الغيــرة


الغيرة
غريزة فطريه خلقها الله داخل كل شخص

الغيرة
غيرة على ارض .. غيرة على عرض .. غيرة شخص على شخص
وان تبدلت الادوار

الغيرة
حتى وان تحولت الى مرض فهى مرض لذيذ جدا

بعد المقدمة وخلافه
.
.

مفيش شك ان نسب الغيرة بتتفاوت من شخص لشخص
بس اللى اعرفه ان الانسان اللى ميغيرش دا يبقي انسان بارد أو مريض

والانسان اللى ميقدرش غيرة انسان تانى دا لا يستحق الاحترام
وان مقدرش غيرة انسان عليه يبقي لا يستحقه ولا يستحق اهتمامه

اينعم الغيرة لا تعنى حب
بس الحب من غير غيره يبقي حب ناقص
أو لا يعتبر حب

فى فرق كبير جدا بين الغيرة والشك
الغيرة عمرها ما كانت شك والشك لا يمس الغيرة من قريب او بعيد

حق مشروع جدا للانسان اللى بيحب انه يغير
وحتى لو كان مزودها شوية فبردو يستحق التقدير

والموضوع ده عمره ما كان مشكلة عويصة لانه بيتحل بقليل من التفاهم
لكن فى ناس بتزعل وتقفل من الغيرة وتعتبرها تضييق فى الحرية وحب امتلاك
مع ان انا شايفها اقصي درجات الحب

اينعم فى ناس بتغير بغباء وبتبقي بطريقة مدمرة للعلاقة بس دا مش مقياس
المفهوم الحقيقة للغيرة مش كده خالص

يمكن زى ما قال كاظم لغيرة النسوان فعل الخنجر :D
بس انا شايفه خنجر لذيذ جدا :)

اخيرا هختم بجملة:

لا تعبر عن حبك لهم بالغيرة
فأذا كنت غير متاكد من احساسهم تجاهك
فأنك قد تكشف لحظات ضعفك لمن لا يستحق ...
دمتم بود

8 Comments:

  1. e_emy said...
    لا تعبر عن حبك لهم بالغيرة
    فأذا كنت غير متاكد من احساسهم تجاهك
    فأنك قد تكشف لحظات ضعفك لمن لا يستحق..

    جميل جداااااااا


    تفتكر مين اكتر غيرة الرجل ام المرأه ؟؟
    !! a7mad sala7 !! said...
    ههههههههههههههههههههههههه
    بردو


    على فكرة ردى على السؤال ده نفس ردى على السؤال اللى فى ردك الى فات

    الاتنين بخصوص المقارنة بين راجل ومرأة

    البوست الجاى ان شاء الله :)

    نورتى
    Olive said...
    //
    حق مشروع جدا للانسان اللى بيحب انه يغير
    وحتى لو كان مزودها شوية فبردو يستحق التقدير
    //

    تمام جدا

    انا متفقه معاك فى كل كلامك
    دا بس للاسف
    ساعات بيبقى فى غيره مخنقه فعلا مخنقه اوى
    ممكن ميقولش انه بيغير الشخص دا بس بيتعامل معاك باسلوب لا يطاق


    بس دا مش حب فى رايى الغيره القاتله دى
    دى احساس بالنقص وكمان حب امتلاك بشع


    مفيش حد مبيحبش مش بيغير على اللى بيحبها او هى تغير على اللى بتحبه



    بجد بحييكى على الموضوع

    تحياتى
    !! a7mad sala7 !! said...
    اوليف اللى قافله البلوج بتاعها

    فى غيرة مخنقة اه
    بس بتبقي طبع فى الانسان ده
    مش بتبقي غيرته مخنقة بمزاجه
    بتبقي لا ارادية
    اما لو حد بارادته بقي يبقي تحكم
    ميبقاش بسبب حب
    وبيبان جدا على فكرة
    فدى مش مشكلة بردو :)

    نورتى
    وهتنورى اكتر لما تردى من الاكونت بتاعك
    Ahmed Gaber said...
    لا تعبر عن حبك لهم بالغيرة
    فأذا كنت غير متاكد من احساسهم تجاهك
    فأنك قد تكشف لحظات ضعفك لمن لا يستحق ...


    يسلم الدماغ اللي جاب الكلمتين دول
    ShiMOo said...
    \\
    الغيرة
    حتى وان تحولت الى مرض فهى مرض لذيذ جدا
    \\

    معــــــــاك

    \\
    والانسان اللى ميقدرش غيرة انسان تانى دا لا يستحق الاحترام
    وان مقدرش غيرة انسان عليه يبقي لا يستحقه ولا يستحق اهتمامه
    \\

    مظبوووووووط

    \\
    حق مشروع جدا للانسان اللى بيحب انه يغير
    وحتى لو كان مزودها شوية فبردو يستحق التقدير
    \\

    اكتر كلمتين عجبوني في البوست D:



    وتقريبا متفقين في الباقي :)
    !! a7mad sala7 !! said...
    Ahmed Gaber

    يا لهذه الطلة المنيرة

    البلوج زأطط يا باشا

    :)
    !! a7mad sala7 !! said...
    ShiMOo

    متفقين

    اذا تشييك هاندز

    واشربي العصير :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds