعب كان واضح ان فى تفوق للجزائريين
عرفو يمشو الماتش على مزاجهم
وضيعو اكتر من جون شالهم الحضرى زى ماحنا ضيعنا
بس هى دى العادة المصرية
لما ياخدو ثقة زيادة بتتقلب بالضد
واحنا رجال الاوقات الضائعة
لازم نبقي فى سعى دائم ورا جون التعادل
مينفعش نبقي احنا كسبانين ابدا
مبنكرش ان احنا عملنا انجاز
بس بنسبة كبيرة من التوفيق والدعا
ومش كل مرة بقي هنستنى جون الوقت الضايع
مش كل مرة هنستنا فرحة الدقيقة 96
الناس كلها دلوقتى ماسكة فى حكاية الاعتدائات اللى بعد الماتش
مساكين مش عارفين يتلهو فى حاجة تنسيهم مرارة خيبة الامل
شغالين انتقاد وشتيمة ولعن فى الجزائريين
والمشكلة انها دون جدوى
واللى عمال يدور على ثغرة عشان الماتش يتعاد
واللى قلبها سياسة وعايز يسحب سفير مصر ويمشي سفير الجزائر
والفضائيات بقي شغالة ع الحاجات دى
مهو مش لاقيين مادة اعلامية يشتغلو عليها
زى كده ما كانو قالبين الدنيا فى الفضائيات اليومين اللى فاتو دول
والفرحة العارمة اللى كنا شايفينها دى
مع انى مش عارف كان ايه سببها يعنى
كل دى موجة غضب وهتروح
ومش هيتبقالنا غير ذكرى الفرصة السهلة اللى ضيعناها للتأهل كاس العالم
خلونا بقي نعيش حياتنا
وفكرو فى العيد اللى جاى الاسبوع الجاى ده
والايام المفترجة اللى عايشينها
وفى اسعار اللحمة وكده :D
ربنا يباركلنا فى شوية الدعا اللى باقيين لنا...
عندما تتذكر جرحا قديما
تجد له مذاقا اخر
لن تأخذ من وقتك الكثير كرر معي ... من صغره وصغر سنه ، عارف معنى إنه من قلبه وروحه مصري ، والنيل جواه بيجري بكار .... أنشر هذه الرسالة فى مدونتك وسترى بكار في منامك وإذانشرتها فى أكثر من عشرة مدونات سترى بكار بالألوان وسيأتيك كابتن ماجد واحتمال النينجا ترتلز .. لا تهمل هذه الرسالة أرسلت إلى شخص وأهملها فانقطعت عنه قناة سبيس تون .. شخص آخر عمل بها فرزق شريط ميكي ماوس الأصلي وأرسلت إلى شخص واستهزأ بها فتحول إلى بوكيمون
:D
:D
الرسايل اللى شبه دى كده ممكن تكون مضمونها كويس
بس بتخنق فى طريقة العرض بقي
واسلوب الترهيب والترغيب بشكل غبي اوى
واللى يخنق كمان الافتكاسات
تلاقي ناس بتضيف حاجات كده عشان تحلى البضاعة
حاجة كمان اللى بينقلو وخلاص
تلاقي حد باعتها ناقصة
والمعنى مش مكتمل بس باعتها وخلاص
وتلاقي اللى باعتها وجنبها اسم اللى باعتهاله
حاجات زى كده
دا اللى بيخليها تفقد قيمتها
بس بتخنق فى طريقة العرض بقي
واسلوب الترهيب والترغيب بشكل غبي اوى
واللى يخنق كمان الافتكاسات
تلاقي ناس بتضيف حاجات كده عشان تحلى البضاعة
حاجة كمان اللى بينقلو وخلاص
تلاقي حد باعتها ناقصة
والمعنى مش مكتمل بس باعتها وخلاص
وتلاقي اللى باعتها وجنبها اسم اللى باعتهاله
حاجات زى كده
دا اللى بيخليها تفقد قيمتها
قصيدة لحافظ ابراهيم .. شاعر النيل
غنتها ام كلثوم
عمل فنى رائع بعتز بيه جدا .. وبحب اسمعها من وقت للتانى
وايمانا منى ان مجد بلد معينة مبيتهدش باخافاقات جيل معين
بس بجد كتير اوى اللى بيحصل ده
شوية مواقف كده ورا بعضها خلت الواحد يكره عيشته فى البلد دى
مش كرها فى البلد نفسها .. بس اهلها اللى موحشينها
اكيد مش كل اهلها .. بس زى مبيقولو الحسنة بتخص والسيئة بتعم
زمان ايام حرب اكتوبر اسمع ان معدل الجريمة كان صفر
معدل المحاضر فى الاقسام كان صفر
يعنى مكانش فى واحد بس بيسرق؟
مكانش فى واحد بس بيقتل؟
مكانش فى واحد بس بينصب؟
مكانش فى بلاغ واحد فى قسم؟
مكانش فى محضر متسجل؟
اه .. تخيلو اه
كانت الاقسام تتصل ببعضها ويسالو
هااا مجالكش اى محضر .. يرد القسم التانى يقوله لا
دا لما كان فى نكبة فى مصر
والناس كلها اتفقت تعمل حاجة عشان خاطر بلدها وعشان خاطر نفسها
تعالى دلوقتى بقي
عايشين فى عصر السلام والرخاء .. الوهمى طبعا
بس الاسم انه استقرار
وهى مصر ايه غير شعب بيحميه جيش .. وشرطة
لما يبقي بتوع الجيش وبتوع الشرطة بيتنااااافسو ازاى كل واحد فيهم يكسر عين التانى
بتوع الشرطة يفترو على بتوع الجيش وهما من غير اثبات
وبتوع الجيش يروحو يكسرو قسم 15 مايو ويدشدشو عربيات البوكس .. ومن غير ما حد يقولهم بم
والمطحون وسط دول ودول الشعب الغلبان
اللى كل من معاه سلطة يحط عليه ويستغله
الاستغلال وصل للشعب بينه وبين نفسه
لما دكتور مشهور شوية يستكبر يكتب علاج للعيانين
تروحله يمص دمك ويحولك على دكتور صغير تحت ايده
لما مدرس مشهور شوية يستكبر يجاوب سؤال طالب عنده
تروحله يقولك اسال المدرس الصغير اللى شغال تحت ايده
لما حتى الكورة اللى هى المصدر الوحيد لسعادة المصريين
لما بتوع الاهلى يولعو علم الاسماعيلي
وبتوع الاسماعيلي يولعو علم الاهلى
وكاريكاتيرات تهزيئ وسخرية
مستغربين ليه ان الجزائريين بيشتمو فينا ويهزأونا ويولعو علمنا
لما ولما ولما ......
واهو بردو مصر بتتحدث عن نفسها
بس بقي حديث ماسخ زى البطيخ الاحمر بس مرشوش
غنتها ام كلثوم
عمل فنى رائع بعتز بيه جدا .. وبحب اسمعها من وقت للتانى
وايمانا منى ان مجد بلد معينة مبيتهدش باخافاقات جيل معينبس بجد كتير اوى اللى بيحصل ده
شوية مواقف كده ورا بعضها خلت الواحد يكره عيشته فى البلد دى
مش كرها فى البلد نفسها .. بس اهلها اللى موحشينها
اكيد مش كل اهلها .. بس زى مبيقولو الحسنة بتخص والسيئة بتعم
زمان ايام حرب اكتوبر اسمع ان معدل الجريمة كان صفر
معدل المحاضر فى الاقسام كان صفر
يعنى مكانش فى واحد بس بيسرق؟
مكانش فى واحد بس بيقتل؟
مكانش فى واحد بس بينصب؟
مكانش فى بلاغ واحد فى قسم؟
مكانش فى محضر متسجل؟
اه .. تخيلو اه
كانت الاقسام تتصل ببعضها ويسالو
هااا مجالكش اى محضر .. يرد القسم التانى يقوله لا
دا لما كان فى نكبة فى مصر
والناس كلها اتفقت تعمل حاجة عشان خاطر بلدها وعشان خاطر نفسها
تعالى دلوقتى بقي
عايشين فى عصر السلام والرخاء .. الوهمى طبعا
بس الاسم انه استقرار
وهى مصر ايه غير شعب بيحميه جيش .. وشرطة
لما يبقي بتوع الجيش وبتوع الشرطة بيتنااااافسو ازاى كل واحد فيهم يكسر عين التانى
بتوع الشرطة يفترو على بتوع الجيش وهما من غير اثبات
وبتوع الجيش يروحو يكسرو قسم 15 مايو ويدشدشو عربيات البوكس .. ومن غير ما حد يقولهم بم
والمطحون وسط دول ودول الشعب الغلبان
اللى كل من معاه سلطة يحط عليه ويستغله
الاستغلال وصل للشعب بينه وبين نفسه
لما دكتور مشهور شوية يستكبر يكتب علاج للعيانين
تروحله يمص دمك ويحولك على دكتور صغير تحت ايده
لما مدرس مشهور شوية يستكبر يجاوب سؤال طالب عنده
تروحله يقولك اسال المدرس الصغير اللى شغال تحت ايده
لما حتى الكورة اللى هى المصدر الوحيد لسعادة المصريين
لما بتوع الاهلى يولعو علم الاسماعيلي
وبتوع الاسماعيلي يولعو علم الاهلى
وكاريكاتيرات تهزيئ وسخرية
مستغربين ليه ان الجزائريين بيشتمو فينا ويهزأونا ويولعو علمنا
لما ولما ولما ......
واهو بردو مصر بتتحدث عن نفسها
بس بقي حديث ماسخ زى البطيخ الاحمر بس مرشوش
الله يرحمك يا عروبة :D
رسائل أحدث رسائل أقدم الصفحة الرئيسية
الاشتراك في:
الرسائل (Atom)
المشاركات
