مشاكل .. مشاكل .. مشاكل


ربنا ما يجيب مشاكل يا رب

تعالو نتكلم براحة شوية

اى مشكلة بتحصل فى الدنيا بين شخصين
بيبقي سببها ايه
اختلاف فى وجهات نظر؟؟

على فكرة عمر الاختلاف فى وجهات النظر ما كان سبب فى مشكلة
الا فى امور الدين
لان الدين مفهوش وجهات نظر
ودى اتكلمنا عنها قبل كده

فيما عدا ذلك وجهات النظر عمرها ما كانت القضية

طيب ايه السبب؟؟

نجيبها من ورا لادام

مش بيقولو كل مشكلة وليها حل
وكل عقدة وليها حلال

طيب ليه فى مشاكل مبنلاقيلهاش حل
او مش باللفظ ده بالظبط
تقدر تقول مبنوصلهاش لحل

اولا تدخل الشيطان
دا المتغير الازلى اللى مش هيفارقنا لحد ما نقابل ربنا يوم القيامة ان شاء الله
ودا علاجه ذكر الله والتقرب من ربنا
اذا ذكر اسم الله هربت الشياطبن
واحد هييجي يقولى ماحنا بنذكر ربنا 100 مرة والمشكلة مبتتحلش
اقولك السبب هو ان القلوب مش صافية لربنا
ودرجة ايمان الناس ضعيفة جدا
مما لا يسمح بان ربنا يذهب الشيطان من بين الطرفين
وتأكدو ان محدش بيقول يا رب بنية صافية وبقلب نضيف وربنا بيخيب ظنه ابدا

الشيئ بالشيئ يذكر
زى ايات الشفاء يالظبط
فى 7 ايات فى القران
لو حد قراهم على مريض يخف فورا
واحد هيقولى قرينهم 100 مرة ومفيش فايدة
اقولك لان درجة ايمانك بربنا موصلتش للحد المطلوب ان ربنا يشفيلك مريضك

يبقي الحل البسيط والسهل الممتنع هو صفاء القلوب لله سبحانه وتعالى

نيجي لسبب تانى من المشاكل
وهو الشيطان بردو
بس المرادى شيطان النفس
وشيطان النفس اخطر 100000 مرة من الشياطين اتباع ابليس
لسبب بسيط
شياطين ابليس لا تتعرض لمؤمن ابدا

لكن شيطان النفس بيتعرض ليه كل شخص فى الدنيا
سواء مؤمن او غير مؤمن

ناخد نوع واحد من شياطين النفس ونتكلم عنه بالتفصيل
وهو العند
العند مرض نفسي خطير جداا
عند الانسان ده هو عدوه

العند وحش اوى يا جماعة
ويقال ان العند يورث الكفر

لما بتكون فى مشكلة بين طرفين وكل واحد يسوق فى عنده
عمر المشكلة ما هتوصل لحل
لازم يبقي فى شوية تنازلات عشان الدنيا تمشي
التنازلا دى هتيجي من اى طرف ولا هتيجي من الطرفين مع بعض
مش دى المشكلة
المشكلة ان الاتنين يبقو مستعدين يضحو
عشان يوصلو لاتفاق ينهى مشكلتهم
مشكلتنا احنا ك عرب اننا مبنعرفش نتفق
احنا اتفقنا على حاجة واحدة
اتفقنا على الا نتفق
ولذلك فى مشاكل دايما

طل تعالو نجيبها للافراد
مشكلة بين اتنين
مش هقول بقي كلام المتخلفين اللى بيقول ان اى مشكلة لازم تكون سببها ست :D
ما علينا من الحتة دى

اى اتنين مرتبطين ببعض
ايا كان نوع الارتباط
بترلط بيهم علاقة صداقة
جيرة
اخوه
او ارتباط زواج
اى علاقة

معرضين للوقوع فى مشكلة فى اى وقت
ولما يكون اتنين مرتبطين يبقي لازم يبقي فى حل للمشكلة
دا عشان الحياة تكمل ما بينهم

طيب لو مش مرتبطين؟؟
خلاص

يبقى وقفنا عند حتة ان الاختلاف فى الرأى لا يفسد للود قضية
اى نعم انا مش موافق ع المقولة دى
بس فى حالة ان اتنين ملهمش علاقة ببعض
اظن ودا الراجح ان حد فيهم او هما الاتنين هيقولك يا عم هو حر
يولع بجاز
خليني انا مقتنع بدماغى وهو مقتنع بدماغه
واهو كل واحد ماشي فى طريق
هنا مفيش مشكلة وفعلا لا يفسد للود قضية
وكل واحد مجبر انه يحترم رأى التانى ويقدر تفكيره
ما لم يتعرضو لامور الدين والامور المسلم بيها
ومش هنخوض فى الحتة دى كتير
اذا انت حر ما لم تضر

طيب نتكلم فى حتة اجتماعية شوية بقي
ويا ريت البنات يفتحولنا صدورهن للمناقشة شوية
وبلاش العصبية الله يكرمكن

حتت التنازل او التضحية عشان الدنيا تمشي
دى لو بين ولد وولد
او بنت ببنت
اكبد مفيش اولوية
الاولوية الطبيعية للعقل
الحكمة بتحل اى مشكلة والعقل دايما بيكسب فى اى مواجهة مع القوة
لان ربنا خلقنا وميزنا بالعقل
اتصرفت بعقلك يبقي انت بتحقق نظرية تكريم ربنا ليك على بقية مخلوقاته
اتصرفت باى حاجة تانية يبقي انت اللى بيتقال فيهم بل هم ك الانعام او اضل سبيلا
يبقي انت وبعد الشر عنك حيوان :D
واسف فى اللفظ
واديني كل مرة بارفق جملة ما لم تتعرض لامور الدين او الامور المسلم بيها
فيما عدا ذلك البديهي انك تتصرف بعقلك

وصدقونى اللى عايز يحل بيحل
واللى عايز ينهى مشكلة بينهيها
والمثل بيقولك كل شيئ بالخناق الا المش عارف ايه ..الخ
لا طبعا كل شيئ فى الدنيا بالاتفاق

نيجي بقي للجدال
والكلام اللى مش هيعجب ناس كتير

لو المشكلة بين ذكر وانثي بوجه عام

اظن لما المشكلة لما تتعلق بجنسين مختلفين الوضع بيختلف
وبتبقي المشكلة اصعب
ودا مش بمزاجنا دا من الفطرة
كل جنس بيحاول يثبت للتانى انه الاحق والاجدر
وفى بعض مشاكل مهما حاولت توصل لحل فيها مش هتعرف
شيطان النفس بيبقي ليه الغلبة فيها
والمسألة لما لتوصل لعند يالا السلام
طيب فين الاولوية هنا؟؟
ربنا علمنا فى دينا ان الرجال قوامون على النساء
ومش قوامون بالعافية ولا بالدراع
ولا بفرد الصدر زى ما بيعتقدها البعض
تلاقي واحد متخلف ونازل عليه غضب ربنا ويقولك انا راااجل
انا ربنا خلانى قواام عليكي
طبعا مبتجيش كده
الرجال قوامون على النساء لما فضل الله بعضهم على بعض
طيب وربنا فضل الرجاله بايه
بالانفاق والتوجيه
لان البديهي ان الراجل هو اللى بيشتغل وهو اللى بيواجه الحياة الخارجية
وهو اللى متولى شئون بينه وهو اللى بيحمل المسؤلية
ودا حق الزوجة عليه طبعا
وزى ما ده حق الزوجة على الزوج
يبقي حقه عليها انها تطيعه وتديله الاولوية فى الامور كلها

الراجل معروف بكمال العقل وحسن التدبير
ودى صفة ربنا خلقها فى الرجل
والنساء ناقصات عقل ودين ودى متفقين عليها ومفهاش جدال

يبقي براحة كده با اختى الراجل قوام عليكي
وليه الاولوية فى جميع التصرفات
وانتى حقه عليكي الطاعة الكاملة والامتثال لاومره بعد اوامر ربنا سلحانه وتعالى
يبقي ما لم يأمرك بمعصية يبقي امر الراجل هو النافذ
ودا شيئ طبيعي

يبقي العند عمره ما هيوصل لنتيجة
وعندك خيط ضعيف انتى مستخبيه وراه
كلامى مش بيقوى موقف الراجل ولا بيقوله استمر انت فى عندك
لكن لما نتكلم عن التنازلات
يبقي الست اولى بالتنازل
الست هى اللى ترخى لما الراجل يشد
الست هى اللى تلين لما الراجل يقوى
ومش بذل ولا بانكسار
بنفس راضية ومقتنعة
لان ده الصح
الست مخلوقة من ضلع راجل

وكلامى مش للمتزوجين فقط
حوا لما اتخلقت من ضبع ادم مكانش السبب انهم يبقو ازواج
ولكن السبب انهم يكونو حياة

ولذلك ادم ماتخلقش من ضلع حوا
ولكن العكس هو الصحيح

يبقي الامر لا يتعلق بالمتزوجين فقط

الامر يتعلق باى خلاف بين رجل وامراة

يبقي مينفعش تحطى نفسك راس براس ادام راجل
ومينفعش تقولى يا كذا يا اما بلاش
ومينفعش تقولى اشمعنى هو
مينفعش حاجات كتير اوى الستات بتكابر وتعاند فيها
لازم تبدأى بالتنازل
ولازم كفتك تخف شوية
خف تعوم :D
وصدقونى دا مش ضعف ابدا والله
دا بيكبر الست جدا فى عين الراجل وبيزودها احترام فى نظره
لكن نظام العين بالعين ده عمره ما كان حل و لا هيكون

الست ضعيفة بطبعها
مش ضعيفة القوة ولا الحيلة
ولكن ضعيفة التكوين وضعيفة التحمل
الدموع اساسها ست والاستكانة اساسها ست
وادام ده فى راجل بيقوى وبيساند
وراجل لوحده غير راجل + ست
وست لوحدها غير ست + راجل
اكيد الخليط بيبقي اقوى من ان طرف يكون لوحده

كفاية كده لاحسن طولت اوى
والناس فيصت منى :D

كل سنة وانتو مفيصين
قصدى طيبين
ومن كتاباتى مش محرومين :P

اقعدو بالصيام
:)

28 Comments:

  1. دريم كبير said...
    أيه ده انا هقرأ ده كله

    ؟
    !! a7mad sala7 !! said...
    يا لهوى
    كل دا موضوع

    الناس هتضربني ;))
    eslam saad said...
    كنت لسه داخل اقول مواضيعك طويــــلة اوى .. بس الحمد لله فى ناس سبقت

    ياعم ابقى هات من الاخر عشان نقدر نقرا

    ومتنساش الاختلاف قى الراى لا يفسد للود قضية

    ده كلامك
    halaS demahoM said...
    أزال المؤلف هذا التعليق.
    halaS demahoM said...
    أزال المؤلف هذا التعليق.
    halaS demahoM said...
    أزال المؤلف هذا التعليق.
    halaS demahoM said...
    أزال المؤلف هذا التعليق.
    !! a7mad sala7 !! said...
    eslam saad


    مواضيعي طويلة ماشي
    ايه المشكلة يعنى
    وناس سبقت وبتاع
    هى انتخابات

    ايه المشكلة يعنى

    هما المفروض موضوعين منفصلين
    بس انا سرحت وانا بكتب وربطت الاتنين ببعض

    اقرا اللى يريحك يا عم اسلام
    ومتقراش اللى مش مريحك
    !! a7mad sala7 !! said...
    http://www.bab.com/articles/full_article.cfm?id=6531


    راجعلكو قريب
    Boba said...
    مشاكل.. مشاكل .. مشاكل
    رجاله ستات بتتشاكل D:

    مش هقول تاني على ان الاختلاف الرأي لا يفسد للود قضية

    لاني بردك مازلت مصممة( وان كان تصممي هو المشكله) ان اللي بيفسد الود هو عدم التقبل للاختلاف وتفاهمه
    وانك تخرج نفسك برا الموضوع وتنظر له من الخارجو ما يكونش في صدرك اي ضغينة ان الطرف التاني يكون هو الصح
    فانت المفروض هدفك ان الصح هو اللي يتنفهم
    مش انت اللي تطلع صح

    وانك يكون عندك كامل الدرايه ان رأي اللي ادامك راي عظيم وبديهي -من وجهة نظره-حتى وان كان رأي في منتهى الحماقة -من وجهة نظرك- وتبتدي التعامل على هذا الاساس
    فاوع تبتدي النقاش مع حد وانت بتقوله انت غلط في كله وانت مش بتفهم
    عشان كده هو عمره ما هيسمعك

    محدش كل كلامه غلط..حاول يكون عندك سعة صدر واسمع له للاخر وهتلاقي عنده ولو جمله صح
    قوله انا متفق معاك جداااااا في النقطة دي
    وابتدي جره لمنطفتك(فكرتك)

    انما الاختلاف في حد ذاته.. فهو سنة الخلق
    في كل جوانب الحياة بلا استنثناء

    ------------------------
    بالنسبة بقى للمشاكل
    بين اي من الطرفين
    اي كان نوعهم
    بدون نظرة عنصرية

    صح الشيطان بيشتغل في دماغنا كتيييير
    ونفسنا اصلا هي امارة بالسؤ

    ربنا يتولانا برحمته


    اقولك من وجه نظري المتواضعة
    الحكاية ربنا قالها في 3 حاجات

    1/ إن يريدا إصلاحا يوفق الله بينهما
    يعني مش هيحصل صلح الا لو الطرفين عايز صلح .. وعايز فعلا ومن جواه
    وقالبه صافي
    ومعندو اي ازمة انه يتنازل في حاجة
    عشان هو بالقي ع الطرف التاني

    بسي مش تنسا الاية بتقول
    ان يريددا اصلاحا
    يعني الاتنين وفي نفس الوق..مش واحد

    2/ جعفر بن محمد قال: إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.

    يعني ديما يكون جواك حد بيدافع عن اللي ادامك
    وبيقولك هو اكيد مش كان يقصد يجرحك ولا يضرك.. هو اكيد ليه سبب

    3/ فكرة انك تكون باقي على الطرف التاني
    فما تختلفوا تحمل حساب انكوا في الاخر فيه بينكوا عشرة ومش ليكوا غير بعض
    فتختلف من غير ما تجرح
    و بالتالي عمره مما هيهون عليك تضره
    ولا ان الاختلاف يطول..لانه لما بيطول النفوس بتشيل من بعضها..وبيبقى الجرح اعمق
    Boba said...
    بالنسبة بقى لموضوع الجنسين
    بالله عليك بلاش تبص لها من هنا
    عشان اللي نطبق على الخلاف بين الجنس الواحد
    ينطبق على الخلاف بين الجنسين

    /*كل جنس بيحاول يثبت للتانى انه الاحق والاجدر*/
    يعني مثلاانا عمري ما هعند مع اللي بحبه لمجرد انه ولد وانا عايزة انتصر للنساء

    ولا الزوج هيمشي كلمته وهي غلط ويهدم حياته وينكد على نفسه وعلى بيته
    لمجرد انه ينتصر للرجال

    صدقني هي في الاخر مساله قلوب وشخصيات
    النوع مالهوش اي تدخل فيها

    وبعدين ممكن جدا تكون الست هي اللي عصبيه
    و الززوج هو اللي ربنا رزقه بالحلم
    فبيكون هو هنا الطرف اللي بيمتص عصبيتها.. وبعدين بيبتدوا يحلوا

    من موقف لموقف ومن شخصيات لشخصيات
    بيتفرض مين اللي يتنازل
    ما ينفعش ابدا اعمم واقول هي اللي لازم تتنازل
    بسي الصح ان الاتنين يبقوا من جوة عندهم الاستعداد للتنازل

    لان في الاخر هي اتنازلت او هو اتنازل
    واحد.. المفروض يعني انهم كائن واحد

    وبعدين الرجال قوامون على النساء
    قاومون..هنا مش فضل ولا ميزة ولا سلطة للرجل
    ده واجب وحمل القي عليه
    بانه يكون مصدر الامان والحمايه
    والرحمة وكل احتياجات زوجته

    /*الراجل معروف بكمال العقل وحسن التدبير
    ودى صفة ربنا خلقها فى الرجل
    والنساء ناقصات عقل ودين ودى متفقين عليها ومفهاش جدال*/
    سامحني ليا عتاب عليك
    زي ما قولتلك ما ينفعش تيجي تقول للبنت
    اسمعي كلامه عشان انتي ما بتفهميش
    ساعتها عمرها ما تسمع لك
    وهتبتدي بقى حتة العند انها هتعوز تثبتلك انها بتفهم وبتفهم احسن منه كمان

    الفكرة انهم يكونوا قلبهم على بعض
    وبيسمعوا كلام بعض
    وبيتناقشوا سوا
    وبيفكروا السوا
    مش يمنع بيكون القرار النهائي ليه
    بسي لازم يكون القرار النهائي ده بماشورتها ورضها.. عشان هي شريكته
    و هتتحمل معاه اللي هيجي من ورا القرار ده :)

    /*يبقي مينفعش تحطى نفسك راس براس ادام راجل*/
    سامحنى برده انا بكره الكلمة دي
    عشان هي فعلا راس براس
    ان لم تكن راس تعلوا على راس (في صفها)
    باي حق انك انت او اي شخص
    يقول انها مش راس براس
    ولا انه يعلوا عليها ولا انه افضل منها
    لا كمان بتطلقهااااااااااا

    انا بسي عايزة اقولك
    ان الراجل والست
    كأنين متكاملين
    مش كائن ذو افضاليه على كأن
    وعشان كده هما اتخلقوا كئن واحد
    عشان يفضلوا فاكرين انه في الاخر واحد
    بغض النظر مين اتخلق من مين
    ف الاتنين من خلق ربنا
    وايه السبب في كون ادم الاول دي حاجة اللي يحكم فيها و يفسرها هو ربنا

    /*حوا لما اتخلقت من ضبع ادم مكانش السبب انهم يبقو ازواج
    ولكن السبب انهم يكونو حياة

    ولذلك ادم ماتخلقش من ضلع حوا
    ولكن العكس هو الصحيح*/
    يعني لو كان العكس ده يتعارض مع وجود حياه!!!

    /*
    دا بيكبر الست جدا فى عين الراجل وبيزودها احترام فى نظره
    لكن نظام العين بالعين ده عمره ما كان حل و لا هيكون*/
    يا اساتاذي الفاضل ده لو هو راجل بيفهم(انا اسفة يعني)لانه لو كان بيفهم كان هيفهم ان المهم ان الصح هو اللي يمشي
    مش ان رأيه هو اللي يمشي
    وان القوامة مش مجرد سلطه منحت اليه من غير ادنى مجود من طرفه يتحكم بيها في اللي حواليه

    في الاخر انا مش قصدت ابدا اني ادافع عن حقوق المرأة
    ولا اني ادافع عن البنات

    لان في النهاية المسأله مسأة رحمة وحب
    هي هتبقى في كامل ساعدتها لما ترضيه وتشوفه مبسوط
    بسي لما تحس منه بحب واحتواء مش مجرد امر وتحكم

    ولما يبق ده نابع من جواهها بحب
    مش الزامي بيلزمها بيه ضعفها او قله حيلتها.. مع العلم بكونها اصلا مش كده

    سامحني يا ابو احميد لو كنت طولت عليك
    او قولت كلمة تدايقك
    انا اسفة:)
    Maryama Qandil said...
    ليا عودة بعد الافطار عشان انا مش مركزة دلوقتي :)
    !! a7mad sala7 !! said...
    جميلة اوى الردود اللى لسه مردتش عليها

    بس عايز الفت انتباهكو لحاجة

    انى لما بتكلم فى موضوع زى ده
    بتكلم بالديفولت

    يعنى بتكلم بوجه عام

    يعنى بردو بتكلم بالطبيعي اللى غالبية الناس المظبوطة بتعمله

    يعنى مبحطش احتمالات لنتايج ضعيفة الاحتمال
    اللى هما الناس المرضى
    اللى فى قلوبهم مرض يعنى
    او الناس اللى بتتغابي
    اللى قولت عليهم فى الموضوع نازل عليهم غضب ربنا

    //ومش قوامون بالعافية ولا بالدراع
    ولا بفرد الصدر زى ما بيعتقدها البعض
    تلاقي واحد متخلف ونازل عليه غضب ربنا ويقولك انا راااجل
    انا ربنا خلانى قواام عليكي
    طبعا مبتجيش كده//

    اللى هى دى

    انا اجملتها فى الحتة دى

    مش هفضل بقي كل ما اتكلم فى حتة اقول ازاى نتصرف مع الشواذ بتاعها
    اكيد لكل قاعدة شواذ
    وكل حاجة طبيعية بتتم لازم تلاقي ناس مبتعرفش تطبقها
    وهما دول اللى مسوئين الصورة

    دا مبدأيا قبل ما ارد
    !! a7mad sala7 !! said...
    حاجة كمان بس قبل ما ارد معلش

    انا شايف ان الناس بتروح بالموضوع لاتجاهات تانية

    اكيد كلامهم مش غلط وحتى لو عندى اعتراض عليه بس بيتهيألأى مش هيبقي موضوع مناقشه فى البوست ده

    يعنى معلش بس هنرد على اد البوست وافكاره

    مش عايزين نطول على اللى بيقرو اكتر من كده

    انا جالى شكاوى بالهبل :D
    e_emy said...
    كل سنة وانت طيب (:

    ايه الموضوع الجامد ده
    بس براحه علينا شويه دا البنات غلابه D:

    //لكن لما نتكلم عن التنازلات
    يبقي الست اولى بالتنازل
    الست هى اللى ترخى لما الراجل يشد
    الست هى اللى تلين لما الراجل يقوى
    ومش بذل ولا بانكسار
    بنفس راضية ومقتنعة //

    ايون بااقتناع لكن لو مش مقتنعه يبقى ليا وقتى او حق الاعتراض
    علشان اكيد عقلنا ربنا ادهولنا ل كده
    حتى لو غلطانه مش عيب ...

    //مينفعش حاجات كتير اوى الستات بتكابر وتعاند فيها
    لازم تبدأى بالتنازل
    ولازم كفتك تخف شوية
    خف تعوم :D
    وصدقونى دا مش ضعف ابدا والله
    دا بيكبر الست جدا فى عين الراجل وبيزودها احترام فى نظره
    لكن نظام العين بالعين ده عمره ما كان حل و لا هيكون //

    اه مش ضعف
    بس صدقنى فيه رجاله بتحب الجدال
    او ان زوجته يبقى عندها شخصيه زى ما بيقولوا D:

    ومش لازم دايما هى الى تبدا بالتنازل
    الحياة مشاركة وعلشان نحافظ ع بعض يبقى نتنازل احنا الاتنين ..

    //المشكلة ان الاتنين يبقو مستعدين يضحو
    عشان يوصلو لاتفاق ينهى مشكلتهم//

    هو دا الحل لاى مشكله ف الدنيا


    ربنا يهدينا يااااارب
    ويبعدنا عن المشاكل (:
    !! a7mad sala7 !! said...
    e_emy

    يمكن انتى اكتر حد فهم قصدي صح

    //ايون بااقتناع لكن لو مش مقتنعه يبقى ليا وقتى او حق الاعتراض
    علشان اكيد عقلنا ربنا ادهولنا ل كده
    حتى لو غلطانه مش عيب ...
    //

    اكيد طبعا
    لان التنازل مش من غير سبب
    انا بتكلم لو وصلو لطريق مسدود فى الحل

    لكن طول ما فى عقل يحكم
    يبقي هو الاولى طبعا
    والعقل ملوش جنس
    الراجل ليه عقل والست بردو ليها عقل

    وزى ما قولت تحتها

    //المشكلة ان الاتنين يبقو مستعدين يضحو
    عشان يوصلو لاتفاق ينهى مشكلتهم//


    وابعد يا شطان ابعد يا شطان :D

    نورتينى سموك :)
    !! a7mad sala7 !! said...
    امسكنى لو تعرف

    //وحوي يا عمو//
    وحوى يا حبيبي

    //طول عمري بحاول اقنع نفسي ان احمد صلاح مش رغاي
    بس للاسف//

    طوووول عمرك
    يااااه
    ومحاولتش تشغل حياتك بحاجة تانية :D

    //رغاي//
    على اساس انك رادد فى كلمتين مش كده ؟؟

    //علي فكره انت واخد الموضوع ده من علي لساني عشان كده انا مش هكتبه لانك قمت بالواجب//
    فى بيتها يا سيدي


    نخش فى الموضوع..
    !! a7mad sala7 !! said...
    //\\
    اختلاف الراي لا يفسد للود قضيه
    \\
    انا هموت وافهم معني الجمله دي//

    تموت ليه يا عم بعد الشر
    احنا بنقول لا يفسد للود قضية
    الود
    يعنى مهما اختلفنا الود ما بينا موجود
    مش هيبقي اختلاف فى رأى هو سبب مشسكلة يعنى
    واظن مهما كان الاختلاف مش هيبقي السبب انه يشيل الود ما بين اتنين

    //
    \\
    على فكرة عمر الاختلاف فى وجهات النظر ما كان سبب فى مشكلة
    \\
    لا ... خانك التعبير في دي يا ابو صلاح
    لان اختلاف وجهات النظر بيسبب مشاكل كتير اوي//

    لا متاخدش اسلوب تقطيع الكلام ده
    زى واحد ييجي يقولك القران لا تقربو الصلاة

    مع ان النص بقيته بيقول وانتم سكارى

    يبقي المشاكل اللى بتكلم فيها دى مش المشاكل اللى تودى فى داهية يعنى

    //
    هيا الغزاله سرحت منك ولا ايه؟
    ولا هو الصيام عامل معاك واجب
    كلامك مينفعش يا ابوالصلح
    طبعا عارفك رغاي ورزل وهتقولي ليه؟
    اقولك انا بقي ليه
    لانك..

    لحد

    ..الشاهد
    ان العقل مش دايما بيوضح لك كل الزوايا صح//

    اديك انت اللى رغاى اهو
    انت قصدك من الجزء دا كله ان القلب ليه تدخل فى الحكم

    دا اكيد طبعا

    لفظ العقل هنا مقصدش بيه الحتة اللى فوق رقبتك بس
    اقصد قواك العقلية بما فيها من مفاهيم الرحمة والتقدير للظروف وما الى ذلك

    انا مبتكلمش عن الحب ولا ما شابه ذلك

    انا اقصد من العقل هنا هو استخدام الحكمة بكل مفاهيمها

    يمكن فى دى بقي خاننى التعبير
    بس ماقصدش انه استخدام عقلي بحت يعنى

    //\\
    والمثل بيقولك كل شيئ بالخناق الا المش عارف ايه ..الخ
    لا طبعا كل شيئ فى الدنيا بالاتفاق
    \\
    معاليك سمعت المثل ده غلط//

    بص انا كاتب .. الخ دى عشان افهمك انى ماقصدش بالذكر اللى هييجي بعدها
    ولا حتى عشان اقول هو صح ولا غلط
    بس انا اخدت الجزئية اللى عايز اتكلم عنها طالما مغيرتش معنى الكلام اللى بعدها

    يبقي انا مهمنيش المثل اتقال ازاى
    انا اقصد ان كل حاجة بالاتفاق
    ومليش دعوة بالجواز دلوقتى يا عم الحاج
    بلاش نفرع مواضيع


    //اما بالنسبه للكلام بتاع التنازلات ده// .....
    !! a7mad sala7 !! said...
    //
    مش بحب اجي علي حد المفروض ان انا الوحيد اللي ميجيش علي حقه
    ولو الزوجه كبرت في نظر زوجها عشان بتتنازل بتتنازل عمال علي بطال
    فهي بتقل في نظر نفسها بعض الشئ
    لغيت ما توصل لدرجه انها وقعت من نظر نفسها خالص//

    يا سيدي مقولناش تيجي على حقها
    وعمال على بطال ايه بس
    انت عايز تسخنهم عليا
    هههههههههه

    احنا بنقول فى الامور اللى مبنوصلش فيها لحل
    سيدنا محمد قال استوصو بالنساء خيرا
    انت بتحسسنى انى بقولك مرمط الستات

    انا بتكلم فى حالة واحدة من الحالات
    متاخدش العاطل فى الباطل وتشيلنى ذنب مارتكبتوش

    //\\
    ولكن ضعيفة التكوين وضعيفة التحمل
    الدموع اساسها ست والاستكانة اساسها ست
    \\
    شكلك متعرفش ستات يا ابوصلاح
    هههههههههه
    الله
    ولا انا اللي معرفش رجاله
    ؟؟؟؟؟؟؟؟؟؟//

    ههههههههههههههههههه
    وصلت وصلت

    بس انا بتكلم فى الديفولت
    عارف ان فى ستات قوية ومفترية
    بس مش هنتكلم فى الموضوع ده بردو

    //بعد كده يابوصلاح كلامك مش ليه اهميه قد كده يعني//
    وانت كده بقيت الرد ملوش علاقة بالموضوع

    نورت ياللى بتدوس ع الازااز
    OlivE said...
    بسم الله الرحمن الرحيم

    انا قولت ادخل دلوقتى فى هدنه كدا والجو تمام علشان الحرب تكون هديه
    وبراحه كدا علشان مبحبش الصوت العالى يعنى بعد اذنكم...

    اولا كلامك فى الاول دا انا متفقه فيه معاك جدا ومقدرش اقول فيه اى حاجة طبعا الشيطان هو عدونا الاكبر ويليه نفسنا اللى جوانا
    يعنى احنا فى رمضان اهو وممكن تلاقى ناس شغاله سرقه ونهب وكل المحرمات تمام فيها اوى مع العلم ان مفيش شيطاين دلوقتى
    دلوقتى بالظبط تعرف مين اللى اللى شيطان ممشيه ومين اللى هواه ونفسه مسيطره عليه
    بسم الله الرحمن الرحيم
    ( إن النفس لاماره بالسوء الا ما رحم ربى) صدق الله العظيم

    وربنا يهدينا جميعا الا ما يحبه ويرضاه لنا اجمعين يارب ...


    نيجى بقى للعند اى حد عنيد بيبقى عايز يثبت لنفسه من جواه انه هو اللى صح وهو اللى تمام فى كل تفكيراته
    يبقى دا بقى شيطان النفس العند فى الحاجات الغلط دى شيطان النفس من جوانا احنا ...



    موضوع بقى العلاقه ما بين اى اتنين مرتبطين لازم يكون فيها وفاق وتوافق فى كل حاجات معينه اولا الوفاق والوتفيق دى بقى من الله عزوجل
    الوافق بمعنى ان انى اكون مثلا متوافقه معاه ودماغنا واحده فى الاسياسيات اللى هتقوم عليها حياتنا يعنى سكتنا واحده مش دا فى اتجاه وهو فى اتجاه ودى مفيهاش اى نوع من انواع السيطره دا كل واحد ليه تفكيره وعقله واراه اللى يقدر يوصلها للتانى ويقدروا يوحدوا اهدافهم فيها بدون اى تنازلات او تضحيات علشان النفس تبقى راضه من جواهم ...



    المشاكل بقى ما بين الجنسين يعنى ما بين اخ واخت مثلا وكل واحد شايف انه اهله بيميز التانى عنه يبقى مشكله اهل وتفكير مش مشكله الشخصين نفسهم
    ما بين واحد وواحد فى شغلهم مثلا او ما شايه ذلك يبقى مشكله مجتمع وبلد كامله ككل مش على قد هو وهى بس
    لو مشكله بقى ما بين زوج وزوجه وان كل واحد شايل من التانى بسبب ان كل واحد بيدافع عن جنسه سورى يعنى دا يبقى غباء لانها يبقى تحولت لحرب كامله ما بينهم وهى تعمل جمعيه يانساء العالم اتحدن وهو يعمل جمعيه يا راجل العالم اصحو وفقوا كدا واشرب مج نسكافيه معانا ...
    OlivE said...
    الله سبحانه وتعالى ادرى بينا عن نفسنا وعن طبعنا وعادتنا وكل حاجة.
    الله سبحانه وتعالى لما اعطى القوامه للرجال عن النساء فدا بحكمته وسلطانه هو ودى حاجة مفيش حد يقدر يعترض عليها ابدا
    مفيش ست تقدر تتحمل مسئوليه بيت كامل نهائيا هتضعف ومش هتستحمل دا لمده سنه واحده بس لان مظاهر التعب هتبان عليها فعلا
    الراجل بقوامته فهو اساس للبيت حتى لو فى مشاكل على قلبها وقلبه زى العسل لان دا الطبيعى وبعد كدا المركب هتبقى ماشيه تمام من غير ما حد يبق للتانى على كل حاجة دا المفروض يبقى اساس اى بيت ...

    //الست هى اللى ترخى لما الراجل يشد
    الست هى اللى تلين لما الراجل يقوى
    ومش بذل ولا بانكسار
    بنفس راضية ومقتنعة//

    انا مقتنعه بالكلمتين دول جدا بس غصب عنها ولا ضعف لا دا بحب ولان دا واجبها اتجاه جوزها وطول ما هى شايفه نفسها جوزها راضى عنها وحتى ولو حصل تقصير منها بيعتبها باسلوب محترم عمرها ما هتشيله مشاكل فوق مشاكله ...


    //وراجل لوحده غير راجل + ست
    وست لوحدها غير ست + راجل
    اكيد الخليط بيبقي اقوى من ان طرف يكون لوحده//
    راجل لوحده غير راجل + ست+ توافق+ احترام + ثقه + رضا نفسى ...
    وست لوحدها غير ست + راجل+ سكينه + موده+ أخلاق فى التعامل + حوار ومشاركه

    فى الحاله دى يبقى الخليط اقوى مليون مليون مره ...


    انا اتكلمت كتير
    سورى
    بس انت اللى اقرت اكتر من نقطه فى الموضوع دا

    سلامى
    !! a7mad sala7 !! said...
    Boba

    //مشاكل.. مشاكل .. مشاكل
    رجاله ستات بتتشاكل D:
    //
    اه دى حكايات زوج معاصر
    كنت بحب اتفرج عليها

    //وانك تخرج نفسك برا الموضوع وتنظر له من الخارجو ما يكونش في صدرك اي ضغينة ان الطرف التاني يكون هو الصح
    فانت المفروض هدفك ان الصح هو اللي يتنفهم
    مش انت اللي تطلع صح//

    دا اكيد
    والمناقشة ملهاش دعوة بافراد
    المناقشة كلام على ورق ملهش دعوة باى طرف

    //..قوله انا متفق معاك جداااااا في النقطة دي
    وابتدي جره لمنطفتك(فكرتك)//

    ماشي لحد هنا مقدمة
    متفق معاكى
    بس ملهاش علاقة بالموضوع

    //انما الاختلاف في حد ذاته.. فهو سنة الخلق
    في كل جوانب الحياة بلا استنثناء//

    مش عارف بصراحة
    اول مرة اسمع المقولة دى



    //الحكاية ربنا قالها في 3 حاجات//
    ^
    ^
    //1/ إن يريدا إصلاحا يوفق الله بينهما >>طب دى ايه قرانية ماشي

    لكن دول:
    2/ جعفر بن محمد قال:.. ؟؟؟؟
    3/ فكرة انك تكون باقي على الطرف التاني ؟؟؟؟؟ //

    ما علينا

    بالنسبة لرقم 1 تمام من يهد الله فما له من مضل


    //بسي مش تنسا الاية بتقول
    ان يريددا اصلاحا
    يعني الاتنين وفي نفس الوق..مش واحد//

    تمام دا اللى قولته فى البوست
    شكرا على الاضافة
    او اعادة الصياغة

    //
    يعني ديما يكون جواك حد بيدافع عن اللي ادامك
    وبيقولك هو اكيد مش كان يقصد يجرحك ولا يضرك.. هو اكيد ليه سبب//

    جوايا حد بيدافع عن اللى ادامى فى عدم وجوده
    لكن لما يكون موجود يدافع عن نفسه
    انا التمسله العذر لو مش قادر يتكلم او يعبر عن سبب غلطته او مش متواجد اصلا
    لكن انا مش هخلق اعذار وهمية لمجرد انى باقي عليه

    //فما تختلفوا تحمل حساب انكوا في الاخر فيه بينكوا عشرة ومش ليكوا غير بعض
    //
    ايوة تمام
    بس المشكلة موصلتش لكده يعنى
    احنا بنقول مشكلة
    بس مقولناش وصلت للانفصال
    فين العشرة من الموضوع
    واكيد حفظ العشرة دى حاجة مشتركة من الطرفين
    لازم يبقي واخدين بالهم من الحتة دى اوى فى كل التصرفات


    //بالنسبة بقى لموضوع الجنسين// ......
    !! a7mad sala7 !! said...
    //يعني مثلاانا عمري ما هعند مع اللي بحبه لمجرد انه ولد وانا عايزة انتصر للنساء//

    انا مقولتش حد بيحب حد او لا
    انا بقول مشكلة بين ذكر وانثي عامة

    وبعدين دى فطرة على فكرة
    يعنى مش بمزاج حد منهم
    وبعدين الكلام اثناء الحياة الوردية غير ساعة المشاكل خالص
    محدش ساعتها بيفتكر الحب وخلافه
    وقت تدخل الشيطان
    ووقت ما العند يركب الطرفين
    بيختلف الكلام خالص
    هو دا اللى بتكلم عنه هنا

    لكن مقولتش ان ساعة ما تحصل مشكلة اقوم جاى على الست لمجرد انها ست


    من كلامك
    //بسي الصح ان الاتنين يبقوا من جوة عندهم الاستعداد للتنازل//

    من كلامى
    //المشكلة ان الاتنين يبقو مستعدين يضحو
    عشان يوصلو لاتفاق ينهى مشكلتهم//

    لا جديد!!


    //سامحني ليا عتاب عليك
    زي ما قولتلك ما ينفعش تيجي تقول للبنت
    اسمعي كلامه عشان انتي ما بتفهميش
    //

    مقولتش كده ابدا
    وبلاش بردو تشيلينى ذنب مارتكبتوش
    انا اتكلمت عن ان مين القوام
    وايه سبب كده
    وادى توضيح
    http://www.egyptsons.com/misr/thread93715.html
    وهنا كمان
    http://www.bab.com/articles/full_article.cfm?id=6531

    //وهتبتدي بقى حتة العند انها هتعوز تثبتلك انها بتفهم وبتفهم احسن منه كمان//

    دى مشكلتها هى بقي


    //الفكرة انهم يكونوا قلبهم على بعض
    وبيسمعوا كلام بعض
    وبيتناقشوا سوا
    وبيفكروا السوا
    مش يمنع بيكون القرار النهائي ليه
    بسي لازم يكون القرار النهائي ده بماشورتها ورضها.. عشان هي شريكته
    و هتتحمل معاه اللي هيجي من ورا القرار ده :)//

    جميلة اوى الصيغة
    بس انا مقولتش عكس كده

    //
    سامحنى برده انا بكره الكلمة دي
    عشان هي فعلا راس براس
    ان لم تكن راس تعلوا على راس (في صفها)
    باي حق انك انت او اي شخص
    يقول انها مش راس براس
    ولا انه يعلوا عليها ولا انه افضل منها
    لا كمان بتطلقهااااااااااا//

    تكرهيها او تحبيها دى حاجة ترجعلك
    بس هى مش راس براس
    ومش بالعافية يعنى
    لو راس براس مكانش تبقي شهادة الانثي بنصف شهادة رجل
    ومكانش بقي نصيب الذكر مثل نصيب الانثيين
    ومكانش الراجل بقي ليه المسؤلية
    ومكانش ومكانش
    هى مش بمزاجى ولا بمزاج اى حد
    دا ربنا اللى حكم بكده
    ولو قريتي اللينكين هيثبتولك صحة كلامى
    عمر الراجل والانثي مكانو راس براس ابدا

    /ولذلك ادم ماتخلقش من ضلع حوا
    ولكن العكس هو الصحيح*/
    يعني لو كان العكس ده يتعارض مع وجود حياه!!! //

    انا شخصيا ماعرفش
    الله وحده اعلم
    بس هو ربنا خلاها كده
    واكيد دا لحكمة من عنده
    ولو مش لحكمة كان خلى العكس


    //يا اساتاذي الفاضل ده لو هو راجل بيفهم(انا اسفة يعني)لانه لو كان بيفهم كان هيفهم ان المهم ان الصح هو اللي يمشي
    مش ان رأيه هو اللي يمشي
    وان القوامة مش مجرد سلطه منحت اليه من غير ادنى مجود من طرفه يتحكم بيها في اللي حواليه//

    وانا مقصدتش غير الراجل اللى بيفهم
    لانى سبق وقولت انى بتكلم عن الديفولت
    يعنى الطبيعي ومليش دعوة بشواذ القواعد دلوقتى


    //سامحني يا ابو احميد لو كنت طولت عليك//

    لا مفيش لوم ع الاطالة هنا لان انا اللى طولت الاول
    !! a7mad sala7 !! said...
    SAD Only

    //انا قولت ادخل دلوقتى فى هدنه كدا والجو تمام علشان الحرب تكون هديه //

    لا مفيش حرب ولا حاجة


    شكرا على الاضافة فى الرد الاول
    ومتفق معاكى تماما
    !! a7mad sala7 !! said...
    //راجل لوحده غير راجل + ست+ توافق+ احترام + ثقه + رضا نفسى ...
    وست لوحدها غير ست + راجل+ سكينه + موده+ أخلاق فى التعامل + حوار ومشاركه

    فى الحاله دى يبقى الخليط اقوى مليون مليون مره ...//

    والخليط دا افضل
    عشان الخليط بتاعى معجبش محمد صلاح :D

    تمام يا استاذى لا خلاف فى وجهات النظر
    !! a7mad sala7 !! said...
    ♥ Am fOpa'D ♥

    البلوج مفتوح 24 ساعة
    وانا جاهز للرد انى تايم :D

    المهم تفطرى بس وتركزى كده
    halaS demahoM said...
    أزال المؤلف هذا التعليق.
    !! a7mad sala7 !! said...
    يالا

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds