كانو مناسبتين فى الكلية النهارده


يوم اليتيم:
جايبين مجموعة اطفال ايتام
وكان فى احتفال صغير كده وشوية جوايز
وكان فى DJ .. بس فوجئت بحبة حاجات كده
رقص وحاجات غريبة !! ..

اليوم الرياضي:
كان فى دورة كورة فى الملعب النجيلة بتاعنا
مكانتش بطالة .. ومكانتش ممتعة اوى
المهم اننا غلبنا فريق الموظفين :))
ما علينا

المهم انى بقالى 4 سنين فى الكلية
اول مرة اشوفها بالشكل ده
بجد بجد .. مختلفة :D

SOMEBODY

Moga stand up


يا اخوانا حد يكلملى بتوع موجا ستاند اب

عايز اسجل حلقة
ضروووورى
ومحدش يسالنى عن ايه
اللى هيكلمهوملى هقوله عن ايه
:D

عــك


يخرب بيت العك اللى فى الدنيا


مفيش حاجة بتتعب اكتر من الكلام الكتير والتفكير

لو الناس تبطل الداء الزفت ده كله هيستريح

عقم تدويني


ناس بتعمل بالبلوجين والتلاتة وشغالين زى السكينة فـ الحلاوة
وناس عندها بلوج واحد ومش قادرين عليه

دا اللى عنده حمارين تعبان فى تربيتهم على راى هانى رمزى
فما بالك باللى عنده 3 بلوجات
انا مش عارف الناس دى هتحدد النسل امتى .. قصدي المدونات :D

اللى عاوز اقوله انى بمر بفترة عقم تدويني اليومين دول
مش عارف ليه مفيش موضوع كامل بيتكون فى دماغى
حتى اخر بوستين بيتكلمو فى اللاشيئ تقريبا

حاسس ان مش انا بس
انا شايف ان معظم البلوجات مبتتكلمش فى حاجة واضحة حاليا
يمكن دى غيامة ومعدية ع الناس كلها
ولا يمكن دى ظروف عند كل الناس بردو
ولا هل كانت تقلبات الجو ليها دور فى هذا
مش عارف

ساعات بلاقي فترة نشاط تدويني كده
اقفل الجهاز وافتح الاقي مواضيع كتير مفتوحة
وكلها مواضيع محتاجة نقاش يعنى
او مواضيع تشد انك تقراها

كنت احيانا بيبقي فى دماغى بوستين تلاتة فى اليوم
واحيانا كنت بكتب بوستين وتلاتة فعلا فى نفس اليوم
حاليا بفتح البلوج كل يوم وتحس ان زراير كيبوردى اتمسمرت

حتى مبقيتش ليا نفس ازور اى مدونات
ولو زورت غالبا مبردش
لكن عاوز اقولكو انى متابعكو كلكو
بس من حين لاخر يعنى

سلامى لكل المدونين
اللى نسيونى واللى لسه
ودعواتكم ان ربنا يرزقنا بالذرية الصالحة
قصدي يفك العقم التدويني ده :D

:-??


حاجات غريبة بحسها وانا بين .. اديكي
كتير بخاف منك وكتير بخاف .. عليكي


لا القرب مرتاحله .. ولا البعاد هقدر عليه

!!!

;;)



فلغيرة النسوااااااااان .. فعل الخنجرِ
;)


ايهم تتمنى

سؤال بييجي فى بالى كتير

كل شيئ مكتوب ولكل اجل كتاب .. دى حقيقة لا نقاش فيها

لكن من باب الامانى

تتمنى تموت قبل يوم القيامة .. ولا تفضل عايش لحد ما تقوم القيامة

القبر ليه اهوال .. ويوم القيامة ليه اهوال

مقصدش يوم القيامة لما يبعث الناس
لان كله بيبعث حتى اللى فى القبور

اقصد يوم القيامة بكل حزافيره .. منذ ظهور جميع العلامات الكبري والصغري وحتى البعث لجميع الناس

القبر حياة اخرى بجميع تفاصيلها
ويوم القيامة ليه مراسم ملهاش شبيه بجميع تفاصيلها
انت تتمنى تكون فى اى موقف

اللهم احسن خواتيمنا اجمعين


بسم الله ما شاء الله
يا رب اشوف ابنى شبهه :)

نأسف لانتهاك حقوق الطبع والنشر

اتسرق
واتسرق فى وقت قاتل
كنت اتمنى يتسرق الاسبوع الجاى بس حتى :D
على مانزل الحاجات بتاعتى .. واخلص المشوارين اللى عندى
بس يالا بقي اهو نصيبه كده .. خلص خدمته معايا

وعلى الفور توجهت لاقرب مركز لموبينيل
الكائن بجهة شارع شبين امام رضا حلمى
وقمت باستبدال شريحة جديدة بدلا من المفقودة
العملية لم تستغرق اكتر من 5 دقايق .. ولم تتكلف سوى 5 من الجنيهات
وانا واقف على طول .. ناس طيبين اوى يا خال
شاطرين احنا اوى فى الحاجات دى
لو واحدة رايحة تخلص معاش جوزها كانت ماتت قبل ما تشوف المعاش :D

يالا الحمد لله
المهم انى رجعت خط من التلاتة
واهى حاجة من ريحة الغالى
عقبال الخطين التانيين .. وموبايل جديد بقي


كونى مصدر ثقتى
كونى بنائى ومدمرتى
كونى املى وهبتي
كونى منقذى عند كبتى
كونى كلامى فى لحظات صمتى
كونى نبرة حسي وصوتى
كونى كما اريدك انتى
كونى اختى .. كونى صاحبتى .. كونى حبيبتى


كونى قائدى لهدفي
كونى نقطة ضعفي
كونى ليني وعنفي
كونى أمنى عند خوفي
كونى مرآتى وشرفى
كونى مميزة من دون الفِ

كونى ونيسة نومى
كونى صديقة يومى
كونى بطلة حلمى
كونى معرفتى وعلمى
كونى مربيتي وامى
كونى جميع مفردات الكلمِ

كونى مفتاحا لقلبي
كونى اخر حبِ
كونى لنجاحى سببِ
كونى طعامى وشربي
كونى مكان لهربي

كونى مرساى ومينائى
كونى ارضي وسمائى
كونى مرضي ودوائى
كونى علاجا لشفائى
كونى مجمعة لاشلائى
كونى سعدى وهنائى

كونى لما لشملى
كونى كل اهلى
كونى عجلى ومهلى
كونى صعبي وسهلى

كونى وردى وازهارى
كونى رحلة عمرى
وايضا كونى قبري
كونى جنتى ونارى

كونى فرحى وسرورى
كونى تعبي وصبري
كونى انتصارى وفخرى
كونى كل البشرِ
انا رجل .. بلا قدر .. فكونى انتى لى قدرى
مش منقولة
:)

رسائل أحدث رسائل أقدم الصفحة الرئيسية

Blogger Template by Blogcrowds