محتاجالك يا خالد_4


يا جماعة الاحداث فى دماغى بس مش كاتبها
مش بمزاجى انى بنقطكو كده .. كل يوم بكتب جزء
لو مكتوبين عندى جاهزين .. مكنتش هنزلهم مرة واحدة بردو :P


.
.
الضيوف جم ومشيو
بالليل ابو ساره بينادى


ابو ساره: ساره عاوزك فى موضوع
ساره: خير يا بابا
ابوساره: كنتى زى القمر النهارده .. ام محمود كانت عنيها هتطلع عليكي
ساره: محمود مين
ابوساره: ابن عمك ابراهيم اللى كانو عندنا النهارده
ساره: ااااه
ابوساره: ايه رايك فى محمود يا ساره
ساره: رايي ازاى يا بابا .. انا مالى بيه
ابوساره: اصل محمود طالبك للجواز .. ايه رايك
ساره: جواز ايه .. لا يا بابا انا مش بفكر فى الموضوع ده خالص دلوقتى
ابوساره: ازاى يا بنتى .. انتى كبرتى اهو ما شاء الله .. ويا دوب كده فكرى فى اللى جاى بقي
ساره: معلش يا بابا انا مش مهيئة للجواز لسه
ابوساره: طيب يا بنتى اللى تشوفيه

ساره بيجيلها عريس والتانى
ساره بترفض كل اللى ييجي حفاظا على الوعد اللى خدته مع خالد

خالد نازل اجازة من الجيش النهارده

ساره:حمدالله ع السلامة يا حبيبي
خالد: الله يسلمك يا ساره وحشتيني اوى
ساره: وانت كمان والله .. متعرفش حصل ايه فى الفترة اللى فاتت دى
خالد: حصل ايه
ساره: تصور جالى 4 عرسان يا خالد
زى ميكون مستنيني لما اخلص
خالد: مممممممم .. 4 عرساان
ساره: بتفكر فى ايه .. مرفوضين طبعا من غير كلام .. قولتلك ساره راجل
خالد: :) .. متقوليش راجل دى بس
ساره: ليه بقي .. تحب اوريك
خالد: توريني ايه بس .. كفاية اللى انا شايفه فى الجيش
ساره: ههههههههههه .. ربنا معاك يا حبيبي وتخلص على خير
خالد: يا رب

خالد رجع جيشه
وعرسان ساره بيزيدو
ساره بترفض كل محاولات المتقدمين باسـتماته

خالد نزل اجازة بعدها بفترة

ساره: خالد انت لازم تاخد خطوة .. بجد انا مش عارف اعمل ايه تانى
خالد: حصل ايه بس
ساره: بيجيلى عرسان وانا حججى خلصت ومبقيتش عارفه اتصرف ازاى
خالد: :(
ساره: لازم تعمل حاجة يا خالد انا مبقيتش عارفه اتصرف
خالد: ساره انا مش هسيبك مهما كان .. هعمل كل اللى اقدر عليه واللى ماقدرش
جيشي فاضلة شهر ونص وهيخلص ان شاء الله
وربنا يقدم اللى فيه الخير
ساره: يا رب

خالد خلص جيشه

ساره: حمد الله ع السلامة يا حبيبي
خالد: الله يسلمك يا ساره .. يااااه السنة دى عدت عليا كأنها سنة وشهرين :P
ساره: هى هى هى .. بتهزر حضرتك
خالد: هههههههه اعمل ايه بس يا ساره .. دانا شفت الويل والله
ساره: يالا الحمد لله .. ايام وراحت لحالها
خالد: ساره خديلي معاد من بابا بقي
ساره: :) على طول كده؟
خالد: لازم اخد اى خطوة يا ساره .. مش هسيبك تضيعي منى
ساره: طيب يا حبيبي .. ربنا يجمعنا على خير
خالد: يا رب

خالد رايح النهارده بالليل يقابل ابوساره

خالد: سلام عليكم
ابوساره: وعليكم السلام .. تعالى يا خالد اتفضل
خالد: ازي حضرتك
ابوساره: الله يسلمك يا بطل .. كفاره
خالد: ههههههههه الله يسلمك .. والله شوفنا الويل
ابوساره: معلش يا خالد مهى دى ضريبة حب مصر .. ولا انت مبتحبهاش
خالد: ههههههههههههه لا بحبها طبعا .. وادينا دفعنا الضريبة
ابوساره: طيب الحمد لله عدت على خير من غير اى اصابات
خالد: الحمد لله
اعرفك بنفسي انا خالد محمد ..سـ
ابوساره: خالد محمد سالم .. بكالريوس تجارة .. ساره قالتلى دى
انت تعرف ساره من زمان؟
خالد: من حوالى 4 سنين كده
ابوساره: ياااااه
خالد: من تانى سنة فى الكلية تقريبا .. وانا بتمنى ييجي الوقت دا بقي
ابوساره: طيب يابنى انت امكانياتك ايه حاليا
خالد: والله انا لسه مخلص جيش من يومين وكنت شغال شغلانة مؤقتة كده قبل ماخش الجيش .. وبدور اهو على حاجة كويسة حاليا
ابوساره: طيب يا خالد انت عارف ان الوضع دا مينفعش
لازم تحسن وضعك شوية ووقت ما تبقي جاهز نبقي نتكلم
خالد: افهم من كده ان حضرتك معندكش اعتراض؟
ابوساره: شد حيلك وربنا يسهل .. لسه شوية ع الكلام ده

خالد بيدور على شغل بقاله فترة مش قليلة .. مستنية فرصة كويسة تحسن مركزة
وتخليه يروح بقلب جامد يطلب ايد ساره

ساره: ايه يا خالد الاخبار؟
خالد: انا تعبت والله يا ساره .. خلاص قربت اقطع نفسي .. الوظايف كلها متملاش العين .. ومش هتحقق المطلوب
ساره: :(
خالد: ادعيلي يا ساره .. ادعيلي كتير
ساره: يااااارب
خالد: يا رب انت عالم بحالنا .. خد بايدي يا رب

بعد شهرين تقريبا من اللف والدوران
خالد بيشتغل هنا شوية .. وهنا شوية
بيعافر فى كل حتة باديه وسنانه .. والحال مش متظبط

خالد: يظهر ان الدنيا معاندانى يا ساره
انا خلاص قربت اتجنن .. مكنتش اعرف ان الدنيا هتديني ضهرها كده
انا مليش شغل فى البلد دى
ساره: هتعمل ايه يا خالد
خالد: انا عشانك ممكن اعمل اى حاجة يا ساره .. انا هسافر
سمعت ان فى فرص كويسة جدا فى السعودية
هسافر اشتغل سنة ولا حاجة وارجع على باباكى على طوول
ساره: طيب يا خالد .. اللى تشوفه صح اعمله
خالد: ساره انتى عارفه ان اللى بعمله ده كله عشانك .. انا لولاكى مكنتش هسافر ابدا ولا هعمل اللى بعمله ده
ساره: عارفه يا حبيبي .. ربنا يرجعك ليا بالسلامة
خالد: :)

خالد جهز شنطته ومسافر على السعودية يشتغل
خالد وصل السعودية واستلم الشغل
خالد تعبان شوية بس المقابل مش بطال
ساره بتتصل بيه من فترة للتانية تطمن
وبعد حوالى 6 شهور .. تليفونات ساره اتقطعت

خالد اتصل بساره

خالد: الو
ساره: الو ازيك يا خالد
خالد: الحمد لله عايش .. بستحمل اى حاجة عشان اوصل للى عاوزه
انتى مبسمعش صوتك ليه .. انتى تعبانة يا ساره؟
ساره: لا انا كويسة الحمد لله .. بس ماما كانت تعبانة الفترة اللى فاتت فانشغلت شوية
خالد: الف سلامة لماما .. ابقي طمنيني عليكي وعليها
ساره: حاضر .. ان شاء الله

الوضع زى ما هو ساره مبتتصلش
خالد بدأ يقلق

خالداتصل

خالد: الو
ساره: الو
خالد: ايوة يا سارة ازيك
ساره: الحمد لله
خالد: ايه يا ساره بردو مبتتصليش .. ماما لسه تعبانة ولا ايه .. اديهانى اكلمها
ساره: لا ماما بقت كويسة الحمد لله .. بس كنت مشغولة فى فرح صاحبتي معلش
خالد: طيب يا ساره متغيبيش كده انا بقلق .. خليكي معايا انا لوحدى
ساره: حاضر

خالد شغال طحن .. ميعرفش نهار وليل
.. عايز يختصر اكبر وقت ممكن
.. عشان يخلص اللى جاى عشانه فى اسرع وقت


تليفون خالد بيرن
وليد صاحب خالد من ايام الكلية بيتصل

خالد: الو
وليد: الو ازيك يا خلود .. واحشنى والله .. عامل ايه
خالد: الحمد لله ازيك يا وليد وانت كمان واحشنى .. انت عامل ايه انت والشلة
وليد: كلنا كويسين الحمد لله .. انت عامل ايه فى حياتك يابنى .. واخبار الشغل عندك
خالد: الحمد لله ماشي الحال .. مقضيها هنا بالطول والعرض والله يا وليد
وليد: الله يكون فى عونك يا صاحبي .. ترجعلنا بالسلامة
خالد: الله يسلمك يا حبيبي .. وانت وصلت لفين يا واد .. مش هنفرح بيك قريب
وليد: ان شاء الله فى شهر 6 الجاى الفرح .. يا رب تكون لحقت تنزل مصر
خالد: والله .. ربنا يتمم بخير يا رب .. ان شاء الله الحق الفرح .. الف مبروك يا صاحبي
وليد: الله يبارك فيك يا خلود .. وعقبالك كده لما تلاقي بنت الحلال اللى تقدرك
خالد: الاقي ايه يا عم وليد .. ربنا يخليكي ساره تفضل ماليه عليا دنيتى يا رب
وليد: ساره؟
خالد: جرا ايه يا واد مانتو كلكو عارفين الحكاية دى من ايام الكلية
وليد: حكاية ايه يا خالد مخلاص بقي انسى الموضوع ده .. وبص لمستقبلك
خالد: انسي ايه؟ .. كلها شهرين وهرجع اتجوز ساره
وليد: تتجوز ساره؟ .. ازاى يا خالد وهى مخطوبة!!!

خالد: ايييييييييييييييييه .. مخطوبة؟؟؟
يتبع..

18 Comments:

  1. لسه متابعين الاحداث said...
    أكيد اتخطبت غصب :(

    ولو مش غصب كل واحد بياخد نصيبه فى الدنيا دى

    حتى الحب نصيب وقدر مكتوب لكل واحد
    زى الرزق كدا بالظبط وفى ناس مكتوبلها تكمل المشوار للاخر وناس تانيه بتبقى تجربه وعددت من حياتها


    بس انا مش هلومها ولا هلومه فى حاجة
    هى دى ظروف المجتمع اللى بنعيش فيه

    بس هى غلطانه انها مش قالت ليه لما كلمها وخبت عنه لان مينفعش تكون ارتبطت بحد تانى ولسه على اتصال بيه وتديلى امل فى الموضوع وهى خلاص فكرت فى غيره حتى لو غصب :(


    هااااااااااا
    مستنين باقى المفاجئات للقصه
    e_emy said...
    )):

    طب ليه بس كده ):

    طب ليه مقلتلوش بدل ما يفضل متعلق بيها كده !!!
    كان لازم تقوله .. يمكن كانت حاجه اتغيرت ):

    بس جميله جداا ماشاء الله

    استمررررررر (:
    !! a7mad sala7 !! said...
    اللى متابعين الاحداث

    //أكيد اتخطبت غصب :(//

    فى حاجة اسمها اتخطبت غصب؟؟
    الزمن دا خلص من زمان
    الجواز بالذات مفهوش غصب

    //ولو مش غصب كل واحد بياخد نصيبه فى الدنيا دى//

    ايوة كل واحد بياخد نصيبه بس فين الوعود اللى اتاخدت
    وفين الاحلام اللى اترسمت
    كله طار فجأة كده؟؟

    وبعدين النصيب مكتوب من قبل ما حد يعرف حد وربنا كاتب ايه اللى هيحصل بالظبط
    ان كانت هتستناه او لا
    يعنى النصيب مش شماعه تعلق عليها الهروب


    ..والبقية تأتى
    !! a7mad sala7 !! said...
    e_emy

    هنعرف الجزء الجاى مقالتلوش ليه


    منورة :)
    أنشودة said...
    ياااا كنت حاسه ^_^
    اتوقع تانى ؟ :P
    حد متابع said...
    نأسف على التدخل تانى
    //
    فى حاجة اسمها اتخطبت غصب؟؟
    //
    اه فى خطوبات بتحصل غصب
    بتحصل وفى الزمن دا بس مش بتكمل
    بس اسمها برضوا اهلها غصبوا عليها بس
    قدرت تخلص من الموضوع دا وانا لسه سامع عن قصه الغصب دى من كام شهر فات


    //
    ايوة كل واحد بياخد نصيبه بس فين الوعود اللى اتاخدت
    وفين الاحلام اللى اترسمت
    كله طار فجأة كده؟؟
    //
    ليس كل ما يتمناه المرء يدركه تأتى الرياح بما لا تشتهى السفن

    مش كل احلامنا بتتحقق ولو رسمت خطه لكل طريق هتمشى فيه مش دايما الخطط بتتحقق صح زى ماهى لان محدش يقدر تنبأ المستقبل عامل ازاى


    افتكر جمله اتقالت ليا
    متبنيش كل احلامك على شخص واحد حاول تربط الواقع بالاحلام علشان لو متحققش الحلم متتعبش اوى


    //
    وبعدين النصيب مكتوب من قبل ما حد يعرف حد وربنا كاتب ايه اللى هيحصل بالظبط
    ان كانت هتستناه او لا
    يعنى النصيب مش شماعه تعلق عليها الهروب
    //
    مش مفهومه اوى الحته دى
    اه النصيب مكتوب بس احنا منعرفهوش فى علم الغيب

    نأسف على الاطاله
    :)
    ЯậŇ MỗŘỹ said...
    السلام عليكم و رحمة الله و بركاته
    و الله ما عارفه ارد اقول ايه
    وجعت قلبى يا بنى
    :((
    انا ماشيه بقى و زعلانه قوى
    تعبت قلبى معاكم
    سلام
    halaS demahoM said...
    \\
    وعرسان ساره بيزيدو
    ساره بترفض كل محاولات المتقدمين باسـتماته
    \\
    هههههههههههههههههه
    مش ممكن
    هو حد لاقي عرسان دلوقت
    الحاج حسن
    هو مش عندكوا بردوا
    بتاع ميمي
    بس كان عليه ضحكه مفتكسه

    \\
    ابوساره: وعليكم السلام .. تعالى يا خالد اتفضل
    \\
    عرفه علي طول
    هع هع هع
    منين؟؟؟
    طاااااااايب ما نشوف ايه اللي بعد كده
    ااااااااااه
    ساره قااااااااااالتلو

    \\
    خالد: من حوالى 4 سنين كده
    \\
    هههههههههه
    يعني مقرطسك من زمان يا عمي

    وانتهي الجزء الرابع
    واتاخرت كتير يا عم خالد
    ربنا يكون في عونك
    ولا لو كان خالد لسه في السعوديه
    خليه يسلملي ع الواد احمد سعيد
    اللي انت تقريبا كده بتحكي حكايته
    90% منها مش كلها يعني
    والعشره في الميه انه خد تأجيل وطار ع السعوديه
    واتخطبت ايمان
    كمان مكانوش زمايل يبقي 15%
    المهم ابقي سلملي علي احمد سعيد
    وطير انت
    !! a7mad sala7 !! said...
    انشودة


    اتوقعى
    اتوقعى

    ونحط اسئلة بجوايز بقي
    واعمل مسابقة :D
    morgana said...
    اتعطلت شويه بس رجعت تابعت بردو

    شكلك بتعملنا خودعه وهيطلع نهايه مفتوحه
    او فيلم عربي قديم

    وساعتها هنأخذ من كل رجل مدونه ونقعد هنا في البلوج احتلال يعني:D

    مستنيين الباقي:)
    sadness princess said...
    ايييييه دا
    أزاى تعمل كده
    المفروض طالما اديته كلمه من البدايه مهما كان لازم تحافظ عليها
    وحتى لو باباها وماماتها ضغطوا عليها كان المفروض تقوله ان دا مش بأديها مش تسيبه كده لأنها كده بتظلمه

    ياااااااريت تنزل الباقى فى أقرب وقت
    وبجد قصه جاامده جداا
    !! a7mad sala7 !! said...
    اللى متابع

    صعب اوى موضوع الغصب ده
    مفيش ولى امر عاقل دلوقتى بيعمل كده
    فى الزمن دا بالذات بيحصل بلاوى
    وحتت الغصب دى ممكن تعمل مصيبة
    اكيد اللى بتتخطب غصب دى اهلها متخلفين

    //ليس كل ما يتمناه المرء يدركه تأتى الرياح بما لا تشتهى السفن

    مش كل احلامنا بتتحقق ولو رسمت خطه لكل طريق هتمشى فيه مش دايما الخطط بتتحقق صح زى ماهى لان محدش يقدر تنبأ المستقبل عامل ازاى
    //

    دا يعنى مبرر انها تسفره عشانها وتوديه هناك وتتخطب لغيره؟؟

    //يعنى النصيب مش شماعه تعلق عليها الهروب
    //
    مش مفهومه اوى الحته دى //

    يعنى مش كل واحد يعمل مصيبه يندى لها الجبين
    ويقول دا النصيب
    النصيب دا متغير احنا ملناش دخل فيه
    حاجة كده بتحصل واحنا مش حاسين
    مش احنا اللى بنخلف وعدنا ونقول دا نصيب

    وطولى براحتك
    انا عارف انتى مين على فكرة :D
    !! a7mad sala7 !! said...
    روان


    وعليكم السلام

    ابقي تعالى كلهم بييجو

    وانا كمان ببقي هناك
    !! a7mad sala7 !! said...
    juegth night

    //هو حد لاقي عرسان دلوقت//

    تصدق بالله
    الموضوع ده بالذات له العجب العجاب
    انا اعرف ناس
    عندهم بنتين
    بنت جميلة اوى وبنت مش اد كده
    البنت اللى مش اد كده دى
    عمال يجيلها عرسان
    وكل ما حد يسمع ان فى عريس جاى يفكر انه للحلوة دى
    يطلع جاى للتانية
    هو نصيب كده

    //يعني مقرطسك من زمان يا عمي//

    يعنى لو مقالوش يبقي كويس؟؟
    ولو هو عارف انه عارفها من 4 سنين يبقي مش مقرطسه
    كبر دماغك شوية يا سلطان
    !! a7mad sala7 !! said...
    morgana

    ههههههههههههههههه


    ادونا الفرصة بقااااااااااا
    !! a7mad sala7 !! said...
    sadness princess

    يادى النور يادى النور

    اول زيارة دى
    حاسبات اسماعلية منورانا اهى

    ايوة كده عايزين نبقي جبهة ضد الاحتلال هع هع


    البقية تأتى ان شاء الله
    ShiMOo said...
    امممممممم باعته على تالت ناصيه :(
    ربنا يسامحها بقى :(
    !! a7mad sala7 !! said...
    :(

    اخص :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds