هوس العيون



تسمعو عن الهوس

هوس المصارعة .. هوس عمليات التجميل .. هوس مش عارف ايه

اللى هو mania

الهوس يعنى ببساطة الاهتمام الزائد عن الحد بحاجة معينة

من انواع الهوس بردو هوس العيون
فى ناس فعلا عندها هوس للعيون

انا منهم تقريبا :D
بس الحالة عندى مش خطيرة يعنى
مش هوس اوى :D

بس حصل ادامى مواقف كتير فعلا حاجة غريبة

من فترة كده كنت فى مقلة
بتاعة اللب انا وواحد صاحبي
خارجين وبنشترى لب

الراجل عمال يعبي اللب فى البتاع ده
اللى هو قرطاس باين ولا مش عارف اسمه ايه :D

الراجل بقي عمال يعبي ع الفاضي
ومتنح فى عين الواد صاحبي
بقوله يا عم
يا عااااااام
ودا مش معايا ومتنح
قجأة بيقول للواد صاحبي ايه
يخررررب بيييت عييينك

صاحبي قاله الله يخرب بيتك
مش عايزين لب
يالا يا عم
ههههههههههههههههه

فكرنى باعلان روتانا سينيما
الراجل اللى فى القهوة عمال يصب الشاى على الفاضي
ومتنح فى التليفزيون

كنا بردو فى درس ايام الثانوى
المدرسة كانت بتقوله متقعدش ادامى
عشان تركز فى الشرح :D

مواقف كتير مش هحكى عنها


ايه بقي حكاية الهوس دا مش عارف

بس عن نفسي
لما بلاقى عين مختلفة عن المألوف
بتشدنى شخصيا
ولد او بنت :D

يعنى الديفولت ان العيون بتبقي سودا

فلما بشوف عين خضرا او زرقا او رمادي
احيانا العسلى

وفى عيون ليها الوان غريبة
متعرفش تديها لون معين

بتلاقي عيني راحت عليها على طول
اول حاجة بتلفت انتباهى فى اى شخص عينه

بيقولو ان لغة العيون دى لغة جامدة جدا
وفى ناس فعلا بتتفاهم بمجرد النظرات

غير ان التطور الطبيعي للحب بييجي من العيون بردو :D

ناس بتتخاصم بالعيون وتتصالح بالعيون
ناس بتتفق بنظرات العيون

موضوع كبير كبير كبير :D

بس بجد العيون عامل مهم جدا من عوامل جمال الملامح
يمكن اهمها من وجهة نظرى

مش هوجع دماغكو اكتر من كده

فوتكم بالهوس :D

10 Comments:

  1. no2 no2 said...
    waiting
    !! a7mad sala7 !! said...
    it's done
    morgana said...
    :)
    اه
    ايوه(;
    !! a7mad sala7 !! said...
    ههههههههههههههههههههههه


    اه ايه ؟

    لا

    لالالالالالا


    مش كده؟

    لا لا انا متاكد

    ههههههههههههههههههههه
    halaS demahoM said...
    يقول الشاعر الغنائي محمد حماقي
    في عيون كتيره سوده زرقا خضرا مع غيري فارقه عندي متساويش

    بص يا صلاح
    انا من الناس اللي بتعلق مع العيون ممكن ارشق في عين مسيبهاش غير لما تختفي عني
    وياما شفنا عيون وياما هنشوف
    بس علي فكره مش شرط تكون ملونه
    ومدياك لون فاتح
    هو مطلوب صحيح ... بس مش شرط
    في عيون قويه جدا ... وفي عيون في منتهي الهدوء
    والحمد لله بقدر اميزها
    ومن العيون اللي بتعجبني فعلا عيني
    بخلاف انها ازرق سماوي ... لاء مش مهم اللون المهم انها قويه جدا ... تحس انك واقف قدام صقر
    مبحبش اتكلم عن نفسي
    هههههههه
    لا لالا لا
    بص العيون اللي بتقدر تتغير وتعبر عن مواقف من غير كلام
    دي العيون اللي الواحد يتشد ليها بخلاف اللون وان كانت واسعه ولا ضيقه
    والحمد لله بقدر اميزها
    ولو عاوز ابقي اقولك علي انفراد
    س ل ا م ي
    بس مش ليك
    لصاحبك ابو عيون جريئه
    وابقي سلم لي علي بتاع اللب
    !! a7mad sala7 !! said...
    بص يابوالصلح


    الوان العيون مش مقياس للحكم على الناس

    انا مقلتش كده

    كل ما فى الامر انه منظر جمالى بالنسبالى


    //بخلاف انها ازرق سماوي ... لاء مش مهم اللون المهم انها قويه جدا ... تحس انك واقف قدام صقر//

    ههههههههههههههههههههههه
    يابن الايه يا لذينه
    كل ده
    امال انت بتلبس نضارة شمس وانتى بتكلمنى ولا ايه
    ღ tota ღ said...
    حلوه اوووي الصوره اللي انت حاطتها

    عين مخلطه...ازرق تلاقي اخضر تلاقي

    كل الالوان..لاول مره معاً :D
    !! a7mad sala7 !! said...
    ღ tota ღ

    :D

    هو فى حد ينفع يحقق المعادلة الصعبة دى


    عين كوكتيل
    Unknown said...
    الموضوع ده عجبنى علشان انا من النوع ده اللى بيتهوس بالعيون
    يعنى اول شيئ يلفت انتباهى هو العين

    انا كنت فكرة انا بس اللى فيا العادة دى وبحاول انى ابطلها لكن مقدرتش
    بس من كلامك اتضح لى ان فى ناس زيىّ ,قلت الحمد لله انها مش حاله غريبه
    اصل انا اول تعليقى على اى صورة لاى حد سواء كان طفل او كبير , ولد او بنت بيكون على عينيه,لكن اللى معايا تعليقاتهم غير كده

    ومش شرط اللون, المهم الجاذبية
    انا كمان فيا عادة رسم العيون يعنى طول ما قدامى ورقة وقلم سواء بذاكر او حتى فى الشغل تلاقى الورق مليان عيون
    يارب اخف شويه من الهوس ده بقى (هوس العيون) علشان بجد الحكاية دى عملالى قلق , وخايفة فى مرة اعمل زى بتاع اللب
    !! a7mad sala7 !! said...
    mero

    لا مش انتى بس متقلقيش
    الحكاية دى منتشرة :D

    ومش بس بتاع اللب فى امثلة كتير بس مش هعد بقي

    نورتى البلوج ميرو

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds