مما يدهشنى ... + تحديث


يدهشنى رجلا يقول:
"مراتى متتكشفش على رجالة ابدا
.
.
الا الدكتور"

يا عم هو الدكتور دا مش راجل ولا ايه
وبعدين هو مش فى دكاترة ستات ولا ايه
ليه متروحش لدكتورة

يقولك لا متروحش لدكتورة مفيش دكاترة ستات عدلين
نادر اوى

يا سبحان الله
امال ماليين كليات الطب بيعملو ايه يا سيدي
وبقو اكتر من الرجالة
وزاحمين السكاشن وبيطلعو اوائل الدفعات
وما شاء الله حاجة اخر حلاوة
امال ايه بقي
طيب مبيبقوش دكاترة محترفين بيخشو طب لييييه

تعالى على الهندسة بردو
تلاقي البنت مموتة نفسها فى الثانوى وعمالة تدش
وتنسي كل حاجة فى حياتها الا المذاكرة
وتلاقيها بقت كبيرة على وش جواز ومبتعرفش تعمل اى حاجة فى البيت
تيجي تسال ليه
يقولك كانت بتذاكر مكانتش فاضية
وكأن المزاكرة دى هى الاولوية
وكل واحدة عندها لسان ما شاء الله اطول منها
وتقولك مزاكرتى هى اللى هتنفعنى
انا لما ابقي حاجة كويسة هفيد نفسي واعرف اصرف على نفسي
وماحتاجش لاى كلب
ضل الحيطة كويس اوى
وبمجرد ما تخلص تلاقيها قاعدة فى البيت حاطه ايدها على خدها مستنية العدل
وتبقي مهندسة اد الدنيا وبتقدير جيد جدا
وامتيااز كمان
ما شاء الله ربنا يزيدهم انا مقولتش حاجة
بس فين بقيت جوانب حياتك بقي ؟
مفيش
تقولك شغلى اهم
تروح تتقدم لوظيفة يقولولها احنا عايزين رجالة
الوظيفة محتاجة رجالة عشان تقف فى مواقع البناء ويستحملو البهدلة >>دا فى المهندسين
الوظيفة محتاجة رجالة عشان بنستدعيهم بالليل للطوارئ واحيانا بيباتو فى المستشفيات>>دا للدكاترة
...والامثلة كتير
بس انا جايب مثلين من كليات القمة اهو
اللى الناس كلها بتسعي ليها
والغريب بردو انها مبتبقاش رغباتهم
بينقو الحاجة اللى بتاخد مجموع كبير وخلاص
انا مش فاهم دا غل
ولا دا اسمه ايه بالظبط؟

يدهشنى حاجة كمان
انك تبقي سايق عربيتك وماشي فى امان الله
فجاة تلاقي ادامك عربية ماشية تتمرجح
او عربية تبقي ماشي وتبطل فجاة
تبص تلاقي واحدة ست سايقة
لا حول ولا قوة الا بالله
تيجي تتكلم يقولك معلش اعزرهم دول ستات
وقلوبهم ضعيفة
طب يا ستي قلبك ضعيف بتسوقى عربية ليه
يعنى كان حد غصبك

وتتفرج على مناظر تضحك بقي
لو لقت عيل فى الشارع من على بعض نص كيلو
تستنى لما يعدى عشان تمشي
وتعطل الناس وراها وتخليهم يخبطو فى بعض
وتلاقي ستات قافشة فى الدريكسيون زى ميكون هيهرب
طب عليكو بايه مش فاهم

يا رب ارحمنا

تحديث صغنون
========
>>فين المشكلة؟؟
************
المشكلة لما تلاقي جيل دكاترة نصه على الاقل بنات
كل ما تخش مشرحة يغم عليها
ومبتبقاش عندها اى ثقة فى نفسها
وبكده خسرنا نص دكاترة البلد على الاقل

المشكلة ان هتلاقي جيل مهندسين نصه على الاقل بنات
مينفعش تنزل تقف فى موقع بنا وتلبس خوزه وتتبهدل وسط الرجالة
وبكده خسرنا نص مهندسين البلد على الاقل

المشكلة انك كل يوم والتانى تلاقي حادثة فى شارع بسبب واحدة ست مش عارفه تسوق

المشكلة اننا بقينا نخلق اعزار تافهة لناس
فى حين ان فى ناس تانية احق باماكنهم
ممكن يبقو اقل منهم فى الحفظ بس احسن منهم فى الحياة العملية
وعشان واحدة قاعدة تصم خلته تخش كلية مش عاوزها
وهى مهما عليت فى مكانها ده
هتبقي معيدة مثلا وبردو هتبقي مش فاهمة حاجة داخله تتكعبل فى نفسها
وما اكثرهم عندنا
تيجي تسالها سؤال تفضل تتهته ومتفيدكش بحاجة
وبكده خسرنا نص معيدين الكليات على الاقل
اللى المفروض هيعلمو الناس بعد كده

وما اكثر الامثلة

----------------------------------

>>وايه الحل؟؟
**********
الحل ان كل واحد يفكر هو هيبقي كويس فى ايه
هو هينفع الناس فى ايه
هو هيفلح فى الحاجة اللى هيدرسها دى ولا لا

مش بس كل همه ان مجموعى كبير اخش احسن كلية
وهمه ازاااى فلان يخش كلية كذا وانا لا
هو احسن منى

الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط
----------------------------

كل سنة وانتو طيبين

37 Comments:

  1. Che Ahmad said...
    مش عارف فين المشكلة
    نقعدهم ف بيوتهم احسن ؟؟
    Cute Kitty **sookra said...
    طيب والحل؟؟؟

    كل سنه وانت طيب
    !! a7mad sala7 !! said...
    Che Ahmad

    //مش عارف فين المشكلة//

    اقولك فين المشكلة
    المشكلة لما تلاقي جيل دكاترة نصه على الاقل بنات
    كل ما تخش مشرحة يغم عليها
    ومبتبقاش عندها اى ثقة فى نفسها
    وبكده خسرنا نص دكاترة البلد على الاقل

    المشكلة ان هتلاقي جيل مهندسين نصه على الاقل بنات
    مينفعش تنزل تقف فى موقع بنا وتلبس خوزه وتتبهدل وسط الرجالة
    وبكده خسرنا نص مهندسين البلد على الاقل

    المشكلة انك كل يوم والتانى تلاقي حادثة فى شارع بسبب واحدة ست مش عارفه تسوق

    المشكلة اننا بقينا نخلق اعزار تافهة لناس
    فى حين ان فى ناس تانية احق باماكنهم
    ممكن يبقو اقل منهم فى الحفظ بس احسن منهم فى الحياة العملية
    وعشان واحدة قاعدة تصم خلته تخش كلية مش عاوزها
    وهى مهما عليت فى مكانها ده
    هتبقي معيدة مثلا وبردو هتبقي مش فاهمة حاجة داخله تتكعبل فى نفسها
    وما اكثرهم عندنا
    تيجي تسالها سؤال تفضل تتهته ومتفيدكش بحاجة
    وبكده خسرنا نص معيدين الكليات على الاقل
    اللى المفروض هيعلمو الناس بعد كده

    وما اكثر الامثلة
    !! a7mad sala7 !! said...
    sookra

    الحل ان كل واحد يفكر هو هيبقي كويس فى ايه
    هو هينفع الناس فى ايه
    هو هيفلح فى الحاجة اللى هيدرسها دى ولا لا

    مش بس كل همه ان مجموعى كبير اخش احسن كلية
    وهمه ازاااى فلان يخش كلية كذا وانا لا
    هو احسن منى

    الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط


    كل سنة وانتى طيبة
    e_emy said...
    ههههههههههه

    كل ده جواك D:

    معاك حق بس اكيد فيه بنات كويسه وممكن تبقى احسن من الولد ف شغله (:


    لو جيت الكلية عندنا هتلاقيها معيدات
    يعنى بعد كام سنة مش هتلاقى غير دكاترة بنات والحياة كلها هتبقى بنات P:


    المهــــــم

    كل سنة وانت طيب (:
    أنشودة said...
    السلام عليكم
    على فكره كل الى حضرتك قولته
    ممكن تنجح فيه البنت اكتر من الولد
    يعنى احنا عندنا المعيدات احسن من المعدين
    بس فى وظايف عندك حق فيها ان البنت
    مش هتقدر تبدع فيها زى الولد
    تعرف انا نص اصحابى الى داخلين حاسبات
    عايزين يتجوزوا ويقعدوا فى البيت:d
    والنص الى بيقول هيشتغل مع اول عريس
    هتنسى الكليه اصلا:p
    مفيش مفر هى مصير البت لكده ودى الوظيفه الاساسيه الى اتخلقت علشنها انها
    تربى جيل حقىقى الجيل الى هيحرر القدس
    مش جيل تيك واى
    طيب انا اعرف كتير متخرجين من هندسه وطب ومشتغلوش طب ايه الى دخلك من الاول متعرفش هتقول علشان الثقافه والبتاع دى ملهاش علاقه اطلاقا
    وفى النهايه كل واحد على حسب ظروفه
    واحتياجاته

    كل سنه وحضرتك طيب:)
    !! a7mad sala7 !! said...
    e_emy

    فى كتير بنات ممكن تبقي احسن من الولد فى شغله
    بس فى وظايف معينة
    لكن فى وظايف مينفعش فيها بنات اصلا بسبب كونها بنت
    طبيعتها كأنثي
    ولو هى اختارت تحط نفسها فى المكان ده تبقي بتظلم نفسها
    ومع ذلك بيكابرو بردو ويحشرو نفسهم :D

    موضوع المعيدات ده فى امثلة كتير كويسة
    وعندنا بردو فى امثلة كويسة
    بس قليل

    وعايز اقولك حاجة بردو المعيد غير الدكتور
    المعيد بيبقي صديق الطلبة
    يعنى عادى جدا ان يكون فى معيدة

    لكن الدكتور لازم يكون عنده شخصية مختلفة
    والشخصية دى مبتتوجدش الا فى الدكتور الراجل
    انا شايف كده
    لان بصراحة مهما كانت الدكتورة ليها مركزها بردو مبيبقالهاش التقدير اللى بيبقي للدكتور


    المهم كل سنة وانتى طيبة :)
    !! a7mad sala7 !! said...
    انشودة

    //تعرف انا نص اصحابى الى داخلين حاسبات
    عايزين يتجوزوا ويقعدوا فى البيت:d
    والنص الى بيقول هيشتغل مع اول عريس
    هتنسى الكليه اصلا:d //

    على يدىىىىىىىىىى :))
    فعلا معظم اللى بيبقي عنده الحماس من البنات بينزل على فشوش فى الاخر
    مش معناه انهم ميتعلموش مقولناش كده
    بس بنقول انهم يتعلمو اللى ممكن يبقي مفيد ليهم

    //مفيش مفر هى مصير البت لكده ودى الوظيفه الاساسيه الى اتخلقت علشنها انها
    تربى جيل حقىقى الجيل الى هيحرر القدس
    مش جيل تيك واى
    طيب انا اعرف كتير متخرجين من هندسه وطب ومشتغلوش طب ايه الى دخلك من الاول متعرفش هتقول علشان الثقافه والبتاع دى ملهاش علاقه اطلاقا
    وفى النهايه كل واحد على حسب ظروفه
    واحتياجاته //

    مبسوط جدا ان فيكو عقليات بتفكر كده
    عشان انا حسيت فى الفترة الاخيرة ان فى ناس معتبراها خناقة
    وكل همهم انهم يدافعو عن موقف المراة
    من غير ما يكون عندهم دليل مقنع لكلامهم اصلا


    كل سنة وانتى طيبة :)
    halaS demahoM said...
    اول واحده من الكارتونه
    \\
    مما يدهشنى
    \\
    طب ده بيدهشك احنا هنعملك ايه
    لا قولنا هيزود اندهاشك ولا هيقلله
    صح؟

    ماشي يا سيدي
    لغيت التحديث الصغنون بتاعك
    اقدر اقولك ان البنات دول اسماء علي ورق
    كله بيروح بعد ما تتخرج وتلاقي اقل واحد معاهم في الدفعه بقي احسن منهم في الشغل
    الا البنات الفاضيه طبعا
    وانصحهم واقولهم
    يا بنتي انتي وهيا البت منكم ملهاش غير بيتها وولادها
    غير كده يبقي تشبه بالرجال
    تشتغلي ايه وكلام فاضي ايه؟؟؟
    وقفتوا حالنا منكم لله


    بعد التحديث بقي
    \\
    المشكلة لما تلاقي جيل دكاترة نصه على الاقل بنات
    كل ما تخش مشرحة يغم عليها
    ومبتبقاش عندها اى ثقة فى نفسها
    وبكده خسرنا نص دكاترة البلد على الاقل
    \\
    اللي ميعرفش يقول عدس
    زي العدس اللي فوق ده
    ومين اللي ضحك عليك وقالك كده
    يا ابني انت تقول كده لما يبقي اللي بيشرح مش بنت اساسا
    يعني اللي بيشرح الجثه بيكون بنات
    قلبهم جمد يا ابوصلاح
    انت اللي طيب


    \\
    المشكلة اننا بقينا نخلق اعزار تافهة لناس
    فى حين ان فى ناس تانية احق باماكنهم
    \\
    بس كده
    هيا دي الحاجه اللي جوا البذره بتاعت الزتونه
    يعني مش الزتونه نفسها

    \\
    هتبقي معيدة مثلا وبردو هتبقي مش فاهمة حاجة داخله تتكعبل فى نفسها
    وما اكثرهم عندنا
    تيجي تسالها سؤال تفضل تتهته ومتفيدكش بحاجة
    \\
    ممكن
    احنا اللي شغالين معاه في المشروع معيده
    هيا صحيح بتهته بس في حين ان المعيدين الرجاله مبيتكلموش خالص
    اهو نص العما ولا العما كله

    \\
    الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط
    \\
    هيا مش مسألة غل اكتر ما هيا مسألة قلة فهم وسوء تربيه
    مش سوء تربيه يعني قلة ادب
    طب ماهي اختي الكبيره كانت جايبه حاجه وتسعين في الثانويه ودخلناها اداب
    ايه المشكله يعني هيا مش كليه

    بس بردوا ارجع واقول عندهم حق
    الاب والام من دول ربنا مكرمهمش في ابنهم ودخل كلية حقوق ولا معهد فعاوزين بردوا يتفشخروا قدام الناس
    فيتفشخروا ببنتهم
    ويقولوا بنت بميت راجل
    هيا بميت راجل فعلا بس زي ولادك الرجاله يا ملقف


    \\
    كل سنة وانتو طيبين
    \\
    كل سنة وانتو طيبين
    Boba said...
    سيظل تفكيرك عنصري لاخر قطرة في دمك

    عاجبني اوي ان اقصى مفهومك عن هندسة هي هندسة مدني

    واللي بتطلب نزول مواقع وخوزه


    الدامترة بقى
    وحكاية ان بنت تغمى عليها لما تدخل المشرحة
    لو حضرتك سألت بسي طلبة طب هتلاقي ان في ولاد كتير بيغمى عليهم مش بنات بسي فهي مش بتعتمد ع النوع ابدا

    وانت شخصيا لو وقفت ادام جسة وعارف ان اللي ادامك ده هيشرحها ولاول مرة اكيد اعصابك هتسيب

    ارجع بقى للاول تاني معلش
    مش معنى ان البت عشان تبقى مهندسة ولا ححد شاطر انها مش تعرف تكوي هدومها

    خليني اكلم عن نفسي
    انا هتخرج السنة دي اهو ابقى بردك مهندسة وفي نفس الوقت اقدر اقوم بمهام البيت كلها لوحدي
    وكل اصحاب البنات كده

    وما فيش شركة بتقول مش هنشغل بنات عشان مش هيستحملوا ولا بتقول عايزين ولاد ولا برده فيه مستشفى بتقول كده
    كل الدكاتره وبيباتوا نبطشيات عادي

    اصحاب المؤساسات اناجحة استحلاة يكونوا اصحاب فكر عنصري

    اخيرا بقى الرجالي اللي بيقول مراتي مش تنكشف الا على رجاله

    لما لا قدر الله مراتك او مامتك يتعبوا
    ويبقى المتوفر ادامك راجل مش ست
    ابقى ارفض توديهم

    تحياتي
    يا ريت تتقبل اختلافي
    :)
    صفا سارة said...
    "لو لقت عيل فى الشارع من على بعض نص كيلو"

    سورى بس يا بشمهندس يا ريت تصلح الغلط الكتابى ده اسمها "على بعد "مش \\على بعض\\

    وبمناسبة رأيك انا أرى ان الحل نوئد البنات ونخلص بئه ولا شغل ولا يحزنون بنت ايه اللى تبقى مهندسة ودكتورة دى البنات مكانها البيت وبس هو ده مستقبلها احييك على رأيك الجرئ
    !! a7mad sala7 !! said...
    juegth night

    ابوالسلاطين سلطان التدوين
    منور يا حبي كل سنة وانت طيب

    //اول واحده من الكارتونه//

    صح تصدق
    برافو عليك

    //\\
    مما يدهشنى
    \\
    طب ده بيدهشك احنا هنعملك ايه
    لا قولنا هيزود اندهاشك ولا هيقلله//

    بص يا حبيبي
    بيدهشنى انا لذلك كتبتها فى مدونتى
    لو انا عايزك تقولى اعمل ايه كنت كتبتها فى مدونتك
    او مدونة اللى عايزه يعملى
    تخش بقي فى الموضوع..

    //وقفتوا حالنا منكم لله//

    هههههههههههه
    مش عارف حاسس انى شايفك وانت بتقولها
    وحد الله يابودومة

    والله يا سيدي انا مبقولش ميشتغلوش
    يشتغلو
    بس يشتغلو فى مجالات تنفع ليهم

    //قلبهم جمد يا ابوصلاح
    انت اللي طيب//

    ماشي يا سيدي ما علينا من دى
    بيشرحو ويدربو وكله تمام
    هل هى كده قلبت تكريم ربنا ليها كبنت
    لما تقف فى مشرحة تقطع فى بني ادمين

    //هيا مش مسألة غل اكتر ما هيا مسألة قلة فهم //

    ممكن بردو

    //الاب والام من دول ربنا مكرمهمش في ابنهم ودخل كلية حقوق ولا معهد فعاوزين بردوا يتفشخروا قدام الناس
    فيتفشخروا ببنتهم
    ويقولوا بنت بميت راجل//

    على يدىىىىى :d
    someone said...
    صباح الخير الاول
    وكل سنه وانت طيب

    حضرتك فى اول سطرين ماشى تمام اوى
    ودا المطلوب غيره الراجل على مراته واخته ودا طبيعى فينا كبشر ومسلمين
    ممكن ناس تقولك عادى ما هو دكتور وليه الحق فى كدا ومش حرام
    بس للاسف ما هو الدكتور دا بشر وممكن يغلط يبقى نبعد عننا الغلط اللى ممكن يحصل لينا بسبب ان كل حاجة بقت عادى فى الزمن دا


    كلامك بعد كدا ملخبط شويتين معلش
    التعليم مهما قولت فهو مهم جدا للبنت ولو متعملتش يبقى خليك على يقين ان اولادك مش هيتربوا التربيه اللى انت تتمنها التعليم هيخلى زوجتك او اى واحده فيما بعد مستوعبه كل حاجة بتحصل فى حياتنا وتقدر توعى اولادها على كدا
    اما بقى لو واحده قاعده فى بيتها مش بتخرج مش فاهمه ايه اللى بيحصل فى الدنيا وتيجى تربى اولادها هتربيهم ازاى وهى مش مثقفه فى اى شىء
    التعليم بيوسع مدارك اى حد سواء ولد او بنت , ممكن تتعلم مجال كويس تبقى كويس فيه وتستمر فيه فى حياتك مش لازم يكون التعليم هو صم الكتب ليل ونهار
    .

    البنت تقدر تحافط على نفسها فى اى مكان
    وتقدر تستفاد من كل الفرص اللى قدمها
    وفى الزمن دا كتير بنلاقى البنات مهتميه بالدراسه والمذاكره اكتر من اولاد كتير ولا قالت انا بنت ومش هيشغلونى ولا قالت اصرف على البيت بس عايزه تحس بوجدها كانسانه

    موضوع بقى الشغل وانها تكون ست بيت
    انا بقى مقتنعه جدا ان البنت فى بيتها اكرم بكتير من الشغل بس تكون انسانه برضوا مثقفه وعلى قدر من تحمل المسئوليه وقادره تربى اولادها

    بس فى حالات مثلا بتضطر فيها البنت انها تشتغل بسبب الحاله الماديه واالاحتياج للفلوس هاتلى دلوقتى شاب 25 سنه وقادر يفتح بيت علشان يتجوز ولو مش قادر هيضطر يستنى لحد 30 لما يبقى معاه امكانيات تاهله لفتح البيت دا يبقى محدش هيتجوز ممكن تشتغل وتساعده

    الموضوع مش موضوع غل دى فرصه وممكن تستغلها


    اسف على الاطاله
    !! a7mad sala7 !! said...
    Boba

    على فكرة
    انتى من دول
    // ناس معتبراها خناقة
    وكل همهم انهم يدافعو عن موقف المراة
    من غير ما يكون عندهم دليل مقنع لكلامهم اصلا//

    دا مبدايا


    //سيظل تفكيرك عنصري لاخر قطرة في دمك//

    مش فاهم عنصرية ايه يا عم نيلسون مانديلا
    انا بنقل واقع مش كلام من تأليفي

    وبعدين لو انتى حاسه انى عنصرى
    لتانى مرة بقولهالك
    //ليست مشكلتي إن لم يفهم البعض ما اعنيه وليست مشكلتي إن لم تصل الفكرة لأصحابها فهذه قناعاتي وهذه افكاري وهذه كتاباتي بين يديكم أكتب مااشعر به وأقول ما أنا مؤمن به ....... في النهاية مجرد رؤيه لأفكاري مع كامل ووافر الحب والتقدير لمن يمتلك وعياً كافياً هذا الذى يجبر قلمي على أن يحترمه//


    //عاجبني اوي ان اقصى مفهومك عن هندسة هي هندسة مدني//

    شوفى انا قولت فوق ايه
    ان دى امثلة
    مانا مش شغال فى القوى العاملة عشان اجيبلك مثال من كل فرع فى كلية هندسة
    غير انى مقولتش كل فروع الهندسة حتى
    انا بقول مهن معينة
    اللى بتتعارض مع كونها الانثي

    //لو حضرتك سألت بسي طلبة طب هتلاقي ان في ولاد كتير بيغمى عليهم مش بنات//

    يبقي ميصلحوش فى مكانهم
    هو انا قولتلك كل الرجالة ينفعو دكاترة؟
    مهو فى دكاترة حمير


    //وانت شخصيا لو وقفت ادام جسة وعارف ان اللي ادامك ده هيشرحها ولاول مرة اكيد اعصابك هتسيب//

    مين قالك ؟؟
    وحتى لو كده حد قالك انى عايز ابقي دكتور ؟؟
    وبعدين اعصابي بتسيب ولا لا دا مش موضوعنا اصلا

    //خليني اكلم عن نفسي
    انا هتخرج السنة دي اهو ابقى بردك مهندسة وفي نفس الوقت اقدر اقوم بمهام البيت كلها لوحدي
    وكل اصحاب البنات كده//

    انا ماتكلمتش عنك على فكرة
    وعلى عن صحابك البنات
    انا بقول عن فئة كبيرة ومحددتش حد
    ان لم تكن الاغلبية كمان
    مش معنى ان انتى ست بيت شاطرة ولا صحابك كده يبقي تعممى

    //وما فيش شركة بتقول مش هنشغل بنات عشان مش هيستحملوا ولا بتقول عايزين ولاد ولا برده فيه مستشفى بتقول كده//

    لا فى على فكرة
    انزلى السوق واسألى وانتى تعرفى ان فى
    وانا مبقولش كده من فراغ
    انا اعرف ناس كتير اترفضت بسبب انهم بنات
    واعرف بنات اتقبلت فى الشغل ومكملوش بسبب البهدلة
    واعرف بنات اتقبلت وكان عاجبهم البهدلة بس اهلهم قعدوهم (مقبلوش على بناتهم البهدلة)

    //اصحاب المؤساسات اناجحة استحلاة يكونوا اصحاب فكر عنصري//

    مش عارف ايه حكاية فكر عنصرى دى
    على فكرة الفكر دا هو الديفولت
    انا مش عايز اقول كده من زمان عشان ميتقالش بقول كده عشان انا بفكر كده
    بس دا تفكير اى واحد مسلم محترم عاقل متفهم عنده نخوه
    لكن التفكير اللى بيدور على بهدلة البنت دا هو التفكير المتطرف

    //اخيرا بقى الرجالي اللي بيقول مراتي مش تنكشف الا على رجاله//

    هههههههههههههههههههههههه
    دا راجل ندل اوى
    !! a7mad sala7 !! said...
    صفا سارة

    //الغلط الكتابى ده اسمها "على بعد "مش \\على بعض\\ //

    شكرا هيئة التدقيق الاملائى
    علمنى ال... يابا قاله تعالى فى ال... واتصدر

    وعلى فكرة
    ض ض ض ض ض ض


    //(انا أرى)
    ان الحل نوئد البنات ونخلص بئه ولا شغل ولا يحزنون بنت ايه اللى تبقى مهندسة ودكتورة دى البنات مكانها البيت وبس هو ده مستقبلها//

    رؤيتك وانتى حره فيها
    نحترم وجهات النظر

    //احييك على رأيك الجرئ//

    ميرسي :)



    صحيح كل سنة وانتى طيبة
    !! a7mad sala7 !! said...
    someone

    صباح النور
    وكل سنة وانت بالصحة والسلامة وعيد سعيد عليك يا رب

    //التعليم مهما قولت فهو مهم جدا للبنت ولو متعملتش يبقى خليك على يقين ان اولادك مش هيتربوا التربيه اللى انت تتمنها التعليم هيخلى زوجتك او اى واحده فيما بعد مستوعبه كل حاجة بتحصل فى حياتنا وتقدر توعى اولادها على كدا//

    انا مقولتش متتعلمش والله
    يا رب تتعلم كل العلم اللى فى الدنيا
    انا لو قولت كده ابقي مبفهمش دا طبيعي

    تتعلم براحتها بس بلاش المزاحمة اللى فى الشغل دى
    تتعلم لنفسها ولولادها وللحاجة اللى هتنفع بيها

    //البنت تقدر تحافط على نفسها فى اى مكان //

    لا
    لالالالالالالالالالا
    متقدرش تحافظ على نفسها فى اى مكان
    المرأة خلقت من ضعف
    ومهما حصل فى حاجات مش هتقدر تقف ادامها

    //وتقدر تستفاد من كل الفرص اللى قدمها//

    مش عارف
    مش قادر افسر الحتة دى
    تستفاد بيها ازاى يعنى

    //بس عايزه تحس بوجدها كانسانه //

    يعنى هى لو مناطحتش الرجالة مش هتحس بوجودها كأنسانة؟
    دا بالعكس لما تغلى نفسها وتكرم جنسها دا اللى يحسسها بوجودها كأنسانة

    //بس فى حالات مثلا بتضطر فيها البنت انها تشتغل//
    تشتغل يا جماعة
    تشتغل من غير اضطرار والله
    بس تشتغل فى الشغلانة المناسبة
    مش تشتغل فى اى وظيفة عشان الحاجة والظروف
    الا بقي لو بتجرى على 7 عيال وامهم وابوهم
    وانا مبتكلمش عن الحالة دى خالص

    واظن الراجل ال25 ولا 30 سنة بيبقي حديث الزواج
    واظن لو راجل وعنده نخوه مش هيتقدم لبنت وهو مش قادر يصرف عليها
    ولو مش قادر ووافق انها تشتغل مش هيوافق انها تتبهدل


    نورت :)
    Someone said...
    //
    واظن لو راجل وعنده نخوه مش هيتقدم لبنت وهو مش قادر يصرف عليها
    ولو مش قادر ووافق انها تشتغل مش هيوافق انها تتبهدل
    //

    بيتهيالى دا حال معظم الشباب الا بقى الناس اللى مستقبلها مضمون اوى وضمنه الشقه والعربيه والعروسه كمان
    اما غير كدا بيقعد يضربها اخماس فى اسداس لحد ما تتدبر

    ومفيش حاجة فى الدنيا دى مفيهاش تتعب
    وانت فاكر قاعده البنت فى البيت دى راحه بيتهالك (وما خفى كان اعظم )

    حضرتك بتتكلم ف قشور المشاكل اما المشاكل الحقيقه دى بعيده اوى عن الكلام اللى فى الموضوع دا
    Boba said...
    دفاع عن مرأة ايه بسي
    هي ضحية ولا متهمة
    ولا هو اصلا الامر للرجال وهما هيتعطفوا يديه للمرأة

    انا اصلا لا ارى كلمة مرأة ورجل

    انا عندي ربنا خلقنا كلنا انسان
    ولينا نوعين
    رجل وامرأة
    لكن لسيت كل صفاتنا وتعاملتنا ترجع للنوع
    او ان النوع يتحكم فيها

    بالعكس صفات قليله كده اللي بيدخل فيها نوع الانسان وجينسه

    و موضوع ده اللي هو عن الشغل لا يرجع الا نوع الانسان في حاجة
    :)

    /*مش فاهم عنصرية ايه يا عم نيلسون مانديلا
    انا بنقل واقع مش كلام من تأليفي*/
    فعلا واقع
    بسي من زوية رؤيتك انت
    اللي تقديري ليها انها ديقة
    وان كان في الاخر ليك عندي اني احترمها
    وصدقني كمان 10 سنين هتلاقي رؤيتك لامور كتير اتغيرت
    وانا كمان رؤيتي هتتغير
    ويارب يهدينا كلنا للرؤية الصح


    بمناسبة بقى طب وهندسة
    والبنات بيغمن عليهم وكده
    حضرتك مش واخد بالك
    ان اول مستشفى في الاسلام كانت صاحبتها امرأة
    واول طبيبة في الاسلام هي رفيدة بنت سعد الاسلمية.. ابقى سيرش عنها

    /*انا ماتكلمتش عنك على فكرة
    ........*/

    يا بشمهندس
    انا لما بقول انا و اللي حواليا
    انا بديك سيمبل من البنات
    غير انك مش من حقك تقول المعظم ولا الاقليه حتى
    انت شوفت في دنيتك اد ايه
    عشان يبقى عندك الاكسبرينس اللي تقول بيها كده
    ولا انا كمان

    وعشان كده لما الكلمت اكلمت عن نفسي ما ادتش لنفسي حق اني اعمم بدون وجه حق
    :)

    /*وانا مبقولش كده من فراغ*/
    على اي اساس
    ؟؟

    /*انا مش عايز اقول كده من زمان عشان ميتقالش بقول كده عشان انا بفكر كده
    بس دا تفكير اى واحد مسلم محترم عاقل متفهم عنده نخوه
    لكن التفكير اللى بيدور على بهدلة البنت دا هو التفكير المتطرف
    */
    هههههههههههه
    الحمد لله كفرتني وخرجتني من الاسلام وانت قاعد في بيتكوا

    معاك انت كاتالوج المسلم ولا قتني اوت
    اوك
    ما هي لو بشري بيحاسبوا بعض كانت انتهت


    اخيرا بقى
    كلمة قولتها لنفسي
    وعشان مش ابقى اغتابتك مع نفسي
    خليني اقولها لك
    وقول الرسول:
    أنا زعيم ببيت في ربض الجنة لمن ترك المراء وإن كان محقا


    عموما تحياتي ليك
    وانا مش هدفي ابدا اني اقنعك بنظرتي لللموضوع
    انا بسي بطرح فكرتي
    تقل اختلافي بصدر رحب
    وحاول تعمل بالحديث ده معايا
    انا الصورحاة طمعانا في البيت
    :)

    كل سنة وانت مسلم محترم حمش
    كل سنة وربنا راضي عنك
    :)
    صفا سارة said...
    شكرا على زوق حضرتك :)
    وانت طيب
    وربنا معاك يا رب ويرحمنا

    كلمة لبوبا بئه كبرى دماغك يا بوبا
    أنشودة said...
    ما تيجوا نبص للموضوع بحياديه
    وبلاش كل واحد يتهم التانى بالعنصريه
    دلوقتى سؤال ايه الواظيف الاساسيه الى
    تستاهل من البنت انها تبدع فيها وتضحى
    علشنها وتحط فيها كل طاقتها من تربية ابنائها ورعاية بيتها ليه مهمشين
    حكاية رعاية المرءه لبيتها مع ان الوظيفه دى صعب على اى راجل القيام بيها فى حين ان فيه واظايف تانيه تقدر
    تبدع فيها المرءه اكتر من الراجل ليه
    بس لو ده هيتعارض مع الوظيفه الى هى
    خلقت ليها ومؤهله ليها كأم هى اقدر على تربية جيل لو اتربى صح مكنش ده بقى الحال وده مش معناه ان كل الامهات
    مؤهله انها تكون ام حقيقيه تخرج انسان سوى في امهات مقدرتش تبدع فى بيتها
    وده لانشغلها بحاجات تانيه ولما حست ان دورها مهمش
    دلوقتى الموضوع مش معمم وزى ما قولت
    قبل كده كل انسان اقدر على تحديد اولوياته واحتيجاته ممكن واحده تكون اقدر على انها تبدع فى المجالين وده صعب
    ومش كل النساء ولا الرجال تقدر على ده
    الموضوع مش محتاج جدال خالص الموضوع محتاج ان كل واحد يفهم راي الاخر من غير تحيز
    اسفه على الاطاله
    غير معرف said...
    ايه ده كله دى بقت معمعه
    //الحل ان كل واحد يتخلى عن الغل اللى جواه ويشوف ربنا خالقه ومسخره فى الدنيا دى لايه بالظبط //
    انا مش فاهمه غل ايه بالظبط اللى بتكلم عنه
    ماعلينا
    اللى فهمته من حضرتك ان المراه تتدور ع الشغل اللى يناسب طبيعتها ومتحتكش بالمهن الصعبه زى الطب والهندسه وتسيب الكليات دى للى محتاج لها لان المفروض فى النهايه انها عتقعد فى البيت وحتى لو اشتغلت معيده او دكتوره بتبقى فاشله
    *********
    مع احترامى الكلام ده مش مقبول باى شكل باى شكل من الاشكال
    كل اللى عملته البنت وهى طالبه انها احترمت ده وذاكرت واجتهدت فى الوقت ان فى غيرها ما احترمش المكان اللى هو فى وكبر دماغه
    هنا كل واحد بياخد حقه بما يرضى الله
    ومفيش حاجه اسمها انها بعد كده بتبقى فاشله فى الحياه العمليه
    هى مش ناقصه ايد ولا رجل بالعكس المراه تفوقت ع الرجل فى جاجات كتير والامثله موجوده
    نرجع لنقطه انها تبعد عن الوظائف الصعبه المفروض ان الاسلام هو اكتر دين احترم المراه وكرمها واعطى لها حقوفها وفى الاسلام المراه كان لها دور سياسي واقتصادى واجتماعى
    السيده رفيده : كانت اول طبيبه فى الاسلام وكانت بتخرج مع المسلمين فى الغزوات لتمرض جراحهم والرسول امرها انها تنصب خيمتها فى المسجد لعلاج سيدنا معاذ بن جبل لما اصيب فى غزوه احد
    محدش قالها ساعتها انتى ست خلى الكلام ده للرجاله
    *************************
    مش كده وبس المراه قامت بالى اصعب من كده وهو القتال
    السيده خوله بنت الازور : كان ليها دور فى معركه اليرموك امام الروم عندما حاربت وهو ملثمه وظنها الناس انها خالد بن الوليد // يعنى مش بس حاربت دى وصلت لبراعه خالد بن الوليد اللى هو سيف الله المسلول ودى امراه بردو //
    ************
    والامثله كتيره طبعا ومننساش جميله بو حريد اللى اتسجل اسمها فى التاريخ بحروف من ذهب
    *****
    فى كمان اللى اخطر من ده
    فى احد الايام قام عمر بن الخطاب ليخطب فى الناس وذلك لتحديد المهور فقاطعته امراه اثناء الخطبه وجادلته واستشهدت بايه من القران فقال عمر(اصابت امراه واخطا عمر ) عادى جدااااااا
    الموضوع مش حكايه رجل ومراه وسهل وصعب الموضوع موضوع مجتمع متكاتل كل جزء فيه بيكمل الاخر والكل يدلو بدلوه لتكتمل مسيره الحياه ولو حصل نقص او قصور فده لا يرجع لكون المراه مراه او كون الرجل رجل ولكن يرجع لاسباب فرديه تختلف من شخص لاخر
    وزى ما فى رجاله شاطرين فى عملهم فى نساء شاطرين وزى ما فى اوجه قصور فى النساء فى الرجاله ومحدش معصوم من الخطا
    الغلط اننا نحجب المراه عن ممارسه مصاعب الحياه لكونها ضعيفه
    وشكرا كانت معكم
    واحده وراحت لحالها
    سلاام
    Someone said...
    معلش كلمتين واقفين ولازم اقولهم احسن اموت


    انا اللى اعرفه
    ان الراجل من مسئولياته انه يصرف على بيته ويصون اهل بيته ويراعى اولاده وزوجته ويقدر ينشا جيل متكامل دينيا واخلاقيا وعلميا والاب له دور اساسى فى دا كله ميرميش كل حاجة على مراته ويقول عليا انا اصرف وهى تربى بغض النظر هو معاه ايه او بيشتغل ازاى اهم حاجه يكون على قدر من الثقافه اللى تاهله انه يكون راعى لبيته وزوجته
    المسأله مش مسأله فلوس بس يصرفها على البيت


    المرأه واجباتها كالاتى انها تتعلم كويس وتشغل مخها فى كل حاجة مش فى شغل البيت وبس لا , تفكر ازاى تحافظ على اسرتها وتقدر تدير بيتها من غير ما يتهد ولا يقع ولا انها تهتم بتحقيق ذاتها بقى بانها تخرج وتشتغل وتسيب جوزها وولادها لواحده تيجى تخدمهم اومال هى لازمتها ايه لو مكنتش هى تخدم اولادها وزوجها ودا اللى ربنا امرها بيه وحتى لو بتعمله على مضدد منها بس دى واجباتها
    وحتى لو جوزها قصر يبقى هى متقصرش فى واجباتها .

    الموضوع مش خناقه ولا جدال فى اى شىء وخلاص


    اظن المقصود من الموضوع والله اعلم
    هو ان المراه تقدرتكريم الله ليها ومتحطش نفسها فى مواقف اكبر منها كأنثى مش موضوع عقل ولا امكانيات لان ممكن البنت تفوق الولد فى التفكير فى موضوع ما او مجال ما بس متعب ليها ومش هيصونها كبنت فى وسط بعض الفئات والمجتمعات بس ممكن انها تصب كل هذا فى بوتقه اخرى تتناسب معاها كالمرأه

    مع السلامو عليكم

    نأسف على الاطاله
    !! a7mad sala7 !! said...
    لا انتو عايزين قاعدة


    ويلكم بميوش
    منورانى والله
    بجد والله العظيم ;;)



    brb
    غير معرف said...
    ميرسي ليك
    المدونه منوره باصحابها :)
    يارب اكون رديت رد خفيف
    واختلاف الراى لايفسد للود قضيه
    دى اهم نقطه
    LovePlay said...
    بسم الله الرحمن الرحيم
    اسمحوا لى ياجماعه اشارككم بالرأى فالموضوع ده بس ياريت ياجماعه تمشوا معايا خطوه بخطوه عشان محدش يتوه منى لأنى هطول شويه.
    بصوا ياجماعه:
    الله سبحانه وتعالى فى محكم كتابه العزيز قال: بسم الله الرحمن الرحيم"وما خلقت الجن والأنس الا ليعبدون" سورة الذاريات
    يعنى ربنا مش قال وماخلقت الجن والرجال الا ليعبدون أو مش قال النساء لأ ده قال الانس ومن هنا نعرف ان أول وظيفه للأنسان فالأرض هيه عباده الله وحده لا شريك له.ده أولا
    نخش فثانيا بقى:
    قال الله فى كتابه: بسم الله الرحمن الرحيم
    "وهو الذى انشأكم من الارض واستعمركم فيها " سورة يونس
    يعنى نعرف من هنا ان الوظيفه التانيه هيه عمارة الارض وبرضوا ربنا مش قال هنا الرجال أو النساء يعنى مش اختص حد بالعمران يعنى اللى يقدر يفيد البشريه بحاجه يعملها ومش اختص بالذكر راجل أو انثى.
    نيجى بقى لكلامنا العام كده اللى بينا وبين بعض:
    أنا عايز أسأل البشمهندس أحمد ودوبى فى سؤال:
    بعد ان شاء الله ماتتجوز وربنا يشاء انه يرزقك ببنات بس ويحرمك من الذكور بذمتك وضميرك مش هيبقى نفسك بنتك ديه تخش كليه من كليات القمه اللى أنت بتستنكرها فى كلامك على البنت.
    طيب بعد ماتكبر فالسن وتبقى مش عارف تشتغل مش هتتمنى ان بنتك ديه تشتغل فى وظيفه كبيره وتترقى فيها وتوصل أعلى المناصب.
    اما بالنسبه للحوادث فبيكون فيه سواقيين بقالهم عشرين سنه مش بيعملوا حاجه غير انهم يسوقوا وبيعملوا حوادث لأن ربنا بيكون عايز كده وده حكم ربنا .
    وياريت نفكر قبل مانكتب حاجه أحنا مش عارفنها عشان مش نرجع نندم
    وسلاااااااااااااااااام.
    !! a7mad sala7 !! said...
    Someone

    //غير كدا بيقعد يضربها اخماس فى اسداس لحد ما تتدبر//

    ما يضرب
    امال هو راجل ازاى
    يضرب كل الاعداد اللى قولتيها دى واكتر
    عشان يوصل للى هو عاوزه
    والا ميبقاش راجل

    //وانت فاكر قاعده البنت فى البيت دى راحه بيتهالك (وما خفى كان اعظم) //

    لا مش فاكر والله
    حد فاكر يا جماعة
    لا خالص .. مفيش

    //حضرتك بتتكلم ف قشور المشاكل اما المشاكل الحقيقه دى بعيده اوى عن الكلام اللى فى الموضوع دا//

    بالظبط كده
    اديكي قولتى بعيد عن الموضوع
    خلينا فى الموضوع احسن بقي

    ===============================

    الرد التانى:

    //معلش كلمتين واقفين ولازم اقولهم احسن اموت//

    لا بعد الشر قوليهم

    //الموضوع مش خناقه ولا جدال فى اى شىء وخلاص //
    بالظبط كده

    وانتى بصراحة جبتى زتونة الموضوع
    بعد الرد ده مش عايز اكمل


    ولا هكمل مش مشكلة :D


    //اظن المقصود من الموضوع والله اعلم
    هو ان المراه تقدرتكريم الله ليها ومتحطش نفسها فى مواقف اكبر منها كأنثى مش موضوع عقل ولا امكانيات لان ممكن البنت تفوق الولد فى التفكير فى موضوع ما او مجال ما بس متعب ليها ومش هيصونها كبنت فى وسط بعض الفئات والمجتمعات بس ممكن انها تصب كل هذا فى بوتقه اخرى تتناسب معاها كالمرأه//

    تسلم الايد اللى كتبت الكلمتين دول
    !! a7mad sala7 !! said...
    Boba

    //دفاع عن مرأة ايه بسي
    هي ضحية ولا متهمة//

    مقولتش دفاع عن مرأه على فكرة
    بقول دفاع عن موقف
    احنا مش فى محكمة هنا

    //انا اصلا لا ارى كلمة مرأة ورجل//

    دى كفيلة انى مكملش مناقشة معاكى
    لان دا التطرف بعينه
    لو مفيش مرأة ورجل
    كان ربنا خلقنا جنس واحد
    ربنا خالقنا مرأة ورجل عشان يبقي كل واحد ليه دوره
    والاتنين يكملو بعض والحياه تمشي
    كونك مش شايفه فرق دى حاجة تانية خالص بقي
    وموضوع كلنا انسان واغنية سميرة سعيد دى دا بعيد عن الواقع خالص

    //و موضوع ده اللي هو عن الشغل لا يرجع الا نوع الانسان في حاجة
    :)//

    نو كومنت بجد
    متجيش باى حال من الاحوال

    //فعلا واقع
    بسي من زوية رؤيتك انت
    اللي تقديري ليها انها ديقة//

    بقول واقع
    واقع علينا كلنا
    مش عليا انا لوحدى
    زاوية ايه وركن ايه

    //وصدقني كمان 10 سنين هتلاقي رؤيتك لامور كتير اتغيرت//

    لا مش مصدقك بصراحة
    دى مسألة مبدأ
    يعنى مش هيبقي عندى نخوه دلوقتى وبعد 10 سنين هتروح

    //ان اول مستشفى في الاسلام كانت صاحبتها امرأة
    واول طبيبة في الاسلام هي رفيدة بنت سعد الاسلمية//

    جميل
    بس متضربيش مثل من عصر واحنا عايشين فى عصر تانى
    السيدة رفيدة رضي الله عنها لو اولياء امورها شايفين ان عملها ده فيه مساس لطبيعتها كأنثي مكانوش هيوافقو من البداية
    انتى بتضربي مثل من اروع امثلة النساء
    مقارنة بجيل اقل بكتير من جيلهم
    يعنى البرازيل مع اسمنت اسيوط
    اكيد فى ظلم فى المقارنة ..

    //غير انك مش من حقك تقول المعظم ولا الاقليه حتى
    انت شوفت في دنيتك اد ايه
    عشان يبقى عندك الاكسبرينس اللي تقول بيها كده//

    شوفت امثلة من الجيل اللى حواليا
    من دايرة معارفى
    من خلال سيرة الناس اللى اعرفها
    وهو الحكم هييجي بايه اكتر من كده
    دى الحقيقة اللى عايشينها
    اقلية قليلة فعلا اللى بتجمع بين دراستها وحياتها بشكل بيرفكت

    كونك انتى من الاقلية فربنا يزيدك
    لكن انتى مش مقياس

    ومش محتاجة اكسبرينس دى

    //الحمد لله كفرتني وخرجتني من الاسلام وانت قاعد في بيتكوا//

    مين قال؟؟
    حد قال يا جماعة ؟؟
    محدش قال .. لا
    مفيش بشر من حقه انه يكفر بشر
    دى مش محتاجة كلام
    وانتى خرجتى عن الموضوع خالص على فكرة

    وعلى فكرة بردو مناقشتك معايا مش فى اطار الموضوع
    فى اطار المبدأ
    والل بيتناقش فى مبدأ مبيوصلش لنتيجة
    لان المبادئ مبتتجزئش

    //كل سنة وانت مسلم محترم حمش//
    يارب
    //كل سنة وربنا راضي عنك//
    وانتى طيبة
    !! a7mad sala7 !! said...
    صفا سارة

    يا رب


    //كلمة لبوبا بئه كبرى دماغك يا بوبا//

    وصلت الكلمة

    بس كلمة منى انا ليكي بقي
    حاولى تعملى لرسايلك انكريبشن شوية

    لان هنا مش مصلحة البريد
    المكان ده مكان تعليقات على تدوين


    وبعدين انا ملاحظ ان حضرتك مبترديش فى البلوج الا بطريقة كلام من تحت لتحت
    ومبنطلعش من ردك باى حاجة

    انا مش معترض
    بعرف كويس اوى اعامل كل واحد بنفس اسلوبة

    بس دى كانت هينت صغيرة كده على رأى روان
    !! a7mad sala7 !! said...
    انشودة

    //وبلاش كل واحد يتهم التانى بالعنصريه //

    مفيش اتنين اتهمو بعض

    // كل انسان اقدر على تحديد اولوياته واحتياجاته ممكن واحده تكون اقدر على انها تبدع فى المجالين وده صعب //

    بالظبط
    بس دا مش هدف الموضوع

    شكرا للاضافة
    تحياتى ..
    !! a7mad sala7 !! said...
    mayosh

    //(اللى فهمته)
    من حضرتك ان المراه تتدور ع الشغل اللى يناسب طبيعتها ومتحتكش بالمهن الصعبه زى الطب والهندسه وتسيب الكليات دى للى محتاج لها لان المفروض فى النهايه انها عتقعد فى البيت وحتى لو اشتغلت معيده او دكتوره بتبقى فاشله//

    لا يبقي فهمتيني غلط

    //ان المراه تتدور ع الشغل اللى يناسب طبيعتها ومتحتكش بالمهن الصعبه//

    لحد هنا صح

    //زى الطب والهندسه وتسيب الكليات دى للى محتاج لها//

    لا مقولتش كده
    واظن اى حاجة هتتبنى على الفهم دا هتبقي مش صح

    //ومفيش حاجه اسمها انها بعد كده بتبقى فاشله فى الحياه العمليه //

    لا فى على فكرة
    ويمكن دا مبيبانش لان سياستنا هنا غبية
    سياسة الشغل الحكومى اللى مبتزعلش حد

    لكن لو تخيلنا ان الحياة العملية كلها شغل خاص هيبان العجز

    العجز مش باين دلوقتى لكن محسوس
    والدليل هو اللى وصلناله وحال البلد شاهد

    //والامثله//

    بالنسبة لحتة الامثلة دى اتكلمت عنها فوق
    الحكم فى الموضوع دا غير عادل
    اختلاف العصور بيأدى لاختلاف فى حاجات كتير
    زى مدى التدين
    والاخلاقيات
    والسلوك
    والمفاهيم بتاعة الناس اللى اتغيرت بتغير الزمن
    لان كل زمان ليه ادان

    الايام اللى بتتكلمى عنها دى غير ايامنا 180 درجة

    //الغلط اننا نحجب المراه عن ممارسه مصاعب الحياه لكونها ضعيفه //

    مش لكونها ضعيفة
    لكون ان المصاعب دى المفروض يواجهها راجل

    لو مفيش راجل يواجه المصاعب
    تبقي تواجهها هى
    والا تبقي انسانة بتحب البهدلة

    منورة
    وردك خفيف متقلقيش :D
    !! a7mad sala7 !! said...
    /*
    \\
    تبدع فيها المرءه اكتر من الراجل ليه
    \\
    &
    \\
    المراه تفوقت ع الرجل فى جاجات كتير والامثله موجوده
    \\
    &
    \\
    ممكن البنت تفوق الولد فى التفكير فى موضوع ما او مجال ما
    \\


    من الملاحظ
    ان كل اللي بيتكلموا بنات
    ومن الملاحظ ايضا
    ان المقارنه بتكون بين اقوي امرأه و اضعف رجل

    لان لو في راجل راجل يعني
    مينفعش يقارن باي امراه
    وتقولوا دي عملت وده معملش

    طب ليه يعني؟
    لو هنتكلم بانصاف ومساواه
    يبقي نقارن بين اتنين يا اما ضعاف يا اما اقويا
    ولا هو كلام والسلام
    _______________________________*/

    دا كان رد محمد صلاح
    عزرا للخطأ التقنى :D
    !! a7mad sala7 !! said...
    محمد صلاح

    //من الملاحظ
    ان كل اللي بيتكلموا بنات//

    ما علينا من دى
    مش موضوعنا

    //ومن الملاحظ ايضا
    ان المقارنه بتكون بين اقوي امرأه و اضعف رجل

    يبقي نقارن بين اتنين يا اما ضعاف يا اما اقويا//

    نفس المعنى بتاعى تقريبا ولكن بكلمات اخرى

    تحياتى ..
    وعذرا مرة اخرى على الخطأ التقنى
    !! a7mad sala7 !! said...
    LovePlay

    صبحى باشا
    منور والله
    وشاركنا طبعا احنا لينا الشرف


    بالنسبة للرد بقي
    ههههههههههههههههههههه
    طبعا ملحوظ جدا ان ردك ده على حد معين مش على الموضوع
    ما علينا

    //مش هيبقى نفسك بنتك ديه تخش كليه من كليات القمه اللى أنت بتستنكرها فى كلامك على البنت//

    لا طبعا ماستنكرتش
    انت مقريتش الموضوع
    انت جيت رديت على طول بعد المشاحنة بتاعة امبارح :D
    حاول تعرف الهدف من الموضوع وانت تعرف

    //
    اما بالنسبه للحوادث فبيكون فيه سواقيين بقالهم عشرين سنه مش بيعملوا حاجه غير انهم يسوقوا وبيعملوا حوادث لأن ربنا بيكون عايز كده وده حكم ربنا .//

    هههههههههههههه
    ونعم بالله
    يابنى
    انت شكلك مبتشوفش ستات سايقة ولا ايه
    كل شيئ بحكم ربنا طبعا
    بس ربنا مقالش ارمو بانفسكم الى التهلكة
    اللى بيحصل دا بيسبب تهلكة فعلا والله

    //وياريت نفكر قبل مانكتب حاجه أحنا مش عارفنها عشان مش نرجع نندم
    وسلاااااااااااااااااام.//

    :-??
    مش عارفينها ايه
    انت خرفت ياد شكلك
    سلام سلام
    !! a7mad sala7 !! said...
    حاجة اخيرة عايز اقولها للكل

    يا ريت يا جماعة اللى ييجي يرد
    يرد على اد الموضوع
    يعرف الهدف من الموضوع ايه ويناقش على اساسه

    واللى يناقش يناقش فى فكرة او فى وجهة نظر
    مش يناقش فى مبدأ
    على الاقل عشان نوصل لحل او اتفاق

    يا ريت بلاش الاتهامات والمسميات عشان منخرجش عن دايرة الاحترام فى التعبير

    ويا ريت اللى جاى وعامل حسابه يتخانق او يعلى صوته عن طريق الرد ميجيش
    على فكره انا معنديش مانع ابدا
    وبعرف اعامل كل واحد بمعاملته
    بس انا بتكلم حفاظا على الشكل العام بس

    واللى حاسس ان افكارى مستفزة وبتتعبه شخصيا ميقراش او على الاقل ميردش

    ويتكرم بس ويقرا الكلمتين اللى تحت عنوان البلوج الاول

    //ليست مشكلتي إن لم تصل الفكرة لأصحابها .. فهذه قناعاتي وهذه افكاري وهذه كتاباتي//

    وكمان

    //هي في النهاية مجرد رؤيه لأفكاري مع كامل ووافر الحب والتقدير لمن يمتلك وعياً كافياً هذا الذى يجبر قلمي على أن يحترمه//

    واظن معظمنا عنده الوعى

    تحياتى للجميع ..
    halaS demahoM said...
    \\
    يعنى البرازيل مع اسمنت اسيوط
    \\
    يعني
    23/0
    ولا كانت النتيجه كام؟؟؟

    \\
    بعد ان شاء الله ماتتجوز وربنا يشاء انه يرزقك ببنات بس ويحرمك من الذكور بذمتك وضميرك مش هيبقى نفسك بنتك ديه تخش كليه من كليات القمه اللى أنت بتستنكرها فى كلامك على البنت.
    \\
    انا مستنكرتش ولا حاجه
    بالعكس انا بحب البنات اكتر من الولاد
    بس اعتقد انه لما يكون عندي بنت في سنة 2030 ويكون عندها 10 او 15 سنه في زمن الله اعلم هتكون ايه ملامحه
    وايه ظروفه وايه عاداته وايه تقاليده
    اعتقد اني ممكن مدخلهاش مدارس اساسا

    واكيد هكون فرحان لو بنتي مثلا جابت 100% في الثانويه العامه
    واتمني لها كل خير
    بس محبش ليها انها تقعد تناطح الرجاله راس براس كده عمال علي بطال

    امشي يا عم انت وهو
    هيا البت تقعد في البيت من غير دوشه ولا وجع دماغ
    من خرج من داره انقل مقداره
    في معادله لو الاينبوت بتاعها دين وعلم واخلاق والاوتبوت بتاعها شغل كويس
    المعادله دي مش قادرين نحققها دلوقت يبقي هنحققها ازاي بعد كده

    وبعدين مينفعش اختي مثلا تنزل الشارع وانا عارف ان ممكن حد يلسن عليها او يرزل عليها
    !! a7mad sala7 !! said...
    ههههههههههههههههههههههههههه

    //بس محبش ليها انها تقعد تناطح الرجاله راس براس كده عمال علي بطال//

    متفق معاك لحد هنا
    تتعلم زى ما هى عاوزه
    انشالله تتعلم العلم كله
    وتخش الكلية اللى تعجبها
    لكن ساعة الشغل متشتغلش الشغلانة اللى تبهدلها

    منور يابوالسلاطين
    Che Ahmad said...
    كلامك عن المشكلة دي مشكلة جيل ولاد وبنات
    مشكلة جيل متربي علي انك يا تدخل هندسة يا طب
    احسن كتاب في مصر حاليا كانوا دكاترة وسابوا الطب وبقوا كتاب مشهورين
    نبيل فاروق احمد خالد توفيق علاء الاسواني شريف عرفة
    المشكلة اللى بتتكلم عنها مهندسين او اطباء دي مشكلة جيل
    مشكلة بلد

    حكاية السواقة دي مشتركة
    فعلا في بنات كتير مش بتعرف تسوق ، مقابل ولاد قليلين نفس الحكاية
    بس المشكلة ف ان البنات والولاد اللى ما بيعرفوش دول
    اهاليهم ليهم نفوذ بيطلعوا ليهم رخص بدون ما يتعلموا قيادة اصلا
    يعني المشكلة في عدم احترام القوانين وعمرها ما كانت في بنت او ولد

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds