اى دمعة حزن نو


أى دمعة حزن لا .. أى جرح فى قلب لا
أى لحظة حيرة لا .. حتى نار الغيرة لا
عايشين سنين أحلام .. دايبين فى أحلى كلام
لا عرفنا لحظة ندم .. و لا خوف من الأيام

قلبى دق دق دق .. قلت مين على البيبان دق
قاللى افتح ده الزمان .. قلت له يا قلبى لا
جى ليه يا زمان .. بعد ايه يا زمان
من كام سنة قلبى و أنا .. عايشين هنا من كام سنة
من كام سنة دنيا الهنا .. بتضمنا من كام سنة

و قال ايه جى الزمان يداوينا .. من ايه جى يا زمان تداوينا
دا الأمل فى عينينا .. و الفرح حوالينا
سأل الزمان و قال .. ايه غير الأحوال
قلنا له حبينا حبينا .. و ارتحنا و نسينا الجرح بتاع زمان

***************

احنا احنا احنا اللى امنا للزمان احنا
احنا احنا اللى وخد منا الأمان و جرحنا
و احنا اللى طاوعنا احنا و عمره فى يوم ما ريحنا
ولا ملامة علينا لا ملامة دا احنا تعبنا و دوبنا ياما
و أما نادينا عليه يداوينا عمره ما فكر فى يوم يجينا
و أدينا عايشين و بقينا عاشقين .. لا جراح فى قلوب و لادمع حزين

و لما دق الحب بابنا .. الربيع نور شبابنا
وقال ايه جى الزمان الزمان يداوينا .. من ايه جى يا زمان تداوينا
دا الأمل فى عينينا و الفرح حوالينا
سأل الزمان و قال ايه غير الأحوال
قلنا له حبينا حبينا حبينا .. و ارتحنا و نسينا ارتحنا و نسينا
الجرح بتاع زمان

***************

وفى ليلة مش ناسيها .. سهران الفرح فيها
جانى الزمان و معاه هدية فرحت بيها .. حبيبي الأولانى
سافرت كتير معاه .. بأحلامى فى هواه
سقيته من حنانى .. و بنيت معاه أمانى
و قلت يا ريت يا دنيا .. تدينى عمر تانى

و صحيت على العذاب .. لقيت الفرح غاب
و الحب يا عينى داب .. أتارى الزمان كداب
وقدرت يا زمان .. فى رحلة النسيان
أنسى اللى كان و أرتاح .. و أبعد عن الأحزان

***************

شوف يا قلبى .. شوف يا قلبى .. شوف يا قلبى
شوف الدنيا يا قلبى حلوة ازاى بالحب بالحب يا قلبى
عمرك شفت قمر سهران .. غير للعشاق
و لا نجمة جايبة كلام .. غير للمشتاق
كل العاشقين زينا عايشين .. لا جراح فى قلوب و لادمع حزين
وقال ايه جى الزمان يداوينا .. من ايه جى يا زمان تداوينا
دا الأمل فى عينينا و الفرح حوالينا .. سأل الزمان و قال ايه غير الأحوال
قلنا له حبينا حبينا حبينا .. و ارتحنا و نسينا ارتحنا و نسينا
الجرح بتاع زمان
قال ايه جى الزمان يداوينا .. من ايه جى يا زمان تداوينا
دا احنا حبينا حبينا و ارتحنا و نسينا و نسينا الجرح بتاع زمان

****************
كلمات محمد حمزة

11 Comments:

  1. Unknown said...
    خير بس
    ليه الحزن
    الاغنية دي ليها معايا شوية ذكريات ملخبطة كده !
    !! a7mad sala7 !! said...
    فين الحزن

    الاغنية سجال يعنى
    رايح جاى :D

    وهى الدنيا كده


    نورت فى اول زيارة
    ShiMOo said...
    اللــــــــــــــــــــــــــــه

    (L) حليـــــــــــــــم (L)
    ЯậŇ MỗŘỹ said...
    و صحيت على العذاب .. لقيت الفرح غاب
    و الحب يا عينى داب .. أتارى الزمان كداب


    الكلام حلو
    بس ليا تعليق على دى
    "الزمان كداب"
    عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
    الدهر يعنى الوقت و الزمن
    Let's Go Forward said...
    اغنيه روعه
    تسلم
    Maryama Qandil said...
    اول مرة اقرا واسمع عن الاغنية دي
    سنجد ما فيها من جوهر

    بس وااضح انها كئيبة شوية
    (
    سأل الزمان و قال .. ايه غير الأحوال
    قلنا له حبينا حبينا .. و ارتحنا و نسينا الجرح بتاع زمان
    )
    !! a7mad sala7 !! said...
    ShiMOo


    //(L) حليـــــــــــــــم (L)//

    بقالى فترة عمال اترجم دى
    مش عارف :D
    ShiMOo said...
    امممممممم تقصد تترجم الايموشن يعني ؟
    عموما لو كنت تقصد الايموشن ده (L)
    ده ايموشن القلب بس على الهوت D:
    !! a7mad sala7 !! said...
    اهاااااااااا

    اصل انا مبحبش الهوت ميل :d
    !! a7mad sala7 !! said...
    Let's Go Forward

    و

    ♥ Am fOpa'D ♥


    نورتونى فى اول زيارة :)
    wegdan said...
    حلوه كثير :)

    وفعلا هي كذا الدنيا

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds