نسيانك .. صعب .. اكيد

المكان:
سوبر ماركت

التوقيت:
الساعة 3 الضهر

وفى احد الممرات الضيقة فى السوبر ماركت
واحد ماشي بعربية من بتوع السوبر ماركت
وفى الاتجاه المقابل واحدة جاية بعربية طفل صغير

هى: لو سمحت هعدى ازاى انا كده
هو: على فكرة حضرتك اللى داخله غلط .. سلمى!!
هى: أأ !! (بتبص فى الارض)
هو: ازيك
هى: الحمد لله ..انت عامل ايه
هو: الحمد لله ماشي الحال .. انتى كويسة؟
هى: انااا..
هو: انتى كويسة؟
هى: ايوة
هو: الحمد لله .. قولى الحمد لله
هى: الحمد لله .. هو انت بتعمل ايه هنا
هو: بدهن الرصيف :D
هى: هههههههههه انت لسه دمك خفيف
هو: هههههههه يعنى كانو بيقولو
هى: مين دا اللى كان بيقول ..
هو: ..ابنك دا؟
هى: اه .. ابنى .. انت السبب ياحمد انت اللى كنت دايما تـ...
هو: ..اسمه ايه
هى: احمد :(
هو: (بايتسامة خفيفة) احمد؟ .. زى القمر ربنا يخليهولك
هى: يا رب .. انت متجوز؟
هو: ايوة .. هو لو مش متجوز كنت مشيت بالشيلة دى :)
هى: مش لازم يعنى .. فى ستات كتير مش بتطلب كتير .. ولا انت مش فاكر
هو: ملوش لزمة بقي الكلام ده .. خلاص
كنا عاوزين وكنت وكنتى .. محصلش نصيب بقي
هى: :(
هو: بلاش التكشيرة دى :)
هى: حاضر
هو: كنتى جاية تشوفى ايه فى الشارع ده :)
هى: مش فاكرة بقي خلاص
هو: خدى يمين فى شمال هتلاقيه هناك
هى: هههههههههههههه لا لسه جاية من هناك مفيش
هو: ههههههههههههه طيب هروح انا احاسب بقي .. لاحسن هيقفلو علينا السوبر ماركت كده
هى: طيب
هو: سلمى..
هى: ايوة
هو: خدى بالك من نفسك
هى: حاضر :)
هو: ومن احمد .. ومن ابو احمد
هى: حاضر

هو: سلمى..
بلاش الدموع دى

ولف عربيته الناحية التانية ومشي .. وهو الدموع ماليه عنيه
..

24 Comments:

  1. MOROOOO said...
    نسيانك صعب اكيد :(

    رووووووووووووووووووووعه

    استمر
    !! a7mad sala7 !! said...
    لا هو مشهد كده بس :)
    morgana said...
    /لا هو مشهد كده بس :)/
    يعني مش قصه يعني ولا ايه؟؟

    وبعدين حد ينزل الساعه 3 السوبر ماركت
    ده ايه الحر ده
    ده لو هيقعدو من غير اكل في البيت مش هنزل بردو
    ده علي اساس ان انا بنزل اصلا:D

    طب كمل طيب
    !! a7mad sala7 !! said...
    لا مش قصة
    هو مشهد بس كده

    حصل وكل واحد راح لحاله

    وبعدين هما مش نازلين مخصوص
    هما راجعين من اشغالهم :D
    غير معرف said...
    ايوة كل واحد فينا :: راح وعاش حب جديد
    بس لسه الخير مالينا :: وكل شيئ قسمة ونصيب
    !! a7mad sala7 !! said...
    وياريت اللى يشوفها .. يسألها .. عاملة ايه :D


    شكرا للمداخله اخى الغير معروف :)
    OlivE said...
    المشهد حلو جدا ومؤثر :)

    بس بالله عليك
    واحده متجوزه ومعاها ابنها
    واول ما تشوفه بعد كام سنه
    ترمى ليه الجمله دى
    //
    هى: اه .. ابنى .. انت السبب ياحمد انت اللى كنت دايما تـ...
    //
    وهو يقطعها !!!

    أزاى بس

    دا ميقللش من الحوار طبعا ولا من القصه اللى على الماشى دى
    بس غظتنى الجمله دى اوى :(
    !! a7mad sala7 !! said...
    صح

    اوفر شوية الحتة دى :D


    نصلحها فى الفيرجن الجاى


    منوره :)
    ЯậŇ MỗŘỹ said...
    سلام الله عليكم و رحمته و بركاته
    \\
    بلاش التكشيرة دى :)
    \\
    حاضر

    \\
    خدى بالك من نفسك
    \\
    ان شاء الله

    \\
    بلاش الدموع دى
    \\
    طيب


    سبحان الله لسه صاحبتى قايلاهم لى قريب
    الحمد لله على كل شئ
    أكيد منوره البلوء d:
    !! a7mad sala7 !! said...
    هههههههههههههههههههههههههههههههههه


    منورة طبعا يا رونة :)
    :) said...
    go on
    !! a7mad sala7 !! said...
    :)

    ههههههههههههههههه

    //

    a7mad: العاطفيين بيقرو فى البلوج بتاعى
    a7mad: واحنا معاهم
    :): >:P

    //

    :D
    e_emy said...
    كده كتير
    )):

    غير بقى وهات اتنين بيحبوا بعض واتجوزوا D:

    بس حلو طبعا (:
    !! a7mad sala7 !! said...
    ههههههههههههههه

    المرة الجاية بقي :D
    halaS demahoM said...
    فين ياد ردي
    !! a7mad sala7 !! said...
    مهو ادامك اهو
    sadness princess said...
    لا انا عايزه اعرف بقى ايه اللى حصل بينهم
    وليه سابوا بعض :(
    وكمان بجد عنوانها جميييييل جدااا :)

    ووصف الاحداث جميل أوى

    keeeep going
    !! a7mad sala7 !! said...
    الموضوع ببساطة انهم كانو بيحبو بعض
    ومحصلش نصيب وكل واحد راح لحاله
    وهو اتجوز وهى اتجوزت
    واتقابلو صدفة فى المشهد ده

    ومفيش بقية
    هو النوع دا كده
    قصة المشهد الواحد

    ونورتيني يا ابله :)
    غير معرف said...
    مش عارفه ليه لما قراتها افتكرت فيلم حب البنات ساعه لما ليلى علوى هى واشرف عبد الباقى كانوا فى السوبر ماركت وقابلو ندى اللى هى بنت عمر واتصدمت بردو لما شافته بس هم رجعوا لبعض فى اخر الفيلم وهو طلق مراته اللى كان اسمها مها
    قصتك حلوه اوى وكئيبه كالعاده اطلع من المود ده بقى انا واثقه انك لو كتبت فى اتجاه تانى هتبدع بردو :)
    halaS demahoM said...
    \\
    مهو ادامك اهو
    \\
    لاء دول كانوا اتنين
    !! a7mad sala7 !! said...
    لا كفاية واحد
    !! a7mad sala7 !! said...
    ميوش

    هههههههههه
    ك العادة
    طيب هنغير الاتجاه ان شاء الله

    بس اوعديني انك تتابعى بقي كداهوان ;;)
    غير معرف said...
    سمت ابنها على اسمه
    يااااااه
    يا جبروتك يا اخى :D
    !! a7mad sala7 !! said...
    ههههههههههههههههههههه

    وفيها ايه يا عم الحاج
    اهى ذكرى طيبة :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds