ولا وجع القلب


بكرة الايام تعدى
تضحك وتقول .. مش معقول
انا كنت بعمل كده ؟!!

10 Comments:

  1. ShiMOo said...
    \\
    بكرة الايام تعدى
    تضحك وتقول .. مش معقول
    انا كنت بعمل كده ؟!!
    \\

    لا وتضحك باستغراب كمان
    شوفت الأيام بقى !!!

    اممممممم بس دي حاجه طبيعية على فكره لان بمرور الوقت تفكير اي حد فينا بيتغير او بمعنى اوضح (بينضج) بالتالي تصرفاتك زمان في موقف معين مش هيبقى زي تصرفك دلوقتي في نفس الموقف وتحت نفس الضغط ومش معنى كده برده ان تصرفك زمان كان غلط ولما تفكيرك اتغير بقى رد فعلك دلوقتي هو الصح
    ممكن اوي يكون رد فعلك في نفس الموقف (زمان و دلوقتي) الاتنين صح بس واحد صح والتاني أصح D:

    وكفايه بقى علشان تقريبا محدش فاهم حاجه D:
    ЯậŇ MỗŘỹ said...
    السلام عليكم و رحمة الله و بركاته
    اه انا برده لما بفتكر و انا صغيره بقول انا كنت مجنونه كده ليه
    و شوية تصرفات اقول ايه التفاهه دى
    و الشعر اللى من سنه قلت ايه البتاع ده ده مش منظر شعر خالص
    u r right
    و لـ شيمو
    \\
    وكفايه بقى علشان تقريبا محدش فاهم حاجه D:
    \\
    أنا فهمت و ربنا و متفقه معاكِ
    سلاموز بقى
    !! a7mad sala7 !! said...
    ShiMOo

    اكيد
    بس ماعتقدش ان الاتنين صح
    لان لو كان صح مكنتش هستغرب دلوقتى

    اكيد مع الوقت وخبرة الحياة التفكير بيتغير والتصرفات بتتغير
    ورد الفعل كمان بيكون غير
    !! a7mad sala7 !! said...
    لا سيبك من واحنا صغيرين اوى


    يعنى واحنا كبار بردو
    بس مش كبار اوى يعنى :D

    من فترة قريبة جدا كانت فى حاجات غريبة بتحصل
    وردود فعل غريبة فى بعض مواقف

    لو اتكررت مية مرة مش هعمل نفس رد الفعل دا فى ولا مرة منهم

    يالا ما علينا ..
    غير معرف said...
    ههههههههههه

    انا بضحك على نفسى وانا دلوقتى من قبل الايام ما تعدى

    الواحد احيانا بيعمل حاجات بيقعد يفتكرها ويبقى هيموت من الضحك على نفسه واحيانا بيضايق من حاجات عملها من غير قصد وحاجات كان لها اثر على المدى البعيد

    بس كله فى الاخر بيعدى وبتبقى ذكريات بتكون ماضينا وتحلى حاضرنا
    هناء محمود said...
    كنت بتعمل إيه ؟


    كلنا بيحصلنا كدة فعلا
    The illusionist said...
    صح يا ابو صلاح
    واحشنى
    قولت اصبح عليك
    كلامك ده بفكر فيه كل سنه لما اقول
    ياه كنت بعمل كده وانا فى ثانوى
    كنت بعمل كده وانا فى اولى جامعه
    كل سنه بنعمل كده على اللى قبليها
    عجبنى العشر كلمات دول
    بيقولوا كتير قوى يا ابو صلاح
    !! a7mad sala7 !! said...
    star in the sky

    هههههههههههههههههههههه
    المشكلة ان احنا دلوقتى اكيد بنعمل حاجات وهنضحك عليها بعدين بردو نستغرب
    وهنفضل كده بس مش عارف لحد امتى

    وبعدين لو معملناش حاجة تضحك او حاجة غريبة شوية اكيد مش هنفتكرها بعدين

    يالا خلينا نخبط بقي :D
    !! a7mad sala7 !! said...
    ام بوبه

    هى مش حاجة معينة
    او حتى مش فى موضوع معين

    هى مسألة سلوكيات كده وردود افعال


    وبعدين هو ايه دا اللى بيحصلنا كلنا
    انا بقي عايز اعرف ايه اللى بيحصلنا كلنا ده
    امانة عليكي لتقوليهولى :D

    نورتى :)
    !! a7mad sala7 !! said...
    The illusionist

    ازيك يا زناتى
    انت اوحش :P
    قصدي واحشنى اكتر يعنى

    وانت عديتهم وطلعو 10 كمان

    طيب يا سيدي نورتنى ونورت ال10 كلمات

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds