رأيك فيا..


رأيك فيا لا يدل عليا .. ولن يدل عليا

الى اى مدى مستفزة الجملة دى؟؟

7 Comments:

  1. halaS demahoM said...
    ويا انا يا السفاره في قلب العماره

    وايييييييييييه

    اسمع يا سيد سيد
    كتير من الناس بيقولوا كده
    ان لم يكن كلهم
    بس للاسف الحقيقه بتبقي تمام غير كده
    كل تصرفاته فقط لجزب انتباه الاخرين
    ولما تيجي تمدحه
    يبقي منشكح 24 قيراط ويقولك قسم يا سيدي
    بيبقي باين علي وشه
    ولما تيجي تقوله عيب فيه
    بيقول

    رأيك فيا لا يدل عليا

    طب يلا روح دور علي واحد رايه فيك يدل عليك


    مش انت طبعا انا بتكلم عامة
    لكل اللي بيقولوا كده

    حقيقة يا ابوصلاح
    راي الناس ليه اولويه عاليه جدا عند الشرق كلهم
    ورأيهم ان لم يدل عليك فهو يأثر فيك
    س ل ا م ي
    e_emy said...
    ممممممممممم

    هو حسب مين الى بيقول رايه عليا
    يعرفنى ولا ميعرفنيش
    وكمان رأيه ممكن يكون صح وممكن لا


    بس الجمله مش مستفذه لو انا بقولها
    بس اكيد مستفزه لو حد قالهالى D:

    علشان كده مش اى حد نقوله رأينا فيه
    لانى ممكن اكون غلط ..
    وكمان مش اى حد هطلب منه يقول رأيه فيا ..
    !! a7mad sala7 !! said...
    رجل الكهف

    اينعم هو بيبقي منشكح وفرحان
    بس بردو دا مقياس ان المدح ده صح
    مهو يمكن يكون بينافقه ولا بيجامله
    ويبقي بردو مش بيدل عليه


    وبعدين الرأى بيأثر اينعم
    لكن بردو انت خرجت عن الموضوع..
    !! a7mad sala7 !! said...
    انا بتكلم عن نقطة معينة فى سؤال تحت

    هل الجملة دى مستفزة بالنسبة للى بيسمعها

    يعنى لما واحد يقولك كده بيستفزك ولا عادى

    هو فعلا رايك فى حد مبيدلش عليه
    لانك احتمال كبير تكون مش فاهمه كويس
    او متعرفش عنه كفاية


    وعلى فكرة دى جملة ابراهيم الفقى
    مش جملتى
    !! a7mad sala7 !! said...
    ايمي

    صح

    بس انا بتكلم بشكل عام

    يبقي عامة لا يدل عليا فعلا



    لما حد يقولهالك بتستفزك
    طب انا هقولهالك بقي :P

    :)
    halaS demahoM said...
    معلش انا مخدتش بالي من السؤال
    انا بحسبك حد اداك في سنانك قمت جاي كاتب هنا
    فرديت عليك عادي يعني
    بس مخدتش بالي من السؤال بصراحه

    اعلق الاول بس علي جزئيه علشان منساش
    \\
    وعلى فكرة دى جملة ابراهيم الفقى
    \\
    علي عيني وعلي راسي
    وكويس جدا انك فكرتني ان في حد اسمه ابراهيم الفقي
    المهم يا سيدي عشان الناس اللي بتكره الراجل ده
    الدكتور ابراهيم الفقي
    بيقول كده فعلا
    بس في حالات معينه
    لما واحد ييجي يرخم عليك او ييجي يجيبلك احباط
    بقي انت هتعمل كده ... كان غيرك اشطر
    فبيقول المقوله دي
    ان مهما كان رايك ... فانا انا كما أري
    ده اللي يقصده

    وبالنسبه للسؤال
    بعد ما عرفت ان ابراهيم اللي قايلها حبيتها
    هههههههههه
    بثبته عشان لو قرا الموضوع
    لا يا سيدي انا اي حاجه بتستفذني مبسعهاش ... ولان الجمله دي استفزتني في اول مره فمسمعتهاش بعدها رغم انها اتقالت قدامي اكتر من مره
    حاكم انا بكره البغبانات اللي بتقول من غير ما تكون فاهمه حاجه
    وبيبقي هاين عليه اديهم بضهر ايدي زي الخدامين
    بس بريح دماغي واعمل نفسي مش سامع
    عشان كده لما انت قلتها
    لبستك ودان ومناخير كبيره
    واعتبرتك شعبولا ونازل بتغني
    واييييييييه
    بس
    بس الجمله بتستفذني شخصيا
    منفيه بحرفين
    تحس ان اللي بيقولها واد كده ميعجبكش يا عم الشيخ
    واد منفوخ ولو شكيته بدبوس من دبابيسي هيبقي عامل زي البالونه لما بتفرقع-في حالة انك لقيت ليها وجود اساسا-
    يلا مش عاوز اتكلم عن نفسي
    س ل ا م ي
    !! a7mad sala7 !! said...
    هههههههههههههه

    يابنى لو حد ادانى فى سنانى هديله فى سنانى انا كمان
    مش هاجى ادى البلوج فى سنانه

    وبعدين رد براحتك
    ابراهي مالفقي مبيجيش هنا كتير للدرجادى :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds