مجـدى_1

ترررررررررررر
رررررررررررررررررر
ررررن
>>بس يخرب بيتك دانت مؤرف
عرفت ان الساعة 7 ونص والله
اوففففف يا سااااااتر .. لازم كل يوم اصحى بالعافية .. ولازم كل يوم مانامش بدرى .. ولازم كل يوم اصحى افش غلى فى المنبه المسكين ده
ترررررررررررررررررن .. او على رنة البني ادم ده

مجدى: الو ايوة يا عادل
- ايوة صحيت .. ومش هنام تانى .. مش هتأخر متقلقش .. ومش هنسي الساندوتشات امى عاملاها برا اهى
- حاضر همون العربية .. وعارف اننا خارجين باليل .. سلام
عادل: اااايوة طب مانت حلو اهو .. يالا سلام
مجدى: سلام
.
.

مجدى معلق الفوطه على كتفه وطالع م الاوضة

مجدى: صباح الخير يا ماما
امه: صباح الخير يا حبيبي .. الساندوتشات اهى .. واللبن ع النار على ما تطلع م الحمام هكون عملتلك الكاكاو
مجدى: تسلم ايدك يا امى :*

مجدى نزل راح شغله
صباح الخير يا جماعة
ايه الاخبار .. كله تمام
طيب الحمد لله
محدش شاف عادل النهارده؟؟
.
.
دخل على مكتبه
لقي عادل قاعدله ع المكتب

عادل: ايه يا بوب .. ازيك
مجدى: اهلا ياخويا .. صباحك زى وشك
عادل: زي بعضه .. يالا عايزين نفطر .. يا رب ارحمنى من الفطار مع البنى ادم ده
كلها اسبوعين بالظبط وافطر فى بيتي .. مع مراتى حبيبتي
مجدى: مش عاجبك الفطار يا معفن .. خلاص سيبه
عادل: لالالا .. ايه يا حبي هو انا اقدر اكمل اليوم من غير ساندوتشات الحاجة امو مجدى حبيبتنا
بس الواحد عايز يستقر يعنى
مجدى: تستقر ازاى يعنى .. امال انت طاير ولا ايه .. مانتى زى الفل اهو
عادل: بكرافتتك دى .. زى الفل؟
يا راجل بص لنفسك بقي فى المرايا كده
فين اللمسة .. فين السينس
فين دى .. فين دى
مجدى: اوعى يالا يا تافه يالا .. مالها الكرافاته مهى حلوة اهى
عادل: ايوة اعدل اعدل .. مش مظبوطة وبردو :P
مجدى: يالا يلا من هنا .. مفيش فطار
عادل: هههههههههههههه يا عم هدى اعضائك .. انت نرفوز ليه كده
انا عايز مصلحتك يا بوب .. الجواز بيفرررق
مجدى: ربنا يسهل .. ربنا يسهل

اليوم خلص والمروحين

عادل: ايه يا بوب .. مش يالا
مجدى: ايه بوب دى يابنى .. دانتى بنى ادم فصيل
عادل: ههههههه على اساس ان فصيل هى اللى طبيعية .. يالا نمشي يا عم
فكك من الضمير اللى نزل عليك ده .. نكمل بكرة
مجدى: خلاص خلصت يالا
.
.
عادل: راكن عربيتك فين؟
مجدى: هناك اهى .. هتعدى عليا الساعة كام بالليل
عادل: يعنى 7 كده .. هكلمك قبل ماجى
مجدى: طيب تمام
عادل: صبركو عليا بس .. هما اسبوعين ومش هعبر حد فيكو
اخرج مع مراتى بقي \:d/
مجدى: هههههههههه ايوة يا عم
عادل: يابنى صدقنى تفرق كتير .. خليك انت كده
مجدى: يا عم خليني كده .. ايه شايفنى ماشي بعرج .. مانا حلو اهو
عادل: ماشي يابو لماضة .. نزلنى يالا .. هجيب اكل من هنا
لسه هجيب اكل واطلع احضر .. حاجة تقرف
مجدى: هاءااااااااو .. انا هروح الاقي الاكل جاهز
ربنا يخليلي الحاجة .. من غيرها ولا هعرف اتحرك
عادل: ربنا يديها الصحة يا سيدي .. يالا سي يو
مجدى: وهو كذلك :D

يتبع ..

16 Comments:

  1. MOROOOO said...
    ها وبعدين ؟

    شكلها هتبقى لذيذة
    يلا بسرعة كملها
    ما بحبش الانتظار :(
    ЯậŇ MỗŘỹ said...
    سلام الله عليكم و رحمته و بركاته
    أما نشوف اخرتها مع سى مجدى
    عاوزه أعرف القصه بتتكلم عن ايه و يا ريت ما تبقاش نكد زى المره اللى فاتت d:
    و على فكره عمو مجدى متجوز المحل بتاعه تحتنا اهوه
    sony2000 said...
    طب ماتكمل ياااااااعم
    هو لاذمن الحلقه الجايه
    ماشي:)
    أنشودة said...
    واتينج
    غير معرف said...
    بص بصرف النظر عن انى مفهمتش حاجه لكن احلى ما في القصه دى اسمها [مجدى]:)
    يلا كملها عشان اعرف ايه الحكايه بالظبط وسلملى على ام مجدى وحشانى :D
    e_emy said...
    جميييييييله جداااااااا (:
    halaS demahoM said...
    مجدي ده دماغه شكلها عاليه
    ويستحق عنوان الحياه ستاند اب

    خدلك بيضه من بتوع شم النسيم
    *
    ماهي لون عربيه مجدي؟؟؟
    *
    غير معرف said...
    و زى ما قال عادل

    سى يو الجزء الجاى D:
    !! a7mad sala7 !! said...
    مورو

    ومين بيحب الانتظار
    بس هى دى ضريبة المتابعة :D

    هتكمل ان شاء الله

    صبرااااا
    !! a7mad sala7 !! said...
    روح


    ماوعدكيش انها متبقاش نكد

    بس ربنا يسهل هحاول


    سلميلي على مجدى بتاعكو
    واساليه لو كان يعرف عادل ولا لا :D
    !! a7mad sala7 !! said...
    سونى

    لاااااااااااا

    دا مش الحلقة الجاية بس

    دا اللى بعدها واللى بعدها

    القصة اللى فاتت كان فى 7 يتبع

    كل جزء ليه يتبع بتاعته
    وكل يتبع ليها مذاقها الخاص :D
    !! a7mad sala7 !! said...
    انشودة



    كامنج :)
    !! a7mad sala7 !! said...
    ميوش

    طبعا

    مجدى دا حبيبنا
    لازم يبقي حبيبنا ;)

    وبالنسبة للحاجة
    انتى اقرب منى بقي
    تسلميلنا من عندك :D
    !! a7mad sala7 !! said...
    ايمي

    من اولها كده؟

    طب هتقولى ايه لما نكمل بقي

    دايما سابقه بذوقك كده

    :)
    !! a7mad sala7 !! said...
    رجل الكهف

    اخيرا طليت علينا

    لون عربيته يا سيدي كرنبي
    بس وهو فى اوانه
    !! a7mad sala7 !! said...
    ستار

    سي يو ;)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds