مصر .. تتحدث عن نفسها

قصيدة لحافظ ابراهيم .. شاعر النيل
غنتها ام كلثوم
عمل فنى رائع بعتز بيه جدا .. وبحب اسمعها من وقت للتانى
وايمانا منى ان مجد بلد معينة مبيتهدش باخافاقات جيل معين
بس بجد كتير اوى اللى بيحصل ده
شوية مواقف كده ورا بعضها خلت الواحد يكره عيشته فى البلد دى
مش كرها فى البلد نفسها .. بس اهلها اللى موحشينها
اكيد مش كل اهلها .. بس زى مبيقولو الحسنة بتخص والسيئة بتعم

زمان ايام حرب اكتوبر اسمع ان معدل الجريمة كان صفر
معدل المحاضر فى الاقسام كان صفر
يعنى مكانش فى واحد بس بيسرق؟
مكانش فى واحد بس بيقتل؟
مكانش فى واحد بس بينصب؟
مكانش فى بلاغ واحد فى قسم؟
مكانش فى محضر متسجل؟
اه .. تخيلو اه
كانت الاقسام تتصل ببعضها ويسالو
هااا مجالكش اى محضر .. يرد القسم التانى يقوله لا
دا لما كان فى نكبة فى مصر
والناس كلها اتفقت تعمل حاجة عشان خاطر بلدها وعشان خاطر نفسها

تعالى دلوقتى بقي
عايشين فى عصر السلام والرخاء .. الوهمى طبعا
بس الاسم انه استقرار

وهى مصر ايه غير شعب بيحميه جيش .. وشرطة
لما يبقي بتوع الجيش وبتوع الشرطة بيتنااااافسو ازاى كل واحد فيهم يكسر عين التانى
بتوع الشرطة يفترو على بتوع الجيش وهما من غير اثبات
وبتوع الجيش يروحو يكسرو قسم 15 مايو ويدشدشو عربيات البوكس .. ومن غير ما حد يقولهم بم
والمطحون وسط دول ودول الشعب الغلبان
اللى كل من معاه سلطة يحط عليه ويستغله

الاستغلال وصل للشعب بينه وبين نفسه

لما دكتور مشهور شوية يستكبر يكتب علاج للعيانين
تروحله يمص دمك ويحولك على دكتور صغير تحت ايده

لما مدرس مشهور شوية يستكبر يجاوب سؤال طالب عنده
تروحله يقولك اسال المدرس الصغير اللى شغال تحت ايده

لما حتى الكورة اللى هى المصدر الوحيد لسعادة المصريين
لما بتوع الاهلى يولعو علم الاسماعيلي
وبتوع الاسماعيلي يولعو علم الاهلى
وكاريكاتيرات تهزيئ وسخرية
مستغربين ليه ان الجزائريين بيشتمو فينا ويهزأونا ويولعو علمنا

لما ولما ولما ......

واهو بردو مصر بتتحدث عن نفسها
بس بقي حديث ماسخ زى البطيخ الاحمر بس مرشوش
الله يرحمك يا عروبة :D

22 Comments:

  1. دريم كبير said...
    السلام عليكم ورحمة الله وبركاته

    انا هعلق تعليق بسيط

    لما الرسول صلى الله عليه وسلم يقول لافرق بين عربي ولا اعجمي الا بالتقوى

    نيجي نقول عروبه ؟!
    ودول يقولوا وطنيه !
    ودول يقولوا خليجي !
    ودول يقولوا افريقي!
    ودول عايزين يستقلوا ومش عارف هبل ايه

    صحيح فرق تسد

    المسلم الهندي اخويا والكافر اللي يقربلي اتبرأ منه

    ده مش من عندي ده صلب الاسلام
    (لا تجد قوما يؤمنون بالله واليوم الآخر يوادون من حاد الله ورسوله ولو كانوا آباءهم أو أبناءهم أو إخوانهم أو عشيرتهم )

    فقمة الجاهليه هي اللي بتحصل دي
    والله العظيم جاهليه
    لذلك الرسول صلى الله عليه وسلم لما احد الصحابه قال للأخر يابن السوداء قال ايه؟ قال : ابدعوى الجاهليه وانا بين ظهرانيكم؟

    ربنا يهدي المسلمين يارب ويردهم اليه ردا جميلا
    Cute Kitty **sookra said...
    احمد صلاح
    اوعى تستغرب ياابوحميد
    الاستغراب هو الفعل الوحيد اللى لازم نستغربه
    تحياتى وربنا عنده الحل
    morgana said...
    وهو ده العادي من بنك مصر:D

    الحاجات دي بتحصل في أي بلد وفي أي مكان
    بس عايزه اقول ان مع كل اللي بيحصل ده
    بأمانه البلد دي أحسن من غيرها:)
    صاحب رأى said...
    بتحصل فى احسن العائلات والبلاد يابو حميد

    بجد بحب اقرأ كلامك
    لان زى ما تقول كدا كلامك بطيخ احمر مش مرشوش :D
    غير معرف said...
    الا موضوع الشرطة ده

    زاد عن حده اووووووووووى

    :(
    halaS demahoM said...
    دقيقه حداد
    ده اللي تعمله لما يحصلك موقف زي كده
    او
    تروح البيت تشرب لك فنجان قهوه ساده
    علي كل القيم والمبدئ وااخلاقيات
    اللي الشعب بتاعنا ابتدعها

    بس ارجع واقولك ملناش مكا غيرها
    هتعمل ايه يعني؟
    اخبط دماغك في اتخنها حيط وبردوا مش ده الحل
    ЯậŇ MỗŘỹ said...
    السلام عليكم و رحمة الله و بركاته
    يا بنى معدش ينفع الكلام
    خلاص كل المبادئ ماتت و الاخلاق انتحرت فى زمن اصبحت فيه الشرور تغسل الخير و ليس العكس أصبح الحق فى القاع يعلوه الباطل ترفرف رايته فى سعاده و فخر
    الله يرحم كل حاجه حلوه
    نوت صغنونه كده: متفقه مع بيج دريم
    سلام على بلاد لا تعرف حقوق الانام و تاه اسمها بين الزحام
    !! a7mad sala7 !! said...
    دريم كبير

    وعليكم السلام

    نورت
    !! a7mad sala7 !! said...
    على فكرة انت سبت الموضوع الاصلى ومسكت فى حتة انا مبتكلمش عنها خالص


    بس يالا شكرا للافادة
    !! a7mad sala7 !! said...
    Saso

    لا انا مش مستغرب اطلااكككا


    عاااااادى :D
    !! a7mad sala7 !! said...
    morgana

    اكيد احسن من غيرها

    بامانة شديدة :D
    !! a7mad sala7 !! said...
    صاحب رأى

    //بجد بحب اقرأ كلامك
    لان زى ما تقول كدا كلامك بطيخ احمر مش مرشوش //

    ماسخ يعنى

    ماشي يا سيدي
    شكرا لردك المرشوش
    !! a7mad sala7 !! said...
    الغير معروف

    اه والنبي ياخويا

    دانا بالذات على قلبي علة اد كده من الموضوع ده
    !! a7mad sala7 !! said...
    امسكنى لو تعرف بعد ما غير اسمه

    البقية فى حياتك
    !! a7mad sala7 !! said...
    روح بلا فرح

    دباجة رائعة

    ويلكم باك
    halaS demahoM said...
    دايما اسمع ان في ناس بتتخانق مع دبان وشها
    وشفت البرنس بيعملها في كده رضا

    بس اول مره في الحقيقه اشوف حد بيتخانق مع دبان وشه

    بس المفروض انت من الاسماعيليه يعني والدبان عاااااااااادي عندكم يعني
    ولا ايه؟
    !! a7mad sala7 !! said...
    ههههههههههه

    يا عم انت غيرت كلمة تضحك لكلمة مش عايزة تتقرى

    دبان ايه وغربان ايه


    الله يمسيك بالخير يا ناموس
    halaS demahoM said...
    يا عم انت انا بتكلم ع الردود بتاعتك
    انا مالي يا عم
    يكشي تولع الحكومه ع الشعب وفي سفينه واحده
    عشان ميلاقوش ميه يطفوها
    صاحب رأى said...
    صاحب رأى

    //بجد بحب اقرأ كلامك
    لان زى ما تقول كدا كلامك بطيخ احمر مش مرشوش //

    ماسخ يعنى

    ماشي يا سيدي
    شكرا لردك المرشوش


    افهم يا ريس
    البطيخ الاحمر اللى مش مرشوش اقصد بيه انه بطبيعته حلو يا حلو انت

    اما اللى مرشوش فا هو فى الاصل ماسخ بس بيستهبل :D
    !! a7mad sala7 !! said...
    ماشي
    غير معرف said...
    كنت شخص عادى بتصفح المدونات لكن الظروف ئارت انى أوصل لمدونتك .. وانا بقراها حسيت انك بتعبر بالقارىء بكلماتك وبتدور بيه فى رحله جميله .. أعتقد ده سببه انه كلماتك من القلب
    شكراعلى مدونتك الحلوه .
    !! a7mad sala7 !! said...
    ربنا يخليك

    مبسوط جدا لرأيك فيا وفى مدونتى

    ويا رب تشرفنا دايما :)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds