مجـدى_3

مجدى: مش دى مروة .. انا عارفها كويس
ام مجدى: يابنى تلاقيها واحدة ضيفة عندهم
مجدى: اممممممممم
.
.
ام مجدى: الف مبروك يا حبيبتي .. عقبال مانشوف الاولاد
مروة: الله يبارك فيكي يا طنط .. عقبال مجدى
ام مجدى: يا رب يا بنتى .. ريقي نشف معاه .. مش عارفه مستنى ايه
عادل: هو كده يا حاجة .. مش وش نعمة انا عارفه
مجدى: خلاص يا خفيف .. اهدى شوية
عادل: اه .. اه .. شوفتى يا حاجة بيزغدنى ازاى :P
.
.
اسبوع كمان وهما فى الشغل

مجدى: هل هلالك يا عريس .. اخيرا افتكرتنا
عادل: والله يابنى ما كنت عاوز افتكركو اصلا
مجدى: ههههههههه .. طول عمرك واطى
اخبار الجواز ايه يا بوب
عادل: ملاكش دعوة .. خليك جنب الحاجة
مجدى: ماشي يا عم مانا مخليني اهو
مش هتفطر معايا؟
عادل: لا يا حبيبي .. سبقتك .. زمن الفطار هنا دا راح خلاص
مجدى: حقك يا عم .. تفطر هنا ليه بقي مخلاص .. معادش فى اكل الحاجة ام مجدى دلوقتى .. فى اكل حبيبة القلب
عادل: لا ياخى ام مجدى دى الخير والبركة بردو .. هى عاملة ايه
مجدى: تعبانة والله يا عادل .. انا قلقان اوى .. المرادى غير كل مرة
عادل: خير ان شاء الله .. باذن الله تقوم بالسلامة
مجدى: يا رب المرادى غير كل مرة .. امى مش عاجبانى خالص :(
.
.
تانى يوم مجدى مجاش الشغل

عادل: الو .. ايه يابنى مجيتش ليه النهارده
مجدى: امى تعبانة اوى يا عادل .. انا فى المستشفي
عادل: اهدى بس .. حصل ايه
مجدى: جالها غيبوبة الصبح ونقلتها المستشفي .. فى العناية المركزة دلوقتى
عادل: يا خبر .. طب انا جايلك اهو .. سلام
.
.
عادل: ايه هى عاملة ايه دلوقتى
مجدى: جيب العواقب سليمة يا رب
امى بتموت يا عادل
عادل: متقولش كده يابنى .. هتخف وتروح معاك ان شاء الله
مجدى: يا رب
.
.
باب العناية المركزة فتح

عادل: ايه يا دكتور الحاجة عاملة ايه
الدكتور: البقاء لله...
.
.

بعد العزا

عادل: شد حيلك كده يا مجدى .. قضاء ربنا ونفذ
مجدى: ونعم بالله .. انا بس مش عارف هرجع البيت ازاى من غيرها
عادل: هترجع والحياة هتكمل .. ادعيلها انت بس
مجدى: ربنا يرحمها ..
.
.

عدى 6 شهور .. ومجدى حالته مش كويسة

عادل: ايه يابنى مالك كده .. مش عهاجبني اليومين دول خالص
مجدى: امى كانت كل حاجة بالنسبالى يا عادل .. من غيرها مش عارف اروح ولا اجى
كانت شايله عنى كل حاجة
عادل: ايوة بس دا قضاء ربنا .. امك مش هتفضل عايشاك طول العمر
وبعدين انت ازاى معملتش حساب يوم زى ده
مجدى: اعمل حسابه ازاى يعنى
عادل: يعنى لازم تتجوز يا مجدى .. انت مبقيتش صغير
وانت فى امس الحاجة للجواز دلوقتى
انت بقيت لوحدك .. ولازم يكون ليك بيت واسرة وتعيش حياتك زى بقيت الناس
مجدى: انا مبفكرش فى الموضوع دا خالص
عادل: لا لازم تفكر .. امال هتفضل ع الحال دا كتير ولا ايه
مجدى: طب اديني فكرت .. ايدي على كتفك يا سيدي
عادل: سيبلي انت الحكاية دى .. انا هظبطك
مجدى: يا خوفي منك انت
عادل: عيب يا ميجو دانت حبيبي ;)

يتبع..

15 Comments:

  1. morgana said...
    زعلتني علي امو مجدي
    ربنا يرحمها كانت ست طيبة
    :( :( :(
    غير معرف said...
    الله اكبر
    بعد الشر x-(
    مجدى وام مجدى ومروه لسه مين تاااااانى ؟
    Unknown said...
    الله يرحمك يا ام مجدي
    يا زين ما خلفتي

    وبعدين مين مروه دي
    اوعي تكون صاحبة الواد علاء
    وبعدين غير الاسم ده عشان بكرهه
    !! a7mad sala7 !! said...
    مورجانة


    الحى ابقي من الميت يا عم الحاج
    !! a7mad sala7 !! said...
    ميوش

    هههههههههههههههههه

    شوفى انتى مين ناقص وانا فى الخدمة :))
    !! a7mad sala7 !! said...
    العزازى

    مروة دى مرات عادل يا عم
    ركز

    تلاقيك مقريتش الجزء الاولانى كويس


    وبعدين مين علاء ده


    وايه الاسم اللى بتكرهه
    عشان اكرره تانى :D
    أنشودة said...
    :0
    مش زى ما توقعت:(
    بس الحلقه قصيره جدا
    متابعين ان شاء الله
    !! a7mad sala7 !! said...
    لا توقعاتك صح

    صبرا بس

    وانا حاسس بردو ان الحلقة قصيرة
    هسرع الرتم شوية حاضر :)
    MOROOOO said...
    يا دى مروه اللى مش عاجبه الناس
    انا بقول تغيره
    وبسررررررررررررررعه بقى عايزه الباقى :)
    !! a7mad sala7 !! said...
    مورو

    لا ملهاش دور تانى كده خلاص
    تقريبا يعنى

    وهسرع اهو
    محدش يزوئنى بس :D
    e_emy said...
    ربنا يرحمها ):

    محدش بيحس بقيمة حاجه غير لما تروح منه
    e_emy said...
    اسم البلوج حلو ..

    والى قبله كان جميل جداااا برضه (:
    !! a7mad sala7 !! said...
    ايمي

    هى الناس كلها متعاطفة مع است دى ليه
    هى علقت معاكو اوى كده :D

    ميرسي جدا اوى خالص على ذوقك
    :)
    ma ml ta said...
    القصه جميله
    حتت الوفاه دى مؤثره جدا مش عشانها ام مجدى بس عامة الموقف ده صعب جدا ويحس بى اكتر اللى فعلا فراقوا حد بيحبو
    بجد الجزء ده اثر فيا جامد


    بالتوفيق
    !! a7mad sala7 !! said...
    وهو دا المتوقع
    السيناريو اكيد عايز كده :D

    يشرنى انك متابعه
    والجاى افضل ان شاء الله :)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds